Part--15

കോളേജിലെ അവരുടെ ഫ്രണ്ട്‌സ്ന്റെയും രണ്ട് മൂന്ന് അധ്യാപകരുടെയും സഹായം കൊണ്ട് ഞങ്ങൾ നാട്ടിൽ എത്തി..

ഇച്ചായനെടുത്തായി അല്ലുവും സ്ഥാനം പിടിച്ചു..

മനസ്സ് എന്തെന്നില്ലാതെ വിങ്ങുവായിരുന്നു,കുഞ്ഞിയുടെ അവസ്ഥ എന്നിൽ ഭയമുണ്ടാക്കി..

ഒന്നും മിണ്ടാതെ റൂമിൽ തന്നെ അവളിരുന്നു.. അല്ലുവിന്റെ അഭാവം എന്നെ പഴയ ആനിയാക്കി മാറ്റി,, മോളെ ഒന്ന് സമാധാനിപ്പിക്കാൻ പോലും എനിക്ക് കഴിയാതെയായി..

ഒന്നരമാസത്തോളം അവൾ റൂമിൽ ഇരുന്നു, ഭക്ഷണം ഞാൻ വാരികൊടുത്താൽ മാത്രം അവൾ വല്ലതും കഴിക്കും,ആരോടും ഒന്നും തന്നെ സംസാരിക്കില്ലായിരുന്നു അവൾ..

അത് കാരണം എനിക്ക് അവളോട് അല്ലുവിന് എന്ത് സംഭവിച്ചു എന്ന് പോലും അറിയാൻ കഴിഞ്ഞില്ല..

ഒരു ദിവസം ഹാളിൽ തലക്ക് താങ്ങുകൊടുത്തു ഇരിക്കുമ്പോൾ ആണ് എന്റെ മുന്നിൽ ആരോ നിൽക്കുന്ന പോലെ എനിക്ക് തോന്നിയത്..

നോക്കിയപ്പോൾ കുഞ്ഞി ആയിരുന്നു.. ഇത്ര ദിവസത്തിന്ന് ശേഷം അവൾ ആദ്യമായാണ് റൂമിൽ നിന്ന് പുറത്തിറങ്ങുന്നത്..

എന്നാൽ ആ സന്തോഷം കുറച്ചു നേരമേ ഉണ്ടായിരുന്നുള്ളൂ, അവളുടെ കയ്യിലെ ട്രോളി ബാഗ് കാണവേ ഞാൻ അവളെ സംശയത്തോടെ നോക്കി..

അതിന്ന് അവൾ എന്നെ കെട്ടിപിടിച്ചു..

അമ്മ ഞാൻ തിരിച്ചു ബാംഗ്ലൂരിലേക്ക് പോകുവാ --കുഞ്ഞി

ഇനി നീ തിരിച്ചു പോവേണ്ട, ഇവിടെ എവിടേലും അഡ്മിഷൻ ശെരിയാക്കാം..

അത് വേണ്ട എന്റെ അല്ലു പഠിച്ച കോളേജിൽ അവളുടെ കൂടെ താമസിച്ച റൂമിൽ നിന്ന് തന്നെ എനിക്ക് പഠിക്കണം.. Plz അമ്മ.. ഞാൻ പൊക്കോട്ടെ.. എതിര് പറയല്ലേ --കുഞ്ഞി

മോളെ.. അമ്മക്ക് പേടിയാടാ,, നീ കൂടെ ഉള്ളൂ എനിക്ക്.. നിനക്കും കൂടെ എന്തെങ്കിലും സംഭവിച്ച അമ്മ പിന്നെ ജീവനോടെ ഉണ്ടാവില്ല..

ഇല്ല അമ്മ, ഈ ഒരു ഇയർ കൂടെ കഴിഞ്ഞ ഞാൻ നാട്ടിലേക്ക് വരും ഉറപ്പായിട്ടും --കുഞ്ഞി

അങ്ങനെ അവളുടെ നിർബന്ധത്തിൽ മനസ്സില്ലമനസ്സോടെ ഞാൻ പോവാനുള്ള സമ്മതം മൂളി..

അവളോട് അല്ലുവിന്റെ മരണത്തെ കുറിച് ചോദിക്കണം എന്നുണ്ടെങ്കിലും അവൾക്ക് വിഷമമായാലോ എന്ന് കരുതി ചോദിച്ചില്ല..

ഞാൻ മിക്ക ദിവസങ്ങളിലും മദർ ന്റെ കൂടെ ആയിരിക്കും, ഓർഫനാജിൽ..

ഇവിടെ ഒറ്റക്ക് ഇരിക്കുമ്പോൾ ഒരു സമാധാനവും ഉണ്ടാവില്ല.. അവിടെ ആവുമ്പോ മനസ്സിന്നു വല്ലായ്മ തോന്നുമ്പോ ഇച്ചായനെ കാണാനും പറ്റുവല്ലോ..

അല്ലു ഞങ്ങളെ വിട്ട് പോയിട്ട് ആറു മാസം കഴിഞ്ഞു .. കുഞ്ഞി ബാംഗ്ലൂരിലേക്ക് പോയിട്ട് ഒരു പ്രാവശ്യം മാത്രമേ എന്നെ കാണാൻ വന്നുള്ളൂ..

