ആദ്യ പ്രണയം ക്രഷ്  ഒക്കെ മിക്കവാറും ആളുകൾക്കു നൊമ്പരം ആയിരിക്കും...എനിക്കും ഉണ്ടായിരുന്നു അങ്ങനെ ഒരു ക്രഷ്... ഒരേ സമയം സന്തോഷവും വേദനയും തരുന്ന കുറേ നല്ല ഓർമകളും..

കൊല്ലത്തെ ഒരു എഞ്ചിനീയറിംഗ് കോളേജിൽ ബിടെക് പഠിക്കുന്ന കാലം..എന്റെ പേര് തൻവി..വീട് കുറച്ചു ദൂരെ ആയത് കൊണ്ട് ഹോസ്റ്റൽ ആയിരുന്നു താമസം..

Cs department ആയതു കൊണ്ട് കൂടുതലും ഗേൾസ് ആയിരുന്നു ക്ലാസ്സിൽ..20ബോയ്സും 40 ഗേൾസും..പൊതുവെ പഠിപ്പിസ്റ്റുകളുടെ ക്ലാസ്സ്‌ എന്ന് വേണമെങ്കിൽ പറയാം..ബോയ്സ്ന്റെ കാര്യം ആണ് കഷ്ടം എല്ലാം  ചെറുതും അയ്യോ പാവം ടൈപ്പും ..3 4 പേര് മാത്രം അതിൽ കുറച്ചു എങ്കിലും അലമ്പന്മാർ  ഉണ്ടായിരുന്നത്.. അവർ ആയിരുന്നു ക്ലാസ്സിന് ആകെ ഉള്ള മുതൽക്കൂട്ട്..

ഫസ്റ്റ് ഇയർ എല്ലാരേം പോലെ റാഗിങ്ഉം സീനിയർസിനെയും പേടിച്ചു ഒക്കെ നല്ല കുട്ടി ആയി നടന്നു... ആരുടേം നോട്ട പുള്ളി ആവാതെ ഇരിക്കാൻ ആയി പാവം കുട്ടി ഇമേജ് ഉണ്ടാകാൻ പ്രതേകം ശ്രദ്ധിച്ചു ...

ഹോസ്റ്റൽ ലൈഫ്  അടിച്ചു പൊളിച്ചു...combine സ്റ്റഡിയും, മൂവിസും, പ്രേത കഥകളും കത്തി അടിയും ഒക്കെ ആയി ഹോസ്റ്റൽ ലൈഫ് ആയിരുന്നു ആകെ ഒരു ആശ്വാസം..

ഫസ്റ്റ് ഇയറിൽ എനിക്കും കിട്ടിയിരുന്നു 2 പ്രൊപോസൽ. അതിൽ ഒരാൾ ഫൈനൽ ഇയറിലെ മെക്കാനിക്കൽ ഡിപ്പാർട്മെന്റിലെ ചേട്ടന്.. ആൾക്ക് കോളേജിൽ തന്നെ ഉണ്ടായിരുന്ന ലൈൻ ബ്രേക്ക്‌ അപ്പ്‌ ആയോണ്ട് ഒന്ന് കൂടി ബ്രേക്ക്‌ കിട്ടാൻ വേണ്ടി എന്നെ പ്രേമിക്കാൻ തോന്നിയതാണെന്ന്..മറ്റേത് സെയിം ഇയറിലെ ഒരാളും...

അങ്ങനെ സെക്കന്റ്‌ ഇയർ S3 ആയപ്പോ നമ്മൾ സീനിയർസ് ആയി..പുതിയ ജൂനിയർസ് വരുന്നു.. ഫ്രഷേഴ്‌സ് ഡേ അങ്ങനെ കോളേജ് ലൈഫ് ആകെ കളർ ആയി..

ചെറിയ രീതിയിൽ ഉള്ള റാഗിങ് ഒക്കെ ആയിട്ട് ആഘോഷിച്ചോണ്ട് ഇരിക്കുമ്പോ ഉണ്ടെടാ ക്ലാസ്സിലേക്ക് 2 പുതിയ ലാറ്ററൽ എൻട്രികൾ വരുന്നു എന്ന് ന്യൂസ്‌ കിട്ടിയത് ..ബോയ്സ് ആവണേ എന്നാണ്  ആദ്യം പ്രാർത്ഥിച്ചത്..... കാണാൻ കൊള്ളാവുന്ന ചെക്കന്മാർ ആവനെന്നു ആയി പിന്നെ അടുത്ത പ്രാർത്ഥന..

