രാവിലെ അലാറം അടിക്കുന്നതിന് മുന്നേ തന്നെ ഐ എഴുന്നേറ്റു...സമയം അഞ്ച്...അവൻ എഴുന്നേറ്റ് ബാത്റൂമിൽ പോയി ഫ്രഷായി വന്നു...!!
കോളേജിലെ ആദ്യ ദിവസം...അവന് വലിയ എക്സൈറ്റ്മെന്റ് ആയിരുന്നു... 
ചായ കുടിച്ചുകണ്ട് അവൻ ബാൽക്കണിയിൽ പോയി പുറത്തോട്ട് നോക്കി കുറച്ചുനേരം നിന്നു...
ഒരുപാട് ആളുകൾ ജോഗിങ്ങിന് പോയി തിരിച്ച് വരുന്നുണ്ട്...അതിൽ ചിലർ അവനെ നോക്കി കൈപോക്കി ചിരിച്ച് കാണിക്കുന്നുണ്ട്...
അവൻ കുറച്ച് നേരം കഴിഞ്ഞപ്പോൾ അകത്തോട്ടു പോയി...
ഇന്നലെ താമസിക്കാൻ വന്നതുകൊണ്ട് സാധങ്ങളൊന്നും വാങ്ങിയിട്ടില്ല...അവൻ നേരെ അവന്റെ റൂമിലോട്ട്‌ പോയി...
അവന്റെ മുറിയുടെ നേരെയായിട്ട് ഒരു മുറിയുണ്ട്...അത് അടച്ച് കിടക്കുകയാണ്...

മോനേ...വീട് മോന് ഇഷ്ട്ടായ സ്ഥിതിക്ക് ഞാനൊരു കാര്യം പറയാം...
ഇവിടെ രണ്ട് മുറിയാണ് ഉള്ളത്...ഒരു മുറി അടഞ്ഞ് കിടക്കുകയാണ്...അത് ഇവിടുത്തെ ഓണറിന്റെ മുറിയാണ്...അത് തുറക്കാനൊന്നും ശ്രമിക്കരുത്...പുള്ളി എപ്പോഴാ തമാസിക്കാൻ വരുന്നതെന്ന് അറിയില്ല...
ബ്രോക്കർ പറഞ്ഞത് അവൻ ഓർത്തു...

അവൻ ആ മുറി നോക്കിയിട്ട് നേരെ അവന്റെ മുറിയിൽ പോയി ഡ്രസ്സ് ചേഞ്ച് ചെയ്തു കോളജിലോട്ട്‌ പോയി...പോകുന്ന വഴിക്ക് ഒരു കടയിൽ കയറി ഫുഡ് കഴിച്ചു...

പുതിയ കോളേജ് പുതിയ ഫ്രണ്ട്സ്...അവൻ സ്വയം പറഞ്ഞുനടന്നു..!!
ഫസ്റ്റ് ഡേ ആയതുകൊണ്ട് സീനിയേഴ്സ് മുന്നിൽ ഉണ്ടായിരുന്നു...
ഐ അവരെ നോക്കാതെ നടന്നു...

ഹേയ്..
ഇങ്ങ് വന്നെ ഒരു സീനിയർ അവനെ വിളിച്ചു...അവൻ അങ്ങോട്ടേക്ക് ചെന്നു...

നീയെന്താ ഞങ്ങളെ നോക്കാതെ പോകുന്നത് ?

നോക്കിയാൽ നിങ്ങളെന്നെ വിളിക്കില്ലേ അതുകൊണ്ടാണ്..എനിക്ക് പാട്ട് ഡാൻസ് അതൊന്നും അറിയില്ല...അവൻ അവരോട് പറഞ്ഞു...അവൻ പറഞ്ഞതുകേട്ട് സീനിയേർസിന്റെ ഇടയിൽനിന്ന് ഒരു തല അവനെ നോക്കി ചിരിക്കുന്നുണ്ടായിരുന്നു...
അത് ഐ കണ്ടില്ല...

നിന്റെ പേരെന്താണ്...? ഒരു സീനിയർ അവനോട് ചോദിച്ചു..

ഐ...

ഐ...നീ ഒരു പാട്ട് പാടിയിട്ട്‌ പൊയ്ക്കോ...

അയ്യോ ചേട്ടന്മാരെ...എനിക്ക് സത്യമായിട്ടും അറിയില്ല...ഞാൻ വേണേൽ നിങ്ങളുടെ ഫോട്ടോ വരച്ചുതരാം എനിക്ക് വരക്കാൻ മാത്രമേ അറിയൂ...

ഓക്കേ...എന്നാൽ 15 മിനിറ്റ് കൊണ്ട് നീ ഞങ്ങളെ വരക്ക്‌...

ഓക്കേ...എന്ന് പറഞ്ഞ് അവൻ ബുക്കെടുത്ത് വരക്കാൻ തുടങ്ങി...

