💕കാണാച്ചരട് 💕

( a family love story )

ഭാഗം -23

✍️Rafeenamujeeb..

=================

" മിന്നൽ ഗിരി "

അവനെ കണ്ടതും അശോകന്റെ മുഖത്തു അവൻ പോലുമറിയാതെ ഒരു ഭയം തെളിഞ്ഞു വന്നു.

ചുണ്ടുകൾ വരണ്ടു തൊണ്ടയിൽ ശ്വാസം കുരുങ്ങിയത് പോലെ തോന്നി.

അയ്യോ അപ്പോൾ സാറിനീ പാവങ്ങളെയൊക്കെ അറിയാവോ...?

ഗിരി ഒരു പരിഹാസത്തോടെ ചോദിച്ചു.

നീ ഗുണ്ടായിസം കാണിക്കാൻ ഇറങ്ങിയതാണോ ടാ ഗിരി, ഞാൻ ഒരു പോലീസ് ഓഫീസറാണെന്നുള്ള കാര്യം മറക്കണ്ട, ഞാൻ എന്റെ ഡ്യൂട്ടിയേ ചെയ്തിട്ടുള്ളു...

അയ്യോ സാർ എന്തുവാ ഈ പറയുന്നത്, ഈ ഗിരി അതൊക്കെ അങ്ങനെയങ്ങു മറക്കുവോ....?

ഒന്നും മറക്കുന്നവനല്ല ഈ ഗിരി അതു ഞാൻ അന്നേ പറഞ്ഞതല്ലേ...?

അപ്പോ സാറിനല്ലേ ആ കാര്യത്തിൽ സംശയം ഉണ്ടായത്, എങ്കിൽ പിന്നെ അതൊന്നു തീർത്തിട്ടാവാം ബാക്കി കാര്യം എന്നു വെച്ചു. ഗിരി രണ്ടു കയ്യും ഒന്ന് ചേർത്തു പിടിച്ചു കയ്യിലെ വിരലുകൾ തമ്മിൽ കോർത്തു പിടിച്ചു അതൊക്കെയെന്നു പൊട്ടിച്ചു ഒരു പുഞ്ചിരിയോടെ അശോകനരികിലേക്ക് വന്നു.

ഗിരി മുന്പോട്ടെടുക്കുന്നതിനനുസരിച്ച് അശോകൻ പുറകിലേക്ക് പൊയ്ക്കൊണ്ടിരുന്നു.

മദ്യത്തിന്റെ വീര്യം തലക്ക് പിടിച്ചത് കൊണ്ട് അയാളുടെ ചുവടുകൾ പിഴക്കുന്നുണ്ടായിരുന്നു.

പുറകോട്ട് പൊയ്ക്കൊണ്ടിരുന്ന അയാൾക്ക് തടസ്സമായി ഗിരിയുടെ സുഹൃത്തുക്കളും എത്തി.

ഓ ഹോ.., നീ ആളെ കൂട്ടി വന്നിരിക്കുകയാണല്ലേ അടിക്കാൻ,

അയാൾ ദേഷ്യത്തോടെ അവനോട് ചോദിച്ചു.

ഗിരിക്ക് തല്ലണമെങ്കിൽ ഒരാളുടെയും സഹായം വേണ്ട, ഒറ്റയ്ക്ക് കാര്യങ്ങൾ ചെയ്തു തീർത്താണ് പരിചയം, ഇവർ നിനക്കൊരു സഹായത്തിനാ, ഗിരി പുഞ്ചിരിയോടെ പറഞ്ഞു.

ഗിരി വേണ്ട, നിനക്ക് എന്തെങ്കിലും പറയാനുണ്ടെങ്കിൽ നാളെ സ്റ്റേഷനിലേക്ക് വാ കണക്കുകൾ നമുക്ക് നാളെ തീർക്കാം. ഈ രാത്രി എന്നെ വെറുതെ വിടണം..

നിന്റെ കണക്ക് ഞാൻ പിന്നീട് തീര്ക്കാന്നു വെച്ചു നിന്നതാ,പക്ഷെ നാളെ കഴിഞ്ഞാൽ എന്നെ വിശ്വസിച്ചു ഒരു പെണ്ണ് വരും കൂടെ, അവളെ ഇനി ഒരു കാര്യത്തിനും സങ്കടപെടുത്താൻ വയ്യ, ഒരടിപിടിക്കും ഇനി ഗിരി ഇല്ല... തന്റെ കണക്ക് തീർത്ത് എല്ലാം ഉപേക്ഷിക്കാനാണ് തീരുമാനം..

