അങ്ങനെ പല ചിന്തയോടെയും എല്ലാവരും അവരവരുടെ മുറികളിൽ പോയി...യാത്രയുടെ ക്ഷീണം മാറ്റാൻ ഒന്ന് കുളിച്ചു ഫ്രഷ് ആയി വരുകയും ചെയ്തു  ... എന്നിട്ടു ഭക്ഷണം കഴിക്കാൻ വേണ്ടി താഴെ ഹാളിൽ ഉള്ള ഡെയിനിങ് ടേബിളിന്റെ അരികിൽവന്നു..

      എല്ലാവരും ഭക്ഷണം കഴിക്കാൻ തുടങ്ങി എല്ലാവർക്കും എന്താണോ വേണ്ടത് അത് വളരെ സന്തോഷത്തോടെ മായയും വേണു ഇട്ടുകൊടുത്തു

      \"ആരാണ് കുക്ക് ചെയ്തത്...\"ഭക്ഷണം കഴിക്കുന്ന സമയം  ഗംഗാദേവി ചോദിച്ചു

     \"ഞാൻ..\" മായ പുഞ്ചിരിയോടെ പറഞ്ഞു 

      \"നന്നായിട്ടുണ്ട് എവിടെയോ എന്റെ ചേച്ചി ഗായത്രിദേവിയുടെ കൈപ്പക്കുവം വന്നതുപോലെ ഉണ്ട്‌..അവൾ ഉണ്ടാക്കിയത്  പോലെ തോന്നി എനിക്ക് ഒരു നിമിഷം...\" ഗംഗാദേവി പറഞ്ഞു 

      \"ആ ശെരിയാ എനിക്കും തോന്നി ഈ സാമ്പാർ കഴിച്ചപ്പോ....\"ഗോമാതിദേവിയും പറഞ്ഞു

      \"മം... പെട്ടന്ന് കഴിച്ചിട്ട് കുറച്ചു നേരം കിടന്നു ഉറങ്ങിക്കോളൂ എന്നിട്ടു എല്ലാവരും. ഉടനെ തന്നെ തിരിച്ചു പോകാൻ പുറപ്പെടാൻ നോക്കിക്കോളൂ...\" ഗംഗാദേവി വീണ്ടും പറഞ്ഞു

       അത് കേട്ടതും ചെറിയ വിഷമത്തോടെ എല്ലാവരും ഭക്ഷണം കഴിച്ചു ശേഷം കിടക്കാൻ അവരവരുടെ മുറിയിലേക്ക് പോയി... അപ്പോഴേക്കും മായയും ഗോമാതിയും എല്ലാ പത്രങ്ങളും എടുത്തു വെച്ചു

     \"മോളെ... ഇതെല്ലാം പിന്നെ കഴികാം..ഒറ്റയ്ക്ക് ഇനി ഒന്നും ചെയ്യണ്ട ഞാൻ ഒന്ന് കിടക്കട്ടെ... കുറച്ചു കഴിഞ്ഞു ഒരുമിച്ചു ചെയ്യാം..\"

      \"അത് സാരമില്ല ചിറ്റമ്മേ ഞാൻ ചെയ്തോളാം... \"മായ പറഞ്ഞു 

    \"എന്താ ചിറ്റമ്മയോ...\" ഗോമാതിദേവി ചോദിച്ചു 

      \"അല്ല  അത് പിന്നെ പ്രിയ അങ്ങനെയല്ലേ വിളിക്കാറ് അതാണ്‌ ഞാൻ..\" മായ ചെറിയ പരുങ്ങലോടെ  പറഞ്ഞു 

