🔥*My Dear Rowdy*🔥 11

💕*A Romantic Fighting Love Story*💕
ഭാഗം : 11

താഴെ എത്തിയതും ആരെയും കാണാത്തതു കൊണ്ട് അവർ കിച്ചണിലേക്ക്‌ പോകാൻ നിന്നതും ആരോ  കാളിങ് ബെൽ അടിക്കുന്ന ശബ്ദം കേട്ടതും ഒരുമിച്ചു ആയിരുന്നു....

അപ്പോൾ തന്നെ അവർ പോയി ഡോർ തുറന്നതും മുന്നിൽ ഇളിച്ചു കൊണ്ട് നിൽക്കുന്നവരെ കണ്ടു അവർ ഒരുമിച്ചു
"""നിങ്ങളോ """എന്ന് ചോദിച്ചതും ഒരുമിച്ചു ആയിരുന്നു......

മുട്ടിനു മുകളിൽ ഉള്ള ഒരു കുട്ടിക്കുപ്പായവും ഇട്ട് വലിയ ടൂർ ബാഗും ആയി നിൽക്കുന്ന രണ്ടെണ്ണത്തിനെ കണ്ടപ്പോൾ തന്നെ ആദിക്കും ആഷിക്കും കലിപ്പ് കയറാൻ തുടങ്ങി.....

"""ഞാൻ അപ്പോഴേ പറഞ്ഞില്ലേ ലിയ... നമ്മുടെ ഈ എൻട്രി ഇവർക്ക് ഒരു സർപ്രൈസ് ആകും എന്ന്.... """"

അത്രേം പറഞ്ഞു ശിവ അകത്തേക്ക് കയറി...

""ആദി ഏട്ടാ...  എന്തൊക്ക ഉണ്ട് വിശേഷം..""

അതും ചോദിച്ചു ലിയ അവന്റെ അടുത്തേക്ക് പോയതും കാരണം പുകച്ചു ഒരു അടി അവൾക്ക് കിട്ടി.....

അടി കിട്ടിയ ശക്തിയിൽ പിന്നിലേക്ക് വേച്ചു പോയ ലിയയെ ശിവ വന്നു പിടിച്ചു...

"""എന്താ ആദി ഏട്ടാ.... എന്തിനാ ഇവളെ തല്ലിയത്.... ആഷി ഏട്ടാ.... """

അത്രേം പറഞ്ഞു ആഷിയുടെ അടുത്തേക്ക് പോയ ശിവക്കും അവന്റെ വക കിട്ടി....

""""മേലിൽ ഇമ്മാതിരി വേഷവും ഇട്ട് ഈ പടി കയറിയാൽ നിങ്ങളെ രണ്ടിന്റെയും മുട്ട് കാൽ ഞാൻ തല്ലി ഓടിക്കും..... """

കലിപ്പിൽ അത്രേം പറഞ്ഞു ആദി പോയതും അവന്റെ പിന്നാലെ ആഷിയും ഒരു കത്തുന്ന നോട്ടം നൽകി പോയി...

_______________________________________

""അതേ ഫുഡ് ഒക്കെ റെഡി ആയ സ്ഥിതിക്ക്‌ നമുക്ക് അവരെ വിളിച്ചു വന്നാലോ.. """

കല്ലു അതും ചോദിച്ചു എഴുന്നേറ്റപ്പോൾ ആണ് പുറത്ത് നിന്നും ആദിയുടെ ശബ്ദം കേൾക്കുന്നത്...

അപ്പോൾ തന്നെ എല്ലാവരും ഹാളിലേക്ക് വിട്ടു...

ഹാളിൽ എത്തിയപ്പോൾ കാണുന്നത് കവിളിൽ കയ്യും വച്ച് കണ്ണും നിറച്ചു നിൽക്കുന്ന രണ്ട് മോഡേൺ ഗേൾസിനെയാണ്....

