💖പാർട്ട്‌ -3💖

ദേവുവിന്റെയും ധ്വനിയുടെയും നടുവിൽ ആയി ലെച്ചു കോളേജിന് അകത്തേക്ക് നടന്നു....... അവർ മൂന്നു പേരും ചുറ്റുപാടും ഒന്ന് വീക്ഷിച്ചു.. ഗേറ്റിൽ പാർട്ടിക്കളുടെ കൊടിക്കൾക്ക് ഇടയിൽ നവാഗതർക്ക് സ്വാഗതം എന്ന ബാനർ കെട്ടിയിരിക്കുന്നു... ഗേറ്റ് കടന്നു ചെല്ലുമ്പോൾ ഒരു സൈഡിൽ വിശാലമായ ഒരു ഗ്രൗണ്ട് ആണ്.... അവർ നിൽക്കുന്ന വഴിക്ക് ഇരു വശവും പാർട്ടികളുടെ കൊടിയുടെ നിറത്തിൽ ഉള്ള തോരണങ്ങൾ വെച്ചു അലങ്കരിച്ചിരിക്കുന്നു.... മുന്നോട്ടു നടന്നു ചെല്ലുമ്പോൾ ആ വഴി രണ്ടായി പിരിയുന്നുണ്ട്... അഡ്മിഷൻ എടുക്കാൻ വന്നപ്പോൾ തിരക്കിന് ഇടയിൽ എങ്ങോട്ടൊക്കെ ആണ് പോയതെന്ന് മൂന്നു പേർക്കും ഒരു ഓർമ്മയും ഇല്ല..... അവസാനം അതുവഴി പോകുന്ന ആരോടേലും ചോദിക്കാം എന്ന് അവർ തീരുമാനിച്ചു... 

"ദാ ആ കൊച്ചിനോട് ചോദിക്കാം... " ധ്വനി അവർക്ക് അടുത്തേക് നടന്നു വരുന്ന ഒരാളെ ചൂണ്ടി പറഞ്ഞു.. 

"അതെ കുട്ടി ഈ ഫസ്റ്റ് ഇയർ MBA ക്ലാസ്സ്‌ എവിടാണെന്ന് അറിയാമോ??? " ദേവു ആണ് ചോദിച്ചത്.. 

"അത് ദാ ഈ കാണുന്ന വഴിയേ പോയിട്ട് ഇടത്തോട്ട് തിരിഞ്ഞാൽ മതി.... " ആ കുട്ടി രണ്ടായി പിരിയുന്ന വഴിയിൽ വലത്തോട്ട് ഉള്ള വഴി ചൂണ്ടി പറഞ്ഞു.. 

"താങ്ക്‌യൂ... " ദേവു മറുപടിയായി പറഞ്ഞപ്പോൾ അവൾ ചിരിയോടെ നടന്നു അകന്നു.... 

മൂവർ സംഘം വലത്തോട്ട് തിരിഞ്ഞു പ്രകൃതി ഭംഗി ഒക്കെ ആസ്വദിച്ചു നടന്നു.... ഇരു വശവും  മരങ്ങൾ തിങ്ങി നിൽക്കുന്ന വഴി.... ഓരോ മരത്തിനു താഴെയും അതിന്റെ പേരും ബൊട്ടാണിക്കൽ നെയിമും ഒപ്പം അത് നട്ട വർഷവും എഴുതി വെച്ചിട്ടുണ്ട്..... 

"എവിടെ നിറയെ വിനീത് ശ്രീനിവാസന്റെ ഫാൻസ്‌ ആണെന് തോന്നുന്നു... "ധ്വനി പറയുന്നത് കേട്ടാണ് ദേവുവും ലെച്ചുവും ധ്വനിയെ ശ്രദ്ധിക്കുന്നത്.. 

"അതെന്താ ധ്വനി??? " അവൾ പറഞ്ഞത് മനസിലാവാതെ ലെച്ചു ചോദിച്ചു... 

"കണ്ടില്ലേ മലർവാടി എന്നു എഴുതി വെച്ചിരിക്കുന്നത്.... "ദൂരെ ഒരു ബോർഡിലേക്ക് ചൂണ്ടി ധ്വനി പറഞ്ഞു.... 

