©️copy right work-this work protected in accordance with section 45 of the copy right act 1957 (14 of 1957)and should not used in full or part with the creators (krishnapriya )prior permission........


ചടങ്ങിനിടയിൽ ഒന്നു എത്തി നോക്കി പിന്നാമ്പുറത്തേക്ക് മാറി നിൽക്കാനൊരുങ്ങുമ്പോഴാണ് അമ്മ അകത്തെ മുറിയിൽ നിന്നും വെറ്റിലയും അടയ്ക്കയും എടുക്കാൻ പറഞ്ഞു വിട്ടത്.

അകത്തേക്ക് കയറി മേശയിൽ ഇരുന്ന കടലാസ് തുറന്ന് നോക്കി അതുമെടുത്തു പുറത്തേക് നടക്കാനൊരുങ്ങുമ്പോഴാണ് കുഞ്ഞിന്റെ കരച്ചിൽ കേൾക്കുന്നത്.
 ശ്രീക്കുട്ടി ആണ്.
ആരോ ഉറക്കി കിടത്തി ഇരു സൈഡിലും തലയിണ വെച്ചിട്ട് പോയതാണ്.

ചുണ്ടുകൾ പുറത്തേക്കുന്തി വിതുമ്പാൻ തുടങ്ങുമ്പോഴാണ് എന്നെ കണ്ടത്.
കരച്ചിൽ സ്വിച്ച് ഇട്ടപോലെ നിന്നെങ്കിലും ആൾ നീന്തി എനിക്കരികിലേക് വരാനുള്ള ശ്രെമമാണ്. വീഴാതിരിക്കാൻ ഓടി ചെന്ന് പിടിച്ചെടുത്തപ്പോഴേക്കും തോളിലേക്ക് ചാഞ്ഞിരുന്നു. ഉറക്കം തീർത്തും പോയിട്ടില്ല.
ശബ്ദം കേട്ടുണർന്നതാവും.

എന്നെ കാണാതെ അന്വഷിച്ചു വന്ന അമ്മ കയ്യിൽ കുഞ്ഞിനെ കണ്ടത് കൊണ്ട് വെറ്റിലയുമെടുത്തു പുറത്തേക് പോയി.

ഒന്നൂടി തട്ടിയുറക്കി ബെഡിലേക്ക് കിടത്തിയതും വലിയ വായിൽ പിന്നെയും കരയാൻ തുടങ്ങി..
ഒച്ച കേട്ട് ലേഖന്റിയും അമ്മയും വന്നു. അവർക്ക് പുറകെ വന്ന ആളെകണ്ടപ്പോൾ
ഉള്ളിൽ പരിഭ്രമമായിരുന്നു.

ശരത്തേട്ടൻ മോളെയെടുത്തു അങ്ങോട്ടുമിങ്ങോട്ടും നടന്നിട്ടും പെണ്ണ് സൈറ്ൺ പോലെ കരയുകയാണ്. അമ്മയും ലേഖന്റിയും മാറി മാറി നോക്കീട്ടും അവൾ കരച്ചിൽ നിർത്തുന്നില്ല.

ചിപ്പെടെ കയ്യിൽ പോലും പോകാൻ കൂട്ടക്കാതെ
നിലവിളിക്കുന്നത് കണ്ടപ്പോൾ എന്തോ സങ്കടം തോന്നി.......
ഇടയ്ക്കവൾ എനിക്ക് നേരെ നോക്കുന്നതും കൈ നീട്ടുന്നതും കണ്ടാണ് അമ്മ അവളെ എന്റെ കയ്യിലേക്ക് തന്നത്.

കരച്ചിൽ നിർത്തി കഴുത്തിലൂടെ കൈ രണ്ടും ചുറ്റി ആളുറങ്ങാൻ തുടങ്ങി.

എല്ലാരും അത്ഭുതത്തോടെ നോക്കുന്നുണ്ട്.
ആദ്യമായി കാണുന്ന എന്റടുത്തു അവൾ കാണിക്കുന്ന അടുപ്പം എനിക്കും വിസ്മയമായിരുന്നു.

