എന്നാൽ അവരെ തന്നെ നോക്കിയിരുന്ന ധ്രുവിയുടെ മുഖം ദേഷ്യം കൊണ്ട് വലിഞ്ഞുമുറുകിയിരുന്നു. അവൻ അപ്പോൾ തന്നെ ബൈക്കിൽ നിന്നും ഇറങ്ങി ആരവിന്റെ അടുത്തേക്ക് നടന്നു.

ധ്രുവി അവരുടെ അടുത്ത് എത്തിയിട്ടും ആരവ് ദച്ചുവിലുള്ള പിടി വീട്ടിരുന്നില്ല. അത്‌ കാണുംതോറും ധ്രുവിക്ക് തന്റെ ദേഷ്യം നിയന്ത്രിക്കാനായില്ല.

\"കൈ എടുക്കട അവളിൽ നിന്ന്\" ധ്രുവി ദേഷ്യത്തോടെ അലറി. അപ്പോഴേക്കും അവിടെ നിന്ന എല്ലാവരുടെയും ശ്രെദ്ധ ഇവരിലേക്ക് തിരിഞ്ഞു.

\"അത്‌ പറയാൻ നീ ആരാ?\" ആരവ് പുച്ഛത്തോടെ ചോദിച്ചു.

\"ഞാൻ ആരാണെന്ന് നിന്നെ ഞാൻ അറിയിച്ചുതരാം\"അത്‌ പറഞ്ഞ് ധ്രുവി ബലമായി ആരവിന്റെ കൈ ദച്ചുവിൽ നിന്ന് വീടിച്ചു. അപ്പോഴേക്കും ആരവ് അവനെ അടിക്കാനായി വന്നതും ധ്രുവി അവന്റെ നെഞ്ചിലേക്ക് ആഞ്ഞു ചവുട്ടി ആരവ് തെറിച്ച് നിലത്തേക്ക് വീണു.

ധ്രുവി അപ്പോൾ തന്നെ ദച്ചുവിനെയും കൂട്ടി ബൈക്കിന്റെ അടുത്തേക്ക് പോയി. ദച്ചുവിനെ ഹൃദുവിന്റെ അടുത്ത് നിർത്തിയിട്ട് അവൻ ആരവിന്റെ അടുത്തേക്ക് ചെന്നു.

\"ദക്ഷ അവൾ എന്റെ പെണ്ണാ. ഇനി മേലാൽ ഇതുപോലത്തെ ചെറ്റത്തരം എന്റെ പെണ്ണിനോട് കാണിച്ചാൽ 🤬മോനെ നീ ഓർത്തോ അന്ന് നീ ശെരിക്കും ഈ ധ്രുവി ആരാണെന്ന് അറിയും.\"
ആരവ് വീണു കിടക്കുന്നിടത്തേക്ക് ഇരുന്നുകൊണ്ട് പറഞ്ഞിട്ട് അവനെ തറപ്പിച്ചൊന്നു നോക്കിയിട്ട് ധ്രുവി തിരിച്ച് ബൈക്കിന്റെ അടുത്തേക്ക് വന്നു.

അപ്പോഴേക്കും ഗോകുലും വേറെ രണ്ട് പേരും കൂടി ആരവിന്റെ അടുത്തേക്ക് ഓടി വന്നു.

\"എന്താടാ എന്താ പറ്റിയെ?\" ഗോകുൽ ആരവിനെ നിലതെന്ന് എഴുനേൽപ്പിച്ചുകൊണ്ട് ചോദിച്ചു.

എന്നാൽ ആരവ് ഒന്നും മിണ്ടാതെ ബൈക്കിന് അരുകിൽ ഹൃദ്യയോട് എന്തോ പറഞ്ഞോണ്ട് നിക്കുന്ന ധ്രുവിയെ ദേഷ്യത്തോടെ നോക്കിവായിരുന്നു.ആരവ് നോക്കുന്നത് കണ്ട് ഗോകുലും അവിടേക്ക് നോക്കിയപ്പോൾ ധ്രുവിയിൽ ആണ് അവന്റെ നോട്ടം എത്തി നിന്നത്.

\"Dr.ധ്രുവ് ആദർവ്\" ധ്രുവിയെ കണ്ടയുടനെ ഗോകുൽ അറിയാതെ തന്നെ ആ പേര് പറഞ്ഞു.ഗോകുൽ പറയുന്നത് കേട്ട് സംശയത്തോടെ ആരവ് അവനെ നോക്കി.

