❤നിന്നിലെ പ്രണയം❤
crazy girl ✍️😎
പാർട്ട്‌ 2
രാത്രി 8 മണിയായപ്പോൾ പൊന്നുവിന് ഐസ്ക്രീം വേണമെന്ന വാശികൊണ്ടു പൊന്നുവിനെയും കൂട്ടി ഐസ്ക്രീം കഴിക്കാം പോയതായിരുന്നു ഗിരി...
"ഹ്മ്മ് ഇങ്ങനെയൊരു കൊതിച്ചി... ഇനിയെന്തെലും വേണോ തമ്പുരാട്ടിക്ക് "
"എനി വീട്ടിലേക്ക് പാർസൽ വാങ്ങാം ഏട്ടാ "കയ്യിലെ ക്രീം വായിൽ നുണഞ്ഞു കൊണ്ടു പറഞ്ഞത് കെട്ടു അവന് കണ്ണുരുട്ടി
"ദേ ശ്യാമേട്ടൻ... ശ്യാമേട്ടാ "
"എന്റെ പൊന്നു ഒച്ചവെക്കല്ലേ "റോഡിന്റെ എതിർസൈഡിൽ നിന്നു ബുള്ളെറ്റിലേക്ക് കയറുന്ന ശ്യാമിനെ കണ്ടു ഗാധ വിളിക്കുന്നത് കെട്ടു ഗിരി അവള്ടെ തലക്ക് കൊട്ട് കൊടുത്തു...
അവരെ കണ്ടതും അവന് ബുള്ളറ്റിൽ നിന്നിറങ്ങി അവരുടെ അടുത്തേക്ക് നീങ്ങി...
"ഹാ നീയെന്താ ഇവിടെ നിന്റെ വീട്ടിലെ ബെൽ കൊറേ അടിച്ചു എവിടെ പോയതാ നീ "
"അത് നാളെ ഓഫീസിലെ പ്രൊജക്റ്റ്‌ കോപ്പി ചെയ്യാൻ പെൻഡ്രൈവ് വാങ്ങാൻ വന്നതാടാ.... "
"നിനക്ക് വേണമെങ്കിൽ എന്നോട് ചോതിച്ചാൽ പോരായിരുന്നോ "
"ഹോ അതൊന്നും വേണ്ടന്നെ.. പിന്നെ എനിക്ക് പാൽ വാങ്ങണം... അതോണ്ട് കൂടി വന്നതാ... അല്ലാ നീയെന്താ ഇവളേം കൂട്ടി ഈ സമയത്ത്.. എന്താടി നിന്റെ കയ്യില് "പൊന്നു പിടിച്ചിരിക്കുന്ന പാക്കറ്റിൽ ചൂണ്ടി ഗിരി ചോദിച്ചു..
"ഐസ് ക്രീമാ... ഇവൾക്കോരോ വട്ട് "ഗിരി പറയുന്നത് കേട്ട് അവള് കൊഞ്ഞനം കുത്തി... വീണ്ടും ഗിരി എന്തോ പറയാൻ വന്നപ്പോൾ ആണ് ശ്യാമിന്റെ പുറകിലൂടെ ആ പെണ്ണ് ദ്രിതിയിൽ പോകുന്നത് അവന്റെ കണ്ണിൽ പെട്ടത്...
അവന് അവള് പോകുംവഴി കണ്ണു പായിച്ചു എന്നത്തേയും പോലെ തിരക്ക് പിടിച്ച നടത്തമായിരുന്നു...
"ഇവളിതെങ്ങോട്ടാ ഈ രാത്രിയിൽ"അവന് അവൾ പോയ വഴിയേ നോക്കി ഓർത്തു
"എന്താടാ എന്താ നീ നോക്കുന്നെ "ശ്യാമിന്റെ ചോദ്യമാണ് അവനെ ബോധത്തിൽ കൊണ്ട് വന്നത് അവന് ഒന്നുമില്ലെന്ന് തലയാട്ടി പെട്ടെന്ന് എന്തോ ഓർത്ത പോലെ ശ്യാമിനെ നോക്കി...
