പുതിയ ധ്വിതിയെ എല്ലാവരും അതിശയത്തോടെയും സന്തോഷത്തിടെയുമായിരുന്നു വരവേറ്റത്. അത്രയും നാൾ അനുവിന്റെയും കൂട്ടരുടെയും മുൻപിൽ മൗനം പാലിച്ചവർ അതിന് ശേഷം പ്രതികരിച്ചു തുടങ്ങി. അനുവിനെ ഒക്കെ മാറ്റി നിർത്തിയാൽ ഞങ്ങളുടെ ക്ലാസ്സിൽ മറ്റൊരു ഗ്രൂപ്പ്‌ ഉണ്ടായിരുന്നില്ല.
 

പഠിക്കാൻ മിടുക്കി ആയതുകൊണ്ട് ആധ്യാപകർക്കെല്ലാം എന്നെ വളരെ ഇഷ്ടമായിരുന്നു.ആ വർഷം മുതൽ കലോത്സവവേദിയിൽ ഞാൻ നിറഞ്ഞു നിന്നും.ഞാൻ ഡാൻസ് ചെയ്യുമെന്ന് പലരും ആ നിമിഷമായിരുന്നു അറിഞ്ഞത് തന്നെ.അന്ന് മുതൽ അധ്യാപകരുടെ പ്രീയപ്പെട്ടവൾ വിദ്യാർത്ഥികളുടേതുമായി മാറി.
 

ഇതെല്ലാം അനുവിന് എന്നോടുള്ള ദേഷ്യം കൂട്ടിയതെ ഉള്ളു. അവൾ ഓരോ ദിവസവും എന്നെ കുത്തുവാക്കുകൾ കൊണ്ട് നോവിക്കാൻ ശ്രമിച്ചു. പക്ഷെ അന്നെല്ലാം ഞാൻ അതിന് ചുട്ട മറുപടിയും നൽകി.പക്ഷെ എന്തിനാണ് അവൾ എന്നോട് ഇങ്ങനെ ചെയ്യുന്നത് എന്ന് മാത്രം എനിക്കറിയില്ലായിരുന്നു.
പതിയെ അതിനുള്ള മറുപടിയും എനിക്ക് കിട്ടി........

" അർജുൻ "
 

🍁🍁🍁🍁🍁🍁🍁🍁🍁🍁🍁🍁🍁🍁

 

രണ്ട് വർഷം ഞങ്ങൾ പരസ്പരം പോര് കോഴികളെ പോലെ മത്സരിച്ചു. എട്ടാം ക്ലാസ്സിൽ എത്തിയപ്പോൾ അതിന് ഒരു ശമനം വരുമെന്ന് ഞാൻ വിചാരിച്ചു. പക്ഷെ ഉണ്ടായില്ല......
 

അമ്മ പഠിപ്പിക്കുന്ന സ്കൂളിലാണ് ഞാൻ എട്ടാം ക്ലാസ്സിൽ ചേർന്നത്. എന്റെ കൂടെ തന്നെ അനുവും കൂട്ടരും ഉണ്ടായിരുന്നു. ഞങ്ങൾ വീണ്ടും ഒരുമിച്ച് ഒരു ക്ലാസ്സിലായി. അവരുടെ കൂടെ ഒരു ക്ലാസ്സിൽ... അതെന്നെ വല്ലാതെ വീർപ്പു മുട്ടിക്കുന്നുണ്ടായിരുന്നു.
 

ആ ദിവസങ്ങളിലാണ് അനുവിന് എന്നോടുള്ള ദേഷ്യത്തിന്റെ കാര്യം എനിക്ക് മനസ്സിലായത്. " അർജുൻ...... ". അവനോട് അവൾക്ക് തോന്നിയ ക്രഷ്... പോരാതെ മറ്റുള്ളവരിൽ നിന്നും അറിഞ്ഞ ഞങ്ങളുടെ സൗഹൃദം...... ഇതുകൊണ്ടാണ് അവൾക്ക് എന്നോട് ദേഷ്യമെന്ന് അവൾ തന്നെ എന്നോട് പറഞ്ഞപ്പോൾ ഞാൻ ഞെട്ടിപ്പോയിരുന്നു.

