💖*SOULMATE*💖

Part--3️

✍അർച്ചന

 

© Copyright work-This work protected in accordance with section 45 of the copyright act 1957 (14 of 1957) and should not  used in full or part without the creators (Archana)prior permission..

______________________________________

 

 

""കൈസി..... എന്താ നിന്റെ ഉദ്ദേശം.... ഇപ്പൊ തന്നെ കമ്പനിയുടെ പ്രോഫിറ്റ് വളരെ ലോ ആണ്... അറിയോ നിനിക്ക്.... ആഹ് അത് എങ്ങനെയാ.... ഏത് നേരവും വായും പൊളിച്ചു ഫോണിൽ നോക്കി കിടക്കുവല്ലേ.... ഇനിയെങ്കിലും അത് ഒന്ന് നിർത്തിക്കൂടെ... """"

സച്ചു കലിപ്പിൽ പറഞ്ഞു കൊണ്ട് സോഫയിൽ ചെന്നിരുന്നു..

കൈലാസ് ഒന്നും പറയാതെ അവനെ ഒന്ന് നോക്കി.... വെറുതെ സീറ്റിലേക്ക് ചാരി ഇരുന്നു.....

""""അങ്ങനെ നിർത്താൻ പറ്റുന്നത് ഒന്നും അല്ലടാ അതൊക്കെ.... """"

ചുണ്ടിലൂറിയ ചിരിയോടെ അവൻ പറഞ്ഞു....

"""ഓഹ്.... അത് നിർത്താൻ പറ്റുമോന്ന് എനിക്ക് ഒന്ന് കാണണം... അതിന് ആദ്യം മാറ്റേണ്ടത് ഈ പേര് ആണ്.... അവന്റെ ഒരു കൈലാസ് റോഹൻ.... നാളെ മുതൽ ഇവിടെ കൈലാസ് മതി...റോഹൻ വേണ്ട.... മനസിലായല്ലോ.... """"

സച്ചു അവനെ നോക്കി പറഞ്ഞതും കൈസി ചിരിയോടെ തലയാട്ടി...

"""എന്താടാ ഒരു ചിരി ഒക്കെ.... ഞാൻ ഇത് എപ്പോ പറഞ്ഞാലും എന്നെ കൊല്ലാൻ പാകത്തിന് ഉള്ള നോട്ടം ആണല്ലോ ഉണ്ടാവുക.... എന്തോ കള്ളത്തരം ഉണ്ടല്ലോ.... """"

സച്ചു കൂർപ്പിച്ചു നോക്കി കൊണ്ട് പറഞ്ഞതും കൈസി അവനെ നോക്കി ചുണ്ട് കൂർപ്പിച്ചു ഒരു ഉമ്മ കൊടുത്തു....

""""ഡാ.... """

ഒരു പ്രത്യേക താളത്തിൽ സച്ചു വിളിച്ചതും കൈസി ഒന്ന് കണ്ണുചിമ്മി കാണിച്ചു....

""""വാ.... ഇറങ്ങാം....ഇനി ഇവിടെ നിന്നിട്ട് പ്രത്യേകിച്ച് പണി ഒന്നും ഇല്ലല്ലോ... ""''

കൈസി ചെയറിൽ നിന്നും എഴുന്നേറ്റു പുറത്തേക്ക് നടന്നു.... അവന്റെ പിറകെ തന്നെ സച്ചുവും കുറേ ഫയൽസും മറ്റും എടുത്തു കൊണ്ട് പുറത്തേക്ക് ഇറങ്ങി....

"""ഡാ.... ഇന്ന് എങ്ങോട്ടാ.... വീട്ടിലൊട്ടൊ അതോ അപ്പാർട്മെന്റിലോട്ടോ...."""

"""അപ്പാർട്മെന്റ്... """

അത്രമാത്രം പറഞ്ഞു കൈസി കാറിൽ കയറി ഇരുന്നു....

കാറിന്റ ബാക്ക്സീറ്റിലേക്ക് ഫയൽസ് ഒക്കെ വച്ചു സച്ചുവും കയറി.... സച്ചു ആണ് ഡ്രൈവ് ചെയ്യുന്നത്....