അതെ വിസ്മയം മറ്റു രണ്ട് കണ്ണുകളിലും ഉണ്ടായിരുന്നു.... ശരത്തേട്ടന്റെ.....



💙💙💙💙💙💙💙💙💙💙💙💙💙💙💙


വൈകുന്നേരം എല്ലാവരും കൂടി ഇറയത്തിരിക്കുകയാണ്.
ഒരുവിധം ബന്ധുക്കളൊക്കെ പോയിരുന്നെങ്കിലും അവിടവിടെയായി ഉള്ള പണിക്കാർക്കും അയലത്തെ ആളുകൾക്കും ...
അമ്മ ഗ്ലാസിൽ ചായ നൽകി നടക്കുന്നു.
ശരത്തേട്ടൻ പന്തലിനും കാറ്ററിങ് കാർക്കുമുള്ള പണം കൊടുത്തു വിടുകയാണ്.

ശ്രീക്കുട്ടി മുറ്റത്തു മണ്ണിൽ കളിക്കുന്നു.ഒരു കുട്ടിനിക്കർ മാത്രമാണ് വേഷം...
മേല് കഴുകിക്കാൻ വിളിച്ചിട്ട് വരില്ലെന്നപോലെ വാശി പിടിച്ചിരിക്കുവാണ്.

സ്വാതി..... നീയൊന്ന് വിളിച്ചു നോക്കിയേ???
വരുവോന്നറിയാല്ലോ.അപ്പിടി പോടീം മണ്ണുമാ ദേഹത്തു. അലർജിയെങ്ങാനും ഉണ്ടായാലോ??

ലേഖന്റി പറഞ്ഞപ്പോൾ മടിച്ചു മടിച്ചാണ് അവൾക്കരികിൽ ചെന്നത്.
ശരത്തേട്ടന്റെ നോട്ടവും ഇങ്ങോട്ടായപ്പോൾ എന്തോ ഒരു വിറയൽ തോന്നി.
ആ നോട്ടത്തിൽ തങ്ങി നിൽക്കുന്ന പുച്ഛം എനിക്കൊരു ധൈര്യമാണ് നൽകിയത്.

ശ്രീക്കുട്ടി...... വാവയ്ക് ഉടുപ്പ് മാറണ്ടേ.ഇത് ഇച്ചീച്ചി ആയില്ലേ.ആന്റി മാറിത്തരം അതിനു മുൻപ് നമുക്കൊന്ന് മേല് കഴുകിയാലോ???

മ്മ്.എക്ക്.

പറഞ്ഞതും ഞാനവളെ പൊക്കിയെടുത്തു.

കുളിമുറിയിലേക് നടക്കവേ ഇടം കണ്ണിട്ട് ശരത്തേട്ടനെ നോക്കുമ്പോൾ ആളെന്തോ ആലോചനയിലാണ്.
ഇതൊന്നും പ്രതീക്ഷിച്ചിട്ടില്ലാന്ന്ന് മുഖം വിളിച്ചോതുന്നു.

ചിപ്പയും ആശ്ചര്യത്തോടെ നോക്കുന്നുണ്ട്.
അവളോടല്ലാതെ മറ്റൊരാളോട് കുഞ്ഞിങ്ങനെ അടുക്കുന്നത് ഇതാദ്യമായതിനാലാവം.


💙💙💙💙💙💙💙💙💙💙💙💙💙💙💙



രാത്രി ഇറങ്ങാൻ നേരം മോളെ ചിപ്പയുടെ കയ്യിൽ കൊടുത്ത് അമ്മയ്‌ക്കൊപ്പം പുറത്തേക്കിറങ്ങി.
ഇത്ര നേരവും അവൾ എന്റെ കയ്യിൽ തന്നെയായിരുന്നു.

ഞാൻ പോകുവാണെന്നു മനസിലായപ്പോൾ കരയാൻ തുടങ്ങി.

വാവേ... ആന്റി പോയിട്ട് വരാട്ടോ.

