\"എന്നാലും എന്റെ സുമി.. ഇവൾ ഈ പണി കാണിച്ചല്ലോ.. ആ പെണ്ണ് ചത്തു തുലഞ്ഞിരുന്നു എങ്കിൽ രഘുവിനെ നമുക്ക് കിട്ടില്ലായിരുന്നോ? അതിന് പകരം ഉള്ള ചോര മുഴുവനും അവൾക്കു കൊടുത്തിട്ട് വന്നേക്കുന്നു..\" ചന്ദ്രിക കൃതിയെ കുറ്റപ്പെടുത്തി.\"എന്തിനാ മോളെ നീ അങ്ങനെ ചെയ്തത്? നിനക്ക് രഘുവിനെ നേടിതരാൻ അല്ലേ ഞങ്ങൾ ശ്രമിക്കുന്നത്.. അപ്പോൾ..\" സുമിത്രയുടെ സ്നേഹപൂർവ്വം ഉള്ള ചോദ്യം കേട്ട് കൃതിയുടെ ചുണ്ടിൽ ഒരു പുഞ്ചിരി വിടർന്നു.\"സാരമില്ല ആന്റി.. ഞാൻ രഘുവിനെ സ്നേഹിക്കുന്നുണ്ട് എന്നു പറഞ്ഞിട്ട് അവന്റെ സന്തോഷത്തിൽ എനിക്ക് സന്തോഷിക്കാൻ കഴിയുന്നില്ലെങ്കിൽ പിന്നെ എന്താ എന്റെ സ്നേഹത്തിന്