അങ്ങനെ കാത്തിരുന്നു കാത്തിരുന്നു വന്നു ഞങ്ങളുടെ ചുള്ളന്മാർ..ശ്രീകാന്തും റോഷലും ..ക്ലാസ്സിലെ ഗേൾസ്ന്റെ (4 പഠിപ്പിപികൾ ഒഴികെ )എല്ലാം മനസ്സിൽ 100 ലഡ്ഡു ഒരുമിച്ചു പൊട്ടി എന്ന് പറഞ്ഞാൽ മതിയല്ലോ..

ഇവന്മാരോട് ഒന്ന് പോയി പരിചപെടാമെന്നു വിചാരിച്ചാൽ എന്നും ഫസ്റ്റ് ഹൗർ പകുതി ആവുമ്പോഴേ  ക്ലാസ്സിൽ വരൂ.... മൂത്താപ്പമാർ ആയോണ്ട് മിസ്സ്‌ ഒന്നും മിണ്ടാതെ കേറികോളാൻ പറയും.അവർ നേരെ പോയി ബാക്ക്ബെഞ്ചിൽ ഇരിക്കും ചിലപ്പോ ക്ലാസിൽ ശ്രദ്ധിക്കും ചിലപ്പോൾ ഉറങ്ങുന്നത് കാണാം ..ബ്രേക്ക്‌ വരുമ്പോ വാണം വിട്ട പോലെ ഒരു പോക്കങ്ങു പോവും.. തിരിച്ചു കേറുന്നത് ക്ലാസ്സ്‌ തുടങ്ങി പകുതി ആവുമ്പോഴാണ്..

ബോയ്‌നോട് മാത്രം മിണ്ടുന്നതു കാണാം..ഒറ്റ ഗേൾസിനെ മൈൻഡ് ചെയ്യില്ല..എന്നെ പോലെ തന്നെ എല്ലാരും ഇവന്മാരോട് ഒന്ന് മിണ്ടാൻ വേണ്ടി കാത്തിരിക്കായിരുന്നു..

അവർക് ആണെങ്കിൽ ഒടുക്കത്തെ ജാഡ.. ഞങ്ങൾ എല്ലാരും കണ്ണിൽ എന്ന ഒഴിച്ച് കാത്തിരുന്നത് വെറുതെ ആയി..അവർ 2 പേരും പോളി ഒരുമിച്ചു പഠിച്ചതാണെന്ന് ബോയ്സ് പറഞ്ഞു അറിഞ്ഞു...

റോഷൽ അത്യാവശ്യം മിണ്ടും..ശ്രീ അധികം ആരോടും മിണ്ടാറില്ല..ക്ലാസിൽ തന്നെ 2 പേർക് ആളോട് സോഫ്റ്റ്കോർണർ ഉണ്ട് ...ആളെ impress ചെയ്യിക്കാൻ ആയിട്ട് ഇവളുമാർ എല്ലാം കൂടി അവനെ ശ്രീയേട്ടാ എന്നാക്കി വിളി..

ഞാനും ശ്രീകാന്തും അടുത്തടുത്ത റോൾ നമ്പേഴ്സ് ആയോണ്ട് എന്റെ അടുത്താണ് ലാബിൽ ആൾ ഇരിക്കാറ്.. അങ്ങോട്ട് നോക്കി ചിരിച്ചാൽ ഒന്ന് ചിരിക്കും അത്രേം തന്നെ..കുറച്ചു ഇൻട്രോവെർട് ടൈപ്പ് ആന്നെന്നു തോന്നി..

പ്രോഗ്രാമിങ്ങിൽ ബുജി ആന്നെന്നു 2 days കൊണ്ട് എനിക്ക് മനസിലായി.. ഞാൻ ഇവിടെ ലോജിക്കും ആലോചിച്ചു algorithm എഴുതുമ്പോഴേക്കും അവൻ റിസൾട്ട്‌ കിട്ടി കാണും..ഞാൻ അവനെ അന്തം വിട്ട് നോക്കി ഇരിക്കും..എന്നാൽ ഒന്ന് പറഞ്ഞു തരോ ആ പരിപാടി ഇല്ല..

