ഞങ്ങളെ കോളേജിൽ കൊണ്ടുചെന്നാക്കാൻ കൂടെ വന്നത് എന്റെ ഏട്ടനും പിന്നെ യാസിക്കയുമായിരുന്നു. ഏട്ടന് ടെക്‌നോ പാർക്കിൽ തന്നെയാണ് ജോലി. അതുകൊണ്ട് ഞങ്ങൾ പെട്ടു. ഒരു ഉടായിപ്പും നടക്കില്ല.

ഞങ്ങൾ ഗേൾസ് ഹോസ്റ്റലിലേക്കും അവന്മാർ ബോയ്സ് ഹോസ്റ്റലിലേക്കും പോയി. അജുവും ഉണ്ട് അവരുടെ കൂടെ. ഞാൻ ഇടപെട്ട് ഒരുവിധം അവരുടെ ഇടയിൽ ചെറിയൊരു ഫ്രണ്ട്ഷിപ് ഉണ്ടാക്കി എടുത്തിട്ടുണ്ട്. പക്ഷെ എന്റെയും അജുവിന്റെയും ഇടയിൽ ഇപ്പോഴും ഒരു ഗ്യാപ് ഉണ്ട്. ഫ്രണ്ടാണ്. പക്ഷെ ഞാൻ അസിയുടെ അടുത്തും കുട്ടന്റെ അടുത്തും കാണിക്കുന്നതുപോലെ ഉള്ള കുറുമ്പോന്നും ഇവന്റടുത് കാണിക്കില്ല. അജുവിന്റെ മുൻപിൽ ഞാൻ ഒരു ജാഡക്കാരിയാണ്. അവനെ ജസ്റ്റ്‌ ഒരു ഫ്രണ്ടായി കാണുന്നു.

അല്ലെങ്കിലും കൂടുതൽ പ്രതീക്ഷിക്കുന്നതാണ് തെറ്റ്. അതുകൊണ്ട് ഉള്ളത് അതുപോലെ മതി കൂടുതൽ ഒന്നും വേണ്ടെന്ന് തോന്നി.

എന്നാലും പാത്തുവിന്റെ ഡോക്ടർ വല്ലാത്തൊരു മനുഷ്യനാട്ടോ........ ഞങ്ങൾ ഹോസ്റ്റലിൽ പോകുമ്പോൾ ചോദിക്കുവാ നിങ്ങൾക്ക് എല്ലാവർക്കും കൂടെ ഒരു വീട് എടുത്ത് നിന്നാൽപോരെ എന്ന്. പകച്ചുപോയി ഞങ്ങൾ.

ആങ്ങളയും പെങ്ങളും ഒരുമിച്ചു നടന്നുപോയാൽ പോലും സദാചാരവും പൊക്കിയെടുത്തോണ്ട് വരുന്ന നമ്മുടെ നാട്ടിലാണ്..... ഞങ്ങൾ നാല് പെൺപിള്ളേരും മൂന്ന് ആൺപിള്ളേരും ചേർന്ന് ഒരു വീട് എടുത്ത് നിൽക്കേണ്ടത്. ഞങ്ങൾ എല്ലാവരും പാത്തുവിനെ നോക്കിയപ്പോൾ അവൾ ഞങ്ങളേക്കാൾ കഷ്ടം. ഞങ്ങടെ കൂട്ടത്തിൽ ഇത്തിരി പോലും വിവരം ഇല്ലാത്ത കൊച്ച് അതാണ്. ഇത് കേട്ടിട്ട് അതിന്റെ കാറ്റ്‌പോയില്ലെങ്കിലേ അതിശയമുള്ളൂ.

ഞങ്ങടെ ഞെട്ടൽ കണ്ടിട്ടാണെന്ന് തോന്നുന്നു..... യാസിക്ക ഒരു പുഞ്ചിരിയോടെ പറഞ്ഞു.....
 

