🤎🦋 പ്രണയാർദ്രം 🦋🤎

🤎പ്രണയാർദ്രം 🦋🤎

""""""കല്യാണം കഴിഞ്ഞ പിറ്റേ ദിവസം നടിയോട് ഭർത്താവ് ചെയ്തത് കണ്ടാൽ നിങ്ങൾ ഞെട്ടും...."""""

ശെരിക്കും ഞെട്ടാൻ വേണ്ടിയാണു തുമ്പി ആ യു ട്യൂബ് വീഡിയോ ഓപ്പൺ ചെയ്തത്

'മം.... കല്യാണം കഴിഞ്ഞ പിറ്റേന്ന് ഭാര്യയെ ഭർത്താവ് വിളിച്ചെഴുന്നേൽപ്പിച്ചു ചായ കൊടുത്തു അയിനാണ്... ഇവന്മാരുടെ ഊള ക്യാപ്ഷനും തമ്പ്നെയിലും.... '

ക്യാപ്ഷൻ കൊടുത്തവന്റെ പിതാമഹാന്മാരെ നന്നായിട്ട് ഒന്ന് സ്മരിച്ചു തുമ്പി... വേറെ ഓരോന്ന് നോക്കിക്കൊണ്ടിരുന്നപ്പോഴാണ് അമ്മ വിളിക്കുന്നത്

"തുമ്പി....... തുമ്പി......"

"ആഹ് അമ്മാ ദേ വരണു......"

തുമ്പി ഓടി അടുക്കളയിലേക്ക് ചെന്നു....

"ദേ പെണ്ണെ ഈ തേങ്ങയൊക്കെ ഒന്ന് ചിരകിയെ....."

തുമ്പി ഒരു ചിരിയോടെ തേങ്ങ ചിരകാൻ തുടങ്ങി

"അമ്മയ്ക്ക് ഞാൻ ഇവിടെ നിൽക്കുന്നത് കണ്ടൂടെ... എവിടെയോ നിന്ന അവളെ വിളിക്കണ്ട കാര്യമുണ്ടോ..."

തുമ്പിടെ ചേച്ചി അമ്മു അടുക്കളയിലേക്ക് വന്നു

"നിനക്ക് ഇന്നല്ലേ വിജയേട്ടന്റെ മോനെ കാണാൻ പോകേണ്ടത്.... അതിനു പോയി റെഡിയാക്....ആ കൊച്ചൻ പറഞ്ഞതുകൊണ്ടാ അല്ലെങ്കിൽ പെണ്ണുകാണൽ ഇവിടെ വെച്ചു നിന്റെ ചെറിയമ്മയെയും അമ്മാവന്മാരെയുമെല്ലാം വിളിച്ചു അർഭാടത്തോടെ നടത്തേണ്ടതല്ലേ...."

സിന്ധു ഒരൽപ്പം നിരാശയോടെ പറഞ്ഞു

"അതമ്മേ... എന്റെ കൂടെ തുമ്പി കൂടെ വന്നോട്ടെ... എനിക്ക് ഒറ്റയ്ക്ക് പോകാൻ ഒരു മടി..."

"മം... നീയാ തേങ്ങ തിരുകി വെച്ചിട്ട് അമ്മു മോളുടെ കൂടെ ചെല്ല് തുമ്പി... അവിടെ പോയി പ്രശ്നങ്ങളൊന്നും ഉണ്ടാക്കരുത് കേട്ടല്ലോ...."

തുമ്പി തലയാട്ടി ചേച്ചിടെ കൂടെ റൂമിലേക്ക് നടന്നു.... ഒരു ഫ്ലോറൽ ബേബി പിങ്ക് മാക്സി ഡ്രസ്സ്‌ ഇട്ട് തുമ്പി റെഡി ആയി.... റൂമിലേക്ക് വന്നപ്പോൾ അമ്മു ഒരാലോചനയോടെ ഇരിക്കുവാണ്....

"എന്താ എന്റെ ചേച്ചിക്കുട്ടിയെ ഇത്ര ആലോചന...."

തുമ്പി അമ്മുനെ ചുറ്റിപ്പിടിച്ചു ചോദിച്ചു

"ആകാശേട്ടനോട് ഇന്ന് പെണ്ണുകാണാൻ പോകുന്ന കാര്യം ഞാൻ പറഞ്ഞതുപോലുമില്ല.... പുള്ളിക്ക് എന്തെങ്കിലും ചെറിയ കാര്യം മതി ടെൻഷൻ ആവാൻ...."

"ആഹ് ബെസ്റ്റ് ഇതാണോ പെണ്ണുകാണൽ.... ചെറുക്കന്റെ പേര് പോലും അറിയില്ല.... അതുമല്ല പെണ്ണ് കാണാൻ പോകുന്നത് നീയല്ലല്ലോ ഞാനല്ലേ...."

പെട്ടെന്ന് അമ്മു തുമ്പിടെ വാ പൊത്തിപ്പിടിച്ചു....

"പതിയെ തുമ്പി... എനിക്ക് ആരുടെയും മുന്നിൽ ഒരുങ്ങികെട്ടി നിൽക്കാൻ വയ്യാത്തോണ്ടല്ലേ മോളെ....അതുമല്ല നീയാകുമ്പോൾ എല്ലാം നല്ലത് പോലെ കൈകാര്യം ചെയ്യില്ലേ....ഇതാകുമ്പോൾ നീ ഒന്ന് പോയി അയാളെ ഇഷ്ടമല്ലെന്ന് ഒന്ന് പറഞ്ഞാൽ മതി.... ഞാൻ പോയാൽ ചുമ്മാ ടെൻഷൻ അടിച്ചു എല്ലാം കുളമാക്കും...."

"ഓക്കേ ചേച്ചി... ഈ കല്യാണം മുടക്കുന്ന കാര്യം ഞാനേറ്റു... പക്ഷെ ചേച്ചി അച്ഛനോട് ഇന്ന് തന്നെ സംസാരിക്കണം... ചേച്ചിയും ആകാശേട്ടനും കഴിഞ്ഞ രണ്ട് വർഷമായിട്ട് പ്രണയത്തിൽ ആണെന്ന് തുറന്നു പറ.... അച്ഛന് മനസിലാകും ചേച്ചി... അച്ഛന് വേണ്ടിയല്ലേ ഇന്നീ നാടകം നമ്മൾ കളിക്കുന്നത് പോലും... അയാളെ നമുക്ക് ഒഴിവാക്കാം.... അച്ഛന്റെ കൂട്ടുകാരന്റെ മോനായത് കൊണ്ട് അധികം ഒന്നും ചെയ്യാൻ പറ്റില്ല... Trust me ചേച്ചി ആകാശേട്ടന്റെ കാര്യം അച്ഛൻ സമ്മതിക്കും...."

അമ്മു ഒരു ചിരിയോടെ തുമ്പിക്ക് സമ്മതം നൽകി...

