Part--13


അവൻ ആ AJ എന്റെ മോളുടെ ശരീരത്തിൽ എന്തോ ഒരു പോയ്സൺ കേറ്റിയിരുന്നു..

അതിനാൽ മോളുടെ കണ്ടിഷൻ കുറച്ചു ക്രിട്ടിക്കൽ ആയിരുന്നു..

ഒന്നും പറയാറായില്ല എന്നാണ് ഡോക്ടർ പറഞ്ഞത്..

എല്ലാം കൊണ്ടും ആകെ തളർന്ന എന്നെ വീണ്ടും ഞെട്ടിച്ചാണ് പിറ്റേ ദിവസത്തെ ടീവിയിൽ ഞാൻ ജോയ് ഡോക്ടറെ മരണ വാർത്ത അറിഞ്ഞത്..

അപ്പോഴാണ് ഡോക്ടറെ ഞാൻ മരണത്തിലേക്കാണ് വിളിച്ചു വരുത്തിയത് എന്നനിക്ക് മനസ്സിലായത്..

അന്ന് ഡോക്ടറെ അടക്കം ചെയ്യുന്നതിന്റെ അന്ന് നിങ്ങളെ കണ്ട് എല്ലാം പറയണം എന്ന് ഞാൻ കരുതിയതാ.. പക്ഷെ എന്നെ വീണ്ടും ഞെട്ടിച്ചത് ഡോക്ടറെ കുഞ്ഞു നിങ്ങളെ ഉദരത്തിൽ വളരുന്ന കാര്യമായിരുന്നു,,ഡോക്ടറിന് കുഞ്ഞിനെ ഒരു നോക്ക് കാണാൻ പോലും ഞാൻ കാരണം പറ്റിയില്ല എന്നത് എനിക്ക് എന്നോട് തന്നെ വെറുപ്പുണ്ടാക്കി..

അപ്പോഴാണ് എന്റെ മോൾക്ക് വേണ്ടി ഞാൻ കൊണ്ടു നടന്ന നിയമം തെറ്റിച്ചതും ഒരു കുടുംബത്തിന്റെ കണ്ണീരിന്ന് കാരണം ആയതും എല്ലാം എനിക്ക് മനസ്സിലായത്..

അന്ന് മുതൽ കുറ്റബോധം കൊണ്ട് മരിച്ചു ജീവിക്കുവായിരുന്നു,, അന്ന് അഴിച്ചു വെച്ചതാ ഞാൻ ആ യൂണിഫോം..

പിന്നെ ഒരാഴ്ച്ചക്ക് ശേഷമാ മോൾ ഓക്കേ ആയത്,, പിന്നെ മോളെയും ഭാര്യയെയും കൂട്ടി ഈ നാട്ടിൽ നിന്ന് തന്നെ പോയി..

അപ്പോഴാണ് എല്ലാം ഡോക്ടറോട് തുറന്നു പറയാൻ മനസ്സിൽ നിന്നാരോ പറഞ്ഞത്..

പൊറുക്കാൻ പറ്റുവോ എന്നോട്,,ഡോക്ടരുടെ ജീവിതം ഇല്ലാതാക്കിയതിന്ന്,, നിങ്ങടെ മോൾക്ക്‌ അവളുടെ അച്ഛനെ നഷ്ടപ്പെടുത്തിയതിന്ന്..

                   🖤🖤🖤🖤🖤

തന്റെ മുന്നിൽ കൈകൾ കൂപ്പി നിൽക്കുന്ന മനുഷ്യനെ കാണുംതോറും അവൾക്ക് വല്ലായ്മ തോന്നി..

വേണ്ട സർ,, ഒരു ക്ഷമയുടെ ആവശ്യം ഇല്ല..ഇച്ചായന്റെ മരണത്തിന്ന് സർ ഒരു നിമിത്തം ആണെന്ന് മാത്രം,, അല്ലെങ്കിലും കർത്താവ് വിചാരിച്ചാൽ ആ ഒരു സമയം ആവുമ്പോൾ ഇച്ചായൻ ഞങ്ങളെ തനിച്ചാക്കി പോവുമായിരുന്നു...

അല്ലെങ്കിലും സ്വന്തം മക്കളുടെ കാര്യം വരുമ്പോൾ ഏത് മാതാപ്പിതാക്കളും സ്വാർത്ഥരാവും..

അത്രയും പറഞ്ഞു അവൾ എഴുനേറ്റു..

കൂടെ ആയാളും,, ഒരു പ്രാവശ്യം കൂടെ അവളെ നോക്കി കൈകൾ കൂപ്പി അയാൾ തിരിച്ചു പോയി..

അയാൾ പോയതും അവൾ ഡോർ അടച്ചു ഡോറിന്മേൽ ചാരി പൊട്ടി കരഞ്ഞു..

ഒരു നിമിഷം അവനെ ചുട്ടെരിക്കാനുള്ള പക അവളിൽ നിറഞ്ഞു,, എന്നാൽ തന്റെ മകളെ കുറിച് ആലോചിക്കവേ അവൾ ഒരു അമ്മ മാത്രം ആയിരുന്നു..

തന്റെ മകൾക്കായി അവൾ എല്ലാം കർത്താവിനു വിട്ട് കൊടുത്തു,എല്ലാം മറക്കാൻ ശ്രമിച്ചു കൊണ്ടിരുന്നു...

വർഷങ്ങൾ കൊഴിഞ്ഞു കൊണ്ടിരുന്നു..