അവരെ കണ്ടതും അമ്മു മാധുന്റേം കല്ലുന്റേം ഇടയിൽ കയറി നിന്നു....

""ഇവർ നിങ്ങൾക്ക് പാരയാകും ""

എന്നും പറഞ്ഞു അമ്മു വേഗം അവരുടെ അടുത്തേക്ക് വിട്ടു....

"""നിങ്ങൾ എന്തിനാ ഇവിടെ തന്നെ നിൽക്കുന്നെ... അകത്തേക്ക് വാ.... """

അമ്മു അവരെ വിളിച്ചതും രണ്ടും വേഗം അവളെ നോക്കി ഇളിച്ചു കൊടുത്തു.....

അപ്പോഴും അമ്മു പറഞ്ഞത് എന്തെന്ന് മനസിലാകാതെ നഖവും കടിച്ചു കൊണ്ട് നിൽക്കുകയാണ് മാധുവും കല്ലുവും...

"""ഇതൊക്കെ ആരാ അമ്മൂ.... """

ജാനുനെയും കല്ലുനെയും മാധുനെയും കൂർപ്പിച്ചു നോക്കി കൊണ്ട് ശിവ ചോദിച്ചതും അവർ മൂന്ന് പേരും അവളെ അടപടലം പുച്ഛിച്ചു കൊണ്ട് നേരെ കിച്ചണിലേക്ക് പോയി....

"""ഓഹ്... സെർവന്റ്സ് ആയിരിക്കും അല്ലേ..."""

അതേ പുച്ഛഭാവത്തോടുകൂടി ലയ അങ്ങനെ ചോദിച്ചതും ചെപ്പു അവളെ ഒന്ന് സൂക്ഷിച്ചു നോക്കി ആദിന്റേം ആഷിന്റേം അടുത്തേക്ക് വിട്ടു....

"""നിങ്ങൾ പോയി ഫ്രഷ് ആയി വാ... ഞങ്ങൾ ഫുഡ് എടുത്തു വയ്ക്കാം.... """

അത്രേം പറഞ്ഞു അമ്മു അവരെ റൂമിൽ ആക്കി നേരെ ഗേൾസ് ടീമിന്റെ അടുത്തേക്ക് വിട്ടു....

"""""ആരാടി ആ സുന്ദരികോത... """"

കലിപ്പിൽ ജാനു ചോദിച്ചതും അമ്മു കല്ലുന്റേം മാധുന്റേം അടുത്തേക്ക്‌ പോയി...

""""എന്റെ രണ്ട് ബ്രോസിന്റേം പിന്നാലെ പട്ടി എല്ലുംകഷ്ണം കണ്ടത് പോലെ മണപ്പിച്ചു നടക്കുന്ന സാധങ്ങൾ ആണ് അവർ രണ്ട് പേരും....
ആ റെഡ് ഡ്രസ്സ്‌ ശിവാനി എന്ന ശിവയും മറ്റേത് ലിയാന എന്ന ലിയയും.... രണ്ടാളും എന്റെ മമ്മയുടെ ബ്രദേർസിന്റെ മക്കൾ ആണ്..... """""

അവൾ അത് പറഞ്ഞപ്പോൾ തന്നെ കല്ലുവും  മാധുവും പരസ്പരം മുഖത്തോടു മുഖം നോക്കി പല്ല് കടിച്ചു....

"""ബട്ട്‌ നിങ്ങൾ പേടിക്കണ്ട.... അവളുമാരെ ആദിക്കും ആഷിക്കും കണ്ടു കൂടാ.... """

എന്ന് കൂടെ അമ്മു പറഞ്ഞപ്പോൾ ആണ് അവർക്ക് കുറച്ചു സമാധാനം ആയത്...

