ഭാഗം 38

💞പ്രണയിനി 💞



ശ്രദ്ധ ഫറയുടെയും ദിവ്യയുടെയും ഡ്രസ്സ്‌  മുഴുവൻ കരഞ്ഞും മൂക്കു പിഴിഞ്ഞും വെച്..

ശ്രദ്ധയും കൂട്ടരും പിന്നെ അപ്പുവും ഒഴികെ ബാക്കി എല്ലാരും വീട്ടിലേക്ക് പോയിരുന്നു.

അപ്പു അവൾക്ക് വെള്ളം കൊണ്ടു കൊടുത്തു..

അല്ല ഇവിടെ നിക്കാൻ ആണോ പ്ലാൻ.. വീട്ടിൽ പോകണ്ടേ വിക്കി ചോദിച്ചു.

നി ഒന്ന് ഓക്കെ ആയിട്ട് വിളിച്ചു വരാം എന്ന് പറഞ്ഞ അവരെ വീട്ടിൽ ആക്കിയേ.. കൃഷ്ണമാമ ഇപ്പൊ വീട്ടിൽ എത്തിക്കാനും വാ.. അപ്പു അവളുടെ കൈയിൽ പിടിച്ചു.

മ്മ് വരാം.. അവൾ കുപ്പിയിലെ വെള്ളം എടുത്ത് മുഖം കഴുകി.

കാർ അപ്പുറത്താണ് ഞാൻ പോയി എടുത്ത് വരാം എന്ന് പറഞ്ഞു വിക്കി പാർക്കിങ്ങിലേക്ക് നടന്നു.കൂടെ ശ്യാംമും

ശ്രദ്ധ മുഖം തുടച്ചു എങ്ങോട്ടോ നോക്കി നിന്നു. അവൾക്ക് നല്ല വിഷമം ഉണ്ടെന്ന് എല്ലാർക്കും  മനസിലായി.. അവര്  കൂടുതൽ ഒന്നും ചോദിച്ചില്ല.


അടുത്തേക്ക് ഒരാൾ നടന്നു വരുന്നത് ശ്രദ്ധിച്ചാണ് ശ്രദ്ധ നോട്ടം മാറ്റിയത്.
അയാൾ അടുത്ത് വന്നു ഒന്ന് പുഞ്ചിരിച്ചു.. ശ്രദ്ധയും

ശ്രദ്ധ.....

അവൾക്ക് ആരെന്ന് മനസിലായില്ലെങ്കിലും അവൾ അതെ എന്ന് തലയാട്ടി..

അവളുടെ സംശയിച്ചുള്ള നോട്ടം കണ്ടാകണം അയാൾ ഒന്നൂടെ ചിരിച്ചു. പിന്നെ പോക്കറ്റിൽ നിന്ന് എന്തോ എടുത്ത് ശ്രദ്ധക്ക് നേരെ നീട്ടി.


ചേച്ചിക്ക് വാങ്ങിയതാ... കൊടുക്കാൻ പറ്റിയില്ല കൊടുത്തേക്ക്...അയാൾ പറഞ്ഞു ശ്രദ്ധ അപ്പുവിനെ നോക്കി. അവൻ വാങ്ങാൻ പറഞ്ഞപ്പോൾ അവൾ വാങ്ങി.

അയാൾ ചിരിച്ചു തിരിഞ്ഞു നടന്നു.

ആര് തന്നു എന്ന് പറയണം... ശ്രദ്ധ വിളിച്ചു ചോദിച്ചു. കരഞ്ഞതിന്റെ ചെറിയൊരു എങ്ങൽ അവളുടെ ശബ്ദത്തിൽ ഉണ്ടായിരുന്നു.

അയാൾ തിരിഞ്ഞു നോക്കി.

ഒന്നും പറയണ്ട...അതും പറഞ്ഞു അയാൾ കാറിൽ കയറി പോയി.

ശ്രദ്ധയും ബാക്കിയുള്ളവരും  ഒന്നും മനസിലാകാതെ പരസ്പരം നോക്കി.