"ഓ രാവിലെ ഇങ്ങനെ ചളി വാരി എറിയാതെ എന്റെ ധ്വനി... "ദേവു ധ്വനിയെ പുച്ഛിച്ചു. 

"എന്ത്‌ ചെയ്യാനാ ഞാൻ കൂടെ ഉള്ളവരുടെ നിലവാരത്തിൽ ഉള്ള കോമഡി പറയാം എന്ന് കരുതി... " ധ്വനിയും വിട്ടുകൊടുത്തില്ല..... 

"തുടങ്ങി രണ്ടും കൂടെ..... " ലെച്ചു തലയ്ക്കു കൈയും കൊടുത്തു പറഞ്ഞു... 

"അല്ല എന്നാലും അവിടെ എന്താവും??? " ദേവു അവിടേക്ക് നോക്കി ചോദിച്ചു. 

"വല്ല ഗാർഡനും ആരിക്കും.... " 

അവർ അവിടേക്ക് നോക്കി സംസാരിച്ചുകൊണ്ട് നിൽക്കുമ്പോൾ ആണ് ധ്വനിയുടെ കണ്ണുകൾ തങ്ങളെ കൈ ആട്ടി വിളിക്കുന്ന ഒരാളിൽ പതിഞ്ഞത്... 

"ദേവൂ രാവിലെ പണി ആയെന്നാ തോന്നുന്നേ... "

"എന്താടി?? "

"അയാൾ നമ്മളെ അല്ലേ വിളിക്കുന്നേ എന്നൊരു സംശയം... "ധ്വനി പറഞ്ഞതും ദേവുവും ലെച്ചുവും അവളുടെ നോട്ടം പോയ സ്ഥലത്തേക്ക് നോക്കി... 

"സംശയം ഇല്ല നമ്മളെ തന്നെ... "ലെച്ചു പേടിയോടെ പറഞ്ഞു... 

"അതെ.... ത്രിമൂർത്തികൾ... നിങ്ങളെ തന്നെ ഇവിടേക്ക് വാ.... "അയാൾ വീണ്ടും അവരെ വിളിച്ചു... 

"വാ ഇനി ഇവിടെ നിന്നു താളം ചവിട്ടിയിട്ട് കാര്യം ഇല്ല.... ചെന്നു നോക്കാം... " ദേവു മറ്റവരെ നോക്കി പറഞ്ഞു... 

"എനിക്ക്... എനിക്ക് എന്തോ പേടി ആവുന്നു ദേവൂ.. " ലെച്ചു ദേവുവിനെ നോക്കി ധ്വനിയിൽ ഉള്ള  പിടിച്ചു മുറുക്കി.. 

"ഞങ്ങൾ ഉള്ളപ്പോഴോ.... നീ വാ പെണ്ണേ.... " ലെച്ചുവിന്റെ പുറത്തു ഒന്ന് തട്ടി പറഞ്ഞു ധ്വനി  മുന്നോട്ടു നടന്നു.... 

"ആദി... ചുമ്മാ പേടിക്കാതെ.... അവിടെ ചെന്നു  കരയാൻ വല്ലോം നിന്നാൽ ചവിട്ടി ഞാൻ നടു ഒടിക്കും പറഞ്ഞേക്കാം..." ദേവു കണ്ണുരുട്ടി ലെച്ചുവിനോട് പറഞ്ഞു.. 

"മ്മ്മ്മ്.... "

ധ്വനിയോടൊപ്പം അവരും മുന്നോട്ട് നടന്നു.... മലർവാടി  എന്ന് എഴുതിയിരിക്കുന്ന ബോർഡ്‌ കടന്നു അവർ അതിനു അകത്തേക്ക് കയറി..... കുറെ അധികം പൂക്കളും കുറ്റി  ചെടികളും നിറഞ്ഞു നിൽക്കുന്ന ഒരു പൂന്തോട്ടം... തെറ്റി ചെടികൾ ഭംഗിയായി വെട്ടി ഒതുക്കി നിർത്തിയിട്ടുണ്ട്... ഇരിക്കാൻ ആയി ഒരുക്കിയിരിക്കുന്ന സ്റ്റോൺ ബെഞ്ചിലൂടെ വള്ളി ചെടികൾ പടർന്നു നിൽക്കുന്നു... വള്ളി ചെടികളിൽ അങ്ങിങ്ങായി വിരിഞ്ഞു നിൽക്കുന്ന ചുവപ്പും വെള്ളയും പൂക്കൾ കാണാൻ തന്നെ ഒരു പ്രേത്യക ഭംഗി ആയിരുന്നു... കാഴ്ചകൾ കണ്ടു അവർ ലക്ഷ്യം സ്ഥാനത്ത് എത്തി.... 