\"നിനക്ക് എങ്ങനെ അയാളെ അറിയാം?\" ആരവ് സംശയത്തോടെ ചോദിച്ചു.

\"എടാ അത്‌ അതാണോ ഹൃദ്യയുടെ ചേട്ടൻ?\"
ഗോകുൽ കുറച്ച് ടെൻഷനോടെ ചോദിച്ചു.

\"മ്മ്.. അതെ ദച്ചു പറഞ്ഞു അത്‌ ആവളുടെ ആദി എന്ന്\" ആരവ് കുറച്ച് അമർഷത്തോടെ പറഞ്ഞു.

\"എടാ അയാൾ നിന്നെ കണ്ടോ?എന്തെങ്കിലും പറഞ്ഞോ അയാൾ?\"

\"മ്മ്... ഞങ്ങൾ ചെറുതായി ഒന്ന് ഉടക്കി\"ആരവ് താല്പര്യം ഇല്ലാതെ പറഞ്ഞു.

\"അതിന് എന്താ ഇവിടെ ഉണ്ടായേ?\" ഗോകുൽ ആരവിന് നേരെ തിരിഞ്ഞുകൊണ്ട് ചോദിച്ചു.

\"എന്ത് ഉണ്ടാവാൻ ഞാൻ ദച്ചുവിന്റെ കൈയിൽ കയറി പിടിച്ച് കുറച്ച് എന്നിലേക്ക് ചേർത്ത് നിർത്തി അതിന് അവൻ എന്നെ ചവുട്ടി നിലത്തിട്ടു\" ആരവ് വളരെ സിമ്പിൾ ആയി പറഞ്ഞു പക്ഷെ അതെ സമയം ഗോകുലിന്റെ മുഖത്ത് നല്ല ടെൻഷൻ ഉണ്ടായിരുന്നു.

\"നീ എന്ത് പണിയ ആരവേ കാണിച്ചേ നിനക്ക് ശെരിക്കും അയാളെ അറിയാഞ്ഞിട്ട. അയാളുടെ ശെരിക്കുമുള്ള സ്വഭാവം അറിഞ്ഞാൽ നിന്റെ മുട്ട് കൂട്ടിയിടിക്കും\"

\"ഓഹ് അത്രയ്ക്ക് ഒക്കെ ആണോ എന്നാ എനിക്ക് അറിയാണല്ലോ അവനെ പറ്റി\"

\"അയാൾ നിസാരകാരനല്ല എല്ലാം നിനക്ക് ഞാൻ പിന്നെ പറഞ്ഞ് തരാം.ദേ അയാൾ ഇങ്ങോട്ട് നോക്കുന്നുണ്ട് നീ വാ ഇനി ഇവിടെ നിന്നാൽ ശെരിയാവില്ല\"ഗോകുൽ ആരവിനെയും കൂട്ടി അവിടെ നിന്നും പോയി.

എന്നാൽ ബൈക്കിലേക്ക് കയറാൻ നിന്ന ധ്രുവി ദേഷ്യത്തോടെ ആരവിനെ തിരിഞ്ഞ് നോക്കുവായിരുന്നു അവൻ പോയെന്ന് കണ്ടതും ധ്രുവി ബൈക്കിലേക്ക് കയറി അവന്റെ പിന്നിൽ ഹൃദ്യയും അവൾക്ക് പിന്നിലായി ദച്ചുവും കയറി.

വണ്ടി ഓടിക്കുമ്പോഴും ധ്രുവി കണ്ണാടിയിലൂടെ ദച്ചുവിനെ ശ്രെദ്ധിക്കുന്നുണ്ടായിരുന്നു. എന്നാൽ അവൾ ഈ ലോകത്തൊന്നും അല്ലാത്തപോലെയാണ് ഇരിക്കുന്നത്.

വീടിന്റെ ഫ്രണ്ടിൽ വണ്ടി നിർത്തിയതും ദച്ചു ആരോടും ഒന്നും മിണ്ടാതെ ഗേറ്റ് തുറന്ന് അകത്തേക്ക് കയറി പക്ഷെ മെയിൻ ഡോർ അടച്ചിരിക്കുന്നത് കണ്ട് അവൾ ഒന്ന് സംശയിച്ചു.

\"ദച്ചു ഇങ്ങോട്ട് പോരെ അമ്മയും ആന്റിയും കൂടെ എവിടെയോ പോയേക്കുവാ\"ഹൃദ്യ അപ്പുറത് നിന്ന് വിളിച്ചുപറഞ്ഞതും ദച്ചു ബാഗും ആയി അവിടേക്ക് ചെന്നു.

