പുലരിയിൽ ഈറനണിഞ്ഞു  നിൽക്കുന്ന പച്ചപ്പുൽ നാമ്പിൽ ഇറ്റു നിൽക്കുന്ന ഹിമകണിക സൂര്യകിരണങ്ങളാൽ ശോഭിക്കുന്നുണ്ട്.അതിൽ സപ്തവർണങ്ങൾ വിടരുന്നുണ്ട്.അവിടെ കണിക്കൊന്ന  ചുവട്ടിൽ മുല്ലപ്പൂ വള്ളിയിൽ തലേന്ന് ചേക്കെറിയ ഇണകുരുവികൾ യാത്രപറയാൻ  ഒരുങ്ങി നില്കുന്നു. ശീമക്കൊന്ന  പൂത്തുലഞ്ഞു,പനിനീർ  പൂവിൻ  ദളങ്ങൾക്ക് സമാനമായി  നിറമുള്ള അവ കൊഴിഞ്ഞു വീണിരിക്കുന്നു, ഇലപൊഴിച്ച  കണിക്കൊന്നയും കൂട്ടിനുണ്ട്.ചില്ലകൾക്കിടയിലൂടെ എത്തിനോക്കുന്ന ഇളം വെയിലേറ്റാണ് എന്റെ പ്രഭാതം ആരംഭിക്കുന്നത്........
ഞാൻ രാവിലെ കുളിച്ചൊരുങ്ങി എന്റെ  പുസ്തകങ്ങൾ  അടുക്കി വെച്ച മേശയിൽ ഇരുന്നു എന്തെങ്കിലും പുസ്തകത്തിൽ  കുത്തികുറികണമെന്നു തോന്നുന്നു. വീട്ടിൽ ഒറ്റക്കിരുന്നു മടുത്തു. ഏകാന്തത എന്തോ എനിക്ക് ഇഷ്ടമാണ്. മനതരിലെ മോഹങ്ങളും  ചിന്തകളും പേനയിലെ മഷിയിലൂടെ പുസ്തക താളിൽ അക്ഷരങ്ങളായി പടർന്നു പിടിച്ചു മനസ്സിൽ എന്തൊക്കെയോ നിറയുന്നുണ്ട്. ഞാൻ എഴുതി തുടങ്ങി..
ഒരു ഗ്രാമം വയലോലകളാൽ ചുറ്റപ്പെട്ട നിലം അതിനു മദ്യയായി ഒരു കുഞ്ഞി കുടിൽ സമയം രാത്രി നിലാവെളിച്ചം ഉണ്ട് പൗർണമി ആണെന് തോന്നുന്നു. ആകാശനീലിമയിൽ കാണുന്ന നിലാവിൻ പ്രതിഭിംബം  വയലിലെ വെള്ളത്തിൽ പ്രതിഫലിക്കുന്നുണ്ട്.ചീവീടുകൾ  ഉറങ്ങി എന്ന് തോന്നുന്നു അത്യന്ദം നിശബ്ദതയാൽ മുടപ്പെട്ട വരമ്പിൽ  മഞ്ഞിൻ കണങ്ങൾ  പൊഴിയുന്നു ആ കുടിലിലാണവൾ ഉള്ളത്...... പേന ഒരു നിമിഷം നിലച്ചു ഇനി എന്തെഴുത്തണമെനറിയില്ല ആരോ വന്നു പുറത്ത് മായ എന്നാ വിളി എന്റെ കാതുകളിൽ  മുഴങ്ങി.....