💕കാണാച്ചരട് 💕

(a family love story)

ഭാഗം -07

✍️Rafeenamujeeb..

=================

" ദേവാ "...

അരുണിമ അവളെ വിളിച്ചു.

അവളുടെ വിളിയോ ചുറ്റും നടക്കുന്ന കാഴ്ചകളോ ദേവയുടെ മുൻപിൽ അവ്യക്തമായിരുന്നു.

ആകെ മരവിച്ച അവസ്ഥ.

ആരോഹി അവളെ പിടിച്ചു വലിച്ചു അവരുടെ അടുത്തേക്ക് കൊണ്ടുപോയപ്പോഴാണ് ദേവയ്ക്ക് പരിസരബോധം വന്നത്.

ദേവ ഗിരി നിൽക്കുന്ന സ്ഥലത്തേക്ക് ഒന്ന് നോക്കി.

ചോര ഇറ്റു വീഴുന്ന വാൾ അവൻ തൊട്ടപ്പുറത്തേക്ക് വലിച്ചെറിഞ്ഞു.

എന്നിട്ട് ദേഷ്യത്തോടെ നിലത്തു കിടക്കുന്ന ആളെ ഒന്ന് നോക്കി.

പ്രകാശാ....

തൂക്കിയെടുത്ത് വല്ല ഹോസ്പിറ്റലിലും കൊണ്ടുപോയി ഇട് ഈ തന്തയ്ക്ക് പിറക്കാത്തവനെ, ഇവൻ അത്രപെട്ടെന്നൊന്നും ചത്തു കൂടാ, നരകിച്ചു ചാവണം, ഇനിയുള്ള കാലം ചെയ്ത തെറ്റ് ഓർത്ത് അനുഭവിക്കണം ഈ നാറി..

ഗിരി അത്രയും പറഞ്ഞ് ദേഷ്യത്തിൽ അവിടെനിന്നും നടന്നു പോയി.

ചുറ്റും കൂടി നിന്ന ആർക്കും ഈ കാഴ്ച അത്ര പുതുമയില്ലാത്തതുപോലെ, പ്രകാശൻ അയാളെയും കൊണ്ടുപോയപ്പോൾ എല്ലാവരും സാധാരണപോലെ ആയി . അങ്ങനെ ഒരു സംഭവം അവിടെ നടന്നിട്ടില്ലാത്തമട്ടിലാണ് എല്ലാവരുടെയും പെരുമാറ്റം.

ദേവയ്ക്ക് അതെല്ലാം കണ്ടപ്പോൾ അത്ഭുതം തോന്നി.

കൂടുതൽ സമയം അവിടെ ചിലവഴിക്കാതെ നാലുപേരും വേഗത്തിൽ തൊഴുതിറങ്ങി.

മുൻപിൽ കണ്ട കാഴ്ച എല്ലാവരെയും നടുക്കിയിട്ടുണ്ടെന്ന് നാലുപേരുടെയും മൗനത്തിൽ നിന്നും മനസ്സിലാക്കാം.

ആരാടി അയാൾ......? എന്തിനാണ് അയാൾ അങ്ങനെ ചെയ്തത്....? എന്തുകൊണ്ടാണ് അവിടെ കൂടിയിരുന്ന ആരും അയാളെ തടയാതിരുന്നത്.....? ശ്വേതയാണ് മനസ്സിലെ സംശയങ്ങൾ ആദ്യമായി പുറത്തേക്കിട്ടത്.

ആരായാലും അയാൾ ഒരു മനുഷ്യനല്ല മനുഷ്യന്റെ രൂപമുള്ള മൃഗമാണ് യാതൊരു ദയയുമില്ലാതെ അല്ലേ ഒരുത്തനെ വെട്ടിയത്.. അരുണിമ മുന്നിൽ കണ്ട കാഴ്ച ഭീതിയോടെ ഓർത്തു.

ആരു പറഞ്ഞു ഗിരിയേട്ടൻ മൃഗം ആണെന്ന് ഗിരിയേട്ടൻ അങ്ങനെ ചെയ്തിട്ടുണ്ടെങ്കിൽ അതിൽ എന്തെങ്കിലും കാര്യം ഉണ്ടാകും, അങ്ങനെ വെറുതെ ഒരാളെ ഉപദ്രവിക്കുന്ന ആളല്ല ഗിരി ഏട്ടൻ. ആരോഹിയുടെ സംസാരം കേട്ട് മൂവരും അവളെ സംശയത്തോടെ നോക്കി.

അപ്പോൾ നിനക്ക് അറിയാവോ അയാളെ..? ശ്വേത അവളോട് സംശയത്തോടെ ചോദിച്ചു.