     \"മം..ശെരി..അത് സാരമില്ല നീയും പോയി  കിടന്നോ ഒറ്റയ്ക്ക് അല്ലെ ഇതെല്ലാം കുക്ക് ചെയ്തത് ക്ഷീണം ഉണ്ടാകും... നമ്മുക്ക് കുറച്ചു നേരം കിടന്നതത്തിന് ശേഷം വൈകുന്നേരം ഒരു ചായ വെച്ചുകൂടിച്ചിട്ടു ഈ ജോലിയൊക്കെ പതുകെ ചെയാം...ഇന്നലെ രാത്രി ഒരുപോള പോലും ഉറങ്ങിയിട്ടില്ല നല്ല ക്ഷീണം ഉണ്ട്‌ എനിക്കും അതാണ്‌...\" ഗോമാതിദേവി പറഞ്ഞു

    \"ശെരി ഞാനും കിടക്കാം ഒരു നാലുമണിയാകുമ്പോ വരാം..\" മായ മറുപടി പറഞ്ഞു 

    \"മ്മ്മ്..\"

    അങ്ങനെ മായയും ഗോമാതിയും അവരവരുടെ മുറിയിലേക്ക് പോയി...മായ അവളുടെ മുറിയിൽ വന്ന സമയം പ്രിയ നല്ല ഉറക്കത്തിൽ ആയിരുന്നു അതുകൊണ്ട് തന്നെ അവളെ ശല്യം ചെയ്യാതെ മായയും പതിയെ കട്ടിലിൽ അവളെ കെട്ടിപിടിച്ചു കിടന്നു.

     അദ്ദേഹം പറഞ്ഞത് പോലെ ഗായത്രിദേവി എന്റെ അമ്മയാണ് എങ്കിൽ ഇവൾ എന്റെ ചിറ്റമ്മയുടെ മകൾ ആണ് ഇതു എന്റെ കുടുംബമാണ്...പക്ഷെ എങ്ങനെ എന്നെ ചുറ്റി നിൽക്കുന്ന രഹസ്യം  ഞാൻ കണ്ടെത്താൻ ആ പുസ്തകം  മുഴുവനുമായി  എത്രയും പെട്ടന്ന്  തന്നെ വായിച്ചു നോക്കിയ ശേഷം അധികം താമസിയാതെ  തന്നെ ആ വീട്ടിൽ പോകണം..പക്ഷെ അപ്പോഴും എനിക്ക് മനസിലാകാത്തത് അദ്ദേഹം എന്തിനാണ് എനിക്ക് ചുറ്റും ആപത്തു ഉണ്ടെന്നും അതിൽ നിന്നും രക്ഷിക്കാൻ ആ ആത്മാവ് അതായതു എന്റെ അമ്മക്ക് മാത്രമേ കഴിയൂ എന്ന് പറഞ്ഞത്... ആരാണ് എന്റെ അമ്മയെ കൊന്നത് എന്താണ്... ഇനിയും ഇങ്ങനെ ആലോചിക്കാതെ ആ വീട്ടിൽ പോകണം പറ്റുമെങ്കിൽ ഇന്ന് രാത്രി തന്നെ... \"മായ മനസ്സിൽ വിചാരിച്ചു

      അങ്ങനെ ഓരോന്നും ആലോചിച്ചുകൊണ്ട് മായയും മയങ്ങി...ഇതേ സമയം ഗംഗാദേവിയുടെ മുറിയിൽ

       \"അദ്ദേഹം പറഞ്ഞത് പോലെ എത്രയും പെട്ടന്ന് തന്നെ നമ്മൾ ആ വീടിന് കാവലായി ഒരാളെ നിർത്തണം എത്ര പണം വേണമെങ്കിലും കൊടുക്കാം... അവൾ അവളെ ആ വീടിനകത്തേക്ക് കയറ്റാനോ അവളുടെ അമ്മയെ കാനാണോ സമ്മതിക്കരുത്...നമ്മുടെ ഒരു ചെറിയ പിഴവ് പോലും അവൾ ആ ഗായത്രിദേവി നമ്മുടെ അരികിൽ എത്താൻ കാരണമാവരുത്...അവളെ അവളുടെ മകളെ നമ്മൾ എങ്ങനെ മറന്നു എന്നത് എനിക്കു ഇപ്പോഴും അത്ഭുതം തോന്നുന്നു ആലോചിക്കുമ്പോ..\"
ഗംഗാദേവി  പറഞ്ഞു

