✍️ Aami


" എന്നാലും എന്നാ അടിയാടാ അവൾ അടിച്ചേ..എന്റെ കിളി പറന്നു"

" കരാട്ടെ ബ്ലാക്ക് ബെൽറ്റ്...ആണ് അതിന്റെ പവർ കാണും.."

"whatt??"

"എന്നിട്ട് നീ എന്താടാ അത് പറയാനേ.."

"അതേ.. അതേ.. പറഞ്ഞിരുന്നെങ്കിൽ ഞാൻ അടി ഇരന്ന് വാങ്ങില്ലായിരുന്നു."

"അതിന് നീ എന്നോട് പറഞ്ഞിട്ടാണോ..അവളോട് വേണ്ടാത്ത രീതിയതിൽ സംസാരിച്ചത്"


" ടാ, അത് നിനക്ക് അവളോട് ദേഷ്യം ആണെല്ലോന്ന് കരുതിയ ഞാൻ അങ്ങനെ പറഞ്ഞെ.. പിന്നെ ഞാൻ ഒരു സത്യം തന്നല്ലേ പറഞ്ഞത് അതിന് നിനക്കെന്തിനാ ഇത്ര സങ്കടം"

"പ്ഫ.. പുന്നാര മോനെ ഇനി നിന്റെ വായിൽ നിന്ന് ഇങ്ങനെയങ്ങാനും ഞാൻ കേട്ടാലുണ്ടല്ലോ, ദേഷ്യം ഒക്കെ ശെരി തന്നെ പക്ഷെ അവളെന്റെ അമ്മായീടെ മോൾ ആണ് അത് നിന്റെ ഓർമ്മയിൽ വേണം കേട്ടല്ലോ" അവന്റെ കോളറിൽ പിടിച്ച് അത്രയും പറഞ്ഞ് അവനെ പിന്നിലേക്ക് തള്ളി അടുത്തുണ്ടായിരുന്ന ചെയർ കാൽ കൊണ്ട് തട്ടിത്തെറിപ്പിച്ചു അവൻ ബാൽക്കണിയിലേക്ക് പോയി.

" മതിയായല്ലോ നിനക്ക് കിട്ടേണ്ടത് കിട്ടിയല്ലോ" പറഞ്ഞ് അവൻ(ഹരി) അബീടെ അടുത്തേക് പോയി.. വരുണിന്റെ(അച്ചുവിന്റെ കൈയ്യിൽ നിന്ന് അടി കൊണ്ടവന്റെ) മുഖം ദേഷ്യം കൊണ്ട് വലിഞ്ഞു മുറുക്കി അവൻ അത് മറച്ച് പിടിക്കാൻ എന്നോണം മുഖം പൊത്തിപ്പിടിച്ച് ഇരുന്നു. ബാക്കി ഉള്ളവർ അവനെ തോളിൽ തട്ടി ആശ്വസിപ്പിച്ചു. ഹരി പോയി അബിയെ ഓരോന്ന് പറഞ്ഞ് സമാധാനിപ്പിച്ചു കുറച്ച് സമയം കൂടി ഇരുന്ന് ബോട്ടിലിൽ ഉണ്ടായിരുന്ന ബാക്കി മദ്യം കൂടി അകത്താക്കിയിട്ടാണ് എല്ലാവരും പോയത്.

അച്ചു അവർ പോവുന്നത് കണ്ട് റൂമിലേക്ക് വരുമ്പോൾ ഒരു കാൽ പുറത്തിട്ട് മറുകാൽ സോഫയിൽ കയറ്റി വെച്ച് കൈ രണ്ടും രണ്ടറ്റത്തായി ഇട്ട് ലഹരി തലക്ക് പിടിച്ച് പിറുപിറുത്തു കൊണ്ട് സോഫയിൽ കിടക്കുന്ന അബിയെ കണ്ടതും അവൾക്ക് സങ്കടം തോന്നി താൻ കൂടി ഒരുതരത്തിൽ കാരണക്കാരി ആണല്ലോ അവന്റെ ഈ അവസ്ഥക്ക് എന്നവൾ ഓർത്തു നിന്നു, അവൾ പോയി അവനെ നേരെ പിടിച്ച് കിടത്തി പുതപ്പ് വിരിച്ച് കൊടുത്തു. അവിടെയുണ്ടായിരുന്ന മദ്യ കുപ്പികൾ എല്ലാം മാറ്റി അവിടം ക്ലിയർ ചെയ്തു. Maid നെ വല്ലതും വിളിച്ച് ക്ലീൻ ചെയിപ്പിച്ചാൽ അച്ഛനും അമ്മയും അറിഞ്ഞാലോ എന്നവൾ കരുതി. അവൾ ബെഡിലേക്ക് മറിഞ്ഞു. അങ്ങനെ ദിവസങ്ങൾ കടന്ന് പോയി അബിക്ക് അവളോട് ഉള്ള ദേഷ്യത്തിൽ ലേശം കുറവ് വരുന്നത് അവളും അറിഞ്ഞു.