അപ്പൊ എങ്ങനെ നമുക്ക് തുടങ്ങാം അല്ലേ..?

ഗിരി അത് പറഞ്ഞപ്പോഴേക്കും അശോകൻ ആദ്യത്തെ അടി ഗിരിയുടെ മുഖത്തേക്കടിച്ചു കഴിഞ്ഞിരുന്നു.

ശോ ഇത്ര ധൃതി വെക്കുന്നതെന്തിനാ സാറെ സാറിന് ഞാൻ അവസരം തരില്ലേ പറഞ്ഞാൽ പോരെ. ഗിരി ഒരു പുഞ്ചിരിയോടെ അയാളിലേക്കടുത്തു.

ഗിരി അടുത്തെത്തിയതും അയാൾ വീണ്ടും അടിക്കാനായി കയ്യോങ്ങി.

തന്റെ നേർക്ക് വന്ന സിഐ അശോകന്റെ കൈ ഗിരി ഒരു കൈ കൊണ്ട് തന്നെ ചെറുത്തു നിർത്തി. മറുകൈ കൊണ്ട് അയാളുടെ കരണം നോക്കി ആഞ്ഞു കൊടുത്തു.

ഗിരിയുടെ അടിയിൽ അയാൾ പുറകിലേക്ക് വേച്ചു പോയി.

അപ്പോഴേക്കും ഗിരി ആയാളുടെ മറു കരണത്തുമാഞ്ഞൂ തല്ലി.

അടിയുടെ ശക്തിയിൽ അയാൾ പുറകിലേക്ക് വീണതും ഗിരിയുടെ കൂട്ടുകാർ ചേർന്ന് അയാളെ പിടിച്ചു നിർത്തി.

ഗിരി തന്റെ ദേഷ്യമടങ്ങുന്നതുവരെ അയാളെ പൊതിരെ തല്ലി, ചെറുത്തു നിൽക്കാൻ വേണ്ടി അയാൾ ഒരുപാട് ശ്രമിച്ചു. പക്ഷേ ഗിരിയുടെ മുൻപിൽ പിടിച്ചുനിൽക്കാനായില്ല.

ഒടുവിൽ ഗിരിയുടെ അടികൊണ്ട് തളർന്നു അയാൾ നിലത്തേക്കു ഊർന്നിറങ്ങി.

കഴിഞ്ഞില്ല തന്റെ ശിക്ഷ, തന്നെപ്പോലുള്ളവർ നിയമപാലകരായാൽ ആ നാട് തന്നെ നശിച്ചുപോകും, താനൊന്നും ഈ ജോലിക്ക് അർഹനല്ല, ഇനി നീ ഈ ജോലിയിൽ തുടരേണ്ട. ഗിരി അത് പറഞ്ഞ് കൂട്ടുകാരെ ഒന്ന് നോക്കി.

അവരെല്ലാവരും ചേർന്ന് അയാളെ താങ്ങിയെടുത്ത് നല്ലണം ശാന്തയുടെ വീട്ടിൽ കൊണ്ടിട്ടു.

കയ്യിലുണ്ടായിരുന്ന മൊബൈലിൽ രണ്ടുപേരുടെയും ഫോട്ടോ എടുത്ത ശേഷം അവരാ വീടിന്റെ വാതിൽ പുറത്തേക്ക് കുറ്റിയിട്ടു.

പിന്നീട് വിളിച്ചാളെക്കൂട്ടി, നാട്ടുകാര് മൊത്തം ആ വീട് വളഞ്ഞു, കൂട്ടത്തിൽ രണ്ടു മഞ്ഞപത്രക്കാരെയും വിവരമറിയിക്കാൻ അവർ മറന്നില്ല.

ആളുകൂടിയപ്പോൾ ഗിരിയും സുഹൃത്തുക്കളും അവിടെനിന്നും പോയി.

