💞മറന്നിട്ടുമെന്തിനോ💞-(48)

Part 48

അപ്പോഴാണ് മുറ്റത്ത് രണ്ട് കാർ വന്ന് നിന്നത്. കാറിന്റെ സൗണ്ട് കേട്ട് രുക്മിണിയമ്മയും രുദ്രനും ആദിയുമൊക്കെ അകത്തു നിന്ന് വന്നു. അതിൽ നിന്ന് ഇറങ്ങിയവരെ കണ്ട് ചന്ദ്രശേഖരൻ (രുദ്രന്റെ അച്ഛൻ ) അവരെ പുഞ്ചിരിയോടെ സ്വാഗതം ചെയ്തു. കണ്ണന്റെയും കിച്ചുവിന്റെയും ഫാമിലി ആയിരുന്നു അത്.

എന്നാൽ അവരുടെയൊക്കെ ശ്രെദ്ധ പോയത് ആയുവിലും നീരജിലും ആയിരുന്നു.... മൂന്ന് മുഖങ്ങളിൽ ആ കാഴ്ച്ച അനിഷ്ടം പ്രകടമാക്കി.

മുറ്റത്ത് വന്ന് നിൽക്കുന്നവരെ കണ്ട് നീരജ് ആയുവിനെ താഴെ നിർത്തി. അരുന്ധതിയെ കണ്ടപ്പോൾ ആയുവിന് ചെറിയ അസ്വസ്ഥത തോന്നി. അത് മനസ്സിലാക്കിയെന്ന പോൽ നീരജ് അവളുടെ കയ്യിൽ കൈ കോർത്തു പിടിച്ചു എന്നിട്ട് ഒന്നുമില്ലെന്ന് കണ്ണടച്ച് കാണിച്ചു. അത് കണ്ടവൾടെ മുഖത്ത് ചെറിയൊരു പുഞ്ചിരി വിടർന്നു.

എന്താ എല്ലാവരും അവിടെ തന്നെ നിൽക്കുന്നത് കയറി വാ... (ആയുവിന്റെ അച്ഛച്ചൻ )

എല്ലാവരും അകത്തു കയറി. അവർക്ക് കുടിക്കാൻ മറ്റും കൊടുക്കാൻ സ്ത്രീജനങ്ങൾ മുന്നിട്ട് നിന്നു.

ഇതിനിടയിൽ രുദ്രൻ രുക്മിണിയമ്മയോടായി ചോദിച്ചു.

അമ്മേ... കിച്ചുവിന്റെ വീട്ടുകാരെയൊക്കെ ആരാ ക്ഷണിച്ചത്. (രുദ്രൻ )

അയാളുടെ മുഖം പതിവിലും ഗൗരവം നിറഞ്ഞതായിരുന്നു.

എന്താ രുദ്രാ.. ഞാനാ അവരെയൊക്കെ വിളിച്ചത്. എന്താ കുട്ട്യേ കാര്യം.... (രുക്മിണി )

എന്തിനാ അമ്മേ വിളിച്ചത്. അവര് നമ്മുടെ ബന്ധുക്കൾ ഒന്നും അല്ലല്ലോ. അർജുന്റെ വീട്ടുകാരെ മാത്രം വിളിച്ചാൽ മതിയായിരുന്നു. (രുദ്രൻ )

രുദ്രന്റെ ശബ്ദത്തിലെ അനിഷ്ടം അവരെ അതിശയിപ്പിച്ചു.

എന്താ... കുട്ട്യേ നീ പറയണേ... അജു മോന്റെ വീടും അരുന്ധതിയുടെ വീടും തമ്മിലുള്ള അടുപ്പം നിനക്ക് അറിയില്ലേ... പിന്നെന്താ നീയ്‌ ഇങ്ങനെയൊക്കെ പറയുന്നത്... (രുക്മിണി )

എന്തോ എനിക്ക് ഇഷ്ടം ആയില്ല അത്ര തന്നെ...

ഇതും പറഞ്ഞ് രുദ്രൻ അവിടെ നിന്നും പോയി.

