💞മറന്നിട്ടുമെന്തിനോ💞-(27)

Part 27

ആയു രാവിലെ കണ്ണ്‌തുറന്നപ്പോൾ പാറു നല്ല ഉറക്കമായിരുന്നു. അവൾ പതിയെ എണീറ്റിരുന്നു ക്ലോക്കിലേക്ക് സമയം നോക്കിയപ്പോൾ 6:30 ആയിരിക്കുന്നു. പിന്നെ പോയി ഫ്രഷ് ആയി വന്നു, നേരെ ബാൽക്കണയിലേക്ക് പോയി. അവിടെ നിന്നും വെറുതെ പുറത്തേക്ക് മിഴികൾ പായിച്ചു. ഉദിച്ചുയരുന്ന സൂര്യന്റെ പൊൻകിരണങ്ങൾ നെൽകതിരുകളിൽ വന്ന് പതിക്കുന്നതും, നെൽകതിരുകളെ തഴുകി പോകുന്ന കാറ്റിൽ അവ നൃത്തം ചെയ്യുന്നതും ഒക്കെ അവളിൽ കൗതുകമുണർത്തി. പുലരിയിലെ തണുത്ത കാറ്റ് തന്നെ വന്ന് പൊതിയുന്നതും കിളികളുടെ കളികൊഞ്ചലുകൾക്കും ഒക്കെ കാതോർത്ത് അവൾ ആ ദൃശ്യഭംഗി ആസ്വദിച്ചു.

അപ്പോഴാണ് ആദി ഫോണും കൊണ്ട് വന്നത്. മീനു ആയിരുന്നു വീഡിയോ കാളിൽ. പിന്നെ കുറേ നേരം അവളുമായി സംസാരിച്ചിരുന്നു, പിന്നെ വിളിക്കാമെന്ന് പറഞ്ഞ് അവളും ഫോൺ വെച്ചു. കുറച്ച് നേരത്തേക്ക് ആദിക്കും എനിക്കുമിടയിൽ മൗനം തളം കെട്ടി നിന്നു. മൗനത്തെ ഭേദിച്ചു കൊണ്ട് ഞാൻ തന്നെ സംസാരത്തിന് തുടക്കം കുറിച്ചു.

ആദി...... (ആയു)

Mmm..... (ആദി)

ടാ... നീ കേൾക്കുന്നുണ്ടോ. (ആയു)

ഉണ്ടെടി....( ആദി)

ടാ... നിന്നോട് ഞാനൊരു കാര്യം ചോദിച്ചാൽ നീ എന്നോട് ദേഷ്യപ്പെടുവോടാ. (ആയു)

എന്റെ പൊന്ന് കുഞ്ഞുസ്സേ ഞാൻ ദേഷ്യപ്പെടില്ല, നീ കാര്യം പറയ് പെണ്ണേ. (ആയു)

ആദി.... അതുണ്ടല്ലോ. (ആയു)

ഏത്.... (ആദി)

ടാ.... അതേ..നിനക്കെ പവിയോട് ഒരിക്കലെങ്കിലും ഫീലിംഗ്‌സ് തോന്നിട്ടുണ്ടോ. (ആയു)

കുറച്ച് നേരത്തേക്ക് ആദി മൗനമായിരുന്നു.

ആദി... നീ എന്താ ഒന്നും പറയാതെ ഇരിക്കുന്നെ. (ആയു)

ടാ.. എനിക്ക് പവിയോട് ഒരിക്കലും അങ്ങനെയുള്ള ഫീലിംഗ്‌സ് തോന്നിട്ടില്ല. അവളെന്റെ നല്ലൊരു ഫ്രണ്ട് അതിൽ കൂടുതൽ ഒന്നും ഇല്ല. നീ ഇത് അവളെ പറഞ്ഞ് മനസ്സിലാക്കണം. (ആദി)

അവൾ ഒന്നും മിണ്ടാതെ ആദിയുടെ തോളിലേക്ക് ചാഞ്ഞു.

എനിക്ക് മനസ്സിലാവും നിന്നെ. ഞാൻ.... ഞാൻ അവളെ പറഞ്ഞ് മനസ്സിലാക്കാം. (ആയു)

പിന്നെ അവര് തമ്മിൽ ഒന്നും തന്നെ സംസാരിച്ചില്ല. രണ്ട് പേരും നെൽപാടങ്ങളിലേക്ക് ദൃഷ്ടി പതിപ്പിച്ചു. അപ്പോഴാണ് അവിടേക്ക് പാറു വന്നത്.

എന്താണ് രണ്ടിനും പറ്റിയത് ഫുൾ സൈലന്റ് മോഡ് ആണല്ലോ. (പാറു )

ഏയ്‌... ഒന്നുല്ല പാറുമ്മ അച്ചു ഏട്ടനെ എങ്ങനെ വളക്ക്യാമെന്ന് ഡിസ്‌കസ് ചെയ്യുവാരുന്നു.

