Part--21


തന്റെ മകൾ തന്നെ വിട്ട് പോയെന്നറിഞ്ഞിട്ടും അവളിൽ ഒരു ഭാവവും ഉണ്ടായില്ല,, അത് അവളുടെ കൂടെയുള്ള മദറിനെ കൂടുതൽ ഭയത്തിലാക്കി..

പിറ്റേന്ന് st. ജോസഫ് ചർച്ചിൽ തന്റെ പ്രിയപ്പെട്ടവരുടെ കൂടെ തന്നെ അവൾക്കും ഒരു കിടപ്പിടം പൊങ്ങി...

അതെല്ലാം ഒരു നിർവികാരതയോടെ കണ്ടുനിൽക്കാനേ ആനിക്കായുള്ളു..

രണ്ടുദിവസം അവളുടെ കൂടെ മദറും ദേവനും അച്ചുവും നിന്നു..മൂന്നാം ദിവസം അവരെ നിർബന്ധിച്ചു അവൾ പറഞ്ഞയച്ചു..

തന്നിൽ അടക്കി നിർത്തിയ തന്റെ 🔥ReVeNgE🔥നടത്താൻ അവൾ തെയ്യാറെടുക്കുകയായിരുന്നു...ഒന്നും നഷ്ടപ്പെടാനില്ലാത്തവൾ ഇനി എന്തിനു പേടിക്കണം...

അതിന്റെ ആദ്യപടി എന്നോണം അവൾ രണ്ടാമതും AJ ഹോസ്പിറ്റലിൽ ജോയിൻ ചെയ്തു..

അവിടെ വർക്ക്‌ ചെയ്യുന്ന അവന്റെ ആളുകളുമായി നല്ല ഒരു ബന്ധം അവൾ നേടിയെടുത്തു..

അവൾ അവിടെ ജോയിൻ ചെയ്തിട്ട് ഒരു മാസം കഴിഞ്ഞു എങ്കിലും AJ യുമായി ഒരു കൂടിക്കാഴ്ച പോലും ഉണ്ടായില്ല..

അങ്ങനെയിരിക്കെയാണ്  അവൻ ഹോസ്പിറ്റൽ എംഡി സീറ്റിലേക്ക് വന്നത്..ഹോസ്പിറ്റൽ റേറ്റ്സിനെ കുറിച്ചറിയാൻ അയാൾ ഇടക്കിടക്ക് ഇങ്ങനെ വിസിറ്റ് നടത്താറുണ്ടായിരുന്നു...

അപ്പോൾ അവളിൽ ഇരയെ കണ്മുന്നിൽ കണ്ടു കിട്ടിയ വേട്ടക്കാരന്റെ പ്രതീതിയായിരുന്നു..

അവിടെയുള്ള എല്ലാം വർക്കേഴ്‌സിനെയും കൂട്ടി ഒരു മീറ്റിംഗ് നടത്തിയിരുന്നു.. അവളുടെ ശ്രദ്ധ മുഴുവൻ അവനിൽ ആയിരുന്നു..

ആ ഹോസ്പിറ്റലിലെ തന്നെ നമ്പർ വൺ ഗൈനക്കോളജിസ്റ്റ് ആയിരുന്നു അവൾ,, അത്കൊണ്ട് തന്നെ അവന്റെ ഹോസ്പിറ്റലിലെ ഇല്ലീഗൽ ബിസിനസ്‌ തുടർന്നു കൊണ്ടു പോവാൻ അവളെ പോലെയുള്ള ഒരു ഡോക്ടറിന്റെ ആവശ്യം അവനിക്ക് ആവശ്യമായിരുന്നു...

അവളും അവനു മുന്നിൽ അവന്റെ പക്ഷത്തായി നിൽക്കുന്ന,,അവന്റെ കാശിനു പിറകെ വരുന്ന ഒരു പട്ടിയുടെ വേഷം അവളും അണിഞ്ഞു..

എന്നാൽ താൻ ഇല്ലാതാക്കിയവരുടെ കൂട്ടത്തിൽ അവളുടെ ഭർത്താവും മക്കളും ഉണ്ടെന്ന് അവൻ അറിഞ്ഞിരുന്നില്ല..

