ഓഹ് വന്നോ ഫൈമസ് ബിസിന്സ് മാനും അദ്ദേഹത്തിന്റെ പ്രിയ പത്നിയും. ആ ശബ്‌ദം കേട്ട് ഗായത്രി ഞെട്ടി പിന്നിലേക്ക് തിരിഞ്ഞു നോക്കി.

അരുൺ അല്ലെ ശരത് അയാളെ നോക്കി ചോദിച്ചു.

ഓഹ് സാറിന് എന്നെ ഒക്കെ അറിയുമോ അരുൺ പുച്ഛത്തോടെ ചോദിച്ചു.

എന്റെ ഭാര്യയുടെ മുറച്ചെറുക്കനെ ഞാൻ അറിയാതെ ഇരിക്കുവോ ശരത് തിരിച്ചും പുച്ഛത്തോടെ പറഞ്ഞു.

ഓഹ് ഒറ്റ ദിവസംകൊണ്ട് തന്നെ നീ എല്ലാം ഇവനോട് പറഞ്ഞോടി. അങ്ങനെ എല്ലാം പറയാൻ മാത്രമുള്ള ബന്ധം ഒക്കെ ആയോ നിങ്ങൾ തമ്മിൽ.

അരുൺ ഗായത്രി ഇപ്പൊ എന്റെ ഭാര്യയാണ് ആ ഒരു ബന്ധം മതി അവൾക്ക് എന്നോട് എന്തും തുറന്നു പറയാൻ.

അങ്ങനെ ആണോ അപ്പൊ എന്തിനാവാണോ ഭാര്യയെയും കൂട്ടി ഇങ്ങോട്ടേക്ക് വന്നതിന്റെ ഉദ്ദേശം.അത്‌ ഒന്ന് പറഞ്ഞാൽ നന്നായിരുന്നു.

ഞങ്ങൾ ഇവിടെ താമസിക്കാൻ വന്നതൊന്നും അല്ല.
ഗായത്രി തന്റെ എന്തെങ്കിലും സർട്ടിഫിക്കറ്റ്, ഫയൽ,ബുക്ക്‌ അങ്ങനെ എന്തെങ്കിലും സാധനങ്ങൾ എടുക്കാൻ ഉണ്ടെങ്കിൽ അത്‌ പോയി എടുതിട്ട് വാ.

ഗായത്രി അരുണിനെയും അവളുടെ അച്ഛനെയും നോക്കിയിട്ട് അകത്തേക്ക് കയറി പോയി.

ടാ നിന്നെ തട്ടി എടുത്തത് എന്റെ ജീവനെയാ നിനക്ക് അറിയുമോ അത്‌ അരുൺ ശരത്തിന്റെ കോളറിൽ പിടിച്ചുകൊണ്ട് പറഞ്ഞു.

അത്‌ നീ പറഞ്ഞത് ശെരിയാ അരുൺ ഞാൻ അവളെ തട്ടി എടുത്തത് തന്നെയാ. ഞാൻ ഒരിക്കലും അവളെ ഒരു ഭാര്യ ആയി കാണില്ലായിരുന്നു അവളെക്കുറിച്ചുള്ള സത്യങ്ങൾ ഞാൻ അറിഞ്ഞില്ലായിരുന്നു എങ്കിൽ.

നീ എന്താ ശരത് ഉദ്ദേശിക്കുന്നത്. അരുൺ ദേഷ്യത്തോടെ ചോദിച്ചു.

ഇപ്പോഴും അരുണിന് അത്‌ മനസ്സിലായില്ലേ നീയും ദേ ഈ നിൽക്കുന്ന ഇയാളും കൂടെ നടത്തിയ പ്ലാനിങ് അത്‌ തന്നെയാണ് ഞാൻ ഉദ്ദേശിച്ചത്. ശരത് അത്‌ പറഞ്ഞതും അരുൺ ഒരു ഞെട്ടാലോടെ മാധവനെ നോക്കി.

മാധവൻ ഞാൻ ഒന്നും പറഞ്ഞിട്ടില്ല എന്ന് കണ്ണുകൊണ്ട് കാണിച്ചു.

അയാളെ നോക്കണ്ട അയാൾ അല്ല പറഞ്ഞത്.നിങ്ങൾ രണ്ടാളും ഒരു കാര്യം ഓർത്തോ എനിക്ക് ഒരു 10 മിനിറ്റ് പോലും വേണ്ടി വരില്ല നിങ്ങളെ രണ്ടാളെയും ജയിലിൽ ആകാൻ അതുകൊണ്ട് ഇനി ഗായത്രിയുടെ മേൽ അവകാശം പറഞ്ഞ് രണ്ടാളും വന്നാൽ.... അത്രയും പറഞ്ഞ് ശരത് തിരിഞ്ഞ് നിന്നു.