✨️✨️✨️✨️✨️✨️✨️✨️✨️✨️✨️✨️✨️✨️✨️✨️

എല്ലാവരും നല്ല രീതിയിൽ തന്നെ കിച്ചുവിന്റെ വീട്ടുകാരെ സൽകരിച്ചു പക്ഷെ രുദ്രനും ദേവികയും അതിൽ നിന്നൊക്കെ ഒഴിഞ്ഞ് മാറി നിന്നു. പക്ഷെ ആയു എല്ലാവർക്കും ഹൃദ്യമായ പുഞ്ചിരി നൽകാൻ മറന്നില്ല. അവളിലെ ആ ചെറിയ മാറ്റം ആദിക്കും നീരജിനും വളരെയധികം സന്തോഷം ഉളവാക്കി.

എല്ലാവരും വന്നത് കൊണ്ട് തന്നെ അന്നത്തെ ദിവസം തറവാട്ടിൽ ഉത്സവ പ്രതീതി ആയിരുന്നു. പോരാത്തതിന് കളിയും ചിരിയുമൊക്കെ ആയി തറവാട് ഉണർന്നു.

ഇതിനിടയിൽ അനുവിന് ആയുവിനോടും ആദിയോടും സംസാരിക്കണമെന്ന് ആഗ്രഹം ഉണ്ടായിരുന്നിട്ട് കൂടി അവൾ ആ ആഗ്രഹം പണിപ്പെട്ട് മനസ്സിൽ അടക്കി.

പക്ഷെ അവളെ അലോസരപ്പെടുത്തിയത് നീരജിന്റെ ആയുവിനോടുള്ള അടുപ്പമായിരുന്നു.

അവസാനം അവൾ ആദിയോട് സംസാരിച്ച് സത്യങ്ങൾ അറിയാൻ തീരുമാനിച്ചു. അങ്ങനെയവൾ ആദിയെ അന്വേഷിക്കാൻ തുടങ്ങി. അവസാനം ആദിയെ കണ്ട് പിടിച്ചു. അജു ഏട്ടന്റെ അടുത്ത് നിന്ന് എന്തോ കാര്യമായി സംസാരിക്കുവാണ്.

ആദി..... (അനു )

അവൾടെ ശബ്ദം കേട്ടപ്പോൾ അവൻ എന്തെന്ന ഭാവത്തിൽ അവളെ നോക്കി.

എന്റെ കൂടെയൊന്ന് വരുവോ.. (അനു )

എന്താടി കാര്യം... (ആദി )

അത് രാധിക ആന്റി വിളക്ക് എടുത്ത് കൊടുക്കാൻ പറഞ്ഞു. എനിക്ക് തനിയെ പറ്റില്ല.. (അനു )

മ്മ്.... ദാ... വരുന്നു. (ആദി )

പഴയ സാധനങ്ങൾ ഒക്കെ വെക്കുന്ന മുറിയിൽ വന്ന് അവൻ വിളക്ക് തിരയാൻ തുടങ്ങി. കാണാതെ വന്നപ്പോൾ അവളോടായി ചോദിച്ചു.

എവിടെ വിളക്ക്. (ആദി )

അത് ആദി, എനിക്കൊരു കാര്യം അറിയാനുണ്ട് അതിനാ വിളിച്ചത്. (അനു )

ഓഹോ... എന്ത് കാര്യം. (ആദി )

അത് നീരാജേട്ടന് ആയുവിനെ ഇപ്പോഴും ഇഷ്ടമാണോ. (അനു )

അത് എന്നോടാണോ ചോദിക്കേണ്ടത്. പോയി നീരജേട്ടനോട് ചോദിക്ക്. (Aadhi )

ആദി... ടാ... പ്ലീസ് ഒന്ന് പറയ്... (അനു )

ഇപ്പോൾ നിനക്ക് വിഷമം തോന്നുന്നുണ്ടല്ലേ.. അപ്പോൾ എന്റെ കുഞ്ഞൂസ് എത്രമാത്രം വേദനിച്ചിട്ടുണ്ടാവും ഒന്ന് ആലോചിച്ച് നോക്ക്. അന്ന് നീരജേട്ടൻ നിന്നോട് സത്യങ്ങൾ തുറന്ന് പറഞ്ഞപ്പോൾ എങ്കിലും നിനക്ക് അതൊക്കെ കിച്ചുവേട്ടനോട് പറയാമായിരുന്നു. അപ്പോഴും നീ സ്വാർത്ഥ ആയതല്ലേ അനു... എന്തിന് ഇപ്പോൾ പോലും നീ നിന്റെ കാര്യത്തിന് വേണ്ടിയല്ലേ എന്റെ അടുത്തേക്ക് വന്നത്. (ആദി )