ചോദിച്ചപ്പോൾ എക്സാം അവറായി ഒരുപാട് പഠിക്കാൻ ഉണ്ടെന്ന് പറഞ്ഞു..

അങ്ങനെ ഇരിക്കയാണ് അവളുടെ ക്ലാസ്സ്‌ ടീച്ചർ എനിക്ക് വിളിച്ചത്.. പറ്റുമെങ്കിൽ ബാംഗ്ലൂരിലേക്ക് പെട്ടെന്ന് വരണം എന്ന് പറഞ്ഞു..

ഞാൻ മദറിനെയും കൂട്ടി ബാംഗ്ലൂരിലേക്ക് പോയി.

പോകുമ്പോൾ മുഴുവൻ എന്തിനെന്നില്ലാതെ കരയുവായിരുന്നു,, അല്ലുവിന്റെയും ഇച്ചായന്റെയും വെള്ള പുതപ്പിച്ച മുഖം എന്റെ മുന്നിൽ തെളിഞ്ഞു വന്നു..

ഇനി അവളും എന്നെ തനിച്ചാക്കി പോവുമോ..

കോളേജിലേക്ക് ആണ് നേരെ പോയത്,അവളുടെ ടീച്ചറുടെ വായിൽ നിന്ന് കേട്ട വാർത്ത എന്നെ വീണ്ടും തളർത്തി..

കുഞ്ഞിയെ കാണാതെ ആയിട്ട് രണ്ട് ദിവസം കഴിഞ്ഞുവത്രെ..

അവളെ കുറിച് ഒരു അറിവും ഇല്ലാ..

ഞാൻ മരവിച്ച അവസ്ഥയിൽ ഇരുന്നു പോയി..

പിന്നെ ടീച്ചർ പറഞ്ഞ പ്രകാരം ഞങ്ങൾ മൂന്ന് പേരും സ്റ്റേഷനിൽ പോയി പരാതി കൊടുത്തു..

കേസ് കൊടുത്തു മൂന്നാം പക്കം അവളെ കുറിച്ച് വിവരം ലഭിച്ചു എന്നറിഞ്ഞു, ടീച്ചർ വന്നു എന്നെയും മദറിനെയും കൂട്ടി അവളെ കാണാൻ കൊണ്ട് പോയി.

(തുടരും)


               🖤🖤🖤🖤🖤🖤🖤🖤

ഈ story വായിക്കുന്നവർ ഇതൊന്ന് വായിച്ചു പോവൂട്ടോ..

ഈ സ്റ്റോറിയുടെ രണ്ടാമത്തെ പാർട്ടിൽ തന്നെ joy, aleena, sara ഇവർ മൂന്നും മരിച്ചത് ഞാൻ പറഞ്ഞതാണ്.. പിന്നെ അവർ മരിച്ചത് കൊണ്ടാണ് ഈ story തുടർന്ന് പോവുന്നത്..

തന്റെ കുടുംബം നശിപ്പിച്ചവനോടുള്ള പ്രതികാരം ആണ് ആനി എന്നാ കഥാപാത്രം ചെയ്യുന്നത്, ഒരു പക്ഷെ അതിൽ ഒരാൾ ജീവിച്ചിരിക്കുന്നുണ്ട് എങ്കിൽ അവൾ ഈ revenge നടത്തില്ലായിരുന്നു.. അത് ഞാൻ ഒരു പാർട്ടിൽ പറഞ്ഞിരുന്നു..
അവൾ ഒരു അമ്മയാണ് എല്ലാത്തിലുമുപരി a common woman.. അപ്പൊ അവൾ എല്ലാം പൊറുത്തു അവൾക്ക് വേണ്ടപ്പെട്ടവർക്ക് വേണ്ടി ജീവിച്ചേനെ.. അപ്പൊ ഇനി ആരും കൊല്ലുന്നതിനെ കുറിച് സങ്കടപ്പെടണ്ടാട്ടോ..

പിന്നെ ഈ സ്റ്റോറിയുടെ എൻഡിങ് നിങ്ങൾ ഉദ്ദേശിച്ച പോലെ ആവില്ല.. എല്ലാരും പറഞ്ഞു AJ യെ ഇഞ്ചിഞ്ചായി കൊല്ലണം എന്ന്, സത്യം പറഞ്ഞാൽ ഇഞ്ചിനെക്കാൾ ചെറിയ അളവിൽ അവനെ എനിക്ക് കൊല്ലണം എന്നുണ്ട്.. പക്ഷെ ഒരു പ്രശനം ഉണ്ട് മക്കളെ,

ആനി ഒരു സാധാരണ സ്ത്രീ ആണ് ബട്ട്‌ AJ എന്ന് പറയുന്ന ആൾ സ്വന്തം സ്വാർത്ഥതയ്ക്ക് വേണ്ടി ആരെയും കൊല്ലാൻ മടിക്കാത്ത ഒരു വ്യക്തി ആണ്, അവൻക്ക് പണം,കയ്ക്കരുത്, ചുറ്റും ആളുകൾ എല്ലാം ഉണ്ട്.. അപ്പൊ അങ്ങനെ ഉള്ളവനെ തനിക്കാവുന്ന പോലെ ആയിരിക്കും ആനി കൊല്ലുക..

അപ്പൊ നിങ്ങൾ അതുകൂടെ അക്‌സെപ്റ് ചെയ്യണം😊