ടൗണിലുള്ള ഒരു കോഫീ ഷോപ്പിലാണ് കാണാമെന്നു പറഞ്ഞത്.... കാണാൻ വരുന്ന ആളിന്റെ ഫോട്ടോ അമ്മ കൊടുത്തിട്ടും ചേച്ചി നോക്കിയില്ല... അവൾ നോക്കാഞ്ഞിട്ട് താനും നോക്കിയില്ല.... പക്ഷെ പോകാൻ നേരം അമ്മ നമ്പർ തന്നു.... അതിൽ വിളിച്ചു ആളെ കണ്ട് പിടിക്കണം... ചേച്ചിയെ കോഫി ഷോപ്പിന്റെ അടുത്തുള്ള ബുക്ക്‌ സ്റ്റാളിൽ നിർതിയിട്ട് തുമ്പി കോഫി ഷോപ്പിലേക്ക് വന്നു.....

കോഫി ഷോപ്പിന്റെ വാതിലിൽ നിന്നു അവൾ ആളെ വിളിച്ചു....

"ഹലോ..."

"ഹലോ... അത് ഞാൻ പെണ്ണ് കാണാൻ വരുമെന്ന് പറഞ്ഞില്ലേ... ഞാൻ അമൃതയാ....."

"ആഹ് ഓക്കേ ഞാൻ കയറി വരുന്നിടത്തു തന്നെയുണ്ട് ബ്ലാക്ക് ടീ ഷർട്ട്‌..."

ഫോൺ വെച്ചു തുമ്പി റെഡി ആയി.... ഇനി കുറച്ചു നേരത്തേക്ക് അഥിതി എന്ന താൻ അമൃതയാണ്... അവൾ ഒരു ദീർഘനിശ്വാസത്തോടെ കോഫി ഷോപ്പിന്റെ അകത്തേക്ക് കയറി....

അവിടെ കയറി ചെല്ലുന്നിടത് തന്നെ ഒരു ബ്ലാക്ക് ടീ ഷർട്ട്‌ പുറം തിരിഞ്ഞിരിക്കുന്നുണ്ട്.... ചുറ്റും നോക്കി അത് തന്നെയാളെന്ന് ഉറപ്പിച്ചു തുമ്പി അവന്റെ അരികിലേക്ക് നടന്നു... ഇത്ര നേരം ഇല്ലാതിരുന്ന വെപ്രാളം ഇപ്പോൾ തനിക്ക് അനുഭവപ്പെടുന്നത് അത്ഭുതത്തോടെ തുമ്പി തിരിച്ചറിഞ്ഞു.... ഹൃദയം വല്ലാതെ മിടിക്കുന്നുണ്ട്

"Excuse me...."

തുമ്പി വിളിക്കുന്ന കെട്ട് അയാൾ തിരിഞ്ഞു നോക്കി....തുമ്പിക്ക് പെട്ടെന്ന് ആളെ കണ്ടപ്പോൾ വല്ലാത്തൊരു പരവേശം തോന്നി... അവളുടെ കണ്ണുകൾ അവന്റെ ലൈറ്റ് ഹെസൽ മിഴികളിൽ കുരുങ്ങി കിടന്നു.... നല്ല വെളുത്ത ചെറിയ മുഖവും വെട്ടിയൊതുക്കിയ താടിയും മീശയും.... അവൾക്ക് അവനെന്തൊക്കെയോ പ്രത്യേകതകൾ ഉള്ള പോലെ തോന്നി.

"Hey am Akash...."

അത് കൊള്ളാം.... പെണ്ണ് കാണാൻ വന്നയാളിന്റെയും സ്നേഹിക്കുന്നയാളുടെയും എല്ലാം പേര് ഒന്നാണല്ലോ....തുമ്പി അവന്റെ എതിർവശത്തുള്ള ചെയറിലേക്കിരുന്നു...

"ഞാൻ അമൃത...."

"Tea or coffee..."

"Cofee...."

അവൻ രണ്ട് കോഫി ഓർഡർ ചെയ്തു.... തുമ്പി അവിടെ പ്ലേ ചെയ്യുന്ന മ്യൂസിക്കിൽ ശ്രദ്ദിക്കുകയായിരുന്നു അപ്പോൾ... അവളുടെ ഇഷ്ടഗാനം ആയിരുന്നു അപ്പോൾ അവിടെ പ്ലേ ചെയ്തു കൊണ്ടിരുന്നത്..... നിറം സിനിമയിലെ മിഴിയറിയാതെ എന്നുള്ള ഗാനം... തുമ്പി മുന്നിൽ ഇരിക്കുന്നയാളിനെ മറന്നു പാട്ടിൽ ശ്രദ്ദിച്ചു....

ഇതേ സമയം അവൻ അവളെ തന്നെ ശ്രദ്ദിക്കുകയായിരുന്നു.... അവളുടെ മുഖത്ത് നിന്നു കണ്ണെടുക്കാൻ അവനു തോന്നിയില്ല... പെട്ടെന്നാണ് അവളുടെ കഴുത്തിലായി ഒരു കുഞ്ഞ് മറുക് അവന്റെ ശ്രദ്ധയിൽ പെടുന്നത്.... അതിലേക്ക് എന്തോ ഒന്ന് തന്നെ ആകർഷിക്കുന്ന പോലെ അവനു തോന്നി

ബെയറെർ കോഫി കൊണ്ട് വന്നപ്പോഴാണ് അവർ രണ്ട് പേരും ചിന്തയിൽ നിന്നും ഉണർന്നത്... അവനെ ശ്രദ്ദിക്കാതെ ഇത്ര നേരവും മറ്റെന്തോ ശ്രദ്ദിച്ചിരുന്നതോർത്തു അവൾക്ക് ജാള്യത തോന്നി....

ഇത്രയും സുന്ദരനായ ഒരു ചെറുക്കന്റെ മുഖത്ത് നോക്കി ഇഷ്ടമല്ല എന്ന് പറയാൻ അവസരം ഉണ്ടായല്ലോ എന്നോർത്ത് അവൾക്ക് നിസ്സംഗത തോന്നി

"എനിക്കൊരു കാര്യം പറയണം..."

തുമ്പി പറയുന്നത് കെട്ട് അവൻ തലയുയർത്തി നോക്കി

"എനിക്ക് വേറെ ഒരാളെ ഇഷ്ടമാ... രണ്ട് വർഷമായിട്ട് ഞങ്ങൾ തമ്മിൽ ഇഷ്ടത്തിലാ... വീട്ടിൽ ഇത് വരെ പറഞ്ഞിട്ടില്ല.... വീട്ടിൽ എന്നേ ഇഷ്ടപെട്ടില്ലെന്ന് പറഞ്ഞാൽ മതി... പ്ലീസ് ഞാനിങ്ങനെ ഒന്നും പറഞ്ഞെന്ന് വീട്ടിൽ അറിയരുത്.... എന്റെ കാര്യം വീട്ടിൽ ഞാൻ തന്നെ പറഞ്ഞോളാം..."

