*🖤ഭൂമിയും സൂര്യനും 🖤*

By_jifni_
     പാർട്ട്‌ 4

copyright work-
This work ( *🖤ഭൂമിയും സൂര്യനും🖤* ) is protected in accordance wixth sectio 45 of the copyright act 1957 (14 of 1957) and should not be used in full or part without the creater's ( *_jifni_* )prior permission 
             

´´´´´´´´´´´´´´´´´´´´´´´´´´´´´´´´´´´´´´´´´´´´´´´´´´´´´´´´´´´´´´
"എനിക്കറിയാം... പക്ഷെ സത്യങ്ങൾ പറയാനാവില്ലല്ലോ... ഇനി അവളോട് പറഞ്ഞാൽ എന്റെ മോൾ പൂർണമായും തളർന്നു പോകും. ചിലപ്പോ അവളെ ഏതെങ്കിലും ഭ്രാന്ത് ഹോസ്പിറ്റലിൽ പോയി കാണേണ്ട അവസ്ഥ വരും എനിക്ക്. എനിക്കാവില്ല എന്റെ മോളെ തളർത്തി കളയാൻ. എന്റെ മുന്നിൽ ഒരിക്കലും അവൾ തളർന്നിരിക്കാൻ ഞാൻ സമ്മദിക്കില്ല. അവൾ അറിയണ്ട ഒന്നും... പഴയ ആ ദേഷ്യമാണെന്ന് മാത്രം അവൾ അറിഞ്ഞാൽ മതി....."(അച്ഛൻ )

"അതെ അങ്ങനെ മതി... എന്റെ കണ്ണടയും മുമ്പ് അവളെ കല്യാണം കാണണം എനിക്ക്. എത്രെയും പെട്ടന്ന് അവളുടെ കല്യാണം നടത്തണം നമുക്ക്."(അച്ചാച്ചൻ )

"വേണ്ടത് ഞാൻ ചെയ്യാ അച്ഛാ.. നല്ല ബന്ധം കിട്ടിയ ഉടനെ നടത്താം..."(അച്ഛൻ )

🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤

( *കോളേജിൽ ഭൂമി* )

ഓടി കിതച്ചു ക്ലാസ്സിന്റെ മുമ്പിൽ എത്തിയതും ഒരു സുന്ദര കുട്ടൻ ക്ലാസ്സിൽ. നല്ല hight ഒകെ ഉണ്ടായി അത്യാവശ്യം തടിയും താടിയും മുടിയും ഉള്ള ഒരു ജന്റിൽമാൻ. ഹിന്നൊക്കെ ചെയ്ത് ബ്ലാക്ക് ജീൻസും വയിറ്റ് ഷർട്ടും ഇട്ടു നിൽക്കുന്നുണ്ട്. ഞാൻ വേഗം തല പൊക്കി നോക്കി.
ഇത് എന്റെ ക്ലാസ്സ്‌ തന്നെ... മാറ്റൊന്നൂല്യ ക്ലാസ്സിലെ കുട്ടികളും പഴയത് തന്നേ.. അപ്പൊ ഇതാരാ ഒരു പുതിയ ആൾ.

"ഹലോ ഇങ്ങോട്ടുള്ളെ ആണോ.." ഞാൻ അയാളെ നോക്കി അന്തം വിട്ട് നിൽകുമ്പോഴാണ് അയാൾ എന്റെ മുന്നിൽ വന്ന് വിരൽ നൊടിച്ചത്.

"അതെ... കേറട്ടെ..." ഞാൻ ഇത്തിരി താഴ്മയോടെ ചോദിച്ചു.

"കേറാൻ വരട്ടെ... ഇപ്പൊ ടൈം എത്രെയാ..."(അയാൾ )

ഞാൻ അയാളെ കയ്യിലേക്ക് നോക്കിയപ്പോ വാച്ചുണ്ട്. പിന്നെന്തിനാ എന്നോട് സമയം ചോദിക്കുന്നെ.. Ho ചിലപ്പോ അത് ഓടുന്ന വാച്ച് ആവില്ല. പാവം കുറച്ചു കാശ് അച്ഛന്റെന്ന് വാങ്ങി ഈ സുന്ദരകുട്ടൻക്ക് ഒരു വാച്ച് വാങ്ങി കൊടുക്കണം.