"ഡാ നീയേ പൊന്നുവിനേം കൂട്ടി വീട്ടിലേക്ക് പൊ എനിക്കൊരിടം വരെ പോകാനുണ്ട് "ഗിരി ശ്യാമിനോടായി പറയുന്നത് കേട്ട് പൊന്നുവിന്റെ കണ്ണുകൾ വിടർന്നു
"ഇപ്പൊ നിനക്ക് എങ്ങോട്ടാ പോണ്ടത്? "ശ്യാം
"എടാ ഞാൻ ഞാൻ പറയാം തത്കാലം നീ ഇവളേം കൂട്ടി പൊ "
"എടാ മഴ വരാൻ സാധ്യത ഉണ്ട്... ഞാൻ ബുള്ളറ്റിൽ ഇവളേം കൂട്ടി എങ്ങനെ "
"എന്നാ നീ ആ കീ ഇങ് താ കാറിൽ പൊക്കോ ബുള്ളറ്റ് ഞാൻ എടുക്കാം "
പൊന്നുവിന് ബുള്ളറ്റിൽ പോകാൻ ആയിരുന്നു ഇഷ്ടം പക്ഷെ അവള് ഒന്നും മിണ്ടിയില്ല.. കാറെങ്കിൽ കാർ എന്നവൾ ഓർത്തു..
ഗിരി പറയുന്നത് കേട്ട് ശ്യാം തലയാട്ടി.. ശ്യം അവന്റെ കയ്യില് ബുള്ളറ്റിന്റെ കീ കൊടുത്തു...തിരിച്ചു ഗിരിയും... കീ വാങ്ങിയതും ഗിരി ദ്രിതിയിൽ മുന്നോട്ടേക്ക് നടന്നു... അവരോട് ഒന്ന് പോട്ടെ എന്ന് പോലും പറയാതെ... ശ്യാമും പൊന്നുവും കാറിന്റെ അടുത്തേക്കും
ഇന്നും ഇന്നലെയുമല്ലാ മാത്രമല്ല നിന്നെ കാണുന്നെ... ആദ്യമായി എന്ന് കണ്ടോ.. അതിനു ശേഷമുള്ള എല്ലാ ദിവസവും നിന്നെ ഞാൻ കാണുന്നുണ്ട്... പലപ്പോഴും പലയിടത്തും തലകുനിച്ചു ആരുഡക്കൊയോ ശകാരം കേൾക്കുന്നത് കാണാം... പക്ഷെ എന്തിനു... ഇങ്ങനെ സഹിച്ചു ജീവിക്കുന്നതെന്തിനാ... ഇവള്ടെ വീട്ടിൽ ആരൊക്കെ ഉണ്ട്... എന്താ അവള് പകലെന്നോ രാത്രിയെന്നോ ഇല്ലാതെ ആ ബാഗും പിടിച്ചു നടക്കുന്നത്... അവന്റെ മനസ്സിൽ നൂറായിരം ചോദ്യങ്ങൾ ഉയർന്നു
"ഒന്ന് നിന്നെ "
ഒരുപാട് മുന്നിൽ എത്തിയതും അവന് അവളെ നീട്ടി വിളിച്ചു...അവള് ഒന്ന് തിരിഞ്ഞു നോക്കി ഗിരിയെ കണ്ടതും അവള് ബാഗ് മുറുക്കെ പിടിച്ചു ശേഷം ചുറ്റും കണ്ണോടിച്ചു...
അവനും ചുറ്റും നോക്കി അവിടമാകെ ഇരുട്ടാണ് നിലാവിന്റെ വെളിച്ചം മാത്രം.. പൂട്ടിക്കിടക്കുന്ന ഒരു കടയും അല്ലാതെ ഒരു മനുഷ്യ കുഞ്ഞു പോലും ഇല്ലാ... അവന് വീണ്ടും അവളിലേക്ക് നോക്കി...
അവളിലെ കണ്ണുകളിൽ ഭയം കണ്ടു അവന് എന്തെന്ന രീതിയിൽ അവളെ നോക്കിയപ്പോൾ...
വീണ്ടും അവള് മുന്നോട്ടേക്ക് നടക്കാൻ തുടങ്ങിയതും അവന് അവളെ തടഞ്ഞു മുന്നിൽ വന്നു നിന്നു...
