💘*Queen of Daani*💘

🥀LOVE After NikKaH💝

 

 

Part-8


അതാരാ ഇപ്പൊ വന്നിട്ട് പോയേ..(ദിലു) 

അതാണ്‌ ദാനി.. ബ്രോടെ ബെസ്റ്റ്ഫ്രണ്ട്(അഫി)

mm.. ആളെ ഒന്നൂടെ ഒന്ന് കാണണം.. (ദിലു) 

എന്തിന്..

ചിലത് ചോദിക്കാന്‍..(ദിലു) 

തമാശ ഒക്കെ മതിയാക്കി വരാന്‍ നോക്ക് എല്ലാം... ഇരുട്ടായി തുടങ്ങി..

ഇനിയിപ്പോ കുറെ കലിപ്പ് ഇട്ട് പേടിപ്പിച്ചോ.. കണ്ട് പിടിക്കുന്നുണ്ട് ഞാന്‍ ഒരു ദിവസം...(ദിലു) 

കണ്ട് പിടിക്കുമ്പോ എന്നോടും കൂടി ഒന്ന് പറയണേ.. 

അതും പറഞ്ഞു അവര്‍ക്കാര്‍ക്കും മുഖം കൊടുക്കാന്‍ നില്‍ക്കാതെ അജു അവിടെ നിന്ന് പോയി.. ബാഗും ചെരുപ്പും ഒക്കെ പെറുക്കി ദിലുവും പാത്തുവും ഏറ്റവും പിറകില്‍ ആണ് വന്നത്..

അല്ലടി..നീ ഇതിന്‍റെ ഇടയില്‍ nice ആയിട്ടൊന്നു മുങ്ങിയോ (ദിലു) 

ഏയ്‌ ഇല്ലല്ലോ..

ഞാന്‍ ആലിടെ കൂടെ കളിക്കുമ്പോ ഒന്നും നിന്നെ കണ്ടില്ലല്ലോ.. പിന്നെ ആ കുരിപ്പിന്റെ കലപില കാരണം നിന്നെ ശ്രദ്ധിക്കാനും സമയം കിട്ടിയില്ല, അത് വേറെ കാര്യം. (ദിലു) 

ഞാന്‍ കുറച്ചു നേരം ഒന്ന് മാറിയിരുന്നു.. കുറെ നേരം ഓടി കളിച്ചിട്ട് കാലൊക്കെ വേദന എടുത്ത്..

എന്നിട്ട് വേദന മാറിയോ.. (ദിലു) 

അതൊക്കെ മാറി.. ഞാന്‍ വേറെ ഒരു കാര്യം ആലോചിക്കുവാര്‍ന്നു

എന്ത്..(ദിലു) 

മറ്റേ ഇക്കാന്‍റെ കാര്യം.. എന്താ പേര് പറഞ്ഞേ ആ ദാനി..

അയാള്‍ക്ക് എന്താ..(ദിലു) 

അയാള്‍ക്ക് ഒന്നും ഇല്ല.. ഞാന്‍ പറഞ്ഞത്.. ഇന്നിപ്പോ നമ്മള്‍ എത്രാമത്തെ തവണയാ അവരെ കാണുന്നത്.. മുന്‍പ് മാളിലും ഇപ്പൊ ഇവിടേം, നിനക്ക് എന്തോ ഒന്ന് ഫീല്‍ ചെയ്യുന്നില്ലേ..

you mean അയാള് നമ്മളെ ഫോളോ ചെയ്യുവാണോ(ദിലു) 

ആകാം ആകാതിരിക്കാം..

പോടീ.. അജുക്കാന്റെ ഫ്രണ്ട് ആണെന്നല്ലേ പറഞ്ഞേ.. അപ്പൊ ഇക്കാനെ കാണാനോ മറ്റോ വന്നതായിരിക്കും..(ദിലു) 

പക്ഷേ കണ്ടിട്ട് ഒരു വാക്ക് പോലും സംസാരിക്കാന്‍ നില്‍ക്കാതെ അനിയത്തിയേം വിളിച്ചു പോയില്ലേ.. അപ്പൊ എന്തോ തരികിട ഉണ്ട്... ഉറപ്പ്..