""""എന്നാലും എന്റെ മാധൂ....ആദി ബ്രോ നിന്റെ പിന്നാലെ ഇത്രേം നടന്നിട്ടും നീ എന്താടി ഓക്കേ പറയാഞ്ഞത്.... """"

ജാനു അവളുടെ തോളിൽ കൂടെ കയ്യിട്ട് ചോദിച്ചതും മാധു ഒന്ന് ഇളിച്ചു കൊടുത്തു..

"""എനിക്ക് അവനെ ഇഷ്ടം ഒക്കെ തന്നെ.... ബട്ട്‌ അവന്റെ കലിപ്പ് കാണുമ്പോൾ ഉണ്ടായ ഇഷ്ടം ഒക്കെ പമ്പ കടക്കും.... പിന്നെ വീട്ടിലെ അവസ്ഥ കൂടി നമ്മൾ ചിന്തിക്കണ്ടെ.... """"

"""""അപ്പോൾ നമ്മളെ ചെക്കന്മാരെ തട്ടിയെടുക്കാൻ വന്ന ഈ താടകമാർക്ക് എന്ത് പണി നൽകാം..... """"

കല്ലു ചോദിച്ചതും എല്ലാവരുടെ ചുണ്ടിലും ഒരു ചിരി വന്നു.....

"""അപ്പോൾ നമ്മളെ സ്പെഷ്യൽ ഡിഷ്‌ ടെസ്റ്റ്‌ ചെയ്യാൻ ആ സേച്ചിമാരെ വിളിച്ചാലോ... """

മാധു പറഞ്ഞതും എല്ലാവരും തമ്പ്സ് അപ്പ് കാണിച്ചു പിരിഞ്ഞു.....

_______________________________________

"""ഡീ ലിയ... എനിക്ക് എന്തോ അമ്മുന്റെ കൂടെ ഉള്ള മൂന്നെണ്ണത്തിനെ കാണുമ്പോൾ എന്തോ ഒരു നെഗറ്റീവ് അടിക്കുന്നുണ്ട്.... """"

ഫ്രഷ് ആയി വന്നു കണ്ണാടിയുടെ മുന്നിൽ നിന്നും ശിവ പറഞ്ഞു...

""എനിക്ക് ഇപ്പൊ ആദിടെ തല്ലിന്റെ വേദനയാണ് ഉള്ളത്.... അപ്പോഴാ അവളുടെ നെഗറ്റീവ്..... അത് അമ്മുന്റെ ഫ്രണ്ട്സ് എങ്ങാനും ആവും.... '""

എന്നും പറഞ്ഞു ബെഡിൽ നിന്നും ലിയ എഴുന്നേറ്റു ഇരുന്നു....

""ഹ്മ്മ്.... ആയാൽ അവർക്ക് നല്ലത്... """

""നീ ഇങ്ങോട്ട് വന്നേ.... എന്നിട്ട് എന്റെ മുഖം നോക്ക്.... അവന്റെ അഞ്ചു വിരലും പതിഞ്ഞിട്ടുണ്ട്....""""

""""ആാഹ്ഹ്... നല്ലോണം ഉണ്ടല്ലോ.... """

ലിയയുടെ മുഖത്ത്‌ നോക്കി ശിവ പറഞ്ഞതും ലിയ ചിരിച്ചു...

"""എനിക്ക് മാത്രം അല്ല....നിന്റെ കവിളിലും ഉണ്ട് ആഷിയുടെ കൈന്റെ പാട്... """

അപ്പോൾ തന്നെ ശിവ വേഗം കണ്ണാടിയിൽ പോയി നോക്കാൻ തുടങ്ങി...

"""""ബ്ലഡി.... &%%%*****""""

അത്രേം പറഞ്ഞു ശിവ മേക്കപ്പ് ബോക്സ് തുറന്നു പുട്ടിയിടാൻ തുടങ്ങി... അത് കണ്ടപ്പോൾ ലിയയും അവളുടെ കൂടെ ചേർന്നു......

അപ്പോഴാണ് അമ്മു ഡോറും തുറന്നു അകത്തേക്ക് വന്നത്....