ലെച്ചുവിന്റെ  ചുറ്റും പരതി ഓടി കൊണ്ടിരുന്നു കണ്ണുകൾ തങ്ങൾക്കു മുന്നിൽ ഇരിന്നു ഫോൺ നോക്കുന്ന ആളിൽ എത്തിയതും ഒരു നിമിഷം ഒരു വിടർന്നു... പെട്ടന്നു തന്നെ ലെച്ചു അത് സമർഥമായി മറച്ചു.... 

"ഫസ്റ്റ് യേർസ് ആണോ?? " അപ്പോഴേക്കും അവരെ അവിടേക്ക് വിളിച്ച ആൾ അവരോടു ചോദിച്ചു. 

"അതെ.... " ധ്വനിയാണ് അതിനു മറുപടി കൊടുത്തത്... 

"പിജി ആണോ അതോ യുജി ആണോ?? ഏതാ ഡിപ്പാർട്മെന്റ്?? "അയാൾ വീണ്ടും ചോദിച്ചു. 

"MBA ഫസ്റ്റ് ഇയർ .."ദേവു പറഞ്ഞു...

"ഓ... അപ്പൊ നമ്മുടെ ഡിപ്പാർട്മെന്റിലേക്ക് ആണ് അളിയാ.... " അതും പറഞ്ഞു അടുത്തിരുന്നു ഫോണിൽ നോക്കുന്ന ആളുടെ തോളിലേക് അവൻ കൈയിട്ടു..... അവൻ കൈ ഇട്ടതും ഫോണിൽ നിന്നു നോട്ടം മാറ്റി മുന്നിൽ നിൽക്കുന്നവരെ അവൻ നോക്കി.... ദേവുവിനെ കടന്നു അവന്റെ നോട്ടം തലതാഴ്ത്തി നിൽക്കുന്ന  ലെച്ചുവിൽ എത്തി അതിനു ശേഷം ധ്വനിയിലേക്ക് നീങ്ങിയ കണ്ണുകൾ വേഗം തന്നെ ലെച്ചുവിലേക്ക് മടങ്ങി എത്തി... ലെച്ചുവിനെ ഒന്ന് കൂടെ നോക്കിയതും അവന്റെ കണ്ണുകൾ ഒന്ന് കുറുകി.... ചെറുതായി അവൻ ഒന്ന് ചിരിച്ചു.... 

" അപ്പൊ എങ്ങനാ പേരും ഊരും ഒക്കെ പറയുവല്ലിയോ?? " അടുത്തിരുന്നവന്റെ ചോദ്യം കേട്ടതും അവൻ വീണ്ടും  കണ്ണുകൾ ഫോണിലേക്ക് ആക്കി... ശ്രദ്ധ അവരുടെ സംസാരത്തിലും വെച്ചു. 

"ഞാൻ ദേവപാർവതി "

"എ... എ..ന്റെ പേര് ആദിലക്ഷ്മി.... "ലെച്ചുവിന്റെ പേടിച്ചുള്ള സംസാരം കേട്ട് ഫോണിൽ നിന്നു അവന്റെ കണ്ണുകൾ അവളെ തേടി വീണ്ടും എത്തി... 

"ഞാ.... " ധ്വനി പറയാൻ തുടങ്ങിയതും ചോദ്യം ചോദിച്ചവൻ കൈ ഉയർത്തി അവളെ തടഞ്ഞു... 

"നിന്റെ പേര്  എനിക്ക് അറിയാം.... "

"ങേ.... "

"എന്തോ ഒരു സരസ്വതി എന്ന് അല്ലേ... "അതും പറഞ്ഞു അവൻ ചിരിച്ചു... 

"സരസ്വതിയോ?? " ധ്വനി കിളി പോയി നിന്ന് കൊണ്ട് ചോദിച്ചു.. 