അങ്ങനെ മൂന്ന് മാസം അധിവേഗത്തിൽ തന്നെ കടന്ന് പോയി.

 ഒരു ദിവസം അവൾ ഓഫീസിൽ നിന്ന് തിരിച്ച് വരുമ്പോൾ കണ്ടത് തന്റെ കാമുകിയുമായി കൈയ്യും കോർത്ത് ഒരു ഐസ്ക്രീം പാർലിൽ നിൽക്കുന്ന അബിയെ ആണ് അച്ചുവിന് അതിൽ ദേഷ്യവും സങ്കടവും തോന്നി സഹിക്കാൻ കഴിയുന്നതിലും അപ്പുറമായിരുന്നു അവൾക്ക് ആ കാഴ്ച്ച. അവൾ അതിവേഗത്തിൽ കാർ പറപ്പിച്ചു വിട്ടു.

 രാത്രി അവൾ റൂമിൽ വരുമ്പോൾ അബി ബെഡിൽ ഇരിക്കുന്നത് കണ്ടു. അവനെ ഒട്ടും തന്നെ മൈന്റ് ചെയ്യാതെ അവൾ പോയി ഫോൺ എടുത്ത് ബാൽക്കണിയിലേക്ക് പോയിരുന്നു. കുറച്ച് നേരം കഴിഞ്ഞതും അബി അവളുടെ പിന്നിലായി നിൽക്കുന്നത് കണ്ടു. അവൾ അവനെ സംശയത്തോടെ നോക്കി.

" ഇതിൽ നീ ഒന്ന് സൈൻ ചെയ്ത് തരണം.." ഒരു എൻവലപ് അവൾക്ക് നേരെ നീട്ടി മടിച്ച് കൊണ്ടാണ് അവൻ അത് പറഞ്ഞത്

"എന്താ ഇത്.." അവൾ നെറ്റിചുളിച്ചു ചോദിച്ചു

"തുറന്ന് നോക്ക്" പറഞ്ഞു അവളുടെ നേരെ വീണ്ടും ആ എൻവലപ്പ് നീട്ടി. അവൾ അത് വാങ്ങിച്ചു തുറന്നു നോക്കി. അത് കണ്ടതും അവൾ കണ്ണ് മിഴിച്ച് അവനെ നോക്കി.

" ഡിവോഴ്സ് പെറ്റീഷൻ ആണ്.. മ്യൂച്ച്വൽ കൺസെന്റ് ആയത് കൊണ്ട് മൂന്ന് മാസം കഴിഞ്ഞാൽ ഉടൻ തന്നെ ഡിവോഴ്സ് കിട്ടും.." പറഞ്ഞ് അവൾക്ക് നേരെ ഒരു പെൻ നീട്ടി

"മ്മ്" അവളൊന്ന് മൂളുക മാത്രം ചെയ്തു. ഇതായിരുന്നുരിക്കണം കാമുകിയുമായി ഇന്ന് നടന്ന ചർച്ച അവൾ ഊഹിച്ചു

" ഞാൻ നിന്നോട് ആദ്യം തന്നെ പറഞ്ഞതല്ലെ..നിന്നെ എന്റെ..."

അവൻ പറഞ്ഞ് തീരുന്നതിന് മുന്നേ തന്നെ കൂടുതൽ ഒന്നും പറയണം എന്നില്ല എന്ന അർത്ഥത്തിൽ അവന് നേരെ കൈച്ചുയർത്തി കാണിച്ചു, അവൻ നീട്ടിയ പെൻ വേടിച്ച് ഒന്നും ആലോചിക്കാതെ ആ പേപ്പറിൽ സൈൻ ചെയ്ത് അവന് നേരെ നീട്ടി. അവൾ തിരിഞ്ഞ് നടന്നു.

" അച്ചു" എന്ന് അവൻ വിളിച്ചതും വല്ലാത്തൊരനുഭൂതി ആയിരുന്നു അവൾക്ക് ആ വിളിയിൽ അവന് തന്നോട് ദേഷ്യമോ വെറുപ്പോ ഇല്ലെന്ന് അവൾക്ക് തോന്നി. നേരിയ പ്രതീക്ഷ തോന്നി അവൾക്ക്. കുഞ്ഞുനാൾ ഓടി കളിക്കുമ്പോൾ പിന്നാലെ ഓടി വന്ന് വിളിക്കുന്ന തന്റെ അബിയേട്ടൻ അവളുടെ ഓർമ്മയിൽ ഓടിയെത്തി "അച്ചു... ഓടല്ലേടാ എവിടേലും ചെന്ന് വീഴൂട്ടോ" ആ ഓർമ്മയിൽ അവളുടെ മിഴികളിൽ നനവ് പടർന്നു. അവൾ നിശ്ചലയായി അവിടെ നിന്നേ ഉള്ളു.