      \"തീർച്ചയായും നീ പറയുന്നത് തന്നെ നമ്മൾ ഉടനെ ചെയ്തിരിക്കും.. ആ വീടിനുനൊരു കാവൽ വേണം ഞാൻ അതിനുള്ള ആളെ എത്രയും പെട്ടന്നു തന്നെ കണ്ടെത്താം... അവൾ ആ ഗായത്രിദേവിയുടെ മകൾ എവിടെയാണ്  എന്നതും ഞാൻ കണ്ടെത്താൻ ശ്രെമിക്കാം... \"രവീന്ദ്രൻ പറഞ്ഞു

      \"അഥവാ അവൾ പുറത്ത് വന്നാലും അവൾ നമ്മളെ ഒന്നും ചെയ്യാതിരിക്കാൻ എങ്കിലും ആ പെണ്ണിനെ നമ്മൾ കണ്ടെത്തിയെ മതിയാവൂ...\" ഗംഗാദേവി വീണ്ടും പറഞ്ഞു 

\"   മം..\"


   ഇതേ സമയം അല്പം മയങ്ങിയ ശേഷം  തരുൺ അമ്മ ഗോമാതിദേവിയുടെ മുറിയിൽ വന്നു...


    \"അമ്മേ...\" അവൻ കതകിൽ തട്ടി പതിയെ വിളിച്ചു 

     \"ആ മോനു വാ...\" ഗോമതി അവനെ അകത്തേക്ക് വിളിച്ചു


    അവൻ അമ്മയുടെ അരികിൽ കട്ടിലിലായി വന്നിരുന്നു... ഗോമതി പതിയെ തന്റെ മകനെ അവരുടെ മടിയിൽ കിടത്തി ആ മുടിയിഴകളിൽ കൈകൊണ്ടു കോതി

      \"എന്താ മോനു.... പണം വല്ലതും വേണോ പോകുമ്പോ...\"


       \" പണം... ഹും...അല്ല അമ്മയല്ലേ പറഞ്ഞത് ഇപ്രാവശ്യം വന്നാൽ കുറച്ചു ദിവസം ഇവിടെ അമ്മയുടെ കൂടെ നിൽക്കാൻ സമ്മതിക്കാം എന്ന്...എന്നിട്ടു ഇപ്പോൾ എന്താണ് വല്യമ്മ പോകാൻ പറഞ്ഞപ്പോ അമ്മ ഒന്നും മറുപടിയായി പറയാതിരുന്നത്...\"

      \"അത് പിന്നെ മോനെ അമ്മ എന്തുപറയാൻ ആണ് നിനക്ക് അറിഞ്ഞൂടെ ഇവിടെ ഈ വീട്ടിൽ നമ്മുടെ വല്യമ്മ എന്താണോ പറയുന്നത് അതിനു അപ്പുറം ഒന്നുമില്ല... പിന്നെ ഞാൻ എന്തുപറയാൻ ആണ്.. ഞാനും പറഞ്ഞാലും ആരും കേൾക്കില്ല...\" ഗോമാതുദേവി വിഷമത്തോടെ പറഞ്ഞു 

    \"എന്നാലും അമ്മേ ഞാനും അവളും ചോദിച്ചതല്ലേ അപ്പോൾ സമ്മതിച്ചിട്ടു ഇതിപ്പോൾ ഒരു മാതിരി സംസാരിക്കരുത്..\" തരുൺ ദേഷ്യത്തോടെ പറഞ്ഞു

     \"മോനെ നീ അമ്മയെ ഒന്ന് മനസിലാക്കു..\"

    \"ശെരി അപ്പോ  എന്തിനാ പ്രിയേച്ചി മാത്രം ഇവിടെ നിൽക്കുന്നത് അതും പ്രിയേച്ചിയുടെ കൂട്ടുകാരിയുടെ കൂടെ എന്നിട്ടും ഞങ്ങൾ എന്തു കൊണ്ട് ഇവിടെ താമസിചൂടാ... അത് വലിയമ്മയുടെ മകൾ ആയതുകൊണ്ടാണോ...\" തരുൺ ചോദിച്ചു 