"തന്നോടാ ഞാൻ ചോദിച്ചേ...." അയാൾ വീണ്ടും പറഞ്ഞു. പക്ഷെ അത് ഇത് വരെ ഉള്ള സംസാരം പോലെ ആയിരുന്നില്ല. ഹാ ഫ്ലോർ മുഴുവൻ കേൾക്കാൻ പാകത്തിൽ അലറുകയായിരുന്നു.
പക്ഷെ ഈ ഭൂമിഗ ഈ അലർച്ചയിൽ ഒന്നും പേടിക്കുന്നവളല്ല.

"നിങ്ങളെ കയ്യിൽ വാച്ചുണ്ടല്ലോ... അത് ഓടില്ലേ... ഷൈൻ ചെയ്യാൻ വാച്ചും കെട്ടി വന്നേ ആണല്ലേ.
എന്നിൽ നിന്ന് സമയം അറിയുകയും വേണം. എന്നെ വഴക്ക് പറയുകയും വേണമല്ലേ... സമയം അറിയണെങ്കിൽ എന്നോട് sorry പറയണം " ഞാനും വിട്ട് കൊടുത്തില്ല. ശബ്ദം ഇട്ട് മറ്റു ക്ലാസുകാരെ ഒകെ അറിയിച്ചതല്ലേ...

"നേരം വഴുകി വന്നതും പോരാ കിടന്ന് തുള്ളുന്നോടി. " (അയാൾ.)

"വാ ഇങ്ങോട്ട് " എന്നും പറഞ്ഞു അയാൾ എന്റെ കൈ പിടിച്ചു വലിച്ചു കൊണ്ട് പോയി.

"ഹലോ മിസ്റ്റർ എനിക്ക് നടക്കാൻ അറിയാം... എന്റെ കയ്യിന്ന് വിടൂ.. വേദനിക്കുന്നു..." സത്യം പറയാലോ അയാൾ കൈ മുറുക്കി പിടിച്ചിട്ട് നല്ല വേദനയുണ്ട്. പിന്നെ എങ്ങോട്ടാ കൊണ്ട് പോകുന്നെ എന്നറിയാഞ്ഞിട്ട് ഒരു ഭയവും ഉണ്ട്..
കുറെ വിടാൻ പറഞ്ഞിട്ടും ആയാൾ എന്റെ കൈ വിട്ടില്ല. വേദന കാരണം കണ്ണൊക്കെ നിറഞ്ഞിട്ടുണ്ട്. 
 അങ്ങനെ കുറച്ചു പോയപ്പോൾ എനിക്ക് മനസിലായി കൊണ്ട് പോകുന്നത് ഓഫീസിലേക്കാണെന്ന്. ഓഫീസിന്റെ മുമ്പിലെത്തിയപ്പോൾ അയാൾ കൈവിട്ടു ഓഫീസിന്റെ ഉള്ളിലേക്ക് കയറ്റി എന്നെ.അവിടെ സുധി ലക്ഷ്മി മാഡം ഉണ്ടായിരുന്നു. അതാണ്‌ ഞങ്ങളുടെ പ്രിൻസി. ആ സുധീ ലക്ഷ്മിക്ക് അല്ലെങ്കിൽ തന്നെ എന്നെ കണ്ണെടുത്താൽ കണ്ടൂടാ..
 മാഡത്തിന്റെ മുമ്പിലുള്ള ചെയറിൽ അയാൾ ഇരുന്നു.

"എന്താ ഋഷികേശ്... ഈ കുട്ടി എന്തെങ്കിലും പ്രോബ്ലം ഉണ്ടാക്കിയോ.."(സുധി ലക്ഷ്മി )

"Ho പിന്നെ എനിക്കാതല്ലേ പണി. പ്രോബ്ലം ഉണ്ടാക്കൽ." ഇത് ഞാനാ പറഞ്ഞത്. പക്ഷെ ആരും കേൾക്കാതെ ആണെന്ന് മാത്രം.

"മേഡം ഈ കുട്ടി.." ആയാൾ 

പറയും മുമ്പ് ആ തള്ള അങ്ങോട്ട് പറഞ്ഞു.