""നിങ്ങൾ ഏഴുപേരും ഒരു വീട്ടിൽ താമസിച്ചെന്ന് വിചാരിച്ചു ഒന്നും സംഭവിക്കാൻ പോകുന്നില്ല. അത് മറ്റാരേക്കാളും എനിക്കറിയാം. പിന്നെ നാട്ടുകാരുടെ ചോദ്യങ്ങൾ...... അത് നമ്മൾ കണക്കിലെടുക്കണ്ട.... കാരണം അവരുടെ ചിലവിനല്ല നമ്മൾ ജീവിക്കുന്നത്. അതുകൊണ്ട് നിങ്ങൾ ആലോചിക്ക്. ഒരുമിച്ച് നിൽക്കുവാണെങ്കിൽ നമ്മൾക്ക് ഇവിടെ അടുത്ത് ഒരു വീട് നോക്കാം 😊😊. ഹോസ്റ്റലിൽ എങ്ങനെ ഉള്ള ആളുകളാണ് ഉണ്ടാവുക എന്ന് പറയാൻ കഴിയില്ല. അതുകൊണ്ടാണ് ഞാൻ ഇങ്ങനെ ഒരു ഐഡിയ പറഞ്ഞത്.""

യാസിക്ക പറഞ്ഞത് ഓർത്തപ്പോൾ ഞങ്ങൾക്കും ചെറിയ പേടി തോന്നി. പിന്നെ ഒരു വീടെടുത്ത് നിൽക്കുമ്പോൾ അജുവും ഉണ്ടാകും ഞങ്ങളുടെ കൂടെ. അവനെ മാറ്റി നിർത്താൻ പറ്റില്ലല്ലോ. അതൊക്കെ ആലോചിച്ചപ്പോൾ അത് വേണ്ടെന്ന് തോന്നി. പിന്നെ ഹോസ്റ്റൽ ലൈഫും നമ്മൾ ആഘോഷിക്കണമല്ലോ 😁😁.അങ്ങനെ ഞങ്ങൾക്ക് ഹോസ്റ്റൽ മതി എന്ന തീരുമാനത്തിൽ എത്തി.
 

ആക്ച്വലി യാസിക്ക ഹോസ്റ്റൽ എങ്ങനെ ആയിരിക്കും എന്ന് പേടിച്ചിട്ടല്ല. പകരം ഞങ്ങൾ ആ ഹോസ്റ്റൽ ബാക്കി വെക്കുമോ എന്ന് പേടിച്ചിട്ടാണ് പുറത്ത് ഒരു വീടെടുത്ത് നിന്നോ എന്ന് പറഞ്ഞത്.

അങ്ങേർക്ക് ഞങ്ങൾ നാല് പെൺപിള്ളേരുടെ സ്വഭാവവും നന്നായിട്ട് അറിയാം.അസിയും കുട്ടനും കൂടെ ഉണ്ടെങ്കിൽ ഞങ്ങൾ ഒരു കുഴപ്പത്തിനും പോകില്ലെന്ന് പുള്ളിക്കറിയാം. യാസിക്കയ്ക്ക് മാത്രമല്ല ഞങ്ങടെ വീട്ടുകാർക്കും 😪. എന്നാലും ഞങ്ങൾ കുറച്ച് തല്ല് കൊള്ളിത്തരം ഒക്കെ കാണിക്കും. പക്ഷെ എല്ലാത്തിനും അസിയും കുട്ടനും ലിമിറ്റ് വെക്കും.

കുട്ടനെ പിന്നെയും പറഞ്ഞു നിർത്താം.എന്നാൽ അസി അങ്ങനെയല്ല. എന്തേലും കുഴപ്പത്തിൽ ചെന്ന് ചാടിയാൽ on the spot അവന്റെ കയ്യിന്ന് കൊള്ളും. അതും ഒന്ന് കൊണ്ട് കഴിഞ്ഞാൽ ചെവിന്ന് പൊന്നീച്ച പറക്കും. എനിക്ക് അനുഭവമുണ്ട് 😥.ആ കഥ ഞാൻ പിന്നെ പറഞ്ഞു തരാം.