      \"അതോ... മോനെ നീയും അനുജത്തിയും മുത്തശ്ശിയുടെ വീട്ടിൽ നിന്നു കൊണ്ടാണ് പഠിക്കുന്നത് ... ആര്യൻ അവിടെ ജോലിസ്ഥലത്തെ ഹോസ്റ്റലിൽ നിന്നും ചേട്ടൻ പ്രാണവ് അവിടെ കൂട്ടുകാരുടെ കൂടെ ഒരുമിച്ചു ഒരു വീട് വാടകക്ക് എടുത്തുമാണ് താമസിക്കുന്നത് പക്ഷെ പ്രിയ ചേച്ചി നിൽക്കുന്നത് ഹോസ്റ്റലിൽ ആണ് അവിടെ കോളേജ് അടച്ചപ്പോ അതും അടച്ചു അതുകൊണ്ടാണ് അവൾ ഇങ്ങോട്ട് വന്നത്... അധികം വൈകാതെ തന്നെ പ്രിയചേച്ചിയെ മായയുടെ കൂടെ മുംബൈയിലേക്ക് അയക്കാൻ ആണ് വല്യമ്മ തീരുമാനയിച്ചിരിക്കുന്നത്... അവളും അധികം ദിവസം നിൽക്കില്ല...\" ഗോമാതിദേവി പറഞ്ഞു 

      \"മം... എന്തെങ്കിലും ഒന്ന് പറഞ്ഞോ... എന്തായാലും ഒന്ന് മനസിലായി ഇനി ഒന്നും തന്നെ സംസാരിച്ചിട്ട് കാര്യമില്ല ഞങ്ങൾക്ക് ഇവിടെ നിൽക്കാൻ പറ്റില്ല എന്ന്... \"തരുൺ അതും പറഞ്ഞുകൊണ്ട് ദേഷ്യത്തോടെ ആ മുറിയിൽ നിന്നും തന്റെ മുറിയിലേക്ക് നടന്നു 

    \"മോനെ മോനെ..\"ഗോമതി അവനെ വിളിച്ചു എങ്കിലും അവൻ നിന്നില്ല...


       \"ഞാൻ എന്തു പറയാനാ ന്റെ കുട്ടികളോട്.. ആ എല്ലാതും അവരുടെയും നല്ലതിന് വേണ്ടിയാണ്.. \"ഗോമതി സ്വയം പറഞ്ഞു

       സമയം കുറച്ചു കൂടി കഴിഞ്ഞതും ഗോമതി അടുക്കളയിൽ പോയി എല്ലാവർക്കും വേണ്ട ചായ ഉണ്ടാക്കി... അപ്പോഴേക്കും മായയും അങ്ങോട്ട്‌ വന്നു

        \"ആ മോളു എഴുന്നേറ്റോ വാ... ഞാൻ ചായ ഉണ്ടാക്കിയിട്ടുണ്ട് ദേ ഇതൊന്നു എല്ലാ ഗ്ലാസ്സിലേക്കും പകർത്തുമോ പഞ്ചസാര ഇട്ടുകൊണ്ട് അപ്പോഴേക്കും ഞാൻ ദേ കുറച്ചുകൂടി ഉള്ള ആ പാത്രങ്ങൾ കഴുകി എടുക്കട്ടെ..\" ഗോമതി പറഞ്ഞു 


      \"ഏയ്യ് വേണ്ട ഞാൻ കഴുകാം  ചിറ്റമ്മ ചായ ഗ്ലാസിൽ ഒഴിച്ചോളൂ...\" മായ പറഞ്ഞു 

      \"ശെരി എന്നാൽ ഞാൻ ആദ്യം എല്ലാവരെയും ഒന്ന് വിളിക്കട്ടെ ട്ടാ..\" 

   \"മ്മ്മ്...\"

