വരാൻ പോകുന്ന കോളജിലെ നല്ല നല്ല ദിനങ്ങളെ ഓർത്ത്കൊണ്ട് തന്നെ അവൾ അന്ന് സുഖമായി ഉറങ്ങി...

             ***
"ദിക്ഷാ... വാ ... ജംഗ്ഷൻ എത്തി. "

കോളജിലേക്കുള്ള യാത്രക്കിടയിൽ ഒന്ന് മയങ്ങിയതായിരുന്നു ചാരു... അടുത്തിരുന്ന സീനിയർ കുട്ടി ആണ് ചാരുവിനെ വിളിച്ചുണർത്തിയത് . 
ചെവിയിൽ നിന്നും ഹെഡ്സെറ്റ് മാറ്റികൊണ്ടാണ് ചാരു ബസിൽ നിന്ന് പുറത്തിറങ്ങിയത്.  
ജംഗ്ഷനിൽ നിന്നും ഏകദേശം അഞ്ചു മിനിറ്റ് നടക്കാൻ ഉണ്ട് കോളജിലേക്ക്. അന്ന് പോകുന്ന വഴിക്ക് തന്നെ അവൾ അമ്മയെ വിളിച്ചു.

" ഹലോ..."

"അമ്മേ... ഞാൻ കോളേജിൽ എത്തി കേട്ടോ..."

" ഇന്ന് നേരത്തെ ആണല്ലോ എത്തിയത്... "

അമ്മ വാച്ചിലേക്ക് നോക്കി കൊണ്ട് ചോദിച്ചു.

" ആഹ്... അമ്മേ ഇന്ന് ബസ്സ് ഇച്ചിരി നേരത്തെയ വന്നെ." 

" വൈകുന്നേരം എങ്ങും നിന്ന് വൈകല്ലെ... നേരത്തെ എത്താൻ നോക്ക്... നമുക്ക് ഇന്നൊന്ന് അമ്പലത്തിൽ പോണം..." 

" ഓ... അമ്മേ നേരത്തെ വരാം..."

ചാരു ഫോൺ കട്ട് ചെയ്തു കൊണ്ട് തന്നെ ഗേറ്റ് കടന്നുപോയി. എല്ലാ ദിവസവും ചാരു ആണ് ക്ലാസിൽ ആദ്യം എത്തുന്നത്. അന്നും ആ പതിവ് തെറ്റിയില്ല. ക്ലാസ് മുറിയിലെ നിശബ്ദതയെ ഇല്ലാതാക്കി കൊണ്ട് ചാരു ഫാനുകൾ ON ആക്കി. 
ആ ക്ലാസ് മുറിയിലെ വലിയ ചില്ലു ജാലകങ്ങൾ വഴി മുഴുവനായി വിട്ടു മാറാത്ത മഞ്ഞു പാളികൾക്കിടയിലൂടെ ചാരു കോളജിൻ്റെ മുൻവശം കാണുകയായിരുന്നു.

 പെട്ടന്ന് ആരോ അവളെ വിളിച്ചതായി ചാരുവിന് തോന്നി. ചാരു തിരിഞ്ഞു നോക്കി. ശെരിയാണ് , സിവിൽ ക്ലാസ്സിലെ അഞ്ചു ആയിരുന്നു അത്.

 " എന്താണ് ഏകാന്തതയിലേക്ക് ഒക്കെ നോക്കി ഒരു നിൽപ്പാണല്ലോ..?"

അഞ്ജുവിൻ്റെ ആ ചോദ്യത്തിൽ ഒരു കള്ള ചിരി ഒളിഞ്ഞു കിടക്കുന്നത് ചാരുവിന് മനസിലായി.

" ഒന്ന് പോടി... ഞാൻ വെറുതെ ഇങ്ങനെ നോക്കി നിക്കുവാരുന്നു... നല്ല രസം ഉണ്ടല്ലെ നമ്മുടെ കോളജിനെ ഈ സമയത്ത് കാണാൻ..."

അതും പറഞ്ഞു ചാരു വീണ്ടും പഴയതു പോലെ തന്നെ നിന്നു. അഞ്ചുവും പതിയെ അവളുടെ അടുത്തേക്ക് വന്നു.

"ശെരിയാ... ഡീ... ചാരു ഞാൻ ഒരു കാര്യം ചോദിക്കാൻ ഇരിക്കുവാരുന്നു"

" എന്താടാ?... ചോദിക്ക്"

" നിൻ്റെ പിറകെ നടന്ന ആ പയ്യൻ്റെ കാര്യം എന്തായി..."

ഒരു ചെറിയ ചിരിക്കു ശേഷം ആണ് ചാരു മറുപടി പറഞ്ഞത്.

" എന്താവാൻ ...അവനു വട്ടാ..." 

" എന്നു വെച്ചാ..?? അഞ്ചു സംശയത്തോടെ ചോദിച്ചു... "

" എടാ എന്ന് വെച്ചാ ... ഞാൻ പറഞ്ഞു എൻ്റെ ഇംഗേജ്മെൻ്റ് കഴിഞ്ഞു എന്ന്... ആ പൊട്ടൻ അത് വിശ്വസിചെടി...😂"

" എന്നിട്ട്...?"

അഞ്ചു ചിരി നിർത്താൻ ശ്രമിച്ചുകൊണ്ട് ചാരുവിനോട് വീണ്ടും ചോദിച്ചു.. 