 

അതിനേക്കാളൊക്കെ എന്നെ ഞെട്ടിച്ചത് അനുവും അജുവും റിലേഷനിൽ ആണെന്ന വാർത്തയാണ്. അതുകൊണ്ടാണ് അവൻ എന്നെ അകറ്റിയത് എന്ന് എനിക്ക് മനസ്സിലായി.അവനിൽ നിന്ന് ഞാനും അകലുന്നതാണ് നല്ലതെന്ന് എനിക്ക് തോന്നി.കൂടെ ഞാൻ ഒരു തീരുമാനവും  എടുത്തു ഇനി ഒരിക്കലും അവന്റെ ഫ്രണ്ട്ഷിപ്പ് നഷ്ടപ്പെട്ടതിൽ ഞാൻ വിഷമിക്കില്ല.
 

അമ്മയോട് ഞാൻ എല്ലാം പറഞ്ഞു. കൂടെ എനിക്ക് ക്ലാസ്സ്‌ മാറണം എന്നും. എന്റെ അവസ്ഥ മനസ്സിലാക്കി അമ്മ ക്ലാസ്സ്‌ ടീച്ചറോട് സംസാരിച്ച് എന്റെ ക്ലാസ്സ്‌ മാറ്റി.
 

അത് വെറുമൊരു ക്ലാസ്സ്‌ മാറ്റം ആയിരുന്നില്ല. പകരം എന്റെ ജീവിതത്തിൽ വന്ന മാറ്റം. അവിടെ നിന്നാണ് എനിക്ക് എന്റെ ഫാത്തിമ എന്ന പാത്തുനെയും,അസ്‌ലം എന്ന അസിയെയും, പല്ലവി എന്ന പല്ലിയെയും, അമൃത എന്ന അമ്മുവിനെയും, ജിതിൻ എന്ന കുട്ടനെയും ഒക്കെ കിട്ടുന്നത്.
 

പുറം മോഡി നോക്കാതെ സൗഹൃദം സൃഷ്ടിച്ചവർ.അവരുടെ കൂടെ ഞാൻ ഒരുപാട് ഹാപ്പിയായിരുന്നു. പഠിത്തവും കലോത്സവും , ഇണക്കങ്ങളും പിണക്കങ്ങളും കുറച്ച് കുരത്തക്കേടും ക്ലാസ്സിൽ ഉത്തരം പറയാതെ അടികിട്ടുന്നതും പുറത്താക്കുന്നതും ടീച്ചേഴ്സിന്റെ കണ്ണ് വെട്ടിച്ചു ക്ലാസ്സിൽ നിന്നും പുറത്തിറങ്ങുന്നതും ഉച്ചക്ക് ഒരു ചോറ്റ് പത്രത്തിൽ നിന്ന് എല്ലാവരും ഒരുമിച്ച് കയ്യിട്ട് വാരുന്നതും എല്ലാം ഞങ്ങൾ ആസ്വദിച്ചു. ഇതിലെല്ലാം അതിശയം എന്റെ അമ്മ ഇതെല്ലാം ഒരു പുഞ്ചിരിയോടെ ആണ് കണ്ടുനിന്നത്.

അങ്ങനെ ഞങ്ങളുടെ ഹൈസ്കൂൾ കാലഘട്ടം കഴിഞ്ഞു. ഞങ്ങൾ എല്ലാവർക്കും ഫുൾ A+ ആയിരുന്നു. ഞങ്ങൾ ആ സ്കൂളിൽ തന്നെ +1 ന് ചേർന്നു.അജുവും ഉണ്ടായിരുന്നു ഞങ്ങടെ  കൂടെ. അനുവിനും മറ്റുള്ളവർക്കും വേറെ സ്കൂളുകളിലായിരുന്നു അഡ്മിഷൻ കിട്ടിയത്.അതിൽ അജുന് നല്ല വിഷമം ഉണ്ടായിരുന്നു.
 

അവൻ ഞങ്ങടെ ക്ലാസ്സിൽ വന്നപ്പോൾ എന്നെ മാത്രമായിരുന്നു പരിജയം. അവൻ വീണ്ടും എന്നോട് കൂട്ട് കൂടാൻ വന്നെങ്കിലും എന്റെ കൂട്ടുകാർ അവനെ അടിപ്പിച്ചില്ല. അവനെ കുറിച്ച് എല്ലാം ഞാൻ അവരോട് പറഞ്ഞിരുന്നു. അത് തന്നെയായിരുന്നു കാരണം.പഴയത് പോലെ അല്ലെങ്കിലും ക്ലാസ്സിൽ ഒരുമിച്ച് പഠിക്കുന്ന ഒരു കുട്ടി എന്ന പരിഗണന മാത്രം ഞാൻ അവന് കൊടുത്തു.
 