നിൽക്ക് ഒരാളും കൂടി ഉണ്ട്...എന്ന് പറഞ്ഞ് പുറകിൽ ഫോണിൽ കളിക്കുന്ന ഓഫിനെ പിടിച്ച് ഒരുത്തൻ മുന്നിലിരുത്തി...

ഓഫ് ഐയ്യിനെ നോക്കി ചിരിച്ചുകാണിച്ചു... ഐ തിരിച്ച് ചിരിച്ചുകാണിച്ചിട്ട്  വരക്കാൻ തുടങ്ങി...
15 മിനിറ്റ് കൊണ്ട് തന്നെ അവൻ എല്ലാവരെയും വരച്ചു...അത് അവർക്ക് കാണിച്ചുകൊടുത്തു...
എല്ലാവർക്കും അത് ഒരുപാട് ഇഷ്ട്ടമായി...

കൊള്ളാം...അടിപൊളി....നിനക്ക് ഫ്രീ ടൈം ഉണ്ടെങ്കിൽ ആർട്സ് ക്ലബിൽ വരണം ട്ടോ..!!

മ്...എന്നാൽ ഞാൻ പൊയ്ക്കോട്ടേ...?

പൊയ്ക്കോ...ഓഫ് അവനോട് പറഞ്ഞു...

ഈ ആർട്സ് ബിൽഡിംഗ് എവിടെയാണെന്ന് പറഞ്ഞുതരുമോ ? ഐ അവരോട് ചോദിച്ചു

ഞാൻ അങ്ങോട്ടേക്ക് പോകുകയാണ് നീയെന്റെ കൂടെ വന്നോ എന്ന് പറഞ്ഞ് ഓഫ് അവന്റൊപ്പം നടന്നു...

ഐ ഇടക്ക് ഇടക്ക് അവനെ നോക്കുന്നുണ്ട്...

നീ എന്താ എന്നെ ഇങ്ങനെ നോക്കുന്നത് ?

ചേട്ടനെ എനിക്ക് ഒറ്റ നോട്ടത്തിൽ ഇഷ്ടമായി അതാണ്...

ഓഫ് ചിരിച്ചു...

നീ എവിടെയാ താമസിക്കുന്നത്....? ഒാഫ് അവനോട് ചോദിച്ചു..

ഇവിടെ അടുത്ത് ഒരു വില്ലയിലാണ്...എസ് വില്ല...
അറിയുമോ...?

മ്... അറിയാം...

അതിന്റെ ഓണറെ അറിയുമോ അപ്പോൾ ?

അറിയാം എന്തേ...

ബ്രോക്കർ പറഞ്ഞ് പുള്ളി വലിയ ദേഷ്യക്കാരൻ ആണെന്ന്...പുള്ളിയുടെ മുറിയിൽ കൈകൊണ്ട് പോലും തൊടരുതെന്ന്...അതാ...

നീ എന്നാ തൊട്ടോ...?

ഇല്ലില്ല...എന്റെ ഭാഗ്യത്തിന് അവിടെ പുറത്ത് പുള്ളിയുടെ സാധനങ്ങളൊന്നും ഇല്ല..എല്ലം ആ മുറിയിലാണ്...പക്ഷെ പേടിയാണ് എനിക്ക്

എന്തിന് ?

എനിക്ക് ചെറിയ ഒരു അസുഖമുണ്ട്...

ഓഫ് അവനെ നോക്കി...

വേറൊന്നുമല്ല...ഞാൻ എന്ത് സൂക്ഷിച്ച് തൊട്ടാലും എന്റെ കൈകൊണ്ട് തന്നെയത് പൊട്ടിപ്പോകും...

ഓഫ് ചിരിച്ചുകൊണ്ട് അവന്റെ ഒപ്പം നടന്നു...
ഓഫിനെ കണ്ടിട്ട് പെൺകുട്ടികൾ എല്ലാവരും ചിരിക്കുന്നുണ്ട്...

ചേട്ടൻ ഫേമസാണല്ലേ... ഫാൻസ് ഒക്കെ ഉണ്ടല്ലോ... ഗേൾഫ്രണ്ട് ഉണ്ടോ...?

ഇല്ല...എനിക്ക് ബോയ്ഫ്രണ്ടാണ് ഇഷ്ട്ടം...

അത് കൊള്ളാല്ലോ...പക്ഷേ ഇവിടെ അതൊന്നും അല്ലോവെഡ് അല്ലല്ലോ... ചേട്ടൻ നാട് വിടേണ്ടി വരും...

നിനക്ക് ഗേൾഫ്രണ്ടില്ലേ....അതോ ബോയ്ഫ്രണ്ട്  ആണോ ഉള്ളത്...

ഞാൻ സിംഗിളാണ്...ഒരു ടെൻഷനും ഇല്ല...
ഗേൾഫ്രണ്ട് ബോയ്ഫ്രണ്ടൊന്നും എനിക്ക് വേണ്ട...പക്ഷെ ഒരുപാട് ഫ്രണ്ട്സിനെ വേണമെന്നുണ്ട്...

