റിച്ച ഉച്ച മുതൽ ഒന്നും കഴിച്ചിട്ടില്ല.....അവൾ ആകെ വാശിയിലാണ്....ഋഷി കുറച്ച് ദിവസം ആയി നല്ല തിരക്കിലാണല്ലോ..

\"\"\"എനിക്ക് പാല് വേണ്ട.... നിമ്മി അമ്മ പോ  ...

ദേഷ്യം വന്നാൽ പിന്നെ അപ്പാമ്മ അല്ല.....നിമ്മി അമ്മ ആണ്  ..നിർമ്മലക്കും ദേഷ്യം വന്നു തുടങ്ങി  ...

\"\"!ദേ റിച്ച... അപ്പമ്മക്ക് ദേഷ്യം വരുന്നുണ്ട്... ഈ പാല് കുടിക്കൂ...\"\"

പെട്ടെന്ന് ആണ് പുറത്തൊരു വണ്ടി വന്ന ഒച്ച കേട്ടത്.... റിച്ച പുറത്തേക്ക് ഓടി........

\"\"ഹായ്  ...അപ്പ വന്നു ....

\"\"\"

അവള് പൊട്ടിചിരിച്ചു കൊണ്ട് ഓടി പുറത്തേക്കു വന്നതും  ഋഷിയുടെ കൈയ്യിൽ ഉള്ള  വലിയ പൂമാല കണ്ട് പെട്ടെന്ന് നിന്നു..... അപ്പോ ആണ് വേദ കൂടി വണ്ടിയിൽ നിന്ന് ഇറങ്ങി വന്നത്  ...അതു കൂടി കണ്ടപ്പോൾ അവളുടെ ഉണ്ടക്കണ്ണ് രണ്ടും പുറത്തേക്ക് വന്നു എന്ന് ഋഷിക്ക് തോന്നി...

ഋഷി വന്ന് അവളെ വാരി എടുത്തു ഒരുമ്മ കൊടുത്തു...

അപ്പോഴേക്കും നിർമ്മല പുറത്തേക്ക്  ഇറങ്ങി വന്നു.. .. 

വേദയെകണ്ട അവരുടെ കണ്ണുകൾ വിടർന്നു...

\"\"അമ്മേ....ഇത്  ..വേദ....ഇപ്പോൾ എന്റെ ഭാര്യ....

\"\"\"

നിർമ്മല ഒന്നും പറഞ്ഞില്ല....അകത്ത് ചെന്ന് നിലവിളക്ക് കത്തിച്ചു കൊണ്ട് വന്നു വേദയുടെ കൈയ്യിൽ കൊടുത്തു ...

\"\"\"വാ  .....\"\"

അവർ അവളെ അകത്തേക്ക് കൂട്ടി കൊണ്ട് പോയി..

ഋഷിയും റിച്ചയെ എടുത്തു കൊണ്ട് അകത്തേക്ക് നടന്നു... പൂജാ മുറിയില് വിളക്ക് വെച്ച്  വേദ പ്രാർത്ഥിച്ചു.....

\"\"മുകളിലെ ആദ്യം ഉള്ളതാ   അവന്റെ മുറി....കൊച്ച് ചെല്ല്  ...\"\"

അവർ അവളെ മുകളിലേക്ക് പറഞ്ഞു വിട്ടു..... 

\"\"\"\"അമ്മേ....\"\"\".ഋഷി വിളിച്ചു.....

\"\"എന്താടാ  ...\"\"നിർമല ചോദിച്ചു...

\"\"അമ്മ എന്താ ഒന്നും ചോദിക്കാത്തെ      ..\"\".

\"\"റിച്ചാ  .....വാവേടെ പുതിയ അമ്മയാ മുകളിൽ....കുഞ്ഞി അങ്ങോട്ട് ചെല്ല്...\"\"

നിർമ്മല അവളെ വേദയുടെ അടുത്തേക്ക് വിട്ടു....

\"\"നീ ഒരു തെറ്റ് ചെയ്യില്ല എന്ന് അമ്മക്ക് അറിയാം....ഇനി പറ...ഏതാ ആ കുട്ടി....\"\"\"

ഋഷി ഒന്നും മറച്ച് വെക്കാതെ എല്ലാം പറഞ്ഞു  ..  അവസാനം ആയപ്പോൾ നിർമ്മല കരഞ്ഞ് പോയി....

\"\"പാവം.കുട്ടി ..\"\"നീ ചെയ്തത് പുണ്യം ആണ് മോനേ  ...\"\"\"

അവരവനെ കെട്ടി പിടിച്ചു മൂര്ദ്ധാവില് ചുംബിച്ചു ... 

വേദ അകത്ത് കയറി പതിയെ കട്ടിലിൽ ഇരുന്നു.....എന്തൊക്കെ ആണ് കുറച്ച് സമയം കൊണ്ട് സംഭവിച്ചത്....അവള് ഋഷി കെട്ടിയ താലി കൈയ്യിൽ തെരുപിടിച്ചു....