"""ഹായ് അമ്മു.... """ ശിവ..

""ഹായ് ശിവ... ഹായ് ലിയ... """

""എന്താ അമ്മൂ....റൂമിലേക്ക് വരുമ്പോൾ അനുവാദം ചോദിച്ചു കൂടെ....മാനേഴ്സ് കീപ് ചെയ്തു കൂടെ.... """

ലിയ അതും പറഞ്ഞു അമ്മുന്റെ അടുത്ത് പോയതും അവൾ ലിയയെ തന്നെ തുറിച്ചു നോക്കി......

""""ഒന്ന് പറയുക കൂടി ചെയ്യാതെ എന്റെ വീട്ടിൽ കയറി വന്നിട്ട് ആണ് അവൾ എന്നോട് മാനേഴ്സ് കീപ് ചെയ്യാൻ പറയുന്നേ...  നിനക്ക് ഉള്ള പണി അണിയറയിൽ ഒരുങ്ങുന്നുണ്ട് മോളേ... അതുകൊണ്ട് ഈ ചോദ്യത്തിനുള്ള ഉത്തരം ഇപ്പൊ തരുന്നില്ല.... """"

അത്രേം മനസിൽ പറഞ്ഞു അമ്മു ലിയയെ നോക്കി ഒന്ന് കോട്ടി ചിരിച്ചു....

""അല്ല.... നീ എന്തിനാ ഇപ്പൊ ഇങ്ങോട്ട് വന്നത്.. """

ശിവ ചോദിച്ചതും അമ്മു ഒന്ന് ചിരിച്ചു...

"""നിങ്ങളെ ഫുഡ് കഴിക്കാൻ വിളിച്ചത് ആണ്.. """

"""ഫൈവ് മിനുട്ട്... ഞങൾ വരാം... """

അപ്പോൾ തന്നെ  അമ്മു വേഗം റൂം വിട്ടു ഇറങ്ങി..

റൂമിന്റെ പുറത്ത് അവളേം കാത്ത് ഗേൾസ് ടീം അക്ഷമയോടെ നിൽക്കുന്നുണ്ട്...

"""എന്തായി... """ കല്ലു

""ഡബിൾ ഓക്കേ... """ അമ്മു

""എന്നാൽ എല്ലാരും വേഗം വാ... നമ്മളെ സ്പെഷ്യൽ ഫുഡ് അവർക്ക് തന്നെ ട്രൈ ചെയ്തു നോക്കട്ടെ.... ""

മാധു അതും പറഞ്ഞു എല്ലാവരെയും കൂട്ടി ഡയിനിങ് ഹാളിലേക്ക് വിട്ടു....

____________________________________

""""അവരെ എന്തിനാ ഇപ്പൊ ഇങ്ങോട്ട് കെട്ടിയെടുത്തത്.... """

എന്നും പറഞ്ഞു ആദി കൈ ചുരുട്ടി ഭിത്തിയിലേക്ക് ആഞ്ഞു കുത്തി....

""മമ്മ പറഞ്ഞു വിട്ടത് ആണ്... അവർ ബിസിനസ് ടൂർ കഴിഞ്ഞു വരുന്നത് വരെ ആ കുരിശുകൾ  ഇവിടെ ഉണ്ടാകും... ""

ആഷി പറഞ്ഞതും ആദിക്ക്‌ ദേഷ്യം വന്നു...

""""ഈ മമ്മ ഇത് എന്ത് ഭാവിച്ചിട്ട് ആണ്... എനിക്ക് അവരെ കാണുന്നത് തന്നെ കലിയാണ് എന്ന് മമ്മക്ക്‌ അറിയുന്നത് അല്ലേ... പിന്നെ എന്തിനാ..... """"

ആദി ശബ്ദം കൂട്ടി പറഞ്ഞതും ആഷി അവന്റെ അടുത്തേക്ക്‌ പോയി....