"""എന്താടാ.... എന്താ പറ്റിയെ നിനിക്ക്.... ഇന്ന് ആകെ മൂഡോഫ് ആണല്ലോ... """

പുറത്തേക്ക് നോക്കി എന്തോ ചിന്തിച്ചിരിക്കുന്ന കൈസിയെ നോക്കി സച്ചു ചോദിച്ചു....

"""ഹ്മ്മ്.... മൂഡോഫ് തന്നെയാ.... പക്ഷേ..."""

"""പക്ഷെ...??? """

സച്ചു മുഖം ചുളിച്ചു....

""Am happy now.... ""

ചെറു ചിരി ചുണ്ടിൽ ഒളിപ്പിച്ചു വച്ചു കൊണ്ടവൻ പറഞ്ഞു....

"""Happy....??? എന്നിട്ട് എനിക്ക് അങ്ങനെ തോന്നുന്നില്ലല്ലോ..... ""

"""അത് എന്റെ കുഴപ്പമല്ലല്ലോ ചങ്കെ... """

കൈസി ചിരിയോടെ പറഞ്ഞതും സച്ചു അവനെ കൂർപ്പിച്ചു നോക്കി....

""""ഇതാണ് നിന്റെ PA...എങ്ങനെ ഉണ്ട്... ആൾക്ക് വല്യ എക്സ്പീരിയൻസ് ഒന്നും ഇല്ല.... സത്യം പറഞ്ഞാൽ ഞാൻ ചുമ്മാ അപ്പോയിന്റ് ചെയ്തതാ.... ആളുടെ മുഖം കണ്ടപ്പോൾ ആരെയോ പോലെ തോന്നി..... പിന്നെ ഓർഫൻ ആണെന്ന് തോന്നുന്നു..... നീ ഒന്ന് മയത്തിൽ ഒക്കെ പെരുമാറണംട്ടോ...""""

പുറകിൽ നിന്നും ഒരു ഫയൽ എടുത്തു കൈസിയുടെ കയ്യിലേക്ക് വച്ചു കൊടുത്തു കൊണ്ട് സച്ചു പറഞ്ഞു...

കൈസി ആ ഫയൽ തുറന്നു..... അതിൽ എമിയുടെ ബയോഡാറ്റ ആയിരുന്നു....

അവൻ അവളുടെ ബയോഡാറ്റയിലൂടെ ഒന്ന് കണ്ണോടിച്ചു....

"""എക്സ്പീരിയൻസ് ഇല്ലെങ്കിൽ എങ്ങനെ ഇവൾ മാനേജ് ചെയ്യും..... ""''

"""അവളുടെ കണ്ണുകളിൽ ഞാൻ ഒരു കോൺഫിഡൻസ് കണ്ടിരുന്നു.... Iam sure...."""

"""ഓഹ്.... നീ അവളുടെ കണ്ണിലേക്കു നോക്കുന്നത് നീരു കണ്ടില്ലേ.... """"

പതിഞ്ഞ ചിരിയോടെ കൈസി പറഞ്ഞതും സച്ചു അവനെ കൂർപ്പിച്ചു നോക്കി....

""""അവനും അവന്റെ ഒരു നീരുവും..... എന്നെക്കൊണ്ട് ഒന്നും പറയിപ്പിക്കണ്ട.... മിക്കവാറും അതിനെ ഞാൻ തന്നെ തല്ലിക്കൊല്ലും.... അലവലാതി.... "'''

സച്ചു പല്ല് കടിച്ചു..... കൈസി ചിരിയോടെ തലയാട്ടി കൊണ്ട് പുറത്തേക്ക് നോക്കിയിരുന്നു....

                       ******************

"""കോഫീ...."""

ബാൽക്കണിയിൽ നിൽക്കുമ്പോൾ ആണ് അതും പറഞ്ഞു നീരു വന്നത്.... അവളുടെ കയ്യിൽ രണ്ട് കപ്പ് ഉണ്ട്... ഒന്നവൾ എമിക്ക് നേരെ നീട്ടി.... ചെറു ചിരിയോടെ എമി അത് വാങ്ങി....

"""അത് നിന്റെ മമ്മയുടെ അനിയത്തി ആയിരുന്നോ... """"

"""ഹ്മ്മ്... ""'

അവൾ ഒന്ന് മൂളുക മാത്രം ചെയ്തു.....

"""എന്നിട്ടെന്താ എന്നോട് പറയാഞ്ഞേ...""

