💞പ്രണയിനി 15💞

ശ്രീലക്ഷ്മി




"നിനക്കെന്താടാ ഒരു ചരിവ്..."

ഹോസ്പിറ്റലിനു വെളിയിലേക്ക് നടക്കും വഴി ശിവ അഭിയോട് ചോദിച്ചു.

എന്ത് ചരിവ്... സ്വയം ഒന്ന് നോക്കികൊണ്ട് അഭി ചോദിച്ചു.

കൊണ്ട് വിടണോ.. കൂടെ വരണോ... ചോദിക്കുന്ന കേട്ടാൽ തോന്നും നിന്റെ അമ്മായീടെ മോൾ ആണെന്ന്..

പോയെടാ... വെറും മനസാക്ഷി... ഒന്നുവില്ലെങ്കിൽ നമ്മളുടെ വണ്ടി അല്ലേ തട്ടിയത് അതിന്റെ ഒരു പരിഗണന...

ഓ ഒരു പരിഗണന... ഇന്ന് പതിവില്ലാതെ മോന് മനസാക്ഷി ഒരുപാട് വന്നിന്നുണ്ടല്ലോ....

ഓ........ അഭി മുഖം കോട്ടി...


അല്ല നിന്റെ ജൂനിയർ ആയിട്ട് നിനക്ക് ഓർമ ഇല്ലല്ലോ.. സാദാരണ ഒറ്റ പെൺപിള്ളേരെ മറക്കാത്തത് ആണല്ലോ.. ശിവ ചിരിയോടെ ചോദിച്ചു


പിന്നെ ഞാനെന്താ ശ്രീകൃഷ്ണനോ.... എവിടെയോ കണ്ട് മുഖ പരിചയം ഉണ്ടാരുന്നു.

മ്മ് എനിക്കും.

നിനക്ക് എങ്ങനെ പരിചയം..അഭി നെറ്റി ചുളിച്ചു ചോദിച്ചു.

ആ അറീല്ല..... പക്ഷെ.. ശ്രദ്ധയെ കണ്ടപ്പോഴും എനിക്ക് തോന്നിയിരുന്നു എവിടെയോ കണ്ട് നല്ല പരിചയം. പിന്നെ അവളുടെ സ്വഭാവം കാരണം ഞാൻ ഓർക്കാറേ ഇല്ലാ... പക്ഷെ ആ പേര് സച്ചു,... മാളു.. ഞാൻ എവിടെയോ കേട്ടിട്ടുണ്ട്...


അത് സാദാരണ പെൺകുട്ടികൾക്ക് ഇടുന്ന പേരാണ്...

ഓ... തമാശ ആയിരിക്കും.... ചിരിക്കണമായിരിക്കും... ശിവ കളിയാക്കി കൊണ്ട് പറഞ്ഞു.

ചെ... എന്നാലും റോയിയെ കാണാൻ പറ്റിയില്ലല്ലോ... ശിവ പറഞ്ഞു.

മ്മ് സാരമില്ല ഞാൻ അവനെവിളിച് പറഞ്ഞിരുന്നു. നാളെ പോകാം...

മ്മ്


തിരിച്ചു അഭി ആണ് വണ്ടി ഓടിച്ചത്. കോളേജിൽ പോയി ശിവയുടെ ബൈക്ക് എടുക്കണമായിരുന്നു.
സീറ്റിൽ ചാരി കിടന്നുകൊണ്ട് ശിവ ആലോചിച്ചതും ആ പേരുകളെ കുറിച്ച് ആയിരുന്നു. സച്ചു, മാളു...

💞💞💞



'ഡാ ചെക്കാ... നീ എന്ത  മാലൂനെ കെത്തിക്കോനം  കേത്തല്ലോ...'


ഡീ.... സച്ചു.....


'അമ്മേ... അമ്മ ഇത് കണ്ടോ... ഈ സച്ചു വീണ്ടും ചെന്ന് ആ ടീച്ചറമ്മയുടെ മോനോട് എന്നെ കെട്ടാൻ പറഞ്ഞേക്കുന്നു...'