നാളുകൾ കഴിയെ അവൾ അവനിലെ വിശ്വാസം നേടിയെടുത്തു.. അവൻ നടത്തുന്ന ഓരോ പ്രവർത്തനങ്ങളും അവൾ വ്യക്തമായി കണ്ടു.. അവൾക്കു കഴിയുന്ന പോലെ ചില ജീവനുകൾ അവൾ അവനിൽ നിന്നും രക്ഷിച്ചു..

അവളുടെ മുന്നിൽ വെച്ച് നടക്കുന്ന അതിക്രമങ്ങളെ തടയാൻ കൈഉയരുമ്പോഴും കുഞ്ഞിയുടെ വാക്കുകൾ അവളിൽ ഉയർന്നു കേട്ടു..

താൻ ഇല്ലാതാകുന്നതിനോടൊപ്പം അവനും അതെ നിമിഷം ഇല്ലാതാവണം..അല്ലേൽ ഇതിലും കൂടുതൽ പേരുടെ ജീവിതം ഇവൻ കാരണം ഇല്ലാതാവും..

അവന്റെ കൂടെയുള്ള ഓരോ സമയവും അവൾ തകൃതിയായി അഭിനയിച്ചു..അനുയോജ്യമായ സാഹചര്യത്തിന് വേണ്ടിയവൾ കാത്തിരുന്നു..

എന്നാൽ അവൻ അപ്പോഴേക്കും അവളിലെ പെണ്ണിനെ ആഗ്രഹിച്ചു തുടങ്ങിയിരുന്നു..അവന്റ ഓരോ നോട്ടവും അവൾക്ക് അരോചകമായി തീർന്നു.. എങ്കിലും തന്റെ ലക്ഷ്യത്തിന് വേണ്ടി വ്യക്തമായ ഒരു പ്ലാൻ തന്നെ അവളുണ്ടാക്കി..

അവനോട് താല്പര്യമുള്ള പെണ്ണായി തന്നെ അവളും തകർത്തഭിനയിച്ചു...

അങ്ങനെയിരിക്കെയാണ് അയാൾ അവളെ അയാളുടെ കേബിനിലേക്ക് വിളിപ്പിച്ചത്..

സർ..

ഹാ.. ആനി.. കം..

എന്തിനാ സർ വിളിപ്പിച്ചത്..

ആനി ഇവിടെ ഇരിക്കൂ..

അവൾ ഒരു ചെറിയ ഭയത്തോടെ അവിടെ ഇരുന്നു,, അയാൾ സീറ്റിൽ നിന്ന് എണീറ്റു അവളുടെ അടുത്തേക്ക് വന്നു..

ആനി,, തന്നെ എനിക്ക് ഇഷ്ടപ്പെട്ടു.. തനിക്ക് എന്റെ കൂടെ വരാവോ..

മനസ്സിലായില്ല സർ..

തന്റെ ഭർത്താവും മക്കളും മരിച്ചതാണെന്ന് ഇവിടെ ഉള്ള ചിലർ പറയുന്നേ ഞാൻ കേട്ടിരുന്നു.. താൻ ഇപ്പോഴും ചെറുപ്പം ആണലോ.. തനിക്ക് എന്റെ കൂടെ എന്റെ ഭാര്യയായിട്ട് സുഖമായിട്ട് ജീവിക്കാം..എന്ത് പറയുന്നു..

എനിക്ക് ഒന്ന് ആലോചിക്കണം സർ..

ആഹ്.. മതി.. ടൈം എടുത്തു ആലോചിച്ചോ.. ബട്ട്‌ പോസിറ്റീവ് മറുപടി ആയിരിക്കണം.. ആഗ്രഹിച്ചത് എന്തും നേടിയെടുത്താണ് എനിക്ക് ശീലം.. പക്ഷെ ഇത് അങ്ങനെ ആവരുത്..

എന്നാൽ ഞാൻ ചെല്ലട്ടെ,, എനിക്ക് പെഷ്യന്റ്‌സ് ഉണ്ട്..

ഹാ ശെരി..

പുറത്തിറങ്ങിയതും അവൾക്കു അവളോട്‌ തന്നെ വെറുപ്പ് തോന്നി,, തന്റെ ഇച്ചായനെയും മക്കളെയും ഇല്ലാതാക്കിയവന്റെ കൂടെ താൻ എങ്ങനെ..