"എന്താ ഇയാൾക്കു വേണ്ടത്"അവളുടെ കണ്ണുരുട്ടിയുള്ള ചോദ്യവും ദൃഢമായ ശബ്ദവും ആദ്യമായി ഗിരി കേൾക്കുന്നത്... നിനക്ക് ഇങ്ങനെയൊക്കെ സംസാരിക്കാൻ കഴിയുമോ എന്നവൻ ചിന്തിച്ചു
"ഞാൻ എന്തേലും വേണമെന്ന് പറഞ്ഞോ "അവന് കൈകൾ കെട്ടി കൊണ്ട് പറഞ്ഞു
"പിന്നെ എന്തിനാ എന്നേ പിന്തുടരുന്നെ "അവള് നിലത്തേക്ക് നോക്കി പറയുന്നത് കേട്ട് അവന് അന്താളിച്ചു...
"നിന്നെ പിന്തുടരാനോ എപ്പോ.. "അവന് സംശയത്തോടെ ചോദിച്ചു...
"എനിക്കറിയാം താൻ എന്നേ പിന്തുടരുവാ.. ഞാൻ പോകുന്ന എല്ലായിടത്തും ഇയാൾ ഉണ്ട്... എന്താ എനി വേണ്ടേ അനിയത്തിക്ക് വേണ്ടി ഞാൻ തോറ്റില്ലെ... എനി ഞാൻ എവിടെയാ തോറ്റു തരേണ്ടത് പറ "അവളുടെ സംസാരം കേട്ട് അവന്റെ കണ്ണുകൾ തള്ളി...താൻ മനസ്സിൽ പോലും കരുതാത്ത കാര്യമാണ് ഇവള് പറയുന്നത്...
"നീയെന്തിനാ എഴുതാപ്പുറം വായിക്കുന്നെ... ഞാൻ അതിനൊന്നുമല്ലാ വന്നത് "അവന് അവളെ നോക്കി ഗൗരവത്തോടെ പറഞ്ഞു
"പിന്നെ എന്തിനാ "അവള് ചോദിച്ചത് കേട്ട് അവനു മറുപടി ഉണ്ടായില്ല
"അത് പിന്നെ.. തനിക് വീട്ടിൽ ചോദിക്കാനും പറയാനും ആരുമില്ലേ... ഒന്നുമില്ലേലും പെണ്ണല്ലേ....ദേ നോക്ക് ഈ പരിസരത്തു ഒരു പൊടി കുഞ്ഞു പോലും ഇല്ലാ "അവന് കൃതിമ ഗൗരവം വരുത്തി പറഞ്ഞത് കേട്ട് അവള് ഒന്ന് പുച്ഛിച്ചു
അവളിൽ മൗനമായിരുന്നു... എന്നാൽ മുഖത്ത് തന്നോടുള്ള പുച്ഛമുണ്ട്... അവള് ഒന്നുടെ മിഴികൾ ഉയർത്തി നോക്കി കൊണ്ട് തന്നെ മറികടന്നു മുന്നിലേക്ക് നടന്നു...
ഒരുപാട് മുന്നിൽ എത്തിയപ്പോൾ അവള് തിരിഞ്ഞു നോക്കി
"ഞാൻ എങ്ങനെ ജീവിച്ചാലും ഇയാളെ അത് ബാധിക്കുന്നില്ലല്ലോ"അതും പറഞ്ഞുകൊണ്ട് അവള് മുന്നോട്ട് നടന്നു...
ശെരിയാ അവള് എങ്ങനെ നടന്നാലും എന്നേ ബാധിക്കുന്നില്ലല്ലോ പിന്നെ എനിക്കെന്താ... അവന്റെ മനസ്സ് ആകെ അടിമറഞ്ഞ അവസ്ഥയിൽ ആയിരുന്നു...