ഫ്രണ്ട്സൊക്കെ തനിയെ ആയിക്കോളും...
നിനക്കൊരു ഗേൾഫ്രണ്ടിനെ സെറ്റാക്കിത്തരട്ടെ..! ഒാഫ് ചിരിച്ചുകോണ്ട് ഐയ്യിനോട് ചോദിച്ചു...

അയ്യോ വേണ്ട...അതൊക്കെ വലിയ മെനകെട്ട പരുപാടിയാണ്...ഒരുപാട് പൈസ പോകും...ഞാൻ തന്നെ കഷ്ടപ്പെട്ടാണ് ജീവിക്കുന്നത് ഗേൾഫ്രണ്ട് കൂടി ആയാൽ എന്റെ കിഡ്നി വിറ്റ് അവളെ നോക്കണ്ടി വരും...

അതെന്നൊണ്..? പാവപ്പെട്ട പെൺകുട്ടികളും ഉണ്ടെടാ...

ഞാൻ അങ്ങനെ പറഞ്ഞതല്ല...ഞാൻ ഒരു ഓർഫനാണ്...എനിക്ക് ജീവിക്കാൻ മാത്രമേ എന്റെ കയ്യിൽ പൈസയുള്ളൂ...വീടിന്റെ വാടക തന്നെ ഞാൻ എങ്ങനെ കൊടുക്കുമെന്ന് ആലോചിച്ച് നടക്കുകയാണ്...!! അതിനിടക്ക് ഗേൾഫ്രണ്ട് ആയാൽ ശരിയാവില്ല...
പിന്നെ ഇവിടെ അടുത്ത് സൂപ്പർമാർക്കറ്റ് ഉണ്ടോ...കുറച്ച് സാധനങ്ങൾ വാങ്ങണം...

ഇവിടെ അടുത്തില്ല കുറച്ച് അകലെയാണ്...ഞാൻ വൈകിട്ട് പോകുന്നുണ്ട് വേണമെങ്കിൽ കൂടെ കൂടിക്കോ...!!

ഞാൻ വരാം...എന്നെ വിളിച്ചാൽ മതി...എന്റെ നമ്പർ പിടിച്ചോ എന്ന് പറഞ്ഞ് അവൻ അവന്റെ നമ്പർ പറഞ്ഞുകൊടുത്തു...

ഓക്കേ...ഞാൻ വിളിച്ചോളം...ഇതാണ് നിന്റെ ക്ലാസ്സ്...അപ്പോൾ ബൈ...

ഐ ബൈ പറഞ്ഞ് നടന്നതും ഒാഫ് അവനെ വിളിച്ചു..

ഐ അവനെ നോക്കി...

നീ എല്ലാവരുമായി ഇങ്ങനെ അടുക്കുമോ പെട്ടെന്ന് ?

അതെന്നാ അങ്ങനെ ചോദിച്ചത് ?

വേറൊന്നുമല്ല...നമ്മൾ ഇപ്പോഴല്ലേ പരിചയപ്പെട്ടത്..!! നീ എനിക്ക് നമ്പർ ഒക്കെ തന്നില്ലേ...!!

ഞാൻ അങ്ങനെയാർക്കും കൊടുക്കില്ല എന്റെ നമ്പർ...പിന്നെ ചേട്ടനോട് കൂട്ടായ അത്രയും സ്പീഡിൽ ഞാൻ ആരോടും കൂട്ടാവില്ല...!!

ഞാനായിട്ട് എന്താ നീ പെട്ടെന്ന് കൂട്ടായത് അപ്പോൾ..??

ഞാൻ പറഞ്ഞില്ലേ...എനിക്കാദ്യം കണ്ടപ്പോൾ തന്നെ ചേട്ടനെ ഒരുപാടിഷ്ടമായെന്ന് അതാ...എന്ന് ചിരിച്ചുകൊണ്ട് പറഞ്ഞ് ഐ അവന്റെ ക്ലാസിലോട്ട് പോയി...

ഒാഫ് കിളിപോയ പോലെ നിന്നിട്ട് ചിരിച്ചുകൊണ്ട് തിരിച്ചുപോയി..!!

🥀🥀🥀🥀🥀🥀🥀🥀🥀🥀🥀🥀🥀🥀

ടാ ചേട്ടാ... എഴുന്നേൽക്ക് എന്ത് ഉറക്കമാണ്...

പെട്ടെന്നാണ് അജിൻ കണ്ണുകൾ തുറന്നത്...

നല്ല സ്വപ്നമായിരുന്നു...നീ വന്ന് നശിപ്പിച്ചു എന്ന് പറഞ്ഞ് അവൻ എലീനയെ തലയണ എടുത്ത് അടിച്ചു...

എന്തിനാണെന്നെ അടിക്കുന്നത്...എന്ന് പറഞ്ഞ് അവൾ തിരിച്ചും അവന് കൊടുത്തു...

രാവിലെ തന്നെ രണ്ടും തുടങ്ങിയോ...?