"ആ അതെ... ഇവരുടെ പേരിൽ പാർവതിയും ലക്ഷ്മിയും ആയി ഇനി ഇപ്പൊ സരസ്വതി അല്ലേ ഒള്ളൂ. "അവൻ വീണ്ടും അത് പറഞ്ഞു ചിരിച്ചു.... 

"പേരിൽ ഇല്ല പക്ഷെ എല്ലാം കേട്ടിട്ട് വായിൽ കുറച്ചു വരുന്നുണ്ട്.... " ധ്വനി അവിടെ നിന്ന് പിറുപിറുത്തു... ലെച്ചുവിനും ദേവുവിനും  അവൾ പറയുന്നത് കേട്ട് ചിരി വരാനും തുടങ്ങി.. 

"വല്ലോം പറഞ്ഞോ...?? "അവൻ  ധ്വനിയോട് ചോദിച്ചു 

"ഇല്ലല്ലോ ... "നിഷ്കളങ്കത വാരി പൂശി ധ്വനി മറുപടി ആയി പറഞ്ഞു. 

"എന്നാ പേര് പറ... "അല്പം ഗൗരവത്തിൽ അവൻ പറഞ്ഞു.. 

"ധ്വനി.... " ധ്വനിയും കുറച്ചു കടുപ്പത്തിൽ പറഞ്ഞു... 

"അതിൽ വല്ലാത്ത ഒരു ധ്വനി ഇല്ലേ.... " ഒരു പുരികം ഉയർത്തി അവൻ അവളോട് ചോദിച്ചു... ധ്വനി എന്തോ പറയാൻ വന്നതും ലെച്ചു അവളുടെ കയ്യിൽ പിടിച്ചു അരുതെന്നു പറഞ്ഞു... 

"മ്മ്മ്മ്... അപ്പൊ എന്തായാലും നിങ്ങൾ പേര് പറഞ്ഞ സ്ഥിതിക്ക്  ... ഞങ്ങളും പേരും കൂടെ  പറയാം.... എന്നിട്ട് ആവാം ബാക്കി കലാപരിപാടികൾ... എന്തെ... "

"മ്മ്മ്മ്... "വലിയ താല്പര്യം ഇല്ലാതെ ധ്വനി ഒന്ന് മൂളി. 


"ഞാൻ മാനവ് ...എല്ലാരും മനു എന്ന് വിളിക്കും...  ഞങ്ങൾ MBA  സെക്കന്റ്‌ ഇയർ ആണ്....പിന്നെ  ഇത്... "

"വേണ്ടാ ഞാൻ തന്നെ പറയാം.... ഞാൻ അഭയ്... "ഫോണിൽ നിന്നു നോട്ടം മാറ്റി അവൻ പറഞ്ഞു.... ഒപ്പം ഒന്ന് പുഞ്ചിരിച്ചു... 


💭💭കട്ട താടിയ്ക്ക് ഇടയിൽ ചിരിക്കുമ്പോൾ മാത്രം തെളിയുന്ന നുണക്കുഴിയിൽ  നോക്കി വായും പൊളിച്ചു മൂവർ സംഘത്തിൽ ഒരാൾ  നിന്നു പോയോ??? അതോ മൂന്ന് പേരും അങ്ങനെ നിന്നോ????? വഴിയേ നോക്കാം അല്ലേ.....സമയം ഉണ്ടല്ലോ...  💭💭

"എല്ലാരും അച്ചു എന്ന് വിളിക്കും.... " മനു  കൂട്ടി ചേർത്തു... 

"😊😊" മൂന്ന് പേരും നന്നായി ഒന്നു ചിരിച്ചു കൊടുത്തു.. 

"ശരി നിങ്ങൾ ആരാ ഇപ്പൊ പാട്ട് പാടാൻ പോവുന്നേ?? " മനു വീണ്ടും ചോദ്യവും ആയി എത്തി. മൂന്നു പേരും മിണ്ടിയില്ല... 

"ആദ്യം നിൽക്കുന്ന ആൾ തന്നേ  പാടിക്കോ ?"മനു  ദേവുവിനെ നോക്കി പറഞ്ഞു... 

"എനിക്ക് പാടാൻ അറിയില്ല... " ദേവു എടുത്തടിച്ച പോലെ മറുപടി പറഞ്ഞു... 

"അപ്പോ എന്താ അറിയാവുന്നെ?? "അച്ചു ചോദിച്ചു. 