\"ദച്ചു നിനക്ക് മാറാനുള്ള ഡ്രസ്സ്‌ ആന്റി ഇവിടെ എടുത്ത് വെച്ചിട്ട പോയേകുന്നെ നീ എന്റെ റൂമിൽ പോയി ഒന്ന് ഫ്രഷ് ആയിക്കോ\"ഹൃദ്യ ദാച്ചുവിന്റെ കൈയിലേക്ക് ഡ്രസ്സ്‌ വെച്ചുകൊടുത്തു.

ദച്ചു ഡ്രെസ്സും വാങ്ങി ഹൃദ്യയുടെ റൂമിലേക്ക് ചെന്നു. അവൾ കുറച്ച് നേരം ബെഡിലേക്ക് കിടന്നു.

\"എന്തൊക്കെയാ എന്റെ ജീവിതത്തിൽ നടക്കുന്നെ എന്തിനാ എല്ലാവരും എന്നോട് ഇങ്ങനെ ഒക്കെ പെരുമാറുന്നത് \" അത്രയും ആലോചിച്ചപ്പോഴേക്കും അവളുടെ കണ്ണുകൾ നിറഞ്ഞു.ദച്ചു വേഗം തന്നെ ഫ്രഷ് ആവനായി കയറി.

ഫ്രഷ് ആയി ഡ്രസ്സ്‌ ഇടാൻ തുടങ്ങിയപ്പോഴാണ് അവളുടെ ടോപ് വെള്ളത്തിലേക്ക് വീണത്. ദച്ചു ഹൃദ്യയെ ഒരുപാട് പ്രാവശ്യം വിളിച്ചു എങ്കിലും അവൾ താഴെ ആയതുകൊണ്ട് കേട്ടില്ല.

ദച്ചു വിളിക്കുന്നത് കേട്ട് കാര്യം എന്താണെന്ന് അറിയാൻ വേണ്ടി ധ്രുവി വേഗം ഹൃദ്യയുടെ റൂമിലേക്ക് ചെന്നു അതെ സമയത്ത് തന്നെയാണ് ഹൃദ്യയെ വിളിച്ചിട്ട് കാണാത്തതുകൊണ്ട് ബാത്ടൗവലും ചുറ്റി ദച്ചു ബാത്‌റൂമിൽ നിന്നും ഇറങ്ങിയത്.

റൂമിലേക്ക് കയറിയ ധ്രുവി ദാച്ചുവിന്റെ ആ നിൽപ്പ് കണ്ട് എന്ത്ചെയ്യാണെന്ന് അറിയാതെ കിളിപോയി അവളെ തന്നെ നോക്കി നില്കുവാണ് അപ്പോഴാണ് ദച്ചു തിരിഞ്ഞത് അവളുടെ മുമ്പിൽ അവളെ തന്നെ നോക്കി നിൽക്കുന്ന ധ്രുവിയെ കണ്ടതും ദാച്ചുവിന്റെ ഹൃദയമിടിപ്പ് ഉയരാൻ തുടങ്ങി. ഒരു നിമിഷം രണ്ടുപേരുടെയും കണ്ണുകൾ തമ്മിൽ ഉടക്കി.

ദച്ചുവിനെ തന്നെ നോക്കി നിന്ന ധ്രുവി അറിയാതെ തന്നെ അവളുടെ അടുത്തേക്ക് നടന്നു.എന്തോ ഒരു ഉൾപ്രേരണയിൽ ആണ് ദച്ചു തന്റെ വേഷത്തെ കുറിച്ച് ആലോചിച്ചത് അവൾ വേഗം തന്നെ വീണ്ടും ബാത്‌റൂമിലേക്ക് ഓടി കയറി.

അപ്പോഴാണ് ധ്രുവിക്ക് താൻ എന്താ ചെയ്യാൻ വന്നേ എന്നാ ബോധം വന്നത്.

എന്റെ ദൈവമെ ഈ പെണ്ണ് എന്നെകൊണ്ടേ പോവു ഇങ്ങനെ ഒക്കെ എന്റെ മുമ്പിൽ വന്ന് നിന്നാൽ ഞാൻ എന്ത് ചെയ്യാനാ അവൻ ഒരു പുഞ്ചിരിയോടെ റൂമിന് പുറത്തേക്ക് പോയി.