അതുകൊണ്ട് ചത്താലും ഞങ്ങൾ ഒരുമിച്ച് നിൽക്കില്ലെന്ന് ഞാനും പാത്തുവും അമ്മുവും പല്ലിയും തീർത്ത് പറഞ്ഞു. അങ്ങനെ ഞങ്ങൾ ഹോസ്റ്റലിൽ എത്തി. വലിയ പ്രശ്നങ്ങളൊന്നും ഉണ്ടായിരുന്നില്ല. സീനിയർസിന്റെ ചെറിയ രീതിയിലുള്ള പരിചയപ്പെടൽ. ഞങ്ങൾ നല്ല പിള്ളേര് ആയതുകൊണ്ട് എല്ലാവരുമായിട്ട് പെട്ടെന്ന് കമ്പനിയായി.
 

ആദ്യം ദിവസം ക്യാമ്പസിൽ കാലെടുത്തു വച്ചതും കാലിന്റെ ചോട്ടിലേക്ക് ഒരുത്തൻ തെറിച്ചു വീണു. നോക്കിയപ്പോൾ നല്ല A- class അടി നടക്കുന്നു. ഞങ്ങൾക്ക് പിന്നെ അടിയൊക്കെ വലിയ ഇഷ്ടമായതുകൊണ്ട് ഫ്രണ്ടിൽ കേറി നിന്നു. ഏതോ ഒരു ചേട്ടൻ നന്നായിട്ട് കൊടുക്കുന്നുണ്ട്. ആ ചേട്ടന് തിരിച്ചും കിട്ടുന്നുണ്ട്. ആ ചേട്ടന്റെ അടികൊണ്ടിട്ടാണ് ഒരുത്തൻ എന്റെ കാൽച്ചുവട്ടിൽ വന്ന് വീണത്. അങ്ങേരുടെ അടി കാണാൻ നല്ല ഭംഗിയുണ്ട്. ആറടി പൊക്കവും നല്ല ജിം ബോഡിയും പക്ഷെ മുഖം മാത്രം കണ്ടില്ല . അന്തസായി നിന്ന് വായിനോക്കുമ്പോഴാണ് അസി കയ്യിൽ പിടിച്ച് വലിക്കുന്നത്. ഞാൻ വരൂലാന്ന് കുറേ പറഞ്ഞുനോക്കിയെങ്കിലും അവൻ സമ്മതിച്ചില്ല. പല്ലിയെയും അമ്മുവിനെയും കുട്ടൻ പൊക്കി. ഞങ്ങൾ എല്ലാം വന്നിട്ടും പാത്തു അവിടെ തന്നെ നിൽക്കുവാണ്. യാസിക്കയെ വിളിക്കട്ടെ എന്ന അസിയുടെ ഒറ്റ ഡയലോഗിൽ കൊച്ച് ഒരു ഓട്ടമായിരുന്നു ക്ലാസ്സിലേക്ക്.ഞാൻ ആ ചേട്ടന്റെ മുഖം കാണാൻ കുറേ ശ്രമിച്ചെങ്കിലും നടന്നില്ല. അസിയുടെ കണ്ണുരുട്ടൽ കണ്ടതും മിണ്ടാതെ ക്ലാസ്സിലേക്ക് ചെന്നു.അജു അവന്റെ ക്ലാസ്സിലേക്കും.

ക്ലാസ്സ്‌ ഒക്കെ അടിപൊളിയായിരുന്നു. എല്ലാവരുമായി പെട്ടെന്ന് കൂട്ടായി.ഞങ്ങളുടെ ഇടയിലേക്ക് മൂന്ന് പേരുംകൂടെ വന്നു. ടീന എന്ന നല്ല അസൽ കാഞ്ഞിരപ്പിള്ളി അച്ചായത്തിയും രണ്ട് തൃശ്ശൂർ ഗഡികളും. പോരാത്തതിന് അതുങ്ങൾ ആണെങ്കിൽ പരട്ടകളായ ഇരട്ടകളും. ദേവികയും സായൂജും.

