💔❤️യാമി ❤️💔

അവളുടെ അധരങ്ങളെ നുണയുവാനായി അവൻ വ്യഗ്രതയോടെ  അവളുടെ നേർക്ക് അടുത്ത് വന്നു.അവന്റെ മുഖം തട്ടിമാറ്റിക്കൊണ്ടവൾ പറഞ്ഞു.

"അജയ്.... മാറി നിൽക്ക്... ഇതൊരു അമ്പലമാണ് അല്ലാതെ നമ്മുടെ ബെഡ്‌റൂം അല്ല..."


അവളുടെ എതിർപ്പുകൾ  വകവെക്കാതെ അവൻ  ശക്തിയോടെ അവളെ ആ ക്ഷേത്രമതിലിനോട് ചേർത്ത് നിർത്തി ഇടുപ്പിൽ കൈമർത്തി   അവളുടെ അധരങ്ങൾ നുണയുവാൻ തുടങ്ങി.മെല്ലെ അവളുടെ എതിർപ്പുകൾ മാറി ശ്വാസഗതികൾ വർധിച്ചുവന്നു.
രക്തവർണമായ അവളുടെ കവിളുകളും, നെറ്റിയിലെ വിയർപ്പുത്തുള്ളികളാൽ പടർന്ന സിന്ദൂരവും,അലസമായി നെറ്റിയിലേക്ക് കിടക്കുന്ന  മുടിയിഴകളും അവളുടെ സൗന്ദര്യത്തിന് മാറ്റുക്കൂട്ടി.

പുലർകാല സൂര്യൻ വരെ നാണിച്ചുപോകും വിധത്തിൽ ആയിരുന്നു അവരുടെ ഗാഡമായ ചുംബനം. മുഖത്തേക്ക് ഇറ്റ് വീണ മഴത്തുള്ളികളാണ് അവളെ സ്ഥലകാലബോധത്തിലേക്ക് കൊണ്ടുവന്നത്.അവന്റെ മുഖം കൈകളാൽ അടർത്തിമാറ്റി അവൾ പറഞ്ഞു.

"മതി അജയ്... ദേ മഴ....."

അതും പറഞ്ഞവൾ അവന്റെ കൈകൾ പിടിച്ചു കല്മണ്ഡപതിനടുത്തേക്ക് ഓടി. മഴ  നനയാതെ ഇരുവരും അവിടെ നിന്നു.. മഴയത്തേക്ക് കണ്ണും നട്ടുനിൽക്കുന്ന യാമിയെ നോക്കി അജയ് ചെറിയ പരിഭവത്തിൽ പറഞ്ഞു.

"എനിക്ക് മതിയായില്ല.....നിന്റെ ചുണ്ടിലെ തേൻ നുകർന്നു."

അവളിൽ വിരിഞ്ഞ നാണം കപടദേഷ്യത്താൽ മറച്ചുകൊണ്ടവൾ പറഞ്ഞു.

"ഒന്ന് വെറുതെ ഇരിക്ക് അജയ്.... ആരെങ്കിലും കണ്ടാൽ നാണക്കേടാണ്."

"ഓ... എന്ത് നാണക്കേട്... ഞാൻ എന്റെ പെണ്ണിനെയാണ് ഉമ്മ വെക്കുന്നത്. അല്ലാതെ വഴിയിൽ പോകുന്നവളെയല്ല..."

ഒന്ന് നിശ്വസിച്ചു അവൻ വീണ്ടും പറഞ്ഞു.

"നോക്കൂ യാമി... ഓരോ ചുംബനങ്ങൾക്കും ഓരോ രുചിയാണ്. മുൻപൊന്നും ഇല്ലാത്ത എന്തോ ഒരു പ്രേത്യേക രുചിയായിരുന്നു ഇന്ന് നിന്നെ ചുംബിച്ചപ്പോൾ. ഈ മഴയത്തു ചുംബിച്ചാൽ  മറ്റൊരു രുചിയായിരിക്കും പെണ്ണെ..."

അവൻ മെല്ലെ അവളുടെ  അധരങ്ങൾ ലക്ഷ്യമിട്ട് വന്നു. അതുമനസിലാക്കിയ യാമി അവന്റെ മുഖം തട്ടി മാറ്റി അവനിൽ നിന്നും കുറച്ച് അകലെ മാറി നിന്നു.
അവൻ അവൾക്കരികിലേക്ക് നടന്നുടുത്തു അവളുടെ ചെവിയിലായി പറഞ്ഞു.

