💞പ്രണയിനി💞 18
Sreelekshmysaksha



തിരിഞ്ഞ് ലെച്ചുവിന്റെ കൈയിൽ പിടിച്ചു നിൽക്കുന്ന അവളെ നോക്കി വിളിച്ചു.

സച്ചൂ.... വാ..

അവൾ ലെച്ചുവിന്റെ കൈവിട്ട് അവളുടെ അടുത്തേക്ക് ഓടി.

അവളുടെ കാലിൽ കിലുക്കം ഉള്ള കൊലുസാണ് ഇട്ടിരുന്നത്. നടക്കുമ്പോൾ പോലും നല്ല ശബ്ദം കേൾക്കുന്നു.

പോകുമ്പോൾ ഞങ്ങളെ നോക്കി ചിരിക്കാനും അവൾ മറന്നില്ല. മാളു അപ്പോഴും പശുകുട്ടിയുടെ കയറും പിടിച്ചു നേരെ നോക്കിയാണ് നടന്നത്.


ഇവിടുത്തെ ശബ്ദം കേട്ടിട്ടാണ് എന്ന് തോനുന്നു അമ്മ അകത്തുനിന്ന് വന്നു..

എന്താ ശിവാ.... ആരാ വന്നേ...

അത് നമ്മുടെ സ്കൂളിൽ പഠിക്കണ കുട്ടിയാണ്.. അന്ന് തോട്ടിൽ കണ്ടേ... പശുകുട്ടി കയർ പൊട്ടിച്ചു വന്നു അതിനെ പിടിക്കാൻ വന്നതാ...

കൃഷ്‌ണൻ സാറിന്റെ മോൾ ആണോ...

ആവോ അറീല്ല...മാളു എന്നാ പേര് പറഞ്ഞെ....

മ്മ് അതന്നെ.....എന്നിട്ട് പയ്യ് വല്ലതും തിന്നോ..

മ്മ് തെച്ചി.. ഞാൻ തേച്ചിയിലേക്ക് നോക്കി കൊണ്ട് പറഞ്ഞു.

അമ്മ ഇറങ്ങി വന്നു ചെടി നോക്കി..

ആ സാരില്ല... അത് കിളിച്ചോളും. അമ്മ അകത്തേക്ക് പോയി.

അച്ഛൻ അപ്പോഴേക്കും വാതിൽ വരെ വന്നിരുന്നു അമ്മ കാര്യം പറഞ്ഞു അകത്തേക്ക് കയറിയത് കൊണ്ട് അച്ഛൻ പുറത്തേക്ക് വന്നില്ല...


നല്ല രസമുണ്ടല്ലേ ആ പശുകുട്ടിയെ കാണാൻ.... ലെച്ചു ചിരിയോടെ പറഞ്ഞു.

മ്മ്.. ഞാൻ ഒന്ന് മൂളി.


പിറ്റേന്ന് രാവിലെ അച്ഛൻ ജോലി സ്ഥലത്തേക്ക് പോയി

അന്ന് വൈകിട്ട് ഞങ്ങളുടെ കൂടെ അമ്മയും ഉണ്ടായിരുന്നു സ്കൂൾ വിട്ട് വന്നപ്പോൾ.  വഴിക്ക് വെച്ച് മാളൂനെയും കൂട്ടുകാരെയും കണ്ടപ്പോൾ അമ്മ അവളുടെ അടുത്തേക്ക് ചെന്നു.

കുട്ടിയെ... അമ്മയോട് പറയണേ പാലിന്റെ കാര്യം മറക്കല്ലേ...

അമ്മ പറയുന്നത് എന്താന്ന് മനസിലായില്ലെങ്കിലും അവളുടെ മറുപടിക്കായി ഞാൻ കാത്തു..

ഇല്ലാ ടീച്ചറെ... ഞാൻ പറയാം...

മ്മ്  ഇവൻ വന്നു വാങ്ങിക്കോളും കേട്ടോ..

ആ... അവൾ ചിരിച്ചുകൊണ്ട് തലയാട്ടി.

ഓ പാല് വാങ്ങാൻ ആവും അത്രയും എനിക്ക് മനസിലായി

അമ്മ അവളുടെ തലയിൽ ഒന്ന് തലോടി ലെച്ചുവിന്റെ കൈയും പിടിച്ചു നടന്നു.ഞാനും കൂടെ നടന്നു.

അമ്മേ.. അമ്മ എന്താ ആ കുട്ടിയോട് പറഞ്ഞെ....