ആദിയൊരു കള്ള ചിരിയോടെ കണ്ണ് ചിമ്മി പറഞ്ഞു.

ഓഹ്... അത് ഈ കാലത്തൊന്നും വളയുമെന്ന് എനിക്ക് തോന്നുന്നില്ല മോനെ. ഇങ്ങനെയാണ് പോക്കെങ്കിൽ ഞാൻ കുറെ വെള്ളം കുടിക്കും. (പാറു )

അതൊക്കെ സെറ്റ് ആക്കാം പാറുമ്മ. (ആദി )

എന്താ മോളൂസ്സേ ഒരു മൗനം. നിന്റെ കിച്ചുവേട്ടൻ നിന്നെ തേച്ചോ. (പാറു )

എടി ദുഷ്ടേ നിന്റെ കരിനാക്ക് വളച്ചൊന്നും പറയാതെടി ചേച്ചി. മനുഷ്യനിവിടെ ഒന്ന് സെറ്റ് ആയിട്ട് കൂടിയില്ല അപ്പോഴാ തേക്കുന്നെ. (ആയു)

ഉവ്വുവ്വേ..... ഇത് വരെ മുങ്ങേ പോലെ ഇരുന്ന പെണ്ണാ കാമുകന്റെ പേര് പറഞ്ഞപ്പം അവൾടെ നാവിന്റെ നീളം കണ്ടോ. (പാറു )

അതിന് ആയു നന്നായി ഒന്ന് ഇളിച്ചു കാണിച്ചു 😄😄.

കൂടുതൽ ഇളിക്കാതെ നീ പോയി വേഗം റെഡിയായി വാ. നിന്നോടും എന്നോടും കൂടി നീലൂന്റെ കൂടെ നാഗക്കാവിൽ പോയി വരാൻ അച്ഛമ്മ പറഞ്ഞു. (പാറു )

അപ്പം ഞാനോ. ഞാനും വരുന്നു.

ആദി ചിണുങ്ങി കൊണ്ട് പാറുനോട് പറഞ്ഞു. അത് കേട്ടപ്പോൾ ആയു പൊട്ടിച്ചിരിച്ചു പോയി.

വിക്രമൻ എവടെ പോയാലും വേദളവും വരുവല്ലോ അതോണ്ട് നീയും പോയി റെഡി ആയി വാടാ ചെക്കാ. (പാറു )

പാറു ഒരു ചിരിയോടെ അതും പറഞ്ഞു പോയി.

പിന്നെ നാല് പേരും വേഗം തന്നെ റെഡി ആയി ഇറങ്ങി. ഇറങ്ങാൻ നേരം അച്ഛമ്മ നീലൂന്റെ കയ്യിൽ പട്ടും മഞ്ഞളും കൊടുത്തു.

കാവ് അടുത്ത് തന്നെ ആയോണ്ട് നടന്നാണ് പോയത്. അവിടെ എത്തി നാഗ പ്രതിഷ്ഠക്ക് മുന്നിൽ അച്ഛമ്മ തന്നു വിട്ട പട്ടും മഞ്ഞളും സമർപ്പിച്ചു പ്രാർത്ഥിക്കുമ്പോൾ മനസ്സിന് എന്തെന്നില്ലാത്ത സന്തോഷവും സമാധാനവും നീലുവിന് തോന്നി. തിരികെയുള്ള യാത്രയിൽ അവരോരുപാട് സംസാരിച്ചും കളി പറഞ്ഞും ഒക്കെയാണ് വന്നത്. ഇതൊക്കെ തനിക്ക് നാളെ മുതൽ എപ്പോഴും ആസ്വദിക്കാൻ പറ്റില്ലല്ലോ എന്നോർത്തു നീലുവിന് ചെറിയ സങ്കടം തോന്നി.

തിരികെ വീട്ടിലെത്തി പ്രസാദം എല്ലാവർക്കും കൊടുത്തു. പിന്നെ എല്ലാവരും കൂടി ഒരുമിച്ചിരുന്നു ആഹാരവും കഴിച്ചു.

ആയുവും പാറുവും നോക്കിയപ്പോൾ പാറുവിനെ അമ്മമാരൊക്കെ വിളിച്ചോണ്ട് പോയി ഉപദേശത്തോടെ ഉപദേശം. അവർക്കതിൽ പ്രേത്യേകിച്ചു റോൾ ഇല്ലാത്തത് കൊണ്ട് രണ്ടും വെളിയിലേക്കിറങ്ങി സ്റ്റേജ് ഡെക്കറേറ്റ് ചെയ്യുന്നത് നോക്കി നിന്നു. കുറച്ച് നേരം അവിടെ ഒക്കെ ചുറ്റിപറ്റി നിന്നിട്ട് ബോർ അടിച്ചപ്പോൾ രണ്ടും പോയി കിടന്നുറങ്ങി.