" അത്..പിന്നെ.. മൂന്ന് മാസം നിന്റെ വീട്ടിൽ പോയി നിൽക്കേണ്ടിവരും.. ഒരുമിച്ച് നിന്നാൽ ഡിവോഴ്സ് കിട്ടാൻ ബുദ്ധിമുട്ടാണ് സോ.." അത് പറയലും അച്ചുവിന്റെ ഉള്ളിൽ വെള്ളിടി വെട്ടി 'ഈശ്വരാ... ഇനിയും എന്നെ പരീക്ഷിച്ച് മതിയായില്ലേ നിനക്ക്' ഉള്ളിൽ തേങ്ങിക്കൊണ്ടവൾ ചോദിച്ചു. അവൾ സമ്മതം എന്ന നിലയിൽ അവനോട് തലയാട്ടി കൊണ്ട് മുന്നോട്ട് നടക്കാൻ തിരിഞ്ഞതും അവൻ അവളുടെ കയ്യിൽ പിടുത്തമിട്ടിരുന്നു. അവൾ നിർവികാരതയോടെ അവനെയും കയ്യിലേക്കും നോക്കി നിന്നു.

" സങ്കടം ഉണ്ടോ നിനക്ക്" അത് കേൾക്കെ അവളിൽ ഒരു പുച്ഛ ചിരി വിരിഞ്ഞു അവൾ ചുണ്ട് കോട്ടി അവനെ നോക്കി.

"That's none of your business" പറഞ്ഞ് അവന്റെ കൈ തട്ടി എറിഞ്ഞു അവൾ പോയി.

അവളിൽ ഊറിക്കൂടിയ കണ്ണുനീർ അവൻ കണ്ടിരുന്നു അത് കൊണ്ട് തന്നെ അവന് മസ്സിലായിരുന്നു അവൾക്ക് സങ്കടം ഉണ്ടെന്ന് ഒരു വേദനയോടെ നോക്കി നിൽക്കാനെ അവനും കഴിഞ്ഞുള്ളു. തികച്ചും നിസ്സഹായനായിരുന്നു അഭിമന്യു. ഒരു വശത്ത് താൻ ജീവന് തുല്യം സ്നേഹിക്കുന്ന തന്റെ പ്രണയിനി മറുവശത്ത് താൻ താലി കെട്ടിയ പെണ്ണും എല്ലാവരെയും പോലെ തന്നെ ഒന്നര വർഷത്തോളം ആയി നെഞ്ചിൽ കൊണ്ട് നടക്കുന്ന തന്റെ പ്രണയം തന്നെയായിരുന്നു അവനും വലുത് എങ്കിൽ കൂടിയും അച്ഛുവിന്റെ അവസ്ഥയിൽ അവന് സങ്കടം തോന്നി. താൻ കാരണം അവളും വിഷമിക്കുന്നു എന്നത് അവനിൽ കുറ്റബോധം ആണ് ഉണ്ടാക്കിയത്.

പിറ്റേന്ന് തന്നെ വീട്ടിൽ കുറച്ച് ദിവസം നിൽക്കാൻ പോവുകയാണെന്ന് അബിയുടെ അച്ഛനോടും അമ്മയോടും യാത്ര പറഞ്ഞ് അച്ചു അവളുടെ തിങ്ങ്സ് ഒക്കെ എടുത്ത് കാറിൽ വെച്ച് ഒന്നു കൂടി എല്ലാവരെയും തിരിഞ്ഞ് നോക്കി അബി അവളെ തന്നെ നോക്കുന്നത് അവൾ കണ്ടു അതിൽ സഹതാപം മാത്രമാണെന്ന് അവൾക്ക് തോന്നി. അവൾ യാത്ര തിരിച്ചു. യാത്രയിലുടന്നീളം അവൾ മൗനമായി കരഞ്ഞു കൊണ്ടേയിരുന്നു. ഒലിച്ചിറങ്ങുന്ന കണ്ണീരിനെ വാശിയോടെ തുടച്ച് മാറ്റി അവൾ അതിവേഗത്തിൽ കാർ ചലിപ്പിച്ചു.

വൈകുന്നേരം ഫോൺ റിങ്ങ് ചേയ്യുന്നത് കേട്ട് അബിയുടെ അച്ഛൻ വന്ന് കോൾ അറ്റന്റ് ചെയ്തു.

" ആക്സിഡന്റാ..??? എപ്പോ..??"

 തിരിച്ച് കിട്ടിയ മറുപടി കേൾക്കെ കയ്യിലിരുന്ന ഫോൺ നിലം പതിച്ചിരുന്നു.


തുടരും...

ഹലോയ്.. ഗയിസ് കഴിഞ്ഞ പാർട്ടിൽ ഒരുപാട് മിസ്റ്റേക്സ് ഉണ്ടായിരുന്നു😪.. വായിക്കാതെ പോസ്റ്ററിയത് കൊണ്ടാട്ടോ...സോറി😓...പിന്നെ ലെങ്ങ്ത്ത് കുറവാണ് അറിയാം.. അഡ്ജെസ്റ്റ് കരോ...😆 തിരുത്തി വായിക്കിട്ടോ.. അപ്പൊ റ്റാറ്റാ ബേയ്..ബേയ്..👋