ആദി.... ഞാൻ കിച്ചുവേട്ടനോട് പറയാൻ ശ്രെമിച്ചതാണ് ഏട്ടൻ ആയുവിന്റെ കാര്യം കേൾക്കാനുള്ള മാനസികാവസ്ഥയിൽ ആയിരുന്നില്ല. അന്ന് നീരജേട്ടനോട് അങ്ങനെയൊക്കെ പറഞ്ഞെങ്കിലും ഞാൻ കിച്ചേട്ടനോട് എല്ലാം പറയാൻ പോയതാടാ... ഒന്ന് വിശ്വസിക്ക്.... (അനു )

എടി... സോറി. എന്റെ സങ്കടം കൊണ്ട് പറഞ്ഞു പോയതാ. നീ കരയാതെ.(ആദി )

അറിയാം... എന്റെ അമ്മ ചെയ്ത തെറ്റിന് നിങ്ങളൊക്കെ ഇങ്ങനെയല്ലേ ചിന്തിക്കു. ആയുവിനെ ആ ഒരു അവസ്ഥയിൽ കാണാൻ വയ്യാത്തോണ്ടാണ് ഞാൻ വരാതെ ഇരുന്നത്. അന്ന് ഏട്ടനെ വേണ്ടെന്ന് വെച്ച് പോയപ്പോൾ അവളെ ഞാനും കുറെ കുറ്റപ്പെടുത്തിയതല്ലേ. അതൊക്കെ ഓർത്തപ്പോൾ എനിക്ക് അവളോട് എങ്ങനെ... അറിയില്ല.... കിച്ചേട്ടനോട് പറയാൻ നോക്കിയതാ എല്ലാം... കേട്ടില്ല... കേൾക്കാൻ ശ്രെമിച്ചില്ല... എന്റെ അവസ്ഥയൊന്ന് മനസ്സിലാക്ക് പ്ലീസ്.... (അനു )

ഇതും പറഞ്ഞവൾ ആദിയുടെ കയ്യിൽ പിടിച്ചു. അവൾടെ കണ്ണിൽ നിന്ന് കണ്ണീർ പൊഴിയുന്നുണ്ടായിരുന്നു.

സാരല്ല്യ... ഇനി അതൊന്നും ആലോചിക്കണ്ട. കഴിഞ്ഞതൊക്കെ കഴിഞ്ഞു. നീ കണ്ണ് തുടച്ചേ. (ആദി )

അവൾ വേഗം കണ്ണ് തുടച്ചു.

എനിക്ക് ആയുവിനോട് സംസാരിക്കണം ആദി. (അനു )

അതിനെന്താ നീ വാ. അവൾക്ക് നിന്നോട് ദേഷ്യമൊന്നും ഇല്ലെടി.

അവളെയും വിളിച്ച് കൊണ്ട് ആദി ആയുവിന്റെ അടുത്തേക്ക് പോയി.

അവർ ആയുവിന്റെ മുറിയിൽ ചെന്നപ്പോൾ അവൾ കട്ടിലിൽ ഇരുന്ന് ഏതോ പുസ്തകം വായിക്കുവാണ്.

കുഞ്ഞൂസേ.... നിന്നെ കാണാൻ ആരാ വന്നതെന്ന് നോക്കിയേ.

ആദിയുടെ ശബ്ദം കേട്ട് ആയു മുഖമുയർത്തി നോക്കി. അനുവിനെ കണ്ടപ്പോൾ അവൾ മനോഹരമായി പുഞ്ചിരിച്ചു.

എന്തൊരു ജാഡ ആയിരുന്നു പിശാശ്ശെ... കണ്ടിട്ട് ഒന്ന് സംസാരിച്ചത് പോലുമില്ല. അതോ എന്നോട് ദേഷ്യം ആണോ ഇപ്പോഴും...

ചെറു ചിരിയോടെയാണ് ആയു അനുവിനോട് ചോദിച്ചത്.

നിനക്കല്ലേ ജാഡ. താഴെ വെച്ച് നീ എന്നെ ഒന്ന് mind ചെയ്തില്ലല്ലോ. (അനു )

എനിക്ക് അറിയാരുന്നു നീ വരുമെന്ന്. (ആയു )

ഒരു കണ്ണിറുക്കി ആയു പറഞ്ഞു.