അജു അവന്റെ ക്ലാസ്സിലെ പിള്ളേരുടെ കൂടെ അടിച്ചുപൊളിച്ചു നടക്കുന്ന. അവന്റെ പെരുമാറ്റം കണ്ടാൽ അനു എന്നൊരു അധ്യായം അവന്റെ ജീവിതത്തിലെ ഉണ്ടായിരുന്നില്ലെന്ന് തോന്നും. അവൻ ശെരിക്കും അവളെ മറന്നതാണോ അതോ ഇനി അങ്ങനെ അഭിനയിക്കുന്നതാണോ എന്നറിയില്ല.അവൻ  എന്തായലും ഇപ്പോൾ ഹാപ്പിയാണ്. കുറച്ച് കോളേജ് രാഷ്ട്രീയവും പഠിത്തവും അലമ്പും ഒക്കെ ആയിട്ട് അവൻ അടിച്ചുപൊളിക്കുന്നു. ഞങ്ങളും ഇതുപോലെ തന്നെ.പക്ഷെ പാർട്ടി ഇല്ലെന്ന് മാത്രം.

പാത്തുവിന്റെ കാര്യമാണ് കഷ്ടം ആദ്യമൊക്കെ യാസിക്ക വിളിച്ചാൽ ഫുൾ സൊള്ളലായിരുന്നു. ക്ലാസ്സൊക്കെ മര്യാദക്ക് തുടങ്ങിയതും പുള്ളി കാല് മാറി. ഫുൾ ടൈം വിളിച്ചിട്ട് പഠിക്ക്... പഠിക്ക്... എന്ന് പറഞ്ഞോണ്ടിരിക്കുവാ. ഈ പോക്ക് പോയാൽ മിക്കവാറും അവളായിരിക്കും
യൂണിവേഴ്സിറ്റി റാങ്ക് ഹോൾഡർ 😁. അന്ന് ആ കിളവന്മാർ പറഞ്ഞതുപോലെ അങ്ങേരെയും കെട്ടി വീട്ടിലിരുന്നാൽ മതിയായിരുന്നു എന്നോർത്താണ് ഇപ്പൊ അവളുടെ സങ്കടം.

പല്ലി നൈസായിട്ട് ഒരു സീനിയറിനെ വളച്ചു. അമ്മുവിന് പിന്നെ ആൾറെഡി ഒരു മുറച്ചെറുക്കൻ ഉണ്ട്. ആ ചേട്ടനും യാസിക്കയുടെ same വേർഷൻ ആണ്. ഫുൾ ടൈം പഠിക്ക് എന്ന് മാത്രമേ നാവിൽനിന്ന് വരൂ 😁.ഇതിന്റെ ഒക്കെ ഇടയിൽ സിംഗിൾ പാസാങ്കേ പാടി നടക്കുന്നതുകൊണ്ട് ഞാനും ദേവും ടീനയും ഹാപ്പി ആയി നടക്കുന്നു.

🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁

അങ്ങനെ ഒരു വർഷം ഞങ്ങൾ കോളേജിൽ അടിച്ചുപൊളിച്ചു. ഇതിനിടയിൽ അജു എന്നോട് പഴയതുപോലെ ആയെങ്കിലും എനിക്കെന്തോ അതിന് പറ്റിയില്ല. എന്തൊക്കെ ആയാലും അവൻ എത്രയൊക്കെ മാറി എന്ന് പറഞ്ഞാലും ഒരു പെണ്ണിന് വേണ്ടി സൗഹൃദം തള്ളിപ്പറഞ്ഞവനെ വീണ്ടും വിശ്വസിക്കാൻ കഴിയുന്നില്ല.
 

ഇനി എന്റെ കാര്യം പറയുവാണെങ്കിൽ പ്രായം കൂടുന്നതിന് അനുസരിച്ച് എന്റെ ബുദ്ധി കുറയുവാണെന്നാണ് ഇപ്പൊ എല്ലാവരുടെയും പരാതി. കാരണം എനിക്കിപ്പോൾ മുൻപത്തെക്കാൾ കുറുമ്പാണ്. അതിന്റെ മെയിൻ ഇരകൾ അസിയും കുട്ടനും സായുവും ആണ്. പിന്നെ എനിക്ക് കിട്ടിയ കുറച്ച് ചേട്ടന്മാരും. എനിക്ക് കുറേ ആങ്ങളമാരെ കിട്ടിയിട്ടുണ്ട് അവരുടെ പുറത്താണ് ഇപ്പോൾ എന്റെ കാളിയ മർദ്ദനം നടക്കുന്നത്.

