അഘോരിയുടെ അസ്ത്രം ജയരാമന്‍റെ നെഞ്ചിൽ പതിച്ചു, വലിയൊരു കരിങ്കല്ല് വന്ന് നെഞ്ചിലിടിച്ച പോലെയാണ് ജയദേവന് തോന്നിയത് . അയാൾ പത്തടിയോളം പിന്നിലേക്ക് തെറിച്ചു വീണു. തനിക്ക് ചുറ്റും ഭൂമി കീഴ്മേൽ മറിയുന്നത് പോലെ തോന്നി. മഞ്ഞിൽ മലർന്നു വീണുപോയ ജയരാമന് തന്റെ ശരീരം തളർന്ന് പോയതായി അനുഭവപ്പെട്ടു. എഴുന്നേൽക്കാനാകാതെ വെപ്രാളപ്പെട്ട ജയരാമന്‍റെ നെഞ്ചിലേക്ക് ആ ചെന്നായ കുതിച്ച് ചാടി. അതിന്റെ കൂർത്ത നഖങ്ങൾ നെഞ്ചിലമർന്നു. മരണം അതിന്റെ വന്യതയോടെ തന്നെ ആലിംഗനം ചെയുന്നത് ജയരാമനറിഞ്ഞു. നട്ടെല്ലിലൂടെ തണുപ്പ് ശരീരം മുഴുവൻ വ്യാപിച്ചു.
