𝗥𝗲𝗮𝗱 𝗼𝗻 𝘆𝗼𝘂𝗿 𝗼𝘄𝗻 𝗿𝗶𝘀𝗸!!!🔞

ഭാഗം 10

അവന്റെ കണ്ണുകൾ ആദ്യം പാഞ്ഞത് ശിവയിലേക്കാണ്.....തന്നെ കണ്ട് വിടർന്ന കണ്ണുകൾ അവൾ കുനിക്കുന്നത് കണ്ടതും അഭി ദേഷ്യത്തോടെ തന്റെ മുഷ്ട്ടി ചുരുട്ടി.....അവൾക്ക് മറുപടിയായത് അച്ചുവിനെ ചേർത്തു പിടിച്ചു അവളുടെ നെറ്റിയിൽ ചുണ്ടുകൾ ചേർക്കുന്ന അഭിയേയാണ്!!

ആ കാഴ്ച്ച കണ്ടമാത്രയിൽ അശ്വിന്റെ കയ്യിൽ പിടിച്ചവൾ പുറത്തേക്ക് നടന്നു.....അവന്റെ കയ്യിൽ അവളുടെ കൈ മുറുകുന്നുണ്ടായിരുന്നു......കാറിനടുത്ത് എത്തിയതും ശിവ അവന്റെ കൈകളെ മോചിപ്പിച്ചു  അവന് നേരെ തിരിഞ്ഞു നിന്നു....

\'\'നീ എന്തൊക്കെയാണ് ചെയ്യുന്നതെന്ന് നിനക്ക് വല്ല ബോധമുണ്ടോ,,മീറ്റിംഗ് പകുതിയിൽ വെച്ച് വന്നത് നിനക്ക് അത്യാവശ്യമായി സംസാരിക്കണമെന്ന് പറഞ്ഞതുകൊണ്ട് മാത്രമാണ്,,ഇതിനായിരുന്നോ വിളിച്ചു വരുത്തിയത്....
അത്രയും ആളുകളുടെ മുന്നിൽ തലകുനിക്കെണ്ടെന്ന് കരുതിയാണ് ഇത് ഞാൻ വാങ്ങിയത് ഒരു നല്ല ഫ്രണ്ടാണെന്ന് കരുതി...പക്ഷെ നിന്റെ ഭാഗത്തുനിന്നും ഇങ്ങനൊരു ബിഹേവിയർ പ്രതീക്ഷിച്ചില്ല അശ്വിൻ.......ഗുഡ്ബായ്,, ദയവു ചെയ്ത് ഇനിയും സൗഹൃദം നടിച്ചു വരരുത്.....\'\'
വിരലിൽ അവൻ അണിയിച്ച മോതിരം അവന്റെ കയ്യിലേക്ക് നൽകി ഉറച്ച ശബ്ദത്തോടെ പറഞ്ഞുതീർത്തു അവൾ കാറിലേക്ക് കയറി.....

അതിവേഗത്തിൽ കാർ അവനു മുന്നിലൂടെ കടന്നുപോയതും കയ്യിലെ റിംഗ് വീശിയെറിഞ്ഞു അവൻ അവൾ പോയ വഴിയേ നോക്കി........

\'അശ്വിൻ നിന്നെ സ്വന്തമാക്കണമെന്ന് ആഗ്രഹിച്ചിട്ടുണ്ടെങ്കിൽ സ്വന്തമാക്കിയിരിക്കും ശിവാ,,,ഇത്രയും കാലം സൗഹൃദമായി നിന്നത് നിന്നെ നഷ്ടപ്പെടുത്താനല്ല,, ഒരുത്തനും ഞാൻ നിന്നെ വിട്ടുകൊടുക്കില്ല.......\'

ഇന്നലെ രാത്രിയിൽ അവളുടെ വീട്ടിൽ നിന്നും പുഞ്ചിരിയോടെ ഇറങ്ങി വരുന്നത് കണ്ട അഭിയുടെ മുഖം ഓർമയിലെത്തിയതും അവൻ കോപത്താൽ ജ്വലിച്ചു.......
\'\'വിട്ടുകൊടുക്കില്ല....ഒരുത്തനും!!!!....\'\'

!!!!!!!!!!!!!!!!!!!!!!!!

കൂടിയ ആളുകളെല്ലാം പിരിഞ്ഞുപോയിരുന്നു.....