ഗിരിയുടെ മനസ്സിൽ പിന്നീട് മുഴുവൻ അവളായിരുന്നു... അവളുടെ ചുണ്ടിൽ അവസാനം വിരിഞ്ഞ മന്ദഹാസം തന്നെ പുച്ഛിച്ചത് ആണേലും അതിൽ വേദന കലർന്നൊരു മന്ദഹാസം ആണെന്ന് അവനു തോന്നി....പക്ഷെ പിനീട് അവന് അവളുടെ മുന്നിൽ കാണനോ മിണ്ടാനോ പോയില്ലാ...സത്യം പറഞ്ഞാൽ പിന്നീട് അവളെ കണ്ടില്ലെന്ന് പറയുന്നതായിരിക്കും സത്യം...
എന്നാൽ പൊന്നുവിന് പിന്നീട് വളരെ സന്തോഷമായിരുന്നു... ശ്യാമുമായുള്ള യാത്ര അവള് അത്രമേൽ ആസ്വദിച്ചിരുന്നു... അവനുമായി എടുത്ത സെൽഫിയിൽ അവള് പലപ്പോഴും മൊബൈലിൽ എടുത്തു നോക്കി അവന്റെ ചുണ്ടിൽ മുത്തി കൊണ്ടിരുന്നു...
**********************************
"ഏട്ടാ വേഗം വാ എക്സാം തുടങ്ങാൻ എനി അര മണിക്കൂറേ ഉള്ളൂ "
"അഹ്ടി ഇറങ്ങി.. പറയുന്ന കേട്ടാ വിചാരിക്കും എല്ലാം പഠിച്ചിട്ട് പോകുവാണെന്ന്... അല്ല എന്താ ഇന്ന് എക്സാം "ജീപ്പിൽ കയറി ഇരിക്കെ ഗിരി ചോദിച്ചു
"ഹിസ്റ്ററി ആണ് "അവള് ബാഗ് മടിയിൽ വെച്ചു
"ആഹ് ഇന്നലെ കണ്ട dear comrade എഴുതി വെച്ചേക്കരുത് "
"ഞ ഞ ഞ... ഒന്ന് വേഗം വിട് "
അവള് കണ്ണുരുട്ടി പറയുന്നത് കേട്ട് അവന് ചിരിച്ചുകൊണ്ട് കാർ എടുത്തു... ഗേറ്റ് കടന്നതും ഗാധ എത്തിനോക്കി.. ബുള്ളെറ്റില്ലാ... അപ്പൊ പോയി കാണും അവള് ഓർത്തു...
"അയ്യോ ബെൽ അടിച്ചു ഏട്ടൻ ഒന്ന് വാ... എന്നിട്ട് ഇൻവിജിലേറ്റർ ആയി നിക്കുന്ന ടീച്ചറോട് ഹോസ്പിറ്റൽ പോകാൻ ഉണ്ടായിരുന്നു എന്ന് പറയണേ "
"അയ്യടി ഹോസ്പിറ്റലിൽ നിന്റെ ഓൻ ഉണ്ടോ "
"എന്റെ പൊന്ന് ഏട്ടാ സമയം ഇല്ലാ ഒന്ന് പെട്ടെന്ന് വാ... ഇപ്പൊ തന്നെ കല്മണിക്കൂർ ലേറ്റ് ആണ് "അവള് ചിണുങ്ങി കൊണ്ട് വിളിച്ചത് കേട്ട് അവന് അവളേം കൊണ്ട് ഹാളിലേക്ക് നടന്നു... ടീച്ചറോട് കള്ളം പറഞ്ഞു അവളെ കയറ്റിയപ്പോൾ അവള് സീറ്റിൽ ഇരുന്നു തനിക് ഫ്ലൈ കിസ്സ് തരാൻ മറന്നില്ലാ...
വരാന്തയിലൂടെ നടക്കുമ്പോൾ ആണ് വീണ്ടും ഒരു ടീച്ചറുടെ കാതടിപ്പിക്കുന്ന ശബ്ദം കേട്ടത്... അവന് വെറുതെ ഒന്ന് ക്ലാസ്സിലേക്ക് നോക്കി... അതെ അവള് തന്നെ... എന്നുമുള്ള അതെ നിർത്തം... ബാഗ് മാറിൽ പിണച്ചു പിടിച്ചു.. നീല ചുരിദാറിൽ തല കുനിച്ചു...
