കലപ്പയുടെ അസ്ഥികൂടം
കലപ്പയുടെ അസ്ഥികൂടം
----------------------------------
ആരുമാരും കണ്ടീടാതെ,
തൂങ്ങി നില്ക്കും മനുഷ്യന്റെ
അസ്ഥികൂടം കിടക്കുന്ന,
കാഴ്ചയെന്നപോൽ;
ചിതലുണ്ടു തകരുന്ന,
തൊഴുത്തിന്റെ ഭിത്തിക്കിതാ
ദ്രവിക്കുന്ന കലപ്പയോ,
ചാരിനില്ക്കുന്നൂ?
മാറാലയും കെട്ടിത്തണ്ടിൻ,
അഗ്രത്തിലേ ലോഹനാവിൽ
തുരുമ്പിന്റെ നിറംപറ്റി,
വികൃതമായി!
മുണ്ടകനും വിരിപ്പുമായ്,
കൃഷിനിത്യം ചെയ്തിരുന്ന
പാടത്തൊക്കെ റബ്ബറിന്റെ,
തോട്ടമല്ലയോ?
പൊന്നാര്യനും ചേറാടിയും
പൊൻകതിരു പരത്തിയ
പാടത്തിന്നു തൊട്ടാവാടി-
പ്പടർപ്പു മാത്രം!
കലപ്പതൻ കാലം പോയി,
ട്രാക്ടർ വന്നു, ടില്ലർ വന്നു
കൊയ്യുവാനും മെതിക്കാനും
യന്ത്രങ്ങൾ വന്നൂ!
കാലു നീട്ടി തട്ടിൻമേലെ,
കിടക്കുന്ന പല്ലിത്തടി
ദൈന്യത്തോടെ നോക്കുമ്പോളെൻ,
ചങ്കു പൊട്ടുന്നൂ!
താഴെ വീഴാൻ തക്കം നോക്കും
തൊഴുത്തിന്റെ യകത്തതാ;
പാൽപ്പായ്ക്കറ്റിൻ പ്ലാസ്റ്റിക്കുകൾ
കുന്നുകൂടുന്നൂ!
ചാണകത്തിൻ കുഴികളിൽ,
പെരിച്ചാഴി പുളയ്ക്കുന്നൂ;
ചേരപ്പാമ്പുമണലിയും
പൊത്തു നോക്കുന്നൂ!
തൊഴുത്തിന്റെ മോന്തായത്തിൽ,
വലകെട്ടിക്കിടക്കുന്ന;
ചിലന്തിയോ, സമ്രാട്ടായി,
വിഹരിക്കുന്നൂ!
കുഴിയാനച്ചുഴിയുള്ള,
പുൽക്കൂടിന്റെ കളങ്ങളിൽ;
വീട്ടിലുള്ള മാലിന്യങ്ങൾ,
കുമിഞ്ഞു നില്പൂ!
ചത്തൊടുങ്ങും കൃഷിയുടെ,
കിടപ്പറയ്ക്കരികിലാ
ചീവീടുകൾ രാമായണം
നീട്ടിപ്പാടുന്നൂ!
കർഷകന്റെ, കൃഷിയുടെ,
ശവദാഹം നടത്തുവാൻ;
വേനലതാ കത്തിക്കാളി,
കാത്തു നില്ക്കുന്നൂ!
സാന്ത്വനത്തിൻ വായ്ത്താരികൾ,
ഘോരഘോരം മുഴക്കുന്ന
സർക്കാരിനും കഴിയില്ല,
രക്ഷ നല്കീടാൻ!
സർക്കാരല്ല മനുഷ്യന്റെ,
ബോധമാണു മാറേണ്ടത് ;
കീടമല്ല എലിയല്ല,
കൃഷിക്കു ദോഷം!
കാലമെത്ര മഹാ കഷ്ടം
രോഗ മെത്ര വളരുന്നൂ;
പാടമെല്ലാം തരിശല്ലേ,
സുകൃതക്ഷയം!
(*പല്ലിത്തടിക്ക് ഞവിരി എന്നും പേരുണ്ട്.)
-------------
@രാജേന്ദരൻ ത്രിവേണി
ഉക്രൈനിലെ തീനാളങ്ങൾ
ഉക്രൈനിലെ തീനാളങ്ങൾഉക്രൈൻ കത്തുന്ന തീനാളംപൊള്ളിപ്പതെത്ര ഹൃദയങ്ങളെ,അവിടുന്നുയരും കരിമ്പുകകരയിപ്പതെത്ര ജന്മങ്ങളെ?നെഞ്ചിന്റെയുള്ളിലെ തീപ്പൊരികത്തിപ്പടരുന്ന വേദന,മെയ്യിൽപ്പടരുന്ന മരവിപ്പുമരപ്പിച്ചുറക്കുന്നു ചിന്തയെ!എത്ര നാളേക്കിനി യുദ്ധം,എന്തുണ്ടു വെട്ടിപ്പിടിക്കുവാൻ?എത്ര പൊള്ള വാഗ്ദാനങ്ങൾജലരേഖയായി മറഞ്ഞുപോയ്!യുദ്ധം പിറക്കാത്ത വന്ധ്യതചരിത്രത്തിലെന്നു നിറഞ്ഞിടും?ആരു വന്ധ്യംകരിക്കുമീയുദ്ധ ബീജ സ്രോതസ്സുകൾ?യുദ്ധ സിക്താണ്ഡം വളരുന്നഗർഭപാത്രത്തിന്നകംപാളി,കത്തിച്ചെരിക്കുന്ന ഈസ്റ്റ്രജൻകാലാണ്ഡാശയത്തിൽ കിനിയണം!വേണ്ട രാഷ്ട്രങ്ങളെ,വ
