ഭാഗം 40

💞പ്രണയിനി 💞


എന്റെ സച്ചൂ... നി എന്തിനാ കരഞ്ഞത്....

ആ...... അപ്പൊ കരച്ചിൽ വന്നു കരഞ്ഞു...

സ്റ്റേജിൽ വെച് കരഞ്ഞു കുളമാക്കിയ ശ്രദ്ധയെയും വിളിച്ചു ശിവയും ശിഖയും റൂമിലേക്ക് വന്നു..

കുറച്ചു നേരം കഴിഞ്ഞതും കരച്ചിൽ നിർത്തി കണ്ണും തുടച് ടേബിളിൽ ഇരുന്ന ആപ്പിൾ ആരോടോ ഉള്ള ദേഷ്യം പോലെ എടുത്തു കഴിച്ചോണ്ടിരുന്നു.

കിളികൾ പറക്കാൻ ശിവക്കും ശിഖക്കും ഇതിൽ കൂടുതൽ ഒന്നും വേണ്ടിയിരുന്നില്ല...

കരഞ്ഞത് എന്തിനാണ് എന്ന് ചോദിച്ചപ്പോൾ പറഞ്ഞ മറുപടി കേട്ട് ശിവ ശിഖയെ നോക്കി എന്തിന്റെ കുഞ്ഞാണോ എന്ന രീതിയിൽ കൈ പൊക്കി.

സച്ചു നിനക്ക് എന്താ പ്രാന്ത് ആണോ...ഓടി കിതച്ചു വന്നു കെട്ടിപിടിച്ചു കരയുക പെട്ടന്ന് ബ്രേക്ക്‌ ഇട്ടപോലെ കരച്ചിൽ നിർത്തി ഇരുന്ന് ആപ്പിൾ കഴിക്കുന്നു...

ഇഹ്ഹ്... ശ്രദ്ധ ഒന്ന് ചിരിച്ചു അപ്പിൾ  വെച്ച പാത്രവും എടുത്തു വെളിയിലേക്ക് നടന്നു.

ശിവ ശിഖയെ നോക്കി..

ഇഹ്ഹ്.. അവളും ഒന്ന് ഇളിച്ചു കൊടുത്തു...

ഇത് വല്ല വെള്ളത്തിലും ഒഴുകി വന്നതാണോ....ശിവ ദയനീയമായി ചോദിച്ചതും ശിഖക്ക് അത് കണ്ട് ചിരി വന്നു.

റെയർ ഐറ്റം ആണ്... ഉപ്പിലിട്ട് വെച്ചോ... ശിവ അതും പറഞ്ഞു വെളിയിലേക്ക് ഇറങ്ങിപ്പോയി.


ശിഖ ശ്രദ്ധയെ തപ്പി ഇറങ്ങി.

ശ്രദ്ധ വീടിനു പിന്നിൽ ഉള്ള അലക്ക് കല്ലിന്മേൽ കയറി ഇരുന്ന് ആരെയോ ഫോൺ വിളിക്കുവാന്..

വിക്കിയെ ആവും എന്ന് തോന്നിയതും ശിഖ തിരിഞ്ഞു നടന്നു..

അപ്പോഴേക്കും എല്ലാവർക്കും ശ്രദ്ധ ആയി സംസാര വിഷയം..

അഭി ശിവക്ക് അടുത്തേക്ക് വന്നു..

എന്താ ശിവ കാര്യം..

ആ... ആർക്ക് അറിയാം... അതിന്റെ ഒരു പിരി പണ്ടേ പോയത് അല്ലേ... ഇപ്പൊ താ ആപ്പിളും തിന്ന് വെളിയിലേക്ക് പോയിട്ടുണ്ട്..

ബെസ്റ്റ്...ഞാനും എന്റെ ഒരു ഫ്രണ്ടിനെ ഇവിടെ വെച് കണ്ടു.. അവനും കൂടെ സംസാരിച്ചു ഇരുന്നപ്പോഴാ.. സംഭവം. കൂടെ അന്ന് കല്യാണത്തിന് ഉണ്ടായിരുന്ന ഒരു കുട്ടിയും ഉണ്ടായിരുന്നു. ആദ്യം ആ കുട്ടി കരഞ്ഞു കൊണ്ട് എണീറ്റ് ഓടി പിന്നാലെ ഇവളും..