ഇതൊക്കെ അജു കാണുന്നുണ്ടെന്നും ഞാൻ അവനോട് ഇങ്ങനെ കുറുമ്പൊന്നും കാണിക്കാത്തത് അവന് ഫീൽ ചെയ്യുന്നുണ്ടെന്നും ചില സമയത്ത് ദേഷ്യം വരുന്നുണ്ടെന്നും എനിക്കറിയാം. പക്ഷെ ഞാൻ അതൊന്നും ശ്രദ്ധിക്കനെ പോകാറില്ല. അവൻ എന്നോട് ഒരിക്കൽ അത് ചോദിച്ചതുമാണ്.ആ സിറ്റുവേഷൻ ഞാൻ പിന്നെ പറഞ്ഞു തരാം. അത് പറയാൻ കുറേ ഉണ്ട്. അത് പറയാൻ തുടങ്ങിയാൽ പിന്നെ പലതും പറയേണ്ടി വരും 😥.
 

🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁

1st ഇയർ കഴിഞ്ഞപ്പോൾ നാട്ടിലേക്ക് വന്നതാണ് എല്ലാവരും. ഇപ്പൊ രണ്ട് മാസമായി വീട്ടിൽ തന്നെ. നാളെ ഞങ്ങൾ തിരിച്ച് കോളേജിലേക്ക് പോകും. അതുകൊണ്ട് ഒന്ന് കള്ള കണ്ണനെ കണ്ടിട്ട് വരാം എന്ന് വിചാരിച്ച് അമ്പലത്തിലേക്ക് ഇറങ്ങിയതാണ്. അപ്പോഴാണ് അനുവിനെ കണ്ടത്. ആദ്യം എനിക്ക് അവളെ മനസ്സിലായില്ല. പിന്നെ "" ധ്വിതി "" എന്നും വിളിച്ച് വന്നപ്പോഴാണ് മനസ്സിലായത്. ആദ്യം ഞെട്ടിയെങ്കിലും പിന്നെ എനിക്ക് പുച്ഛമാണ് തോന്നിയത്.

അവളുടെ വാക്കുകൾ എന്നിൽ നോവുണർത്തിയിരുന്നു. അതൊരിക്കലും അവളെ മറ്റവൻ ചതിച്ചു എന്നതുകൊണ്ടല്ല. പകരം അവൾ ഇപ്പോൾ അനുഭവിക്കുന്ന body shaming നെ കുറിച്ചോർത്തിട്ടാണ്. കാരണം ഒരു കാലത്ത് ഞാനും ഇത് അനുഭവിച്ചതാണ്.

പക്ഷെ എന്റെ ശരീരം എനിക്കൊരിക്കലും ഒന്നിനും തടസമല്ല എന്ന് തിരിച്ചറിഞ്ഞ നിമിഷം മുതൽ ഞാൻ ഇതുരെ body shaming അനുഭവിച്ചിട്ടില്ല. ഒരാളുടെ സ്വഭാവഗുണം ഒരിക്കലും അയാളുടെ ശരീരപ്രകൃതം നോക്കി പറയാൻ കഴിയില്ല. അതിന് നമ്മൾ അയാളെ മനസ്സിലാക്കണം. അതിന് നമ്മൾക്ക് തടിയോ നിറമോ നീളമോ ആവിശ്യമില്ല.
 