 "എന്നിട്ട് ഒന്നും ഇല്ല... അവൻ അവൻ്റെ പാട്ടിന് പോയി കാണും" 

ചാരു പറഞ്ഞു നിർത്തി. 
കോളേജ് ബസിൻ്റെ ഹോൺ കേട്ടുകൊണ്ടാണ് അവർ രണ്ടും ഗേറ്റിലേക്ക് നോക്കിയത്.

 " കോളേജ് ബസ്സ് എത്തിയല്ലോ... നിൻ്റെ ഐറയും സനയും ഇപ്പൊ എത്തും. ഇനി നമുക്കൊന്നും ഇവിടെ റോൾ ഇല്ലല്ലോ..."

അതും പറഞ്ഞു അഞ്ചു അവളുടെ ക്ലാസിലേക്ക് പോയി. എന്നും ക്ലാസിൽ നിന്നും മുങ്ങാൻ നോക്കുന്ന സനയും ഐറയും അന്ന് വന്നിട്ടുണ്ടോ എന്ന് നോക്കുകയായിരുന്നു ചാരു. 
ബസ്സിൽ നിന്നും ഇറങ്ങുന്ന ഓരോരുത്തരെ ആയി ചാരു നോക്കി നിന്നു. ബസ്സിൽ മുൻ നിരയിൽ ഇരിക്കുന്ന ടീച്ചേഴ്സ് ആണ് ആദ്യം ഇറങ്ങിയത്. തൊട്ടു പിന്നാലെ ബ്ലൂ കളർ ചെക്ക് ഷർട്ടും ഇട്ടു കൊണ്ട് സിദ്ദുവും ബസ്സിൽ നിന്നും ഇറങ്ങി വരുന്നത് ചാരു കണ്ടു. 

' പാറു പറഞ്ഞതിലും കാര്യം ഉണ്ട് ,

 സിദ്ധാർഥ് സാറിനെ കാണാൻ അത്യാവശ്യം നല്ല ലുക്ക് ഒക്കെ ആണ്.'
അപ്പോഴാണ് ചാരു സിദ്ധാർത്ഥിനെ നേരെ നോക്കിയത്... In shirt ചെയ്തു Angle Length ഷൂസ് ഒക്കെ ഇട്ടു നടന്നു വരുന്ന സിദ്ധാർത്ഥിനെ കാണാൻ അത്രക്കും നല്ലൊരു ജൻ്റിൽമാൻ ലുക്ക് തന്നെ ആയിരുന്നു . 

ക്ലാസിലേക്ക് വരുന്ന സനയെയും ഐറയെയും നോക്കി ഇരിക്കുകയായിരുന്നു ചാരു...

" എവിടെ ആയിരുന്നെടി ഇന്നലെ...? "

ക്ലാസ്സിനുള്ളിലേക്ക് കാലു എടുത്ത് വെക്കാൻ തുടങ്ങിയ സന പെട്ടന്ന് ആ ചോദ്യം പ്രതീക്ഷിച്ചില്ല...

 " എൻ്റെ പോന്നു ചാരു ഞാൻ ഒന്ന് ക്ലാസിൽ കയറിക്കൊട്ടെ."

സന അതും പറഞ്ഞു ക്ലാസിൽ കയറി ബാഗ് വെച്ചു . എന്നിട്ട് നേരെ ചാരുവിൻ്റെ അടുത്ത് വന്നു അവളെ കെട്ടിപ്പിടിച്ചു...

" സോറി ഡീ... ഇന്നലെ ആക്ച്വലി ഞാൻ എണീക്കാൻ ലേറ്റ് ആയി പോയി അതാ വരാണ്ടിരുന്നെ..."

" വേണ്ട എനിക്ക് ഒന്നും കേൾക്കണ്ട..."

ചാരു ചെറിയ പിണക്കത്തോടെ മാറി നിന്നു...

 " Still I love you 😙"

 സന ചാരുവിൻ്റെ കവിളിൽ ഒരു ഉമ്മ കൊടുത്തു. അതു തന്നെ ധാരാളം ആയിരുന്നു ചാരുവിൻ്റെ പിണക്കം മാറാൻ...

         ***

കുറച്ചു സമയത്തിനുള്ളിൽ തന്നെ ക്ലാസ്സിലെ എല്ലാവരും വന്നു .
എന്നും എതുന്നതിനേക്കാൾ കുറച്ചു വൈകി ആണ് അന്ന് പാറു ക്ലാസിൽ എത്തിയത്. പാറു ക്ലാസിൽ എത്തിയ ഉടനെ തന്നെ ബെൽ മുഴങ്ങി.

"ഫസ്റ്റ് ആരാ ക്ലാസിൽ?"

സന ചോദിച്ചു...

"ആവോ... അറിയില്ലെടാ..."

കൈയ്യിലെ ബാഗ് മാറ്റി വെച്ചു കൊണ്ട് ചാരു മറുപടി പറഞ്ഞു.

 "Good morning Sir..."

ക്ലാസ്സിലെ കുട്ടികളുടെ ശബ്ദം കേട്ടാണ് ചാരു ഉയർന്നു നോക്കിയത്.    
 

        ***

💕 എക്സാമിൻ്റെ തിരക്കുകളിൽ ആയി പോകുന്നതുകൊണ്ട് തന്നെ പുതിയ ഭാഗങ്ങൾ ഇടാൻ ഞാൻ വൈകി പോകുന്നുണ്ട്. എല്ലാവരും എന്നോട്  ക്ഷമിക്കുമെന്ന വിശ്വാസത്തോടെ നിർത്തുന്നുു.🙂 💕

💕ചാരു 💕