അവൾ കുഞ്ഞല്ലേ..കളിക്ക് പറയണതാ... നീ കാര്യാക്കണ്ട

പിന്നെ കുഞ്ഞു... നല്ല തല്ല് കിട്ടാത്തതിന്റെയ...

ആണോ സച്ചു...

അമ്മേ ആ ചെക്കനെ കാന്നൻ നല്ല രസന്ത്‌.. അമ്മ അല്ലേ പറഞ്ഞെ സച്ച  കുഞ്ഞാന്ന്.. അപ്പൊ മാലൂന് അല്ലേ കെത്താൻ പറ്റു...

എന്നെ കെട്ടിക്കാൻ നീ ആരാ... ദേ പെണ്ണെ ഇനി ആ ചേട്ടന്റെ അടുത്തെങ്ങാനും പോയ നിന്നോട്  ഞാൻ കൂടില്ല...


ബെന്താ... ഞാ പോവല്ല..


പെട്ടന്ന് ശിഖ  കണ്ണ്  തുറന്ന് ചുറ്റും നോക്കി. ആന്റിയുടെ വീട്ടിൽ ആണ്.

കൈക്ക് നല്ല വേദന തോനുന്നു... അവൾ കണ്ണ് തുറന്ന് കട്ടിലിൽ തന്നെ കിടന്നു.

ഇപ്പൊ കുറച്ചായിട്ട് പഴയ കാര്യങ്ങൾ ആണ് സ്വപ്നം കാണുന്നത്.. എന്താ മാഷേ എന്നെ കണ്ട് പിടിച്ചോ.... നിർത്താറായോ ഈ ഒളിച്ചു കളി...
എന്നാലും എന്നെ ഒന്ന് നോക്കിയാൽ എന്തായിരുന്നു... ഞാൻ എത്ര ആശിച്ചു എന്ന് അറിയോ....
എന്റെ മാഷേ ആ പേര് കേൾക്കുമ്പോ എങ്കിലും എന്നെ ഓർക്കും എന്ന് കരുതി. എത്ര  തവണ സച്ചു മാളു മാളു  എന്ന് വിളിച്ചു  എന്നിട്ട്കൂടി  ഓർത്തില്ലല്ലോ... മാഷിക്ക് എന്താ അൽഷിമേഴ്‌സ് പിടിച്ചോ.. എന്റെ കൈയിൽ കിട്ടട്ടെ ഇതിനെല്ലാം ഞാൻ അപ്പൊ തരാം..

അവൾ കൈയെത്തി ഫോൺ എടുത്തു.
മാഷ് പിന്നെ മെസ്സേജ് ഒന്നും അയച്ചില്ല..
പക്ഷെ ആൾ ഓൺലൈനിൽ ഉണ്ട് 
അവൾ ഹലോയ്..... എന്ന് അയച്ചു.

മ്മ് എന്താ... റിപ്ലൈ വന്നു.

ഞാൻ കരുതി മെസ്സേജ് അയക്കുമെന്ന്..

എനിക്ക് അതിന്റെ ആവശ്യം എന്താണ്..

ഇല്ലേ....

ഇല്ലാ... നിനക്ക് എന്താ വേണ്ടേ....

ഹോ.. കലിപ്പിൽ ആണല്ലോ...

ഞാൻ എങ്ങനെ ആയാൽ നിനക്ക് എന്താ...?

അതെന്ത് ചോദ്യാ മാഷേ.....മാഷ് എന്റെ അല്ലേ...

അത് നീയാണോ തീരുമാനിക്കുന്നത്...

അതേലോ.....അല്ലെങ്കിൽ പിന്നെ ഞാൻ മാഷിനെ പ്രേമിച്ചത് എന്തിനാ.... എന്റെ മാത്രം ആക്കാൻ അല്ലേ...