"വേണേൽ ഡാൻസ് കളിക്കാം...എന്തെ..... ഞാൻ ഡാൻസ് ആണ് പഠിച്ചിട്ട് ഉള്ളത്... "അവളുടെ എടുത്തടിച്ച പോലെ ഉള്ള സംസാരം അച്ചുവിനെ ചെറുതായി ഒന്ന് ചൊടിപ്പിച്ചു... 

"അപ്പൊ പാട്ട് ആരാ പഠിച്ചേ?? " മനുവിന്റെ  ആരുന്നു  ആ ചോദ്യവും .... 

"ഇവൾ.... " ദേവു ലെച്ചുവിനെ ചൂണ്ടി കാണിച്ചു.... അപ്പോൾ നിനക്ക് എന്തിന്റെ കേടാ ദേവു എന്നുള്ള എക്സ്പ്രഷൻ ഇട്ടു ലെച്ചുവും.... 

"അപ്പൊ നീ എന്തുവാ പഠിച്ചേ?? "മനു  ധ്വനിയോട് ചോദിച്ചു. 

"വരയ്ക്കാൻ... "

"എന്ത്‌ വളയ്ക്കാനോ "


"ഇയാളെ ഇന്ന് ഞാൻ..... 😡😡(ധ്വനി 💭💭)

വളയ്ക്കാൻ അല്ല വരയ്ക്കാൻ.... പിന്നെ അത്യാവശ്യം കരാട്ടെയും " മനുവിനെ  ഒന്നു ചെറഞ്ഞു  നോക്കി ധ്വനി പറഞ്ഞു.. 

"ധ്വനി വന്നപ്പോൾ തൊട്ടേ നിന്റെ ധ്വനി തീരെ ശരി അല്ലല്ലോ...."മനു  അവളോട്‌ നോട്ടം കണ്ടു പറഞ്ഞു... 

"ഞാൻ മൊത്തത്തിലെ തീരെ ശരി അല്ല.... എന്തേ.. "

"ധ്വനി..... "ബാക്കി അവൾ പറയുന്നതിന് മുൻപ് ദേവു ശാസനയോടെ അവളെ വിളിച്ചു... ശേഷം ധ്വനി മിണ്ടിയില്ല.... അത് കണ്ടു അച്ചുവും മനുവും  പരസ്പരം നോക്കി  ഒന്ന് ചിരിച്ചു.. 

"താൻ ഒന്നും മിണ്ടില്ലേ???? " അച്ചു ലെച്ചുവിനോട് ചോദിച്ചു. 

"മിണ്ടും.... " ചെറു ചിരിയോടെ ലെച്ചു മറുപടി കൊടുത്തു. 

"അപ്പൊ ആദി എങ്ങനാ പാടുവല്ലേ? "മനു  ലെച്ചുവിനോട് തിരക്കി... 

"ആദി അല്ല..ലെച്ചു.... " ദേവുവോ ധ്വനിയോ എന്തേലും പറയും മുൻപ് ലെച്ചു വേഗം മനുവിനെ  തിരുത്തി... ദേവു അത് കാൺകെ ലെച്ചുവിനെ നോക്കി ദഹിപ്പിക്കുന്നുണ്ട്... ഒപ്പം ധ്വനിയും.... 

"ഓക്കേ ലെച്ചു... ഇത് ലെച്ചു ഇത് ധ്വനി.. അപ്പൊ ഇയാളോ ദേവി ആണോ ??? "

"ദേവിയോ.....ഞാൻ ദേവി ഒന്നും അല്ല... ദേവപാർവതി ആണ്... അങ്ങനെ വിളിച്ചാമതി... "ദേവു അല്പം ദേഷ്യത്തോടെ പറഞ്ഞു.... ധ്വനിയിലും അതെ ദേഷ്യം ഉണ്ടെന്നു ലെച്ചു ശ്രദ്ധിച്ചു... 

"അത് അല്പം വലിയ പേര് അല്ലേ... അപ്പൊ അത് വേണ്ടാ... " മനു വീണ്ടും പറഞ്ഞു... 

"ദേവു....അങ്ങനെയാ എല്ലാരും വിളിക്കുന്നേ... " ലെച്ചു മറുപടി നൽകി... 