അന്ന് മുതൽ അവളുടെ ചിന്ത അത് മാത്രം ആയിരുന്നു,, താൻ താല്പര്യം ഇല്ല എന്ന് പറഞ്ഞാലും അവൻ തന്നെ കീഴടക്കും,, അങ്ങനെ ചെയ്താൽ തനിക്ക് ചെയ്തു തീർക്കാനുള്ളത് നടക്കാതെ വരും.. അതിലും നല്ലത് അവന്റെ ഇഷ്ടത്തിന് നിൽക്കുന്നതല്ലേ..

രണ്ടു ദിവസങ്ങൾക്കു ശേഷം അവൾ ഒരു തീരുമാനം എടുത്തു..

അന്ന് ഹോസ്പിറ്റലിൽ എത്തി നേരെ അവന്റെ കേബിനിലേക്ക് പോയി..

സർ..

യെസ് ആനി,, വരൂ..എന്തായി തന്റെ തീരുമാനം..

എനിക്ക് സമ്മതം ആണ്..

Good,, അപ്പൊ എങ്ങനെയാ കാര്യങ്ങൾ,,മുന്നോട്ട് പോവാമല്ലേ... ഞാൻ തന്നെ മിന്നു ചാർത്തുന്നതോണ്ട് എന്തെങ്കിലും കുഴപ്പം ഉണ്ടോ..

അത് പിന്നെ സർ.. എന്റെ മകൾ മരിച്ചിട്ട് ഒരു വർഷം പോലും ആയിട്ടില്ല.. അത് കഴിഞ്ഞിട്ട് പോരെ അങ്ങനൊരു ചടങ്ങ്.. അത് വരെ നമുക്ക് ഇങ്ങനെ അങ്ങ് മുന്നോട്ട് പോവാം..

ഓക്കേ തന്റെ ഇഷ്ടം അങ്ങനെ ആണെങ്കിൽ എനിക്ക് no പ്രോബ്ലം.. പക്ഷെ അതിന്റെ ഇടയിൽ എന്റെ ആവശ്യങ്ങൾ താൻ നിറവേറ്റി തരേണ്ടി വരും എന്ത് പറയുന്നു...

ഓക്കേ.. സർ...

അപ്പൊ ഇനി ഈ സർ വിളി വേണ്ട..

ആൽബി ഓക്കേ അല്ലെ..

ഓക്കേ..

എന്നാ ഞാൻ പോട്ടെ..

ഹാം..

തിരിഞ്ഞു നടക്കാൻ നിന്ന അവളെ തന്നിലേക്ക് വലിച്ചടുപ്പിച്ചു ആ ചുണ്ടുകളിൽ അവൻ അമർത്തി ചുംബിച്ചത് പെട്ടന്നായിരുന്നു..

അവൾ ഒരു ഞെട്ടലോടെ അവനെ നോക്കി..

അവൻ അവൾക്ക് വശ്യമായി ഒന്ന് പുഞ്ചിരിച്ചു കൊടുത്തു..

അവൾ പ്രയാസപെട്ടൊരു പുഞ്ചിരി നൽകി ക്യാബിൻ വീട്ടിറങ്ങി..

നേരെ അവളുടെ കേബിനിലേക്ക് കയറി ഡോറിൽ ചാരി നിന്ന് മുഖം പൊത്തിയവൾ കരഞ്ഞു..അവളുടെ ഇച്ചായന്റെ മുഖം ഓർക്കവേ ,, അവൾ നെഞ്ചുപൊട്ടി കരഞ്ഞു..

അവളുടെ കരച്ചിൽ ചീളുകൾ ആ മുറിയിൽ അലയടിച്ചു കൊണ്ടിരുന്നു...

അവിടെന്നു എഴുനേറ്റ് മുഖം കഴുകാനായി വാഷ്റൂമിലേക്ക് പോയി..

മുഖം കഴുകി അവൾ കണ്ണാടിയിൽ നോക്കി,, നിമിഷ നേരം കൊണ്ട് അവളുടെ ഭാവം മാറി.. കണ്ണുകളിൽ പകയെരിഞ്ഞു..

(തുടരും)