ശിവയെയും അശ്വിനേയും കണ്ടമാത്രയിൽ താടിയിലും കൈകുത്തി ദേവു ചെയറിലേക്ക് ഇരുന്നതാണ്.....
\'എന്നാലും അശ്വിൻ ,ശിവ അവരെങ്ങനെ ശരിയാവും??...ശിവ എന്തിനാണ് അക്സപ്പ്റ്റ് ചെയ്തത്??....അപ്പൊ അഭിയേട്ടനും ശിവയും തമ്മിൽ ഒന്നുമില്ലേ??....പക്ഷെ അങ്ങനയാവുമ്പൊ ഏട്ടൻ അച്ചുവിനെ കിസ്സ് ചെയ്യുന്നത് കണ്ടപ്പൊ അവളുടെ മുഖമെന്തിനാ മാറിയത്??......\'
ദേവു ആകെ കണക്ക് കൂട്ടിയും കിഴിച്ചും ആശയക്കുഴപ്പത്തലായി........

കുഞ്ഞിനെ പോലെ തന്റെ നെഞ്ചിൽ മുഖംചേർത്തു തേങ്ങുന്ന അച്ചുവിന്റെ തലയിലൂടെ വാത്സല്യത്തോടെ അഭി തലോടി......

\'\'എടീ പെണ്ണെ....ആ ഡയറക്ടർ എത്ര കഷ്ടപ്പെട്ടാണ് നിന്നെ കരയിപ്പിക്കുന്നത്...ഇപ്പൊ അന്ത്യമില്ലാതെ ഒഴുകുന്നത് നോക്കാ...നമുക്ക് ഇപ്പൊ പോയി ആ ഷോട്ട് എടുത്താലോ.....\'\'

ചുണ്ടുവിരിൽ അവളുടെ മുഖമുയർത്തി കാര്യഗൗരവത്തോടെ അവൻ ചോദിച്ചതും നിറഞ്ഞ മിഴികൾ ദേഷ്യത്തോടെ അവൾ കൂർപ്പിച്ചു......

\'\'അഭീ...എനിക്ക് അശ്വിനെ എത്രത്തോളം ഇഷ്ടമാണെന്ന് നിനക്കറിയുന്നതല്ലേ...പക്ഷെ അവന്.....\'\'
അവൾ തേങ്ങി....

\'\' നിന്റെ ചെക്കനായതുകൊണ്ട് മാത്രമാണ് അവനെ ഇത്രയും നാൾ ഞാൻ വെറുതെ വിട്ടത്....അവൻ ലിമിറ്റ് ആവോളം ക്രോസ് ചെയ്തിട്ടുണ്ട്....ഇനിയും എന്റെ പെണ്ണിനോട് ഇങ്ങനെ പെരുമാറിയാൽ അവന്റെ കാല്മുട്ട് ഞാൻ തല്ലിയൊടിക്കും...ഒന്ന് ഓർമിച്ചേര്.....\'\'

അവൻ പറയുന്നത് കേട്ട് ഞെട്ടലോടെ അച്ചു അവനിൽ നിന്നും അകന്ന് നിന്നു....

\'\'വാട്ട്... നിന്റെ പെണ്ണ്... ആര് ശിവാകൃതിയോ!!!\'\'അവൾ അത്ഭുതത്തോടെ കണ്ണ്മിഴിച്ചു......

\'\'ഹ്മ്....\'\'അവൻ കള്ളച്ചിരിയോടെ തലയാട്ടി മൂളി....

\'\'ദൈവമേ.... ഈ പാറ എപ്പൊ ഉരുകി😳\'\'

\'\'അവളെ കണ്ടപ്പൊ തന്നെ ഉരുകി.....\'\'ആ ചിന്തയിൽ ഒരു ഒഴുക്ക് മട്ടിൽ അവൻ പറഞ്ഞു....

\'\'സന്തോഷമായി ഗോപിയേട്ടാ.....നീ അവളെ കെട്ടുന്ന സ്ഥിതിക്ക് എന്റെ ചെക്കൻ സൈഫ്....\'\'അവൾ തുള്ളിച്ചാടി...

\'\'അത് ഞാനൊന്ന് ആലോചിക്കട്ടെ...\'\'

\'\'എന്ത്??.\'\'

\'\'കെട്ടുന്ന കാര്യം....കയ്യിൽ ഒന്ന് കിട്ടിക്കോട്ടെ,,,അവളെ ഞാൻ ശരിയാക്കുന്നുണ്ട്.....\'\'അവൻ ആലോചനയോടെ ചുണ്ടുകൂട്ടി പറഞ്ഞു....

രണ്ടും ഒരുപോലെ തിരിയുമ്പോ കാണുന്നത് വായും പൊളിച്ചു നിൽക്കുന്ന ദേവുവിനെ....അവര് രണ്ടുപേരും പരസ്പരം നോക്കി അവളിലേക്ക് തന്നെ നോട്ടമിട്ടു.....

