Part--4

എന്നെ കാണാൻ വന്ന ആളെ കണ്ട് ഞാൻ ഞെട്ടി തരിച്ചു നിന്നു...എവിടുന്നോ കിട്ടിയ ബോധത്തിൽ ഞാൻ അയാളെ വീട്ടിലേക്ക് കയറ്റി ഇരുത്തി..

ആരായായിരുന്നു ഇച്ചായ അത്?

അവളുടെ ആകാംഷ നിറഞ്ഞ ചോദ്യം കേൾക്കവേ എന്റെ ചുണ്ടിൽ ഒരു ചിരി മിന്നി മാഞ്ഞു..

വേറെ ആരും അല്ല പാലയ്ക്കൽ അലക്സ്‌ റോയ് എന്നാ നിന്റെ അപ്പൻ..

അത് പറഞ്ഞപ്പോൾ അവളിൽ ഒരു ഞെട്ടൽ ഉണ്ടായത് ഞാൻ അറിഞ്ഞു...

അപ്പച്ചൻ എന്നാത്തിനാ ഇച്ചായനെ കാണാൻ വന്നത്.?

അതിന്ന് അവൻ ഒന്ന് ചിരിച്ചു.. ശേഷം വീണ്ടും തുടർന്നു..

എന്നാടാ ജോയെ എന്നെ ഒട്ടും പ്രേതീക്ഷിച്ചില്ല അല്ലേടാ?

ഇല്ല.. ഒട്ടും പ്രതീക്ഷിച്ചില്ല.. അച്ചായൻ(അവളുടെ അപ്പനെ ജോയ് അങ്ങനെയാ വിളിച്ചിരുന്നത്)എന്നാ ഇവിടെ..

നീ പ്രതീക്ഷിച്ചില്ല എന്നത് എനിക്ക് നിന്റെ മുഖത്തു നിന്ന് മനസ്സിലായി... അല്ല നിനക്ക് ഇന്ന് ഹോസ്പിറ്റലിൽ പോകണ്ടായോ?

ഇല്ല അച്ചായാ ഇന്ന് പോകുന്നില്ല.. രണ്ട് ദിവസം ആയിട്ട് നല്ല തലവേദന... അതോണ്ട് ലീവ് ആണ്..

ഓഹ്.. ഈ തലവേദനടെ കാരണം എന്റെ മോൾ അന്നമ്മ ആന്നോടാ..

കൊടുത്ത ചായാ മുത്തിക്കുടിക്കുന്നതിനിടയിൽ അച്ചായൻ ചോദിക്കുന്നത് കേട്ട് ഞാൻ ഒരു നിമിഷം തറഞ്ഞു നിന്നു..

നീ എന്നാടാ ഇങ്ങനെ ഇരിക്കുന്നെ.. ചോദിച്ചത് കേട്ടില്ലേ..

അല്ല.. അങ്ങനെ ഒന്നും ഇല്ല..

നിനക്ക് എന്റെ മോളെ ഇഷ്ടാണോ..

മുഖത്തു അല്പം ഗൗരവം വരുത്തിയുള്ള ആ ചോദ്യത്തിൽ ഞാൻ ഒന്ന് പതറി..ശേഷം അവിടുന്ന് എഴുനേറ്റു അച്ചായന് പിന്തിരിഞ്ഞു നിന്നു..

അങ്ങനെ ഒന്നും ഇല്ല അച്ചായാ,, ആനി ക്ക് അല്ല അന്നയ്ക്ക് പ്രായത്തിന്റെ പ്രശ്നം കൊണ്ട് എന്റെ പിന്നാലെ നടക്കുന്നുണ്ട്.. അത് ഞാൻ പറഞ്ഞു മനസ്സിലാക്കുന്നുണ്ട്..

ഞാൻ ചോദിച്ചത് നിനക്ക് അവളെ ഇഷ്ടം ആണോന്ന് ആണ്..

പിന്തിരിഞ്ഞു നിൽക്കുന്ന എന്നെ തിരിച്ചു നിർത്തി എന്റെ മുഖത്തേക്ക് ഉറ്റു നോക്കി കൊണ്ട് അച്ചായൻ ചോദിച്ചു..

അ.. അത് എനി.. എനിക്ക് അങ്ങനെ ഒന്നും ഇല്ലാ..

ഒന്ന് പതറിയാണെങ്കിലും ഞൻ പറഞ്ഞൊപ്പിച്ചു..

