പ്രണയിനി 16
Sreelekshmy


ശിവശങ്കർ-പുളിയിറയിൽ...ഓൺലൈൻ...

ഇങ്ങേർക്ക് ഉറക്കവും ഇല്ലേ... രാത്രി ആരെ കാണാനാ ഈ ഫോണും പിടിച്ചു ഇരിക്കുന്നെ...പോയി ഉറങ്ങിക്കൂടെ..

എന്താ മാഷേ ഉറങ്ങുന്നില്ലേ... അവൾ അങ്ങോട്ട് മെസ്സേജ് അയച്ചു..

അല്ല തനിക്ക് അല്ലേ ഉറക്കം വരുന്നു എന്ന് പറഞ്ഞെ...

സ്സ്.. അവൾ നാക്ക് കടിച്ചു.

അത്.... മാഷ് അല്ലേ പറഞ്ഞെ ഉറങ്ങണം എന്ന്... എന്നിട്ടിപ്പോ ഉറങ്ങണ്ടെ....

എന്നേ ഉറക്കാൻ ആണോ ഈ രാത്രി ഇത്രയും കഷ്ടപ്പെട്ട് മെസ്സേജ് അയച്ചേ....

ആണെന്ന് കൂട്ടിക്കോ...

ഓ.. ആയിക്കോട്ടെ.... ഒട്ടും കുശുമ്പ് ഇല്ലാട്ടോ...

ആർക്ക് എനിക്കോ... എന്തെ ഇപ്പൊ അങ്ങനെ തോന്നാൻ...

അല്ല ഒരു അർച്ചനയുടെ പേര് പറഞ്ഞപ്പോൾ തന്നെ കെറുവിച് പോയതേ....

ഞാൻ കെറുവിച് പോയതൊന്നും അല്ല...

പിന്നെ...

ഉറക്കം വരുന്നു എന്ന് പറഞ്ഞത് കൊണ്ട് പോയതാ....

എന്നിട്ട് ഇപ്പൊ എന്തിനാ വന്നേ....

അത് മാഷ് ഉറങ്ങുന്നില്ലലോ അത് കൊണ്ട്...

ഓ.... എന്നാൽ ശരി എനിക്ക് ഉറക്കം വരുന്നു പോവാ....

ഒരു നിമിഷം എന്ത് മറുപടി കൊടുക്കണം എന്ന് അറിയാതെ അവൾ നിന്നു...

മ്മ് ശരി... ഗുഡ് നൈറ്റ്.....

ഒക്കെ ഗുഡ് നൈറ്..

അവൻ ഓൺലൈനിൽ നിന്ന് ഇറങ്ങിയിട്ടും അവൾ കുറെ നേരം കൂടി ഫോണും നോക്കി ഇരുന്നു...

കുശുമ്പ് ആണെന്ന് സമ്മതിച്ചാൽ മതിയാരുന്നു... അവൾ വിരൽ കടിച്ചു..

ഇങ്ങേർക്ക് ഒരു മയവും ഇല്ലല്ലോ... ദൈവമേ കേട്ട് കഴിഞ്ഞാൽ ഇതിനെ മെരുക്കാൻ ഞാൻ കുറെ പാട് പെടും... എന്നാലും എന്റെ മാളു... നീ എന്ത് കണ്ടാണ് അങ്ങേരെ പ്രേമിച്ചത്..... അന്നത്തെ പത്താംക്ലാസുകാരന്റെ പ്രായത്തിൽ കവിഞ്ഞ പക്വത കണ്ടോ... പക്വത ഉണ്ടായിട്ടെന്താ... അന്നത്തെ ഒരു സംഭവം പോലും അങ്ങേർക്ക് ഓർമ്മ ഇല്ലാ... കുറ്റം പറയാനും പറ്റില്ല... പ്രതേയ്കിച്ചു വല്ലതും നടന്നാൽ അല്ലേ ഓർമ കാണു...... ഈ സച്ചു  ഒരാളാണ് എന്റെ നെഞ്ചിൽ അങ്ങേരെ കുത്തി കേറ്റിയത്....എന്നിട്ടെന്താ.. ഇപ്പൊ എന്റെ ഉറക്കം കളഞ്ഞില്ലേ... എന്നിട്ട് അവള് സുഖമായി കിടന്ന് ഉറങ്ങുന്നു...