പിന്നെ ഉച്ചക്കാണ് രണ്ടും എഴുന്നേറ്റത്. അപ്പോഴേക്കും വീട്ടിൽ ബന്ധുക്കളെ കൊണ്ട് ഒരുവിധം നിറഞ്ഞിരുന്നു. പിന്നെ പോയി ഫുഡ്‌ ഒക്കെ കഴിച്ച് വൈകിട്ടതേക്കുള്ള പരുപാടിക്ക് ഒരുക്കം തുടങ്ങി. ആൺതരികളെ ഒന്നും കാണാൻ പോലും കിട്ടുന്നില്ല. എല്ലാരും തിരക്കിലാരുന്നു.

വൈകുന്നേരം ഒരു 6:30 ഒക്കെ ആയപ്പോൾ ആളുകൾ ഒക്കെ വന്ന് തുടങ്ങി. അപ്പോഴേക്കും നീലു ചേച്ചി നല്ല ചുന്ദരികുട്ടിയായി ഒരുങ്ങി സ്റ്റേജിൽ പോയി ചിരിച്ചോണ്ട് നിൽക്കുന്നു. ക്യാമറ ചേട്ടന്മാർ അതൊക്കെ താകൃതിയായി ഒപ്പിയെടുക്കുന്നുണ്ട്.

ഇതിനിടയിൽ ആയുവും പാറുവും അവിടെ ഒക്കെ വായിനോക്കി നടന്നു ഫുഡും കഴിച്ചു വീടിനു അകത്തേക്ക് പോയപ്പോൾ ആരൊക്കെയോ വന്ന് എന്തൊക്കെയോ ചോദിച്ചു. അവർക്കൊക്കെ അവര് ഓരോ ചിരിയും പാസ്സാക്കി രണ്ടും കൂടി റൂമിൽ പോയി അനുവിന് വീഡിയോ കാൾ ചെയ്തു.

അനു ഒക്കെ കണ്ണേട്ടന്റെ വീട്ടിലാണെന്നും അവിടെയും ബന്ധുക്കളെ കൊണ്ട് നിറഞ്ഞിരിക്കുവാണെന്നും അവളിൽ നിന്നറിയാൻ കഴിഞ്ഞു. പിന്നെ കുറച്ചു നേരം എല്ലാം കൂടി കത്തിയടി ആയിരുന്നു.

10 മണി ആയപോഴേക്കും ഒരുവിധം പരുപാടികളൊക്കെ കഴിഞ്ഞു. അവസാനം വീട്ടുകാരും ബന്ധുക്കളും മാത്രമായി. എല്ലാവരും നേരത്തെ തന്നെ കിടക്കാൻ പോയി.

രാവിലെ നീലൂനെ രാധിക വന്ന് വിളിച്ചുണർത്തി. നീലു പോയി ഫ്രഷ് ആയി വന്നപ്പോഴേക്കും ആയുവും പാറുവും എണീറ്റിരുന്നു.

ആഹാ... എണീറ്റോ രണ്ടും. കുറച്ചു നേരം കൂടി കിടക്കാരുന്നില്ലേ. (നീലു)

നീലു ചേച്ചിയേ..... (ആയു )

എന്താടാ (നീലു )

അതുണ്ടല്ലോ (ആയു )

ഏത് (പാറു )

പാറുവേച്ചി മിണ്ടാതിരി. (ആയു )

ഓഹ്... ഞാൻ മിണ്ടുന്നില്ല പോരെ (പാറു )

ചേച്ചിക്ക് ടെൻഷൻ ഒന്നുല്ലേ. ചേച്ചി നല്ല കൂൾ ആയിട്ടാണല്ലോ നടക്കുന്നെ അതെന്താ അങ്ങനെ. (ആയു )

ഓഹ്........ എന്നാത്തിനാ ഇത്ര ടെൻഷൻ അടിക്കുന്നെ. ഒന്നുല്ലേലും വളർത്താനല്ലേ കൊണ്ട് പോവുന്നെ അല്ലാതെ കൊല്ലാനൊന്നും അല്ലല്ലോ. (പാറു )

അതൊക്കെ ശെരിയാ, എന്നാലും സ്വന്തം വീടും വീട്ടുകാരേം ഉപേക്ഷിച്ചു വേറൊരു വീട്ടിലേക്കല്ലേ പോകുന്നെ. അപ്പം അതിന്റെയൊരു വിഷമം ഇണ്ടാവില്ലേ. അതാ ചോദിച്ചേ. (ആയു )