"താൻ പറഞ്ഞു ബുദ്ധിമുട്ടണ്ട. ഈ കുട്ടിയെ എനിക്ക് നന്നായിട്ട് അറിയാം.. Late ആയി വന്നിട്ടിട്ടുണ്ടാകും..,ക്ലാസ്സിൽ കയറ്റിയാലോ അടങ്ങി ഇരിക്കില്ല. ഓരോ പ്രോബ്ലം ഉണ്ടാക്കിയില്ലെങ്കിൽ ഒരു സുഖം കിട്ടില്ല ഓൾക്.പിന്നെ എത്ര ഉപദേശിച്ചാലും നന്നാവില്ല. പറഞ്ഞു മടുത്ത കേസ് ആണ്. കോളേജിന്റെ നല്ല പേര് കളയാനായി കേറി വന്നതാ ഓരോന്നു.." ലക്ഷ്മി മാഡം എന്നെ നോക്കി കണ്ണുരുട്ടി പറഞ്ഞു.

"അതെ mam... ഞാൻ പണിഷ്മെന്റ് എന്താ കൊടുക്കേണ്ടേ... അങ്ങോട്ട് സംസാരികുമ്പോ ഇങ്ങോട്ട് നാലെണ്ണം പറയാണ്." (അയാൾ )

"നീ അല്ലെ അവരുടെ ക്ലാസ്സ്‌ ടീച്ചർ ഇന്ന് മുതൽ. എന്ത് കൊടുക്കണം എന്ന് തോന്നുന്നോ അത് കൊടുത്തോ..." ലക്ഷ്മി മേഡം അത് പറഞ്ഞപ്പോയെക്കും അവർക്ക് ഒരു കാൾ വന്നു അവർ അത് അന്റന്റ് ചെയ്ത് എണീറ്റു പോയി.

"ന്റ നാരായണത്ത് മുത്തപ്പാ ഇയാൾ ക്ലാസ്സ്‌ sir ആണോ...., ഞാൻ കരുതി ഏതെങ്കിലും prodect പരിചയപെടുത്താൻ വന്നതോ അല്ലെങ്കിൽ വേറെന്തെങ്കിലും സംസാരിക്കാൻ വന്നതോ ആവുമെന്ന്... ഇമ്മാതിരി ചെറിയ ചുള്ളൻ ചെക്കമാരെ ഒകെ sir ആക്കി വെക്കോ..., sir ആണെന്ന് അറിയായിരുന്നെങ്കിൽ നാവിനെ ഒന്ന് നിയന്ത്രിക്കാമായിരുന്നു. ശേ ഇനി പറഞ്ഞിട്ട് കാര്യമില്ല." (ന്റ ആത്മ )

"എന്താടി മാനത്ത് നോക്കി നിൽകുന്നെ, ക്ലാസ്സിലേക്ക് നടക്കടി.."(sir )

ഹ്മ്മ്... ഞാൻ ഒന്ന് തലയാട്ടി മുമ്പിൽ നടന്നു...
ഇപ്പൊ ഞാൻ sir നേക്കാൾ ഒരുപാട് മുമ്പിൽ എത്തിയിട്ടുണ്ട്. ബാക്കിക്ക് നോക്കിയപ്പോ sir ഫോണിൽ തോണ്ടി പതിയെ പതിയെ വരുന്നുണ്ട്. ഏതായാലും ഒരു ക്ലാസ്സിലേക്കല്ലേ ഒരുമിച്ചു പോകാന്നു കരുതി ഞാൻ അവിടെ നിന്ന്.

"എന്തേ..."(sir )

Sir അടുത്തെത്തിയതും ഫോണിൽ നിന്ന് തല പൊക്കി കൊണ്ട് എന്നോട് ചോദിച്ചു.

"അത് പിന്നെ സാറേ... ഒരിമിച്ചു പോകാന്നു കരുതി അതാ..."( ഞാൻ )

"ആ.. താൻ കൊള്ളാലോ നടക്കാൻ നോക്ക്."(sir)

സാറേ sorryട്ടാ... ഞാൻ sir ആണെന്ന് കരുതീലെ..., ഇനി ഇങ്ങനെ ഉണ്ടാവില്ല.." ഞാൻ ചെവിയിൽ പിടിച്ചു ഇത്തിരി മടിയോടെ പറഞ്ഞു.