      അങ്ങനെ ഗോമതി എല്ലാവരെയും ഹാളിൽ നിന്നുകൊണ്ട് നീട്ടി വിളിച്ചു... വിളികേട്ടതും എല്ലാവരും പതിയെ താഴേക്കു വന്ന് സോഫയിൽ ഇരുന്നു...എല്ലാവര്ക്കും ഉള്ള ചായയുമായി അപ്പോഴേക്കും മായ ഹാളിൽ എത്തി

       \"അപ്പോ ഞാൻ പറഞ്ഞത് ഓർമയുണ്ടല്ലോ എല്ലാവരും എത്രയും പെട്ടന്ന് തന്നെ പുറപ്പെടാൻ നോക്കണം... \"ഗംഗാദേവി വീണ്ടും ചായ കുടിക്കുന്ന സമയം എല്ലാവരെയും ഓർമിപ്പിച്ചു

       ഒന്നും തന്നെ അതിനെതിരായി സംസാരിക്കാതെ എല്ലാവരും അതിനു സമ്മതം പറഞ്ഞു

      \" ചായ കുടിച്ചു കഴിഞ്ഞതും എല്ലാവരും ആവശ്യമുള്ള സാധനങ്ങൾ പാക്ക് ചെയ്തോളൂ പണം ആവശ്യമുള്ളത് അക്കൗണ്ടിൽ ഇട്ടു തരാം.. അത് എത്രയാണ് എങ്കിലും... \"ഗംഗാദേവി വീണ്ടും പറഞ്ഞു

      അതും പറഞ്ഞശേഷം ചായ കുടിച്ചു കഴിഞ്ഞതും ഗംഗാദേവി അവരുടെ മുറിയിലേക്ക് നടന്നു... അപ്പോഴും അഗ്നിവർദ്ധൻ പറഞ്ഞ കാര്യങ്ങൾ മാത്രമായിരുന്നു ഗംഗാദേവിയുടെ മനസ്സിൽ..

       സൂര്യപ്രകാശം പതിയെ അസ്തമിച്ചു... ഭൂമിയൽ എങ്ങും ഇരുൾ ചൂഴ്ന്ന സമയം... അപ്പോഴേക്കും എല്ലാവരും അവിടേക്കു വന്ന മക്കൾ എല്ലാവരും യാത്രക്ക് തയ്യാറായി... എല്ലാവരും വീട്ടിൽ ഒരുമിച്ചു അത്താഴം കഴിച്ചു ശേഷം അച്ഛനെയും അമ്മയെയും കെട്ടിപിടിച്ചുകൊണ്ട് യാത്ര പറഞ്ഞു കോബ്ട് അവരുടെ ലെഗ്ഗെജും കൈയിൽ എടുത്തു കാറിൽ കയറി യാത്രയായി...

      മക്കൾ എല്ലാവരും പോയതിനു ശേഷം  വീട്ടിൽ  ഉള്ള എല്ലാവരും അവരവരുടെ മുറിയിൽ പോയി കിടന്നുറങ്ങാൻ പോയി...ഈ സമയം

     \"ടാ വാ കിടക്കാം എനിക്ക് നല്ല ഉറക്കം വരുന്നു...\" പ്രിയ മായയോട് പറഞ്ഞു

      \"ആഹാ..  കുറച്ചു നേരം മുൻപ് അല്ലെടി നീ  പോത്ത് പോലെ ഉറങ്ങിയത് പിന്നെയും ഇത്ര വേഗം ഉറങ്ങാനോ..\"

      \"മ്മ്മ്... കളിയാക്കിക്കോ എനിക്ക് ഒരു ചേതവുമില്ല നിനക്കറിയുമോ പൂജയെന്നു പറഞ്ഞു ആ രാത്രി മുഴുവൻ ഒരുപോള കണ്ണടച്ചില്ല...നിനക്ക് എന്തു അറിയാം ഉറങ്ങാതെ ഇരുന്നോക്ക് അപ്പോൾ മനസിലാകും... \"പ്രിയ അതും പറഞ്ഞുകൊണ്ട് കിടന്നു