അവൾ ഫോൺ എടുത്തു സച്ചൂന് വിളിച്ചു..

രണ്ടാമത്തെ റിങ്ങിൽ എടുത്തു..

എന്താ മാളു രാത്രിയിൽ നിനക്ക് ഉറക്കോം ഇല്ലേ...ഉറക്കച്ചടവോടെ ശ്രദ്ധ ചോദിച്ചു

ദേ പെണ്ണെ എന്നെക്കൊണ്ട് ഒന്നും പറയിപ്പിക്കരുത്...

എന്താ... നിനക്ക് വേദന ഉണ്ടോ...

കോപ്പ്.. അതൊന്നും അല്ല..

പിന്നെ...

എനിക്ക് ഉറക്കം വരുന്നില്ല..

അതിനു എന്നേ വിളിച്ചാൽ ഉറക്കം കിട്ടോ...

എന്റെ ഉറക്കം പോയത് നീ കാരണമാ...

ഞാനോ.. ഞാ എന്താ ചെയ്തേ...

നീയല്ലേ അങ്ങേരെ എന്റെ നെഞ്ചിൽ കുത്തി കേറ്റിയെ...

ആ... ഇപ്പൊ ഞാൻ ആയോ കുറ്റക്കാരി ഞാൻ പറഞ്ഞോ നിന്നോട് അവനെ പ്രേമിക്കാൻ... ഞാൻ പറഞ്ഞോ കഴിഞ്ഞ പത്ത് പതിമൂന്നു വർഷം അങ്ങേരെ ഓർത്ത് കാത്തിരിക്കാൻ..അന്നേരം കാണാൻ കുറച്ച് ഭംഗി ഓക്കെ ഉണ്ടാരുന്നു. അന്നത്തെ എന്റെ പൊട്ടത്തരത്തിനു ഞാൻ ചെയ്തതിനൊക്കെ കിടന്ന് തുള്ളാൻ ഞാൻ പറഞ്ഞോ... അന്നേരം നിനക്ക്  എന്തോ  പക്വതയോ പക്കാവടയോ എങ്ങാണ്ട് കണ്ട് പ്രേമം മൂത്തു...അതിനു ഞാൻ ആണോ ഉത്തരവാദി കിടന്ന് ഉറങ്ങടി.

ഹും.. ശിഖ കലിപ്പിൽ ഫോൺ വെച്ചു..

മിണ്ടാതെ കിടന്ന് ഉറങ്ങടി പുല്ലേ....ഉറക്കത്തിലും ഫറ പറഞ്ഞു.

ശ്രദ്ധ ഫോൺ മാറ്റി വെച്ച് കിടന്നുറങ്ങി.

എന്തൊക്കെയോ ആലോചിച്ചു കൂട്ടി ശിഖയും ഉറക്കത്തിനു വഴി കൊടുത്തു..

💞💞💞

രാവിലെ എഴുന്നേറ്റപ്പോൾ മുതൽ ശിവയുടെ മുഖത്ത് പതിവില്ലാത്തൊരു ചിരി കണ്ട് അമ്മയും ലെച്ചുവും കണ്ണിൽ കണ്ണിൽ നോക്കി...

അന്തംവിട്ട് നോക്കുന്ന അവർക്ക് കണ്ണടച്ചു ഒരു ചിരി കൊടുത്ത് ശിവ മുങ്ങും..

ലെച്ചു കഴിക്കാൻ വിളിക്കാൻ ശിവയുടെ മുറിയിൽ ചെന്നപ്പോൾ ബാത്‌റൂമിൽ നിന്ന് ശിവയുടെ മൂളിപ്പാട്ട് കേട്ടു...

ങേ.... ഏട്ടൻ പാടുവോ.... അവൾ കണ്ണും തള്ളി നോക്കി..

കുളിച് മൂളിപ്പാട്ടും പാടി ഇറങ്ങി വരുന്ന ശിവ കണ്ടത് അവനെ തന്നെ നോക്കി കിളിപോയി നിൽക്കുന്ന ലെച്ചുവിനെ ആണ്..

