💖*SOULMATE*💖

Part-- 12

✍അർച്ചന

 

© Copyright work-This work protected in accordance with section 45 of the copyright act 1957 (14 of 1957) and should not  used in full or part without the creators (Archana)prior permission..

______________________________________

""നീരു..... പോയി റെഡി ആയി വാ.... """

അമ്മ പറഞ്ഞതും അവൾ അമ്മയെ കൂർപ്പിച്ചു നോക്കി.....

അവർ അത് മൈൻഡ് പോലും ചെയ്യാതെ അടുക്കളയിലേക്ക് കയറി....

''''അച്ഛാ..... "'

പത്രം വായിച്ചു കൊണ്ടിരുന്ന മോഹനനെ നോക്കി അമർത്തി വിളിച്ചതും അയാൾ അവളെ നോക്കി....

""""അമ്പലത്തിലേക്ക് അല്ലേ..... പോയി വാ.... അല്ലെങ്കിൽ നിന്റെ അമ്മക്ക് മുഖം വീർപ്പിച്ചു നിൽക്കാൻ ഇന്നത്തേക്ക് അത് മതി....."""

"""എന്നാലും..... കുളിക്കണ്ടേ... """

അവൾ മടിയോടെ പറയുന്നത് കേട്ടതും മോഹനൻ ചിരിയടക്കിപിടിച്ചു...

"""ദേ അച്ഛാ.... ചിരിക്കല്ലേ.... ഈ കൊച്ചുവെളുപ്പാകാലത്തെ എണീറ്റ് കുളിക്കാൻ എന്നെക്കൊണ്ട് ഒന്നും കഴിയില്ല.... """"

അവൾ ചിണുങ്ങി കൊണ്ട് പറഞ്ഞതും ലേഖ പുറത്തേക്ക് വന്നു....

"" അച്ഛനും മോളും കൂടെ കിന്നാരം പറയാതെ രണ്ടും വേഗം റെഡി ആയി വാ.... ""

"""ഞാനും വരണോ... """

"""ആഹ് വരണം.... """

തറപ്പിച്ചു പറഞ്ഞു കൊണ്ട് ലേഖ പോയതും മോഹനൻ നിസ്സഹായതയോടെ നീരുവിനെ നോക്കി.... അവൾ ഇളിച്ചു കാണിച്ചു റൂമിലേക്ക് ഓടി.....

                       **************

""""റോഹൻ..... """

തന്റെ ഷോൾഡറിൽ ചാഞ്ഞിരുന്നു ഉറങ്ങുന്ന അവനെ എമി തട്ടി വിളിച്ചു....

അവൻ ഉറക്കച്ചടവോടെ ഒന്ന് കൂടെ അവളിലേക്ക് മുഖം അമർത്തി....

""റോഹൻ.... എഴുന്നേൽക്ക്.... """

അവൾ വീണ്ടും വിളിച്ചതും അവൻ കണ്ണുചിമ്മി തുറന്നു....

"""ഇന്ന് ഓഫീസിൽ പോണ്ടേ.... ""

"""ഹ്മ്മ്... നീ പോയി റെഡി ആയി വാ.. """

അവൻ വേഗം എഴുന്നേറ്റു അവളുടെ കൈ പിടിച്ചു എഴുന്നേൽപ്പിച്ചു..

"""കുഞ്ഞേട്ടന് അറിയോ ഞാൻ ആണ് ആലിന്ന്.... ""

ബാൽക്കണിയിൽ നിന്നും റൂമിലേക്ക് നടക്കാൻ ഒരുങ്ങിയ കൈസിയോട് അവൾ ചോദിച്ചതും അവൻ ഇല്ലെന്ന് തലയാട്ടി....

"""സർപ്രൈസ് കൊടുക്കാം അല്ലേ.... """

അവൾ വിടർന്ന ചിരിയോടെ ചോദിച്ചതും അവൻ സമ്മതം മൂളി....