അറിയാം, ഞാൻ നിങ്ങളോട് മുൻപ് പറഞ്ഞിട്ടില്ലേ..... ? എന്റെ കൂട്ടുകാരി നീലിമയെ കയറിപ്പിടിച്ച ഒരുത്തനെ കോളേജിൽ കയറി അടിച്ച അവളുടെ ചേട്ടന്റെ സുഹൃത്ത് ഒരു മിന്നൽ ഗിരിയെ കുറിച്ച്, ആ ആൾ ആണ് ഇത്.

അന്ന് നീ രണ്ടാഴ്ച ഇരുന്നു പുകഴ്ത്തിയ ആൾ ആണോ ഇത്, നീ പറഞ്ഞു പറഞ്ഞു എനിക്കും അയാളോട് ഒരു ആരാധന ഒക്കെ തോന്നിയിരുന്നു പക്ഷേ ഇത് കണ്ടാൽ വെറും തെരുവ് ഗുണ്ടയെ പോലെയുണ്ട് ശ്വേത വെറുപ്പോടെ പറഞ്ഞു.

ഞാൻ പറഞ്ഞില്ലേ ഗിരീയേട്ടൻ അങ്ങനെ ചെയ്യണമെങ്കിൽ എന്തെങ്കിലും തക്കതായ കാരണം ഉണ്ടാകും, ഞാനറിഞ്ഞ ഗിരീയേട്ടൻ ഇങ്ങനെ നിരപരാധികളെ ആക്രമിക്കുന്ന ആളല്ല...

മതി മതി ഗിരി പുരാണം വിളമ്പിയത്, വേഗം വീട്ടിലെത്താൻ നോക്കാം ദേവിയുടെ ഡ്രസ്സിലും ദേഹത്തും ഒക്കെ രക്ത കറയാണ്, അതു കഴുകിക്കളയണം അരുണിമ എല്ലാവരെയും ഒന്നു ഓർമിപ്പിച്ചു.

നാലുപേരും ധൃതിയിൽ വീട്ടിലേക്ക് നടന്നു.

രക്തത്തിൽ കുളിച്ചു വരുന്ന മകളെ കണ്ട് അച്ഛനും അമ്മയും ഒന്ന് ഭയന്നു.

അവരെ തങ്ങൾ കാര്യങ്ങൾ പറഞ്ഞു മനസ്സിലാക്കാം നീ പോയി ഫ്രഷ് ആയി വാ എന്നു പറഞ്ഞു മൂവരും അവളെ മുകളിലേക്ക് പറഞ്ഞയച്ചു.

ശരീരത്തിലൂടെ തണുത്ത വെള്ളം ഒലിച്ചിറങ്ങുമ്പോഴും ദേവയുടെ കണ്മുൻപിൽ നടന്ന ആ പാതകം തന്നെയായിരുന്നു മനസ്സിൽ. മുൻപിൽ നടന്ന കാഴ്ചകൾ ഓർത്തെടുക്കുംതോറും ഗിരിയുടെ മുഖം അവൾ പേടിയോടെ ഓർത്തു.

, കുളി കഴിഞ്ഞു വന്നപ്പോഴേക്കും ഏറെ ആഗ്രഹിച്ചു വാങ്ങിയ തന്റെ പിറന്നാൾ ഉടുപ്പ് അമ്മ കത്തിച്ചു കഴിഞ്ഞിരുന്നു.

താഴേക്ക് ചെല്ലുമ്പോൾ എല്ലാവരും അവർക്കുവേണ്ടി കാത്തുനിൽപ്പുണ്ടായിരുന്നു.

നകുലനും അഖിലും അവളെ പ്രണയാർദ്രമായ ഒരു നോട്ടം നോക്കി.

ദേവയ്ക്ക് അവർ രണ്ടുപേരും സഹോദരന്മാരാണ്, ഇന്നുവരെ അവരെക്കുറിച്ച് അതിനപ്പുറത്തേക്ക് അവൾ ചിന്തിച്ചിട്ടില്ല,

അമ്മായിമാർ അവളെ സ്നേഹത്തോടെ തങ്ങൾക്കരികിൽ പിടിച്ചിരുത്തി.

കുടുംബത്തിലെ എല്ലാവരും വന്നു ചേർന്നിട്ടുണ്ട്.

കാളിയാർ മഠം ബന്ധുക്കളെ കൊണ്ട് നിറഞ്ഞിരിക്കുന്നു.

ദേവനാരായണൻ ദേവയുടെ അരികിൽ വന്നു അവളെ സ്‌നേഹത്തോടെ ചേർത്തുപിടിച്ചു എല്ലാവർക്കും അഭിമുഖമായി നിർത്തി.