ഈ ചേട്ടനാണ് അമ്മേ...
അമ്മ പറഞ്ഞിട്ടല്ലേ ഞാൻ വിളിക്കാൻ വന്നത്...എന്നിട്ട് നോക്കിയേ...എന്നെ തല്ലുവാണ് !!

അയ്യോ പരാതിക്കാരി കരയല്ലേ....അജിൻ അവളെ കളിയാക്കി...

അമ്മേ....

ടാ.. അജി...എന്റെ മോളെ കളിയക്കിയാൽ ചട്ടകം പഴുപ്പിക്കും ഞാൻ... കേട്ടോ...!

അയ്യോ വേണ്ട....ഞാൻ നിർത്തി...!!

നീ എഴുന്നേറ്റ് കുളിച്ചിട്ട് വാ...പോകണ്ടേ നമുക്ക്...
ഇനിയും താമസിച്ചാൽ ഫ്ലൈറ്റ് മിസ്സാവും...
പിന്നെ ഫ്ലൈറ്റ് മിസ്സായൽ നിന്നെ ഞാൻ കൊല്ലും മോനേ...

ഞാൻ ദേ റെഡിയായി അമ്മേ...എന്ന് പറഞ്ഞ് അജിൻ ബാത്ത്റൂമിലോട്ട്‌ ഓടി...

കുളിക്കണേ ചേട്ടാ...വെറുതെ വെള്ളം കോരി ഒഴിക്കരുത്...
എലീന അവനെ കളിയാക്കി പറഞ്ഞു...

അത് നിന്റെ സ്വഭവമാണെടി കൂരുപ്പേ..

അവൻ കുളിച്ച് വന്നതും അവർ ഫുഡ് കഴിച്ച് എയർപോർട്ടിലേക്ക് പോയി....

വിൻഡോ സീറ്റ് എനിക്ക് തരുമോ ചേട്ടാ... പ്ലീസ്...

ഇല്ല....

ചേട്ടാ...

നന്നായിട്ട് തെണ്ട് അപ്പോൾ ആലോചിക്കാം ഞാൻ...

നീ പോടാ...

പോടാ എന്നോ ? നിന്നെ ഞാൻ എന്ന് പറഞ്ഞ് അവളുടെ തലക്ക് അജി ഒരു കൊട്ട് കൊടുത്തു...

എന്തുവാ പിള്ളാരേയിത്...വീടല്ലിത്...ഇനി രണ്ടും എന്തെങ്കിലും മിണ്ടിയാൽ ഞാൻ നല്ല നുള്ള് തരും പറഞ്ഞേക്കാം...

മിണ്ടണില്ല എന്ന് പറഞ്ഞ് എലീന മിണ്ടാതിരുന്നു..
അജിൻ ചിരിച്ചുകൊണ്ട് അവൾക്ക് വിൻഡോ സീറ്റ് കൊടുത്തു...
അവളവനെ കെട്ടിപ്പിടിച്ച് പുറത്തോട്ടും നോക്കിയിരുന്നു....

കുറച്ച് നേരം ഉറങ്ങിക്കോ എത്താറാവുമ്പോൾ അമ്മ വിളിക്കാം...

ഓക്കേ...എന്ന് പറഞ്ഞ് അവർ രണ്ടും കണ്ണടച്ച് കിടന്നു...!!

🖤🖤🖤🖤🖤🖤

ഹലോ...

ഞാനാണ് ഓഫ്...

അതാരാ...?

രാവിലെ കണ്ട ഒരു ചെക്കനെ ഓർമയുണ്ടോ നിനക്ക്...

ചേട്ടനാണോ...സോറി എനിക്ക് പേര് അറിയില്ലായിരുന്നു അതാ...

ഞാൻ കോളജിന്റെ മുന്നിലുണ്ട് നീ അങ്ങോട്ട് വാ...

ദേ വരുന്നു എന്ന് പറഞ്ഞ് ഫോൺ കട്ട് ചെയ്ത് ഐ അങ്ങോട്ടേക്ക് ഓടി

ഹായ്...

വാ കേറ് പോകാം...

ഐ ചിരിച്ചുകൊണ്ട് കാറിൽ കയറി...അവർ സൂപ്പർമാർക്കറ്റിൽ പോയി....

ഐ വീട്ടിലേക്ക് വേണ്ട കുറച്ച് സാധനങ്ങളെടുത്ത് അവന്റെ കൊട്ടയിൽ ഇട്ടു...
ഓഫ് ഒരുപാട് സാധനങ്ങൾ വാങ്ങിച്ചു...

ഇയ്യെന്നാണ് കട മുഴുവൻ വാങ്ങുവാണോ...?

ഓഫ് അവനെ നോക്കി ചിരിച്ചു...
നീ വാങ്ങിക്കഴിഞ്ഞോ...?

കഴിഞ്ഞു...

എങ്കിൽ നീ എന്റെ കാർ എടുത്തുകൊണ്ട് വാ... ഡ്രൈവ് ചെയ്യാൻ അറിയില്ലേ നിനക്ക്..?