എന്താടി.... മുഖത്ത് വന്ന ചമ്മൽ അതി വിദ്കതമായി മറച്ചുകൊണ്ട് ശിവ ചോദിച്ചു..

മ്മ്... മ്മ്.... അവൾ തലയാട്ടിക്കൊണ്ട്  മൂളി..

അവൾ തിരിഞ്ഞ് വെളിയിലേക്ക് നടന്നുകൊണ്ട് പറഞ്ഞു ഏട്ടനെ അമ്മ കഴിക്കാൻ വിളിക്കണ്....

അവൾ തിരിഞ്ഞപ്പോ ശിവ തലക്കിട്ടു സ്വയം തട്ടി.. അപ്പൊ തന്നെ തിരിഞ്ഞു നോക്കിയ ലെച്ചു അത് കൃത്യമായി കാണുകയും ചെയ്തു..

അവൾ അവനെ നോക്കി തലയാട്ടി കൊണ്ട് അകത്തേക്ക് വിളിച്ചു പറഞ്ഞു..

അമ്മേ.... അമ്മേടെ മോൻ കൈവിട്ട് പോയി......

അവളുടെ പിറകെ പോയാൽ ഇന്നത്തേക്ക് ചമ്മാൻ ഉള്ള വക ആകും എന്ന് തോന്നിയത് കൊണ്ട് അവൻ അതിനു മുതിർന്നില്ല..

കഴിച്ചോണ്ടിരിക്കുമ്പോൾ മുഴുവൻ ലെച്ചു അവനെ കളിയാക്കാൻ വേണ്ടി ഓരോന്ന് ചെയ്യുകയും പറയുകയും ചെയ്തുകൊണ്ടിരുന്നു...

അമ്മേ.... ഈ തേനീച്ച അല്ലാതെ.. മൂളുന്ന ജീവി ഏതാമ്മേ....

അതെന്താടി അങ്ങനിപ്പോ ഒരു സംശയം...

ഓ.. ഒന്നുമില്ല പതിവില്ലാതെ പലതും കണ്ടപ്പോൾ തോന്നിയ ഒരു സംശയമാണ്..

അതെന്ത്.. അമ്മ ശിവയെ നോക്കി ചോദിച്ചു..

മിണ്ടാതെ കഴിച്ചിട്ട് എഴുനേറ്റു കോളേജിൽ പോടീ... സമയം കുറെ ആയി... ശിവ അവളെ നോക്കി കപട ദേഷ്യത്തോടെ പറഞ്ഞു

ഓ.. അവൾ മുഖം കോട്ടി പുട്ട് അകത്താകുന്നതിൽ ശ്രദ്ധിച്ചു.


ശിവ കഴിച്ചു എഴുന്നേറ്റ് കൈകഴുകി വന്നപ്പോൾ ലെച്ചു പോകാൻ വേണ്ടി ചെരുപ്പ് ഇടുവായിരുന്നു..

അതെ... ലൈസൻസ് കിട്ടി എന്നും പറഞ്ഞു കറങ്ങി നടക്കാൻ ഒന്നും നിക്കണ്ട.. ക്ലാസ്സിലൊക്കെ മര്യാദക്ക് കേറിക്കോണം... കോളേജ് വിട്ടാൽ നേരത്തെ വീട്ടിൽ കേറിക്കോണം.. അല്ലെങ്കിൽ രണ്ടും എന്റെ സ്വഭാവം അറിയും.

ശിവ അവൾക്ക് അരുകിലേക്ക് വന്നുകൊണ്ട് പറഞ്ഞു.

അവൾ ഒരു ഇഞ്ചി കടിച്ച ചിരി കൊട്ത്ത് ഇറങ്ങി നടന്നു. നടന്നു.

അല്ല ശിവ നീ ഇന്ന് കോളേജിൽ പോണിലെ.... പിറകിൽ നിന്ന അമ്മ ചോദിച്ചു

ഹാഫ് ഡേ ലീവാണ്... ഒരാളെ കാണാൻ പോണം..

മ്മ്..

