കൂട്ടുകാർക്ക് ഇടയിലെ ആ തമാശകൾക്കിടയിൽ ഇരിക്കുമ്പോഴും ചാരുവിൻ്റെ മനസ്സ് നിറയെ അതാരാകും എന്ന ചോദ്യം ആയിരുന്നു.

എപ്പോഴും തമാശകൾ പറഞ്ഞ് എല്ലാവരോടും കൂട്ടുകൂടി നടക്കാറുള്ള ചാരു തിരികെ വീട്ടിൽ എത്തിയിട്ടും ആ സ്വപ്നത്തിൻ്റെ പിടിയിൽ നിന്നും രക്ഷപ്പെട്ടില്ല. അന്നത്തെ അവളിലെ മാറ്റം വളരെ പെട്ടന്ന് തന്നെ എല്ലാവരും ശ്രദ്ധിച്ചിരുന്നു. 
അന്ന് രാത്രി ആദ്യമായി ചാരു ഒരു സ്വപ്നം ആവർത്തിച്ചു കാണാൻ ആഗ്രഹിച്ചു. വീണ്ടും ആ സ്വപ്നത്തിലേക്ക് മടങ്ങി പോയി അതാരണെന്നറിയാൻ അവൾ അത്രയേറെ കൊതിച്ചിരുന്നു. ഉറങ്ങാൻ കിടന്ന ചാരുവിൻ്റെ ചിന്തകളിൽ നൂറു നൂറു ചോദ്യങ്ങൾ വന്നു നിറഞ്ഞു.

 ' ആരായിരുന്നു അത്? എന്തിനാവും ഞാൻ ഇപ്പൊ അങ്ങനെ ഒരു സ്വപ്നം കണ്ടത്? അങ്ങനെ ഒരാൾ എൻ്റെ ജീവിതത്തിലേക്ക് കടന്നു വരാൻ ചാൻസ് ഉണ്ടോ? ശേ... അച്ഛൻ വിളിച്ചു ഉണർത്തിയില്ലായിരുന്നെങ്കിൽ ... 
ഇനിയും എനിക്ക് ആ സ്വപ്നം കാണാൻ സാധിക്കുമോ... ഗുരുവായൂരപ്പാ... ഭഗവാനെ അങ്ങനെ ആരും എൻ്റെ ജീവിതത്തിൽ  വേണ്ടാ. നി തന്നെ എന്നെ കാത്തോണെ...'

ചാരു അവളിലെ ആകുലതകളെ ഭഗവാനു മുന്നിൽ അർപ്പിച്ചു സമാധാനമായി ഉറങ്ങി.

          ***

അതിനു ശേഷം വന്ന രണ്ടാഴ്ചകളും ചാരുവിനും കൂട്ടുകാർക്കും സന്തോഷത്തിൻ്റെയും സൗഹൃദത്തിൻ്റെയും ദിവസങ്ങളായിരുന്നു. പഠിപ്പിക്കാൻ വന്ന അധ്യാപകരുടെ എല്ലാം ക്ലാസിൽ കുട്ടികൾ ശ്വാസം മുട്ടി ഇരുന്നപ്പോൾ സിദ്ധാർഥിൻ്റെ ക്ലാസ്സുകൾ കുട്ടികൾക്ക് യേറെ ആശ്വാസം ആയിരുന്നു. ഫ്രീ പീരീഡുകൾ സിദ്ധാർഥിൻ്റെ ക്ലാസുകൾ മതിയെന്ന് ആൺകുട്ടികൾ അടക്കം ഡിപ്പർമെൻ്റ് ഹെഡിനോട് ആവശ്യപ്പെട്ടു തുടങ്ങി. ഈ സമയത്തിനുള്ളിൽ തന്നെ പാറു സിദ്ധാർഥിൻ്റെ ആരാധിക ആയി മാറിയിരുന്നു. ചാരു അടക്കം എല്ലാ കുട്ടികളും അവളെ കളിയക്കിയപ്പോഴും അവളത് പൂർണ്ണമായി ആസ്വദിച്ചു. 

                ***
" പാറൂ .... നിക്ക് ഞാനും വരുന്നു."

ക്ലാസ് കഴിഞ്ഞ് ഗേറ്റിനു അടുത്തേക്ക് നടന്ന പാറുവിനെ ചാരു ആണ് പുറകിൽ നിന്നും വിളിച്ചത്.