താൻ പറഞ്ഞു നിർത്തിയപ്പോൾ അവന്റെ മുഖത്തൊരു നിരാശ മിന്നി മാഞ്ഞോ അതോ തനിക്ക് തോന്നിയതാണോ.....

"ആക്ച്വലി ഞാനും ഈ കല്യാണത്തിന് ഒട്ടും prepared അല്ലായിരുന്നു....താൻ വിഷമിക്കണ്ട... തന്നെ ഇഷ്ടമായില്ലെന്ന് ഞാൻ പറഞ്ഞോളാം..."

"എന്നാൽ ഞാൻ പോട്ടെ...."

തുമ്പിക്ക് എങ്ങനെയെങ്കിലും അവിടെ നിന്നൊന്നു പോയാൽ മതിയെന്ന് തോന്നിപോയി... വല്ലാത്തൊരു അസ്വസ്ഥത അവന്റെ അടുത്തിങ്ങനെ ഇരിക്കുമ്പോൾ......

അവൾ പുറത്തേക്കിറങ്ങി തന്റെ കണ്ണിൽ നിന്നും മായുന്ന വരെ അവൻ നോക്കി ഇരുന്നു... ഉള്ളിൽ ചെറിയൊരു നഷ്ടബോധം ഉണ്ടായോ......

പെട്ടെന്നാണ് ആരോ തോളിൽ തൊട്ടത്

"ആ കുട്ടി വന്നിട്ട് പോയോ..."

"മം പോയി.... She is so cute....."

അവനൊരു ചിരിയോടെ ആകാശിനോട് പറഞ്ഞു

"ആരവ്.... നിനക്ക് ഇഷ്ടമായെങ്കിൽ അവളോട് പറഞ്ഞുകൂടായിരുന്നോ നീ ആകാശ് അല്ല ആരവ് ആണെന്ന്.... വേറെ ഒരാളോട് പ്രണയം ഉള്ളത് എനിക്കല്ലേ... അത്കൊണ്ടല്ലേ ഈ കല്യാണം മുടക്കാൻ എനിക്ക് പകരം നിന്നെ ഇവിടെ ഇരുത്തിയത്.... നിനക്ക് അവളോട് എന്തെങ്കിലും സ്പെഷ്യൽ ഫീൽ ഉണ്ടായെങ്കിൽ അത് അവളോട് പറയാമായിരുന്നു...."

"Hey no man.... അവൾക്ക് വേറെ ഒരാളെ ഇഷ്ടമാണെന്നു... So..അഹ് അത് വിട്... നീ ഇന്ന് തന്നെ വീട്ടിൽ പറഞ്ഞു നിന്റെ അമ്മുന്റെ കാര്യം സെറ്റ് ആക്കിക്കോ... അല്ലെങ്കിൽ അച്ഛൻ ഇനിയും ഏതെങ്കിലും പഴയ ഫ്രണ്ട്സിനെ കാണും അവരുടെ മോളെ നിനക്ക് ആലോചിക്കും.... നിനക്ക് നല്ലൊരു ജോലി ഇല്ലേ ആകാശ്.... ധൈര്യമായി പറയെടാ അച്ഛൻ സമ്മതിക്കും....."

ആരവ് ആകാശിന്റെ കൈകൾ ചേർത്തു പിടിച്ചു....

അമ്മു കുറച്ചു മടിയോടെയാണെങ്കിലും അന്ന് രാത്രിയിൽ അച്ഛനോട് കാര്യങ്ങൾ തുറന്നു പറഞ്ഞു... ആകാശ് അവളുടെ ഫ്രണ്ടിന്റെ ഫ്രണ്ട് ആണ് അങ്ങനെയുള്ള പരിചയമാണ്.... സിറ്റി ബാങ്കിൽ മാനേജർ ആണ് അവൻ.... അച്ഛനെ പറഞ്ഞു സമ്മതിപ്പിക്കുന്നതിൽ അമ്മു വിജയിച്ചു.... അവൾ വിചാരിച്ച പോലെ കുഴപ്പം ഒന്നും ഉണ്ടായില്ല.... നാളെ തന്നെ ആകാശിനോട് വീട്ടുകാരെ കൂടി വരാൻ അച്ഛൻ അമ്മുനോട് പറഞ്ഞു... അയാൾക് കൂട്ടുകാരന്റെ മകന്റെ കാര്യത്തിൽ താല്പര്യം ഉണ്ടായിരുന്നെങ്കിലും ഇന്ന് പെണ്ണ് കണ്ട കഴിഞ്ഞപ്പോൾ ആ കുട്ടിക്ക് താല്പര്യം ഇല്ലെന്ന് പറഞ്ഞു.... എങ്കിൽ പിന്നെ മോളുടെ ഇഷ്ടം നോക്കട്ടെ എന്ന് ആയാളും കരുതി... തെറ്റ് ഒന്നും അവൾ ചെയ്യില്ല

അമ്മുന് ഒരുപാട് സന്തോഷം തോന്നി... തുമ്പിക്കും... അവൾ ആകാശിനോട് പിറ്റേന്ന് തന്നെ വീട്ടിലേക്ക് വരാൻ പറഞ്ഞു... അവിടെ സമ്മതിച്ചെന്നു അറിഞ്ഞപ്പോൾ ആകാശ് അവന്റെ വീട്ടിലും കാര്യങ്ങൾ അവതരിപ്പിച്ചു... അവിടെയും സമ്മതം കിട്ടിയപ്പോൾ ആകാശിനും ഒരുപാട് സന്തോഷം ആയി.... അപ്പോഴും ആരവിന്റെ ഉള്ളിൽ അവൾ ആയിരുന്നു.....

പിറ്റേന്ന് രാവിലെ തന്നെ അവർ അമ്മുന്റെ വീട്ടിലേക്ക് പുറപ്പെട്ടു... വീടിന്റെ വഴിയൊക്കെ അമ്മു പറഞ്ഞുകൊടുത്തിരുന്ന വഴിയേ ആകാശ് കാറോടിച്ചു പോയി.... വീട്ടിലേക്ക് അടുക്കും തോറും വിജയന്റെയും സിമിയുടെയും മുഖത്തെ ആകാംഷ വർദ്ദിച്ചു വന്നു... അത് ആരവും ആകാശും ശ്രദ്ദിക്കുന്നുണ്ടായിരുന്നു

വീട്ടിലേക്ക് കാർ ചെന്നു കയറിയപ്പോൾ തന്നെ അച്ഛന്റെയും അമ്മയുടെയും മുഖത്തെ ചിരി അവർ രണ്ടും ശ്രദ്ദിച്ചു... കാറിൽ നിന്നിറങ്ങിയവരെ കണ്ട് തുമ്പിയുടെ അച്ഛൻ രാഘവിന്റെയും അമ്മ സിന്ധുന്റെയും മുഖം ആശ്ചര്യത്താൽ വിടർന്നു.... തെല്ലു നേരത്തിനു ശേഷം രാഘവ് ഒരു ചിരിയോടെ ഇറങ്ങി വിജയനെ കെട്ടിപ്പിടിച്ചു....സിന്ധു സിമിയെയും... ഇതൊക്കെ കണ്ട് കിളി പോയി നിൽക്കുവാണ് ആരവും ആകാശും....