അത് രാവിലെയും വൈകിട്ടും ഇരുനാഴി പാല് തരണം എന്ന് പറഞ്ഞിരുന്നു മറക്കാതിരിക്കാൻ ഓർമപ്പിച്ചതാ...

മ്മ്...

ഈ ചേച്ചിയും അനിയത്തിയും ആണ് അമ്മേ ഇന്നലെ വീട്ടിൽ വന്നത്..ലെച്ചു പറഞ്ഞു

മ്മ് എനിക് മനസ്സിലായിരുന്നു.

ആ ചേച്ചീടെ വീട് എവിടാ....

അത് പറഞ്ഞപ്പോഴാ ഓർത്തെ.. ശിവ.. ആ കുട്ടി നാളെ പാല് തരാൻ വരുമ്പോ നീ ഒന്ന് കൂടെ പോണം... ആ തോട് കഴിഞ്ഞ് മേലെ കാണുന്ന മലയിൽ ആണ്  അവരുടെ വീട്...  വീട് കണ്ട് വെക്കണം നീ എന്നും പോയി പാല് വാങ്ങി വരണം കേട്ടോ..അമ്മ എന്റെ തോളത്ത് പിടിച്ചുകൊണ്ടു പറഞ്ഞു.

ആ അമ്മ ഞാൻ തലയാട്ടി..

ഞാനും കൂടെ പൊക്കോട്ടെ അമ്മേ... ലച്ചു കൊഞ്ചി കൊണ്ട് ചോദിച്ചു.

ആ പൊക്കോ..

ലെച്ചുവിന്റെ മുഖം വിടർന്നു.

പിറ്റേന്ന് വെളുപ്പിന് പഠിച്ചുകൊണ്ട് ഇരുന്നപ്പോഴാണ് വെളിയിൽ ആരോ വന്നത് പോലെ തോന്നിയത്. ലച്ചു എഴുന്നേറ്റിട്ട് ഉണ്ടായിരുന്നില്ല

ടീച്ചറെ.....

തോന്നൽ അല്ല.. ആരോ വിളിക്കുന്നുണ്ട്. ഞാൻ കസേരയിൽ നിന്ന് എഴുനേറ്റു ഉമ്മറത്തേക്ക് ചെന്നു. അപ്പോഴേക്കും അമ്മയും അടുക്കളയിൽ നിന്ന് വന്നിരുന്നു.

ഒരു ചോറ്റു പാത്രവും കൈയിൽ പിടിച്ചു മാളു അവളുടെ കൈയിൽ തൂങ്ങി സച്ചുവും

ഇത്രയും വെളുപ്പിനെ കറക്കുമോ... അമ്മ ക്ലോക്കിലേക്ക് നോക്കി കൊണ്ട് ചോദിച്ചു. സമയം ആറര കഴിഞ്ഞിട്ടേ ഉണ്ടായിരുന്നുള്ളു.

മ്മ്... സോസൈറ്റിയിൽ പാല് കൊടുക്കുന്നുണ്ട് അപ്പൊ നേരത്തെ കറക്കും. അവൾ ചെറു ചിരിയോടെ പറഞ്ഞു.


എന്നാലും കുട്ടിയെ നീയി വെളുപ്പാൻ കാലത്ത് ആ മലയിറങ്ങി വരണ്ടാരുന്നു.. കുറച്ചു കഴിഞ്ഞിട്ട് പോരായിരുന്നോ...

അത് സാരില്ല ടീച്ചറെ എനിക്കത് ശീലമായി....അവൾ ചിരിച്ചു.

അമ്മയും ചിരിച്ചു.

എന്താ അനിയത്തി കുട്ടിയുടെ പേര്... അമ്മ വാത്സല്യത്തോടെ ചോദിച്ചു.


പേര് പറ.. അവൾ സച്ചുവിന്റെ കൈ ആട്ടിക്കൊണ്ട് പറഞ്ഞു.

സച്ച.... കൊച്ചരി പല്ലുകാട്ടി ചിരിയോടെ പറഞ്ഞു.


സച്ചൂന്നാണ്... അവൾ സച്ച എന്നാ പറയണേ... മാളു അത് തിരുത്തി പറഞ്ഞു.

ആഹാ.. സച്ചു കുട്ടി ഇങ് വന്നേ... അമ്മ വിളിച്ചു. അവൾ മാളൂനെ നോക്കി അവൾ പൊക്കോളാൻ തലയാട്ടി..
അവൾ പടി കയറി അകത്തേക്ക് വന്നു.

മോളും വാ.... അവളെയും വിളിച്ചു.

