💖പാർട്ട്‌ -2💖

ധ്വനിയുടെ കാർ ചെന്നു നിന്നത് ഒരു ഇരു നില വീടിനു മുൻപിൽ ആയിരിന്നു.... പുറത്തു മനോഹരമായി ഒരുക്കിയിരിക്കുന്ന ഒരു പൂന്തോട്ടം... പൂന്തോട്ടത്തിന്റെ ഭംഗി കൂട്ടാൻ അതിനു നടുവിലായി ഒരു ആമ്പൽ കുളം നിർമ്മിച്ചിരിക്കുന്നു.... ധ്വനി കാർ പാർക്ക്‌ ചെയ്തു പുറകിൽ ഇരിക്കുന്ന ദേവുവിനെയും ലെച്ചുവിനേയും നോക്കി.. ദേവുവിന്റെ തോളിൽ തല ചായിച്ചു ഉറങ്ങുക ആണ് ലെച്ചു ... ദേവുവും  കണ്ണുകൾ അടച്ചു കിടക്കുക ആണ്... കൃഷ്ണമണിയുടെ ചലനങ്ങളിൽ നിന്നു ദേവു ഉറങ്ങുക അല്ലെന്നു ധ്വനിയ്ക്ക് മനസിലായി... 

"ആലോചന കഴിഞ്ഞെങ്കിൽ ഇറങ്ങാം വീട് എത്തി... " ധ്വനി അവളുടെ ഡോർ തുറന്നു കൊണ്ട് പറഞ്ഞു.... അത് കേട്ടാണ് ദേവു കണ്ണുകൾ തുറന്നത്... ധ്വനിയെ നോക്കി ഒന്ന് ചിരിച്ചു എന്ന് വരുത്തി അവൾ ആദിയെ വിളിച്ചു.... 

"ആദീ.... എഴുന്നേറ്റേ.... ദേ വീട് എത്തി.... "ലെച്ചുവും ദേവുവും കൂടെ പുറത്തേക്കു ഇറങ്ങി.... 

അവർ പുറത്തേക്കു ഇറങ്ങിയതും കണ്ടത് ചിരിയോടെ അവരെ തന്നെ നോക്കി നിൽക്കുന്ന ഒരു സ്ത്രീയെ ആണ്... ദേവുവും ലെച്ചുവും അവർക്ക് അടുത്തേക്ക് ചിരിച്ചുകൊണ്ട് നടന്നു.... 

"മായമ്മേ... " അവർ ഇരുവരും ആ സ്ത്രീയെ കെട്ടിപിടിച്ചു കൊണ്ട് വിളിച്ചു... മായയും അവരെ രണ്ടിനെയും സ്നേഹത്തോടെ ചേർത്തുപിടിച്ചു... 

"യാത്ര ഒക്കെ എങ്ങനെ ഉണ്ടാരുന്നു മക്കളേ.... "

"കുഴപ്പം ഒന്നുമില്ലാരുന്നു മായമ്മേ... "ദേവു മറുപടി പറഞ്ഞു. 

"ആര് പറഞ്ഞു.... ചെറിയ കുഴപ്പം ഉണ്ട് മായമ്മേ... " ലെച്ചു ഇടയിൽ കേറി.. 

"എന്താ ലെച്ചു എന്താ പ്രശ്നം?? " മായ തിരക്കി.. 

"ദാ ഇത് തന്നാ പ്രശ്നം... " ദേവുവിന്റെ കയ്യിലെ മുറിവ് മായയെ കാട്ടി കൊടുത്തുകൊണ്ട് പറഞ്ഞു.. 

"ഇത് എന്താ ദേവൂ.. വന്നപ്പോഴേക്കും തുടങ്ങിയോ കുസൃതി??? "ദേവുവിനെ നോക്കി കപട ദേഷ്യത്തോടെ മായ ചോദിച്ചു. 