ചുണ്ട് ചുളുക്കി അവൾ പരിഭവം പറയുന്നത് കെട്ട് എമി അവളെ നോക്കി കണ്ണ് ചിമ്മി ചിരിച്ചു....

"""അവരെ ഞാൻ അങ്ങനെ കണ്ടിട്ടില്ല... അതുകൊണ്ട്.... """

അവൾ അത്രമാത്രം പറഞ്ഞു....

"""നിന്റെ മമ്മയും പപ്പയും ഒക്കെ നാട്ടിൽ ആണോ.... എന്തിനാ ഇവരുടെ കൂടെ നിൽക്കുന്നെ...."""

നീരു മുഖവുരയൊന്നും കൂടാതെ ചോദിച്ചു....

""""പപ്പാ എനിക്ക് അഞ്ചു വയസുള്ളപ്പോൾ മരിച്ചു.... പിന്നെ നോക്കിയത് ഒക്കെ മമ്മയാ.... പക്ഷേ നാല് മാസം മുന്നേ ഒരു ആക്സിഡന്റ്..... മമ്മയും പോയി.... പപ്പയുടെ വീട്ടിൽ ആണ് ഞങ്ങൾ താസിച്ചിരുന്നത്.... കല്യാണപ്രായം ആയ പെണ്ണ് അല്ലേ.... ചിലവ് ഒക്കെ നോക്കേണ്ടി വരുമെന്ന് തോന്നിക്കാണണം..... അവിടെ ആയിരുന്നു കുറേ നാൾ.... പപ്പയുടെ ചേട്ടന്റെ മകൻ ഉണ്ട് അവിടെ... ആദ്യം ഒക്കെ ഒരു ഏട്ടൻ ആയാണ് അവനെ കണ്ടത്.... പക്ഷേ അവന്റെ കണ്ണ് എന്റെ ശരീരത്തിൽ ആണെന്ന് അറിഞ്ഞതും ഒന്ന് കൊടുത്തു....അവൻ അത് മറ്റൊരു രീതിയിൽ വീട്ടിൽ അവതരിപ്പിച്ചു.... അതോടെ അവരുടെ ഒക്കെ കണ്ണിലുണ്ണിയായ അവനെ തല്ലിയതിന് എല്ലാർക്കും എന്നോട് ദേഷ്യം ആയി.... പട്ടിണിക്കിട്ടു.... അവിടത്തെ പണി മുഴുവൻ ഒറ്റക്ക് ചെയ്യാൻ പറഞ്ഞു.... അപ്പോഴാണ് മമ്മയുടെ അനിയത്തി നാട്ടിൽ വന്നിട്ടുണ്ടെന്ന് അറിഞ്ഞത്.... എങ്ങനെയോ ഇവരുടെ അടുത്ത് എത്തി കരഞ്ഞു പറഞ്ഞു.... കൂടെ കൊണ്ട് പോകണം എന്ന്.... അത്യാവശ്യം ഡ്രസ്സും സർട്ടിഫിക്കേറ്റ് ഒക്കെ എടുത്തു അവരുടെ കൂടെ മുംബൈയിൽ എത്തി.... ആദ്യം ഒക്കെ നല്ല സ്നേഹം ആയിരുന്നു അവർക്ക്.... പക്ഷേ പിന്നീട് എന്തോ അതൊക്കെ മാറിയത് പോലെ.... അവിടെ നിൽക്കുന്നതിന് വാടക വരെ ചോദിച്ചു തുടങ്ങി..... അതോടെ ജോലിക്ക് പോയി തുടങ്ങി.... പിന്നീടാണ് അറിയുന്നത് ഡെയ്‌സിമ്മയുടെ സ്വഭാവം.... എന്തോ അന്ന് തൊട്ട് വെറുപ്പ് ആയിരുന്നു.... പക്ഷേ അവിടെ നിന്ന് ഒറ്റക്ക് മാറി നിൽക്കാൻ മാത്രം ഉള്ള ധൈര്യം ഒന്നും ഉണ്ടായിരുന്നില്ല.... അവിടെ നിൽക്കുമ്പോൾ തന്നെ ആരും ഒന്നും ചെയ്യില്ലെന്ന വിശ്വാസം ഉണ്ടായിരുന്നു..... പേടിക്കാതെ ഉറങ്ങാമായിരുന്നു.....ഡെയ്സിമ്മക്ക് എന്നെ ചെറിയ പേടി ഉണ്ട്.... അത് മുതലെടുത്താ ഇത്രയും നാളും അവിടെ നിന്നത്...... ഒരു സ്റ്റേബിൽ ആയ ജോലി കിട്ടിയാൽ ഉറപ്പായും അവിടെ നിന്ന് ഇറങ്ങണം എന്ന് മനസ് കൊണ്ട് അന്നേ തീരുമാനിച്ചതാ.....അത് ഇവിടെ വരെ ആയി...... """""""