ടി മോളെ നീ പറഞ്ഞത് ശെരി ഒക്കെയാ. പക്ഷെ ഒരു പെൺകുട്ടിയായി ജനിച്ചാൽ ഇതൊക്കെ സഹിക്കേണ്ടി വെരും. എന്നും അവർക്ക് അവരുടെ മാതാപിതാക്കളുടെ തണലിൽ ജീവിക്കാൻ പറ്റില്ല. പിന്നെ നീ പറഞ്ഞത് പോലെ ഞാനിവിടെ എല്ലാം ഉപേക്ഷിച്ചു പോവുവല്ല. ഇവരിൽ നിന്നും അജുവേട്ടൻ ഒരിക്കലും എന്നെ പിരിക്കില്ല. ഇവർക്ക് അങ്ങോട്ടും എനിക്കിങ്ങോട്ടും എപ്പോഴായാലും വരാം. അതിനാരും തടസം നിൽക്കില്ല. ഏട്ടൻ എനിക്ക് വാക്ക് തന്നിട്ടുണ്ട്. എന്റെ അമ്മക്ക് നല്ലൊരു മകനായും, നീരജ്ന് നല്ലൊരേട്ടനായും അതിനെല്ലാം ഉപരി എനിക്ക് നല്ലൊരു പാതിയായും ഇനിയുള്ള ജീവിതത്തിൽ എന്റൊപ്പം ഉണ്ടാവുമെന്ന്. ആ വാക്കും വാക്ക് തന്ന ആളിനെയും ഞാൻ വിശ്വസിക്കുന്നു. അദ്ദേഹത്തോടൊപ്പമുള്ള ജീവിതം സുഖമായാലും ദുഖമായാലും ഞങ്ങൾ ഒരുമിച്ച് സന്തോഷത്തോടെ എല്ലാം തരണം ചെയ്ത ജീവിക്കും. (നീലു )

നീലുവിന്റെ വാക്കുകൾ ഉറച്ചതായിരുന്നു. അത് മനസ്സിലായെന്നപോൽ ആയുവും പാറുവും മനസ്സ് നിറഞ്ഞു പുഞ്ചിരിച്ചു.

അപ്പോഴേക്കും ബ്യൂട്ടീഷ്യൻ ചേച്ചി വന്നു നീലുവിനെ ഒരുക്കാൻ. ചേച്ചി നന്നായി തന്നെ നീലുവിനെ ഒരുക്കി. crimson red ബനാറസി സാരിയും അതിന് ചേർന്ന മിതമായ ആഭരണങ്ങളും ആണ് നീലു ധരിച്ചത്. അതിന്റെ കൂടെ ബ്രൈഡൽ മേക്അപ്പും മുടി braided bun സ്റ്റൈലിൽ കെട്ടി അതിൽ നിറയെ മുല്ലപ്പൂവും കുഞ്ഞു കുഞ്ഞു റെഡ് റോസും വെച്ച് ഭംഗിയാക്കിയിരിക്കുന്നു. നീലുവിനെ ആ വേഷത്തിൽ അതിമനോഹരിയാക്കി.

പിന്നെ അടുത്ത ചടങ്ങ് മുതിർന്നവർക്ക് ദക്ഷിണ കൊടുക്കലായിരുന്നു. കുനിഞ്ഞ് നീലുവിന്റെ നടു ഒടിഞ്ഞു. അപ്പോഴേക്കും ആയുവും പാറുവും ഒരുങ്ങി താഴേക്ക് വന്നു.

പാറു peach-golden കളറിലുള്ള lehenga ആയിരുന്നു ധരിച്ചത്. അതിന് മാച്ച് ആയ ചോക്കറും ഇയറിങ്ങും പിന്നെ മുടി ഗാജ്ര സ്റ്റൈലിൽ കെട്ടി അതിൽ നിറയെ മുല്ലപൂവ് വെച്ചിരിക്കുന്നു.

ആയു peacock ബ്ലൂ ആൻഡ് സിൽവർ കളറിലുള്ള embroidered നെറ്റ് lehenga ആയിരുന്നു ധരിച്ചത്. അതിന് ചേർന്ന മെറ്റൽ ചോക്കറും ഇയറിങ്ങും മുടി crown braid സ്റ്റൈലിൽ സെറ്റ് ചെയ്ത് curl ചെയ്തേക്കുന്നു. അതിൽ കുഞ്ഞു ബ്ലൂ ഫ്ലവർസ് വെച്ച് ഭംഗിയാക്കിയിരിക്കുന്നു. കണ്ണ് നന്നായി കറുപ്പിച്ച് എഴുതി ഒരു റെഡ് കളർ പൊട്ട് തോട്ടിരിക്കുന്നു.

എത്ര സുന്ദരിയായി ഒരുങ്ങിയിട്ടും അവളുടെ നീല മിഴികൾ തന്നെ ആയിരുന്നു അവൾക്ക് ഭംഗി കൂട്ടിയത്.

പിന്നെ മൂന്ന് പേരും കൂടി സെൽഫി എടുത്ത് തകർത്തു. അപ്പോഴേക്കും എവടെ നിന്നോ പൊട്ടി മുളച്ചത് പോലെ ആദിയും വന്നു. പിന്നേം കുറച്ചു ഫോട്ടോ കൂടി എടുത്ത് അവര് അമ്പലത്തിലേക്ക് പോവാൻ കാറിൽ കേറി.

താലിക്കെട്ട് നീലുവിന്റെ വീടിന്റെ അടുത്തുള്ള ശിവ പാർവതി ക്ഷേത്രത്തിൽ വെച്ചാണ്. ബാക്കി ചടങ്ങുകളൊക്കെ അമ്പലത്തിന്റെ തന്നെ ഓഡിറ്ററിയത്തിൽ വെച്ചും.