\'\'അപ്പൊ ഏട്ടന് ശിവയെ ഇഷ്ടമാണെന്ന് സമ്മതിച്ചല്ലേ.....\'\'അവൾ സന്തോഷത്തോടെ തുള്ളിച്ചാടി ചോദ്യവാക്കിൽ അവനെ നോക്കി.....നെറ്റിയിൽ തടവിക്കൊണ്ട് ഇടംകണ്ണിട്ട് അവൻ ചിരിച്ചതും അവൾ അവന്റെ കയ്യിൽ തൂങ്ങി...

\'\'എന്റെ ഫുൾ സപ്പോർട്ട്.....ഏട്ടനെ ആ കുഴിയിൽ വീഴ്തിയിട്ടേ ഇനി എനിക്ക് ഉറക്കമുള്ളൂ......\'\'ദേവു കളിയാക്കി ചിരിച്ചു......

ശിവയിൽ തുടങ്ങിയ സംസാരം മൂവർക്കും പ്രിയപ്പെട്ട സിനിമ ഫീൽഡിൽ എത്തിനിന്നു......

അന്ന് മറ്റൊരു ഷോട്ടും ഉണ്ടായതിനാൽ അഭിയും അച്ചുവും അങ്ങോട്ട് പോയി....ദേവു വീട്ടിലേക്കും മടങ്ങി.......

!!!!!!!!!!!!!!!!!!!!!!!!!!

പതിനൊന്നരയോട് അടുത്തിട്ടും ശിവയെ വീട്ടിലേക്ക് കാണ്ടില്ല.....ദേവു ഫോണിൽ വിളിച്ചു നോക്കി...റിംഗുണ്ടെന്ന് അല്ലാതെ അറ്റന്റ് ചെയ്യുന്നില്ല......മൂന്ന് നാല് വട്ടം തുടർന്ന് പിന്നെ ദേവു അഭിയുടെ ഓർമ്മയിൽ അവന് വിളിച്ചു പറഞ്ഞു......

അവൻ അഖിലിന് അന്വേഷിച്ചു.....അവൻ വീട്ടിലേക്ക് വരുമ്പോൾ കമ്പനിയിൽ ഉണ്ടായിരുന്നെന്നാണ് അഖിൽ പറഞ്ഞത്....അത് കേട്ടപാതി അഭി അങ്ങോട്ട് പോയി....

അവളുടെ ഓഫീസിൽ ലൈറ്റ് കണ്ടതും അവൻ ശരിക്കൊന്ന് നിശ്വസിച്ചു....ഉടനെ ദേവുവിന് വിളിച്ചു
ശിവ കൂടെയുണ്ടെന്ന് അറിയിച്ച് അവൻ കാറിൽ നിന്നും ഇറങ്ങി.....ഡോർ അടക്കാൻ നിന്നതും കാറിന്റെ ബോണറ്റിന് മുകളിൽ നിന്നും എന്തോ തിളങ്ങുന്നത് കണ്ട് അഭി അങ്ങോട്ട് നടന്നു.....

ഒരു റിംഗ് ആണ്,,നെറ്റിചുളിഞ്ഞു പോയ അവൻ അശ്വിന്റെ കയ്യിൽ ശിവക്ക് നേരെ നീണ്ടുനിന്നിരുന്ന ആ റിംഗ് ഓർമ്മയിൽ തെളിഞ്ഞു......

\'അപ്പൊ ഞാൻ വിചാരിച്ചത് പോലെ തന്നെ ആളുകളുടെ മുന്നിൽ നിന്ന് സുഹൃത്തിനെ തലകുനിക്കാതെ സംരക്ഷിച്ചതാണ്.....\'
അവനിൽ ഒരു നനുത്ത പുഞ്ചിരി വിടർന്നു.....

സിസിടിവിയിലൂടെ അഭിയുടെ കാർ  വന്നത് കണ്ട് ശിവ പല്ലുറിമ്മി മുഖം തിരിച്ചു ചെയറിൽ ഇരുന്നു......

ഇതേ സമയം അഭി കമ്പനിലേക്ക് ഓടി ക്കയറി...

\'\'ഹണീ...\'\'എന്ന വിളിയോടെ അവളുടെ ഓഫീസിന്റെ ഡോർ തുറന്നതും തനിക്ക് നേരെ പാഞ്ഞു വന്ന പേപ്പർവേറ്റ് കണ്ട് അതേപടി അവൻ ഡോറടച്ചു.....ഡോറിൽ തട്ടി അത് തെന്നിത്തെറിക്കുന്ന ശബ്ദം കേട്ട് നെഞ്ചിൽ കൈവെച്ച് ഞെട്ടലോടെ അവൻ നിന്നു🤭

(തുടരും........)