ഞങ്ങൾ ഹൈസ്കൂൾ എങ്ങനെ ആഘോഷിച്ചോ അതുപോലെ അല്ലെങ്കിൽ അതിനേക്കാൾ വളരെ മനോഹരമായി ഞങ്ങൾ ഞങ്ങളുടെ +2 കാലവും അടിച്ച് പൊളിച്ചു.കൂടെ nss ഉം. ഞാൻ nss ന്റെ ലീഡർ ആയിരുന്നു. അന്നൊക്കെ വീട്ടിൽ കയറിയത് രാത്രി 7:30 അല്ലെങ്കിൽ 8 മണിക്കൊക്കെ ആണ്. അന്നൊക്കെ എന്നെ വീട്ടിൽ കൊണ്ടാക്കുന്നത് അസിയും കുട്ടനുമായിരിക്കും. ഏട്ടൻ നാട്ടിൽ ഉണ്ടെങ്കിൽ ഏട്ടൻ വരും. എല്ലാം കൂടെ ഞാൻ വളരെ ഹാപ്പിയായിരുന്നു.
 

എന്നാൽ അജുവിന്റെ അവസ്ഥ അതായിരുന്നില്ല.അതികം സുഹൃത്തുക്കൾ ഒന്നുമില്ല.അധികവും തനിച്ചിരിക്കും. അവന്റെ എന്നോ ഇല്ലാതായ നിഷ്കളങ്കത തിരിച്ച് വന്നതുപോലെ എനിക്ക് തോന്നി.
 

ആ ഇടയ്ക്കാണ് അനുവിന് മറ്റൊരു ചെറുക്കാനുമായി ബന്ധമുണ്ടെന്ന് അറിയുന്നത്. അവളുടെ സ്കൂളിന്റെ അടുത്തുള്ള ഒരു കോളേജിൽ പഠിക്കുന്ന ചെറുക്കാനാണ്. ഒറ്റമകൻ. നല്ല കോടീശ്വരൻ.
 

അവന്റെ കൂടെ അവളെ പലരും പാലായിടത്തുവച്ചും കണ്ടിട്ടുണ്ട്. അത് അജുവിനോട് പറഞ്ഞതുമാണ്. പക്ഷെ അവളോടുള്ള അന്തമായ പ്രണയം കാരണം അവൻ അത് വിശ്വസിച്ചില്ല. അവരോടൊക്കെ അവൻ വളരെ മോശമായി ബീഹെവ് ചെയ്യാൻ തുടങ്ങി. അവന്റെ ആകെ ഉള്ള സുഹൃത്തുക്കൾ പോലും അവനിൽ നിന്ന് അകന്നു.
 

ഞാൻ പിന്നെ അതൊന്നും കാര്യമാക്കാൻ പോയില്ല.സ്കൂൾ കാലഘട്ടം ഞങ്ങൾ നന്നായി ആസ്വദിച്ചു. പ്ലസ് ടു കഴിഞ്ഞ് ഞങ്ങൾ എല്ലാവരും ഒരുമിച്ച് ഒരു കോളേജിൽ ചേരാം എന്ന് തീരുമാനിച്ചു. പ്ലസ് ടുവിന് നല്ല മാർക്ക് വാങ്ങി കേരള യൂണിവേഴ്സിറ്റി കോളേജിലേക്ക് അപ്ലൈ ചെയ്തു. അഡ്മിഷനും കിട്ടി.
 