" നി എവിടായിരുന്നൂ... ഞാൻ കുറെ നോക്കി . കണതായപ്പോ ഞാൻ കരുതി നീ പോയി കാണും എന്ന്. ജാനി കൂടി ഇന്ന് വന്നില്ല , ഞാൻ ഒറ്റക്ക് ആയി എന്നാ വിച്ചാരിച്ചെ."

 " ഞാൻ ഒന്ന് മിസ്സിനെ കാണാൻ പോയതാ... അറ്റെൻ്റൻസിൽ ഒരു ചെറിയ വേരിയേഷൻ അതൊന്നു കറക്ട് ചെയ്യാൻ പോയതാ..."

" ഓ..."

 ഫോണിലേക്ക് നോക്കി അലസമായി മറുപടി പറഞ്ഞ പാറുവിനെ അപ്പോഴാണ് ചാരു ശ്രദ്ധിച്ചത്.

" നി എന്താ ഈ നൊക്കുന്നെ? "

ചാരു ചെറിയ ദേഷ്യത്തോടെയാണ് ആ ചോദ്യം ചോദിച്ചത്.

😁

 മറുപടി ആയി വന്നത് പാറുവിൻ്റെ ഒരു കള്ള ചിരി മാത്രം ആണ്. ചാരു നെറ്റി ചുളിച്ചു കൊണ്ട് പാറുവിനെ ചോദ്യാർധത്തിൽ ഒന്ന് കൂടി നോക്കി.

" നി ഇങ്ങനെ നോക്കണ്ട... ഞാൻ പറയാം"

" ങാ ... അങ്ങനെ നല്ല കുട്ടി ആയിട്ട് കാര്യം പറഞ്ഞോ."

" എടാ അത് എന്തന്നോ... നമ്മുടെ സിദ്ധാർഥ് സാർ ഇല്ലേ... സാർ സ്നാപ് ചാറ്റിൽ ഉണ്ട്. ഞാൻ ഒരു request ഇട്ടു അത് അക്സപ്റ്റ് ചെയിതോന്ന് നോക്കിയതാ... "

" എന്നിട്ട് എന്തായി നിൻ്റെ സിധു സാർ അക്സപ്റ്റ് ചെയിതോ?"

ചാരു ഫോണിലേക്ക് എത്തി നോക്കിക്കൊണ്ടു ചോദിച്ചു.

" ഇല്ലെടാ... ഞാൻ ആണെന്ന് മനസ്സിൽ ആയി കാണില്ല."

 അത് പറഞ്ഞപ്പോൾ പാറുവിൻ്റെ മുഖത്ത് വന്ന സങ്കടം ചാരു ശ്രദ്ധിച്ചു. അത് മനസ്സിലാക്കിയ പോലെ അവൾ പാറുവിനെ ആശ്വസിപ്പിക്കാൻ ശ്രമിച്ചു.

" എടാ പാർവതി എന്ന പേരിൽ ഒത്തിരി പേര് ഇല്ലേ... അതുകൊണ്ടാ സാറിന് മനസ്സിലാവാതെ... നി വിഷമിക്കാതെ."

അൽപ്പ സമയം കൂടി പാറു അവളുടെ ഫോണിലേക്ക് തന്നെ നോക്കി നടന്നു. പെട്ടന്ന് എന്തോ ഓർത്ത പോലെ അവൾ ചാരുവിൻ്റെ കൈയ്യിൽ നിന്നും അവളുടെ ഫോൺ വാങ്ങി. രഹസ്യങ്ങൾ ഒന്നും ഒളിപ്പിക്കാൻ ഇല്ലായിരുന്ന ചാരുവിൻ്റെ ഫോൺ ക്ലാസിൽ എല്ലാവരും വളരെ സ്വാതന്ത്ര്യത്തോടെ ആണ് ഉപയോഗിച്ചിരുന്നത്. ചാരുവിനോട് ചോദിക്കാതെ തന്നെ പാറു ഫോണിൻ്റെ ലോക്ക് അഴിച്ചു. 
പാറു എന്താണ് ചെയ്യുന്നതെന്ന് പോലും ശ്രദ്ധിക്കാതെ നടന്നു പോവുകയായിരുന്നു ചാരു. 

