ആ രാത്രിയിൽ...
✍️ 🔥 അഗ്നി 🔥
ഭാഗം : 15
""നാലപ്പാട്ട്... പ്രസാദ്..."" രണ്ടുപേരുകളും ശ്രീ മനസ്സിൽ ഉരുവിട്ട് കൊണ്ടേയിരുന്നു... എവിടെയോ കേട്ട് മറന്നത്പോലെ... അവൻ ഓർത്തെടുക്കാൻ ശ്രമിച്ചുകൊണ്ടേയിരുന്നു...
" എന്താ ശ്രീ വലിയ ആലോചനയിൽ ആണല്ലോ... " വസുന്ധര അവനോടായി ചോദിച്ചു.
" എവിടെയോ കേട്ട് മറന്നപേര്.... "
" അച്ഛൻ പറഞ്ഞു കേട്ടതായിരിക്കും കുട്ടി... "
" ആയിരിക്കാം.. " ഏതോ ഓർമയിൽ അവനും മറുപടി നൽകി.
" ഹ്മ്മ്.... "
" എന്നിട്ട്... ഇപ്പോഴും മെയിൻ ആളിലേക് കഥപറഞ്ഞു എത്തിയിട്ടില്ലാട്ടോ.... മഹാദേവൻ... എങ്ങനെ... " ശ്രീ വീണ്ടും ബാക്കി പറയുവാൻ വസുന്ധരയോട് പറഞ്ഞു.
ഒരു മൂളലോടെ വസുന്ധര തന്റെ ഭൂതകാലത്തിലേക്ക് മടങ്ങി.
💞💞💞💞💞💞💞💞💞💞💞💞💞
ഒരേ കോളേജിൽ അഡ്മിഷൻ എടുത്തത് കൊണ്ട് പ്രിയ എപ്പോഴും വാസുവിനൊപ്പം തന്നെ ഉണ്ടായിരുന്നു...
പതിവുപോലെ ബസിറങ്ങി വീട്ടിലേക്ക് നടക്കും വഴി കവലയിൽ ആൾക്കൂട്ടം കണ്ടാണ് ശ്രദ്ധ അങ്ങോട്ട് തിരിഞ്ഞത്...
" ഊരുതെണ്ടലൊക്കെ കഴിഞ്ഞു നാട്ടിൽ എത്തി എന്നറിയിക്കാൻ ഉള്ള പ്രഹസനം ആയിരിക്കും ആ പാവത്തിന്റെ മെക്കിട്ട് കയറി തീർക്കുന്നത്... " മുഷിച്ചിലോടെ പ്രിയ അവിടേക്ക് നോക്കി പറയുന്നത് കേട്ട് വസു കാര്യം മനസ്സിലാക്കാതെ അവളെ നോക്കി.
" നാട്ടിൽ എത്തിയിട്ടുണ്ട്.... അരീക്കൽ മഹാദേവൻ... ദാ കാണുന്നില്ലേ പാവം കണാരേട്ടനെ വറുത്ത് കോരുന്നത്.. ഒരു കാര്യോം ഇല്ലാണ്ടാവും ആ പാവത്തിനെ തല്ലുന്നത്... ആരും ചോദിക്കാൻ ചെള്ളില്ലെന്നുള്ള അഹങ്കാരം... "
" ആൾ അത്രേ വലിയ റൗഡി ആണോ..." വസു സംശയത്തോടെ ചോദിച്ചു..
" ഹ... നല്ല ചോദ്യം... തനി താന്തോന്നിയും തെമ്മാടിയുമാണ്.... കള്ളും കഞ്ചാവും... എന്തിന് പെണ്ണ് കേസ് വരെ ഉണ്ട്.... പണം ഉള്ളോണ്ട് ഇങ്ങനെ വിലസി നടക്കുന്നു... " പ്രിയ രഹസ്യമായി വാസുവിനോട് പറഞ്ഞു. പിന്നെ വേഗത്തിൽ അവളുടെ കൈയും പിടിച്ചു മുന്നോട്ട് നടക്കാൻ തുടങ്ങി.
" പതിയെ പോ പെണ്ണേ..." വസു അവൾക്ക് ഒപ്പം നടന്നുകൊണ്ട് പറഞ്ഞു.
" ഉവ്വ്... പതിയെ നടന്നു ആ അസുരന്റെ മുന്നിൽ പെടുന്നതും നല്ലത് ദാ വരുന്ന വണ്ടിക്ക് വട്ടം ചാടുന്നതാ..." നടത്തത്തിന്റെ വേഗത കുറയ്ക്കാതെ പ്രിയ മറുപടി നൽകി.
" ശ്രീപ്രിയ.... " അവൾ പറഞ്ഞു പൂർത്തിയാക്കി നാവ് അകത്തിടും മുന്നേ പിന്നിൽ നിന്നും മഹാദേവന്റെ ശബ്ദം ഉയർന്നിരുന്നു.
" എന്റെ ഈശ്വരാ... വിളിച്ചിട്ട് നിക്കാഞ്ഞാൽ... വലിയ പണിയാകും... " അതും പറഞ്ഞു പ്രിയ അവനെ തിരിഞ്ഞുനോക്കി ചുണ്ടുകളിൽ ഒരു പുഞ്ചിരി വരുത്തി.
" എന്താണ് പ്രിയേ... കണ്ടിട്ട് ഒരു പരിചയം ഇല്ലാത്തത് പോലെ ഒഴിഞ്ഞുമാറി പോകുന്നെ... " പ്രിയയ്ക്ക് അരികിലേക്ക് നിന്നുകൊണ്ടവൻ ചോദിച്ചു.
" അ.... അത് വീട്ടിൽ ചെന്നിട്ട്... അൽ... പ്പം തിരക്കുണ്ട്... അതോണ്ട്... " വിക്കി വിക്കി അവൾ പറഞ്ഞു.
" ഓ... അതാണല്ലേ.. ആട്ടെ ഇതാണോ വടക്കേമുറിയിൽ വാടകയ്ക്ക് വന്നവരുടെ കൂട്ടത്തിൽ ഉള്ളതാണോ... " വസുവിനെ ചൂണ്ടി കാണിച്ചുകൊണ്ട് അവൻ ചോദിച്ചു.
" അ... അതേ... "
" ഞാൻ വരുന്നുണ്ട്... പരിചയപെടാൻ " അതും പറഞ്ഞു മഹാദേവൻ തിരികെ നടന്നു.
തുടരും...
കുഞ്ഞു പാർട്ടാണെ... ഉറക്കം തൂങ്ങി എഴുതിയത് ആണ് എത്ര നന്നായി എന്നറിയില്ല.. വായിച്ചു നോക്കി അഭിപ്രായം അറിയിക്കണേ...
നാളെ അടിപൊളി ലെങ്ത് ഉള്ള പാർട്ടുമായി വരാം..,, 😍😍😍
.