തന്റെ മകൾ ഇന്ന് രണ്ടാം ക്ലാസ്സിൽ ആണ് പഠിക്കുന്നത്..

ഇന്ന് അവൾ എന്നോട് ആദ്യമായി ആവശ്യപ്പെട്ട കാര്യം കേൾക്കവേ എന്റെ ഉള്ളിൽ ഒരു നോവ് അനുഭവപ്പെട്ടു..

അമ്മാ,, എനിക്ക് ഒരു അനിയൻ വാവയെ തരുവോ..

എന്റെ ക്ലാസ്സിലെ ജെനിക്കും ആമിക്കും എല്ലാം ഉണ്ടല്ലോ അനിയനും അനിയത്തിയും, എനിക്കും വേണം അമ്മ ഒരു വാവയെ..

അവളോട് എന്ത് പറയണം എന്നനിക്കറിയില്ലായിരുന്നു..

അവളെ മാറോട് ചേർത്ത് ഞാനൊന്ന് തേങ്ങി...

എന്തിനാ അമ്മ കരയുന്നെ,ഞാൻ വാവയെ ചോദിച്ചതോണ്ട് ആണോ..

അത് ചോദിക്കുമ്പോൾ ആ കുഞ്ഞു ചുണ്ട് വിതുമ്പുന്നത് ഞാൻ അറിഞ്ഞു..

അമ്മക്ക് മോളും മോൾക്ക് അമ്മയും മാത്രം മതിട്ടോ..

അതും പറഞ്ഞു ഞാൻ അവളുടെ നെറുകിൽ ഒന്ന് അമർത്തി മുത്തി..

അപ്പൊ എനിക്ക് കളിക്കാൻ വാവ വേണ്ടേ..

അതിനല്ലേ മോൾക്ക് അമ്മ,, മോൾടെ കൂടെ കളിക്കാൻ എല്ലാം അമ്മ വരത്തില്ലേ..

അങ്ങനെ പലതും പറഞ്ഞു അവളെ ആശ്വസിപ്പിച്ചു..

എന്നാൽ ഈ ചോദ്യം അവൾ പലപ്പോഴായി ആവർത്തിച്ചു,, അത് കേൾക്കുമ്പോഴുള്ള എന്റെ സങ്കടം അറിഞ്ഞെത് കൊണ്ടോ എന്തോ പിന്നെ അവൾ അത് ചോദിക്കാതെയായി..

എങ്കിലും പുറത്ത് പോകുമ്പോഴും അവളുടെ സ്കോളിൽ മീറ്റിംഗിന്ന് പോകുമ്പോഴും കുട്ടികൾ അവരുടെ കൂടെപ്പിറപ്പുകളുടെ കൈ പിടിച്ചു നടക്കുന്നത് അവൾ നോക്കി നിൽക്കുന്നത് കാണാം..

അത് കാണുമ്പോൾ മനസ്സിൽ ഒരു വിങ്ങൽ ആണ്..

ചെറുപ്പം മുതലേ എന്റെ കൂടെ നടന്നു അവൾ ശീലിച്ച ഒരു കാര്യം ആയിരുന്നു കൊച്ചു കൊച്ചു സന്തോഷങ്ങളും സങ്കടങ്ങളും ആഗ്രഹങ്ങളും എല്ലാം അവളുടെ അപ്പയോട് പറയുന്നത്..

അതെല്ലാം കാണുമ്പോൾ ഞാൻ കർത്താവിനെ മനസ്സിൽ പഴിക്കും,, എന്തിനാ തന്റെ മകൾക്ക് ഇങ്ങനെ ഒരു അവസ്ഥ കൊടുത്തതെന്ന്..

അവൾ പറയുന്നതിന്ന് മറുപടി എന്നോണം ഒരിളം തെന്നൽ അവളെ തലോടി പോവും..

ഒരു പക്ഷെ ഇച്ചായൻ ഞങ്ങളെ മോളെ ചേർത്ത് പിടിക്കുന്നത് ആവാം..

ഇതെല്ലാം കേൾക്കുമ്പോൾ ഇച്ചായന്റെ ഉള്ളവും തേങ്ങുന്നുണ്ടാവില്ലേ.. താൻ അനുഭവിക്കുന്ന മാനസിക സംഘർഷം തന്നെ ആവില്ലേ തന്റെ ഇച്ചായനും അനുഭവിക്കുക...

കാലങ്ങൾ ആരെയും കാത്തുനിൽക്കാതെ പാഞ്ഞു കൊണ്ടിരുന്നു..കൂടെ എന്റെ മോളും വളർന്നു..

അവളുടെ ഇഷ്ടങ്ങളും ചിന്തകളും എല്ലാം മാറി.. യഥാർഥ്യത്തോട് അവൾ പൊരുത്തപ്പെട്ടു.. അവളുടെ ലോകം എന്നിൽ ഒതുങ്ങി..

അങ്ങനെ ഒമ്പതാം ക്ലാസ്സിൽ എത്തിയ അവളുടെ ജീവിതത്തിലേക്ക് ഒരാൾ കൂടെ കടന്നു വന്നു..

പതിയെ പതിയെ അവൾ ഞങളുടെ ജീവിതത്തിന്റെ ഭാഗമായി..അവൾ

Aleena elisabath...

(തുടരും)



Nxt part venel cmnts arykkuka.. Allel nne nokknda🚶🚶