പക്ഷെ അപ്പോഴാണ് പാത്തുവിന് ഒരു കല്യാണ ആലോചന വന്നത്. അവളുടെ ഉപ്പ അത് ഏകദേശം ഉറപ്പിക്കുകയും ചെയ്തു. യാസിൻ മുബാറക് അതാണ് പേര്.ആൾ ഡോക്ടറാണ്. അവളാണെങ്കിൽ പഠിക്കണം എന്ന് പറഞ്ഞു ഒരേ കരച്ചിലും. അവളുടെ സങ്കടം കാണാൻ കഴിയാത്തതുകൊണ്ട് ഞങ്ങൾ എല്ലാവരും കൂടെ അവളുടെ വീട്ടിൽ ചെന്ന് അവളുടെ ഉപ്പയോട് സംസാരിച്ചു. പക്ഷെ അവളുടെ ഉപ്പ സമ്മതിച്ചില്ല. അവൾ കല്യാണ ചെറുക്കനോട് സംസാരിച്ചുനോക്കി.പക്ഷെ ഒന്നും നടന്നില്ല.രണ്ടാഴച്ച കഴിഞ്ഞപ്പോൾ തന്നെ അവളുടെ നിക്കാഹ് നടത്തി. ഒഫീഷ്യലി അവൾ അയാളുടെ ഭാര്യയായി. ഞങ്ങൾക്ക് നന്നായിട്ട് ദേഷ്യം വന്നിരുന്നു. കാരണം ഒരു ഡോക്ടർ ആയിട്ട് പോലും വിദ്യാഭ്യാസം ഒരാളുടെ ജീവിതത്തിൽ എത്രത്തോളം മുഖ്യമാണെന്ന് അയാൾക്ക് മനസ്സിലാക്കാൻ കഴിഞ്ഞില്ലല്ലോ.
 

നിക്കാഹിന് ഞങ്ങളും പോയിരുന്നു.നിക്കാഹ് കഴിഞ്ഞതും ചെറുക്കന്റെ കാർണ്ണോർ പറയുന്നത് കേട്ടിട്ട് നന്നായിട്ട് ദേഷ്യം വന്നു. അടുത്ത ആഴ്ച തന്നെ ആളുകളെ വിളിച്ചുകൂട്ടി കല്യാണം ആഘോഷമാക്കിക്കൂടെ എന്ന്. എന്നാൽ ഞങ്ങളെ ഞെട്ടിച്ചുകൊണ്ട് പാത്തുവിന്റെ ഡോക്ടറുടെ ശബ്ദം അവിടെ ഉയർന്നു.
 

" അതൊന്നും ഇപ്പോൾ വേണ്ട.ഇവളുടെ ഡിഗ്രീ കഴിയട്ടെ.അവൾക്ക് യൂണിവേഴ്സിറ്റി കോളേജിൽ അഡ്മിഷൻ കിട്ടിയിട്ടുണ്ട്. അവൾ അവിടെ പോകും. അവളുടെ പഠിത്തം കഴിഞ്ഞ് എന്ന് ഒരുമിച്ച് ഒരു ജീവിതം തുടങ്ങണം എന്ന് അവൾക്ക് തോന്നുന്നുവോ അന്ന് മതി ബാക്കി എല്ലാം. ""

 

"" നീ എന്തൊക്കെയാ യാസി പറയുന്നേ.... ഇവിടെ കണ്ണൂരിന്ന് തിരുവനന്തപുരത്തേക്ക് പഠിക്കാൻ പോകുന്നോ. അങ്ങനെ ആകുമ്പോൾ അവിടെ നിൽക്കണ്ടേ. അതൊന്നും ശെരിയാവില്ല. അവൾ ഒരു പെണ്ണല്ലേ "

. കൂട്ടത്തിലെ തലമൂത്ത കാർണ്ണോർ അങ്ങനെ പറഞ്ഞപ്പോൾ ബാക്കി ഉള്ളവരും അതിന് സപ്പോർട്ട് ചെയ്തു. ഞങ്ങൾക്ക് ആ സമയം അയാളുടെ തല തല്ലിപ്പൊളിക്കാനാണ് തോന്നിയത്.

"" ഞാൻ പഠിച്ചത് ബാംഗ്ലൂർ ആയിരുന്നല്ലോ. അന്ന് ഇതൊന്നും കണ്ടിട്ടില്ലല്ലോ. പിന്നെ ആണിന് ഒരു നിയമവും പെണ്ണിന് ഒരു നിയമവും ഒന്നുമില്ല. എന്നെ കല്യാണം കഴിച്ച് എന്റെ പിള്ളേരെയും നോക്കി വീട്ടിലിരിക്കാനായിരുന്നെങ്കിൽ അവൾക്ക് ഇത്രയും പഠിക്കണ്ട ഒരു ആവിശ്യവും ഇല്ലായിരുന്നല്ലോ ""

" അല്ല യാസി... അത് പിന്നെ..... ""

" ഒഫീഷ്യലി ഇവൾ ഇപ്പൊ എന്റെ ഭാര്യയാണ്. ഫാത്തിമ യാസിൻ മുബാറക്ക്. എന്റെ ഭാര്യയുടെ കാര്യം നോക്കാൻ എനിക്കറിയാം. അതിൽ മറ്റാരും തലയിടണ്ട. "
 

ഒരു കിളവൻ എന്തോ പറയാൻ തുടങ്ങിയതും യാസിക്കയുടെ ശബ്ദം ഉയർന്നു.ഇക്കയുടെ ആ മറുപടിയിൽ ആർക്കും ഒന്നും എതിർത്ത് പറയാൻ കഴിഞ്ഞില്ല. എന്തിന് പറയുന്നു പാത്തുവിന്റെ ഉപ്പയ്ക്ക് പോലും കഴിഞ്ഞില്ല.