" Ok ഇട്ടു... ദാ പിടിച്ചോ..."

ഫോൺ ചാരുവിൻ്റെ കയ്യിലേക്ക് തിരികെ വെച്ച് കൊണ്ട് പാറു പറഞ്ഞു.

 " എന്തു ഇട്ടു എന്ന്? നി എന്താ ഈ പറയണേ പാറു?"

ചാരു സംശയത്തോടെ പാറുവിനോട് ചോദിച്ചു.

" ഒന്നും ഇല്ല... നിൻ്റെ സ്‌നാപിൽ നിന്നും ഞാൻ സാറിന് request ഇട്ടിട്ടുണ്ട്."

😨" എന്തിന്?"

 ചാരു അത്ഭുതത്തോടെ പാറുവിനെ നോക്കി.

" ചുമ്മാ...😉 കിടക്കട്ടെ. ഒന്നും ഇല്ലേലും സാർ നല്ല ചുള്ളനല്ലെടി."

" ഈ ...പെണ്ണിനെ ഞാൻ... സാർ കാണുന്നതിന് മുന്നേ ആ request മാറ്റട്ടെ..."

ചാരു ദൃതിയിൽ ഫോണിൻ്റെ ലോക്ക് അഴിച്ചതും സ്‌നാപിലെ നോട്ടിഫിക്കേഷൻ വന്നതും ഒന്നിച്ചായിരുന്നു.

 😳

ഫോണിലേക്ക് കണ്ണും മഴിച്ച് നോക്കി നിന്ന ചാരുവിൻ്റെ കൈയിൽ നിന്നും പാറു ഫോൺ വാങ്ങി നോക്കി .

" എടീ ... ചാരൂ... ദേ സാർ നിൻ്റെ request അക്സെപ്റ്റ് ചെയിതു. ദുഷ്ടൻ... ഞാൻ രണ്ടു ദിവസമായി ഇവിടെ നോക്കി ഇരിക്കുന്നു..."

അത്ഭുതത്തോടെ നിന്ന ചാരു പാറുവിൻ്റെ ആ പരിഭവം കേട്ട് ചിരിക്കാൻ തുടങ്ങി.

" എൻ്റെ പാറു... ഇത് ഞാൻ പറഞ്ഞത് തന്നാ കാര്യം സാറിന് നിൻ്റെ അക്കൗണ്ട് മനസ്സിലാക്കാത്തത് കൊണ്ടാണ് അക്സപ്റ്റ് ചെയ്യാതെ. എൻ്റെ പേര് പെട്ടന്ന് എല്ലാർക്കും മനസ്സിലാവും അതുകൊണ്ടാ സാർ ഫ്രണ്ട് അക്കിയെ. അല്ലാതെ വേറൊന്നും ആവില്ലാ... "

" എന്നാലും ... "😒

പാറുവിനു അപ്പോഴും 
അവളുടെ നിരാശ മാറിയിരുന്നില്ല. ജംഗ്ഷൻ വരെ അവർ വീണ്ടും എന്തൊക്കെയോ സംസാരിച്ചു കൊണ്ട് നടന്നു. ചാരുവിൻ്റെ ബസ്സ് എത്തി അതിൽ അവൾ പോയതിനു ശേഷം ആണ് എന്നും പാറു പോകാറ്. അന്നും അവർ ചാരുവിൻ്റെ ബസ്സിനു വേണ്ടി കാത്തു നിന്നു. അപ്പോഴാണ് പാറുവിൻ്റെ ഫോണിലും നോട്ടിഫിക്കേഷൻ കേട്ടത്. അവൾ ഫോൺ കൈയിൽ എടുത്തു നോക്കി.

 🤩"ചാരു ... ടാ... സാർ എൻ്റെ request അക്സെപ്റ്റ് ചെയിതു...."

 ഏതോ ടാസ്ക് ജെയിച്ച പോലെ പാറു സന്തോഷിക്കുന്നത് ചാരു കണ്ടു. പാറുവിൻ്റെ മുഖത്തെ സന്തോഷം കണ്ട് ചാരുവിനും ആശ്വാസം ആയി.

 " ഈ പൊട്ടീടെ കാര്യം..."

