വേണ്ട ഒന്നും ആഗ്രഹിക്കരുത് വേറെ ഒരു പെണ്ണിനെ സ്നേഹിക്കുന്ന മനുഷ്യനാണ്. ഞാൻ കാരണം ഇന്ന് അവര് തമ്മിൽ വഴക്കായി എന്തിനാ ദേവി നീ എന്നെ ഇങ്ങനെ പരീക്ഷിക്കുന്നത്.

അവൾ അവന് മുഖം കൊടുക്കാതെ താഴേക്ക് ഇറങ്ങി പോയി.

ശരത് അവൾ പോകുന്നതും നോക്കി പുഞ്ചിരിയോടെ ബെഡിലേക്ക് കിടന്നു.

ഗായത്രി താഴെക്ക് ചെന്നപ്പോൾ അവിടെ അവൾക്ക് പരിജയം ഇല്ലാത്ത 2 പേർ ഇരിക്കുന്നത് കണ്ടു. അവരുടെ തൊട്ടടുത്തായി ശിവാനിയും ഇരിക്കുന്നുണ്ട്.

ഇത് ആരായിരിക്കും ശിവാനി അടുത്ത് ഇരിക്കുന്നുണ്ടല്ലോ ഇനി അവൾടെ അച്ഛനും അമ്മയും ആകുവോ ഗായു ഓരോന്നെ ആലോജിച് അവിടെ നിന്നു.

ഗായത്രി അവരെ നോക്കി ഒന്ന് പുഞ്ചിരിച്ചു പക്ഷേ അവർ അവളെ ഒന്ന് ദേഷ്യത്തോടെ നോക്കുക മാത്രമാണ് ചെയ്തത്.

ഗായത്രിയെ കണ്ടതും ചിന്നുവും ആദിയും അവൾടെ രണ്ട് സൈഡിലായി വന്നു നിന്ന്.

ഏട്ടത്തിക്ക് ഇത് ആരാണെന്ന് മനസ്സിലായോ ചിന്നു ഗായത്രിയോട് വളരെ ഒച്ച കുറച്ച് ചോദിച്ചു.

നീ എന്ത് പൊട്ടിയ ചിന്നു നമ്മളെ തന്നെ ഏട്ടത്തി ഇന്നാ ആദ്യം ആയിട്ട് കണ്ടത് അപ്പോഴാ അവരെ അറിയുന്നെ.

ഓഹ് ഞാൻ അത് അങ്ങ് മറന്നു പോയി.

ഏട്ടത്തി ഞാൻ പറയുന്നത് ശ്രെദ്ധിച്ച് കേൾക്കാനാട്ടൊ. ചിന്നു എന്തോ വലിയ കാര്യം പറയാൻ പോകുന്നത് പോലെ പറയാൻ തുടങ്ങി.

ദേ ശിവചേച്ചിടെ അടുത്ത് ഇരിക്കുന്ന ആ രണ്ട് പേരില്ലേ അത് ശിവ ചേച്ചിടെ അച്ഛനും അമ്മയും ആണ്. രണ്ടാളും കൂടെയ ശിവ ചേച്ചിയെ ഇങ്ങനെ വഷളാക്കിയത്.

ഏട്ടത്തിക്ക് അറിയുവോ ശിവ ചേച്ചിക്ക് ശെരിക്കും ശരത്തേട്ടനെ ഇഷ്ടം ആണ്.പക്ഷേ അത് ചേച്ചിടെ അച്ഛനും അമ്മയും മുതലെടുക്കുവാ കാരണം അവർക്ക് ആവശ്യം ഇവിടുത്തെ ശരത്തേട്ടന്റെ സ്വത്തുക്കളാണ്.

ഇത് എല്ലാം നീങ്ങൾ എങ്ങനെ അറിഞ്ഞു ഗായത്രിക്ക് വിശ്വസിക്കാൻ കഴിയാത്ത പോലെ ചോദിച്ചു.

അത് ഏട്ടത്തി.... ആദി എന്തോ പറയാൻ തുടങ്ങിയതും സീത അവരുടെ അടുത്തേക്ക് വന്നു.