പൊടി.... (അനു )

ഇതും പറഞ്ഞ് അനു അവളെ ഇറുകെ പുണർന്നു. രണ്ട് പേരുടെയും കണ്ണുകൾ നിറഞ്ഞു സന്തോഷം കൊണ്ട്. ഒരിക്കലും തിരികെ കിട്ടില്ലെന്ന്‌ വിചാരിച്ച സൗഹൃദം തിരികെ കിട്ടിയിരിക്കുന്നു.

Ooi... മതി. രണ്ടിന്റെയും കണ്ണീർ മഴ. (ആദി )

നീ പോടാ... ഞാൻ എന്റെ നാത്തൂനെ ഒന്ന് സ്നേഹിച്ചോട്ടെ... (അനു )

അനുവിന്റെ ആ വാക്കുകൾ ആയുവിന്റെ മുഖത്തെ പുഞ്ചിരി മായിച്ചു. അവൾടെ മനസ്സിൽ കിച്ചുവിന്റെ മുഖം തെളിഞ്ഞു.

എന്താ കുഞ്ഞൂസേ....

അവൾടെ മുഖത്തെ മാറ്റം ശ്രെദ്ധിച്ച ആദി ചോദിച്ചു.

ഒന്നുമില്ലടാ... വാ താഴേക്ക് പോവാം.

അങ്ങനെ അവർ താഴെ വന്നപ്പോൾ കണ്ടത് എല്ലാവരോടും സംസാരിച്ചിരിക്കുന്ന പാറുവിനെയാണ്. ആദ്യം പാറു ആയുവിനോട് സംസാരിച്ചില്ല പരിഭവം കാണിച്ചിരുന്നു. പിന്നീട് ആയു ഒരുവിധം കാല് പിടിച്ച് അവൾടെ പരിഭവമൊക്കെ മാറ്റി.

💢💢💢💢💢💢💢💢💢💢💢💢💢💢💢💢

അന്ന് രാത്രി എല്ലാവരും ഒരുമിച്ചിരുന്നാണ് ഭക്ഷണം കഴിച്ചത്. അപ്പോഴാണ് രുക്മിണിയമ്മ എല്ലാവരോടുമായി പറഞ്ഞത്.

നാളെ രാവിലെ 6 മണിക്ക് എല്ലാവരും ഒരുങ്ങി താഴെ എത്തണം. രാവിലെ കുടുംബ പൂജയുണ്ട്.

എല്ലാവരും അതിന് സമ്മതിച്ചു കൊണ്ട് കിടക്കാനായി പോയി.

ആയുവും അനുവും പാറുവും ഒരുമിച്ചാണ് കിടക്കുന്നത്. കുറെ നേരം മൂന്ന് പേരും ഓരോന്നു സംസാരിച്ചിരുന്നു. കുറച്ച് കഴിഞ്ഞപ്പോൾ പാറുവിന് അച്ചുവിന്റെ കാൾ വന്നു. പിന്നെയവൾ അതിന്റെ പുറകെ പോയി. അവസാനം ആയുവും അനുവും മാത്രമായി. കുറച്ച് നേരം കൂടെ സംസാരിച്ചിരുന്നു അനുവും ഉറക്കമായി.

പക്ഷെ ആയുവിന് എത്ര തിരിഞ്ഞും മറിഞ്ഞും കിടന്നിട്ട് ഉറക്കം വന്നില്ല. മനസ്സ് വല്ലാതെ അസ്വസ്ഥം ആവുന്നുണ്ടെന്ന് അവൾക്ക് തോന്നി. ആയു അനുവിനെ ഉണർത്താതെ പതിയെ എഴുന്നേറ്റ് ബാൽക്കണിയിലേക്ക് പോയി.

തണുത്ത കാറ്റ് തന്റെ ദേഹത്തു പതിഞ്ഞപ്പോൾ ഉള്ളാകെ കുളിരുന്നതവൾ അറിഞ്ഞു. നല്ല നിലാവുണ്ട്. ആകാശത്തെ താരക കൂട്ടങ്ങൾക്കിടയിൽ നിന്ന് ചന്ദ്രൻ തന്നെ നോക്കി കൺചിമ്മുന്ന പോലെയവൾക്ക് തോന്നി. പ്രകൃതിയുടെ വശ്യ സൗന്ദര്യത്തിൽ സ്വയം മറന്നവൾ നിന്നു.