ഒരു കുഞ്ഞു ചിരിയോടെ പറഞ്ഞു നിർത്തുമ്പോഴും അവളുടെ കണ്ണുകൾ കലങ്ങിയിരുന്നു..... എന്തോ മറക്കാൻ ശ്രമിച്ചിട്ടും മനസിലേക്ക് പലതും ഓടി വരുന്നത് പോലെ.....

"""ഡീ.... ഞാൻ.... അത്.... സോറി.... """'

നീരുവിന്റെ മുഖം വാടിയിരുന്നു....

""""അയ്യേ.... അതിന് നീ എന്തിനാ കരയുന്നെ.... ഞാൻ ഇപ്പൊ എന്ത് സന്തോഷത്തിൽ ആണെന്നോ.... അപ്പൊ നീ കരഞ്ഞു അലമ്പ് ആക്കാതെ മോളൂസേ....""""

അവളുടെ മൂക്കിൻ തുമ്പിൽ ഒന്ന് തട്ടിക്കൊണ്ട് എമി പറഞ്ഞതും അവളുടെ കണ്ണുകൾ നീരു തുടച്ചു കൊടുത്തു....

""""എന്നാലും ഒരു ചെക്കനെ ഒക്കെ തല്ലുക എന്നൊക്കെ പറഞ്ഞാൽ.... നീ ആള് കൊള്ളാലോ.... """

അവളെ ഒന്ന് അടിമുടി നോക്കി കൊണ്ട് നീരു പറഞ്ഞതും എമി ഡ്രെസ്സിന്റെ കോളർ പൊക്കി കാണിച്ചു....

"""പോയി ഫ്രഷ് ആയി വാ.....ഞാൻ അപ്പോഴേക്കും ഫുഡ് റെഡി ആക്കി വയ്ക്കാം.... """"

നീരു പോകാൻ നിന്നതും എമി അവളെ പിടിച്ചു നിർത്തി....

"""ഒരുമിച്ച് ഫുഡ് ഉണ്ടാക്കാം.... അത് വരെ മോൾ പോയി ടീവി കാണ്.... ചേച്ചി ഫ്രഷ് ആയി വരാം.... """"

നീരുവിന്റെ തോളിലൂടെ കയ്യിട്ടു കൊണ്ട് എമി പറഞ്ഞു.... രണ്ടാളും അകത്തേക്ക് കയറി.....

                          *************

"""രാമേട്ടാ.... ഒന്ന് പാർക്ക്‌ ചെയ്തേക്ക്...."""

കാറിന്റെ കീ വാച്ച്മാന്റെ കയ്യിൽ കൊടുത്തു കൊണ്ട് സച്ചു പറഞ്ഞു....

"""ആഹ്.... ഇന്ന് മോനും ഉണ്ടോ.. """

കാറിൽ നിന്ന് ഇറങ്ങിയ കൈസിയെ കണ്ടു അയാൾ ചോദിച്ചതും അവൻ ഒന്ന് ചിരിച്ചു കൊടുത്തു....

രണ്ട് പേരും മുകളിലേക്ക് കയറി....

റൂം തുറന്നു അകത്തു കയറിയതും കൈസി ബെഡിലേക്ക് വീണു....

സച്ചു ചിരിയോടെ ഫയൽസ് ഒക്കെ അടുക്കി വച്ചു ഫ്രഷ് ആയി വന്നു.... അപ്പോഴേക്കും അവൻ ഫ്രഷ് ആകാൻ കയറി....

""""ഡാ... എനിക്ക് വയ്യ.... ഫുഡ് ഓഡർ ചെയ്താലോ.... "'""

സച്ചു സോഫയിലേക്ക് വീണു കൊണ്ട് പറഞ്ഞു....