ഇങ്ങോട്ട് മൈൻഡ് ഇല്ലാത്തവരെ നമ്മളും മൈൻഡ് ചെയൂല..പിന്നെ അധികം മൈൻഡ് ചെയാൻ പോവാതെ ആയി..ഞാൻ ഇടക്ക് ബാക്കിലേക് തിരിയുമ്പോ ഇവർ രണ്ടും ചുമ്മാ ക്ലാസ്സിൽ ഈ ലോകത്ത് ഒന്നും അല്ലാത്ത പോലെ ചിരിച്ചോണ്ട് ഇരിക്കുന്നത് കാണാറുണ്ട്..ഇനി ഇവന്മാർ രണ്ടും കഞ്ചാവാണോന്നു വരെ ഡൌട്ട് തോന്നി...

കഞ്ചാവ് വലിച്ചു ക്ലാസിൽ കോൺ തെറ്റി ഇരിക്കുന്ന 2 3  പേര് ഉണ്ട്... സത്യം പറയാലോ ഇവന്മാരെ കൊണ്ട് ആർക്കും ഇരു ശല്യോം ഇല്ല.. ക്ലാസ്സിൽ വരുന്നു ചുമ്മാ മിസ്സ്‌ പഠിപ്പിക്കുമ്പോഴും അല്ലാത്തപ്പോഴും ഇളിച്ചോണ്ട് ഇരിക്കും അല്ലെങ്കിൽ ഉറക്കം..അവർ ഈ ലോകത്ത് ഒന്നും അല്ലായിരിക്കും..

അങ്ങനെ കുറച്ചു ദിവസം കഴിഞ്ഞപ്പോ എന്നെ ക്ലാസ്സിൽ ഗേൾസ് എല്ലാം ശ്രീകാന്തിന്റെ പേര് പറഞ്ഞു കളിയാക്കാൻ തുടങ്ങി... ഇതെന്ത് കൂത്തു എന്നോർത്തു കാര്യം ചോദിച്ചു.. കാര്യം കേട്ടു ഞാൻ അടപടലം ഞെട്ടി.. ശ്രീ ക്ലാസ്സിൽ ഫുൾ ടൈം ഇരുന്നും കിടന്നും എന്നെയാണ് നോക്കുന്നതെന്ന്..

കേട്ടപ്പോ എനിക്ക് അത്ഭുതം തോന്നി..ലാബിൽ അടുത്ത് ഇരുന്നിട്ട് പോലും നേരിട്ട് മര്യാദക്ക് സംസാരിച്ചിട്ട് പോലും ഇല്ല... ജസ്റ്റ്‌ പേരും നാടും മാത്രം ചോദിച്ചു പരിചയപെട്ടത് അല്ലാതെ...

സെക്കന്റ്‌ ബെഞ്ചിൽ 2 പഠിപ്പിക്കളുടെ നടുക്ക് ഇരിക്കുന്ന ഞാൻ പാട് പെട്ടു ഇവർ പറയുന്നത് സത്യം ആണോന്നു അറിയാൻ തിരിഞ്ഞു നോക്കി.. സംഭവം സത്യം തന്നെ.. എന്നാലും എനിക്ക് ഒരു ഡൌട്ട് ഇനി ആ പഠിപ്പിക്കളെ എങ്ങാനും ആവോ നോക്കുന്നതെന്നു.. അതൊന്നു കൺഫോം ചെയ്യാൻ ഞാൻ സീറ്റ്‌ മാറി ഇരുന്നു.. അപ്പോഴും നോക്കിയപ്പോ സംഭവം സത്യം തന്നെ.. നമ്മളെ ആരെങ്കിലും നോക്കുനുണ്ടെന്നു അറിയുമ്പോ നമുക്ക് വരുന്ന ചെറിയ നാണവും ചമ്മലും ഒക്കെ എനിക്കും വന്നു...കുറച്ചു സന്തോഷോം..