"അയ്യോ എന്റെ മായമ്മേ.... ഞാൻ ഒന്നും ചെയ്തേ അല്ല... ഇവളെ തട്ടി വീഴ്ത്താൻ വന്ന ഒരുത്തൻ ബാലൻസ് തെറ്റി എന്നെ ഇടിച്ചു ഇട്ടതാ..."ദേവു നിഷ്കളങ്കത വാരി കോരി ചൊരിഞ്ഞു കൊണ്ട് പറഞ്ഞു... നിനക്ക് ഞാൻ വെച്ചിട്ടുണ്ടെടി എന്ന ഭാവത്തോടെ ലെച്ചുവിനെ നോക്കുവേം ചെയ്തു ... 

"സ്നേഹ പ്രകടനം  ഒക്കെ കഴിഞ്ഞേൽ വീട്ടിലോട്ടു കയറാമരുന്നു.... " ദേവുവിനെ ചീത്ത കേൾക്കുന്നതിൽ നിന്നു രക്ഷിക്കാൻ ധ്വനി പറഞ്ഞു... 


"അയ്യോ അത് ഞാൻ മറന്നു.... അകത്തോട്ട് വാ മക്കളേ.... " മായ ലെച്ചുവിന്റെ കൈയും പിടിച്ചു അകത്തേക്ക് നടന്നു.... ദേവുവിന് മുറിവിൽ മരുന്ന് വെച്ചു കൊടുക്കണം മായ ധ്വനിയോട് പറയുകയും ചെയ്തു. 

"നൻപേൻടാ... 👭" ധ്വനിയുടെ തോളിൽ കൂടെ ചേർത്തു പിടിച്ചു ദേവു പറഞ്ഞു.... ധ്വനി ദേവുവിന്റെ വയറിൽ ഒന്ന് കിള്ളി കൊണ്ട് അവർ ഇരുവരും ഒരുമിച്ചു അകത്തേക്ക് കയറി.... 

കളിയും ചിരിയും ആയി സമയം കടന്നു പോയി..... ഇതിനു ഇടയിൽ ലെച്ചു അവർ എത്തിയ കാര്യം വീട്ടിൽ വിളിച്ചു പറഞ്ഞു.... ക്ഷീണം ഉള്ളത്കൊണ്ട് ലെച്ചു ആഹാരം കഴിച്ചിട്ട് ധ്വനിയുടെ മുറിയിൽ കിടക്കാൻ പോയി..... ദേവുവും ധ്വനിയും തകർത്തു പിടിച്ച സംസാരത്തിൽ ആണ്.... ഇവർക്ക് എന്താണോ ഇത്ര മാത്രം പറയാൻ ഉള്ളത്... എന്തേലും ഒക്കെ ഉണ്ടാവും അല്ലേ... 

ലെച്ചു ധ്വനിയുടെ മുറിയിലേക്കു കയറി... ആദ്യ നോട്ടത്തിൽ തന്നെ ലെച്ചുവിന്റെ കണ്ണുകൾ ഭിത്തിയിൽ വെച്ചിരിക്കുന്ന ഫോട്ടോ ഫ്രെമിൽ എത്തി നിന്നു... ലെച്ചു പതിയെ അതിനു അടുത്തേക്ക് നടന്നു.... പ്ലസ് ടുവിൽ പഠിക്കുമ്പോൾ അവർ മൂന്നും കൂടെ സ്റ്റുഡിയോയിൽ പോയി എടുത്ത ഒരു ഫോട്ടോ ആയിരുന്നു അത്.... ധ്വനിയ്കും ദേവുവിനും നടുവിൽ നിൽക്കുന്ന ലെച്ചു..... ആ ഫോട്ടോ നോക്കി നിൽക്കേ സന്തോഷം കൊണ്ട് ലെച്ചുവിന്റെ കണ്ണുകൾ നിറഞ്ഞു... ഒപ്പം ഓർമ്മകൾ ധ്വനിയും ആയി ഉള്ള ആദ്യ കൂടി കാഴ്ചയിലേക്ക് ഊളിയിട്ടു.... 