"മിസ്സേ ഹാൾ ടിക്കറ്റ് ഞാൻ ഇന്ന് വാങ്ങികൊളാം... എക്സാം എഴുതാൻ സമ്മധിക്കണം "
"പറ്റില്ല കുട്ടി ഇതെന്താ തമാശ കളിയാണെന്ന് വിചാരിചോ ആദ്യം താൻ ഹാൾടിക്കറ്റ് കിട്ടാൻ ഫീസ് അടയ്ക്ക് എന്നിട്ട് ഈ എക്സാം പിനീട് എഴുതിയാൽ മതി... കുട്ടി പൊക്കൊളു ബാക്കിയുള്ള സ്റുഡന്റ്സിനു ഡിസ്റ്റർബ് ആകുന്നു "ടീച്ചർ പറഞ്ഞതും അവള് ഒന്നുടെ ദയനീയമായി അവരെ നോക്കി കൊണ്ട് ക്ലാസിൽ നിന്നു ഇറങ്ങി... നിറഞ്ഞു വന്ന കണ്ണുകൾ തുടച്ചു അവൾ നടക്കാൻ ഒരുങ്ങിയതും തന്റെ സൈഡിൽ ആരോ നില്കുന്നത് പോലെ തോന്നി അവള് തല ചെരിച് നോക്കി...
അവളുടെ മുഖത്ത് ഭാവങ്ങൾ മിന്നിമറഞ്ഞു... പെട്ടെന്ന് തല താഴ്ത്തി അവള് നടന്നു അല്ലാ ഓടി എന്ന് പറയുന്നതായിരിക്കും ശെരി...
ഗിരിക്ക് അവളെ പിടിച്ചു നിർത്തി പലതും ചോദിക്കണം എന്നുണ്ട്.. എന്നാൽ അവന്റെ അഭിമാനം അതിനു സമ്മധിക്കുന്നില്ലാ....അവളുടെ മുന്നിൽ താഴ്ന്നു നിൽക്കാനും അവനു തോന്നിയില്ലാ... അവന് അവള് പോയ വഴിയേ നോക്കി... കാറിലേക്ക് നടന്നു...
************************************
"നീയെന്താ ഇവിടെ പൊന്നു... കോളേജ് വിട്ട് നേരെ വീട്ടിലേക്ക് പോകൽ അല്ലെ.. എന്തിനാ കമ്പനിയിൽ വന്നേ "
"അത് പിന്നെ ഏട്ടാ അമ്മ ഇല്ലല്ലോ വീട്ടിൽ എനിക്ക് ബോറടിക്കും അതോണ്ട് വന്നതാ "
"അല്ലാ എങ്ങനാ വന്നേ "
"ഓട്ടോയിൽ... അത് പോട്ടെ വാ നമ്മക് ബീച്ചിൽ പോകാം.. "
"ബീച്ചിലോ... ഇപ്പോഴോ നീ അടങ്ങി ഇരുന്നേ പെണ്ണെ... എനിക്ക് നൂറുകൂട്ടം പണിയുണ്ട്.. "
"പ്ലീസ് ഏട്ടാ.. കൊതിയായിട്ട് അല്ലെ"
"അയ്യടി... അത്രക്ക് നിർബന്ധം ആണേൽ അതാ ശ്യാം അപ്പുറത് ഉണ്ട് അവനേം കൂട്ടി പോകോ ഞാൻ പതിയെ അങ്ങോട്ട് വരാം "
അത് കേട്ടതും അവള്ടെ മുഖം വിടർന്നു അവള് സമർത്ഥമായി അത് മറച്ചു പിടിച്ചു...
"എന്നാലും ഏട്ടൻ ഇല്ലതെ "അവള് ആലസ്യമായി അഭിനയിച്ചു
"അവനും നിനക്ക് ഏട്ടൻ ആണ് നീ അവനേം കൂട്ടിപോക്കോ ഞാൻ വരാം "അവൻ ഫയലുകൾ മറച്ചുകൊണ്ട് പറഞ്ഞു..