ബേണ്ട..... പോബണ്ട.
ചീകുട്ടീം ബരും.
ചിപ്പേ പര പൊബാണ്ടെന്ന്.

എത്ര പറഞ്ഞിട്ടും കേൾക്കാഞ്ഞപ്പോൾ അമ്മയാണ് പറഞ്ഞത്. എന്നാൽ പിന്നെ സ്വാതി നീയിന്നിവിടെ നില്ക്. കുഞ്ഞു കരയുന്ന കണ്ടില്ലേ. ഇന്നൊത്തിരി നിലവിളിച്ചു. കരഞ്ഞു വല്ല പനീം പിടിക്കും. ലേഖന്റിയും അതിനോട് യോജിച്ചപ്പോൾ അച്ഛന്റെ മുഖത്തു മാത്രം ഒരു തെളിച്ചമില്ലായിരുന്നെന്ന് ഓർത്തു.
കുഞ്ഞിനെ ഓർത്താവും അർദ്ധസമ്മതം മൂളി.
വെളുക്കുമ്പോൾ വീട്ടിൽ ഉണ്ടാവണമെന്ന താക്കീതോടെ കയ്യിലെ ടോർച്ചും തെളിച്ചു അച്ഛൻ മുന്നേ നടന്നപ്പോൾ അമ്മയും അച്ചനെ അനുഗമിച്ചു.


മോളുമായി ചിപ്പെടെ മുറിയിൽ വന്നു കിടന്നു.


ഡി ശരത്തേട്ടൻ.... ശരത്തേട്ടൻ മോളെ അന്വഷിക്കില്ലേ?????

പെട്ടെന്നങ്ങനെ ആണ് ചോദിച്ചത്.

ഇല്ലടി. ഇന്നിപ്പോൾ കൂട്ടുകാരുമായി ഒന്ന് കൂടുമെന്ന് മുന്നേ പറഞ്ഞിരുന്നു.
അതൊക്കെ തീരുമ്പോൾ നേരം വെളുക്കും.
നീ കിടക്കാൻ നോക്ക്.


എടി...... കീർത്തി ചേച്ചി??????
വരില്ലേ ഇങ്ങോട്ട്???

മടിച്ചു മടിച്ചാണെങ്കിലും ഉള്ളിലുള്ളത് അവളോട് ചോദിച്ചപ്പോൾ നിർവികാരതയോടെ അവളൊന്നു നോക്കി.

ഇല്ലടി.ഏട്ടനും കീർത്തീം ഡിവോഴ്സ്ഡ് ആയി.
മോളെ വേണ്ടെന്ന് നേരുത്തേ പറഞ്ഞിരുന്നു.
അവർ വേറെ വിവാഹം കഴിച്ചു....

അപ്പൊ..... ഇത്ര നാളും ഏട്ടനും മോളും ഒറ്റയ്ക്കരുന്നോ അവിടെ????

മ്മ്. എന്റെ കല്യാണം ഉറപ്പിച്ചത് കൊണ്ട് മാത്രാ വന്നത്. തിരിച്ചു പോകും....

എല്ലാം മൂളി കേൾക്കുമ്പോഴും ഉള്ളിൽ വല്ലാത്തൊരു നോവുണരുന്നു.
അത് ശ്രീകുട്ട്യേ പിരിയേണ്ടുന്നതാണെന്നത് ഏറെ വ്യഥയോടെ തിരിച്ചറിയുമ്പോൾ മനസാകെ കലങ്ങി മറിയുന്നുണ്ടായിരുന്നു.

വെറും ഒരു ദിവസത്തെ പരിചയത്തിൽ മാത്രം എന്നിൽ ഇത്രമേൽ പതിയാൻ എന്ത് മന്ത്രികതയാണിവളിലുള്ളത്???

ഓരോന്നോർത്ത് ശ്രീകുട്ടിയോട് ചേർന്നു കിടക്കുമ്പോൾ പഴയകാല ഓർമ്മകൾ മനസിനെ കുത്തി നോവിക്കുന്നുണ്ടായിരുന്നു.





(തുടരും)