അവൾ അയാൾ നീട്ടിയ ബോക്സ്‌ തിരിച്ചു മറിച്ചു നോക്കി.

അതിന്റെ പൊതി അഴിച് നോക്കി. അത് ഒരു ചെറിയ ജ്യൂവൽ ബോക്സ്‌ ആയിരുന്നു. അവൾ അത് തുറന്ന് നോക്കി. വെള്ളക്കൽ പതിപ്പിച്ച ഒരു ചെറിയ മോതിരം.

കൊള്ളാം ലെ... അവൾ അത് എടുത്ത് നോക്കി കൊണ്ട് മറ്റുള്ളവരോട്  ചോദിച്ചു.

മ്മ്... ആരാത്...അപ്പു ചോദിച്ചു.

ആ... അറിയില്ല...ചേച്ചീടെ പരിചയക്കാർ ആരേലും ആവും.

മ്മ്....അവൻ പിന്നെ നിന്റെ പുറകെ വന്നോ...

ഏതവൻ..... മോതിരം തിരികെ പെട്ടിക്കുള്ളിൽ ആക്കി ശ്രദ്ധ ചോദിച്ചു

ആ ക്യാമറ ചെക്കൻ..

ഏയ്‌ ഇല്ലാ... അവനിട്ടു നല്ലത് പോലെ കൊടുത്തു അല്ലേ...എന്നാലും 4അടി ഓക്കെ ഇച്ചിരി കൂടി പോയി..

4ലോ... ഞാൻ ഒരെണ്ണമേ കൊടുത്തുള്ളൂ..

ങേ.. അപ്പൊ ബാക്കി മൂന്നോ... ശ്രദ്ധ അതിശയത്തോടെ ചോദിച്ചു.

അവൻ അങ്ങനെ പറഞ്ഞോ...

മ്മ്.. പെങ്ങളെ നോക്കിയതിനു ഇതിപ്പോ നാലാമത്തെ അടി ആണെന്ന് പറഞ്ഞു.

ആഹ്.. അപ്പൊ വേറെ ആരൊക്കെയോ കേറി മേഞ്ഞല്ലോ... ഫറ ചിരിച്ചോണ്ട് ചോദിച്ചു.

വിക്കി ആവും അല്ലാതെ ആര്.. ശ്രദ്ധ കൂൾ ആയി പറഞ്ഞു.

അപ്പോഴേക്കും വിക്കിയും ശ്യാംമും കാർ ആയി വന്നു.

ശ്രദ്ധയും ദിവ്യയും ഫറയും കേറി  അപ്പു ബൈക്ക് എടുത്ത് പിന്നാലെ വന്നു.

എന്നാലും വിക്കി ആ ക്യാമറ പിടിച്ച ചെറുക്കന് കൊടുത്തത് അൽപ്പം കൂടി പോയി.. കേറിയ പാടെ ദിവ്യ കളിയായി പറഞ്ഞു.

അല്ല പിന്നെ കുറച്ചായി അവന്റെ അഹങ്കാരം..പിന്നെ അവൻ പുറകെ വന്നോടി..

ഇല്ലടാ.. സീറ്റിലേക്ക് ചാഞ്ഞു ഇരുന്നുകൊണ്ട് ശ്രദ്ധ പറഞ്ഞു.

പിന്നെ 4എണ്ണം ഓക്കെ കിട്ടിയ ഏതവൻ പിന്നാലെ വരാനാ... ഫറ ചിരിച്ചു..

4ലോ... ബാക്കി 3എണ്ണം ആരുടെ വക അപ്പു ആണോ..

ങേ അപ്പൊ നീയല്ലേ 3അടി കൊടുത്തേ..

ഇല്ലാ ഞാൻ ഒരെണ്ണമേ കൊടുത്തൊള്ളൂ...

ചാരി കിടന്ന് ശ്രദ്ധ നുവർന്ന് ഇരുന്നു.

അപ്പൊ ബാക്കി രണ്ട് ആരുടെ വക... നി ഒന്ന് അപ്പു ഒന്ന്.. ബാക്കി രണ്ട്..