നീയുള്ളിടത്ത് അല്ലേലും തരികിടക്ക്‌ ഒരു കുറവും കാണില്ലല്ലോ (ദിലു) 

കളിയല്ലെടി കാര്യം..

നിര്‍ത്തിയിട്ട് പോന്നെടി നീ.. ഇനി എന്തേലും ഉണ്ടേലും ഇക്ക ഉണ്ടല്ലോ ഇക്ക നോക്കിക്കോളും..(ദിലു) 

അങ്ങേര് മാത്രം ആണ് പ്രശ്നം..

എന്തേലും പറഞ്ഞോ(ദിലു) 

ഏയ്‌ എന്ത് പറയാന്‍.. വേഗം നടക്ക് ഇല്ലേ നമ്മളെ കൊണ്ടോകാതെ പോകും..



അന്ന് വീട്ടില്‍ എത്തുന്ന വരെയും അജു ആ ഗൌരവത്തില്‍ തന്നെ ആയിരുന്നു.. ദിലുവും അഫിയും പൊന്നുവും കൂടി എന്തൊക്കെ പറഞ്ഞു ചിരിപ്പിക്കാന്‍ നോക്കിയിട്ടും അവന് ഒരു കുലുക്കവും ഇല്ല.. പാത്തുവിനെ അവളുടെ വീട്ടില്‍ ഡ്രോപ്പ് ചെയ്ത് തിരിച്ചു വീടെത്തിയപ്പോഴേക്കും നേരം കുറെ ആയിരുന്നു.. അവരെ കാണാഞ്ഞിട്ട്‌ ഉമ്മ പുറത്ത് തന്നെ വന്നിരിക്കുന്നുണ്ടായിരുന്നു...


മര്യാദക്ക് ഒന്ന് ഇരുട്ടുന്നതിന്‍ മുന്പ് വന്നൂടെ.. ഞാന്‍ എത്ര നേരം ആയിന്നറിയോ ഈ ഇരുത്തം ഇരിക്കാന്‍ തുടങ്ങിയിട്ട്.. ഒറ്റൊന്നിനെ ഫോണ്‍ വിളിച്ചാലും എടുക്കില്ല...

ഞാന്‍ പറഞ്ഞതല്ലേ വരാന്‍ ഇച്ചിരി വൈകുംന്ന്..

എന്ത് പറഞ്ഞാലും കുറെ ന്യായങ്ങള്‍ ഉണ്ടാകും.. ആദ്യം പോയി കുളിക്ക് എല്ലാം... ഓരോന്നിന്റെം കോലം കണ്ടില്ലേ...

അത് അഫിയെയും ആലിയെയും ഉദ്ദേശിച്ചു പറഞ്ഞതാണ്.. രണ്ടിനേം പിടിച്ചു മണലില്‍ ഇട്ടു ഉരുട്ടി എടുത്ത പോലെ ആണ് കോലം.. അത് മനസിലയിട്ടു തന്നെ ആകണം രണ്ടും ഒന്ന് ഇളിച്ചു കൊടുത്തിട്ട് അകത്തോട്ട് കയറി പോയി.

നിങ്ങള്‍ കഴിച്ചിട്ടാണോ വന്നെ..

ഈ സാധനത്തിന്റെ കൂടെ പോയാല്‍ പുറത്തൂന്നു കഴിച്ചിട്ട് വരും എന്ന് തോന്നുന്നുണ്ടോ.. ഒരു ഐസ്ക്രീം കൊണ്ട് ഞങ്ങളെ അങ്ങ് ഒപ്പിച്ചു.. (ദിലു) 

അയ്യോ പറയുന്ന ആള് ഒന്നും കഴിച്ചിട്ടേ ഇല്ല.. ഫുഡ്‌ ഒക്കെ ഉച്ചക്ക് ആവശ്യത്തിലധികം വലിച്ചു കേറ്റിയിട്ടുണ്ട്.. പിന്നെ രാത്രി ഫുഡ്‌ അത് എല്ലാവരും ഒരുമിച്ചു തന്നെ.. അതിന് ഒരു മാറ്റവും വരന്‍ പോകുന്നില്ല..