അങ്ങനെ രാവിലെ കുറച്ചു അധികം നേരം കണ്ണാടിക് മുന്നിൽ ചിലവഴിക്കാൻ തുടങ്ങി..അതിന്റെ എഫക്ട് എന്റെ മുഖത്തു ഉണ്ടായിരുന്നു..കഷ്ടപ്പെട്ട് മേക്കപ്പ് ഒക്കെ ചെയ്ത് പോയ അന്ന് ശ്രീ വന്നില്ല ആള് നാട്ടിൽ പോയിരിക്കാണെന്ന്..എനിക്ക് നല്ല ദേഷ്യം വന്നു..അങ്ങനെ ആ വീക്ക്‌ ഫുൾ അവൻ വന്നില്ല.. ഞാൻ അതോടെ മേക്കപ്പ് പരിപാടി നിർത്തി..

അടുത്ത ആഴ്ച ഞാൻ കാത്തിരുന്ന പോലെ ശ്രീ വന്നു ആള് മുടി ഒക്കെ വെട്ടി ചുള്ളൻ ആയിട്ടാണ് വന്നത് .. ആളെ കണ്ടപ്പോ ഉണ്ടായ സന്തോഷം 100 വാട്ട് ബൾബ് പോലെ എന്റെ മുഖത്തു കാണാൻ ഉണ്ടായെന്നു പറഞ്ഞു ഫ്രണ്ട്‌സ് എന്നെ കളിയാക്കി..ക്ലാസ്സിൽ സെക്കന്റ്‌ ബെഞ്ചിൽ ഇരുന്ന് അവനെ നോക്കാൻ ഇച്ചിരി പാടായൊണ്ട് ഇരുത്തം തേർഡ് ബെഞ്ചിലേക് ആക്കി...പിന്നെ ഐശ്വര്യം ആയിട്ട് പരിപാടി അങ്ങോട്ട് തുടങ്ങി...അറിയാത്ത പോലെ ഞാൻ നോക്കുമ്പോ ആള് നോട്ടം മാറ്റും..എന്നെ നോക്കുമ്പോ ഞാനും നോട്ടം മാറ്റും..അങ്ങനെ ഞങ്ങൾ തമ്മിൽ ഒളിച്ചു കളി കുറച്ചു നാള് തുടർന്നു..

ആളെ കുറിച്ച് അറിയാൻ വേണ്ടി കിട്ടാവുന്നിടത്തുന്നു ഒക്കെ ഇൻഫർമേഷൻ കളക്ട് ചെയ്തു.. ഫ്രണ്ട്സിന്റെ കൂടെ വീട് എടുത്താണ് താമസം.. 3 ആൺമക്കളിൽ ഇളയതാണ് നമ്മുടെ കക്ഷി..ലാബിൽ അടുത്ത്  ആണ് ഇരിക്കുന്നതെങ്കിലും ചെക്കൻ നമ്മുടെ സൈഡിലേക് നോക്കുക പോലും ഇല്ല..പ്രോഗ്രാം ചെയ്ത് കഴിഞ്ഞാൽ അവിടുന്ന് എണീറ്റു പോയി ബോയ്സിന്റെ അടുത്ത് ഇരിക്കും..എനിക്ക് നല്ല ദേഷ്യം വരുന്നുണ്ടായിരുന്നു..ഇനി എല്ലാം എന്റെ തോന്നലാനൊന്നു വരെ തോന്നി തുടങ്ങി..

ഇവനോട് എന്തിനാ ക്ലാസ്സിൽ ഇരുന്ന് എന്നെ നോക്കുന്നെന്ന് ചോദിച്ചിട്ട് തന്നെ കാര്യം എന്നൊക്കെ തീരുമാനിച്ചു... പക്ഷെ അതിന് പറ്റിയ സിറ്റുവേഷൻ വരുമ്പോ ചോദിക്കാൻ എനിക്ക് പേടി..