ങേ... അതേത് കുട്ടി...

ആ എനിക്ക് പേര് അറിയില്ല ദാവണി ആണ് ഇട്ടേക്കുന്നെ...

അഭിയും ശിവയും പിന്നെയും പലതും പറഞ്ഞുകൊണ്ടിരുന്നു.


ശ്രദ്ധ കുറെ നേരം വിളിച്ചിട്ടും അപ്പു ഫോൺ എടുത്തില്ല.. പിന്നെയും വിളിച്ചുകൊണ്ടിരുന്നു അവസാന റിങ്ങിൽ എടുത്തു..

എന്താടി... ഞാൻ ഓഫീസിൽ നിന്ന് ഇറങ്ങിയതേ ഉള്ളു.. വീട്ടിൽ ചെന്ന് ഞാൻ വിളിക്കാം...

വേണ്ടാ ഫോൺ വെക്കരുത്..

എന്താടി.... എന്താ കാര്യം ഒരു 5മിനുട്ട് ഞാൻ വീട്ടിൽ എത്തും എന്നിട്ട് വിളിക്കാം..

ഡാ പട്ടി ഫോൺ വെച്ചാൽ നിന്നെ ഞാൻ കൊല്ലും... ഞാൻ പറയുന്നത് കേട്ടിട്ട് നി എങ്ങോട്ട് എന്ന് വെച്ചാൽ പോയ മതി...

ആ ശരി..എന്താ സച്ചു എന്താ കാര്യം..

ശ്രദ്ധ ഒന്ന് ശ്വാസം വലിച്ചു. പിന്നെ അങ്ങോട്ട് തുടങി കൊടുങ്ങല്ലൂർ ഭരണി..

ഉഫ്... അപ്പുവിന്റെ ചെവി അടിച്ചു പോയി... അവൻ ഫോൺ ചെവിയുടെ അടുത്തുനിന്നു കുറച്ചു അകലത്തിൽ ഫോൺ പിടിച്ചു.

ശ്രദ്ധ നിർത്തുന്നില്ല എന്ന് കണ്ടതും അപ്പു ഇടയിൽ കേറി ചോദിച്ചു.

എടി.... എടി... നി ചീത്ത വിളിക്കാതെ കാര്യം പറ...

കാര്യമോ.... കാര്യം നിന്റെ അമൂമ്മ പെറ്റു...

ങേ... എന്താ സച്ചു നിനക്ക് എന്താ പറ്റിയെ...

എനിക്കോ എനിക്ക് പേ....

അത് എനിക്ക് പണ്ടേ അറിയാം..

ഡാ പുല്ലേ... നി ഇപ്പൊ എന്റെ മുൻപിൽ ഉണ്ടായിരുന്നെങ്കിൽ നിന്നെ വലിച്ചു കീറി വെച്ചേനെ...

സച്ചു നി ആദ്യം കാര്യം പറ..

നിനക്ക് എന്നെ ഇഷ്ട്ടം ആണോ... ഞാൻ നിനക്ക് ആരാ... നി എന്നെ മനസിൽ കേറ്റി നടക്കുവാണോ... എന്നെയേ നി കെട്ടാത്തൊള്ളോ....

ങേ.. നിർത്ത് നിർത്ത് നിയിത് പറഞ്ഞു പറഞ്ഞു എവിടെ പോവാ...

പിന്നെ.. ആ മീനൂനെ നിനക്ക് സ്നേഹിച്ചാൽ എന്താ..

എന്റെ സച്ചൂ നി പറയുന്നതൊന്നും എനിക്ക് മനസിലാകുന്നില്ല.... ഒരു കാര്യം പറയാം.. എനിക്ക് നിന്നെ ഇഷ്ട്ടം ആണോ എന്ന് ചോദിച്ചാൽ ആണ്.. പക്ഷെ എങ്ങനെ ഉള്ളത് എന്നതിനു ഉത്തരം ഇല്ലാ... ചിലപ്പോൾ സുഹൃത്ത് ചിലപ്പോൾ സഹോദരി... നിന്നെ കല്യാണം കഴിക്കുന്നതിനെ പറ്റി ഞാൻ ചിന്തിച്ചിട് കൂടെ ഇല്ലാ.. പക്ഷെ നിന്നോട് എനിക്ക് പൊസ്സസീവ്നെസ് ഉണ്ട്.. അതെന്തുകൊണ്ട് എന്നും അറിയില്ല...