ഓ സമ്മതിച്ചു എന്‍റെ പൊന്നു സാറേ.. വാ തുറന്നാലുള്ള ഈ ഫിലോസഫി ആണ് സഹിക്കാന്‍ പറ്റാത്തത്... ഇവിടെ കഴിക്കാന്‍ എന്തേലും ഒക്കെ ഉണ്ടാകുമല്ലോ അല്ലെ.. എന്‍റെ കുടല് കരിയുന്നു..(ദിലു) 

ഫുഡ്‌ ഒക്കെ ഇരിപ്പുണ്ട്.. പക്ഷേ കുളിക്കാതെ പച്ച വെള്ളം ഞാന്‍ തരില്ല. പോയി കുളിക്ക് രണ്ടും.. ഞാന്‍ ഫുഡ്‌ എടുത്ത് വയ്ക്കട്ടെ...


ദിലു അവിടെ നില്ല്..

എന്താ..

നിന്‍റെ സാധനങ്ങള്‍ എടുത്തിട്ട് പോടീ..

അതിക്ക എടുത്തോണ്ട് വന്നാ മതി..

മര്യാദക്ക് എടുത്തിട്ട് പോടീ...

അവന്‍ ഒരല്‍പം കനത്തില്‍ തന്നെ പറഞ്ഞതും ദിലു വേറെ നിവര്‍ത്തി ഇല്ലാണ്ട്  അവനെ ഒന്ന് തറപ്പിച്ചു നോക്കിയിട്ട് കവറുകള്‍ ഒക്കെ പെറുക്കി ഇറങ്ങി.. ഓസിന് കിട്ടിയപ്പോ പൊന്നു അഫിയെ നന്നായി പിഴിഞ്ഞിട്ടുണ്ട്.. ദിലു ഒരു തരത്തില്‍ ഒക്കെ കൂടി എടുത്തു ഇറങ്ങിയപ്പോഴും അജു നിന്നിടത്ത്‌ നിന്ന് ഒരടി അനങ്ങിയിട്ടില്ല...

ഓ ഇനി ഈ ഡോറും ഞാന്‍ തന്നെ അടക്കണമായിരിക്കും അല്ലെ..

അതും പറഞ്ഞു അവനോടുള്ള ദേഷ്യം മൊത്തം തീര്‍ക്കാനെന്ന പോലെ ഡോറില്‍ ആഞ്ഞ് ഒരു ചവിട്ടും കൊടുത്തിട്ട് അകത്തേക്ക് പോയി.. അവള് പോയതിനു പിന്നാലെ അജു ഡോര്‍ പറിഞ്ഞു പോന്നോ എന്ന് ഒന്ന് നോക്കി കാര്‍ ലോക്ക് ചെയ്തു ഉള്ളിലേക്ക് നടന്നു..




ദാനിക്ക് എന്തായാലും അജുവിനെ പോലെ ഉള്ള നല്ല ശീലങ്ങള്‍ ഒന്നും ഇല്ലാത്തത് കൊണ്ട് ആലിയേം കൂട്ടി ഫുഡ്‌ ഒക്കെ അടിച്ചു അയാനുള്ളത് പാര്‍സലും വാങ്ങിച്ചാണ് വീട്ടിലെത്തിയത്..


ഹാളില്‍ തന്നെ അയാന്‍ ഉപ്പാനെ കാണിക്കാന്‍ ഒരു ബുക്കും പിടിച്ചു അവരെ കാത്ത് നില്‍ക്കുന്നുണ്ട്.. ടെബ്ലിളിന്റെ ഓപ്പോസിറ്റ് ആയി ഉപ്പയും ലാപ്പില്‍ എന്തോ ഒഫീഷ്യല്‍ ഫയല്‍ ഒക്കെ നോക്കി ഇരിക്കുന്നുണ്ട്.. ദാനിയുടെ കാര്‍ പോര്‍ച്ചില്‍ വന്നു നില്‍ക്കുന്ന ശബ്ധം കേട്ടതും അയാന്‍ ബുക്ക്‌ മടക്കാന്‍ പോലും നില്‍ക്കാതെ പുറത്തേക്കു ഓടി.