ആളെ കണ്ടാലറിയാം എനിക്ക് ന്തോ പണി തരാൻ കൊണ്ട് പോകാണ് എന്ന് ആ ലക്ഷമിമാഡം അനുവാദവും നൽകിയല്ലോ... അപ്പൊ അതിൽ നിന്ന് രക്ഷപെടാനുള്ള തന്ത്രമാണ് ഈ ക്ഷമാപനം 😁.

"മ്മ്... Sorry പറഞ്ഞ സ്ഥിതിക്ക് ഞാൻ വെറുതെ വിട്ടിരിക്കുന്നു. ഇനി മേലാൽ വഴുകി വരികയോ മുമ്പിൽ നിൽക്കുന്നതാരാണ് എന്നറിയാതെ കയർത്ത് സംസാരിക്കുകയോ ചെയ്യരുത്. കേട്ടോ..."(sir )

"ഇനി ഞാൻ നല്ല കുട്ടിയാ... ഇങ്ങനെ ഒന്നും ഉണ്ടാവില്ല."(ഞാൻ )

"എങ്കിൽ നിനക്ക് നന്ന്..." (Sir )

അതിന് ഞാൻ ഒന്ന് ചിരിച്ചു കൊടുത്ത്.

'Ho പിന്നെ ഇതിലും വലിയ എത്ര ആൾക്കാരെ കണ്ടതാ ഈ ഞാൻ അവരൊക്കെ ഇത് പോലെ കുറെ തവണ വാണിങ്ങും തന്നിട്ടുണ്ട് എന്നിട്ട് ഞാൻ നന്നായില്ല. എന്നിട്ടല്ലേ ഈ ചെള്ളി... "(ഇത് ഞാൻ പറഞ്ഞതാ ഞാൻ മാത്രം കേൾക്കുന്ന പോലെ..)


അങ്ങനെ മ്മളെ ക്ലാസ്സിന്റെ മുന്നിൽ എത്തിയതും മ്മള് ഒറ്റ ഓട്ടം ആയിരുന്നു ബാക്ക് ബെഞ്ചിലേക്ക് അവിടെ അല്ലെ നമ്മുടെ മുത്ത് മണികൾ.
ഇനി അവരെ പരിചയപ്പെടുത്തി തരാം.

Last ബെഞ്ചിൽ ഫസ്റ്റ് ഇരിക്കുന്ന ഞങ്ങളെ ടീമിലെ പഠിപ്പി ഫെബിന എന്ന ഫെബി. ഒരു സുന്ദരി ഉമ്മച്ചികുട്ടിയാ അവൾ. അവളെ പിറകെ കോളേജിലെ ചുള്ളൻമാരുടെ നീണ്ട ഒരു ക്യു തന്നെ ഉണ്ട്. പിന്നെ രണ്ടാമത്തിരിക്കുന്നത് ഞാനാണ്. ഓളെ പഠിപ്പിന് കണ്ണേർ തട്ടാതിരിക്കാൻ ക്ലാസ്സിലിരുന്ന് ഉറങ്ങാൻ വരുന്ന ഈ ഭൂമിഗ. പിന്നെ മൂന്നാമത്തെ ആളാണ് സോഫിയ എന്ന സോഫി. കുട്ടനാട്ടെ ക്രിസ്ത്യാനികൊച്ചാണ്.കാണാൻ ലുക്കിന് ഒരു കുറവും ഇല്ല. അതിനനുസരിച്ചു ആളെ കയ്യിൽ കോഴിത്തരവും ഉണ്ട് 😁. പഠിക്കാനും മിടുക്കിയ. പിന്നെ നാലാമത്തെ ആയി ഞങ്ങളുടെ മെഹ്റിൻ നിഷ എന്ന നിഷു ആളൊരു പേടിത്തൊണ്ടിയാ.. ഞങ്ങളെ കൂടെ എല്ലാം പോക്കിരി തരത്തിനും ഉണ്ടാകും എന്നാലും ഭയങ്കര പേടിയാ.. ഞങ്ങളാണ് അവളുടെ ധൈര്യം.ഞങ്ങളുടെ ബെഞ്ചിൽ ഒതുക്കുന്നത് അല്ല ഞങ്ങളുടെ ഗാങ് ഇനി രണ്ട് പേർ കൂടി ഉണ്ട്. അപ്പുറത്തേ സൈഡിൽ ബാക്ക് ബെഞ്ചിൽ. അകിൽ എന്ന അക്കും ഫാസിൽ എന്ന ഫാസിയും.രണ്ടാളും നല്ല ഉഷാർ പഠിപ്പികളും അതിലും നല്ല തല്ലിപൊളികളുമാണ്..