ഇന്ന് എന്റെ മകൾ ദേവനന്ദയ്ക്ക് പതിനെട്ടു വയസ്സ് തികഞ്ഞിരിക്കുകയാണ്. എല്ലാവർഷത്തെ പോലെയല്ല ഇന്ന് ഞാൻ എന്റെ മകളെ ചില ഉത്തരവാദിത്തങ്ങൾ ഏൽപ്പിക്കുകയാണ്. എന്റെ എല്ലാ സ്വത്തുവകകളും എന്റെ കാലശേഷം എന്റെ മകൾക്കുള്ളത് തന്നെയാണ്. അതുകൊണ്ട് തന്നെ എന്റെ പേരിലുള്ള എല്ലാ സ്ഥാപനങ്ങളും വസ്തുവകകളും ഞാൻ എന്റെ മകളുടെ പേരിൽ രജിസ്റ്റർ ചെയ്തിരിക്കുകയാണ്. ഇനി അവയ്ക്കെല്ലാം അവകാശി ദേവനന്ദ മാത്രം, മകളുടെ കൈയിലേക്ക് കുറെ പ്രമാണങ്ങൾ വെച്ച് കൊടുത്തു കൊണ്ട് ദേവൻ പറഞ്ഞു.

എന്തിനാ അച്ചേ എനിക്കിതെല്ലാം ഇതൊക്കെ ഇത്ര പെട്ടെന്ന് എന്റെ പേർക്ക് മാറ്റുന്നത് എന്തിനാ ദേവ സങ്കടത്തോടെ ചോദിച്ചു.

എന്നായാലും ഇത് നിനക്കുള്ളതാണ്, ഇത്തിരി നേരത്തെ തന്നു എന്നേയുള്ളൂ, എന്തോ എനിക്കിനി അധികം ആയുസ്സില്ല എന്നൊരു തോന്നൽ, എന്തെങ്കിലും സംഭവിക്കുന്നതിനു മുൻപ് എന്റെ മോളെ സുരക്ഷിതമായ കൈകളിൽ ഏൽപ്പിക്കണം ദേവയെ ചേർത്തുനിർത്തി നെറുകയിൽ ഒന്ന് ചുംബിച്ചുകൊണ്ട് ദേവൻ പറഞ്ഞു.

അച്ഛന്റെ വാക്കുകൾ പൂർത്തിയാക്കാൻ സമ്മതിക്കാതെ ദേവ അദ്ദേഹത്തിന്റെ വായ് പൊത്തി അരുതെന്ന് തലകൊണ്ട് വിലക്കി.

പിറന്നാൾ ആഘോഷം വളരെ ഗംഭീരമായി തന്നെ നടന്നു.

എല്ലാവരും സമ്മാനങ്ങൾ കൊണ്ട് അവളെ പൊതിഞ്ഞു.

വൈകീട്ടോടെ വന്ന ബന്ധുക്കളെല്ലാം പിരിഞ്ഞു പോയി.

ക്ഷീണം കാരണം ദേവ നേരത്തെ കേറി കിടന്നു.

ശരീരമാകെ വേദനിക്കുന്ന പോലെ തോന്നിയിട്ടാണ് അവൾ ഉറക്കിൽ നിന്നും എഴുന്നേറ്റത്.

തൊണ്ടവരളുന്ന പോലെ തോന്നിയതും ടേബിളിൽ ഇരിക്കുന്ന കൂജയെടുക്കാനായി എഴുന്നേറ്റു,

വേച്ചു വേച്ചാണ് അവൾ നടന്നത്.

കൂജയെടുത്തു വായിലേക്കൊഴിച്ചതും കണ്ണിൽ ഇരുട്ട് കയറുന്ന പോലെ അവൾക്ക് തോന്നി.

കയ്യിലിരുന്ന കൂജയോടൊപ്പം അവളും നിലത്തേക്ക് വീണു.

തുടരും...

✍️Rafeenamujeeb..

💕കാണാച്ചരട് 💕 - 8

4.5

9209

5 mins

💕കാണാച്ചരട് 💕 (a family love story ) ഭാഗം -08. ✍️Rafeenamujeeb. ================= " തലയ്ക്കു വല്ലാത്ത ഭാരം അനുഭവപ്പെട്ടപ്പോൾ ദേവ പാടുപെട്ട് മിഴികൾ തുറന്നു. മുകളിൽ കറങ്ങുന്ന ഫാനും ചുറ്റുമുള്ള കാഴ്ചകളും ഇതു തന്റെ റൂം അല്ല എന്ന് അവൾക്ക് വ്യക്തമായി. സംഭവിച്ചതെന്താണെന്ന് ഓർത്തെടുക്കാൻ ഒരു ശ്രമം നടത്തിയപ്പോഴാണ് തലേന്നുരാത്രി സംഭവിച്ച കാര്യങ്ങൾ അവളുടെ ഓർമ്മയിലേക്ക് വന്നത്. അവൾ ചുറ്റുപാടും ഒന്നു നോക്കി, തൊട്ടടു

Aksharathalukal

💕കാണാച്ചരട് 💕 - 7

💕കാണാച്ചരട് 💕 - 8