അവൻ റൂമിൽ കേറി ഫോൺ നോക്കിയപ്പോൾ പ്രണയിനി ഗുഡ്മോർണിംഗ് ഇട്ടിരിക്കുന്നു.

അവൻ ഒരു ചിരിയോടെ അത് നോക്കി തിരിച് ഗുഡ് മോർണിംഗ് കൊടുത്തു.

പക്ഷെ ആൾ ഓൺലൈൻ ഉണ്ടായിരുന്നില്ല... അതുകൊണ്ട് അവൻ പോസ്റ്റ്‌ ഓക്കെ നോക്കി.

അവളുടെ ബയോവിൽ മാറ്റം വരുത്തിയിട്ടുണ്ട്..

"കാത്തിരിക്കുന്നു നിന്റേതാകുന്ന നാളിലേക്ക്...." എന്ന് മാത്രം ആക്കി.



ഒരു സ്വപ്നം പോലെ തോനുന്നു എല്ലാം... എല്ലാം ഇന്നലെ കഴിഞ്ഞു എന്ന പോലെ....

"എന്നിലെ പാവാടകാരിക്ക് നിറം നൽക്കുന്നത് നിന്നിലെ പൊടിമീശക്കാരൻ പയ്യൻ ആണ്..."

"എന്നിലെ സ്വപ്നങ്ങളെ ഉണർത്തുന്നത് നിന്റെ ഓർമ്മകൾ ആണ്..."

"ഒരുപാടില്ലെങ്കിലും ഓർക്കാൻ നിൻ ചുണ്ടിലെ ചെറു ചിരി തന്നെ ധാരാളം..."

അറിയാതെ തോന്നിയൊരു ഇഷ്ടത്തിൽ നിന്ന്  ഇന്നത് പ്രണയത്തിന്റെ കൊടുമുടിയിൽ എത്തി നിൽക്കുന്നു....

മാറാലകൂടിയ നിന്റെ ഓർമ്മച്ചിമിഴുകളുടെ പൂട്ടഴിക്കാൻ ഞാൻ വരും..... സ്നേഹം നിറഞ്ഞ ഒരുപിടി ഓർമ്മകളുമായി.....

(പ്രണയിനി.....)

അവൻ അത് വായിച്ചു അറിയാതെ ചുണ്ടിൽ ഒരു ചിരി വിരിഞ്ഞു...

അവൻ വെറുതെ താഴത്തെ കമന്റ്‌ ഓക്കെ വായിച്ചു നോക്കി...

'കാത്തിരുന്ന ആൾ വന്നുവോ...'അത് മാത്രം അവന്റെ കണ്ണിൽ ഉടക്കി അതിന്റെ റിപ്ലൈ വായിച്ചു..

മ്മ് വന്നു..... എന്നേ തേടി വരാതിരിക്കാൻ ആവില്ലവന്... കാലം എനിക്കായി കാത്തുവെച്ചതാണവനെ....

അത് വായിച്ചപ്പോൾ അവൻ അറിയാതെ വീണ്ടും ചിരിച്ചു...

ഇതെല്ലാം കണ്ട് കൊണ്ട് വാതിലിൽ നിന്ന അമ്മ അവന്റെ ശബ്ദമില്ലാത്ത ചിരി കണ്ട് മേലോട്ട് നോക്കി കൈയ് പൊക്കി പരിതപിച്ചു

പാവമിതൊന്നും അറിയാതെ ഫോണിൽ നോക്കി ചിരി തുടർന്നു.

അവൻ അഭിയെ വിളിച്ചിട്ട് ബൈക്ക് എടുത്ത് പോയി.

കോഫി ഷോപ്പിൽ റോയിയും അഭിയും അവനെ കാത്തു നിൽക്കുകയായിരുന്നു..

റോയ് അവൻ വന്നയുടനെ കൈ കൊടുത്ത് പരിചയപെട്ടു.

ഓ അപ്പൊ ഇതാണ് ആള്... അല്ലേ.. ചെറു ചിരിയോടെ റോയ് ചോദിച്ചു.

മ്മ് അതെ... അഭിയും ചിരിച്ചു.