അപ്പൊ ഞങ്ങൾ ആർ പേരടങ്ങുന്ന *സിക്സ്സാക്ക്* നെ ഇനി നിങ്ങൾ മറക്കണ്ട.

ഞാൻ ഓടി പോയി ന്റ സീറ്റിൽ കേറി ഇരുന്നു. അപ്പൊ sir ന്റെ കൂടെ പോയിട്ട് ന്താ സംഭവിച്ചേ എന്നറിയാനായി മൂന്ന് പേരും എന്നെ നോക്കി നിൽക്കാണ്. ഞാൻ ഇപ്പൊ പറയുമെന്ന് മനസിലായത്തും അക്കും ഫാസിം അവരുടെ സീറ്റിൽ നിന്ന് എണീറ്റു വന്ന് ഞങ്ങളുടെ ബെഞ്ചിൽ കുത്തി കൊള്ളിച്ച് ഇരിക്കുന്നുണ്ട്..

"ഏതാ മക്കളെ അത്... പുതിയത് ലാന്റായ കാര്യം നിങ്ങളൊന്നും പറഞ്ഞത് പോലുമില്ല."(ഞാൻ )

"അതൊക്കെ പറയാം... നീയാദ്യം നിങ്ങൾ തമ്മിൽ ന്താ ഉണ്ടായേ എന്ന് പറ."(ഫാസി )

പിന്നെ മ്മള് വള്ളി പുള്ളി വിടാതെ നടന്നതൊക്കെ പറഞ്ഞു.

"അയ്ഷ ഗജപോക്കിരി ഒരാളോട് sorry പറഞ്ഞെന്നോ ഞാൻ വിശ്വസിക്കില്ല." (നിഷു )

"പറയേണ്ടി വന്നു.. അല്ലെങ്കിൽ ഞാൻ ഇവിടെ എത്തില്ലാന്ന് തോന്നി അതാ... അല്ല അതാരാ... ആർക് പകരം വന്നതാ..."(ഞാൻ )

"അതാണ് ഋഷികേഷ് എന്ന ഋഷിsir.. നമുക്ക് ഇംഗ്ലീഷിന് വന്നതാ... മീര മിസ്സിന്റെ ഭർത്താവ് ന്തോ അപകടം പറ്റി കിടപ്പിലായി. Miss അപ്പൊ നാട്ടിലേക്ക് പോയി. ഇനി ഈ sir ആകും "(ഫെബി )

"ഞമ്മളെ കഷ്ട്ടകാലം. മീര miss എന്ത് പാവമായിരുന്നു."(ഞാൻ )

"എന്ത് കഷ്ട്ടകാലം. നല്ല സുന്ദരനും സുമുഖനുമായ sir ന്റെ ക്ലാസ്സ്‌ കേട്ട് പഠിച്ചൂടെ "(സോഫി )

"നിന്റെ കോഴിത്തരം അപ്പോയെക്കും പൊന്തിയോ ഈശ്വരാ..."(ഞാൻ അവളെ ചെവിക്ക് പിടിച്ചു പറഞ്ഞു.)

"കോഴിത്തരം ഒകെ എപ്പോയോ നിർത്തി. ഇനി ഞാൻ ഒരേ ഒരാളെ നോക്കൂ ന്റ ഋഷി സാറിനെ മാത്രം 😁" ഇളിചോണ്ടുള്ള അവളുടെ പറച്ചിൽ കേട്ടിട്ട് ന്റ കിളിയൊക്കെ പോയിക്കാണും..

"ടീ ന്തൊക്കെ ഇജ്ജ് ഈ പറയുന്നേ അന്റ കോഴിത്തരം നിന്നെന്നോ.. ന്നാ ഇന്ന് കാക്ക മലർന്നു പറക്കും." ഞാൻ അത് പറഞ്ഞു ചിരിച്ചു.