എങ്കിലും താൻ സ്വപ്നം കണ്ട ആ കണ്ണുകൾ ഇന്ന് തന്ടെ നല്ല പാതി  ആണെന്ന് വിശ്വസിക്കാൻ പറ്റുന്നില്ല....

പെട്ടെന്ന് ആണ് വാതിൽ കർട്ടൻ അനങ്ങുന്നത് അവള് കണ്ടത്...ആരോ അവിടെ ഉണ്ട്....വേദ പതിയെ അങ്ങോട്ട് ചെന്നു  ...രണ്ടു കുഞ്ഞ് കാലുകൾ  കാണം....റിച്ച ആണെന്ന് വേദക്ക് മനസിലായി ....അവള് പതിയെ കർട്ടന് പുറകിൽ നിന്നും കണ്ട കൈ പിടിച്ചു മുന്നിലേക്ക് വലിച്ചു....

\"\"\"ടീ കുറുമ്പി ....നീ എന്താ ഇവിടെ നോക്കിയെ.......\"\"\"

\"\"അത്  ..ഞാൻ....പുതിയ അമ്മേ നോക്കിതാ  ....\"\"

   വേദ വല്ലാതെയായി  ...

\"\"ആന്റീ.....ഞാൻ ചുമ്മാ പഞ്ഞതാ....അയ്യേ  ....ആന്റി ചമ്മിപ്പോയെ...\"\"\"

വേദയുടെ മുഖം മാറിയത് കണ്ടാണ് അവള് അങ്ങനെ പറഞ്ഞത്  ..

.\"\"\"ആണോടീ ചക്കരേ   \"\"\"\" വേദ അവളെ വാരി എടുത്തു ഒരുമ്മ കൊടുത്തു  ..

അവര് പെട്ടെന്ന് കൂട്ടായി  ... ..നിർമ്മലയും അവളോട് അപരിചിതത്വഠ കാട്ടിയില്ല  .. വേദ വന്നപ്പോൾ മുതൽ 

റിച്ച അടുത്ത് നിന്നും മാറിയിട്ടില്ല....വേദ കൊടുത്തലെ കഴിക്കൂ ....ഋഷിയുടെ മുന്നിൽ നിന്ന്  മാത്രം വേദ ഒഴിഞ്ഞു മാറി നടന്നു....

അന്ന് രാത്രി....ഭക്ഷണം കഴിച്ചു പാത്രം കഴുകി വെച്ച് കഴിഞ്ഞ് വേദ വെറുതെ അടുക്കളയിൽ നിന്നു....റിച്ച നേരത്തെ ഉറങ്ങി...  

\"\"മോള് പോയി  കിടന്നോ...\"\"\"

അവര് അവളെ മുകളിലേക്ക് വിട്ടു... വേദ മടിച്ചു  മടിച്ചാണ് മുറി തുറന്നത്.    ..അകത്ത് റിച്ച കട്ടിലിൽ  ഉറങ്ങുന്നുണ്ട്  ...ഋഷി കട്ടിലിൽ ചാരി ഇരുന്നു   മൊബൈലിൽ എന്തോ കണ്ട് കൊണ്ടിരുന്നു ഉറങ്ങി പോയതാണ് എന്ന് അവള്ക്ക് മനസിലായി......വേദ പതിയെ കുഞ്ഞിനെ പുതപ്പ് കൊണ്ട് നല്ല പോലെ പുതപ്പിച്ചു.......അവള് തിരിഞ്ഞു നോക്കിയപ്പോൾ ഋഷി അവളെ തന്നെ നോക്കി ഇരിക്കുകയായിരുന്നു  ... .

വേദ എന്ത് ചെയ്യണം എന്ന് അറിയാതെ അവിടെ നിന്നു.....

ഋഷി അവളുടെ അടുത്തേക്ക് ചെന്നു  ....ആ കൈകൾ പതിയെ എടുത്തു.  അവളെ വിറക്കുന്നുണ്ടായിരുന്നൂ...

\"\"\"\"എന്റെ മഹാദേവൻ എനിക്ക് തന്ന വരം ആണ് ഈ ഗംഗ....ഇനിയുള്ള എല്ലാ ജന്മത്തിലും ഒരുമിച്ചു ജീവിക്കാൻ ഭാഗ്യം കിട്ടിയ അപൂർവ ജാതകം....\"\"\"ഋഷി പറഞ്ഞു...

വേദക്ക് ഒന്നും മനസ്സിലായില്ല  .....

\"\"\"വേദ അറിയാൻ ഒരുപാടുണ്ട്  ....പക്ഷെ സമയം ആയിട്ടില്ല......ഇപ്പോൾ  പോയി കിടന്നുറങ്ങിക്കോ \"\"\"

 അവൻ അവളുടെ കൈ വിട്ടു....