🥀🥀🥀🥀🥀🥀🥀🥀🥀🥀🥀🥀🥀🥀🥀🥀



ദേവുവും ലെച്ചുവും മാത്രം ഉള്ള ലോകത്തിലേക്കു അഞ്ചാം  ക്ലാസ്സിൽ വെച്ചാണ് ധ്വനി കൂടെ എത്തി ചേരുന്നത്.... ധ്വനിയുടെ അച്ഛൻ നാഥന് അവിടുത്തെ ബാങ്കിലേക്ക് സ്ഥലം മാറ്റം കിട്ടിയപ്പോൾ അയാൾ ഭാര്യയെയും മകളെയും കൂടെ കൂട്ടി.... പുതിയ സ്കൂളിലെ ആദ്യ ദിവസം ധ്വനി വളരെ ഒറ്റപ്പെടൽ അനുഭവിച്ചു... എല്ലാരും കൂട്ട് കൂടി നടന്നപ്പോൾ അവൾ മാത്രം ഒറ്റയ്ക്ക് ആയി.... കണ്ണുകൾ നിറഞ്ഞു വന്നപ്പോൾ ആണ് തന്റെ മുന്നിൽ ഒരു മിട്ടായിയും നിറചിരിയും ആയി നിൽക്കുന്ന ലെച്ചുവിനെ ധ്വനി കാണുന്നത്... തൊട്ടടുത്ത് ദേവുവും.... തങ്ങൾക്ക് ഇടയിലേക്ക് ഒരാൾ കൂടെ വരുന്നത് ദേവുവിന് ഇഷ്ടമായിരുന്നില്ല എങ്കിൽ കൂടി ലെച്ചുവിന്റെ വാശിയ്ക് മുന്നിൽ തോറ്റു കൊടുക്കേണ്ടി വന്നു ദേവുവിന്... അന്ന് മുതൽ അവരുടെ സൗഹൃദം വളർന്നു.... കുറച്ചു ദിവസങ്ങൾ കൊണ്ട് തന്നെ ദേവുവും ധ്വനിയും കുസൃതികളിൽ ഒരേ തട്ടിൽ ആണെന്ന് തെളിയിച്ചു... ഒപ്പം അവരുടെ എല്ലാം കുസൃതിയ്ക്കും മൂകസാക്ഷിയായി ലെച്ചുവും.... അങ്ങനെ അവർ മൂന്ന് ശരീരവും ഒരു മനസ്സും ആയി ജീവിച്ചു... അവർക്ക് ഇടയിലെ സൗഹൃദം കുടുംബങ്ങളിലേക്കും പടർന്നു..... പ്ലസ് ടു കഴിഞ്ഞപ്പോൾ ആണ് ധ്വനിയുടെ അച്ഛന് വീണ്ടും സ്ഥലം മാറ്റം വന്നത്.... ഏറെ വിഷമിച്ചു ആണ് അന്ന് അവർ വീട് മാറിയത്... അങ്ങനെ ധ്വനി അവളുടെ ഡിഗ്രി ഇവിടെയും ദേവുവും ലെച്ചുവും നാട്ടിലും ചെയ്തു... ധ്വനി പോയതിൽ ഏറെ വിഷമം ദേവുവിന് ആയിരുന്നു... അങ്ങനെ വീണ്ടും ഒരു ഒത്തുച്ചേരലിനു അവസരം കാത്തിരുന്നപ്പോൾ ആണ് പി ജി യ്ക്ക് ഇവിടെ അഡ്മിഷൻ എടുത്തത്... പ്ലാൻ ദേവുവിന്റെ ആയിരുന്നു... വീട്ടിലെ എതിർപ്പുകളെ ഒറ്റയ്ക്ക് നേരിട്ട് ദേവു വിജയം കൈ വരിച്ചു.... അങ്ങനെ ഇവിടേക്ക് ചേക്കേറി... 


കട്ടിലിൽ കിടന്നു ലെച്ചു ഫോട്ടോയിൽ തന്നെ ചേർത്തു പിടിച്ചിരിക്കുന്ന ദേവുവിന്റെയും ധ്വനിയുടെയും വീണ്ടും നോക്കി... 