അതിന്  ശേഷം ഞങ്ങൾ നല്ല കമ്പനിയായി. ഞങ്ങൾക്ക് എന്തും പറയാൻ പറ്റുന്നൊരു നല്ല സഹോദരനായി യാസിക്ക മാറി.
 

"" അന്ന് ഞാൻ കല്യാണത്തിന് മുൻപ് ഇവൾക്ക് പഠിക്കണം എന്ന് പറഞ്ഞിരുന്നെങ്കിൽ ഇവളുടെ ഉപ്പ വേറെ ചെറുക്കനെ നോക്കിയിട്ടുണ്ടാകും. ഞാൻ അന്ന് ഒന്നും മിണ്ടാതിരുന്നത് അതുകൊണ്ടായിരുന്നു.അങ്ങനെ വന്നാൽ എനിക്ക് ഇവളെ നഷ്ടപ്പെടും. ഇവളെ നഷ്ടപ്പെടുത്താൻ എനിക്ക് കഴിയില്ലായിരുന്നു. ആദ്യ കാഴ്ചയിൽ തന്നെ ഇവളോട് തോന്നിയ പ്രണയം....... ❤❤❤.നിക്കാഹ് കഴിഞ്ഞാൽ എനിക്ക് പറയാം. കാരണം അപ്പോൾ ഇവളിൽ ആരെക്കാളും അവകാശം എനിക്ക് മാത്രമാണ്. ""

യാസിക്ക പറഞ്ഞ വാക്കുകൾ ഇന്നും എനിക്ക് ഓർമയുണ്ട്. ആ മനുഷ്യനോട് വല്ലാത്തൊരു ബഹുമാനം തോന്നിപ്പോയി ആ നിമിഷം.പാത്തുവിന് കിട്ടാവുന്നതിൽ വച്ച് ഏറ്റവും വലിയ ഭാഗ്യം അതാണ് ഇക്ക.
 

🍁🍁🍁🍁🍁🍁🍁🍁🍁🍁🍁🍁🍁🍁

 

എല്ലാം നല്ല രീതിയിൽ പോയിക്കൊണ്ടിരിക്കുമ്പോഴാണ് ഒരു ദിവസം പ്രിയാമ്മ (( അജുവിന്റെ അമ്മ ))എന്നെ വിളിച്ചത്. ഒന്ന് വേഗം വീട്ടിലേക്ക് വരുവോ മോളെ എന്നും ചോദിച്ച് അമ്മ കരയാൻ തുടങ്ങി. അജുവിനോട് കൂട്ടില്ലെങ്കിലും പ്രിയാമ്മയുമായി ഞാൻ നല്ല കമ്പനിയാണ്.

അജുവിന്റെ വീട്ടിൽ എത്തി അകത്ത് കയറിയപ്പോൾ ഞാൻ കണ്ടത് സോഫയിൽ തലയ്ക്ക് കൈ കൊടുത്തിരിക്കുന്ന അമ്മയെ ആണ്. ഞാൻ അങ്ങോട്ട് ചെന്ന് അമ്മയുടെ ചുമലിൽ കൈ വച്ചതും അമ്മ മുഖമുയർത്തി എന്നെ നോക്കിക്കോണ്ട് വീണ്ടും വിതുമ്പാൻ തുടങ്ങി. എന്തുപറ്റി എന്ന് ഞാൻ ചോദിച്ചെങ്കിലും പ്രിയമ്മ ഒന്നും പറഞ്ഞില്ല. പകരം " അജു " എന്ന് മാത്രം പറഞ്ഞു. ഞാൻ വേഗം മുകളിലെ അജുവിന്റെ മുറിയിലേക്ക് ചെന്നു. വാതിൽ തുറന്ന് അകത്ത് കടന്നതും അവിടത്തെ കാഴ്ചകണ്ട് ഞാൻ മരവിച്ചുപോയി.


 

                        ✍️ Kukku