അടുക്കളയിൽ നിന്ന് കായ വറുത്തതും  കളിയോടക്കയും  അമ്മ എടുത്തു കൊടുത്തു.

അവർ കഴിക്കുന്ന നേരം കൊണ്ട് അമ്മ പാല് വാങ്ങി മാറ്റി ഒഴിച്ച്  പാത്രം കഴുകി തിരികെ കൊടുത്തു.

അവർ പടി കടന്നപ്പോ അമ്മ വിളിച്ചു.

ഇവനും വരുന്നുണ്ട്. വീട് ഒന്ന് കാണിച് കൊടുക്ക്.. പിന്നെ അവൻ വന്നു വാങ്ങിക്കോളു അമ്മ ചിരിയോടെ പറഞ്ഞു എന്നെ നോക്കി.

ഞാൻ ഇറങ്ങി അവരോടൊപ്പം ചെന്നു.

അവർ മുൻപിലും ഞാൻ പിന്നിലും ആണ് നടന്നത്.

മാളുവിന്റെ  അര കവിഞ്ഞു കിടന്നിരുന്ന മുടിയിൽ നിന്ന് വെള്ളത്തുള്ളികൾ നിലത്തേക്ക് വീനിരുന്നു. മുടി കുളിപ്പിന്നൽ കെട്ടി ഇട്ടിരിക്കുവാന്...

ഇത്രയും നേരത്തെ കുളിക്കോ... ലെച്ചു എഴുനേൽക്കുന്നത് തന്നെ 7:00 മണിക്ക് ആണ്. സ്കൂളിൽ പോകാൻ ആകുബോഴേക്കുമേ അവൾ കുളിക്കു...



  സച്ചു കുളിച്ചിട്ടില്ല... അവളുടെ മുടി പാറി പറന്നു കിടപ്പുണ്ട്. കഴുത്ത് മറഞ്ഞു  ചെറുതായി  ചുരുണ്ട അവളുടെ മുടി  നടക്കുന്നത് അനുസരിച് മുഖത്തേക്ക് വീണുകൊണ്ടിരുന്നു. അവൾ ഒരു കൈകൊണ്ട് അത് മാടി ചെവിക്ക് പിന്നിലേക്ക് വെക്കും

വളവ് കടന്നതും സച്ചു എന്റെ കൂടെ വന്നു എന്റെ കൈയിൽ പിടിച്ചു നടന്നു. മാളു ഒന്ന് തിരിഞ്ഞു നോക്കി. ആ മുഖത്ത് കുശുമ്പ് ഇല്ലായിരുന്നോ എന്നൊരു തോന്നൽ.

പേരെന്താ..... അവൾ കുറുങ്ങിക്കൊണ്ട് ചോദിച്ചു.

ശിവാ...

നല്ല രസമാ നിന്നെ കന്നാൻ... അവൾ പറയുന്നത് കേട്ട് ഞാൻ അവളെ നോക്കി...

ആണോ... പിരികം പൊക്കി ഞാൻ കളിയായി ചോദിച്ചു

ആന്ന്....

മാളു തിരിഞ്ഞ് അവളെ നോക്കി. അവൾ ചിരിച്ചുകൊണ്ട്  എന്റെ കൈ വിട്ട് മാളൂന്റെ അടുത്തേക്ക് ചെന്നു. മാളുവിന്റെ നടു വിരലും ചൂണ്ടു വിരലും ചേർത്ത് പിടിച്ചു നടന്നു.

നടന്നു നടന്നു പാലം കഴിഞ്ഞിരുന്നു. ഇനി തോടിന്റെ ചിറയിൽ കൂടെ വേണം നടക്കാൻ. കവുങ്ങിന്റെ ഇടയിൽ കൂടെ..

സൂര്യൻ ഉദിച്ചു തുടങ്ങിയിട്ടേ ഉള്ളു.. വെട്ടം പരക്കാൻ ആയിട്ടില്ല

സച്ചു അവളുടെ കൈവിട്ട് നിലത്ത് കിടക്കുന്ന പാക്ക് പെറുക്കാൻ തുടങ്ങി.. എല്ലാത്തിന്റെയും മൂട്ടിൽ ഒന്നോ രണ്ടോ പൊഴിഞ്ഞു കിടപ്പുണ്ടാകും. അവളുടെ കൈ നിറയുമ്പോൾ അത് മാളുവിന്റെ കൈയിൽ കൊണ്ട് കൊടുക്കും. അവൾ അത് വരമ്പത്തുനിന്ന് പൊട്ടിച്ച വട്ട ഇലയിൽ ചുരുട്ടി പിടിക്കും.