"""എടാ... മമ്മക്ക്‌ ഇഷ്ടം ഉണ്ടായിട്ട് ഒന്നും ആയിരിക്കില്ല... രാജ് അങ്കിൾ മമ്മയെ ഓരോന്നു പറഞ്ഞു പേടിപ്പിച്ചത് ആയിരിക്കും... ഇപ്പൊ തന്നെ മമ്മ പറഞ്ഞത്  അമ്മു ഇവിടെ ഒറ്റക്ക് അല്ലേ എന്ന് ആണ്..."""

"""അതിന് അമ്മു ഇവിടെ ഇപ്പോഴാ ഒറ്റക്ക് ആയത്... ഞാൻ ഇല്ലേ... നീ ഇല്ലേ... ചെപ്പു ഇല്ലേ.... പിന്നെ... ദോ അവളുമാരും ഇല്ലേ..."""

""ആദി... നമ്മൾ മൂന്ന് ആൺകുട്ടികളുടെ കൂടെ അവൾ ഒറ്റക്ക് നിൽക്കണ്ടെ... അവളുടെ പ്രായത്തിൽ ആരും ഇല്ലല്ലോ എന്ന് വിചാരിച്ചു പറഞ്ഞത് ആയിരിക്കും... പിന്നെ അവളുമാർ ഇവിടെ ഉള്ള കാര്യം മമ്മക്കും പപ്പക്കും ഒന്നും അറിയില്ലല്ലോ... """

ആഷി ഓരോന്ന് പറഞ്ഞു ആദിയുടെ കലിപ്പ് കൺട്രോൾ ചെയ്തു കൊണ്ട് വരുമ്പോൾ ആണ് ചെപ്പു അങ്ങോട്ട് കയറി വന്നത്..

"""""""അവൾ ആരാ അവരെ സെർവന്റ്സ് എന്ന് പറയാൻ.... അവളുടെ അമ്മൂമ്മേടെ ഒരു ഡ്രസ്സും പുട്ടിയിൽ മുഖവും കുത്തി വീണത് പോലെ ഉള്ള ഒരു തിരുമോന്തയും.... ക്രാ തൂഫ്. . """"""""

ബെഡിൽ കയറി ഇരുന്നു ചെപ്പു പിറുപിറുക്കുന്നത് കേട്ടതും ആദിയും ആഷിയും അവന്റെ അടുത്ത് ചെന്ന് ഇരുന്നു..

"""എന്താ ചെപ്പു.... അവൾമാർ നിന്നെ എന്തെങ്കിലും പറഞ്ഞോ... """"

ആദി വീണ്ടും കലിപ്പ് ആയതും ആഷി അവനോട് കൂൾ ആവാൻ പറഞ്ഞു...

അതൊന്നും മൈൻഡ് ആക്കാതെ ചെപ്പു വീണ്ടും ഓരോന്ന് പറഞ്ഞു കൊണ്ടിരുന്നു...
പെട്ടന്ന് """"ഐഡിയ... """എന്നും വിളിച്ചു കൂവികൊണ്ട് അതുവരെ സാട് ആയിരുന്ന ചെപ്പു എഴുന്നേറ്റു ഓടുന്നത് കണ്ടു ആദിയും ആഷിയും വായും പൊളിച്ചു ഇരുന്നു...

പിന്നെ അധികം താമസിക്കാതെ അവരും അവന്റെ പിറകെ പോയി....

____________________________________

"""കുറച്ചു സാലഡ് എടുക്കട്ടെ ലിയാ..."""  (ജാനു )

""യാ ഓക്കേ.... """ (ലിയ.. )

അപ്പോൾ തന്നെ മാധു രണ്ട് സ്പൂൺ സാലഡ് കോരി അവളുടെ പ്ലേറ്റിൽ ഇട്ടു...