"അപ്പൊ ദേവു, ലെച്ചു, ധ്വനി " മനു ഓരോരുത്തരെ ചൂണ്ടി പറഞ്ഞു... 

"ഞങ്ങൾ പൊയ്ക്കോട്ടേ ചേട്ടാ..... ക്ലാസിനു സമയം ആയി... " ദേവു സംസാരം തുടരാൻ താല്പര്യം ഇല്ലാതെ ചോദിച്ചു... 

"മ്മ്മ്.... ഇപ്പൊ പൊയ്ക്കോളൂ... ലെച്ചു ഇനി കാണുമ്പോൾ പാട്ട് പാടാണെ.... " മനു  ഓർമിപ്പിച്ചു.. 

ലെച്ചു മറുപടി പറയുന്നതിന് മുന്നേ തന്നേ  ധ്വനി അവളെ വലിച്ചു കൊണ്ട് പോയിരുന്നു... ദേവു അവർ പോകുന്നത് ഒരു നിമിഷം നോക്കി നിന്നു.... അറിയാതെ എപ്പോഴോ അവിടെ ഉള്ള സംസാരങ്ങളിൽ നിന്നു  മനസ്സിൽ തോന്നിയ ഒരു ദേഷ്യം ലെച്ചുവും ആയി പോവുന്ന ധ്വനിയെ കണ്ടു പതിയെ ഒരു ചിരിയായി.... ദേവുവും പതിയെ അവർക്ക് പുറകെ നടന്നു.... അവർ മൂന്നും നടന്നു അകലുമ്പോൾ അച്ചുവിന്റെയും മനുവിന്റെയും  ചുണ്ടിൽ ഒരു ചിരി തങ്ങി നിന്നു... അത് അവർ പരസ്പരം കാണാതെ മറയ്ക്കുവേം ചെയ്തു... 




❣❣❣❣❣❣❣❣❣❣❣❣❣❣❣❣



അച്ചുവും മനുവും  ക്ലാസ്സിൽ ഇരിക്കുമ്പോൾ ആണ് അവരുടെ ഫ്രണ്ട് ആയ മാധവ് എന്നാ മാധു അവരുടെ അടുത്തേക്ക് വന്നത്.... 

"എന്താണ് രണ്ടുപേർക്കും ഒരു ആലോചന?? "മാധു അവർക്ക് അടുത്തേക്ക് ഇരുന്നു ചോദിച്ചു.. 

"നീ ഇതുവരെ എവിടെ ആയിരുന്നു..? " മറുപടി പറയാതെ അച്ചു മറു ചോദ്യം ചോദിച്ചു.. 

"അത് ഞാൻ ഒരാളെ കാണാൻ പോയി...."

"ആരെ??? "

"കുറച്ചു കഴിയട്ടെ മനു  കാണിച്ചു തരാം..."

"മ്മ്മ്മ്.... " അച്ചുവും മനുവും ഒരുമിച്ചു മൂളി.. 

"ഫസ്റ്റ് ഇയർ പിള്ളേർ വന്നോ??? കണ്ടോ നിങ്ങൾ ആരെയെങ്കിലും?? " മാധു ആവേശത്തോടെ തിരക്കി... 

"എന്താ ഒരു ആവേശം.... മുറപ്പെണ്ണും ആയി കല്യാണം വാക്ക് പറഞ്ഞത് ഓർമ ഉണ്ടോ ആവോ?? "മനു മാധുവിനോട് ചോദിച്ചു. 

"ശെടാ... കല്യാണം വാക്ക് പറഞ്ഞതുകൊണ്ട് ഒരു ദർശന സുഖം പോലും പറ്റില്ലേ.... "മാധു പരിതപിച്ചു.. 

"ലേശം ഉളിപ്പ് ഉണ്ടോ ഹേ..... " മനു വീണ്ടും മാധുവിനെ പുച്ഛിച്ചു.. 

"കുറച്ചു കുറവാ.... 
നീ ഒകെ ആരേലും കണ്ടോ അത് പറ.... "

"മ്മ്മ് കണ്ടു... രണ്ടു കാന്തിരി മുളകും ഒരു പൂച്ച കുട്ടിയും.... " മനു അത് പറഞ്ഞതും അച്ചു അവനെ നോക്കി ഒന്ന് ചിരിച്ചു. 

"എന്തോന്നാ എന്തോന്നാ??" 