ചിറയുടെ തിട്ടയിലേക്ക് സച്ചു നടക്കുമ്പോൾ  മാളു വിളിക്കും.

സച്ചു സൂക്ഷിച്.... അപ്പോൾ അവൾ മാറി നടക്കും.

തോട് കഴിഞ്ഞ് എത്തിയത് ഒരു മലമൂട്ടിലേക്ക് ആണ്.  അവിടെ  മല നിറയെ പറങ്കിമാവുകൾ  ആണ്...മലയിൽ അടുത്തടുത്തായി  വീടുകൾ ഉണ്ട്   വീടിന്റെയെല്ലാം അടുക്കളയിൽ നിന്നുയരുന്ന പുക പറങ്കിമാവുകൾക്കിടയിൽ  മഞ്ഞിന്റെ കൂടെ ചേർന്ന മൂടൽ പിടിച്ചു കിടന്നു.

മല കയറാൻ ആയി ഒരു വഴി വേറെ ഉണ്ട്..  പക്ഷെ അവർ നടന്നത് പറങ്കിമാവിന്റെ വേരുകൾ പടി കെട്ടിയ വഴിയേ ആയിരുന്നു. ഞാനും പിന്നാലെ നടന്നു . സച്ചു വേഗം തന്നെ പടികൾ കയറി നടന്നു അല്ല ഓടി

മാളു പാവാട പൊക്കി പിടിച്ചു പതിയെ ആണ് നടന്നത്.

ഇടക്ക് ഇടക്ക് എന്നെ തിരിഞ്ഞു നോക്കുകയും ചെയ്തു.


പടി കയറി ചെന്നപ്പോൾ കണ്ടു നിറയെ ചെടികൾ ഉള്ള ഒരു വീട്.... വലിയ മുറ്റം ആണ്. വീടും സാമാന്യം വലിപ്പം ഉള്ളതാണ്.

വീടിന്റെ പടിപ്പുരയിൽ കുറുകെ രണ്ട് തടി വെച്ചിരുന്നത് എടുത്ത് മാറ്റി എനിക്ക് കയറി വരാൻ അവൾ വഴി ഉണ്ടാക്കി.

പടിപ്പുര കടന്നപ്പോൾ തന്നെ മുറ്റത്തു നിന്ന പിച്ചിപ്പൂവിന്റെ ഗന്ധം നാസികയിലേക്ക് കയറി.

ഞാൻ ചുറ്റും നോക്കി. പിച്ചികൂടാതെ  പലതരം ചെമ്പരത്തികൾ ഉണ്ട്. പിന്നെ  കുറെ ഏറെ ചെടികൾ.


കിഴക്ക് നിൽക്കുന്ന മൂവാണ്ടൻ മാവിൽ നല്ല നീളത്തിൽ ഒരു ഊഞ്ഞാൽ കെട്ടിയിട്ടുണ്ട്.

ഞങ്ങൾ അകത്തു കയറിയപ്പോൾ തന്നെ സച്ചു പോയി അകത്തുനിന്ന് അമ്മയെ വിളിച്ചിട്ട് വന്നു.

അവർ ഒരു ചിരിയോടെ എന്റെ അടുത്തേക്ക് വന്നു.

ഇവൾ കൊണ്ടു തരുമായിരുന്നല്ലോ മോനെ...

അത് സാരമില്ലമ്മേ... ഞാൻ വന്നോളാം... ഒന്ന് ചിരിച്ചു.

അപ്പോഴേക്കും അകത്തുനിന്ന് അച്ഛനും വന്നിരുന്നു.

ആ.. വീട് അറിയാൻ വന്നയാണോ... ഒരു ചിരിയോടെ ചോദിച്ചു..

ഹാം... ഞാനും ചിരിച്ചു.

കുറച്ചു സംസാരിച്ചു ഞാൻ പോകാൻ ആഞ്ഞു.


അവിടുന്ന് ഇറങ്ങുമ്പോ കണ്ടു കഴിഞ്ഞ ദിവസം വീട്ടിൽ വന്ന പശുകുട്ടിയെ... അതിനെ ഒരു  കുറ്റിയിൽ കെട്ടിയിട്ടിരുന്നു...


വീട്ടിൽ വന്നപ്പോ ലച്ചു എഴുന്നേറ്റിരുന്നു..

എന്താ ഏട്ടാ എന്നെ വിളിക്കാഞ്ഞേ... അവൾ മുഖം വീർപ്പിച് ചോദിച്ചു.