"""ശിവ... നിനിക്ക് കുറച്ചു കൂടെ ഫ്രൈഡ്റൈസ് എടുക്കട്ടെ.... """ (കല്ലു )

""നോ... ""

""അതെന്താ നിനിക്ക് തിന്നാൽ... നിന്റെ നിനിക്ക് എന്റെ ആഷിനെ വേണ്ടേ... അപ്പോൾ നല്ലോണം കഴിക്കണം... നീ വേണ്ടാന്ന് പറഞ്ഞാലും നിന്നെകൊണ്ട് കഴിപ്പിക്കാൻ എനിക്ക് അറിയാം മോളേ... """

അത്രേം മനസ്സിൽ ഓർത്തു ഒന്ന് ഊറി ചിരിച്ചു അവൾ ശിവയുടെ അടുത്തേക്ക് കുറച്ചു കൂടെ നീങ്ങി നിന്നു.....

""""ശിവ... നീ വല്ലാണ്ട് മെലിഞ്ഞു പോയിട്ട് ഉണ്ട്... ഇപ്പൊ ഭക്ഷണം കഴിച്ചാലേ നല്ലോണം തടിക്കൂ.... """

കല്ലു പറഞ്ഞതും അവൾ കല്ലുനെ നോക്കി..

"""എനിക്ക് തടിക്കുന്നത് ഇഷ്ടം അല്ല....ഞാൻ ഇത്രയേ കഴിക്കാറുള്ളൂ... """

അവൾ അതും പറഞ്ഞു എഴുന്നേൽക്കാൻ നിന്നതും കല്ലു അവളെ പിടിച്ചു അവിടെ തന്നെ ഇരുത്തിച്ചു.....

"""നിനിക്ക് വേണ്ടെങ്കിൽ കഴിക്കണ്ട.... പക്ഷെ ആഷിക്ക്‌ നല്ല തടി ഉള്ള പെൺകുട്ടിയെ ആണ് ഇഷ്ടം.... """

കല്ലു പറയുന്നത് കേട്ടതും ശിവ വീണ്ടും പ്ലേറ്റിലേക്ക് സ്പെഷ്യൽ ഫ്രൈഡ്റൈസ് ഇട്ടു തിന്നാൻ തുടങ്ങി....

അത് നോക്കി നിൽക്കുന്ന ലിയയെ നോക്കി മാധു ഒന്ന് തലയാട്ടി....

"""ലിയ... അവൾ പറഞ്ഞത് പോലെ ആദിക്കും തടി ഉള്ള പെണ്ണിനെ ആണ് ഇഷ്ടം.... """

മാധുന്റെ വാക്ക് കേട്ടതും ലിയ പിന്നെ ഒന്നും നോക്കാതെ അറ്റാക്ക് തുടങ്ങി.....

അപ്പോഴാണ് ചെപ്പു ഓടിക്കൊണ്ട് വന്നു അവരുടെ മുന്നിൽ സ്റ്റോപ്പ്‌ ആയത്....

"""ഡീ... ഒരു ഐഡി...........യ""""

പറയാൻ വന്നത് പകുതിക്ക്‌ സ്ലോ ആയതും അവൻ മുന്നിൽ ഇരുന്നു അവൻ കഷ്ടപ്പെട്ടു ഉണ്ടാക്കിയ ഫ്രൈഡ്റൈസും സാലഡും വെട്ടി വിഴുങ്ങുന്ന രണ്ട് പുട്ടി പ്രേതങ്ങൾ....

അവൻ തല ചെരിച്ചു മാധുനെയും അമ്മുനെയും കല്ലുനെയും ജാനുനെയും നോക്കിയതും അവരുടെ മുഖത്തു ഉണ്ടായ ചിരി കണ്ടു അവൻ ഒന്ന് ഇളിച്ചു കൊണ്ട് ""കഴിച്ചോ....കഴിച്ചോ ""എന്നും പറഞ്ഞു ഒരു തൂണും ചാരി നിന്നു.....

           ❇️❇️❇️❇️❇️❇️

(തുടരും...)