ഇതേ സമയം ദച്ചു പുറത്തേക്ക് ഇറങ്ങണോ വേണ്ടയോ എന്നാ ആലോചനയിൽ ആണ്. ധ്രുവിയുടെ കാര്യം മനസ്സിൽ വന്നത് അവളുടെ മുഖത്ത് നാണം നിറഞ്ഞു.

കൊറേ നേരം ആയിട്ടും ദച്ചുവിനെ കാണാതെ വന്നപ്പോഴാണ് ഹൃദ്യ റൂമിലേക്ക് വന്നത്.ബാത്‌റൂമിൽ നിന്ന് ശബ്‌ദം ഒന്നും കേൾക്കാതെ വന്നപ്പോൾ അവൾക്ക് ടെൻഷൻ ആയി.

\"ദച്ചു...\" ഹൃദ്യ ഡോറിൽ തട്ടിക്കൊണ്ടു വിളിച്ചു.

\"ആഹ്..ഹൃദു\"ഹൃദ്യയാണ് ഇപ്പോൾ റൂമിൽ ഉള്ളതെന്ന് അരിഞ്ഞതും ദച്ചുവിന് കുറച്ച് ആശ്വാസമായി.

\"നീ എന്താ പെണ്ണെ ഇത്രയും നേരം ആയിട്ടും പുറത്തേക്ക് ഇറങ്ങാതെ?\"

\"അത്‌ ഹൃദു എന്റെ ടോപ് വെള്ളത്തിൽ ചാടി നീ എനിക്ക് ഒരു ടോപ് എടുത്ത് തരാവോ?\"

\"ഓഹ് ഇതായിരുന്നോ കാര്യം എന്നാ നിനക്ക് എന്നെ ഒന്ന് വിളിച്ചൂടായിരുന്നോ\"ഹൃദു ഷെൽഫിൽ നിന്ന് ടോപ് എടുത്ത് ദച്ചുവിന്റെ കൈയിൽ കൊടുത്തുകൊണ്ട് ചോദിച്ചു.
ദച്ചു വേഗം തന്നെ ആ ടോപ്പും എടുത്തിട്ട് പുറത്തേക്ക് ഇറങ്ങി.

\"നിന്നെ ഞാൻ ഇവിടെ നിന്ന് എന്തോരും വിളിച്ചൂന് അറിയാവോ നീ കേൾക്കാതെ എന്റെ കുഴപ്പം ആണോ?\"

\"ഓഹ് സോറി കുട്ടാ ഞാൻ താഴെ ആയിരുന്നു അതാ നീ വിളിച്ചിട്ട് കേൾക്കാഞ്ഞേ\" ഹൃദു ദച്ചുവിനെ ഒന്ന് ചിരിച്ചു കാണിച്ചുകൊണ്ട് പറഞ്ഞു.

\"നീ വാ ദച്ചു നമ്മുക്ക് പോയി ചായ കുടിക്കാം ധ്രുവിയേട്ടൻ നമ്മുക്ക് വേണ്ടി വെയിറ്റ് ചെയ്ത് ഇരിക്കുവാ\"ഹൃദു അത്‌ പറഞ്ഞതും ദച്ചുവിന് ധ്രുവിയെ എങ്ങനെ ഫേസ് ചെയ്യും എന്ന് ഓർത്ത് ടെൻഷൻ ആകാൻ തുടങ്ങി.

\"അല്ല ഹൃദു നീ ഫ്രഷ് ആകുന്നില്ലേ?\" ഇപ്പോൾ താഴേക്ക് പോവാതെ ഇരിക്കാൻ വേണ്ടി ദച്ചു ചോദിച്ചു.

\"നിനക്ക് എന്നെ കുറിച്ച് ശെരിക്കും അറിയില്ലെന്ന് തോനുന്നു. എന്റെ ദച്ചു ഞാൻ എന്നും ചായ കുടിച് കഴിഞ്ഞേ ഫ്രഷ് ആകു. നീ വന്നേ.\"അതും പറഞ്ഞ് ഹൃദ്യ ദച്ചുവിനെയും കൂട്ടി താഴേക്ക് പോയി.

താഴെ ഡെയിനിങ് ടേബിളിൽ അവര്കുള്ള ചായയും എടുത്ത് വെച്ച് അവര് വരുന്നതും നോക്കി ധ്രുവി ഇരിക്കുന്നുണ്ടായിരുന്നു.