അത് കൊള്ളാം... വേറെ വല്ല പെണ്പിള്ളേരുടെയും പുറകെ പോയി കാണും ബേഷ കിട്ടിയും കാണും ശ്യാം ചിരിച്ചു.

എല്ലാരും അത് ശരി വെച്ചു. പക്ഷെ ശ്രദ്ധക്ക് എന്തോ വിശ്വസിക്കാൻ പറ്റിയില്ല...

കരഞ്ഞതുകൊണ്ട് നല്ല തലവേദന ഉണ്ടായിരുന്നു.. അവൾ വീണ്ടും സീറ്റിലേക്ക് ചാരി കിടന്നു.

വീട് എത്തിയതും ഫറ വിളിച്ചു.

വീട് മുഴുവൻ ശോക മൂകം ആയിരുന്നു. ബന്ധുക്കൾ എല്ലാം പോയി ചെല്ലുമ്പോൾ അച്ഛനും അമ്മയും മാത്രം ഉണ്ടായിരുന്നു.

അടുത്ത ദിവസം തോട്ട് ക്ലാസ്സ്‌ ഉള്ളത്കൊണ്ടും ഇത്രയും ദിവസം ലീവ് ആയതുകൊണ്ടും ഫറയും ദിവ്യയും തിരിച്ചു പോയി.

ശ്യാംമും വിക്കിയും രാത്രിയിലെ പോകുന്നുള്ളൂ എന്ന് പറഞ്ഞു.

വന്നപാടെ ഡ്രസ്സ്‌ പോലും മാറാതെ ശ്രദ്ധ കിടന്ന് ഉറങ്ങി... അലച്ചിലും കരച്ചിലും ഓക്കെ കാരണം അവൾ ക്ഷീണിച്ചിരുന്നു.

ഒന്ന് ഉറങ്ങി എഴുന്നേറ്റപ്പോൾ അവൾ ഓക്കെ ആയിരുന്നു.

കുളിച് ഇറങ്ങുമ്പോൾ ഫോൺ അടിക്കുന്ന ശബ്ദം കേട്ട് ശ്രദ്ധ പോയി നോക്കി.

കാട്ടുമാക്കാൻ.. സ്‌ക്രീനിൽ തെളിഞ്ഞ പേര് വായിച്ചു അവൾക്ക് ഒരേ സമയം ചിരിയും സന്തോഷവും വന്നു.

അത് മാളു ആണെന്ന് അവൾക്ക് ഉറപ്പായിരുന്നു. മാളുവിന്റെ ഫോൺ ഇവിടെ ആണ്. നാളെ നല്ലവാതിലിനു (ചെറുക്കന്റെ വീട് കാണാൻ പെണ്ണ് വീട്ടുകാർ ചെല്ലുന്ന ചടങ്ങ്.. അടുപ്പ് കാണൽ, അടുക്കള കാണൽ, എന്നൊക്കെ പറയും )ചെല്ലുമ്പോൾ കൊടുക്കണം


അവൾ കാൾ അറ്റൻഡ് ചെയ്തു.

മാളു............. ഫോൺ എടുത്ത പാടെ ശ്രദ്ധ വിളിച്ചു.

മാളു അല്ല... അപ്പുറത്ത് നിന്ന് മാഷിന്റെ ശബ്ദം. ശ്രദ്ധ നാക്ക് കടിച്ചു.


വന്നപ്പോൾ തോട്ട് തുടങ്ങിയ കരച്ചിൽ ആണ്.. ഇതുവരെ നിർത്തിയില്ല.. ശിവ പറഞ്ഞു.

മാഷ്  ആരുന്നോ... അവൾക്ക് കൊടുക്ക്.. ഞാൻ സംസാരിക്കാം..

ആ.. ശിവ ഫോൺ ശിഖക്ക് കൊടുത്ത്..

എന്താ മാളു.. അയ്യേ.... കുയ്... ശ്രദ്ധ ഓരോന്ന് പറഞ്ഞു അവളെ കളിയാക്കുകയും ചിരിപ്പിക്കുകയും ചെയ്തു.