"എന്നും ഇവർ ഇങ്ങനെ ആണ്....☺️എല്ലാത്തിലും നിന്നു എന്നെ പൊതിഞ്ഞു പിടിക്കും.... ഒരേ പ്രായം ആണേൽ കൂടി ചില നേരത്തെ കരുതൽ കാണുമ്പോൾ തോന്നും എന്റെ ദേവു എനിക്ക്   അമ്മയോ ഒക്കെ ആണെന്ന്.... ദേവു സ്നേഹിക്കുന്നതും കരുതുന്നതും കണ്ടു കണ്ടു ധ്വനിയും അങ്ങനെ തന്നെ ആയി.... അല്ലേലും അവരുടെ ഇഷ്ടങ്ങൾ എന്നും ഒന്നാണല്ലോ.വീണ്ടും ഒരുമിച്ചു ആവാൻ പറ്റിയത് ആണ് ഏറ്റോം വലിയ സന്തോഷം.. ആകെ സങ്കടം വീട്ടിലെ കാര്യം ഓർക്കുമ്പോഴാ..
പിന്നെ .....
വേണ്ടാ വെറുതെ ഓരോന്ന് ഓർക്കണ്ടാ... ദേവുവും ധ്വനിയും സന്തോഷിക്കുമ്പോൾ ഞാൻ ആയി അത് ഓരോന്ന് ഓർത്ത് ഇല്ലാണ്ട് ആക്കാൻ പാടില്ല.... "
മനസ്സിൽ ഓരോന്ന് ഓർത്ത് ലെച്ചു പതിയെ ഉറക്കത്തിലേക്കു വീണു... 




🥀🥀🥀🥀🥀🥀🥀🥀🥀🥀🥀🥀🥀🥀🥀🥀


ഇതേ സമയം പുറത്തു ഗാർഡനിൽ ദേവുവിന്റെ മടിയിൽ കിടക്കുകയാണ് ധ്വനി.... ദേവു നോട്ടം ദൂരേക്ക് പായിച്ചിരിക്കുകയാണ്.... 

"അപ്പൊ എന്താണ് പ്ലാൻ?? " ധ്വനി കണ്ണുകൾ അടച്ചു കിടന്നു തന്നെ ചോദിച്ചു.. 

"പ്ലാനോ എന്ത്‌ പ്ലാൻ?? " ധ്വനിയെ നോക്കാതെ ദേവു മറുചോദ്യം ചോദിച്ചു. 

"ഒന്നുമില്ലേ??? "

"ഇല്ലാ... "

"പിന്നെ എന്തിനാ കുറ്റിയും പറിച്ചു ഇങ്ങോട്ട് വന്നേ... "

"അത്.... അത് നിന്റെ കൂടെ നിൽക്കാൻ.. പിന്നെ ഒരു മാറ്റം വേണം എന്ന് തോന്നി.. "

"അതുകൊണ്ട് ആവും അല്ലേ ഈ ടൗണിൽ ഇത്രേം അടിപൊളി കോളേജ് ഉണ്ടായിട്ടും ഇവിടോന്നൊക്കെ മാറി 10കിലോമീറ്റർ ദൂരെ ഉള്ള കോളേജിൽ തന്നെ നിനക്ക് പഠിക്കണം എന്ന് വാശി പിടിച്ചത്.. "

"അത് ടൗണിൽ ഉള്ള കോളേജിനേക്കാൾ നമ്മുടെ കോളേജ് അടിപൊളി ആയതു കൊണ്ട് അല്ലേ... പിന്നെ നമുക്ക് ഹോസ്റ്റലിൽ നിലക്കല്ലോ.... ഇവിടെ ആണേൽ നാഥനച്ഛനും മായമ്മേം കാണില്ലേ... "

"മ്മ്മ്മ്മ്... "ധ്വനി ദേവുവിനെ ഒന്ന് ചൂഴ്ന്നു നോക്കി കൊണ്ട് മൂളി.. 


"എന്തേ. ... "


"മോളേ ദേവൂട്ടി നിന്റെ നമ്പർ ഒക്കെ നീ  ആദിയുടെ അടുത്ത് ഇറക്കിയാൽ മതി ... ഇങ്ങോട്ട് വേണ്ടാ..... "

"ഈ ഈ "

"അപ്പൊ സമയം കളയണ്ടാ പോരട്ടെ മണി മണി ആയി പോരട്ടെ... "

"ചങ്കേ നിന്നോട് പറയാത്തത് ആയിട്ട് എന്താടി എനിക്ക് ഉള്ളത്.... പക്ഷെ ഇതിപ്പോ പറയാൻ പറ്റില്ല... സമയം ആവട്ടെ... അത് വരെ നീ ഒന്ന് വെയിറ്റ് ചെയൂ മുത്തേ.... "ധ്വനിയെ നോക്കി കണ്ണിറുക്കി ദേവു പറഞ്ഞു.. 