ഹൃദ്യയുടെ കൂടെ ദച്ചു ഇറങ്ങി വരുന്നത് കണ്ടതും ധ്രുവിയുടെ കണ്ണുകൾ തിളങ്ങി അവന്റെ ചുണ്ടിൽ ഒരു പുഞ്ചിരി തെളിഞ്ഞു.

തന്നെ നോക്കാതെ തലയും താഴ്ത്തി ടേബിളിൽ വന്ന് ഇരിക്കുന്ന ദച്ചുവിനെ കണ്ടതും അവന് ചിരിയാണ് വന്നത്.അപ്പോഴാണ് അവന് ആരവിന്റെ കാര്യം ഓർമ വന്നത് അവൻ ദാച്ചുവിന്റെ വലത്തേ കൈയിലേക്ക് നോക്കിയപ്പോൾ ആരവ് പിടിച്ച ഭാഗത്ത്‌ നന്നായി ചുവന്ന് കിടക്കുന്നുണ്ടായിരുന്നു.

\"ഹൃദു...\" ധ്രുവി ഗൗരവത്തോടെ വിളിച്ചു.

\"എന്താ ഏട്ടാ\" ഹൃദ്യ ധ്രുവിയെ നോക്കി ചോദിച്ചു ഒപ്പം ദച്ചുവും അവനെ നോക്കുന്നുണ്ട്.

\"ഇന്ന് ഇവളുടെ കൈയിൽ കയറി പിടിച്ചില്ലേ അവൻ ഏതാ?\"അവൻ ഗൗരവത്തോടെ തന്നെ ചോദിച്ചു.

\"അത്‌... ഏട്ടാ ആരവ് എന്നാ പേര്\" ഹൃദ്യ കുറച്ച് പേടിയോടെ പറഞ്ഞു.

\"അവൻ എന്തിനാ നിന്റെ കൈയിൽ കയറി പിടിച്ചേ?\"ധ്രുവി ദേഷ്യത്തോടെ ദച്ചുവിനോട് ചോദിച്ചു.പക്ഷെ അവൾ ഒന്നും മിണ്ടാതെ ഇരിക്കുവാണ് ചെയ്തത്.അത്‌ കണ്ടപ്പോൾ അവന് വീണ്ടും ദേഷ്യം വരാൻ തുടങ്ങി.

\"ദക്ഷ നിന്നോടാ ഞാൻ ചോദിച്ചേ?\"
അവൻ ദേഷ്യത്തോടെ അലറി.

\"ഏട്ടാ... അത്‌\"

\"ഹൃദു വേണ്ട ഞാൻ ദക്ഷയോടാണ് ചോദിച്ചത്  എന്തെ അവൾക്ക് പറയാൻ അറിയില്ലേ?\"ഹൃദ്യ എന്തോ പറയാൻ വന്നപ്പോഴേക്കും ധ്രുവി ദേഷ്യത്തോടെ പറഞ്ഞു.

\"ദക്ഷ പറ അവൻ എന്തിനാ നിന്റെ കൈയിൽ കയറി പിടിച്ചത്?\"

കുറച്ച് നേരത്തെ മൗനത്തിന് ശേഷം ദച്ചു പറയാൻ തുടങ്ങി.

\"അ...അത്‌... ആരവ് ചേട്ട...ന് എ...എന്നെ ഇഷ്ടം ആണെ...ന്ന് പ...പറഞ്ഞു. ഞ...ഞാൻ ഇഷ്ട...ല്ലന്ന് പറഞ്ഞതി...ന് ആണ് എ..ന്റെ കൈ..യിൽ കയ..റി പിടി..ച്ചത്.\" പേടി കാരണം അവളുടെ വാക്കുകൾ ഒക്കെ ഇടക്ക് മുറിഞ്ഞു പോയിരുന്നു.