കൂടുതൽ ഒന്നും പറയാതെ അവരെയും കൂട്ടി അകത്തേക്ക് പോയി അമ്മുനെ വിളിച്ചു.... അങ്ങോട്ട് വന്ന അമ്മുവും ഇവരുടെ അടുപ്പം കണ്ട് അതിശയിച്ചു... ആകാശിന്റെ അച്ഛനും അമ്മയ്ക്കും തന്റെ അച്ഛനെയും അമ്മയെയും എങ്ങനെ അറിയാം എന്ന് അവൾ അതിശയിച്ചു.... അതെ അതിശയം തന്നെ ആയിരുന്നു ആകാശിനും ആരവിനും

ചേച്ചിക്ക് പിറകെ പലഹാരപത്രവുമായി വന്ന തുമ്പി അവിടെ ഇരുന്ന ആളെ കണ്ട് ഞെട്ടി... 'ഈശ്വരാ ഇതാണോ ചേച്ചിടെ ആകാശേട്ടൻ....'അവൾക്ക് ആകെ വല്ലാതെ തോന്നി.... എന്നാൽ അപ്പോഴേക്കും കാര്യങ്ങളുടെ കിടപ്പ് ആരവിന് ഏകദേശം പിടികിട്ടി

"അപ്പൊ മോനെ ആരവേ ഇന്നലെ പെണ്ണുകാണാൻ പോയപ്പോൾ നടന്നത് എന്താണെന്ന് നീ പറഞ്ഞോ... നീയാണല്ലോ ഇവന് കുരുട്ട് ബുദ്ദി പറഞ്ഞുകൊടുക്കുന്നത്.... ഇന്നലെ ആകാശും അമ്മു മോളും പരസ്പരം കണ്ടെങ്കിൽ ഞങ്ങൾ ഇന്ന് ഇങ്ങോട്ട് വരേണ്ടി വരില്ലായിരുന്നു....."

വിജയന്റെ ആക്കിയുള്ള പറച്ചിലിൽ ആരവ് എല്ലാം തുറന്നു പറഞ്ഞു... താനല്ല തുമ്പി ആണ് ഇന്നലെ അമ്മു ആയിട്ട് ചെന്നതെന്ന് അമ്മു കൂടി പറഞ്ഞപ്പോൾ എല്ലാവർക്കും കാര്യങ്ങൾ പിടികിട്ടി.... അമ്മുന്റെ അനിയത്തിയാണ് തുമ്പി എന്നറിഞ്ഞ ആരവിന് വല്ലാത്തൊരു ഭാരം ഒഴിഞ്ഞു പോയ പോലെ തോന്നി.... തുമ്പിക്കും....

വിവാഹക്കാര്യങ്ങൾ എല്ലാം പറഞ്ഞുറപ്പിച്ചാണ് അവർ അവിടെ നിന്നും പോയത്... അമ്മു നാണത്തോടെ അകത്തേക്ക് പോയപ്പോൾ സിന്ധു തുമ്പിയുടെ കയ്യിലെ തൊലി പിച്ചിയെടുത്തു.... വേദനകൊണ്ട് അവളുടെ കണ്ണിൽ നിന്നും പൊന്നീച്ച പറന്നു

"ഓരോ കുരുട്ടു ബുദ്ദിയുമായി വന്നേക്കുവാ അവൾ..."

അവർ ഓരോന്ന് പിറുപിറുത്തപ്പോൾ തുമ്പി ഒരു ചിരിയോടെ കണ്ണ് തുടച്ചു അവിടെ നിന്നും പോയി... ചേച്ചി പറഞ്ഞിട്ടാണ് അങ്ങനെയൊക്കെ ചെയ്തതെന്ന് അവൾ പറഞ്ഞില്ല... പറഞ്ഞാലും വിശ്വസിക്കില്ലല്ലോ

നിശ്ചയം ഒന്നും ഇല്ലാതെ കല്യാണം പെട്ടെന്ന് നടത്താൻ ആയിരുന്നു തീരുമാനം ....കല്യാണത്തിന്റെ ഡ്രെസ്സുകൾ എടുക്കാൻ വന്നതാണ് രണ്ട് വീട്ടുകാരും.... ഒരു ഗൗൺ എടുത്തു അതുമായി ട്രയൽ റൂമിലേക്ക് കയറിയതാണ് തുമ്പി... അമ്മുനെ പുറത്തു കാവൽ നിർത്തിയിട്ടുണ്ട്.... ഇടുപ്പിന്റെ മുകളിൽ നിന്നും സിപ് ആയത്കൊണ്ട് അവൾ അങ്ങനെ തന്നെ തിരിഞ്ഞു നിന്നു വാതിൽ തുറന്നു അമ്മുനെ വിളിച്ചു

സിപ് ഇട്ടതറിഞ്ഞു തിരിഞ്ഞു നോക്കിയ തുമ്പി ഞെട്ടി...പിറകിൽ ആരവാണ്.... പെട്ടെന്ന് അലറിവിളിക്കാൻ വന്ന അവളുടെ വാ പൊത്തി അവൻ ഭിത്തിയിലേക്ക് ചേർത്തു നിർത്തി

"അലറല്ലേ... നീയിങ്ങനെ വാതിലിന്റെ മുന്നിൽ വന്നു അലച്ചു കൂവിയത് കൊണ്ടാ ഞാൻ അത് ഇട്ടത്... Trust me ഞാൻ തെറ്റ് ആയിട്ട് ഒന്നും നോക്കിയിട്ടില്ല.... അമ്മു ആകാശിന്റെ അടുത്തേക്ക് പോയി...."

അവൻ പയ്യെ അവളിൽ നിന്നും അകന്നു മാറി പുറത്തേക്ക് പോകാൻ തുടങ്ങി

"And u look beautiful..... Like a doll...."

അവൻ പറയുന്നത് കെട്ട് അവൾ അതിശയത്തോടെ അവനെ തന്നെ നോക്കി... അവൻ അവിടെ നിന്നും പോയപ്പോൾ വല്ലാത്തൊരു സന്തോഷം തോന്നുന്നത് തുമ്പി അറിഞ്ഞു.....