അതെ പെൺകുട്ടിയോൾ ആയാൽ നേരത്തും കാലത്തും എണീക്കണം. അപ്പൊ കൊണ്ടുപോകാം...

അത് നീ പറഞ്ഞത് നേരാ ശിവാ.... അമ്മ അടുക്കളയിൽ നിന്ന് ചിരിയോടെ വിളിച്ചു പറഞ്ഞു.

ഹും.... അവൾ മുഖം വീർപ്പിച്ചു ചാടി തുള്ളി അകത്തേക്ക് പോയി.

പിന്നാലെ പോയാൽ അടിയും പിച്ചും കൊള്ളും എന്നത്കൊണ്ട് അവൻ അടുക്കളയിലേക്ക് പോയി.

അമ്മ ചായ ആക്കി വെച്ചിരുന്നു. അതെടുത്തു തന്ന്...

നീ കണ്ടോ വീട്....ചായ കുടിച്ചോണ്ടിരിക്കുമ്പോ അമ്മ ചോദിച്ചു..


മ്മ്.. നല്ല വീട്...

വീടിന്റെ ഭംഗി ചോദിച്ചതല്ല... വഴി മറക്കരുത്. വൈകിട്ട് പോയി അവിടുന്ന് പാല് വാങ്ങണം. കേട്ടോ..

മ്മ്.. ഞാൻ തലയാട്ടി..

മാളൂന്റെ അച്ഛന് എന്താ ജോലി...

കൃഷി ഓഫീസർ ആണ്. എന്തെ ചോദിക്കാൻ... അമ്മ ഗൗരവത്തോടെ ചോദിച്ചു.

ഒന്നുവില്ല.. അവരുടെ പറമ്പ് മുഴുവൻ ഓരോ കൃഷി ആണ് ഞാൻ കരുതി അതാകും ജോലി എന്ന്...

അതൊക്കെ പണ്ട് തൊട്ടേ ഉള്ളതാണ്.. തലമുറ മാറി വന്നതാണ്. നമ്മൾ പാലം കഴിഞ്ഞു നടക്കുന്ന പാടം ഇല്ലേ അതെല്ലാം അവരുടെ ആണ്...

അമ്മക്ക് ഇതൊക്കെ എങ്ങനെ അറിയാം...നമ്മൾ വന്നിട്ട് കുറച്ചല്ലേ ആയുള്ളൂ...

എന്റെ ക്ലാസ്സിൽ ആണ് മാളു... മറ്റു ടീച്ചേർസ് പറഞ്ഞതാ...

ആ ഇളയ കുട്ടി പഠിക്കാനായോ..

നിനക്ക് ചോദിക്കാൻ മേലാരുന്നോ...

അമ്മയുടെ ചോദ്യത്തിലെ കളിയാക്കൽ മനസിലായതും ശിവ ഒരു ചിരി ചിരിച്ചു അവിടുന്ന് മുങ്ങി.

സ്കൂളിലേക്ക് പോകുമ്പോഴും ലച്ചുവിന്റെ മുഖം തെളിഞ്ഞിരുന്നില്ല.. അവൾ മുഖം വീർപ്പിച്ചാണ് നടപ്പ്..

എന്റെ ലെച്ചു നീ ഇങ്ങനെ വീർപ്പിച്ചു വെക്കല്ലേ കവിളിപ്പോ പൊട്ടും.. ശിവ കളിയാക്കി പറഞ്ഞു.

ഏറ്റില്ല..  പുള്ളിക്കാരി കാര്യമാക്കാതെ നടന്നു.

ഡീ നിന്നെ വൈകിട്ട് കൊണ്ടുപോകാം...  രാവിലെ നി ഉറങ്ങിക്കോട്ടെ എന്ന് കരുതി വിളിക്കാഞ്ഞതാ...

ലെച്ചുവിന്റെ മുഖം തെളിഞ്ഞു...

എന്നാലും വിളിക്കാമായിരുന്നു...

ആ നി ഉറങ്ങിക്കോട്ടെ എന്ന് കരുതിയതാണോ കുഴപ്പമായത്..

നാളെ രാവിലെയും എന്നെ കൊണ്ടുപോകണേ..

ആ കൊണ്ട് പോകാം.. അവൻ ചിരിച്ചു അവളും.

പാടം കഴിഞ്ഞു റോഡിൽ കയറിയപ്പോ ശിവയെ വിളിച്ചു ലെച്ചു പറഞ്ഞു

ഏട്ടാ അത് ലെച്ചു ചേച്ചി അല്ലേ...




തുടരുന്നു....


©sreelekshmysaksha.