അപ്പോഴേക്കും ഗായത്രി തന്റെ അത്യാവശ്യ  സാധനങ്ങൾ എല്ലാം എടുത്ത് പുറത്തേക്ക് വന്നിരുന്നു.

മോളെ ഗായു നീ എപ്പോഴാ വന്നേ അരുണിന്റെ അമ്മ (ലക്ഷ്മി) അവിടേക്ക് വന്നുകൊണ്ട് ചോദിച്ചു.

കുറച്ച് നേരായി അമ്മായി.അവൾ താല്പര്യം ഇല്ലാത്ത രീതിയിൽ പറഞ്ഞു.

എന്നാലും എന്റെ ഗായു നീ ഇങ്ങനെ ചെയ്യുമെന്ന് ഞങ്ങൾ വിചാരിച്ചില്ല. ഒന്നുല്ലേലും എന്റെ അരുൺ മോന് നിന്നെ എന്തോരും ഇഷ്ടായിരുന്നു.

അവന് എത്ര നല്ല കല്യാണലോചന വന്നതായിരുന്നു അറിയുമോ എന്നിട്ട് നിന്നെ മാത്രം മതിനും പറഞ്ഞ് കല്യാണം കഴിക്കാതെ ഇരുന്നേ എന്റെ മോന് ഇങ്ങനെ തന്നെ വരണം.

ഇവനാണോ നിന്നെ കല്യാണം കഴിച്ചത്. ലക്ഷ്മി ശരത്തിനെ നോക്കികൊണ്ട് ചോദിച്ചു.

മ്മ്... കണ്ടാൽ തന്നെ അറിയാം ആൾ അത്ര നല്ല സ്വഭാവം ഉള്ളതല്ലെന്ന്.മ്മ് പറഞ്ഞിട്ട് എന്ത് കാര്യം നിന്റെ വിധി അല്ലാതെ എന്താ.
ലക്ഷ്മി വെല്യ എന്തോ കാര്യം പറയുന്നതുപോലെ പറഞ്ഞു.

ഗായത്രി നമ്മുക്ക് പോയാലോ ശരത് അവളുടെ കൈയിൽ ഇരുന്ന ബാഗ് വാങ്ങിക്കൊണ്ടു ചോദിച്ചു.

അവൾ എല്ലാവരെയും ഒന്ന് നോക്കിയിട്ട് ശരത്തിന് ഒപ്പം നടന്നു.

ഗായു ഞാൻ ഇപ്പോഴും തയാറാണ് നിന്നെ സ്വീകരിക്കാൻ. എന്റെ മനസ്സിൽ നീ മാത്രമേയുള്ളു നീ എന്താ അത്‌ മനസ്സിലാക്കാതെ അരുൺ പെട്ടെന്ന് ഗായുവിന്റെ കൈയിൽ പിടിച്ചുകൊണ്ട് ചോദിച്ചു.

അരുൺ അവളുടെ കൈയിലെ പിടി വിട്. ശരത് ദേഷ്യത്തോടെ അവനെ നോക്കി പറഞ്ഞു.

ഞാൻ ഗായുവിനോട് ആണ് ശരത് സംസാരിക്കുന്നത്.എനിക്ക് ഇവളുടെ മറുപടി അറിയണം.എനിക്ക് അറിയാം ഗായുവിന് എന്നെ ഇഷ്ടമാണെന്ന്.

അരുൺ വെറുതെ നീ എന്റെ ഷേമയെ പരീക്ഷിക്കരുത് മര്യാദക്ക് അവളുടെ കൈയിലെ പിടി വിടുന്നതാ നല്ലത്.

മോനെ അരുണെ അവൾ പോവട്ടെടാ എത്ര നാൾ ഇണ്ടാവും അവളുടെ അവിടുത്തെ ജീവിതം എന്ന് നമ്മുക്ക് നോക്കാമല്ലോ.മേനോൻ അരുണിന്റെ തോളിൽ കൈ വെച്ചുകൊണ്ട് പറഞ്ഞു.

എന്നാൽ ഗായുന് ഇവർ എല്ലാം പറയുന്നത് എന്തോ അർത്ഥം വെച്ചാണെന്ന് മനസ്സിലായി പക്ഷെ അത്‌ താൻ വിവാഹം കഴിച്ചതിൽ ആണോ എന്ന് മാത്രം അവൾക്ക് മനസ്സിലായില്ല.

മേനോൻ പറഞ്ഞതും അരുൺ ഗായുവിന്റെ കൈയിലെ പിടി വിട്ടു. അതെ സമയത്ത് ശരത് ഗായുവിനെ അവനിലേക്ക് ചേർത്ത് പിടിച്ച് കാറിൽ കൊണ്ട് ഇരുത്തി.