 ചാരു , പാറു കേൾക്കാതെ പതിയെ പറഞ്ഞു.

" ടാ... ഞാൻ ഒരു പിക് എടുത്ത് സാറിന് സ്നാപ് അയക്കട്ടെ... "

" അതിനാണല്ലോ എൻ്റെ മോള് request ഇട്ടെ... നി ചുമ്മാ അയക്കടി. സാർ കാണട്ടെ എൻ്റെ കൊച്ചിനെ. "

ചാരു പാറുവിനെ പ്രോത്സാഹിപ്പിച്ചു. ഒട്ടും വൈകാതെ തന്നെ പാറു ഫോണിൻ്റെ സ്നാപ് ഓൺ ആക്കി ഒരു സെൽഫി എടുത്ത് സിദ്ധാർധിനയച്ചു.  
എന്നാൽ പാറു പ്രതീക്ഷിച്ച പോലെ സിദ്ധാർഥ് ആ സ്നാപ് അപ്പോ തന്നെ ഓപ്പൺ ചെയ്തു നോക്കിയില്ല. ഏകദേശം 15 മിനിറ്റ് അവൾ വെയ്റ്റ് ചെയ്തിട്ടും സിദ്ധാർത്ഥ് സ്നാപ് ഓപ്പൺ ആക്കിയില്ല.

 " ചാരു... നിൻ്റെ ഫോണിൽ നിന്നും ഒരു സ്നാപ് ഇട്ടു നോക്കിയാലോ?"

 " ഒന്ന് പോയെ പാറു... എനിക്ക് എങ്ങും വയ്യ... അല്ലെ തന്നെ നിൻ്റെ സ്നാപ് ഓപ്പൺ ചെയ്യാത്ത സാറാ ഇനി എൻ്റേത് നോക്കാൻ പോണേ..."

"എന്നാലും ഒന്ന് നോക്കാടാ..."

" വേണ്ടാ... "

ചാരു ഫോൺ മാറ്റി വെച്ചു കൊണ്ട് പറഞ്ഞു. പാറുവിൻെ മുഖം കണ്ട ചാരുവിന് അധിക നേരം വാശി പിടിക്കാൻ സാധിച്ചില്ല. അവൾ ഫോൺ പാറുവിനു നേരെ നീട്ടി.

" ദാ... പിടിക്ക്. നിയെന്താന്ന് വെച്ചാ ചെയ്യ്..."

മുഖവും വീർപ്പിച്ചു മാറി നിന്ന പാറു ഒരു ചിരിയോടെ ചാരുവിൻ്റെ കയ്യിൽ നിന്നും ഫോൺ വാങ്ങി അവിടെ നിന്ന ഒരു പൂവിൻ്റെ ഫോട്ടോ എടുത്ത് സിദ്ധാർഥിന് സ്നാപ് അയച്ചു. ചാരുവിൻ്റെ ഫോണിൽ ഇൻ്റർനെറ്റിന് റേഞ്ച് കുറവായിരുന്നത് കൊണ്ട് സ്നാപ് സെൻ്റാവാൻ കുറച്ചു സമയം എടുത്തു. അപ്പോഴേക്കും ചാരുവിൻ്റെ ബസ്സ് എത്തിയിരുന്നു. 

" പാറു... ഫോൺ തയോ... ബസ്സ് വന്നു ഞാൻ പോട്ടെ"
പാറു ഫോൺ ചാരുവിന് തിരികെ നൽകി. ബസ്സിൽ കയറി ചാരു പാറുവിനു ബൈ പറഞ്ഞു ഒരു വിൻഡോ സീറ്റിലേക്ക് പോയി ഇരുന്നു. കുറച്ചു സമയത്തിന് ശേഷം ആണ് പാറു സിദ്ധാർത്ഥിനയച്ച സ്‌നപിനെ പറ്റി ചാരുവിന് ഓർമ വന്നത്. അവൾ ഫോൺ എടുത്ത് ലോക്ക് അഴിച്ചു സ്നാപ് ചാറ്റ് ഓപ്പൺ ചെയ്തു. ആദ്യം ഓൺ ആയി വന്ന ക്യാമറ മാറ്റി അവൾ ചാറ്റ് സെക്ഷൻ എടുത്തു. 

😳....

         ***

                   💕 ചാരു 💕