അറിയാം... ബില്ല് ചെയ്തിട്ട് എടുത്താൽ പോരേ...

അത് ഞാൻ ചെയ്തോളാം...നീ പൈസ പിന്നെ തന്നാൽ മതി... ഒറ്റടിക്ക്‌ ബില്ല് ചെയ്താൽ ഡിസ്കൗണ്ട് കിട്ടും...

ഭയങ്കര ബുദ്ധി... കീ താ ഞാൻ കാർ ആയിട്ട് പുറത്ത് നിൽക്കാം...

ഓക്കേ...
ഐ പോയതും ഓഫ് ബില്ല് അടിക്കാൻ പോയി...

ഹായ്..
ഇത് മുഴുവൻ പാക്ക് ചെയ്തോ...?

ഓക്കേ സർ....

ഓഫ് കടയിൽ നിന്നിറങ്ങി കാറിന്റെ അടുത്തോട്ട് പോയി...അവനും ഐയ്യും ചേർന്ന് സാധനങ്ങളെല്ലാം കാറിൽ വെച്ചു...

ഞാൻ നിന്നെ കൊണ്ടാക്കാം വീട്ടിൽ...

വേണ്ട...ചേട്ടന് ബുദ്ധിമുട്ടാവില്ലേ...എന്നെ ബസ് സ്റ്റോപ്പിൽ ഇറക്കിയാൽ മതി ഞാൻ പൊയ്ക്കോളം...

ഞാൻ പോകുന്ന വഴിയിൽ തന്നെയാണ് നിന്റെ വീടും ഞാൻ നിന്നെ ഡ്രോപ്പ് ചെയ്യാം...

ഐ തിരിച്ചൊന്നും പറഞ്ഞില്ല...

ഓഫ് ചിരിച്ചുകൊണ്ട് വണ്ടി ഓടിച്ചു...

നിനക്ക് പുതിയ ഫ്രണ്ട്സിനെയൊക്കെ കിട്ടിയോ...?

കിട്ടി.... സിഡ് , ജെന്നിഫർ , ടിൻ ഞങ്ങൾ പെട്ടെന്ന് തന്നെ നല്ല കൂട്ടായി...
പിന്നെ ക്ലാസ്സിലെ വേറെ പെൺകുട്ടികൾ എന്നോട് ചേട്ടനെ അറിയുമോ എന്നൊക്കെ ചോദിച്ചു...
ഐ ക്ലാസ്സിൽ നടന്നതൊക്കേ അവനോട് പറഞ്ഞു കൊണ്ടിരുന്നു...ഓഫ് അതൊക്കെ കേട്ട് ചിരിച്ചുകൊണ്ട് വണ്ടി ഓടിച്ചു...

ഇതാണെന്റെ വീട്...

അറിയാടാ...എന്ന് പറഞ്ഞ് ഓഫ് വണ്ടിയിൽ നിന്ന് ഇറങ്ങി...എല്ലാ സാധനവും കാറിൽ നിന്ന് എടുത്ത് പുറത്ത് വെച്ചു...

ഇതെന്നാ എല്ലാ സാധനവും എടുക്കുന്നത്...?
ഐ അവനെ നോക്കിക്കൊണ്ട് ചോദിച്ചു...

ഓഫ് ഒന്നും മിണ്ടാതെ ചിരിച്ചു...

✨✨✨✨✨

ടാ... എഴുന്നേൽക്ക്...

ഹ...എത്തിയോ...?

നിനക്കെന്നാ ഇത്ര ഉറക്കം ചെക്കാ...

നല്ല രസമുണ്ട് അമ്മേ സ്വപ്നം കാണാൻ അതാണ്...

അവന്റെ അമ്മ ചിരിച്ചുകൊണ്ട് ഫ്ലൈറ്റിൽ നിന്നും ഇറങ്ങാൻ നടന്നു...

എന്നാലും എങ്ങനെയാണ് ഞാൻ രാവിലെ കണ്ട സ്വപ്നത്തിന്റെ ബാലൻസ് കാണുന്നത്...ഒരു സീരിയൽ കാണുന്നത് പോലെയുണ്ട് !!

ടാ ചേട്ടാ...ഒന്ന് മാറിയാൽ എനിക്ക് ഇറങ്ങാമായിരുന്നു...

പോടി...എന്ന് പറഞ്ഞ് അവൻ മാറിക്കൊടുത്തു...

എന്നാലും ഓഫ്... അവന് വേണ്ടി വാങ്ങിയതാണോ സാധനങ്ങൾ...അതോ ആ വീടിന്റെ ഉടമസ്ഥൻ അവൻ ആണോ ? അജിൻ ഓരോന്ന് ആലോചിച്ച് അവന്റെ സീറ്റിൽ ഇരുന്നു...

അല്ല മകൻ വരുന്നില്ലേ...ഇവിടെ തന്നെ ഇരിക്കാനാണോ പ്ലാൻ എലീന അവനോട് ചോദിച്ചു...