രണ്ട് പേരും വേഗം തന്നെ ഒരുങ്ങി കമ്പനിയിലേക്ക് പോയി.... റാംപ് വാക്കും ബോഡി ഫിറ്റ്‌നസിങ് ടെസ്റ്റും കോസ്ട്യൂമിങ് ഡിസൈനിങ്ങും ഓർണമെന്റ് സെറ്റിംഗ്സും മേക്കപ്പ് ആർടിസ്റ്റിനെയും ഒക്കെ സെറ്റ് ചെയ്യാൻ ഉള്ള ജോലി ഉണ്ടായത് കൊണ്ട് തന്നെ ഒന്ന് സംസാരിക്കാൻ പോലും അവർക്ക് ഇരുവർക്കും സമയം കിട്ടിയിരുന്നില്ല.....

പരസ്പരം കാണുമ്പോൾ നിറഞ്ഞ ചിരി കൈമാറി കൊണ്ട് അവർ വേഗം തന്നെ അവരുടെ വർക്കുകൾ കംപ്ലീറ്റ് ചെയ്തു...

വൈകുന്നേരത്തോടെ അവരുടെ ജോലി ഒക്കെ കഴിഞ്ഞിരുന്നു...

സെലിൻ, നോഹ, ക്രിസ്റ്റീന എന്നിവരെ തിരഞ്ഞെടുത്തു കൊണ്ട് മുംബൈയിലേക്ക് അയച്ചു....

രാത്രി ആയതും അവന്റെ കൂടെ അവൾ ഹോട്ടലിലേക്ക് ചെന്നു.....

"""നാളെ തന്നെ നമ്മൾ തിരിച്ചു പോകില്ലേ റോഹൻ.... """

ഡ്രസ്സ്‌ ഒക്കെ ബാഗിൽ പാക് ചെയ്തു കൊണ്ട് അവൾ ചോദിച്ചു.... അവൻ അവളെ നോക്കി ഇരിക്കുകയായിരുന്നു....

""""റോഹൻ..... """

അവൾ വീണ്ടും വിളിച്ചു എങ്കിലും അവൻ ഒന്ന് മൂളി കൊടുക്കുക മാത്രം ചെയ്തു...

""""ഡാ.... ""

അവൻ വായി നോക്കി ഇരിക്കുന്നത് കണ്ടതും അടുത്ത് ഉണ്ടായ പില്ലോ എടുത്തു അവൾ അവന് നേരെ എറിഞ്ഞു...

അവൻ അത് ക്യാച് പിടിച്ചു കൊണ്ട് അവളെ നോക്കി ഒന്ന് വെളുക്കെ ചിരിച്ചു....

""""ആലി..... ഇങ്ങ് വാ... """""

അവൻ കൈ മാടി വിളിച്ചതും അവൾ അവന്റെ അടുത്ത് ചെന്നിരുന്നു....

*Do you love me.....?*

അവൻ അവളുടെ കണ്ണിലേക്കു ഉറ്റു നോക്കി കൊണ്ട് ചോദിച്ചതും അവൾ പിടച്ചാലോടെ നോട്ടം മാറ്റി.....

അവളുടെ മുഖത്തേക്ക് വീണു കിടക്കുന്ന കുഞ്ഞു മുടിയിഴകളെ അവൻ മാടിയൊതുക്കി വച്ചു കൊടുത്തു....

അവൾ എഴുന്നേൽക്കാൻ ശ്രമിച്ചതും അവൻ അവളുടെ കൈ പിടിച്ചു അവിടെ തന്നെ ഇരുത്തിച്ചു.....

"""പറയ്..... എന്നെ ഇഷ്ടാണോ.... """

അവൻ കുഞ്ഞു ചിരിയോടെ ചോദിച്ചു....

""""റോഹൻ.... അത്.... ഞാൻ.... അന്ന്... തമാശക്ക്.... """

അവൾ അവനെ നോക്കാതെ പറഞ്ഞൊപ്പിച്ചു.....

"""തമാശയോ.... """

അവന്റെ സ്വരം കടുത്തിരുന്നു.... അവൾ അവനെ ഞെട്ടലോടെ നോക്കി.... കണ്ണുകളിൽ ആ കുസൃതി ഇല്ലായിരുന്നു....

"""എടാ.... അത്.... """

അവൾ എന്തോ പറയാൻ ആഞ്ഞതും അവൻ കൈ ഉയർത്തി തടഞ്ഞു....