അതെന്താ ജോയ്,, എന്റെ മോൾക്ക് എന്നാ ഒരു കുറവ്,, അതോ നിന്റെ ഭാര്യ ആവാനുള്ള യോഗ്യത അവൾക്കില്ലേ.. നീ പറഞ്ഞ പോലെ അവൾക്ക് പ്രായത്തിന്റെ ഒരു പ്രശ്‌നം അല്ല നീ... അവളുടെ മനസ്സിൽ നീ എത്രത്തോളം ഉണ്ടെന്ന് ഈ കുറഞ്ഞ ദിവസം കൊണ്ട് എനിക്ക് മനസ്സിലായതാണ്..

അദ്ദേഹം പറയുന്നതെല്ലാം ഒരു ഞെട്ടലോടെ ഞാൻ കേട്ടു..

അവൾ ഞങ്ങളോട് എല്ലാം പറഞ്ഞു.. സത്യം പറഞ്ഞ അവളുടെ ഈ ഇഷ്ടം ഏറ്റവും കൂടുതൽ സന്തോഷിപ്പിച്ചത് ഞങ്ങളെ തന്നെ ആവും.. കാരണം നിന്നെ പരിചയപ്പെട്ട ആ ഇരുപ്പത്ദിവസത്തിൽ ഞാൻ ആഗ്രഹിച്ചിരുന്നു നിന്നെ പോലെ ഒരു മോനെ അല്ലേൽ നിന്നെ തന്നെ എന്റെ മോൾക്ക് ഭർത്താവ് ആയി കിട്ടിയിരുന്നു എങ്കിലെന്ന്...
നിന്നോട് ചോദിക്കണം എന്നുണ്ടായിരുന്നു എനിക്ക്,, എന്റെ മോളെ കെട്ടാവോന്ന്,, പക്ഷെ എന്റെ മോൾക്ക് വേറെ ഇഷ്ടം ഉണ്ടാവോന്ന് ഒന്നും അറിയില്ലലോ,, അതുകൊണ്ട് ഞാൻ എന്നെ ഒന്ന് നിയന്ത്രിച്ചതായിരുന്നു..
അവൾക്ക് ഒരാളെ ഇഷ്ടം ആണെന്ന് പറഞ്ഞപ്പോ ഒന്ന് സങ്കടം ആയെങ്കിലും അത് നിന്റെ ഫോട്ടോ കാണിക്കുന്നതത് വരെ മാത്രമേ ഉണ്ടായിരുന്നുള്ളൂ..

നിനക്ക് പാലയ്ക്കൽ തറവാടിന്റെ മരുമകൻ ആയിട്ട് വന്നൂടെ.. അവൾക്ക് കുറച്ചു കുറുമ്പ് ഉണ്ടെന്നേ ഉള്ളൂ.. നിന്നെ പൊന്നുപോലെ നോക്കിക്കോളും അവൾ..

അതും പറഞ്ഞു പ്രതീക്ഷയോടെ നോക്കുന്ന അച്ചായനെ എനിക്ക് ചേർത്തുപിടിക്കണം എന്നുണ്ടെങ്കിലും,, എന്തകൊണ്ടോ എനിക്കതിന്ന് കഴിഞ്ഞില്ല..

അത് പിന്നെ അച്ചായാ.. ഞാൻ.. എനിക്ക്..

വേണ്ട,, എനിക്കറിയാം മോന്ക്ക് അവളെ ഇഷ്ടം ആണെന്ന്,, പിന്നെ യോഗ്യതയുടെ പേരു പറഞ്ഞാണെങ്കിൽ അത് വേണ്ട,, എന്റെ മോൻ ആയി വരുന്നവന് നല്ലൊരു മനസ്സ് ആണ് വേണ്ടത്,, അത് മാറ്റാരേക്കാൾ കൂടുതൽ നിനക്ക് ഉണ്ട്,, പിന്നെ എന്റെ മോളെ നോക്കാനുള്ള നല്ലൊരു തൊഴിലും വരുമാനവും ആരോഗ്യവും നിനക്കുണ്ട്,, എല്ലാത്തിനുമുപരി എന്റെ മോൾക്ക് നീയെന്നു വെച്ച ജീവന.. അത് മതി ഞങ്ങൾക്ക്..