അല്ല കിടക്കാൻ പ്ലാൻ ചെയ്യുകയാണ് എന്ന് പറഞ്ഞ് അജിൻ എഴുന്നേറ്റ് നടന്നു..

അമ്മേ...പതിയെ നടക്ക്..!! പഴയ കാമുകനെ കാണാൻ എന്ത് ധൃതിയാണ് !!

ദേ ചെക്കാ...അവനെന്റെ ബെസ്റ്റ് ഫ്രണ്ടായിരുന്നു...ഞാൻ അവനെ സ്നേഹിച്ചിരുന്നു പക്ഷേ അതിലുപരി ഞാൻ നിന്റെ അച്ഛനെ സ്നേഹിച്ചിരുന്നു...മനസ്സിലായോ...

തായ്‌ലൻഡിലെ ബാങ്കോക്കിലായിരുന്നു അജിന്റെ അമ്മ ജനിച്ചത്...മിയ എന്നാണ് അവരുടെ പേര്...മിയക്ക്‌ കുട്ടിക്കാലം മുതൽ ഒരു കൂട്ടുകാരനുണ്ടായിരുന്നു എന്തിനും ഏതിനും കൂടെ നിൽക്കുന്ന ചങ്ങാതി...അവൻ അവളുടെ ബന്ധുവും കൂടിയാണ്...!! ക്രിസ്റ്റിഫർ എന്നാണ് അവന്റെ പേര്...അവരുടെ ചങ്ങാത്തം അവസാനം പ്രണയത്തിൽ അവസാനിച്ചു...പക്ഷേ വീട്ടിൽ നടന്ന ചില പ്രശ്നങ്ങൾ കാരണം അവരുടെ പ്രണയത്തെ ആരും വകവെച്ചില്ല...അവസാനം ഒരു തീരാനോവുപോലെ അവർ പിരിഞ്ഞു...
മിയ കോളേജ് പഠനത്തിന് വേണ്ടി കേരളത്തിൽ വന്നിരുന്നു അന്നവൾ പരിചയപ്പെട്ടതാണ് ഷാനിനെ...വീട്ടിൽ നടന്ന പ്രശ്നത്തിന് ശേഷം അവൾ അവളുടെ നാട്ടിൽ നിന്ന് കേരളത്തിലേക്ക് വന്നു...
സ്വന്തം പ്രണയത്തെ മറക്കാൻ ആവശ്യപ്പെട്ട വീട്ടുകാരോട് അവൾക്ക് വെറുപ്പായിരുന്നു...അതിലുപരി ദേഷ്യവും....
പിന്നീടവൾ തായ്ലണ്ടിൽ പോയിട്ടില്ല... 
അവളുടെ നോവാർന്ന ഹൃദയത്തിന് തണലായി ഷാൻ അവളുടെ കൂടെ കൂടി....പിന്നീട് അവർ പ്രണയിച്ചു മതിവരുവോളം...പക്ഷേ അവിടെയും  വിധി അവളെ ചതിച്ചു...ഹൃദയാഘാതം വന്ന് ഷാൻ മരണപ്പെട്ടു...അന്ന് അജിനും എലീനക്കും പ്രായം 18 കഴിഞ്ഞിരുന്നു...!!
ഇപ്പോൾ മിയയുടെ അമ്മക്ക് വയ്യാത്തത് കൊണ്ടാണ് അവർ തിരിച്ച് തായ്ലണ്ടിലേക്ക് വരുന്നത്...

അമ്മേ...സ്ഥലമെത്തി...എന്താ ആലോചിക്കുന്നത്...
അജി അവരോട് ചോദിച്ചു...

ഒന്നുമില്ല...ഞാൻ കഴിഞ്ഞതോക്കെയൊന്ന് റീവൈണ്ട്  ചെയ്തതാണ്...

അമ്മേ ദേഷ്യമൊക്കെ മാറ്റിവെക്കിപ്പോൾ വർഷമിത്രയായില്ലേ...

എനിക്ക് ആരോടും ദേഷ്യമില്ല അജീ..പിന്നെ ഈ നാട് ഞാൻ വെറുത്തു പോയി അതാ ഇങ്ങോട്ട് വരാതിരുന്നത്...
പിന്നെ എനിക്കെന്റെ വീട്ടുകാരോട് ദേഷ്യമുണ്ടെങ്കിൽ ഞാൻ അവരെ വിളിക്കുമോ ഇല്ലല്ലോ...

അമ്മേ...ഇവിടെ കുറേ വീട് ഉണ്ടല്ലോ ഇതിലേതാ നമ്മുടെ വീട്..? എലീന അവരോട് ചോദിച്ചു..!!

ഇതെല്ലാം നിങ്ങളുടെ അപ്പുപ്പന്റെയാണ്... ആ കാണുന്നതാണ് നമ്മുടെ വീട്...എന്ന് പറഞ്ഞ് അവർ വേറെ ഒരു വീട്ടിലേക്ക് നോക്കി...