അയ്യെടാ എനിക്ക് തത്കാലം ഒരു ഏട്ടൻ മതി... ശ്യാമേട്ടനെ ഏട്ടനെ പോലെ കാണാൻ എന്റെ പട്ടി വരും അവള് പിറുപിറുത്തു ശ്യാമിന്റെ അടുത്തേക്ക് ചെന്നു... ശ്യാം കമ്പ്യൂട്ടറിൽ എന്തോ നോക്കുകയായിരുന്നു.. അവൾ അവന്റെ അടുത്ത് ചെന്ന് നിന്നതും..
"ഹ്മ്മ് പറ ഇന്നെവിടെക്കാ "തല ഉയർത്താതെ ശ്യാം ചോദിച്ചത് കേട്ട് അവള്ടെ കണ്ണുകൾ തള്ളി...
ശേഷം അവള് ഒന്ന് നന്നായി ഇളിച്ചുകൊടുത്തു....
കടലിലേക്ക് പാഞ്ഞും... തിരമാലകൾ വരുമ്പോൾ പുറകിലേക്ക് ഓടിയും മണലിൽ തന്റെ പേരും ഏട്ടന്റെയും ശ്യാമിന്റെയും പേരൊക്കെ എഴുതി ഗാധ കളിച്ചു.. അതൊക്കെ നോക്കിയും മൊബൈലിൽ പകർത്തിയും ശ്യാം മണലിൽ ഇരുന്നു...
"വാ ശ്യാമേട്ടാ നമ്മക്ക് നടക്കാം... "അവള് അവന്റെ കയ്യില് പിടിച്ചു എഴുന്നേൽപ്പിച്ചു... ശേഷം ജീൻ പാന്റ് ചെറുതായി ഒന്ന് മടക്കി ചെരുപ്പ് കയ്യില് വെച്ചു... ശ്യാമും അവന്റെ ഷൂ കയ്യില് പിടിച്ചു ജീൻ മടക്കി വെള്ളത്തിലൂടെ നടന്നു...
"ഇന്ന് വന്ന എക്സാം മിസ്സേ മുന്നിലിരുന്നു തൂങ്ങുവായിരുന്നു അതുകൊണ്ട് ഞങ്ങൾക് തകർത്തെഴുതി "കോളേജിൽ നടന്ന ഓരോ കാര്യവും ഗാധ ശ്യാമിനോട് പറഞ്ഞു അവനൊരു കേൾവിക്കാരന് ആയി ചെറുപുഞ്ചിരിയോടെ അത് കെട്ടുകൊണ്ടു നടന്നു ...
"എടി ചില്ലു നോക്കി നടക്കു "പെട്ടെന്ന് അവളുടെ കയ്യില് പിടിച്ചു വലിച്ചു കൊണ്ട് ശ്യാം പറഞ്ഞു... അപ്പോഴാണ് അവളുടെ മുന്നിലെ ചില്ലു കഷ്ണം അവള് കണ്ടത്... അതിൽ ചവിട്ടാതെ വീണ്ടും നടന്നു... പക്ഷെ തന്നെ പിടിച്ച കയ്കളിലെ പിടി അവള് വിട്ടില്ലായിരുന്നു...
*************************************
കാർ നിർത്തി... ഗിരിയും മണലിലേക്ക് ഇറങ്ങി... വീശിയടിക്കുന്ന കാറ്റു അവന്റെ മുടികളെ ആലസ്യമായി പറത്തികൊണ്ടിരുന്നു... ചുറ്റും നോക്കി സൂര്യസ്തമയം കാണാൻ ഒരുപാട് ആളുണ്ട്... ഇവിടെ പൊന്നുവിനേം ശ്യാമിനെയും എങ്ങനെ കാണാൻ ആണ്...
ഗിരി മൊബൈൽ എടുത്തു ശ്യാമിനെ വിളിച്ചു...അവർ ഇങ്ങോട്ട് വരാം എന്ന് പറഞ്ഞത് കൊണ്ട് ഗിരി കൈകൾ കെട്ടി കടലിലേക്ക് നോക്കി...
"ചേട്ടാ ലോട്ടറി ടിക്കറ്റ്... "
ശബ്ദം കേട്ട ഭാഗത്തേക്ക് ഗിരി നോക്കി.അവനൊന്നു ഞെട്ടികൊണ്ടു അവളെ ഒന്ന് മൊത്തമായി കണ്ണോടിച്ചു...