ഓരോന്നു ആലോചിച് വീട്ടിൽ എത്തിയതുപോലും അറിഞ്ഞില്ല. ഞാൻ ചെന്ന് അമ്മയോട് എല്ലാം പറഞ്ഞു. പിന്നെ ബാക്കി പടകളെയും കോൺഫറൻസ് കാൾ ഇട്ട് വിളിച്ചുപറഞ്ഞു. അവൾക്ക് അങ്ങനെ തന്നെ വേണം എന്നായിരുന്നു അവരുടെ മറുപടി. പിന്നെ പറഞ്ഞു പറഞ്ഞു കാട് കയറിയപ്പോൾ അസി എല്ലാത്തിനെയും ഓടിച്ചു. നാളെ വൈകുന്നേരമാണ് ഞങ്ങൾ പോകുന്നത്. എല്ലാം പാക്ക് ചെയ്ത് അമ്മയെ കെട്ടിപ്പിടിച്ചു കിടന്നു. നാട്ടിൽ വരുമ്പോൾ എപ്പോഴും ഇങ്ങനെ തന്നെയാണ്. അച്ഛനും ഏട്ടനും ഉണ്ടങ്കിൽ നാലുപേരും കൂടെ ആയിരിക്കും കിടത്തം.
 

🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁

രാവിലെ തന്നെ കോളേജിൽ പോകാനുള്ള ഒരുക്കത്തിലാണ് എല്ലാവരും. ഇന്നലെ രാവിലെ ഹോസ്റ്റലിൽ എത്തി.ഇന്നലെ മുഴുവൻ യാത്ര ചെയ്ത ക്ഷീണം എന്ന് പറഞ്ഞു എല്ലാവരും കിടന്നുറങ്ങി. ഇന്നും അങ്ങനെ പറ്റില്ലല്ലോ. ഇങ്ങോട്ട് വരുന്ന വഴി ഞാൻ അജുവിനോട് പറഞ്ഞിരുന്നു അനുവിന്റെ കാര്യം. പക്ഷെ അവന്റെ മുഖത്ത് വലിയ ഭാവവ്യത്യാസം ഒന്നും ഇല്ലായിരുന്നു. പിന്നെ ഞാനും ഒന്നും പറയാൻ പോയില്ല.

റെഡിയായി ഹോസ്റ്റലിൽ നിന്നിറങ്ങി. കോളേജ് ഗേറ്റിന് മുൻപിൽ ആൺപടകൾ ഞങ്ങളെയും കാത്തിരിക്കുന്നുണ്ടായിരുന്നു. കോളേജിനുള്ളിലേക്ക് കാലെടുത്തു വച്ചതും കണ്ടു വാകമരച്ചോട്ടിൽ ഒരു പുഞ്ചിരിയോടെ എന്നെ നോക്കിയിരിക്കുന്ന സഖാവിനെ.

ഇങ്ങേരെ നിങ്ങൾക്ക് അറിയാം...... കോളേജിലെ ആദ്യത്തെ ദിവസം ഞാൻ വായിനോക്കി നിന്ന ആ മസിലൻ ചേട്ടൻ തന്നെ.ഞാൻ അജുവിനെ നോക്കിയപ്പോൾ അവൻ നല്ല ദേഷ്യത്തിൽ നിൽക്കുന്നുണ്ട്. പതിയെ എന്റെ നോട്ടം അവന്റെ നെറ്റിയിലെ മുറിവിന്റെ പാടിലേക്ക് ആയി. അത് കണ്ടപ്പോൾ സത്യം പറഞ്ഞാൽ എനിക്ക് ചിരി വന്നു. അവന് അടി കിട്ടിയ സിറ്റുവേഷൻ..... 🤣🤣. സഖാവ് രണ്ട് മാസം മുൻപ് ചെറുതായിട്ടൊന്ന് പഞ്ഞിക്കിട്ടതിന്റെ ആണ് നെറ്റിയിലെ ആ പാട്. ഇതിനെല്ലാം ഉത്തരവാദി ഞാനാണല്ലോ എന്നോർക്കുമ്പോഴാ 😁😁....... ഞാൻ അജുവിനെ മൈൻഡ് ചെയ്യാതെ ഒരു ചിരിയോടെ സഖാവിന്റെ അടുത്തേക്ക് ചെന്നു. പുറകെ ബാക്കി ഉള്ളവരും.




 

തുടരും.............