ശ്രദ്ധയോട് സംസാരിക്കുമ്പോൾ ഉള്ള മാറ്റം ശിവ ശ്രദ്ധിക്കുകയായിരുന്നു..

കരച്ചിലിനിടയിലും അവൾ ചിരിക്കുന്നുണ്ട്.. അവളെ കൊണ്ടേ ഇങ്ങനെ പറ്റു അവൻ ഓർത്തു.

പെട്ടന്ന് തന്നെ ശിഖ ഓക്കെ ആയതുപോലെ അവനു തോന്നി.

കുറച്ചു നേരം സംസാരിച്ചു ശിഖ ഫോൺ മാഷിന് കൊടുത്തു.

മാഷേ... അവള് പാവാട്ടോ...കുറച്ചു കഴിയുമ്പോ നേരെ ആയിക്കോളും..

ആഹാ... ചേച്ചിക്കൂടെ ഉള്ളത് സച്ചൂന് ഉണ്ടല്ലോ...

മാഷ്....

മാഷേ എന്ന് കോളേജിൽ വരുമ്പോ വിളിച്ചാൽ മതി... നി ഉച്ചക്ക് വിളിച്ചത് തന്നെ വിളിച്ചാൽ മതി.എന്തോ പറയാൻ ശ്രദ്ധ തുടങ്ങും മുൻപേ ശിവ പറഞ്ഞു.

ചേട്ടായിന്നോ...

ആ... ശ്രദ്ധക്ക് മനസിൽ ഒരായിരം ലഡു ഒന്നിച്ചു പൊട്ടി.

താങ്ക്യൂ ചേട്ടായി ......

ആഹ് ആയിക്കോട്ടെ.... പിന്നെ ആ ചെറുക്കന്റെ പ്രശ്നം ഒന്നും ഉണ്ടായില്ലലോ...

ഏത്.... ക്യാമറ മാൻ ആണോ.. ഏഹ് ഇല്ലാ... ശ്രദ്ധ ചിരിച്ചു.

ചേട്ടായി കണക്കിന് കൊടുത്തു അല്ലേ... അപ്പുവും വിക്കിയും കൊടുത്തു.

ആഹ്.. അവനു ഒന്നിന്റെ കുറവ് ഉണ്ടാരുന്നു...

ഒന്നേ കൊടുത്തോള്ളോ...

എന്തെ കുറഞ്ഞു പോയോ.. രണ്ടെണ്ണം കൊടുക്കാൻ ഓങ്ങിയതാ.. പിന്നെ അവനു അതിനുള്ളത് ഇല്ലാത്തത് കൊണ്ട് വെറുതെ വിട്ടതാ..

ഇഹ്.. ശ്രദ്ധ ചിരിച്ചു.

ഫോൺ വെച് കഴിഞ്ഞും ശ്രദ്ധ ഫോണും കൊണ്ട് നടന്നു..

അപ്പൊ 4മത്തെ അടി ആരുടെ വക ആയിരുന്നു... ഇനി അച്ഛൻ എങ്ങാനും... ഏയ്.. ആവില്ല... അച്ഛൻ തിരക്കിൽ അല്ലാരുന്നോ...പിന്നെ ആര്... ഇനി ശ്യാം ആണോ... ഏയ് അവൻ കാറിൽ ഉണ്ടായിരുന്നല്ലോ അവൻ ആണെങ്കിൽ പറഞ്ഞേനെ... പിന്നെ ആര്... ഇനി മാളു ആണോ... ഏഹ്...അവൾ ആവില്ല എങ്കിൽ കാക്ക മലർന്ന് പറക്കും.

ശെടാ അതിപ്പോ ഒരു കാര്യം ആയല്ലോ... ചിലപ്പോ അവൻ പറഞ്ഞ കൂട്ടത്തിൽ 3,4ആയത് ആവും... അല്ലെങ്കിൽ ശ്യാം പറഞ്ഞ പോലെ വേറെ വല്ല പെൺപിള്ളാരെയും നോക്കിയതിനു കിട്ടിയത് ആവും.