മോളെ ഗായു നീ ഇങ്ങ് വന്നേ. സീത ഗായുവിനേം കൂട്ടി ശിവാനിയുടെ അച്ഛന്റെയും അമ്മയുടെയും അടുത്തേക്ക് പോയി.

ദേ ഇതാണ് ഗായത്രി ശരത്തിന്റെ ഭാര്യ.
സീത അവളെ തന്നോട് ചേർത്തു നിർത്തി അവർക്ക് പരിചയപ്പെടുത്തി.

ശിവാനിക്ക് അത് കേട്ടിട്ട് ദേഷ്യം വന്നിട്ട് അവൾ കൈ ചുരുട്ടി പിടിച്ച് തന്റെ ദേഷ്യം തീർക്കുവാണ്.

അവളുടെ ആ അവസ്ഥ കണ്ടിട്ട് ഗായത്രിക്ക് സങ്കടം വന്നെങ്കിലും ആദിക്കും ചിന്നുവിനും അത് കണ്ട് ചിരിയാണ് വന്നത്.

സീതേട്ടത്തി നിങ്ങൾക്ക് ആർക്കും ഒരു കുഴപ്പവും ഇല്ലേ ശരത് ഈ ദാരിദ്രവാസി പെണ്ണിന്നെ കെട്ടികൊണ്ട് വന്നതിന് ശിവനിയുടെ അമ്മ മഞ്ജിമ ചോദിച്ചു.

മഞ്ജിമേ നീ ഇപ്പൊ എന്താ പറഞ്ഞതെന്ന് നിനക്ക് അറിയോ. ഇനി മേലാൽ എന്റെ മോളെ പറ്റി നീ ഇങ്ങനെ പറഞ്ഞാൽ. സീത അവർക്ക് നേരെ ദേഷ്യപ്പെട്ടു.

ഓഹ് ഏട്ടത്തിക്ക് ഇവളെ പറഞ്ഞപ്പോൾ സഹിച്ചില്ലലെ. അപ്പൊ ഞങ്ങൾക്ക് തന്ന വാക്കോ. ശരത്തിനെകൊണ്ട് എന്റെ മോളെ വിവാഹം ചെയ്യിക്കാം എന്ന് പറഞ്ഞ് വെച്ചിരുന്നതല്ലേ.

ആര് പറഞ്ഞ് വെച്ച് എന്നാ മഞ്ജിമേ നീ ഈ പറയുന്നേ. ഇവിടെയുള്ള ആരെങ്കിലും അങ്ങനെ നിങ്ങൾക്ക് വാക്ക് തന്നിട്ടുണ്ടോ.എന്തിന് എന്റെ ഭർത്താവായ നിന്റെ ഏട്ടൻ എങ്കിലും വാക്ക് തന്നിട്ടുണ്ടോ ഞങ്ങളുടെ മോനെ കൊണ്ട് നിന്റെ മോളെ വിവാഹം ചെയ്യ്ക്കാന്ന്.

ഇപ്പൊ അങ്ങനെ ആയല്ലേ അപ്പൊ ഇത്രയും നാൾ ശരത്തും ശിവാനിയും ഇഷ്ടത്തിൽ ആയിരുന്നല്ലോ അത് നിങ്ങൾക്ക് അറിയില്ലേ.

അങ്ങനെ എന്റെ മോന് ശിവാനിയോട് ഇഷ്ടം ഉള്ളതായിട്ട് ഇവിടെയുള്ള ഞങ്ങൾ ആരും അറിഞ്ഞിട്ടില്ല. ദാ ശരത് വരുന്നുണ്ടല്ലോ ഇനി അവനോട് തന്നെ ചോദിക്ക് അവൻ ശിവാനിയോട് ഇഷ്ടമാണെന്ന് പറഞ്ഞിട്ടുണ്ടോന്ന്.

ശരത് എവിടെയോ പോകാൻ ആയി താഴേക്ക് വന്നപ്പോഴാണ് ശിവാനിയുടെ അച്ഛനും അമ്മയും വന്നേക്കുന്നത് കണ്ടത്.അവരെ ശ്രെദ്ധിച്ചപ്പോഴാണ് ഗായത്രിയെം ചേർത്തുപിടിച്ച് മഞ്ജിമ ആന്റിയോട് ദേഷ്യത്തോടെ എന്തൊക്കെയോ പറയുന്ന അമ്മയെ ശരത് കാണുന്നത്.