കയ്യില്‍ ആയാന് വാങ്ങിച്ച ഫുഡും ആയി ആലി ചാടിത്തുള്ളി വരുന്നത് കണ്ടപ്പോഴേ അയാന്‍ ഹാപ്പി.. പിന്നാലെ തന്നെ രണ്ടു കൈ നിറച്ചും അവള് വാങ്ങിച്ച സാധനങ്ങളും ആയി ദാനിയും ഉണ്ട്. ഇഷയുടെ ട്രീറ്റ്‌ ആയത് കൊണ്ട് കവറിന്റെ എണ്ണത്തിന് കുറവൊന്നും ഇല്ല.. അയാന്‍ വന്ന പാടെ ആലിയുടെ കയ്യില്‍ നിന്ന് കവര്‍ തട്ടിപ്പറിച്ചു..

എന്തായി.. (അയാന്‍)

അളിയന്‍ പൊറുക്കണം.. വിശപ്പിന്റെ അസുഖം ഉള്ളോണ്ട്  ഇക്കാനെ കൂട്ടാതെ ഫുഡടിക്കേണ്ടി വന്നു.. തല്ക്കാലം ഇത് വച്ച് അഡ്ജസ്റ്റ് ചെയ്യണം.. (ആലി)

അതല്ലടി കുരിപ്പേ.. ഇക്ക സമ്മതിച്ചോ.. അതെന്തായി..(അയാന്‍)

അതിന് പ്രത്യേകിച്ച് നടപടി ഒന്നും ആയില്ല.. ഇനി മാതാജി നേരിട്ട് ഇടപെടട്ടെ (ആലി)

വന്ന് കയറിയില്ല അതിന് മുന്‍പേ രണ്ടും കുശുകുശുപ്പ് തുടങ്ങിയില്ലലോ(ദാനി)

രണ്ടു പേരുടെം ഇടയിലോട്ട് കയറി നിന്ന് കയ്യിലുള്ള കവറെല്ലാം കൂടി സോഫയിലെക്കെറിഞ്ഞു കൊണ്ട് ദാനി ചോദിച്ചു.. 

അതിന് ഇക്കക്കെന്താ...(ആലി)

നിങ്ങള്‍ എന്താ ഇടയ്ക്കു ഇവനെ പറഞ്ഞു വിട്ടോ..(ഉമ്മി)

ഞാന്‍ പറഞ്ഞു വിട്ടതോന്നും അല്ല. അവന്‍ സ്വയം പോയതാ.. ഞാന്‍ തിരിച്ചു വരാന്‍ ഒക്കെ പറഞ്ഞതാ.. ഇല്ലെങ്കില്‍ അവനോട് തന്നെ ചോദിച്ചു നോക്ക്..(ദാനി)

ആണോടാ..

അത്  എനിക്ക് കോളേജിലെ  കുറച്ച വര്‍ക്ക്‌ ചെയ്യന്‍ ഉണ്ടായിരുന്നു..(അയാന്‍)

എന്നിട്ട് നീ ഇവിടെ നല്ല വര്‍ക്ക്‌ ചെയ്യല്‍ ആയിരുന്നു..(ഉപ്പ)

അതൊക്കെ വിട്.. നിങ്ങള്‍ ആകെ ക്ഷീണിച്ചു കാണുവല്ലോ,, പോയി റസ്റ്റ്‌ എടുക്ക് ഞാന്‍ പോയി ഇത് അകത്താക്കട്ടെ..(അയാന്‍)

ആലിയുടെ കയ്യീന്ന് ആ പൊതിയും തട്ടിപ്പറിച്ചു അയാന്‍ അകത്തേക്ക് നടന്നു..

എനിക്ക്‌ ഒരു പീസ് എങ്കിലും..