ശിവ എനിക്ക് നിങ്ങളെ ഹെല്പ് ചെയ്യുന്നതിന് ഒരുപാട് പരിധികൾ ഉണ്ട് അറിയാലോ... സൈബർ ലോ ഓക്കെ വളരെ സ്ട്രിക്ട് ആണ്... വെറും ഒരു സ്റ്റാഫ്‌ ആയ ഞാൻ ഇതൊക്കെ ചെക്ക് ചെയ്യുമ്പോ പിന്നീട് അത് വലിയ പ്രശ്നത്തിനു വഴി ആകും.

മ്മ് എനിക്ക് മനസിലാകും...പറ്റുന്ന ഡീറ്റെയിൽസ് ഓക്കെ മതി... എല്ലാ വഴിയിലും അന്വേഷിച്ചില്ല എന്ന് തോന്നാതിരിക്കാൻ വേണ്ടി ആണ്..

റോയ് ഒന്ന് ചിരിച്ചു.പിന്നെ പറഞ്ഞുതുടങ്ങി.

പ്രണയിനി ലോഗിൻ ചെയ്യുന്നത് ശിവയുടെ ലോക്കാലിറ്റിയിൽ ആണ്.. അതായത് ശിവയുടെ വീടിന്റെ ഒരു 100 മീറ്റർ ചുറ്റളവിൽ ഉള്ള ഒരു വീട്...പിന്നെ ലോഗിൻ ചെയ്യുന്ന ഇമെയിൽ അഡ്രസ് pranayini01@gmaiൽ. Com

ങേ.. അഭിയും ശിവയും കണ്ണിൽ കണ്ണിൽ നോക്കി...

അവരുടെ നോട്ടം കണ്ട് റോയ് ചിരിയോടെ പറഞ്ഞു.

ഇത് ശിവയെ നല്ലത് പോലെ മനസിലാക്കിയ ആരോ പണി തരുന്നതാണ് എന്ന എനിക്ക് തോന്നുന്നത്...

ഇനിയിപ്പോ ഇതിന്റെ എല്ലാം വേരും തപ്പി പോയാലും ഒന്നും കിട്ടില്ല....

കൂടുതൽ ആയി എനിക്ക് ഒന്നും പറയാനും നിവർത്തി ഇല്ലാ...


മ്മ്.. ഈ 100 മീറ്റർ എന്നൊക്കെ പറയുമ്പോൾ... ശിവാ സംശയത്തോടെ നോക്കി.

കൃത്യമായി ഹൌസ് നമ്പർ അഡ്രസ് എല്ലാം കിട്ടും പക്ഷെ തരില്ല... ഞാൻ ചെക്ക് ചെയ്തിട്ടും ഇല്ലാ...പിന്നെ ഇതുമാത്രം അല്ല കേട്ടോ.. ഒരുപാട് ലോഗിൻ പ്ലേസ് ഉണ്ട്. ഏറ്റവും കൂടുതൽ പ്രാവശ്യം ഇവിടെ നിന്നും ആണെന്ന് മാത്രം..

മ്മ് ഒക്കേ താങ്ക്യൂ റോയ്...

റോയ് ഒന്ന് ചിരിച്ചു..

അവൻ തിരിഞ്ഞു നടക്കാൻ നേരം റോയ് വിളിച്ചു

എന്താ....


ചേക്കാട്  തനിക്ക് പരിചയം ഉള്ള ആരെങ്കിലും ഉണ്ടോ....

അവൻ ഒന്ന് ആലോചിച്ചു...

ഇല്ലാ... എന്തെ....ശിവാ നെറ്റി ചുളിച്ചു ചോദിച്ചു.

പ്രണയിനിയുടെ  വേറെ ഒരു ലോഗിൻ പ്ലേസ് ചേക്കാട് ആണ്

ശിവയുടെ  കണ്ണ് ഒന്ന് തിളങ്ങി..അവന്റെ മുഖത്ത് ചിരി വിരിഞ്ഞു...

അഭിയും റോയുടെ അവന്റെ മുഖത്തെ മാറ്റം തിരിച്ചറിയാനാവാതെ നിന്നു...


തുടരുന്നു....