മോനെ ശരത്തെ നിന്റെ അമ്മ പറയുന്നത് കേട്ടില്ലേ നിനക്ക് നീയും ശിവാനിയും ആയിട്ട് ഇഷ്ടത്തിൽ അല്ലായിരുന്നു എന്ന് മഞ്ജിമ വളരെ സങ്കടം അഭിനയിച്ച് ശരത്തിന്റെ കൈയിൽ പിടിച്ച് പറയുന്നുണ്ട്.

അത് സത്യമല്ലേ ആന്റി ഞാൻ എപ്പോഴാ എനിക്ക് ശിവാനിയെ ഇഷ്ടം ആണെന്ന് പറഞ്ഞത്.

ശരത് അങ്ങനെ പറഞ്ഞതും ശിവാനി ഓടി ശരത്തിന്റെ അടുത്തേക്ക് വന്ന് അവനെ കെട്ടിപിടിച്ചു.അവളുടെ ആ പ്രവർത്തിയിൽ ശരത് ഒന്ന് ഞെട്ടി. കാരണം വീട്ടിൽ ഉള്ള എല്ലാവരുടെയും മുന്നിൽ വെച്ചാണ് അവൾ അങ്ങനെ ചെയ്തത്.

ശിവാനി നീ എന്താ ഈ കാണിക്കുന്നെ മാറിക്കെ ശരത് അവളെ പിടിച്ചു മാറ്റാൻ നോക്കി.

ഇല്ല ശരത്തേട്ടൻ കള്ളം പറയുവാ എന്നെ കല്യാണം കഴിക്കാമെന്ന് ഏട്ടൻ പറഞ്ഞതല്ലേ എന്നിട്ട് ഇപ്പൊ എന്തിനാ ഇങ്ങനെ പറയുന്നേ.

നിന്നെ കല്യാണം കഴിക്കാമെന്ന് ഞാൻ എപ്പോഴാ പറഞ്ഞത് ഇവളുടെ കഴുതിൽ ഞാൻ താലി കെട്ടി കഴിഞ്ഞ്. അപ്പൊ അങ്ങനെ പറഞ്ഞാലേ നീ ഒന്ന് അടങ്ങു. കാരണം എന്റെ വിവാഹം കഴിഞ്ഞത് അറിഞ്ഞു വന്ന നീ ഇവിടെ എന്തൊക്കെ കാണിച്ച് കൂട്ടുമെന്ന് എനിക്ക് അറിയാം അതുകൊണ്ട് നിന്നെ സമാധാനിപ്പിക്കാൻ വേണ്ടിയാണ് ഞാൻ അങ്ങനെ പറഞ്ഞത്. നീ എനിക്ക് എന്നും എന്റെ അനിയത്തിയാണ്. നീ എന്നിൽ കാണിക്കുന്ന അവകാശം എല്ലാം ഒരു അനിയത്തിയുടേത് ആയിട്ട് മാത്രമേ ഞാൻ ഇത്രയും നാളും കണ്ടിട്ടുള്ളു.എപ്പോഴെങ്കിലും എനിക്ക് നിന്നെ ഇഷ്ടമാണെന്നോ അല്ലെങ്കിൽ തെറ്റായ രീതിയിൽ എപ്പോഴെങ്കിലും നിന്നെ ഞാൻ നോക്കിയിട്ടുണ്ടോ ശരത് ശിവാനിയെ തന്നിൽ നിന്നും അടർത്തി മാറ്റിക്കൊണ്ട് ചോദിച്ചു.

എനിക്ക് ഒന്നും അറിയണ്ട ശരത്തേട്ടൻ എന്നെ വിവാഹം കഴിക്കണം. എനിക്ക് അത്രക്ക് ഇഷ്ടമാ ഏട്ടാ ശിവാനി കരഞ്ഞുകൊണ്ട് പറഞ്ഞു.

ശിവാനി ദേ ഇവൾ ഇപ്പൊ എന്റെ ഭാര്യ ആണ് അവളെ ഞാൻ ഉപേക്ഷിക്കണം എന്നാണോ നീ പറയുന്നത്. ഗായത്രിയെ തന്നോട് ചേർത്തു നിർത്തികൊണ്ട് ശരത് ചോദിച്ചു.