പിന്നീട് ആരവിനെ അവൾ കണ്ടില്ല... ഒന്ന് കാണാൻ അവൾക്ക് കൊതി തോന്നിയെങ്കിലും അതവൾ അടക്കി നിർത്തി... തനിക് എന്താ സംഭവിക്കുന്നതെന്ന് അവൾക്ക് മനസിലായില്ല... ഇപ്പോൾ തന്റെ ചിന്തകൾ ഒന്നും തന്റെ നിയന്ത്രണത്തിൽ അല്ല....

കല്യാണത്തിന്റെ തലേന്ന് ഹൽദി ഫങ്ക്ഷന് ആകാശും വീട്ടുകാരും വന്നു... തുമ്പി അവരുടെ കൂടെ ആരവ് വന്നിട്ടുണ്ടോ എന്ന് പ്രതീക്ഷയോടെ നോക്കി... പക്ഷെ അവനെ മാത്രം കണ്ടില്ല.... കുട്ടികളുടെ കൂടെ സെൽഫി എടുത്തുകൊണ്ടു നിന്നപ്പോഴാണ് ആരോ തന്നെ ശ്രദ്ദിക്കുന്ന പോലെ അവൾക്ക് തോന്നിയത്.... തിരിഞ്ഞു നോക്കിയപ്പോൾ തന്നെ നോക്കി നിൽക്കുന്ന ആരവിനെ കണ്ട് ഉള്ളിൽ വല്ലാത്ത സന്തോഷവും നാണവും തോന്നി.... അവിടെ നിന്നു പോകുന്ന വരെ അവന്റെ കണ്ണുകൾ അവളിൽ തന്നെ ആയിരുന്നു.....

പിറ്റേന്ന് കല്യാണത്തിന് അമ്മുനെ ഒരുക്കിക്കഴിഞ്ഞു തുമ്പിയും നന്നായി ഒരുങ്ങി... എത്ര ഒരുങ്ങിയിട്ടും മതിയാകാത്ത പോലെ.... ചേച്ചിടെ കല്യാണം ഒരുപാട് സന്തോഷത്തോടെ തുമ്പി നോക്കിക്കണ്ടു... അതെ പോലെ തന്നെ വലംവെക്കുന്ന ആ ഹെയ്സൽ കണ്ണുകളും അവളുടെ ഉള്ളിൽ സന്തോഷം ഉളവാക്കി

"U look damn beautiful...."

എന്തോ ഓർത്തുകൊണ്ട് മാറി നിന്നിരുന്ന തുമ്പി പെട്ടെന്ന് കണ്ണ് തുടച്ചു ആരവിനെ നോക്കി... അവനൊരു സംശയത്തോടെ അവളെയും നോക്കി

"ചേച്ചി പോകുന്നത് കൊണ്ടാണോ..."

അവൾ തലയാട്ടിയപ്പോൾ അവനൊരു ചിരിയോടെ അവളോട് ചേർന്ന് നിന്നു

"സങ്കടപ്പെടണ്ട.... അതിനൊരു വഴിയുണ്ട്.... ഞാൻ കൊണ്ട് പോകട്ടെ വീട്ടിലേക്ക് എന്റെ പെണ്ണായിട്ട്....ഹേ.....I love u doll....."

തുമ്പി വല്ലാത്തൊരു വെപ്രാളത്തോടെ അവനെ നോക്കി

"I need u...എന്റെതാക്കാൻ വല്ലാത്തൊരു കൊതി തോന്നുന്നു...."

അവന്റെ കണ്ണുകൾ അവളുടെ കഴുത്തിലെ കുഞ്ഞ് മറുകിലായിരുന്നു അപ്പോഴും..... അവളാകട്ടെ അവന്റെ കണ്ണുകളിലും ആ നേരിയ സ്വരത്തിലും അവനിൽ നിന്നും വരുന്ന ഗന്ധത്തിലും സ്വയം മറന്നു പോയിരുന്നു... പക്ഷെ പെട്ടെന്ന് എന്തോ ഓർത്തത് പോലെ അവനെ തള്ളി മാറ്റി അവൾ അവിടെ നിന്നും പോയി.... അവനൊരു ചിരിയോടെ തിരികെ നടന്നു.....

തിരികെ വീട്ടിലേക്ക് വന്നപ്പോഴും ചേച്ചി പോയതിനേക്കാൾ മറ്റെന്തൊക്കെയോ തന്നെ അലട്ടുന്നത് തുമ്പി അറിയുന്നുണ്ടായിരുന്നു......

പിറ്റേന്ന് അമ്മുവും വീട്ടുകാരും വരുമെന്ന് അറിഞ്ഞു ആകെ സന്തോഷത്തിലാണ് തുമ്പി... രാവിലെ മുതൽ നല്ല പണിയാണ്... ആഹാരം പോലും കഴിച്ചിട്ടില്ല... ഇടയ്ക്ക് ഇടയ്ക്ക് ഷീണം തോന്നിയെങ്കിലും ചേച്ചി വരുന്ന സന്തോഷത്തിൽ തുമ്പി അതൊക്കെ മറന്നിരുന്നു... അവരൊക്കെ വരുന്നെന്നു അറിഞ്ഞു അങ്ങോട്ട് പോകാനായി നിന്ന തുമ്പിയെ തടഞ്ഞുകൊണ്ട് സിന്ധുന്റെ അനിയത്തി ബിന്ദു അവിടേക്ക് വന്നു

"നീയിത് എങ്ങോട്ടാ... ആ പപ്പടം മുഴുവൻ വറുത്തു വെച്ചിട്ട് അങ്ങോട്ട് വന്നാൽ മതി..."

തുമ്പിക്ക് സങ്കടം തോന്നിയെങ്കിലും അവൾ പെട്ടെന്ന് അത് ചെയ്യാൻ തുടങ്ങി ..... ചെറിയമ്മയ്ക്ക് പണ്ടേ തന്നെ ഇഷ്ടമല്ല.... അവൾ പപ്പടം വറുത്തുകൊണ്ട് നിന്നപ്പോഴാണ് ആരോ പിന്നിൽ നിന്നും ചേർത്തു പിടിച്ചത്

"ചേച്ചി പെണ്ണെ...."

"എന്താ തുമ്പി ഇത്.... ഞാൻ വന്നപ്പോഴാണോ ഇതൊക്കെ... ഇതൊക്കെ അവിടെ വെച്ചിട്ട് നീയിങ്ങ് വന്നേ.. നിന്നെ ഇപ്പോൾ അവിടെ ആവശ്യമുണ്ട്...."

ഫ്‌ളെയിം ഓഫ്‌ ചെയ്തു തുമ്പിയെയുമായി അമ്മു ഹാളിലേക്ക് പോയി.... അവിടെ എല്ലാവരും ഉണ്ടായിരുന്നു....