ആ വെള്ളം മോളങ്ങ്‌ വാങ്ങി വച്ചേക്ക്.. (അയാന്‍)

നീ ഇവനെ നന്നായി പിഴിഞ്ഞെന്ന് തോന്നുന്നല്ലോ...(ഉമ്മി)

ഇത് ഇക്കാന്റെ വക ഒന്നും അല്ല.. ഉമ്മാന്റെ  ഭാവി മരുമകളുടെ ട്രീറ്റാ..

ആര്.. ഇഷയോ...

അല്ലാതാര്... അല്ലെ ഇക്കാ..(ആലി)

രണ്ടിനും ഓസ്കാർ കൊടുക്കണം.. എന്തൊരു ആക്ടിങ് ആണ് സജി..(ദാനി)

ഇവൻ എന്തൊക്കെയാ ഈ പറയുന്നേ..

അതൊന്നും ഉമ്മി നോക്കണ്ട.. അതിന് നല്ല മുഴുത്ത വട്ടാ.. ഞാൻ കുളിച്ചിട്ട് വരാം.ഉമ്മി ഇതൊക്കെ എടുത്ത് അകത്തു വയ്ക്ക്..

ഡാഡിജി..

കുളിക്കാതെ എന്റെ അടുത്ത വന്നേക്കരുത്..(ഉപ്പ)

വേണ്ടേ വേണ്ട... ഇച്ചിരി സ്നേഹം കാണിക്കാംന്ന് വച്ചപ്പോ.. ഇപ്പൊ നിങ്ങള്‍ടെ പുത്രന്മാരെ അല്ലെ പിടിക്കൂ അല്ലെ..(ആലി)

അവരെ കൊണ്ടേ നാളെ എന്തേലും ഉപകാരം കിട്ടൂ..

ഇവന്മാരെ കൊണ്ടല്ലേ കിട്ടിയതന്നെ... (ആലി)

അതും പറഞ്ഞു അവൾ അകത്തേക്ക് കയറിപ്പോയി..



രാത്രി ഒരുപാട് വൈകിയിട്ടും ഉറക്കം കിട്ടാതെ ബാൽക്കണിയിൽ ഇരുന്നു വെറുതെ ഓരോന്ന് കുത്തി വരച്ചു ഇരിക്കുകയാണ് ദാനി.. മനസ്സ് മുഴുവൻ ഇന്ന് വൈകിട്ട് നടന്ന സംഭവം ആണ്... എത്രയൊക്കെ വേണ്ടായെന്നു വിചാരിക്കും തോറും അവന്റെ ഉള്ളിൽ വീണ്ടും വീണ്ടും ഉയർന്നു വരുന്നത് ആ വട്ട മുഖവും കാപ്പി മിഴികളും ഇളം ചുണ്ടും എല്ലാത്തിലും ഉപരി ഒന്നും കൂസാത്ത അവളുടെ സംസാരവും മാത്രമാണ് .. എന്തോ ഇത് വരെ തോന്നാത്ത എന്തൊക്കെയോ... ഇനി ഇതാണോ...

പെട്ടന്ന് എന്തോ ഓര്‍ത്ത പോലെ ഒരു ചിരിയോടെ സ്വയം തലക്കിട്ടൊരു കൊട്ട് കൊട്ടി..

എന്തോന്നടെ 90 സിലെ നായകന്മാരെ പോലെ അളിഞ്ഞ കുറെ ക്ലീഷേയും കൊണ്ട് ഇറങ്ങിയേക്കുന്നെ..

കാട് കയറിയ ചിന്തകളെ തിരിച്ചു വിളിച്ചു ഡയറി അടക്കുംമ്പോഴേക്കും നിഷ്കളങ്കമായി ചിരിക്കുന്ന ഒരു മുഖം ഡയറിയില്‍ പതിഞ്ഞു കഴിഞ്ഞിരുന്നു.. അവന്‍ പോലുമറിയാതെ അവന്‍ വരച്ച അതിലേക്കു തന്നെ ഒരു നിമിഷം ഉറ്റു നോക്കിക്കൊണ്ട് അവന്‍ പതിയെ അവിടെ നിന്ന് എണീറ്റു.. 



തുടരും...