അപ്പൊ എന്റെ ഇഷ്ടങ്ങളോ....?

മാഷിന്റെ ഇഷ്ടങ്ങൾ എന്തായാലും ഞാൻ അതുപോലെ ആവാം...  പക്ഷെ ആ നെഞ്ചിൽ ഞാൻ മാത്രമേ ഉണ്ടാകാവു....

എനിക്ക് അറിയില്ല ഒരാളെ കാണാതെയും കേൾക്കാതെയും എങ്ങനെ സ്നേഹിക്കാൻ ആകുമെന്ന്.... നിനക്ക് ഭ്രാന്ത്‌ ആണ്...


'അതേലോ മാഷേ എനിക്ക് നട്ട ഭ്രാന്താണ് മാഷിനോടുള്ള ഭ്രാന്ത്.... എന്റെ ആയാലും ആ ഭ്രാന്തിനു ഒട്ടും കുറവുണ്ടാകില്ല..'

അത് നല്ല തല്ല് കിട്ടാത്തതിന്റെ ആണ്...

ആണോ... സാരില്ല.. മാഷ് തല്ലി നേരെ ആക്കിയ മതി..

ഹോ... ഞാൻ ഇല്ലാത്ത എന്തേലും ഉണ്ടോ...

ഇല്ലാ മാഷേ എന്റെ ശ്വാസം പോലും മാഷാണ്... മാഷിന് വേണ്ടി ആണ്..

നിനക്ക് വീടും വീട്ടുകാരും ഒന്നും ഇല്ലേ... എനിക്ക് വേണ്ടി ശ്വസിക്കാൻ...

ഉണ്ട്.... അവർക്ക് വേണ്ടി ആണ് ഞാൻ ജീവിക്കുന്നത്.. എന്റെ ജീവൻ നിർത്തുന്നത് മാഷും.

കോപ്പ്... എന്റെ കൊച്ചേ നിനക്ക് വട്ടാണ്... നേരത്തും കാലത്തും ചികിൽസിച്ചാൽ മാറും.

ഇല്ലാ മാഷേ... ഒരു മരുന്നിന്നും മാഷിനോടുള്ള എന്റെ ഭ്രാന്ത് മാറ്റാൻ പറ്റില്ല... അതിനു ഒരേ ഒരു മരുന്ന് ഉള്ളു മരണം.. എന്റെ മരണം അതിനു മാത്രമേ മാഷിനോടുള്ള ഭ്രാന്ത് തീർക്കാൻ പറ്റു...

എന്നാൽ പോയി ചാവ്.. എനിക്കേലും സ്വസ്ഥത കിട്ടും.

ആ മറുപടി അവളെ പിടിച്ചു നിർത്തി. അറിയാതെ തന്നെ കണ്ണ് നിറഞ്ഞൊഴുകി. അവൾ ഫോൺ മാറ്റി വെച്ചു. അവൾ ഫാനിലേക്ക് നോക്കി കിടന്നു കണ്ണുകൾ ചാലിട്ട് ഒഴുകികൊണ്ടേ ഇരുന്നു..

തുടരെ തുടരെ ഉള്ള നോട്ടിഫിക്കേഷൻ സൗണ്ട് കേട്ടാണ് അവൾ നോട്ടം മാറ്റി ഫോൺ എടുത്തത്...

മാഷിന്റെ മെസ്സേജ് അവൾ എടുത്ത് നോക്കി..

അയ്യോ ചവാൻ പോയതാണോ...
ഞാൻ വെറുതെ പറഞ്ഞതാണ്....
സോറി.... ഇയാളെന്നെ കൊലക്ക് കൊടുക്കോ....
എടോ ഇയാൾ മരിച്ചാലും ഞാൻ അകത്ത് പോകും പ്രേരണ കുറ്റത്തിന്...
ഡോ......
ഡോ....
ഞാൻ വെറുതെ പറഞ്ഞതാണെന്ന്....