അതെ ഇവളെ ഉപേക്ഷിച്ച് എന്നെ വിവാഹം കഴിക്കാണം. ശിവാനി ദേഷ്യത്തോടെ പറഞ്ഞു.

അത് നടക്കില്ല ഇവളെ ഞാൻ ഉപേക്ഷിച്ചാലും നിന്നെ എനിക്ക് വിവാഹം കഴിക്കാൻ പറ്റില്ല ശിവനി എനിക്ക് ഇപ്പൊ അത്ര മാത്രമേ പറയാൻ ഒള്ളു അവൻ അത്രയും പറഞ്ഞ് പുറത്തേക്ക് പോയി.

അപ്പൊ എല്ലാം സെറ്റ് ആയല്ലോ ഇനി എല്ലാവർക്കും പിരിഞ്ഞു പോകാം സംഗീത് അവിടേക്ക് വന്ന് പറഞ്ഞു.

ഏട്ടത്തി ഇങ്ങ് വന്നേ നമ്മുക്ക് ഇവിടെ ഒക്കെ ചുറ്റി നടക്കാം. സംഗീത് ഗായത്രിയേം കൂട്ടി പുറത്തേക്ക് ഇറങ്ങി. അവരുടെ പുറകെ വാല് പോലെ ആദിയും ചിന്നുവും പോയി.

****

രാത്രി കുറച്ച് വൈകിയാണ് ശരത് വന്നത്. അവൻ റൂമിലേക്ക് വന്നതും ആ റൂമിന്റെ കോലം കണ്ട് ശെരിക്കും ഞെട്ടി.

ആ റൂം മൊത്തോം റെഡ് റോസും ക്യാൻഡിൽസും വെച്ച് ഡെക്കറേറ്റ് ചെയ്തിരിക്കുവാണ്.ശരത് അതൊക്കെ നോക്കികൊണ്ട് നിന്നപ്പോഴാണ് സംഗീത് അവിടേക്ക് വന്നത്.

ബ്രോ എങ്ങനെണ്ട് ഫുൾ സെറ്റ് അല്ലെ. ഞാൻ ചെയ്യിപ്പിച്ചതാ ഇതൊക്കെ അതും പറഞ്ഞ് അവൻ നിന്ന് ചിരിക്കുവാണ്.

നിന്നോട് ഞാൻ പറഞ്ഞോടാ ഇത് ഒക്കെ ചെയ്യിക്കാൻ. മര്യാദക്ക് ഇതൊക്കെ ഇപ്പൊ തന്നെ ക്ലീൻ ചെയ്യിച്ചോണം.

അത് മാത്രം പറ്റില്ല ബ്രോ. ഇത് ഒക്കെ ചെയ്തു തരേണ്ടത് ഒരു അനിയൻ എന്നാ നിലക്ക് എന്റെ കടമയാണ്. അത്കൊണ്ട് ഇന്ന് ഇത് ക്ലീൻ ചെയ്യാൻ പറ്റുല. അപ്പൊ ഹാപ്പി മാരീഡ് ലൈഫ്. അതും പറഞ്ഞ് അവൻ വേഗം ഓടി റൂമിന് പുറത്തേക്ക് പോയി.

ശരത് ഒന്നും കൂടെ റൂം നോക്കിയിട്ട് കാബോർഡിൽ നിന്ന് ഡ്രെസ്സും എടുത്ത് ഫ്രഷ് ആകാൻ പോയി.

അവൻ ഫ്രഷ് ആയി വന്നിട്ടും ഗായത്രിയെ റൂമിലേക്ക് കാണാതോണ്ട് അവൻ പോയി നോക്കാൻ തുടങ്ങിയതും. ഒരു സെറ്റ് സാരി ഒക്കെ ഉടുത്ത് തലയിൽ മുല്ലപ്പൂവും വെച്ച് ആദിയോട് ഒപ്പം സ്റ്റെപ് കയറി വരുന്ന ഗായത്രിയെയാണ് കാണുന്നത്.

തുടരും......

________________________________________________

വായിച്ച് റിവ്യൂ ഇടണേ എല്ലാരും🤗

സഖി🦋