""I asked if you love me at this moment..?""

അവളുടെ കണ്ണുകൾ പിടച്ചു.... ഹൃദയം ശക്തമായി മിടിക്കുന്നത് അവൾക്ക് കേൾക്കാമായിരുന്നു.....

""""Aalii.... """

അവന്റെ ശബ്ദം ആർദ്രമായിരുന്നു....

അവൾ ഒരു നിമിഷം അവന്റെ കണ്ണുകളിലേക്ക് തന്നെ നോക്കി നിന്നു.... അവിടെ അവളോടുള്ള അവന്റെ പ്രണയം കാണാമായിരുന്നു.....

അവൾ മുന്നോട്ട് ആഞ്ഞു അവനെ ഇറുക്കെ പുണർന്നു....

അവന്റെ ചുണ്ടിൽ പഴയ ആ കുസൃതി ചിരി നിറഞ്ഞു....

****I Love You idiot.....****

അവൾ നിറഞ്ഞ കണ്ണുകളോടെ ചുണ്ടിലൂറിയ പുഞ്ചിരിയോടെ അവന്റെ ചെവിയിൽ പറഞ്ഞു..... അവനും അവളെ ചേർത്ത് പിടിച്ചു....

""""Idiot..... Me.....???""""

അവൻ അവളോടായി ചോദിച്ചു.... അവൾ അതേയെന്ന് കണ്ണിറുക്കി.... അവൻ അവളുടെ നെറുകയിൽ ചുംബിച്ചു.....

"""Yaa... """

അവൾ കുസൃതിയോടെ തലയാട്ടി....

അവൻ അവളുടെ കണ്ണിലേക്കു തന്നെ ഉറ്റുനോക്കി.... അവളുടെ മൂക്കിൻ തുമ്പിൽ ഒന്ന് മുത്തി.... പിന്നെ അത് അവളുടെ വിറക്കുന്ന ചുണ്ടുകളിൽ എത്തി നിന്നു.....

അവളുടെ കണ്ണുകൾ കൂമ്പിയടഞ്ഞു.... അവൻ ചിരിയോടെ ആ അധരങ്ങൾ നുണഞ്ഞു..... അവളുടെ കൈകൾ അവന്റെ മുടിയിഴകളിൽ കോർത്തു പിടിച്ചിരുന്നു....

അകന്നു മാറുമ്പോൾ രണ്ടാളും ശ്വാസം ആഞ്ഞു വലിച്ചു.... അവന്റെ നെഞ്ചിലേക്ക് അവൾ മുഖം അമർത്തി....

""""ആലി..... എന്റെ പെണ്ണ് ആയി കൂടെ കൂട്ടട്ടെ ഞാൻ.... """

അവളുടെ മുഖം ഇരു കൈകളിലും കോരി എടുത്തു കൊണ്ട് അവൻ ചോദിച്ചതും അവൾ സമ്മതഭാവത്തോടെ അവനെ നോക്കി കണ്ണുചിമ്മി....

നഷ്ടപ്പെട്ടതെന്തോ കളഞ്ഞു കിട്ടിയ സന്തോഷം പോലെ അവളുടെ മിഴികൾ നിറഞ്ഞൊഴുകുന്നുണ്ടായിരുന്നു.... അവൻ ആ മിഴികളിൽ ചുംബിച്ചു... അവളിൽ നിന്നും ഉതിർന്ന തേങ്ങലുകളെ  തന്റെ നെഞ്ചോട് അടക്കി സമാധാനിപ്പിച്ചു....

"""I can't miss you anymore.... """

അവളെ ഇറുക്കെ പുണർന്നു കൊണ്ട് അവൻ മൗനമായി മൊഴിഞ്ഞു.....

"""നാളെ പോണോ.... ഏഹ്... "''

അവൻ അവളുടെ ചെവിയിൽ ചുണ്ട് ചേർത്ത് കൊണ്ട് ചോദിച്ചതും അവൾ അവനെ ബെഡിലേക്ക് തള്ളി....