"അതേടാ..... മൂന്ന് പെൺപിള്ളേരെ പരിചയപെട്ടു... രണ്ടെണ്ണം കാഞ്ഞ വിത്തുകൾ ആണ് ... ഫസ്റ്റ് ഡേ അല്ലേ ഒന്ന് വിരട്ടാം എന്നൊക്കെ വിചാരിച്ചു പലതും ചോദിച്ചു... എവിടെ അവളുമാർ കട്ടയ്ക് നിന്നു... ഒന്നു പറഞ്ഞാൽ നാല് തിരിച്ചു പറയും... പിന്നെ ഉള്ള ഒരാൾ പഞ്ച പാവം... " മനു ഒരു ചിരിയോടെ പറഞ്ഞു..

"കാണാൻ എപ്പടി??? "

"തെറ്റ് പറയരുതലോ... മൂന്നിനും മുടിഞ്ഞ സൗന്ദര്യം ആണ്.....മുഖത്ത് നല്ല ഐശ്വര്യവും... " പക്ഷെ അവരുടെ സംസാരങ്ങൾ ശ്രദ്ധിക്കാതെ അച്ചുവിന്റെ മനസ്സിൽ വേറെ ചില ചിന്തകൾ സ്ഥാനം പിടിച്ചു..... 

മനു മാധുവിനു അവരുമായി സംസാരിച്ച ഓരോ കാര്യവും പറഞ്ഞു ചിരിക്കുക ആണ്.... എന്നാൽ അച്ചുവിന്റെ മനസ്സ് മറ്റെവിടോ കുടുങ്ങി കിടന്നു.... 

"ധ്വനി അവളാണ് മെയിൻ ഉടക്കുകാരി.. കാണാൻ നമ്മുടെ സാമന്ത ഇല്ലേ അതുപോലെ ഒക്കെ... കണ്ടാലേ അറിയാം ഒരു നടയ്ക്കു പോവില്ല എന്ന്.. 

പിന്നെ ദേവി.. ഉയ്യോ അല്ല ദേവു.... അവളെ കണ്ടാൽ..... 
മ്മ്മ്.... അനുഷ്ക ഇല്ലേ അവളെ പോലെയാ... അത്ര ഉയരം ഇല്ല എന്നാ കാണാൻ അങ്ങനെ ഒക്കെയാ....സാരി ഉടുത്തു അനുഷ്ക പെട്ടന്നു ഫൈറ്റ് ചെയുമ്പോൾ ആദ്യം ഉണ്ടാവുന്ന ഒരു ഞെട്ടൽ  ഇല്ലേ അതുപോലെ..... വേഷം കണ്ടാൽ പാവം ആണെന്ന് തോന്നും പക്ഷെ സ്വഭാവവും സംസാരവും അത്  ധ്വനിയെ പോലെ തന്നാ... 

അടുത്തത് ആണ് പൂച്ച കുട്ടി... ലെച്ചു.... വേഷവും സംസാരവും എല്ലാം കൊണ്ടും പാവം.. കണ്ടാൽ.. 
നമ്മുടെ കീർത്തി സുരേഷ് ഇല്ലേ അതെ പോലെ.... " മനു പറഞ്ഞു നിർത്തി... മാധു എല്ലാം കേട്ട് ആലോചനയിൽ ആരുന്നു.... 

"എന്താടാ നീ ആലോചിക്കുന്നേ... "മനു മാധുവിനെ തട്ടി വിളിച്ചു ചോദിച്ചു.. 

"ഏയ്... ഒന്നുമില്ലടാ... 

അല്ല അച്ചു എന്നാ വിച്ചു വരുന്നേ?? "

"രണ്ടു ദിവസം കൂടെ കഴിയും... "ചെറു ചിരിയോടെ അച്ചു പറഞ്ഞു.. 

"എന്താണ് ഒരു പതിവില്ലാത്ത ചിരി ഒക്കെ?? "മാധു അച്ചുവിനെ കിള്ളി കൊണ്ട് ചോദിച്ചു.. 

"മ്മ്മ്... ഞാനും ശ്രദ്ധിച്ചു.... രാവിലെ മുതൽ ഒരു ഇളക്കം.. "മനു മാധുവിനെ പിൻതാങ്ങി.. 