    \"എന്നാൽ നീ ചാച്ചിക്കോ ഞാനെ ന്റെ ചെക്കന് ഒന്ന് വിളിക്കട്ടെ..\"

    \"ഉവ്വ് ഉവ്വെയ്...\"

       മായ തന്റെ മൊബൈൽ ഫോൺ കൈയിൽ എടുത്തുകൊണ്ടു പതിയെ ബാത്റൂമിലേക്ക് നടന്നു... പൈപ്പ് ഓൺ ചെയ്ത ശേഷം വേണുവിനെ വിളിച്ചു

          \"ഡി ആ പൈപ്പ് നിർത്തിക്കാളെ ഞാൻ ഒന്നും കേൾക്കില്ല.. ആ വെള്ളം വീഴുന്ന ശബ്ദം സത്യത്തിൽ എന്റെ ഉറക്കം കളയും അപ്പോ ചിലപ്പോ ഞാൻ നിങ്ങൾ പറയുന്നത് മുഴുവനും കേട്ടു എന്നുന്നവരും അപ്പോൾ എന്നെ കുറ്റം പറയരുത്....\" പ്രിയ പറഞ്ഞു 

      \"ഓ ഒന്ന് മിണ്ടാതെ കിടക്കടി..\"

      അപ്പോഴേക്കും റിംഗ് ചെയ്യുന്ന തന്റെ ഫോൺ അച്ഛൻ അറിയാതെ വേണു അറ്റന്റ് ചെയ്തു

      \"ഹലോ.. എന്താടി ഇപ്പോൾ ഈ സമയത്ത് എന്താ...\" വേണു താഴ്ന്ന സ്വരത്തിൽ ചോദിച്ചു 

     \"എനിക്ക് വേണുവേട്ടനെ ഒന്ന് കാണണം അതും രാത്രി തന്നെ എല്ലാവരും ഉറങ്ങിയ ശേഷം..\"

       \"നീ എന്തൊക്കയാ പറയുന്നത് ആരെങ്കിലും കണ്ടാൽ മതി തല പോകുന്ന കേസാ ഞാൻ വരില്ല..\"


        \"ശെരി എന്നാൽ ഇപ്പോൾ ഞാൻ വെറുതെ ഒന്ന് മുറ്റത്തേക്ക് ഇറങ്ങും അന്നേരം വേണുവേട്ടന്റെ കൈയിൽ ആ രക്ഷവർദ്ധൻ  തന്ന പുസ്തകം എനിക്ക് വേണം..\"


     \"എന്തിനാ നിനക്ക് അത് ഈ സമയത്തു\"

       \"എനിക്ക് ആ പുസ്തകത്തിൽ ഉള്ളത് മുഴുവനും വായിച്ചു അറിയണം ശേഷം ഇന്ന് രാത്രി തന്നെ ഞാൻ ആരും കാണാതെ ആ വീട്ടിൽ പോകും അത് ഞാൻ ഉറപ്പിച്ച ഒന്നാണ്...\"

        \"നിനക്ക് എന്തുപറ്റി മായേ വല്ല ബോധവും ഉണ്ടോ ഈ അസമത് ആ വീട്ടിലേക്കോ പകൽ പോലും അങ്ങോട്ട്‌ ആരും പോകാറില്ല പിന്നെയല്ലേ രാത്രി നിനക്ക് വട്ടാ...പോയി കിടന്നു ഉറങ്ങാൻ നോക്കു..\" വേണു പറഞ്ഞു 

        \"വേണുവേട്ടൻ ഉറങ്ങിക്കോ ഞാൻ ഉറങ്ങില്ല.. എനിക്ക്   ഉറക്കം വരുന്നില്ല ഞാൻ പോകും ആ വീട്ടിലേക്കു ഇന്ന് രാത്രി തന്നെ... ആ രഹസ്യം ഞാൻ അറിയും ഇന്ന് തന്നെ...\" മായ തീർത്തും പറഞ്ഞു 

തുടരും