എന്താ അമ്മേ...എലീന അവരോട് ചോദിച്ചു...

ഒന്നുമില്ല...വാ പോകാം...

അമ്മേ അപ്പോൾ ക്രിസ്റ്റിഫർ അങ്കിളിന്റെ വീട് എവിടെയാ..? ( എലീന )

അത് ഈ നിരയിലെ ഏറ്റവും അവസാനത്തേതാണ്...
വാ...നമുക്ക് അകത്തേക്ക് പോകാം...
അവർ മൂവരും അകത്തോട്ടു കയറി...
അവരെ കാത്ത് അവിടെ എല്ലാവരും ഉണ്ടായിരുന്നു...

അവരെ എല്ലാവരും നല്ലതുപോലെ സ്വാഗതം ചെയ്തു...
അജിൻ അവരുടെ വീട് മുഴുവൻ കറങ്ങി നടന്നു കാണാൻ വേണ്ടി പോയി...
അവന്റെ കൂടെ എലീനയും കൂടി...

ടീ പെണ്ണേ...ഞാൻ ഉറങ്ങാൻ വന്നതാണ്...എന്റെ വാലിനെ പോലെ നടക്കല്ലേ നീ...

നീയല്ലേ ചേട്ടാ ഫ്ലൈറ്റിൽ വെച്ച് ഉറങ്ങിയത് എന്നിട്ട് ഇനിയും ഉറങ്ങണോ...?

നല്ല ഒരു സ്വപ്നം കണ്ടായിരുന്നു ഞാൻ...അത് കാണാൻ വേണ്ടിയാണ്...

കണ്ട സ്വപ്നം തന്നെ വീണ്ടും വീണ്ടും കാണുന്നതിന് എന്തോ പേര് പറയും..,

അതെന്ത്...

അറിയില്ല...പക്ഷേ അതൊരു അസുഖമാണ്...ചേട്ടനിപ്പോൾ ആൾറെഡി മെന്റൽ പ്രോബ്ലമുണ്ട്..ഇനി അതുകൂടി ആയാൽ സെറ്റ്...

മെന്റൽ നിന്റെ അച്ഛന്...

എന്റെ അച്ഛൻ തന്നെയാ നിന്റെ അച്ഛനും...മറക്കണ്ട..
എന്ന് പറഞ്ഞ് അവൾ പോയി...

സോറി അച്ഛാ...അറിയാതെ വിളിച്ചതാണ്...അച്ഛൻ റെസ്റ്റ് ചെയ്തോളൂ...എന്ന് പറഞ്ഞ് അവൻ എവിടെയെങ്കിലും ഉറങ്ങാൻ പറ്റിയ സ്ഥലമുണ്ടോ എന്ന് അന്വേഷിച്ചു നടന്നു...അവസാനം അവനൊരു പൂന്തോട്ടത്തിലെത്തി...അവിടെ ഒരു വലിയ തടി കൊണ്ടുണ്ടാക്കിയ ഊഞ്ഞാൽ അവൻ കണ്ടു...
അവൻ അതിൽ കയറിയിരുന്നു പിന്നെ അവനിട്ടിരുന്ന ജാക്കറ്റൂരി ചുരുട്ടി തലയണയാക്കി വെച്ച് കിടന്നു...
പായ കണ്ടാൽ ഉറങ്ങുന്ന പോത്തിനെ പോലെ അവനും പോത്ത് പോലെ ഉറങ്ങിപ്പോയി...

ഇതേ സമയം താഴെ എലീന അവളുടെ അമ്മയും അമ്മൂമ്മയുമായി സംസാരിക്കുകയായിരുന്നു...അവരുടെ ബാക്കി ബന്ധുക്കളെല്ലാവരും അവരുടെ വീട്ടിലേക്ക് പോയി...

അമ്മേ...ക്രിസ്റ്റി...

അവൻ വരും...അവൻ പണ്ടത്തെ പോലെ ഒന്നുമല്ല നിനക്ക് അറിയില്ലേ...

മ്...

എന്താ അമ്മേ...എലീന അവരോട് ചോദിച്ചു...

നിന്റെ അങ്കിൾ ഒരു ജനസാഹയകനാണ്...തെളിച്ച്  പറഞ്ഞാൽ ഒരു ഗുണ്ട... അമ്മൂമ്മ അവളോട് പറഞ്ഞു..!!

ജനങ്ങൾക്ക് വേണ്ടി സഹായം ചെയ്തു കൊടുക്കുന്നതിനു എന്തിനാ ഗുണ്ടയെന്ന് പറയുന്നത്....എലീന അവരോട് ചോദിച്ചു...

അത് അമ്മുമ്മക്ക്‌ വട്ട് കസിനേ... എന്ന് പറഞ്ഞുകൊണ്ട് മെൽവിൻ കയറിവന്നു...

വന്നു അഹങ്കാരി....അമ്മൂമ്മ പറഞ്ഞു..!!