അമ്പലത്തിലെത്തി തൊഴുത് വന്നപ്പോഴേക്കും ചെക്കൻ കൂട്ടരും വന്നു.

കല്യാണ ചെക്കനെ പെണ്ണിന്റെ ആങ്ങള കാലു കഴുകി സ്വീകരിച്ചു. ചന്ദന കളർ കുർത്തിയും കസവു കര മുണ്ടും ആയിരുന്നു അർജുന്റെ വേഷം.

ഇതേസമയം ആയുവിന്റെ കണ്ണുകൾ അവൾടെ കിച്ചു ഏട്ടനെ അവിടെ ഒക്കെ പരതി പക്ഷെ നിരാശ ആയിരുന്നു ഫലം. അപ്പോഴേക്കും അവൾടെ അടുത്തേക്ക് അനു വന്നു അവളെ കെട്ടിപിടിച്ചു.

എന്റെ ആയുസ്സേ നീയങ്ങു ചുന്ദരികുട്ടി ആയി പോയല്ലോടി😘. (അനു )

ഡീ കിച്ചു ഏട്ടൻ എന്തേ. (ആയു )

ആയു ചുറ്റും കണ്ണുകൾ പായിച്ചു കൊണ്ട് അനുവിനോട് തിരക്കി.

ഏട്ടൻ ഇവിടെ ഉണ്ടാരുന്നല്ലോ. ചുറ്റിനും നോക്കികൊണ്ട് അനു മറുപടി പറഞ്ഞു.

എവിടെ (ആയു )

എന്റെ പൊന്ന് ആയു നിന്റെ കിച്ചു ഏട്ടനെ പിന്നെ വായിനോക്കാം അങ്ങേര് ഇവിടെ തന്നെ കാണും ആരും കൊണ്ട് പോവില്ല. (പാറു )

നടക്ക് രണ്ടും. അതും പറഞ്ഞ് അനുവിനേം ആയുവിനേം പാറു ശ്രീകോവിലിനു മുന്നിലേക്ക് കൊണ്ട് പോയി.

മനസ്സില്ലാ മനസ്സോടെ പാറുവിന്റെ കൂടെ മുഖം വീർപ്പിച്ച് പോവുന്ന ആയുവിനെ നോക്കി നിന്ന കിച്ചുവിന്റെ മിഴികളിൽ പ്രണയം അലതല്ലി.

അവൾ തന്നെ കുറിച്ച് അനുവിനോട് തിരക്കുന്നത് കേട്ട് അവിടെ മറഞ്ഞു നിന്നതായിരുന്നു അവൻ. തന്നെ കാണാൻ പറ്റാത്തതിന്റെ നിരാശ ആ കുഞ്ഞി മുഖത്ത് നല്ലോണം പ്രതിഭലിക്കുന്നുണ്ട് പോരാതെ ആ നീല മിഴികൾ നാലുപാടും ആരെയോ തേടുന്നുണ്ട്. എത്ര കണ്ടിട്ടും മതി വരാത്ത പോലെ അവളുടെ ആ ഭാവം ഒപ്പിയെടുക്കാൻ അവളിൽ തന്നെ അവന്റെ മിഴികൾ തങ്ങി നിന്നു. അവളുടെ മിഴികൾ തന്നെയാണ് തേടുന്നതെന്ന ഓർമയിൽ അവന്റെ ഹൃദയം തുടിച്ചു, ചൊടികളിൽ പുഞ്ചിരി വിടർന്നു.

എന്താടാ ഇവിടെ ഒളിഞ്ഞു നിന്ന് വായിനോക്കുന്നെ. (കണ്ണൻ )

അവളിന്ന് നല്ല സുന്ദരി ആയിട്ടുണ്ടല്ലേടാ. (കിച്ചു )

എന്തിനാടാ നീയിങ്ങനെ മറഞ്ഞു നിൽക്കുന്നെ. ആ കൊച്ച് നിന്നെ അവിടെ ഒക്കെ കിടന്ന് നോക്കുന്ന നീയും കണ്ടതല്ലേ. (കണ്ണൻ )

അവൾക്കൊരു സർപ്രൈസ് കൊടുക്കാനാടാ ഇങ്ങനെ മറഞ്ഞു നിൽക്കുന്നെ. പിന്നെ ഇന്നത്തോടെ അവൾടെ വഴക്കും പരിഭവവും ഒക്കെ മാറ്റിയിരിക്കും ഞാൻ. (കിച്ചു)

താലി കെട്ടിനുള്ള സമയം ആയെന്ന് ആരോ പറയുന്ന കേട്ടിട്ടാണ് കിച്ചുവും കണ്ണനും ശ്രീകോവിലിനു മുന്നിലേക്ക് പോവുന്നത്. അതിനിടയിൽ അശ്വതി വന്ന് കിച്ചുവിന്റെ കയ്യിൽ തൂങ്ങി. കിച്ചു ആണേൽ ആകെ പെട്ട അവസ്ഥയിലും. അവന്റെ മുഖത്ത് ഇതിനെ എങ്ങനെ എങ്കിലും ഒന്ന് ഒഴിവാക്കി താടാ എന്ന ദയനീയ ഭാവം ആയിരുന്നു. കണ്ണന് അവന്റെ അവസ്ഥ കണ്ട് ഒരേ സമയം ചിരിയും സഹതാപവും തോന്നി.