മുഖമൊക്കെ വിയർത്തൊലിക്കുന്നുണ്ട്....പിന്നിൽ ബാഗ് ഇട്ടുകൊണ്ട് കയ്യില് പിടിച്ചിരിക്കുന്ന ലോട്ടറി ബോർഡ് അവള് പിടിമുറുക്കുന്നത് കണ്ടു ഗിരി അവളുടെ മുഖത്തേക്ക് നോക്കി...
അവളിലും ഞെട്ടൽ ഉണ്ടായിരുന്നു... അവള് അവനെ നോക്കി തിരിഞ്ഞു നടക്കാൻ തുടങ്ങിയതും ഗിരി അവളുടെ മുന്നിൽ വന്നു നിന്നു... അവള് തല ഉയർത്തിയില്ല..
"സോറി എനിക്ക് ആളെ മനസ്സിലായില്ല "മിഴികൾ ഉയർത്താതെ അവള് പറഞ്ഞു...
"ഹ്മ്മ് നിന്നെ കാണാത്ത സ്ഥലം ഇല്ലല്ലോ... എല്ലാ തരം പണിയിലും കാണാം... "
അവന് കയ്കൾ കെട്ടി അവളെ നോക്കി ചോദിച്ചതും അവളുടെ മുഖം തുടുത്തു....
"അതിനു ഇയാൾക്കു കൊഴപ്പമില്ലല്ലോ..താൻ തന്റെ പെങ്ങൾ എവിടെയാ പോകുന്നത് എന്ന് നോക്കിയാൽ മതി....എന്റെ കാര്യം നോകണ്ടാ.. എനിക്ക് പോണം വഴീന്ന് മാറു "അവള് ഗൗരവത്തോടെ പറഞ്ഞത് ഗിരിക്ക് പിടിച്ചില്ല പ്രതേകിച്ചു പൊന്നുവിനെ വലിച്ചിട്ടത്
"ഓഹോ ഇത് കഴിഞ്ഞാൽ രാത്രിയിൽ എവിടെയാ ഡ്യൂട്ടി.. ബസ്റ്റാന്റിന്റെ പുറകിലെ കെട്ടിടത്തു ആണൊ... "അവന് പുച്ചംകലർന്ന രീതിയിൽ ചോദിച്ചതും അവളുടെ കൈകൾ അവന്റെ മുഖത്ത് പതിഞ്ഞിരുന്നു... അവനു ഒരിക്കലും പ്രദീക്ഷിച്ചില്ല... മുഖം ദേശ്യത്താൽ വലിഞ്ഞു മുറുകി.. അവളെ കൈചൂണ്ടി പറയാൻ നിന്നതും...
"മിഴി..... "
പെട്ടന്ന് ഗിരിയും അവളും ഞെട്ടി... ഗിരി തിരിഞ്ഞു നോക്കി... പൊന്നുവും ശ്യാമും... തങ്ങളെ നോക്കി നില്കുന്നു... ഗിരിയുടെ കൈകൾ അറിയാതെ അവന്റെ കവിളിൽ തൊട്ടു... തന്നെ അടിച്ചത് അവള് കണ്ടിട്ടുണ്ടാകുമോ... അവന് ഓർത്തു... ഗിരി അവളെ ചുവന്ന കണ്ണോടെ നോക്കി...
ഗാധ പാഞ്ഞു വന്നു അവളുടെ അവള്ടെ കവിളിൽ അടിച്ചപ്പോൾ ആണ് ഗിരി ഞെട്ടിയത്...അവന് ഗാധയെ പിടിച്ചു ചേർത്ത് നിർത്തി..
"വേണ്ട പൊന്നു വിട്ടേക്ക്.. ഇവൾക്കുള്ളത് ഞാൻ കൊടുത്തോളാം "പൊന്നുവിനോട് അവന് പറഞ്ഞു അവൾക് നേരെ നോക്കിയതും അവളുടെ മുഖം കണ്ടു അവന്റെ ദേഷ്യം മാറി പാവം തോന്നി... പക്ഷെ അവൾക്കത് വേണം എന്ത് കൊണ്ടോ അവനത് തോന്നി...