പുറകിൽ ആരുടെയോ കാൽപെരുമാറ്റം കേട്ടവൾ തിരിഞ്ഞു നോക്കിയപ്പോൾ കിച്ചുവാണ്. തന്നെ അവിടെ ഒട്ടും പ്രതീക്ഷിച്ചില്ലെന്ന് അവന്റെ മുഖ ഭാവത്തിൽ നിന്നവൾക്ക് മനസ്സിലായി.

ഒന്നും മിണ്ടാതെയവൻ തന്റെ അരികിൽ വന്ന് നിന്നപ്പോൾ അവൾക്ക് ശ്വാസം വിലങ്ങുന്ന പോലെ തോന്നി.

രണ്ട് പേരും മൗനമായി പാടത്തിനരികെ മിന്നി തിളങ്ങുന്ന മിന്നാമിനുങ്ങുകളെ നോക്കി നിന്നു. നിശബ്ദതയെ കീറി മുറിച്ചു കൊണ്ട് കിച്ചു തന്നെ സംസാരത്തിന് തുടക്കം കുറിച്ചു.

എന്തിനായിരുന്നു എന്നെ കൊണ്ട് ആ വിഡ്ഢി വേഷം കെട്ടിച്ചത്... (കിച്ചു )

പെട്ടെന്നുള്ള അവന്റെ ചോദ്യം കേട്ടവൾ അവന്റെ മുഖത്തേക്ക് ഉറ്റു നോക്കി.

ജീവിതം തന്നെ ഒരു വേഷം കേട്ടലല്ലേ കിച്ചുവേട്ടാ. ഏത് വേഷം കെട്ടണമെന്ന് നമ്മൾ തന്നെയല്ലേ തീരുമാനിക്കുന്നത്.

അത് പറയുമ്പോൾ അവളുടെ ശബ്ദം നേർത്തു പോയിരുന്നു.

സാഹിത്യം കൊള്ളാം.

ഇത് സാഹിത്യമല്ല യാഥാർഥ്യം ആണ് കിച്ചുവേട്ടാ....

ഇതും പറഞ്ഞവൾ അവിടെ നിന്ന് റൂമിലേക്ക് പോവാൻ പോയി. വാതിലിനടുത്ത് എത്തിയപ്പോൾ അവന്റെ സ്വരം കാതിൽ വന്ന് പതിച്ചു.

എന്തെങ്കിലും ചോദിക്കുമ്പോൾ ഒഴിഞ്ഞ് മാറിയുള്ള ഈ നടപ്പ് അത്ര നല്ലതല്ല. അത് ഭീരുക്കളുടെ രീതിയാണ്.

പ്രണയം.... അതാണ് എന്നെ ഭീരുവാക്കിയത്...

അവൾ പറഞ്ഞതിന്റെ പൊരുൾ തേടുകയായിരുന്നു കിച്ചുവിന്റെ മനസ്സപ്പോൾ.

തുടരും.......

💞മറന്നിട്ടുമെന്തിനോ💞-(49)

4.7

3759

12 mins

Part 49 എന്തെങ്കിലും ചോദിക്കുമ്പോൾ ഒഴിഞ്ഞ് മാറിയുള്ള ഈ നടപ്പ് അത്ര നല്ലതല്ല. അത് ഭീരുക്കളുടെ രീതിയാണ്. (കിച്ചു ) പ്രണയം.... അതാണ് എന്നെ ഭീരുവാക്കിയത്... (ആയു ) അവൾ പറഞ്ഞതിന്റെ പൊരുൾ തേടുകയായിരുന്നു കിച്ചുവിന്റെ മനസ്സപ്പോൾ. 💫💫💫💫💫💫💫💫💫💫💫💫💫💫💫💫 പിറ്റേ ദിവസം മുതിർന്നവർ എല്ലാവരും രാവിലെ തന്നെ ഒരുങ്ങി ഹാളിൽ വന്നു. പിന്നാലെ തന്നെ ആൺതരികളും എത്തി. കുറച്ച് കഴിഞ്ഞപ്പോൾ അനുവും നീലുവും വന്നത് കണ്ട് ആദി അനുവിനോടായി ചോദിച്ചു. അനു... കുഞ്ഞൂസ് എന്തേ... ആയുവും പാറുവേച്ചിയും ഇപ്പോൾ വരും. (അനു ) അപ്പോഴേക്കും പാറു ഇറങ്