അവൾ ഇറങ്ങാൻ നേരം ആണ് ടേബിളിൽ ഇരിക്കുന്ന അയാൾ തന്ന ബോക്സ്‌ അവിടെ ഇരിക്കുന്നത് കണ്ടത്.അവൾ അത് തുറന്ന് മോതിരം അവളുടെ കൈയിൽ ഇട്ട് ഭംഗി നോക്കി.

കൊള്ളാം.. പക്ഷെ മാളു.. നിനക്ക് ഭാഗ്യം ഇല്ലാ... കണ്ടു ഇഷ്ട്ടപെട്ടു ഞാൻ എടുത്തു...

അവൾ അത് കയ്യിലിട്ട് വെളിയിലേക്ക് പോയി.




മാളു....

മ്മ്..

നിന്റെ കരച്ചിലിനുള്ള മരുന്നു ആണോ ശ്രദ്ധ..

അവൾ ചിരിച്ചു.

നാളെ ആണ് റെസ്പ്ഷൻ തനിക്ക് ആരേലും സ്പെഷ്യൽ ആയി വിളിക്കാൻ ഉണ്ടോ..

ഇല്ലാ.. എല്ലാരേയും ഞാൻ കല്യാണത്തിന് വിളിച്ചത് ആണ് പിന്നെ വേദ... അവളെ ഞാൻ വിളിച്ചിട്ടുണ്ട്..

ആഹ്.. താൻ പറഞ്ഞ മഹിയെ ഇന്ന് കണ്ടില്ലല്ലോ..

മ്മ് ഞാനും ഓർത്തു ഇപ്പൊ... വന്നില്ല... വരാം എന്ന് വാക്ക് പറഞ്ഞതാ...

ചിലപ്പോ താങ്ങാൻ പറ്റി കാണില്ല പ്രണയിനി വിട്ടു പോകുന്നത്...

ഊതല്ലേ മാഷേ...

എടോ കാര്യായിട്ട്... എന്റെ കല്യാണം ആണെന്ന് കള്ളം പറഞ്ഞതിന് ഈ കഴിഞ്ഞ മാസത്തിനു ഇടക്ക് എന്നെ ചീത്ത വിളിക്കത്തെ ദിവസങ്ങൾ ഉണ്ടോ...

ശിഖ ഇളിച്ചു കൊടുത്തു..

അല്ല... ഞാൻ ചോദിക്കാൻ ഇരിക്കാരുന്നു.. ആരാ അർച്ചന...

ഇഹ്ഹ് അത് ഇതുവരെ വിട്ടില്ലേ...

ഇല്ലാ... അങ്ങനെ വിടാൻ പറ്റില്ലാലോ

അത് എന്റെ ജൂനിയർ കൊച്ച് ആയിരുന്നു..

മ്മ് എന്നിട്ട് എന്നിട്ട്....

ഓൾക്ക് എന്നോട് മുടിഞ്ഞ പ്രേമം..

മ്മ്..

കുറെ പുറകെ നടന്നതാ... ഞാൻ കാര്യം ആക്കിയില്ല... ഇഷ്ട്ടം ഓക്കെ ആയിരുന്നു..

പിന്നെന്താ പോയി പറയാഞ്ഞേ...

വിധിച്ചില്ല.... വിധിച്ചത് ഇതിനെയാണ്... ശിവ നിരാശ പോലെ പറഞ്ഞു..

ദുഷ്ട്ട... അവന്റെ നെഞ്ചത്ത് അടിച്ചു..

അയ്യോ സോറി... ഞാൻ വെറുതെ പറഞ്ഞത....

എന്റെ ദൈവമേ... ഇനി ജീവിതകാലം മുഴുവൻ ആ അർച്ചനയുടെ പേര് പറഞ്ഞായിരിക്കും അടി.. അവൻ അൽപ്പം ചിരിയോടെ പറഞ്ഞതും അവളും ചിരിച്ചു അവന്റെ നെഞ്ചോട് ചേർന്നു...



തുടരുന്നു..



Sreelekshmysaksha.