എന്തോ അതെല്ലാം കേട്ടപ്പോൾ എന്റെ കണ്ണുകൾ ഈറനണിഞ്ഞു,

എന്റെ കൈകൾ ചേർത്തുപിടിച്ചു അച്ചായൻ വീണ്ടും പറഞ്ഞു തുടങ്ങി,,

എന്റെ മോൾ ഇതുവരെ അവളുടേതായ ഒരിഷ്ടവും പറഞ്ഞു വാശിപിടിച്ചിട്ടില്ല,, ആദ്യമായ അവൾ ഞങ്ങളോട് അവളുടെ ഒരിഷ്ടം പറയുന്നത്.. പറ്റത്തില്ലാന്ന് മാത്രം പറയല്ലേടാ..

എന്തോ ആ സമയം അവളോടുള്ള ഇഷ്ടത്തേക്കാൾ അവളുടെ അപ്പനോടു ബഹുമാനം ആണ് തോന്നിയത്..

അച്ചായനെ ചേർത്തുപിടിച്ചു ഞാൻ പറഞ്ഞു,,

എന്റെ കുറവുകൾ നിങ്ങൾക്കൊരു പ്രശ്നം അല്ലെങ്കിൽ ആനിയെ കെട്ടാൻ പാലയ്ക്കൽ തറവാടിന്റെ മരുമകൻ ആവാൻ എനിക്ക് സമ്മതമാണ്,, നിങ്ങൾ അവളെ നോക്കുന്നത് പോലെ എനിക്ക് നോക്കാൻ കഴിയുവോ എന്നറിയത്തില്ല.. പക്ഷെ എനിക്ക് ജീവൻ ഉള്ളിടത്തോളം കാലം അവളുടെ കണ്ണുകൾ നിറക്കാതെ കൂട്ടിന് എന്നും ഞാൻ ഉണ്ടാവും..ഇത് ഞാൻ അച്ചായന് തരുന്ന വാക്കാ..

എന്റെ വാക്കുകൾ അവസാനിപ്പിക്കുമ്പോൾ അച്ചായന്റെ കണ്ണുകൾ നിറഞ്ഞിരുന്നു,, കൂടെ ആ മുഖത്തു ഒരു സംതൃപ്തിയുടെ ഒരു പുഞ്ചിരി കൂടെ ഉണ്ടായിരുന്നു.. അത് മതിയായിരുന്നു എന്റെ മനസ്സ് നിറയാൻ..

ഞാൻ പറഞ്ഞവസാനിപ്പിച്ചതും ആനി പൊട്ടികരഞ്ഞു കൊണ്ട് എന്റെ നെഞ്ചിലേക്ക് വീണ് കഴിഞ്ഞിരുന്നു...

അവളെ ഒരു വിധത്തിൽ ഞാൻ സമാധാനിപ്പിച്ചു..

എ.. എന്നോട് അതിനെ കുറിച്ചൊന്നും അപ്പച്ചൻ പറഞ്ഞിരുന്നില്ലല്ലോ..

കരച്ചിൽ അടക്കി പിടിച്ചു ചോദിക്കുന്നവളെ കാണെ എന്റെ കണ്ണുകളും ഈറൻ അണിഞ്ഞിരുന്നു 

ആ കുറഞ്ഞ സമയത്തിനുള്ളിൽ അച്ചായൻ എനിക്ക് അപ്പച്ചൻ ആയി മാറിയിരുന്നു...

പോവാൻ നേരം അപ്പച്ചൻ എന്നോട് ഒന്നേ പറഞ്ഞിരുന്നുള്ളു..

നിന്നോട് ഇപ്പോൾ തന്നെ ഇഷ്ടം പറയരുതെന്ന്.. അടുത്തമാസം നിന്റെ പിറന്നാൾ ആണ്,, അന്ന് നിനക്ക് സർപ്രൈസ്‌ ആയി നന്മുടെ മനസമ്മതം നടത്താം എന്ന്..

അതുകൊണ്ടുതന്നെ ഞാനായി നിന്നോട് ഒന്നും പറഞ്ഞില്ല..

ഇപ്പോൾ തോന്നുന്നു നിന്നോട് എല്ലാം പറയാമായിരുന്നു എന്ന്...

ഒന്ന് നിർത്തി നിറഞ്ഞു വന്ന കണ്ണുകൾ തുടച്ചു അവളെ നോക്കിയതും അവൾ എന്റെ കയ്യിലേക്ക് കുഴഞ്ഞു വീണതും ഒപ്പം ആയിരുന്നു...

 തട്ടിവിളിച്ചിട്ടും എണീക്കാത്തത് കണ്ടു എന്റെ ഹൃദയമിടിപ്പ് ഒന്ന് കൂടി.. അവളെ പൊക്കിയെടുത്തു ഞാൻ റൂമിലേക്ക് കൊണ്ടുപോയി...


(തുടരും)