"""എനിക്ക് എന്റെ കുഞ്ഞേട്ടനെ കാണാൻ ഉള്ളതാ..... നാളെ രാവിലെ തന്നെ പോണം..... """"

"""എന്നാലും..... """

അവൻ ചുണ്ട് ചുളുക്കി...

അവൾ അവനെ നോക്കി കണ്ണുരുട്ടി കാണിച്ചതും അവൻ ഇളിച്ചു കൊടുത്തു....
 
                           ***********

""""ആഹ്.... ഞാൻ വരുവാ..... നീ വെയിറ്റ് ചെയ്യ്.... """

സച്ചു ഫോൺ കട്ട് ചെയ്തു പോക്കറ്റിലേക്ക് വച്ചു..... വണ്ടി എയർപോർട്ടിലേക്ക് ചെന്നു.....

അവനെ കാത്തെന്നത് പോലെ കൈസിയും എമിയും ഉണ്ടായിരുന്നു...

അവരെ കണ്ടതും സച്ചു വന്നു കൈസിയെ കെട്ടിപിടിച്ചു.....

"""ആലീസ്.... എങ്ങനെ ഉണ്ടായിരുന്നു യാത്ര ഒക്കെ.... """

അവനെ തന്നെ നോക്കി നിൽക്കുന്ന എമിയുടെ കവിളിൽ തട്ടി കൊണ്ട് അവൻ ചോദിച്ചു....

'''ഡീ.... നിന്നോട്.... "''

അവൻ പറഞ്ഞതൊന്നും അവൾ കേട്ടില്ലെന്ന് കണ്ടതും കൈസി അവളെ തട്ടി....

അവൾ ഞെട്ടി നോക്കിയതും സച്ചു അവളെയും കൈസിയെയും മാറി മാറി നോക്കുന്നത് കണ്ടു.....

"""അത്.... ഞാൻ.... ഏട്ടൻ എന്താ ചോദിച്ചേ...."""

അവൾ ഇളിച്ചു കാണിച്ചതും സച്ചു ഒന്നുമില്ലെന്ന് തലയാട്ടി....

"""നീ വണ്ടിയിൽ കയറ്.... """

അവളെ നോക്കി ഒന്ന് ആക്കി ചിരിച്ചു കൊണ്ട് കൈസി പറഞ്ഞതും അവൾ അവനെ തുറിച്ചു നോക്കി പോയി കാറിൽ കയറി ഇരുന്നു.....

""""ഡാ... അവൾക്ക് എന്താ പറ്റിയെ..... നീ എന്തെങ്കിലും ചെയ്തോ അവളെ.... ഏഹ്.... ""'

സച്ചു കൈസിയെ തുറിച്ചു നോക്കി കൊണ്ട് ചോദിച്ചതും അവൻ കണ്ണിറുക്കി ചിമ്മി ചിരിച്ചു.....

""""ഡാ....."""

സച്ചു ഒരു പ്രത്യേക ഈണത്തിൽ വിളിച്ചതും കൈസി അവനെ നോക്കി ചിരിച്ചു....

""""എന്താടാ..... """

അതുപോലെ വിളികേട്ടുകൊണ്ട് അവന് ഒരു കിസ്സും കൊടുത്തു അവൻ കാറിൽ കയറി..... സച്ചു രണ്ടിനും എന്താ പറ്റിയത് എന്ന ഭാവത്തിൽ അവരെ നോക്കി.... പിന്നെ കാറിൽ കയറി.....

വണ്ടി നേരെ പോയത് അപാർട്മെന്റിലേക്ക് ആണ്.....

ലേഗേജ്‌ ഒക്കെ എടുത്തു അവർ റൂമിലേക്ക് ചെന്നു..... റൂം പൂട്ടി ഇരിക്കുന്നത് കണ്ടതും എമി സച്ചുവിന് നേരെ തിരിഞ്ഞു....

""""ഏട്ടാ.... നീരു വന്നില്ലേ... """

'''അറിയില്ല..... "''

അവൻ അത്രമാത്രം പറഞ്ഞു....

റൂം തുറന്നു കൈസിയും സച്ചുവും അകത്തു കയറി....