"😏😏😏"

"പറയാടി കുറച്ചു ദിവസം നീ ഒന്ന് അടങ്ങ്... "

"മ്മ്മ്... ഓക്കേ.... "

അവർ വീണ്ടും പലതും സംസാരിച്ചിരുന്നു.. വൈകിട്ട് ആയപ്പോഴേക്കും ധ്വനിയുടെ അച്ഛൻ ബാങ്കിൽ നിന്നു തിരിച്ചെത്തി.... സംസാരങ്ങൾക് ഇടയിൽ നാളെ സ്റ്റാർട്ട്‌ ചെയ്യുന്ന ക്ലാസും വിഷയം ആയി... ഒടുവിൽ നാളെ ഫസ്റ്റ് ഡേ ആയത്കൊണ്ട് നാഥനച്ഛനും മായമ്മയും കൂടെ അവരെ കോളേജിൽ ആക്കാം എന്നു തീരുമാനിച്ചു... ഒപ്പം അവർക്ക് പോയി വരാൻ ബുദ്ധിമുട്ട് ആയതുകൊണ്ട് നാഥന്റെ കൂടെ വർക്ക്‌ ചെയുന്ന ഒരാളുടെ സുഹൃത്തിന്റെ വീട് വാടകയ്ക്കു  അവർക്ക് മൂന്ന് ആൾക്കും ആയി ശരി ആക്കി കൊടുത്തു... ഹോസ്റ്റൽ പ്രതീക്ഷിച്ച ധ്വനിയ്കും ദേവുവിനും അതൊരു ലോട്ടറി ആയി അനുഭവപ്പെട്ടു... 




🥀🥀🥀🥀🥀🥀🥀🥀🥀🥀🥀🥀🥀🥀🥀🥀

രാവിലെ തന്നെ എഴുന്നേറ്റു മൂവരും സംഘം കോളേജിലേക്ക് പോകാൻ റെഡി ആയി... ലെച്ചു ഒരു ചുവപ്പും മാങ്ങാ മഞ്ഞയും കലർന്ന ചുരിദാർ ആണ് ധരിച്ചത്... അതിന്റെ ഷോൾ രണ്ടു സൈഡിലും പിൻ  ചെയ്തിരിക്കുന്നു..  നീണ്ട മുടി മെടഞ്ഞിട്ടു... കണ്ണിൽ കണ്മഷി പുരട്ടി ഒരു കുഞ്ഞി പൊട്ടും വെച്ചു.. ഒരു കൈയിൽ വാച്ചും മറു കയ്യിൽ ഒരു വളയും ഇട്ടു...നെറ്റിയിൽ ചന്ദനവും ചാർത്തി... ദേവു പിസ്താ ഗ്രീൻ കളറിൽ റോയൽ ബ്ലൂ വർക്ക്‌ ഉള്ള ഒരു ലോങ്ങ്‌ കുർത്തയും റോയൽ ബ്ലൂ ലെഗ്ഗിങ്ങ്സും ആണ് വേഷം.... ലെച്ചുവിന്റെ വഴക്ക് ഓർത്ത് ഒരു ബ്ലൂ കളർ സ്കാർഫ് കഴുത്തിൽ കൂടെ ഇട്ടിട്ടുണ്ട്... നീളൻ മുടി മേടിഞ്ഞിടാതെ ബണ്ണ് ഇട്ടു അലസമായി ചുറ്റി കെട്ടിവെച്ചിരിക്കുന്നു...കണ്ണുകൾ വാലിട്ടെഴുതി ഒരു കുഞ്ഞി നീല പൊട്ടും കുത്തി....  ഒരു കയ്യിൽ വാച്ച് ഇട്ടു മറു കൈ ഒഴിച്ചിട്ടു.... ധ്വനി ഒരു യെൽലോ കളർ ടോപ്പും ഗ്രീൻ കളർ ആംഗിൾ ലെങ്ത് പാന്റുമാണ് ധരിച്ചത് .... അധികം നീളം ഇല്ലെങ്കിലും പട്ടുപോലെ പോലെ ഉള്ള മുടി അവൾ അഴിച്ചിട്ടു... കണ്ണുകൾ എഴുതിയിട്ടില്ല... വളരെ ചെറിയ ഒരു പൊട്ടു വെച്ചു ഒരു കയ്യിൽ വാച്ച് കെട്ടി മറു കൈയും കഴുത്തും  ഒഴിച്ചിട്ടു... ചോദിച്ചാൽ പറയും ബുദ്ധി ജീവികൾ ഇങ്ങനെ ആന്നെന്നു...പാവം കുട്ടി എന്താ ചെയ്യാ.... 🤷‍♀️