"ആഹ് മോള് വന്നല്ലോ.... ഞങ്ങൾ വിരുന്നിനു വന്നത് മാത്രമല്ല കേട്ടോ.... വേറൊരു കാര്യം പറയാനും കൂടെ വേണ്ടിയിട്ടാ.... തുമ്പി മോളെ ആരവിന് ഒരുപാട് ഇഷ്ടമാണെന്ന്.... നിങ്ങളുടെ അനുവാദത്തോടെ എന്റെ ആരവിനു വേണ്ടി തുമ്പിയെ ചോദിക്കാൻ കൂടിയാ ഞങ്ങൾ വന്നത്....."

സിമി പറഞ്ഞപ്പോൾ രാഘവനും വിജയനും പരസ്പരം സന്തോഷത്തോടെ കൈ കൊടുത്തു... ബിന്ദു ഒരു വല്ലാത്ത മുഖത്തോടെ സിന്ധുനെ നോക്കി.....

"അത് നടക്കില്ല സിമി.... ബിന്ദുന്റെ മോള്, ഞങ്ങളുടെ ചൈത്ര മോൾക്ക് വേണ്ടി ആരവിനെ ആലോചിക്കാൻ തീരുമാനിച്ചിരിക്കുകയാ... ചൈത്ര മോൾക്ക് ആരവ് മോനെ ഇഷ്ടമാ... അതെ നടക്കു...."

സിന്ധു തീർത്തു പറഞ്ഞപ്പോൾ ആരവിന് വല്ലാത്ത ദേഷ്യം തോന്നി.... അവൻ തുമ്പിയെ നോക്കിയപ്പോൾ വേറെ എങ്ങോട്ടോ ആണ് അവളുടെ നോട്ടം....

"അമ്മ എന്തൊക്കെയാ പറയുന്നേ.... ആരവിന് തുമ്പിയെയാ ഇഷ്ടം.... ചൈത്രക്ക് വേറെ ആരെയെങ്കിലും വിവാഹം നോക്കിക്കൂടെ.... നമ്മുടെ തുമ്പിക്ക് വേണ്ടിയല്ലേ അമ്മേ...."

അമ്മു വിഷമത്തോടെ പറഞ്ഞപ്പോൾ സിന്ധുവും ബിന്ദുവും ചൈത്രയും വല്ലായ്മയോടെ അവളെ നോക്കി

"നടക്കില്ല.... ചൈത്ര മോളും ആരവ് മോനുമായിട്ടുള്ള വിവാഹമേ നടക്കു..."

"സിന്ധു....."

രാഘവൻ ഒച്ചയെടുത്തിട്ടും അവർക്കൊരു മാറ്റവും ഉണ്ടായില്ല.....

"അത് നിങ്ങളാണോ തീരുമാനിക്കുന്നത്.... എനിക്കിഷ്ടം തുമ്പിയെയാ.....അവളെ വിവാഹം കഴിക്കുന്ന കാര്യം പറയാനാ ഞാൻ വന്നത്....അല്ലാതെ...."

ആരവ് ദേഷ്യത്തോടെ പറഞ്ഞപ്പോൾ തുമ്പി തലയുയർത്തി അവനെ നോക്കി.... അവളുടെ കണ്ണിൽ ഒരു നീർതിളക്കം അവൻ കണ്ടു.... ആ കണ്ണുകളിലൂടെ അവൾ തന്നോട് എന്തോ പറയാൻ ശ്രമിക്കുന്നത് പോലെ

"ഓഹ്.... നിനക്ക് ഇവളെ കല്യാണം കഴിക്കണോ.... പുതുശേരി വീട്ടിലെ രാഘവിന്റെ മോളായിട്ട് കണ്ടാണ് നീ ഇവളെ വിവാഹം കഴിക്കാൻ പോകുന്നതെങ്കിൽ അത് വേണ്ട.... കാരണം ഇവൾ ഞങ്ങളുടെ മകളല്ല..... എന്റെ ഭർത്താവിന് എവിടെ നിന്നോ കളഞ്ഞു കിട്ടിയ ഊരും പേരും അറിയാത്ത തന്തയും തള്ളയും ഇല്ലാത്ത ഒരുത്തിയാ ഇവൾ..... ഞങ്ങളുടെ ചൈത്ര മോളെക്കാൾ എന്ത്‌ യോഗ്യത ഉണ്ട് ഇവൾക്ക്....."

"അമ്മേ....."

അമ്മു ഒരിടർച്ചയോടെ വിളിച്ചപ്പോഴും അവർക്ക് ഒരു ഭവമാറ്റവും ഇല്ല... എല്ലാവരും ഞെട്ടിത്തരിച്ചു പോയിരുന്നു.... രാഘവിന് ഒന്നും പറയാൻ കഴിഞ്ഞില്ല.... ഒരു മരവിപ്പ് ആയിരുന്നു അയാൾക്ക് ചുറ്റും.....ആരവ് തുമ്പിയെ ഒന്ന് നോക്കിയപ്പോൾ അവനെ നോക്കി ചിരിക്കാൻ പാട് പെടുന്ന അവളെ കണ്ട അവനു ഹൃദയം പൊട്ടുന്ന പോലെ തോന്നി

"ഊരും പേരും അറിയാത്ത ഒരുത്തിയെ എന്റെ ഭർത്താവും മോളും സഹതാപത്തിന്റെ പേരിൽ ഇവിടെ കൊണ്ട് നിർത്തി.... ഭക്ഷണവും വെള്ളവും കൊടുത്തു വിദ്യാഭാസവും കൊടുത്തു ഇത്ര നാളും നോക്കി..... ഇപ്പൊ ഞങ്ങളുടെ മോൾക്ക് വന്ന നല്ലൊരു ആലോചന ഇവളെപോലൊരു തെണ്ടി പെണ്ണിനു വേണ്ടി വിട്ട് കൊടുക്കാൻ പറ്റില്ല....."

തുമ്പിക്ക് വല്ലാത്ത വേദന തോന്നി..നെഞ്ചിൽ ആരോ കുത്തുന്ന പോലെ....'തെണ്ടിപ്പെണ്ണ്'...

അമ്മയെന്നു സ്നേഹത്തോടെ മാത്രമല്ലെ വിളിച്ചിട്ടുള്ളു.... സ്വന്തം അമ്മ തന്നെ ആയിരുന്നു.... സത്യങ്ങൾ അറിയുന്നതിന് മുൻപും അങ്ങനെ തന്നെ അറിഞ്ഞപ്പോഴും അങ്ങനെ ആയിരുന്നു..... എങ്ങനെയൊക്കെ ദ്രോഹിച്ചാലും അമ്മ തന്റെ നല്ലതിന് വേണ്ടിയല്ലേ ചെയ്യുന്നത് എന്നോർക്കും....

എവിടെ ആയിരിക്കും തന്റെ അച്ഛനും അമ്മയും.... ഈ മോളിങ്ങനെ നെഞ്ച് പൊട്ടി നിൽക്കുന്നത് നിങ്ങൾ കാണുന്നുണ്ടോ.... എന്തിനാ എന്നേ വിട്ടിട്ട് പോയത്......