""""ആലീസ്..... അവൾ ഇന്ന് വരില്ലേ.... അത് വരെ ഇവിടെ നിന്നോ...."""

പുറത്ത് നിന്ന് വട്ടം ചുറ്റുന്ന എമിയെ നോക്കി സച്ചു വിളിച്ചു പറഞ്ഞതും അവൾ ഇളിച്ചു കൊണ്ട് അകത്തേക്ക് കയറി.....

കൈസി അവളെ നോക്കി.... അവൾ സച്ചുവിനെ തന്നെ നോക്കുവാണ്....

""""ഡീ..... ""'

കൈസി വിളിച്ചതും അവൾ ഞെട്ടി അവനെ നോക്കി....

"""എന്താടാ ഇത്..... നീ എന്തിനാ ഇങ്ങനെ അലറുന്നേ..... പതിയെ വിളിച്ചാൽ അവൾക്ക് കേൾക്കില്ലേ....""'

സച്ചു കൈസിയോടെ ചോദിച്ചതും എമി വേഗം അവന്റെ അടുത്തേക്ക് ചെന്നു....

""""അങ്ങനെ പറഞ്ഞു കൊടുക്ക് കുഞ്ഞേട്ടാ..... എപ്പോ നോക്കിയാലും ഈ റോഹൻ ഇങ്ങനെയാ... എന്നോട് എപ്പോഴും വഴക്കിനു വരും....."'''

അവൾ അവന്റെ കയ്യിൽ കോർത്തു പിടിച്ചു കൊണ്ട് പറഞ്ഞു...

""""ഡാ... നീ എന്തിനാടാ എന്റെ കുഞ്ഞിനോട്......""'

ബാക്കി പറയാൻ കഴിയാതെ സച്ചു നിർത്തി..... പിന്നെ തന്റെ കയ്യിൽ ചേർത്ത് പിടിച്ചു ഇരിക്കുന്ന എമിയെ നോക്കി.....

""""ആലി...."""

അവൻ പതുക്കെ വിളിച്ചതും അവൾ കരഞ്ഞു കൊണ്ട് അവന്റെ നെഞ്ചിലേക്ക് ചാഞ്ഞിരുന്നു.....

അവന്റെ കണ്ണുകളും നിറഞ്ഞിരുന്നു....

'"'"ഡാ..... കൈസി.... ""'

അവരെ നോക്കി പുഞ്ചിരിയോടെ നിൽക്കുന്ന അവനെ നോക്കി സച്ചു വിശ്വാസം വരാതെ വിളിച്ചതും അവൻ ചിരിയോടെ അവനെ നോക്കി....

""""മോളെ....."""

അവൻ അവളെ ചേർത്ത് പിടിച്ചു..... കൈസി കൂടെ അവരുടെ അടുത്തേക്ക് ചെന്നതും അവൻ മറു കയ്യാൽ അവനെ കൂടെ നെഞ്ചിലേക്ക് ചേർത്തു.....എന്നോ നഷ്ടമായ ഒരു സുഖമുള്ള കാലത്തെ കുഞ്ഞോർമ്മകൾ മൂവരുടെയും ഉള്ളിലൂടെ കടന്നു പോയി....

റോഹന്റെ കുറ്റങ്ങൾ പറയാൻ ഓടി വരുന്നൊരു കുഞ്ഞിപ്പെണ്ണിന്റെ മുഖം സച്ചുവിൽ തെളിഞ്ഞു.....

അവളെ ചേർത്തു നിർത്തി അവനെ വഴക്ക് പറയുമ്പോൾ എന്റെ ഏട്ടനെ പറയുന്നോടാ എന്ന് ചോദിച്ചു കലഹിക്കുന്ന കുഞ്ഞു ലച്ചുവും അവനിൽ നിറഞ്ഞു....

അവളുടെ ഓർമ്മകൾ മൂവരുടെയും ഉള്ളിൽ നിറഞ്ഞു..... അവരെ തലോടി പോയ ആ നനുത്ത കാറ്റിനു അവളുടെ സുഗന്ധം ആയിരുന്നു.....അവരുടെ ലച്ചുന്റെ........❤

 

(തുടരും)