അങ്ങനെ കാത്തിരുന്നു ഓണം സെലിബ്രേഷൻ വന്നു..സെറ്റ് സാരീ ഒക്കെ ഉടുത്ത മുല്ലപ്പൂ ചൂടി കുറി ഒക്കെ വരച്ചു നല്ല സന്തോഷത്തിൽ കോളേജിലേക് പോയി..സാരി ഒക്കെ ഉടുത്തു സുന്ദരി ആയിട്ട് പോവുന്ന അന്ന് ഞങ്ങൾ പെൺകുട്ടികൾക് ഒരു പ്രതേക സന്തോഷമാണ് പ്രതേകിച്ചു ഓണത്തിന്.. കോളേജിൽ എത്തിയപ്പോൾ മുതൽ അന്വേഷിച്ചത് ശ്രീയെയാണ്..ആൾ വന്നില്ല..പൂക്കളം ഇടുമ്പോഴും എല്ലാം എന്റെ കണ്ണ് ഡോറിൽ ആയിരുന്നു.. അവൻ വരുന്നുണ്ടോന്.. ആ ദുഷ്ടൻ വന്നില്ല..പിന്നെ ഞാൻ ആകെ മൂഡ് ഓഫ്‌ ആയിരുന്നു.. ചുമ്മാ ഒന്ന് കണ്ടാൽ മതിയായിരുന്നു..പിറ്റേ ദിവസം മുതൽ ഓണം വെക്കേഷൻ പ്ലസ് സ്റ്റഡി ലീവ് തുടങ്ങും .പിന്നെ കാണാൻ 15 days കഴിയണം ...എനിക്ക് എങ്ങനെ എങ്കിലും ഹോസ്റ്റലേക് പോയാ മതി എന്നായി..

അതോണ്ട് വേഗം സദ്യ ഒക്കെ കഴിച്ചു കൈ കഴുകി വന്നപ്പോ ഉണ്ടെടാ കൊറിഡോറിൽ ഫ്രണ്ട്സനോട് സംസാരിച്ചു നിക്കുന്നു നമ്മുടെ മുതൽ..

മുണ്ട് ഒക്കെ ഉടുത്തു നിക്കുന്നു എന്റെ ചെക്കൻ.. ഐവാ 😍അത്യാവശ്യം പൊക്കം ഉള്ളോണ്ട് ആള് മുണ്ട് ഉടുത്തിട്ട് എന്നാ ലുക് ആയിരുന്നു.. മെറൂൺ ഷർട്ടും ബ്ലാക്ക് കര ഉള്ള മുണ്ടും..എനിക്ക് സന്തോഷം കൊണ്ട് തുള്ളിചാടാൻ തോന്നി..

ക്ലാസ്സിൽ ഇരുന്നു നോക്കുന്നത് അല്ലാതെ നേരിട്ട് കണ്ടാൽ ആലുവ മണപ്പുറത്തു വെച്ച് കണ്ട മൈൻഡ് പോലും ഉണ്ടാവാറില്ല..എനിക്ക് ഇടക്ക് സംശയം തോന്നും ഇവൻ ഇനി ക്ലാസ്സിൽ വേറെ ആരെയെങ്കിലും ആണോ നോക്കുന്നതെന്നു .. അതോണ്ട് ഇന്ന് തന്നെ എന്തായാലും ചോദിക്കാൻ തീരുമാനിച്ചു.. എന്റെ ചങ്കതികളും ഇത് തന്നെ പറഞ്ഞു..

ഇവന്റെ മനസ്സിൽ എന്താണെന്ന് അറിയണമല്ലോ.. വെറുതെ അടങ്ങി ഇരുന്ന എന്റെ മനസിനെ ഇളക്കി ഇപ്പോ അവൻ ഒന്നും അറിയാത്ത പോലെ നടക്കുന്നു.. സത്യത്തിൽ അന്ന് ചോദിക്കാൻ ഉള്ള ചാൻസ് കിട്ടിയില്ല.. അവന്റെ കൂടെ ആരെങ്കിലും ഒക്കെ കാണും. ക്ലാസ്സിൽ ആണെങ്കിൽ ഫോട്ടോ എടുക്കൽ ഒക്കെ ആയിട്ട് തിരക്കോട് തിരക്ക്...ഒരു ഹാപ്പി ഓണം എല്ലാരും വിഷ് ചെയ്തപ്പോ പരസ്പരം വിഷ് ചെയ്തു അത് മാത്രം നടന്നു...

ഇനി വെക്കേഷനും സ്റ്റഡി ലീവ് കഴിഞ്ഞിട്ട് ചോദിക്കാമെന്നു വിചാരിച്ചു.. അങ്ങനെ വടം വലിയും ഉറിയടിയും കോളേജിലെ സ്ഥിരം ഓണതല്ലും കണ്ടിട്ടാണ് ഹോസ്റ്റലേക് തിരിച്ചു പോയത്...

തുടരും...

P. S. I love you