താഴേക്കു ഇറങ്ങി വന്ന ലെച്ചുവിനെ കണ്ടു മായയുടെ കണ്ണുകൾ വിടർന്നു... തോട്ടു പുറകെ ഇറങ്ങി വരുന്ന ദേവുവിനെയും ധ്വനിയെയും കണ്ടപ്പോൾ അത് മാറുകയും ചെയ്തു ഒപ്പം അവരെ രണ്ടിനെയും ഒന്ന് ഇരുത്തി നോക്കി മായ ലെച്ചുവിനെ കൂട്ടി  പുറത്തേക്കു നടന്നു... 

"ഇവൾ നമുക്ക് പണി ആവും ദേവുവേ... "ലെച്ചുവിനെ നോക്കി ധ്വനി പറഞ്ഞു. 

"ഇത്രേം കൊല്ലം നമ്മളുടെ കൂടെ നടന്നിട്ടും ഇവൾക്ക് ഒരു മാറ്റോം ഇല്ലല്ലോ ധ്വനി.... " ദേവു ഒരു നെടുവീർപ്പോടെ പറഞ്ഞു.. 

"അല്ലേലും എല്ലാ  കൂട്ടത്തിൽ ഒരു നല്ലവനായ ഉണ്ണി കാണുമല്ലോ   അളിയാ...അതിപ്പോ  നമ്മുടെ കൂട്ടത്തിൽ ദോ ലവൾ ആയി പോയി.... പിന്നെ ഞാനും നീയും ഒരു അമ്മ പെറ്റ അളിയന്മാരെ പോലെ ആയത്കൊണ്ട് ഒരു റിലാക്സെഷൻ ഉണ്ട്..."

"😁😁😁😁"


എല്ലാരും റെഡി ആയി ഇറങ്ങിയതും നാഥൻ വണ്ടി സ്റ്റാർട്ട്‌ ചെയ്തു..... മൂന്ന് പേരെയും കോളേജിൽ ഇറക്കി മായയുടെ വക ഒരു സെറ്റ് ഉപദേശവും കഴിഞ്ഞു. ക്ലാസ്സ്‌ കഴിയുമ്പോൾ കൂട്ടാൻ നാഥൻ വരാം എന്നും പറഞ്ഞു മായയും നാഥനും അവർക്ക് വേണ്ടി കണ്ടു വെച്ച വീട്ടിലേക്കു പോയി..... 

ദേവുവും ധ്വനിയും ലെച്ചുവും കോളേജിന്റെ ഫ്രന്റ്‌ ഗേറ്റിൽ നിന്നു ആകമാനം ഒന്ന് വീക്ഷിച്ചു..... ധ്വനിയും ദേവുവും തമ്മിൽ നോക്കി ഒന്നു ചിരിച്ചു... പക്ഷെ ലെച്ചുവിന്റെ മുഖം നിറയെ ടെൻഷൻ ആരുന്നു.... അത് കണ്ടു ദേവുവും ധ്വനിയും ലെച്ചുവിന്റെ ഓരോ കൈകൾ പിടിച്ചു മുന്നോട്ടു നടന്നു... 


തങ്ങളുടെ ജീവിതം മാറ്റി മറിയ്ക്കാൻ പോകുന്നവർ തങ്ങളെ കാത്തു ഉള്ളിൽ ഇരിക്കുന്നത് അറിയാതെ അവർ മുന്നോട്ടേക് നടന്നു..... 


(തുടരും........ )


 അഭിപ്രായങ്ങൾ പറയണേ.... കാത്തിരിക്കുന്നു.... 😊😊