അച്ചു നീയെന്താ ഈ കാണിക്കുന്നേ. കയ്യിന്ന് വിട്ട് നടക്ക് . ദേ ആൾക്കാരൊക്കെ നോക്കുന്ന കണ്ടില്ലേ. (കിച്ചു )

ആൾക്കാര് നോക്കട്ടെ കിച്ചുവേട്ടാ അതിനിപ്പം എന്താ. എന്നയാലും ഞാൻ കിച്ചുവേട്ടന്റെ കൈ പിടിച് നടക്കേണ്ടതല്ലേ. (അശ്വതി )

കിച്ചുവിന് അത് കേൾക്കെ ദേഷ്യമാണ് തോന്നിയത്. എന്നിട്ടും അവൻ സ്വയം നിയന്ത്രിച്ചു. ഇവിടെ വെച്ചൊരു സീൻ ഉണ്ടാക്കേണ്ടെന്നു വിചാരിച്ചു. പിന്നെ ആകെയുള്ള ഒരു ആശ്വാസം കണ്ണൻ കൂടെ ഉണ്ടെന്നതാണ്.അത് കൊണ്ട് മറുത്തൊന്നും പറയാതെ അവൻ അവളുടെ കൂടെ ശ്രീകോവിലിനു മുന്നിലേക്ക് പോയി.

ഇതേ സമയം ശ്രീ കോവിലിനു മുന്നിൽ നീലുവിന്റെ അടുത്തായി തന്നെ പാറുവും ആയുവും അനുവും സ്ഥാനം ഉറപ്പിച്ചിരുന്നു. അപ്പോഴാണ് പാറു കണ്ണനേം കണ്ണന്റെ പുറകിലായി വരുന്ന കിച്ചുവിനെയും അവന്റെ കൂടെയുള്ള പെൺകുട്ടിയേം കണ്ടത്.

ആയൂട്ടി നീ കാത്തു സൂക്ഷിച്ച മാമ്പഴം കാക്ക കൊണ്ടോയിന്നാ തോന്നണേ. (പാറു )

അത് വരെ അനുവുമായി സംസാരിച്ചോണ്ട് നിന്ന ആയു പാറുവിന്റെ ഡയലോഗ് കേട്ട് സംശയരൂപേണ അവളെ നോക്കി ചോദിച്ചു.

ഏത് മാമ്പഴം (ആയു )

ദേ..... നടന്ന് വരുന്നു. (പാറു അതും പറഞ്ഞു കിച്ചുവിന്റെ അവിടേക്ക് കണ്ണ് കാണിച്ചു )

പാറു കാണിച്ച സ്ഥലത്തേക്ക് നോക്കിയ ആയുവിന്റെ മുഖം ദേഷ്യം കൊണ്ട് ചോര തൊട്ടെടുക്കാം എന്ന അവസ്ഥയിലായി. അവൾടെ മൂക്കിൻ തുമ്പ് പോലും ദേഷ്യം കൊണ്ട് വിറച്ചു. അനു ആണേൽ എന്ത് ചെയ്യണമെന്നറിയാതെ നിന്ന് പോയി. ആയുവിന്റെ ഭാവ മാറ്റം ശ്രെദ്ധിച്ച പാറു ശബ്‌ദം താഴ്ത്തി അനുവിനോട് അതാരാണെന്ന് ചോദിച്ചു. അനു പിന്നെ പറയാം എന്ന് ആഗ്യം കാണിച്ചു.

കിച്ചുവിന്റെ മറഞ്ഞു നിന്ന് സർപ്രൈസ് കൊടുക്കൽ പ്ലാനൊക്കെ തട്ടി തെറിപ്പിച്ചു അശ്വതി അവനേം കൊണ്ട് നേരെ പോയി നിന്നത് ആയുവിന്റെ ഒക്കെ ഓപ്പോസിറ്റ് ആയിട്ടാണ്. അവൻ ആയുവിനെ നോക്കിയപ്പോൾ. അവളുടെ മിഴികൾ തന്നിൽ തന്നെയാണ് പിന്നെ തന്നോടൊപ്പം ചേർന്ന് നിൽക്കുന്ന അച്ചുവിലും. ആ മുഖത്തെ ദേഷ്യം കാണെ അവന് കൗതുകം തോന്നി. അതോടൊപ്പം ചെറിയ പേടിയും.