ഞാൻ ഇപ്പോൾ വരാം താൻ ഇവിടെ ഇരിക്ക്‌ അത്‌ പറഞ്ഞ് ശരത് തിരിഞ്ഞ് അരുണിന്റെ അടുത്ത് ചെന്ന് ഒരു പുഞ്ചിരിയോടെ അവനെ കെട്ടിപിടിച്ചു.

അരുണേ നിന്നോട് ഞാൻ പറഞ്ഞത് ഒന്നും നീ മറക്കണ്ട. ഇനിയും ജീവനിൽ കൊതി ഉണ്ടെങ്കിൽ... ഉണ്ടെങ്കിൽ മാത്രം നീ ഇനി ഗായത്രിയോട് ഇപ്പോൾ പറഞ്ഞതുപോലെ പറയരുത് മാത്രമല്ല അവളിൽ ഒരാവകാശവും നീയും ഈ നിക്കുന്ന മാധവനും ഉണ്ടാവാൻ പാടില്ല. അപ്പൊ ഞാൻ പറഞ്ഞത് ഒന്നും മറക്കണ്ട. അത്‌ പറഞ്ഞ് ശരത് അരുണിന്റെ തോളിൽ ഒന്ന് തട്ടിയിട്ട് കാറിൽ വന്ന് ഇരുന്നു.

ശരത് ഗായുവിനെയും കൂട്ടി നേരെ പോയത് അവരുടെ ഹോസ്പിറ്റലിലേക്ക് ആണ്.
അവർ ഇന്നലെ ഡോക്ടർ പറഞ്ഞതുപോലെ സ്കാൻ ചെയ്തു. റിസൾട്ട്‌ വരുമ്പോൾ അറിയിക്കാം എന്ന് ഡോക്ടർ പറഞ്ഞതുകൊണ്ട് അവർ തിരിച്ച് വീട്ടിലെക്ക് പോന്നു.

എന്നാൽ കാറിൽ ഇരിക്കുമ്പോഴും ഗായു ഈ ലോൿഅതൊന്നും അല്ലായിരുന്നു. അവളുടെ മനസ്സ് മുഴുവൻ ശാരത്തിന് തന്റെ അച്ഛനെയും അരുണിനെയും എങ്ങനെ അറിയാം എന്നതായിരുന്നു. മാത്രമല്ല അച്ഛനും അരുൺ ഏട്ടനും തന്നിൽ നിന്നും എന്തൊക്കെയോ മറക്കുന്നുണ്ടെന്നും അവൾക്ക് മനസ്സിലായി.

ഗായത്രി താൻ എന്താ ഒന്നും മിണ്ടാതെ ഇരിക്കുന്നെ. ശരത് ഗായു ഒന്നും മിണ്ടാതെ പുറത്തേക്ക് നോക്കി ഇരിക്കുന്നത് കണ്ട് ചോദിച്ചു.

എന്നാൽ കാര്യമായി ആലോചിച്ചുകൊണ്ട് ഇരുന്ന ഗായു അത്‌ ഒന്നും കേട്ട് കൂടി ഇല്ല.

എടൊ താൻ എന്താ ഒന്നും മിണ്ടാതെന്ന് ശരത് അവളുടെ തോളിൽ തട്ടികൊണ്ട് ചോദിച്ചു.

പെട്ടെന്ന് ഗായത്രി ഞെട്ടികൊണ്ട് ശരത്തിനെ നോക്കി.

എന്താ ഇത്ര വലിയ ആലോചന?

ഏയ്‌ ഒന്നുല്ല ഞാൻ വെറുതെ എന്തോ...
ശരത്തിനോട് ഇപ്പോൾ ഇതിനെക്കുറിച്ച് ഒന്നും ചോദിക്കണ്ട എന്ന് ഗായു തീരുമാനിച്ചു.

എനിക്ക് അറിയാം തന്റെ മനസ്സിൽ എന്തൊക്കെയാണ് ഇപ്പോൾ പുകഞ്ഞുകൊണ്ട് ഇരിക്കുന്നതെന്ന്.പക്ഷെ അതൊന്നും താൻ അറിയാൻ സമയം ആയിട്ടില്ല ഗായത്രി എല്ലാം ഞാൻ നിന്നോട് തുറന്ന് പറയും ഒരു ദിവസം. (ശരത് ആത്മ)

ശരത് ഗായുവിന്റെ മൂഡ് ഒന്ന് ചേഞ്ച്‌ ആകാൻ വേണ്ടി അവളെയും കൂടി ബീച്ചിലെക്ക്‌ ആണ് പോയത്.

ബീച്ചിൽ എത്തിയതും ശരത് ഡോർ തുറന്ന് പുറത്തേക്ക് ഇറങ്ങി.

താൻ എന്താ കാറിൽ തന്നെ ഇരിക്കുന്നെ പുറത്തേക്ക് ഇറങ്ങടോ.


                                                    തുടരും......
സഖി🧸🦋