"""എങ്കിൽ ഞാൻ നീരൂനെ വിളിക്കാം... അവൾ എന്തെങ്കിലും ഉണ്ടാക്കിയിട്ട് ഉണ്ടാകും..... കുറച്ചു തരാൻ പറഞ്ഞാൽ തന്നോളും.... """"

അത് കേട്ടതും സച്ചു അവനെ കൂർപ്പിച്ചു നോക്കി...

""""ഞാൻ തന്നെ എന്തെങ്കിലും ഉണ്ടാക്കിക്കോളാം.... പോരെ...."""

കലിപ്പിൽ അത്രയും പറഞ്ഞു അവൻ കിച്ചണിലേക്ക് കയറിയതും കാളിംഗ് ബെൽ അടിക്കുന്നത് കേട്ടു.....

"""ഡാ.... പോയി തുറന്നു നോക്ക്.... """

കൈസി ടീവി ഓൺ ചെയ്തു കൊണ്ട് സച്ചുവിനോടായി വിളിച്ചു പറഞ്ഞു....

""""ഒറ്റക്ക് അങ്ങ് നോക്കിയാൽ മതി.... ഇത് ആ അലവലാതി ആണ്.... നിർത്താതെ ബെൽ അടിക്കുന്നത് കേട്ടില്ലേ.... മോൻ പോയി തുറന്നു കൊടുത്തു എന്തെങ്കിലും പറഞ്ഞു അതിനെ പറഞ്ഞു വിടാൻ നോക്ക്..... """"

"""അവൾ എന്നെ കാണാൻ അല്ലടാ.... നിന്നെ കാണാനാ വരുന്നേ.... """"

കള്ളച്ചിരിയോടെ കൈസി പറഞ്ഞതും കയ്യിൽ ഉണ്ടായ സ്റ്റീൽ ഗ്ലാസ് താഴെ വീഴുന്ന സൗണ്ട് കേട്ടു....

""""എന്നെ ചോദിച്ചാൽ ഞാൻ ചത്തുന്ന് പറഞ്ഞേക്ക്.... ഇനി പതിനാരടിയന്തരത്തിനു വന്നാൽ മതിയെന്ന് പറ...... അവളും അവളുടെ ഒരു ഒണക്ക പ്രേമവും....'""""

സച്ചുവിന്റെ അലർച്ച കേട്ടതും കൈസി ഒന്നു ചിരിച്ചു കൊണ്ട് ഡോറിനടുത്തേക്ക് നടന്നു....

ഡോർ തുറന്നതും മുന്നിൽ ഒരു വല്യ പാത്രവും ആയി നീരു നിൽക്കുന്നുണ്ട്...

""""കിച്ചേട്ടൻ ഇന്ന് ഇവിടെ ഉണ്ടാകുംന്ന് എനിക്ക് ഉറപ്പ് ഉണ്ടായിരുന്നു.... അതുകൊണ്ട് ഇന്ന് കുറച്ചു കൂടുതൽ ഉണ്ട്.... """"

പാത്രം അവന് നേരെ നീട്ടി കൊണ്ട് അവൾ പറഞ്ഞു....

"""എന്താടി ഇത്.... ""'

അവൻ അത് വാങ്ങി കൊണ്ട് ചോദിച്ചു....

"""ബിരിയാണിയാ...അടിപൊളി തലശ്ശേരി ബിരിയാണി...."""

അവൻ മണത്തു നോക്കി.... സംശയത്തോടെ അവളെ നോക്കി....

""""ഇത് നീ ഉണ്ടാക്കിയത് അല്ലല്ലോ.... """

""""മണത്തു കണ്ടുപിടിക്കാൻ നിങ്ങളാര് പട്ടിയാ..... """"

അതുവരെ ഇളിയോടെ നിന്ന നീരു മുഖം കൂർപ്പിച്ചു....

അവൻ ചിരിച്ചു....

"""പറ.... ഓർഡർ ചെയ്തതാ.... ""'

അവൻ സംശയത്തോടെ ചോദിച്ചു....

"""ഈൗ...... കിച്ചേട്ടന്റെ PA യുടെ സ്പെഷ്യൽ ആണ്..."""

അവൾ കണ്ണിറുക്കി കൊണ്ട് പറഞ്ഞു....