ഇനി ഇത് പറഞ്ഞായിരിക്കും പെണ്ണ് തുടങ്ങുന്നേ

അവൻ നിന്ന് പിറുപിറുക്കുന്ന കേട്ടിട്ട് കണ്ണൻ അവനോട് ഒരു ആക്കി ചിരിയോടെ ചോദിച്ചു.

ഇതാണോ അളിയാ നീ പറഞ്ഞ സർപ്രൈസ്. അവളുടെ മുഖം കണ്ടാൽ തന്നെ അറിയാം സർപ്രൈസ് ഒത്തിരി ഇഷ്ടായെന്ന്.

ശവത്തിൽ കുത്താതെ ഈ മാരണത്തെ പിടിച്ചോണ്ട് പോടാ. (കിച്ചു )

അനുഭവിച്ചോ (കണ്ണൻ)

അപ്പോഴേക്കും പൂജാരി പൂജിച്ച താലിയും കൊണ്ട് വന്നു. മഞ്ഞ ചരടിൽ കോർത്ത ആലില താലിയെടുത്തു അർജുന്റെ അച്ഛൻ അവന്റെ കയ്യിൽ കൊടുത്തു. നാദസ്വരത്തിന്റെയും കെട്ടിമേളത്തിന്റെയും അകമ്പടിയോടെ അവൻ ആ താലിവാങ്ങി നീലുവിന്റെ കഴുത്തിൽ ചാർത്തി അവളെ തന്റെ പാതിയാക്കി. നീലു കണ്ണുകളടച്ചു അവൻ ചാർത്തിയ താലി സ്വീകരിച്ചു. പിന്നെ അവർ പൂജാരി നൽകിയ തുളസി മാല പരസ്പരം അണിയിച്ചു. അർജുൻ തന്റെ മോതിരവിരലിനാൽ കുങ്കുമമെടുത്ത് അവളുടെ സീമന്തരേഖ ചുവപ്പിച്ചു.

നീലുവിന്റെ 'അമ്മ രാധികയുടെ മൂത്ത സഹോദരനായ ഋഷികേശ് ആയിരുന്നു. കന്യാദാനം ചെയ്തത്. അദ്ദേഹം നിറഞ്ഞ മനസ്സോടെ നീലുവിന്റെ കൈ അർജുന്റെ കയ്യിൽ വെച്ച് കൊടുത്തു. സ്വന്തം മോളായി താൻ വളർത്തിയ കുട്ടിയെ മറ്റൊരാൾക്ക് കൈ പിടിച്ചു കൊടുക്കുന്ന നിമിഷം ഒരു പിതാവിന് തോന്നുന്ന ഹൃദയവേദന അയാൾക്കും തോന്നി. ആ ഓർമ്മയിൽ അദ്ദേഹത്തിന്റെ കണ്ണുകൾ നിറഞ്ഞു.

പിന്നെ ഇരുവരും ശ്രീകോവിലിനു ചുറ്റും വലം വെച്ചു. ബാക്കി ചടങ്ങുകളൊക്കെ ഓഡിറ്റോറിയത്തിലെ മണ്ഡപത്തിൽ വെച്ചായിരുന്നു. അതിന് വേണ്ടി എല്ലാവരും ഓഡിറ്റോറിയത്തിലേക്ക് പോയി.

ഈ സമയമത്രയും ആയുവിന്റെ കണ്ണുകൾ കിച്ചുവിൽ തന്നെ ആയിരുന്നു. അവളെ കാണിക്കാനെന്ന പോൽ അവൻ അശ്വതിയോട് കൂടുതൽ അടുത്തിടപെടാൻ തുടങ്ങി. അവളോട് കൂടുതൽ ചേർന്ന് നിന്നും, ചിരിച്ചു കളിച്ചു സംസാരിച്ചും ഒക്കെ ആയുവിനെ അവൻ ദേഷ്യം പിടിപ്പിച്ചു. ഇതൊക്കെ കാണെ ആയുവിന് കിച്ചുവിനെ കൊല്ലാനുള്ള ദേഷ്യവും തോന്നി. ആ ദേഷ്യം മുഴുവൻ അവൾ തീർത്തത് പാറുവിന്റെ കയ്യിൽ പിടി മുറുക്കിയാണ്. അതിന്റെ പരിണിത ഭലമെന്ന പോൽ പാറുവിന്റെ കണ്ണിൽ നിന്നും കുടു കുടെ വെള്ളം വരാനും തുടങ്ങി. ഇത് കണ്ട അനു ആയുവിനെ തിരികെ ബോധത്തിലേക്ക് കൊണ്ട് വന്നു.

എന്റെ പൊന്ന് ആയു നീ പാറുവേച്ചീടെ കയ്യിലുള്ള പിടി വിട് ചേച്ചി ദേ കരയുന്നു. എന്തായാലും നമ്മൾക്ക് പറഞ്ഞു തീർക്കാം. (അനു )

അപ്പോഴാണ് ആയുവിനും ബോധം വന്നത്. അവൾ പെട്ടെന്ന് തന്നെ പാറുവിന്റെ കയ്യിലുള്ള പിടി അയച്ചു.