പിന്നെ മീനു.. അവൾ നിന്നെപ്പോലെ അല്ല.. ഓർമവെച്ച വെച്ച നാൾ മുതൽ എന്റെ പിന്നാലെ നടക്കുന്നവൾ അവളെ എനിക്ക് പക്ഷെ ഒരിക്കലും അങ്ങനെ കാണാൻ പറ്റിയിട്ടില്ല... ഒന്ന് നേരെ സംസാരിക്കാൻ പോലും പറ്റില്ല അപ്പൊ തന്നെ പറഞ്ഞു വരുന്നത് കല്യാണവും കെട്ടും ഒക്കെയാ... അപ്പൊ തന്നെ ദേഷ്യം വരും.. അങ്ങനെ അവളെ കാണുന്നതേ കലിപ്പ് ആയി... എനിക്ക് അവലോഡ് പ്രേമവും ഇല്ലാ ദേഷ്യവും ഇല്ലാ... നിന്നോടും ഇല്ല....

ശ്രദ്ധ മറുപടി ഒന്നും പറഞ്ഞില്ല..

നി പറഞ്ഞതോ ചോദിച്ചതോ എന്താന്ന് എനിക്ക് ഇനിയും മനസിലായില്ല.. നീ വിളിച്ച തെറിക് ഞാൻ തിരിച് വിളിക്കണ്ടായെങ്കിൽ ഫോൺ വെച്ചിട്ട് പോടീ..... അപ്പു കലിപ്പിൽ ഫോൺ കട്ട് ആക്കി..

ശ്രദ്ധ ഫോൺ പിടിച്ചു ആലോചിച്ചിരുന്നു...

അപ്പൂന് എന്നോട് അങ്ങനെ ഒന്നും ഇല്ലാ... പിന്നെ എന്താണാവോ അവൾ അങ്ങനെ പറഞ്ഞെ... കോപ്പ് കുറെ കണ്ണീർ വേസ്റ്റ് ആയി.. എന്നാലും ആ പെണ്ണ് എന്താവും അങ്ങനെ പറഞ്ഞത്..

ആ പോയി നോക്കാം..

ശ്രദ്ധ മീനുവിനെ തപ്പി ഇറങ്ങി.

പുളി മരത്തിനു താഴെ ഇരുട്ടിലേക്ക് നോക്കി നിൽക്കുകയായിരുന്നു മീനു.

ശ്രദ്ധ പിന്നിലൂടെ ചെന്ന് അവളുടെ തോളത്ത് കൈ വെച്ചു.

അവൾ ഞെട്ടി തിരിഞ്ഞു നോക്കി..

അവൾ കരയുകയായിരുന്നു എന്ന് ശ്രദ്ധക്ക് മനസിലായി..

സച്ചൂ... ഞാൻ ഒന്ന് ഒറ്റക്ക് നിന്നൂട്ടെ പ്ലീസ്...

ഞാൻ....

പ്ലീസ്..... ശ്രദ്ധ എന്തോ പറയാൻ വന്നതും മീനു പറഞ്ഞു.

ശ്രദ്ധ തിരിഞ്ഞു നടന്നു പിന്നെ ഓർത്ത പോലെ പറഞ്ഞു.

അപ്പൂന് ഞാൻ ഫ്രണ്ട് മാത്രം ആണ്... ബാക്കി എല്ലാം നിന്റെ തെറ്റ് ധരണ ആണ്..

മീനു തിരിഞ്ഞു നോക്കി.

നിന്നോട് ആരാ അങ്ങനെയൊക്കെ പറഞ്ഞെ....

മീനു തല താഴ്ത്തി നിന്നു..




തുടരുന്നു....