അങ്ങനെ ഒരു പത്തിരുപത് മെസ്സേജ്...അവൾക്ക് കണ്ടപ്പോൾ ചിരി വന്നു.

അവൾ റിപ്ലൈ അയച്ചു

ഇല്ലാ മാഷേ പോയില്ല....പേടിച് പോയോ...

ആ.. നിനക്ക് മുഴുത്ത ഭ്രാന്ത് അല്ലേ... എങ്ങാനും പോയി വല്ല പൊട്ടത്തരവും കാണിച്ചാൽ ഞാൻ പെടില്ലേ...

ഓ.. അപ്പൊ ജയിലിൽ പോകാൻ പേടിച്ചാണ്... അല്ലാതെ എന്നെ ഇഷ്ട്ടം ഉണ്ടായിട്ടല്ല....

റിപ്ലൈ ഒന്നും വന്നില്ല.

മാഷേ .....

മാഷേ.... പോയോ..

ഇല്ലാ...

പിന്നെ.... എന്നെ ഇഷ്ടമാണോ...

എനിക്ക് അറിയില്ല.... നീ എന്നെ കണ്ടിട്ടുണ്ട് കേട്ടിട്ടുണ്ട് എല്ലാം ഉണ്ട്. പക്ഷെ ഒരിക്കൽ പോലും ഞാൻ നിന്നെ കണ്ടിട്ടില്ല അറിയില്ല... എന്തിന് പേര് പോലും അറിയില്ല... പിന്നെ എങ്ങനെ ഇഷ്ടപെടാനാണ്... പക്ഷെ എപ്പോഴോ അറിയാതെ നിന്റെ വരികളെ,കത്തിനെ ഞാൻ ഇഷ്ടപ്പെട്ടു...  പിന്നെ കത്തിനെ പ്രണയിക്കാൻ എനിക്ക് നിന്നെപ്പോലെ ഭ്രാന്ത് ഇല്ലാ....

മാഷേ പ്രണയിക്കാൻ കാണണം എന്നുണ്ടോ... കേൾക്കണം എന്നുണ്ടോ..

നിനക്ക് വേണ്ടായിരിക്കും.. പക്ഷെ എനിക്ക് വേണം അറിയണം. അറിയാതെ കേൾക്കാതെ കാണാതെ പ്രണയിക്കാൻ എനിക്ക് അറിയില്ല..


ഞാൻ പഠിപ്പിക്കാം...

എന്ത്.. പ്രണയിക്കാനോ..

മ്മ് അതെ...

അപ്പോഴും എന്റെ മുൻപിൽ വരാൻ ഉദ്ധേശം ഇല്ലാ അല്ലേ...

സമയം ആകട്ടെ മാഷേ... മാഷ് തന്നെ എന്നെ കണ്ടുപിടിക്കും.

കണ്ട് പിടിക്കണമെങ്കിൽ നീ ആരാ ഏതാ എന്നൊക്കെ അറിയണം..

അതൊന്നും വേണ്ടാ... ഒന്ന് കണ്ണടച്ചു ഓർത്താൽ മതി.

എന്ത് ഓർക്കാൻ.. അതിനു ഞാൻ നിന്നെ കണ്ടിട്ടില്ലാലോ...

ആര് പറഞ്ഞു കണ്ടിട്ടില്ലെന്ന്... ദിവസവും കാണുകയും സംസാരിക്കുകയും ചെയ്ത ഒരു കാലം ഉണ്ടായിരുന്നു.. ഒന്ന് ഓർത്ത് നോക്കി..

നീ എന്റെ കൂടെ പഠിച്ചതാണോ...?

അല്ല...

പിന്നെ... ഞാൻ നിന്റെ പുറകെ നടന്നിട്ടുണ്ടോ..?

ഇല്ലാ...

നമ്മൾ കൂട്ടുകാരായിരുന്നോ...?

അല്ല...

പിന്നെ... ഇതൊന്നും അല്ലാതെ...