"ടീ അവൾ സീരിയസ് ആണ്. അവൾക് ശരിക്കും ഇഷ്ട്ടാ ആ സാർനെ.. അവൾ കെട്ടാണെങ്കിൽ ഇനി അങ്കെരെ മാത്രം കേട്ടൊള്ളൂന്ന്."(നിഷ )

"ഡി ഈ പ്രേമം ഒറ്റ ദിവസം കൊണ്ട് പൊട്ടി മുളക്കേണ്ട ഒന്നും അല്ല... ഇജ്ജ് ശരിക്കും ആലോചിച്ചു തന്നെയാണോ.."(ഞാൻ )

"ആടി... ഒറ്റ ദിവസം കൊണ്ട് ഒന്നും അല്ല. ഒരു മാസത്തോളം ആയി എനിക്ക് സാറിനെ ഇഷ്ട്ടമായിട്ട്. ഞാൻ പറയാറില്ലേ ഒരു താടിക്കാരനെ കുറിച്. നമ്മളെ ഹോസ്റ്റലിന്റെ അവിടെ വരുന്ന പിച്ചക്കാർക്കൊക്കെ ഭക്ഷണം കൊണ്ടന്നു കൊടുക്കുന്ന ഒരാളെ പറ്റി. അത് ഈ സാർ ആണ്."(സോഫി )

"Ho അപ്പൊ നീ കുറെ ആയിക്കണല്ലോ അയാളെ നോക്കി നടക്കാൻ തുടങ്ങിയിട്ട്. But ഞാൻ ഇന്നാ കാണുന്നെ അയാൾ ഫുഡ്‌ കൊണ്ട് വരുന്ന സമയം ഒകെ ഞാൻ കുളിക്കുകയോ മറ്റെന്തെങ്കിലും പണിയിലോ ആവും അപ്പൊ അയാളാണെല്ലേ ഇയാൾ."(ഞാൻ )

"ആടി...എനിക്ക് അയാളെ മതി patner ആയിട്ട്. അത്രക്കും ഇഷ്ട്ടാ..."(സോഫി )

എന്തോ അവളുടെ വാക്കുകളിൽ ആ സ്നേഹം കാണുന്നുണ്ട് ഞാൻ. അത്രക്കും ആത്മാർത്ഥ തോന്നി.

"ഡി.. ഒന്നും ഓർത്ത് സങ്കടപെടേണ്ട... നിനക്കുള്ളെ ആണ് നമ്മളെ ഋഷി സാർ... അതിൽ ഇനി ഒരു തർക്കവും ഇല്ല. നിങ്ങളെ കല്യാണം കഴിഞ്ഞാൽ നീ അയാൾക് ഇത്തിരി ഉപ്പ് കൂടുതൽ ഇട്ട് കറി വെച്ച് കൊടുക്കണം ട്ടാ.."(ഞാൻ )

"അതെന്തിനാടി..."(സോഫി )

"പ്രേതികാരം. എന്റെ കൈ ഇങ്ങട്ട് നോക്ക് ചുവപ്പിച്ചു വെച്ചിരിക്കുന്നു. പിന്നെ ഞാൻ sorry പറയേണ്ടി വന്നില്ലേ.."(ഞാൻ )

"അതിന് ഉപ്പ് കൂട്ടി കൊടുക്കൊന്നും വേണ്ട.. ഇവളെ കൂടെ കൂട്ടുന്നെ തന്നെ വെല്യ പണിയാ... അതിലും നല്ല മുട്ടൻ പണി വേറെ കിട്ടില്ല സാറിന്."(അക്കു )

"അത് ശരിയാ..."(ഫെബി )

പിന്നെ അവിടെ ഒരു കൂട്ടച്ചിരി ആയിരുന്നു മറ്റു കുട്ടികൾ കാര്യം അറിയാതെ ഞങ്ങളെ നോക്കുന്നുണ്ട്.

"എടൂ... ഒരു പ്രശ്നം ഉണ്ട്... എനിക്ക് ഇഷ്ട്ട സാറിനെ എന്ന് വെച്ച് സാർ എന്റെ ആവില്ലല്ലോ..., സാർ ഒരിക്കലും എന്നെ സ്നേഹിക്കില്ല.... 😭"(സോഫി )

"അതെന്താ...."

തുടരും.... 💜

അപ്പൊ ഞാൻ ന്താ പറയാന് പോകുന്നെ എന്ന് നിങ്ങൾക്ക് അറീലെ....

അതെന്നേ

Cmnt കാര്യം തന്നേ.. അപ്പൊ വേഗം വിട്ടോളിട്ടാ....

💜വരികളുടെ പ്രണയിനി💜

.