\"ഏട്ടാ ആരവ് ചേട്ടന് ദച്ചുനെ ഇഷ്ടാണെന്ന് പറഞ്ഞിരുന്നു.പക്ഷെ ദച്ചു ഇഷ്ടല്ലാന്ന് പറഞ്ഞു അത്‌ മാത്രല്ല ഇവൾക്ക് ഒരാളെ ഇഷ്ടാണെന്ന് ഞാൻ പറഞ്ഞു ആ ആള് ഏട്ടനാണ് ഹൃദ്യ ചിരിച്ചുകൊണ്ട് പറഞ്ഞു.
പക്ഷെ ഏട്ടാ ഇന്ന് ഞങ്ങൾ അവിടെ നിന്നപ്പോൾ ആരവ് ചേട്ടൻ ഞങ്ങടെ അടുത്തേക്ക് വന്നിട്ട് ദച്ചുനോട് ഒറ്റയ്ക്ക് സംസാരിക്കണം എന്ന് പറഞ്ഞു. അപ്പോൾ തന്നെ ഞാൻ പറഞ്ഞു എന്ത് പറയാൻ ഉണ്ടെങ്കിലും ഇവിടെ നിന്ന് പറഞ്ഞാൽ മതിയെന്ന്. പക്ഷെ ആള് അത്‌ കേട്ടില്ല എന്നോട് ദേഷ്യപ്പെട്ടു. അപ്പോഴാണ് ഏട്ടനെ കണ്ട് ഞാൻ അടുത്തേക്ക് വന്നത്.\"ഹൃദ്യ അത്രയും പറഞ്ഞ് നിർത്തി ദച്ചുവിനെ നോക്കി.

ദച്ചു തല താഴ്ത്തി ഇരിക്കുവായിരുന്നു. അവളുടെ കണ്ണുകൾ നിറിഞ്ഞിരുന്നു.

\"ദച്ചു ബാക്കി എന്താ ഉണ്ടായേ നീ പേടിക്കണ്ട ഏട്ടൻ വെറുതെ ദേഷ്യപ്പെടുന്നതാ\"ഹൃദ്യ അവളെ സമാധാനിപ്പിച്ചുകൊണ്ട് പറഞ്ഞു.

ദച്ചു ബാക്കി നടന്ന കാര്യങ്ങൾ ഒക്കെ പറഞ്ഞതും ധ്രുവിക്ക് അതൊക്കെ കേട്ടപ്പോൾ ആരവിനെ കൊല്ലാനുള്ള ദേഷ്യം ഉണ്ടായി.

അവൻ അപ്പോൾ തന്നെ ഫോണും എടുത്ത് പുറത്തേക്ക് പോയി.

\"ദച്ചു നീ വിഷമിക്കണ്ട ഏട്ടന് ദേഷ്യം വന്നൊണ്ട അങ്ങനെ ഒക്കെ പറഞ്ഞത്\"ദച്ചുന്റെ ഇരുപ്പ് കണ്ടിട്ട് ഹൃദ്യക്ക് പാവം തോന്നി.

\"ഞാൻ പോയി ഫ്രഷ് ആയിട്ട് വരാം നീ ഇവിടെ ഇരിക്കട്ടോ\"ഹൃദ്യ അത്‌ പറഞ്ഞ് ദച്ചുവിനെ ഒന്ന് നോക്കിയിട്ട് റൂമിലേക്ക് പോയി.

ഇതേ സമയം ധ്രുവി ഫോൺ എടുത്ത് ആരെയോ വിളിക്കുവാണ്.

\"ഞാൻ പറഞ്ഞതിന്റെ സീരിയസ്നെസ്സ് ഇയാൾക്ക് മനസ്സിലായി കാണുമല്ലോ\"

\"അഹ് സാർ മനസ്സിലായി\"

\"എങ്കിൽ നാളെ മുതൽ ദക്ഷയെ താൻ ഫോളോ ചെയ്യണം അവൾക്ക് എന്ത് പ്രശനം ഉണ്ടെങ്കിലും അപ്പോൾ തന്നെ എന്നെ ഫോൺ വിളിച്ചു പറയണം കേട്ടോ വിജയ്\"

\"ഓക്കേ സാർ ഞാൻ എന്റെ ഡ്യൂട്ടി നാളെ തുടങ്ങിയിരിക്കും\"അയാൾ അത്‌ പറഞ്ഞതും ധ്രുവി കോൾ കട്ട്‌ ചെയ്തു.

ധ്രുവി തിരിച്ച് അകത്തേക്ക് വന്നപ്പോൾ ദച്ചുവിനെ അവിടെ കണ്ടില്ല. അവൾ ഹൃദ്യയുടെ റൂമിൽ ഇണ്ടാവും എന്ന് വിചാരിച്ച് അവിടേക്ക് പോവാൻ തുടങ്ങിയതും ദച്ചു ബാൽക്കണിയിൽ നില്കുന്നത് കണ്ടു. അവൻ ഒരു പുഞ്ചിരിയോടെ അവളുടെ അടുത്തേക്ക് നടന്നു.


തുടരും.....

സഖി🧸