*******************************************

അതിരാവിലെ കുളികഴിഞ്ഞു ഈറൻ മുടി തുവർത്തി ബാൽക്കണിയിൽ നിൽക്കുകയാണ് ദേവ,

അവിടെ നിന്നും നോക്കിയാൽ ഗിരി താമസിക്കുന്ന ഗസ്റ്റ്‌ഹൌസ് കാണാം,

അവളവിടെ നിന്നും ഏന്തി വലിഞ്ഞു നോക്കിയിട്ടും ഗിരിയെ അവിടെയൊന്നും കാണാനില്ല.

അവളുടെ നോട്ടം കണ്ടു അങ്ങോട്ട് വന്ന ശ്വേത അവളെ കണക്കിന് കളിയാക്കി.

അവളോട്‌ ദേഷ്യം നടിച്ചു ദേവ താഴേക്ക് പോയി.

അടുക്കളയിൽ അമ്മായിമാരുണ്ട് രാവിലെത്തേക്കുള്ള ഭക്ഷണം തയ്യാറാക്കുന്നു.

അവളവിടെനിന്നും ഒരു പ്ലേറ്റ് എടുത്തു ഗിരിക്കുള്ള ഭക്ഷണം അതിലെടുത്തു ഗസ്റ്റ്‌ ഹൌസിലേക്ക് പോയി.

പുറത്തു അലക്ഷ്യമായി വലിച്ചെറിഞ്ഞ ന്യൂസ്‌ പേപ്പറും കയ്യിലെടുത്തു അവൾ വാതിലിനടുത്തേക്ക് നീങ്ങി.

പേപ്പറിൽ കണ്ട അശോകന്റെ ഫോട്ടോ ആണ് അവൾ ആ വാർത്ത വായിക്കാൻ കാരണമായത്.

അതിലുണ്ട് സി ഐ അശോകന്റെ ലീലാ വിലാസങ്ങൾ, മാധ്യമങ്ങൾ പൊടിപ്പും തൊങ്ങലും വെച്ചു തന്നെ എഴുതിപ്പിടിപ്പിച്ചിട്ടുണ്ട്, അതുകണ്ടപ്പോൾ തന്നെ അവൾക്ക് കാര്യം മനസ്സിലായി,

എന്നും അതിരാവിലെ എഴുന്നേൽക്കുന്ന ഗിരി ഇതുവരെ എഴുന്നേൽക്കാത്തതിന്റെ കാരണം.

അവൾ ആ കതകിൽ ആഞ്ഞു തട്ടി..

ഗിരി ഉറക്കച്ചടവോടെ എഴുന്നേറ്റ് വന്നപ്പോൾ മുന്നിൽ ഭദ്രകാളിയെ പോലെ നിൽക്കുന്നു ദേവ.

അവൻ സംശയത്തോടെ തന്റെ മുമ്പിൽ മുഖവും വീർപ്പിച്ചു നിൽക്കുന്ന ആളെ നോക്കി.

തുടരും.

കൊള്ളാവോ അറിയില്ല, എഴുതുന്നതൊന്നും മനസ്സിന് ഒരു സുഖം കിട്ടുന്നില്ല,നന്നായിട്ടില്ലേൽ പറയണം pls

✍️Rafeenamujeeb..

💕കാണാച്ചരട് 💕 - 24

4.9

7067

6 mins

💕കാണാച്ചരട് 💕 (a family love story ) ഭാഗം -24 ✍️Rafeenamujeeb.. ================== "എന്താ ടീ ഉണ്ടപ്പുഴു നോക്കി പേടിപ്പിക്കുന്നത്....? ഉണ്ടപ്പുഴു നിങ്ങളുടെ കെട്ട്യോൾ... ആ കെട്ടാൻ പോകുന്ന പെണ്ണിനെ തന്നെയാ വിളിച്ചേ അല്ലാതെ വല്ലവരുടെയും പെണ്ണിനെ വിളിക്കാൻ പറ്റോ,...? ദേ മനുഷ്യാ രാവിലെ തന്നെ നിങ്ങളെന്റെ കയ്യീന്ന് മേടിക്കും.. ദേവ ദേഷ്യത്തോടെ ഗിരിയെ നോക്കി പറഞ്ഞു . നീ രാവിലെ തന്നെ എനിക്ക് തരാൻ വന്നതാണോ..? മനുഷ്യന്റെ ഉറക്കവു

Aksharathalukal

💕കാണാച്ചരട് 💕 - 23

💕കാണാച്ചരട് 💕 - 24