മാഷ് എന്റെ കൂടെ പഠിച്ചിട്ടില്ല... എന്റെ കൂട്ടുകാരൻ ആയിരുന്നില്ല എന്റെ പുറകെ മാഷ് നടന്നിട്ടില്ല..... പക്ഷെ ഞാൻ മാഷിനെ പ്രണയിച്ചിരുന്നു... പ്രണയിച്ചുകൊണ്ടിരിക്കുന്നു... പ്രണയിച്ചുകൊണ്ടേ ഇരിക്കും..

നട്ട ഭ്രാന്ത് പറയാൻ ആണേൽ എനിക്ക് ഉറങ്ങണം...

ഹെ.. വേണ്ടാ..

പിന്നെ ഇതൊന്നും അല്ലെങ്കിൽ പിന്നെ എങ്ങനെ... അതും കൂടെ പറഞ്ഞു താ...

മാഷിന്റെ പുറകെ നടന്നത് ഞാൻ ആണ്... ഇഷ്ടമാണ് എന്ന് പറഞ്ഞതും ഞാൻ ആണ്..

നീയോ... അർച്ചന ആണോ...

അർച്ചനയോ ഏത് അർച്ചന...

കോളേജിലെ...

ഹും അപ്പൊ കണ്ട പെൺപിള്ളേർ എല്ലാം പുറകെ നടന്നിട്ടുണ്ട്.. എല്ലാത്തിനെയും ഓർമയും ഉണ്ട്. എന്നിട്ടും എന്നെ എന്താ ഓർമയില്ലാത്തെ.... അവൾ മനസിൽ ആലോചിച്ചു.

ഞാൻ അർച്ചന ഒന്നും അല്ല.... ഞാൻ പോവാണ് പോയി കിടന്ന് ഉറങ്ങ് മാഷേ...

ആഹ്.. അർച്ചനയുടെ പേര് പറഞ്ഞത് കൊണ്ടാണോ...

അല്ല... മാഷ് അല്ലേ ഉറങ്ങണം എന്ന് പറഞ്ഞെ.. പോയി ഉറങ്ങ്...

മറുപടി കാക്കാതെ അവൾ ഓൺലൈനിൽ നിന്ന് ഇറങ്ങി..

ഹും കണ്ട പെൺപിള്ളേർ എല്ലാം പുറകെ നടപ്പുണ്ട്.. അതിനു മാഷ് എന്താ ശ്രീകൃഷ്ണനോ.. അതല്ല.. കണ്ടവളുമാരെ എല്ലാം ഓർമ്മ ഉണ്ട് എന്നെ ഓർമ ഇല്ലാ..
എല്ലാത്തിനും ഞാൻ തരാം... ഒന്ന് എന്റെ കൈയിൽ കിട്ടട്ടെ...

ശ്രദ്ധ പറയും പോലെ കാട്ട് മാക്കാൻ.. ഹും.

അവൾ തിരിഞ്ഞും മറിഞ്ഞും കിടന്നു നോക്കി ഉറക്കം വരുന്നില്ല..

വീണ്ടും ഫോൺ എടുത്ത് നോക്കി.

ശിവശങ്കർ-പുളിയിറയിൽ...ഓൺലൈൻ...

ഇങ്ങേർക്ക് ഉറക്കവും ഇല്ലേ... രാത്രി ആരെ കാണാനാ ഈ ഫോണും പിടിച്ചു ഇരിക്കുന്നെ...പോയി ഉറങ്ങിക്കൂടെ..

എന്താ മാഷേ ഉറങ്ങുന്നില്ലേ... അവൾ അങ്ങോട്ട് മെസ്സേജ് അയച്ചു..

അല്ല തനിക്ക് അല്ലേ ഉറക്കം വരുന്നു എന്ന് പറഞ്ഞെ...

സ്സ്.. അവൾ നാക്ക് കടിച്ചു.




തുടരും..

©sreelekshmysaksha