"എനിക്ക് ഒന്ന് ചിരിക്കാനും പറ്റില്ലേ "

"ചിരിച്ചോ ചിരിച്ചോ... ഇത്ര നാൾ നീ തന്നേ ചിരിക്കും എന്ന് ഞങ്ങൾക്കും ഒന്ന് കാണണം.. "മനു പറഞ്ഞു.. 

"പോടാ തെണ്ടികളെ... "

അച്ചു അവരെ പുച്ഛിച്ചു മുഖം തിരിച്ചു.... അപ്പോഴും അവന്റെ ചുണ്ടിൽ ഒരു ചിരി നിറഞ്ഞു നിന്നിരുന്നു.... സ്വന്തം ആയതു എന്തോ അടുത്ത് എത്തിയ പോലെ അവന്റെ മനസ്സ് പറഞ്ഞു കൊണ്ടിരുന്നു.... ഇതേ സമയം മൂവർ സംഘത്തിൽ ഒരാളുടെ മനസും അതിവേഗം മിടിക്കുന്നത് അവൾ തിരിച്ചറിഞ്ഞു.... ഒരു നിമിഷം കണ്ണുകൾ അടച്ചപ്പോൾ തെളിഞ്ഞ നുണക്കുഴികൾ അവളിൽ തന്നേ ഒരു ഞെട്ടൽ ഉണ്ടാക്കി... തല ഒന്ന് കുടഞ്ഞു ഒരു ദീർഘ ശ്വാസം എടുത്തു അവൾ മറ്റു രണ്ടുപേരുടേം കൂടെ വീണ്ടും ചേർന്നു.... അവർക്ക് ഇടയിൽ ഒരുപാട് വിഷയങ്ങൾ വന്നു പോയി.... 

"ആ ചേട്ടനെ കാണാൻ ഉണ്ണി മുകുന്ദനെ പോലെ ആണ് അല്ലേ ദേവു..? " ധ്വനി ചോദിച്ചു.. 

"ഏത് ചോട്ടൻ... "

"നുണകുഴിക്കാരൻ ചേട്ടൻ... "ധ്വനി നാണം അഭിനയിച്ചു പറഞ്ഞു.. 

"എന്തോ എങ്ങനേ... "

"ഈ... ഈ.. അങ്ങനെ ഒന്നുമില്ല ചുമ്മാ... "

"അഭയ്... " ലെച്ചു മറുപടി ആയി പറഞ്ഞു... 

"ആ അത് തന്നെ... . "ധ്വനി ലെച്ചുവിനെ അഭിനന്ദിക്കും പോലെ അവളുടെ തോളിൽ തട്ടി.. 

"മറ്റേതിന്റെ പേരെന്താരുന്നു..." ദേവു ധ്വനിയെ ചൊറിയാൻ വേണ്ടി തന്നേ ചോദിച്ചു.. 

"ആ..... എനിക്ക് അറിയില്ല... അറിയുകേം വേണ്ടാ... " ധ്വനി പുച്ഛം വാരി വിതറി.. 

"മാനവ്... " ലെച്ചു തന്നേ അതിനും മറുപടി പറഞ്ഞു... 

"അതിനെ  കാണാൻ ആരെ പോലെയാ ധ്വനി... "ദേവു ധ്വനിയെ വിടുന്ന ലക്ഷണം ഇല്ല... 

"നീ പോയി നോക്കിയിട്ട് വാ... എനിക്ക് അറിയില്ല.... "

"നിവിൻ പോളിയെ പോലെ അല്ലേ?? "ദേവു ആലോചനയോടെ പറഞ്ഞു.. 

"വിട്ടു പിടി മക്കളേ...രാവിലെ അവന്റെ സംസാരം കേട്ട് ഞാൻ ചൊറിഞ്ഞു നിക്കുവാ....  അതെല്ലാം കൂടെ നീ ഒക്കെ എന്റെ വായിൽ നിന്ന് കേൾക്കും.. .. " ധ്വനി പുച്ഛത്തോടെ പറഞ്ഞു..  പക്ഷെ പെട്ടന്നു തന്നേ ദേവുവും ലെച്ചുവും അവളുടെ ഭാവം കണ്ടു ചിരിക്കാൻ തുടങ്ങി.... പതിയെ അത് ധ്വനിയിലേക്കും പടർന്നു....


(തുടരും.... 💛)