സോറി ടി ചേച്ചി ഞാൻ പെട്ടെന്നുള്ള ദേഷ്യത്തിൽ ചെയ്തു പോയതാ. (ആയു )

അവൾടെ ഇപ്പം കരയുമെന്നുള്ള എക്സ്പ്രെഷൻ കണ്ടപ്പോൾ തന്നെ പാറുവിന് മനസ്സിലായി പുള്ളിക്കാരി അറിയാതെ ചെയ്തതാണെന്ന്.

അയ്യേ... എനിക്ക് വേദനിച്ചോന്നും ഇല്ലെന്റെ ആയൂസ്സേ. ഇനി നീ പറ ആരാ അത്.

കിച്ചുവിന്റെ അടുത്ത് നിൽക്കുന്ന അശ്വതിയെ കാണിച്ചു പാറു ചോദിച്ചു.

അനു തന്നെ പാറുവിന് പറഞ്ഞു കൊടുത്തു അശ്വതി ആരാണെന്നു.

ഓഹോ..... അപ്പം അങ്ങനൊക്കെയാ കാര്യങ്ങൾ. എന്ത് വെറുപ്പീരാണ് ആ പിശാശ്. അശ്വതിയെ ചൂണ്ടി പാറു പറഞ്ഞു.

അത് വരെ ശോകമൂകയായി ഇരുന്ന ആയുവിന്റെ മുഖം പെട്ടെന്ന് വിടർന്നു. അവൾ നോക്കിയപ്പോൾ കിച്ചുവും അശ്വതിയും കൂടി ഓഡിറ്റോറിയത്തിലേക്ക് പോവുന്നു.

മോളെ അനു നീ എനിക്കൊരു ഹെല്പ് ചെയ്യ്. (ആയു )

എന്താടി. (അനു )

നീയാ പുട്ടിപിശാശിനെ നിന്റെ ഏട്ടന്റെ അടുത്ത് നിന്നൊന്ന് മാറ്റി താ. ബാക്കിയൊക്ക ഞാനേറ്റു. (ആയു )

എന്താ പ്ലാൻ (പാറു )

ആദ്യം ഞാൻ പറഞ്ഞത് ചെയ്യ്. ബാക്കിയൊക്കെ വന്നിട്ട് പറയാം. (ആയു)

പിന്നെ അനു ഒന്നും ചോദിക്കാൻ നിന്നില്ല അവൾ പാറുവിനേം കൂട്ടി നേരെ കിച്ചുവിന്റെ അടുത്തേക്ക് പോയി അശ്വതിയോടു എന്തോ പറഞ്ഞിട്ട് അവളേം കൂട്ടി പോവുന്ന കണ്ടു. അതിനിടയിൽ അനു ആയുവിനെ നോക്കി thumbs up കാണിച്ചു.

പിന്നെ ആയി നേരെ കിച്ചുവിന്റെ അടുത്തേക്കും പോയി.

അശ്വതിയെ അനു വന്ന് വിളിച്ചോണ്ട് പോയ ആശ്വാസത്തിൽ കിച്ചുവൊന്ന് നെടുവീർപ്പിട്ട് സമാധാനത്തിൽ നിന്നപ്പോഴാണ് ആരോ അവന്റെ കയ്യിൽ വന്ന് പിടിച്ചത്. ആ സ്പർശനത്തിലൂടെ തന്നെ അവന് ആളെ മനസ്സിലായി. അവന്റെ ചൊടികളിൽ ഒരു പുഞ്ചിരി വിടർന്നു.

തുടരും.........

💞മറന്നിട്ടുമെന്തിനോ💞-(28)

4.8

4036

13 mins

Part 28 അശ്വതിയെ അനു വന്ന് വിളിച്ചോണ്ട് പോയ ആശ്വാസത്തിൽ കിച്ചുവൊന്ന് നെടുവീർപ്പിട്ട് സമാധാനത്തിൽ നിന്നപ്പോഴാണ് ആരോ അവന്റെ കയ്യിൽ വന്ന് പിടിച്ചത്. ആ സ്പർശനത്തിലൂടെ തന്നെ അവന് ആളെ മനസ്സിലായി. അവന്റെ ചൊടികളിൽ ഒരു പുഞ്ചിരി വിടർന്നു. ആയു അവനേം കൊണ്ട് പോയത് ഓഡിറ്റോറിയത്തിന്റെ കുറച്ച് പുറകിലേക്ക് മാറിയുള്ള സ്പേസിലേക്കാണ്. അവിടേക്ക് അതികം ആരും വരില്ലെന്ന് ഉറപ്പ് വരുത്തിയാണ് അങ്ങോട്ടേക്ക് പോയത് തന്നെ. അവിടെ ചെന്ന് അവനെ ഭിത്തിയിലേക്ക് പിടിച്ച് ഒറ്റ തള്ളായിരുന്നു. അമ്മേ... അവളുടെ പ്രതീക്ഷിക്കാതെയുള്ള നീക്കത്തിൽ അവൻ അറിയ