"മതി നിർത്തു.... കുറെ നേരമായല്ലോ നിങ്ങള്.... അവൾ നിങ്ങളുടെ മോളല്ലെങ്കിൽ വേണ്ട..... ഒന്നും കണ്ടും ആരെയും കണ്ടുമല്ല ഞാൻ അവളെ സ്നേഹിച്ചത്.... അവൾ ആരായാലും എനിക്ക് അവളെ മതി.... ആരും വേണ്ട അവൾക്ക് ഞാൻ നോക്കിക്കോളാം.... എന്റേതായിട്ട്....."

അവസാന വാചകങ്ങൾ പറയുമ്പോൾ അവന്റെ വാക്കുകൾ ഇടറി.....

"ഹും ഇപ്പൊ കണ്ടില്ലേ ചേച്ചി.... പാല് കൊടുത്ത കൈക്ക് തന്നെ കൊത്തി.... ഇങ്ങനെ ആർക്കും ഒരുപകാരവും ഇല്ലാതെ മറ്റുള്ളവർക്ക് ഭാര്യമായിട്ട് നിൽക്കാതെ പോയി പോയി ചത്തൂടെടി നിനക്ക്..... ആർക്ക് വേണ്ടിയാ ഇങ്ങനെ...."

ബിന്ദു ദേഷ്യത്തോടെ തുമ്പിയോട് പറഞ്ഞപ്പോൾ ആരവ് ദേഷ്യത്തോടെ ചതിയെണിറ്റു.... തുമ്പിയുടെ കൈ പിടിച്ചു രാഘവിന്റെ മുന്നിൽ നിർത്തി

"കൊണ്ട് പോകുവാ... എനിക്ക് നിങ്ങളോട് മാത്രമേ ചോദിക്കാൻ ഉള്ളു..."

പിന്നീട് അമ്മയെയും അച്ഛനെയും ആകാശിനെയും അമ്മുനെയെയും നോക്കി തുമ്പിയേയുമായി കാറിലേക്ക് കയറി പോയി

"ദേ നിങ്ങളിത് എന്ത് നോക്കിയിരിക്കുവാ.... അവൻ അവളെയും കൊണ്ട് പോയത് കണ്ടില്ലേ... പോയി തടയാൻ നോക്ക് മനുഷ്യാ... നമ്മുടെ ചൈത്ര മോള്...."

അവർ പറഞ്ഞു തീരുന്നതിനു മുൻപ് രാഘവന്റെ കൈകൾ അവരുടെ മുഖത്ത് പതിഞ്ഞു.... ശബ്ദിക്കരുത് എന്ന് ആംഗ്യം കാണിച്ചു.... അവർ പേടിയോടെയും നാണക്കേടോടെയും ചുറ്റും നോക്കിയപ്പോൾ തന്റെ സ്വന്തം മകൾ ഉൾപ്പെടെ ചിലരുടെ മുഖത്ത് വല്ലാത്ത സന്തോഷം അവർ കണ്ടു

ആരവ് തുമ്പിയേയുമായി പോയത് അവന്റെ ഗസ്റ്റ്‌ ഹൗസിലേക്കാണ്... അവിടെ ചെന്നിട്ടും തുമ്പി അനക്കമില്ലാതെ ദൂരേക്ക് നോക്കി ഇരിക്കുകയാണ്

"തുമ്പി.... ഒന്ന് നോക്കെടാ.... എനിക്ക് അത്രയ്ക്ക് ഇഷ്ടമായോണ്ടാ ഇങ്ങനെ ചെയ്തത്.... ഇനിയും നിന്നെ അവിടെ നിർത്തിയാൽ കൊല്ലാൻ പോലും മടിക്കില്ല ദുഷ്ടക്കൂട്ടങ്ങൾ.... എനിക്ക് നിന്നെ വേണം മോളെ.... ഇഷ്ടല്ലേ എന്നേ.... ഇങ്ങോട്ട് കൊണ്ട് വന്നത് ഇഷ്ടായില്ലെ....."

"ഞാൻ....എനിക്ക്....ആരൂല്ല... അമ്മയും അച്ഛനും ഒന്നുല്ല.... അമ്മ പറഞ്ഞത് കേട്ടില്ലേ.... ഞാൻ... ഞാൻ തെണ്ടി പെണ്ണാണെന്ന്......"

പെട്ടെന്ന് ആരവിന്റെ കണ്ണുനീർ തന്റെ കൈയിൽ വീണപ്പോൾ തുമ്പി നിറകണ്ണുകളോടെ അവനെ നോക്കി.... പെട്ടെന്ന് ഒരു പൊട്ടികരച്ചിലോടെ അവന്റെ മാറിലേക്ക് വീണു.... അവനെ ഇറുക്കെ പിടിച്ചു പൊട്ടിക്കരയുന്ന തുമ്പിയെ അവനും തന്നിലേക്ക് ചേർത്തുപിടിച്ചു ...അത്ര നാളത്തെ സങ്കടമെല്ലാം അവന്റെ നെഞ്ചിൽ അവൾ കരഞ്ഞു തീർത്തു...

പിറ്റേന്ന് രാവിലെ ഉണർന്നപ്പോൾ ഒരു സെറ്റ് സാരിയും ലക്ഷ്മി മാലയുടെ ഒരു സെറ്റും ടേബിളിൽ തുമ്പി കണ്ടു.... അവൾ കുളിച്ചിട്ട് വന്നു സാരിയുടുത്തു... പെട്ടെന്ന് റൂമിലേക്ക് അമ്മു വന്നു......അവൾ പൊട്ടികരഞ്ഞുകൊണ്ട് തുമ്പിയെ കെട്ടിപ്പിടിച്ചു

"എന്നോട് ഷെമിക്ക് മോളെ..... ആരൊക്കെ എന്തൊക്കെ പറഞ്ഞാലും നീ എന്റെ കുഞ്ഞനിയത്തിയാ എന്നും എപ്പോഴും......ഒത്തിരി ഇഷ്ട്ടാ കുഞ്ഞാ നിന്നെ.... ഒരുപാട്...."

"എനിക്ക് എല്ലാം നേരുത്തേ അറിയാമായിരുന്നു ചേച്ചി.... പക്ഷെ അമ്മ....."