ഗിരി അവളെ നോക്കി നില്കുന്നത് കണ്ടു പൊന്നു അവളുടെ മുന്നിലേക്ക് നടന്നു...
"നിനക്ക് എങ്ങനാ തോന്നിയെടി എന്റെ ഏട്ടനെ തല്ലാൻ.. ഹേ...ഓ അന്ന് തോറ്റത്തിന്റെ ദേഷ്യം തീര്ഥായിരിക്കും അല്ലെ... എനി മേലാൽ എന്റെ ഏട്ടന്റെ കൺമുന്നിൽ വരിക പോലും ചെയ്യരുത് "പൊന്നു അവൾക് നേരെ വിരൽ ചൂണ്ടിയതും അവളുടെ മുഖത്ത് അതെ മന്ദഹാസം ഉണ്ടായിരുന്നു...
ഒരുനിമിഷം പൊന്നുവും ശ്യാമും അവളെ ഞെട്ടി നോക്കി എന്നാൽ ഗിരിക്ക് അറിയാമായിരുന്നു അവളെ പ്രതികരണം ഇങ്ങനെ തന്നെ ആയിരിക്കുമെന്ന്...
"ഗാദേച്ചി... എന്റെ സീനിയർ ആയത് കൊണ്ടുള്ള റെസ്‌പെക്ട് ഒക്കെ എനിക്കുണ്ട്... തന്റെ ഏട്ടനോടും ഉണ്ട് പെങ്ങൾക്ക് വേണ്ടി ആരോടും തല്ലുകൂടുന്ന ഒരു ഏട്ടൻ...
അവള് ഒന്ന് പുച്ഛിച്ചു...
എന്നാൽ സ്വന്തം കൂടപ്പിറപ്പിനു വേണ്ടി മറ്റുള്ളവരുടെ കഴിവ് അടിച്ചമർത്തുമ്പോൾ നിങ്ങള് ഓർക്കണം ചിലപ്പോ അവർ ഇതിനു ഇറങ്ങുന്നത് നിങ്ങളെ പോലെ അവരുടെ സ്വപ്‌നങ്ങൾ നിറവേറ്റാൻ വേറെ ആരും ഇല്ലാത്തത് കൊണ്ടാണെന്നു...
എല്ലാം പോട്ടെ... എന്നിട്ടോ ഞാൻ എവിടെയൊക്കെ ഉണ്ടോ അവിടെയൊക്കെ ഇയാൾ വന്നു എന്നേ തടഞ്ഞു നിർത്തുന്നത് എന്തിനാണെന്ന് ചോദിക്ക്... ഞാൻ അടിച്ചത് മാത്രമേ ഗാധേച്ചി കണ്ടുള്ളു എന്തിനാ അടിച്ചതെന്ന് ഈ ഇരിക്കുന്ന ഏട്ടനോട് ചോദിക്കണം... "
അവളിലെ ശബ്ദം കടുപ്പമായിരുന്നു... പൊന്നു പോലും അവളെ അത്ഭുദത്തോടെ ആണ് നോക്കിയത്... അവള് എല്ലാവരെയും നോക്കി മന്ദഹസിച്ചതിനു ശേഷം ആ ടിക്കറ്റ് ബോർഡ് ഒന്നുടെ മുറുക്കി പിടിച്ചു കൊണ്ട് നടന്നു പോയി....
ഗിരിയുടെ മുഖം വിളറി വെളുത്തു... ആദ്യമായിട്ടാണ് ഒരുത്തി തനിക് നേരെ വിരൽ ചൂണ്ടുന്നത്... അതും അനിയത്തിയുടെ മുന്നിൽ വെച്ചു...അവന് പൊന്നുവിനെ നോക്കി ശേഷം ശ്യാമിനെയും... ശ്യാമും ഒന്നും അറിയാതെ എന്നാൽ എന്തോ അറിയാൻ കാത്ത് നിൽക്കുന്ന പോലെയുള്ള അവന്റെ നോട്ടം കണ്ടു ഗിരി കാറിന്റെ അടുത്തേക്ക് നടന്നു...
തുടരും....