"""ഏഹ്... """

അവൻ സംശയത്തോടെ അവളെ നോക്കി...

"""എന്റെ കൂടെയാ താമസം....അകത്തു ഉണ്ട്... """

അടഞ്ഞു കിടക്കുന്ന ഡോറിലേക്ക് ചൂണ്ടി കാണിച്ചു അവൾ പറഞ്ഞു....

""അവൾ വന്നപ്പോൾ തന്നെ പണി എടുപ്പിക്കാൻ തുടങ്ങി അല്ലേടി മടിച്ചി.... ""

അവളെ നോക്കി പേടിപ്പിച്ചു കൊണ്ട് അവൻ പറഞ്ഞതും അവൾ ഇളിച്ചു കൊടുത്തു....

"""എവിടെ എന്റെ സച്ചൂട്ടൻ..."""

തുറന്നു കിടക്കുന്ന ഡോറിനിടയിലൂടെ അകത്തേക്ക്  എത്തി നോക്കി കൊണ്ട് അവൾ ചോദിച്ചു....

"""അവൻ ചത്തു.... ഇനി പതിനാരടിയന്തരത്തിനു വന്നാൽ മതി എന്ന് പറയാൻ പറഞ്ഞു..... "'""

കൈസി സച്ചു കേൾക്കാൻ പാകത്തിന് ശബ്ദത്തിൽ ഉച്ചത്തിൽ അവളോട് പറഞ്ഞു....

വീണ്ടും ഒരു പാത്രം നിലത്ത് വീഴുന്ന ശബ്ദം കേട്ടു....

""""അപ്പൊ ഞാൻ പതിനാരടിയന്തരത്തിനു വരാം എന്ന് പറഞ്ഞേക്ക് കിച്ചേട്ടാ... """

അകത്തേക്ക് തലയിട്ട് വിളിച്ചു പറഞ്ഞു കൊണ്ട് അവൾ കിച്ചുവിനെ ഒന്ന് കെട്ടിപിടിച്ച ശേഷം റൂമിലേക്ക് കയറി....

""""ഡീ..... """

കയ്യിൽ ഒരു തവിയും ആയി കട്ടക്കലിപ്പിൽ ഓടി വന്നു സച്ചു കൈസിയെ ഒന്ന് അമർത്തി നോക്കി....

അവൻ ഒന്നും അറിയാത്തത് പോലെ ഡോർ അടച്ചു അവൾ കൊണ്ട് തന്ന ബിരിയാണി പാത്രം ടേബിളിൽ വച്ചു....

"""എന്താ ഇത്.... """

സച്ചു അവനെ നോക്കി ചോദിച്ചു...

"""ബിരിയാണി..... എന്തേയ്... ""'

""'എനിക്ക് വേണ്ട.... നീ ഒറ്റക്ക് തിന്നാൽ മതി...."""

"""വേണ്ടെങ്കിൽ വേണ്ട....""'

കൈസി അത്രയും പറഞ്ഞു കിച്ചണിൽ ചെന്നു ഒരു പാത്രം എടുത്തു അതിൽ നിന്നും അല്പം എടുത്തു തിന്നാൻ തുടങ്ങി...

സച്ചു അവനെ നോക്കി നിൽക്കുന്നുണ്ട്..

"""എന്താ ടെസ്റ്റ്‌.... ഇത് തലശ്ശേരി ബിരിയാണിയാ..... ഉഫ്...."""

സച്ചുവിനെ ഇടം കണ്ണിട്ട് നോക്കി കൊണ്ട് കൈസി പറഞ്ഞു....

കുറച്ചു കഴിഞ്ഞതും ആ പാത്രത്തിൽ ബാക്കി ഉണ്ടായത് കഴിക്കുന്ന സച്ചുവിനെയാണ് അവൻ കാണുന്നത്....

""ഡാ.... നീയല്ലേ വേണ്ടെന്ന് പറഞ്ഞത്....""

"""ഇത് അവൾ ഉണ്ടാക്കിയത് അല്ല...."""

അത്രയും പറഞ്ഞു അവൻ വീണ്ടും കഴിച്ചു.... കൈസി ചിരിയോടെ തലയാട്ടി....സച്ചു കണ്ണുചിമ്മി ചിരിച്ചു...









 

(തുടരും)

 

കമന്റ് വേണം...💖