അവളുടെ കരച്ചില് കണ്ട് അമ്മു അവളെ ചേർത്തുപിടിച്ചു അപ്പോഴാണ് രാഘവൻ അങ്ങോട്ടേക്ക് വന്നു..... അവളെ തന്റെ നെഞ്ചിലേക്ക് ചേർത്തു പിടിച്ചു തലയിൽ കൈ വെച്ചു അനുഗ്രഹിച്ചു

"എന്റെ മോളാ നീയ്.... പൊന്ന് മോള്... ഇന്നലെ അച്ഛൻ ഒരിക്കലും പ്രതീക്ഷിക്കാതെ ഓരോന്ന് നടന്നപ്പോൾ ഒന്ന് മിണ്ടാൻ പോലും സാധിക്കാതെ മരവിച്ചു പോയി.... അവൾക്കുള്ളത് ദൈവം കൊടുക്കും... അനുഭവിക്കും അവൾ.... മോൾക്ക് നല്ലൊരു ജീവിതം ഉണ്ട്.... ചേർത്തു പിടിക്കാൻ അവനെ പോലൊരാൾ.... അതല്ലേ മോളെ ജീവിതത്തിൽ ഏറ്റവും വലുത്....."

രാഘവൻ എന്തോ ഒന്ന് ആരവിന് കൊടുത്തെങ്കിലും അവനത് നിരസിച്ചു...അവന്റെ അച്ഛന്റെയും അമ്മയുടെയും അമ്മുന്റെയും ആകാശിന്റെയും രാഘവിന്റെയും സന്നിദ്യത്തിൽ ദേവി നടയിൽ വെച്ച് ആരവ് തുമ്പിയെ സ്വന്തമാക്കി.... നെറുകയിൽ സിന്ദൂരം അണിയിച്ചു അവളുടെ സീമന്ത രേഖയിൽ ചുംബിക്കുമ്പോൾ അവന്റെയും തുമ്പിയുടെയും കണ്ട് നിന്നവരുടെയും മനസ്സ് ഒരുപോലെ നിറഞ്ഞിരുന്നു

രാത്രിയിൽ തുമ്പി റൂമിൽ ഇരുന്നപ്പോഴാണ് ആരവ് അവിടേക്ക് വന്നത്.... അവളെയും കൂട്ടി ശബ്ദമുണ്ടാകാതെ താഴത്തേക്ക് വന്നു ബുള്ളറ്റ് എടുത്തു സ്റ്റാർട്ട്‌ ചെയ്യാതെ ഗേറ്റ് വരെ വന്നു... അവൻ ചെയ്യുന്നതൊക്കെ കണ്ട് അവൾക്ക് ചിരി വരുന്നുണ്ടായിരുന്നു.... റോഡിലെത്തി വണ്ടി സ്റ്റാർട്ട്‌ ചെയ്തു അവളോട് കയറാൻ പറഞ്ഞപ്പോൾ തുമ്പി പിറകിലേക്ക് അവനോട് ചേർന്നിരുന്നു

രാത്രിയിൽ ആ തണുപ്പത്തു അവനെയും ചേർന്നിരുന്നു ഏതോ സ്വപ്ന ലോകത്തിൽ എന്ന പോലെ അവളിരുന്നു

അവളെയും കൂട്ടി നേരെ ബീച്ച്ലേക്കാണ് അവൻ വന്നത്.... ആദ്യമായി രാത്രിയിൽ കടല് കണ്ട സന്തോഷത്തിലും അത്ഭുതത്തിലും അവൾ അവനെ നോക്കി

"നിനക്ക് കടലൊരുപാട് ഇഷ്ടമാണെന്ന് അമ്മു പറഞ്ഞിരുന്നു...."

അവനൊരു ചിരിയോടെ പറഞ്ഞപ്പോൾ തുമ്പി പയ്യെ കടലിന്റെ അടുത്തേക്ക് നടന്നു...രാത്രിയിൽ നിലാവിന്റെ സന്നിദ്യത്തിൽ കടലിന്റെ സൗന്ദര്യം ആസ്വദിക്കുമ്പോഴാണ് ആരവ് അവളെ പിന്നിൽ നിന്നും ചേർത്തു പിടിച്ചത്

"I love you❣️..."

അവളുടെ ചെവിക്കരുകിൽ ചുംബിച്ചുകൊണ്ട് അവൻ പറഞ്ഞപ്പോൾ കണ്ണുകൾ ഇറുക്കിയടച്ചു തുമ്പി ആ നിമിഷം ആസ്വദിച്ചു

അവളെ തിരിച്ചു നിർത്തി ആ കുഞ്ഞു മുഖം കയ്യിലെടുത്തു മൂർദ്ധവിൽ അമർത്തി ചുംബിക്കുമ്പോൾ അവരുടെ രണ്ട് പേരുടെയും കണ്ണുകൾ നിറഞ്ഞിരുന്നു

"നിനക്ക് ഞാനുണ്ട്.... നിന്നെ സ്നേഹിക്കാൻ ചേർത്തു പിടിക്കാൻ കൊഞ്ചിക്കാൻ സംരക്ഷിക്കാൻ എല്ലാത്തിനും ഞാനുണ്ട്.... ഇനി മുതൽ നിന്റെ അമ്മയായും അച്ഛനായും എല്ലാം എല്ലാമായും ഞാൻ കാണും തുമ്പി.... നിന്നെ മാത്രം മതിയെനിക്ക്.... I love u doll..love u so much....."

അവൻ അവളുടെ ഒരു കാല് തന്റെ ഇടുപ്പിലേക്ക് ചേർത്തു വെച്ചു... ഒരു ചിരിയോടെ തുമ്പി മറ്റേ കാലും അവന്റെ ഇടുപ്പിലേക്ക് ചേർത്തു രണ്ട് കാലും അവന്റെ ഇടുപ്പിൽ ചുറ്റിപ്പിണച്ചു വെച്ചു.......എണ്ണിയാൽ ഒടുങ്ങാത്ത അത്ര നക്ഷത്രങ്ങളെയും അവർക്കിടയിൽ പൂർണതയോടെ നിൽക്കുന്ന ചന്ദ്രനെയും ആർത്തലച്ചു തീരത്തെ പുല്കുന്ന തിരമാലകളെയും സാക്ഷി നിർത്തി തന്റെ പ്രണയം മുഴുവൻ പകർന്നു നൽകിക്കൊണ്ട് അവളുടെ ചുണ്ടുകൾ അവൻ കവർന്നെടുത്തു..... രണ്ട് പേരുടെയും ആത്മാവ് ആ ചുംബനത്തിലൂടെ ഒന്നായി മാറി.... അവളിൽ മുറുകുന്ന അവന്റെ കൈകളുടെയും അവനിൽ മുറുകുന്ന അവളുടെ കൈകളുടെയും മന്ത്രികതയിൽ ആ കാറ്റാടി മരങ്ങൾക്കിടയിൽ അവർ ഒരത്മാവായി ഒന്ന് ചേർന്നു ...... എന്നേക്കുമായി........ ❣️

അവസാനിച്ചു......... ❣️

Aksharathalukal

🤎🦋 പ്രണയാർദ്രം 🦋🤎

💕Princess Of Bad Boy 💕 - 12

അഭിമന്യു - ഭാഗം 9

ചായം

പ്രിയപ്പെട്ട പരേതാവ്"

മീനാക്ഷി Part 25