"ഇതിനുമുൻപ് എത്രയോ തവണ നമ്മൾ പരസ്പരം മറന്നു ചുംബിച്ചിട്ടുണ്ട്. അന്നൊന്നും ഇത്രയും നാണം കണ്ടിട്ടില്ലലോ.... എന്റെ താലി കഴുത്തിൽ വന്നപ്പോഴാണ് നിനക്ക് നാണം കൂടിയത്..."

അവൻ പറഞ്ഞത് ശ്രദ്ധിക്കാതെ അവൾ മഴ ആസ്വദിച്ചു നിന്നു. അവൻ മറ്റൊന്നും പറയാതെ ചിന്നിചിതറി തെറിക്കുന്ന മഴത്തുള്ളികൾ നോക്കി നിന്നു.

മഴ ശമിച്ചതും അവർ അവിടെനിന്നും അല്പം അകലെ മാറിയുള്ള ഹോംസ്റ്റേയിലേക്ക് നടന്നു. അവിടെയെത്തിയതും അവർക്കായുള്ള പ്രാതലുമായി ഒരു പരിചരാകൻ വന്നു.
ആഹാരം കഴിച്ചുകഴിഞ്ഞു അവർ അവിടെമാകെ ഒന്ന് കറങ്ങി. അവസാനമായി ഹോംസ്റ്റായോട് ചേർന്നുള്ള കായലിൽ വഞ്ചിയിൽ യാത്ര ചെയ്തു ഉച്ചയോടെ അവർ തിരിച്ചെത്തി.
അവനോടൊപ്പമുള്ള  നിമിഷങ്ങളിൽ അവൾക്ക് വല്ലാതെ  സന്തോഷം തോന്നി.
അവന്റെ ഷോൾഡറിൽ എല്ലാം മറന്നവൾ തല ചായിച്ചു കിടക്കുമ്പോഴായിരുന്നു അവൻ അവളോടായി പറഞ്ഞത്.

"ഇവിടെ അധികം നിന്നാൽ ശരിയാവില്ല.. നല്ല ചിലവാണ്.. ഞാൻ ഇവിടെ എവിടെങ്കിലും വീടോ ഫ്ലാറ്റോ കിട്ടുമോന്ന് അന്വേഷിക്കട്ടെ.. നീയിവിടെ ഇരിക്ക്..."

"ഇന്ന് തന്നെ പോവണോ?? നാളെ അന്വേഷിച്ചാൽ പോരെ?? ഇന്ന് രാവിലെ വന്നതല്ലേ ഉള്ളൂ...??"

"എന്റെ യാമി... നിനക്കിവിടത്തെ ചിലവ് അറിയാഞ്ഞിട്ടാണ്.. ഈ ഹോംസ്റ്റേ ഒക്കെ ഒരു ബിസ്സിനെസ്സ് ആണ്. ഞാൻ അന്വേഷിച്ചു വരാം... നീ ഇവിടെ നിക്ക്..."

മനസ്സിലാമനസ്സോടെ അവൾ സമ്മതം മൂളി.
    അല്പസമയം കഴിഞ്ഞു അവന്റെ ഫോൺ റിംഗ് ചെയ്തതും അവൾ ഫ്രഷ് ആവാനായി കയറി.  കാൾ കട്ട് ചെയ്തു ബാത്‌റൂമിന്റെ ഡോറിൽ തട്ടി അവൻ വിളിച്ചു പറഞ്ഞു.

"യാമി... ഞാൻ ഇറങ്ങുവാണു... നാട്ടിൽ ഉള്ള ഒരു ചേട്ടനാണ് വിളിച്ചത്..പുള്ളി ഇപ്പോൾ ഇവിടെയാണ്.പുള്ളിക്ക് ഇവിടെ അത്യാവശ്യം കോൺടാക്ട് ഉണ്ട്.. ഞാൻ ഒന്ന് കണ്ടിട്ട് വരാം.. നീ ഭക്ഷണം കഴിച്ചോ.. ഞാൻ ഇറങ്ങുവാണ്. സ്പയർ കീ ഞാൻ എടുത്തിട്ടുണ്ട്."

ഒന്ന് നിർത്തി അവൻ വീണ്ടും പറഞ്ഞു.

"ഐ ലവ് യൂ യാമി...... യൂ ആർ മൈ ലക്കി സ്റ്റാർ ❤"

"ലവ് യൂ ടൂ അജയ്... പെട്ടന്ന് വരണേ..."

അതിനു മറുപടിയൊന്നും കൊടുക്കാതെ അവൻ ബാഗുമെടുത്തു ഇറങ്ങി.

(തുടരും )