ഹായ് ആന്റി...എന്ന് പറഞ്ഞ് മെൽവിൻ എലീനയുടെ അമ്മയെ കെട്ടിപ്പിടിച്ചു...
അവളുടെ അമ്മക്ക് ഒറ്റ നോട്ടത്തിൽ തന്നെ അവൻ ക്രിസ്റ്റിയുടെ മകനാണെന്ന് മനസ്സിലായി...
അവർ അവനെ കെട്ടിപ്പിടിച്ചു...

ആന്റിയെ കുറിച്ച് കഥകളിലാണ് ഞാൻ കേട്ടിട്ടുള്ളത്...കഥകളിലെ പോലെ തന്നെ ആന്റി  ശരിക്കും ഒരു സുന്ദരി തന്നെയാണ്...

അവർ ചിരിച്ചു...

ഹായ്.... മെൽവിൻ എന്ന് പറഞ്ഞ് അവൻ എലീനക്ക്‌ നേരെ കൈ നീട്ടി...

എലീന...അവളവനോട് ചിരിച്ചു കൊണ്ട് പറഞ്ഞു...

അമ്മുമ്മ...ഇവളാണോ എന്റെ മുറപ്പെണ്ണ്...

അതേ...

എലീന അവനെ നോക്കി...

നോക്കാതെ പെണ്ണേ...നിന്നെ സ്വപ്നം കണ്ട് ജീവിക്കാൻ തുടങ്ങിയിട്ട് കുറച്ചായി...അവൻ അവളുടെ അമ്മയെ കണ്ണടച്ച് കാണിച്ചിട്ട്  അവളോട് പറഞ്ഞു...

അയ്യോ പാവം...എന്ന് പറഞ്ഞ് അവളവനെ കളിയാക്കി...പെട്ടെന്ന് തന്നെ രണ്ട് പേരും നല്ല കൂട്ടായിമാറി...

കുറച്ച് കഴിഞ്ഞ് ക്രിസ്റ്റിഫറും അദ്ദേഹത്തിന്റെ മൂത്ത മകനും വന്നു...
മിയയെ കണ്ടതും ക്രിസ്റ്റിഫർ ചിരിച്ചു...തിരിച്ച് മിയയും ചിരിച്ചു...

ഹായ് ആന്റി...എന്ന് പറഞ്ഞ് ഓം അവരെ കെട്ടിപ്പിടിച്ചു...
ആന്റിയെ കുറിച്ച് അച്ഛൻ ഒരുപാട് പറഞ്ഞിട്ടുണ്ട്...

ഹായ് അങ്കിൾ...ഞാൻ എലീന...
അങ്കിളിനെ കുറിച്ചും അമ്മ ഒരുപാട് പറഞ്ഞിട്ടുണ്ട് അവൾ ചിരിച്ചുകൊണ്ട് പറഞ്ഞു...

അത് കണ്ട് എല്ലാവരും ചിരിച്ചു...

ഹായ് ചേട്ടാ...ചേട്ടൻ ഭയങ്കര ലുക്കാണല്ലോ...എന്നെ കോളജിൽ കൊണ്ടാക്കാൻ ചേട്ടൻ വന്നാൽ മതി...എലീന ഒാമിനോട് പറഞ്ഞു

അതെന്നാ...ഞാൻ ലുക്കല്ലേടീ...ഞാനും നീ ചേരാൻ പോകുന്ന കോളജിലാണ് പോകുന്നത് അപ്പോൾ ഞാൻ കൊണ്ട് ആക്കിക്കോളാം നിന്നെ...മെൽവിൻ അവളോട് പറഞ്ഞു...

നീ ചേട്ടന്റെ അത്രയും ലുക്കൊന്നുമല്ല...പിന്നെ ചേട്ടൻ എന്നെ കൊണ്ട് ആക്കുമ്പോൾ കുറച്ച് വെയിറ്റൊക്കെ കിട്ടും...

ഓഹ് പിന്നേ...

നീ ഇനി പോകുന്നുണ്ടോ മിയ...? ക്രിസ്റ്റിഫർ അവളോട് ചോദിച്ചു...

ഇല്ല...ഇവിടെ ഒരു വീട് നോക്കണം...പിന്നെ ഒരു ജോലിയും....

മോൾക്ക് അച്ഛൻ എഴുതി വെച്ച വീടില്ലേ അവിടെ താമസിക്ക്...

അത്...അമ്മേ...

മോളേ...നിന്റെ അച്ഛൻ മരിച്ചുപോയി...അച്ഛൻ ചെയ്ത ഒരു തെറ്റിന് നീ അദ്ധേഹത്തെ ഇത്രയും ശിക്ഷിക്കണോ ?

മിയ ഒന്നും മിണ്ടിയില്ല...

അമ്മേ..അവളിവിടെ താമസിച്ചോളും അമ്മ പോയി വിശ്രമിക്കിനി...ക്രിസ്റ്റിഫർ അവരോട് പറഞ്ഞു...
മിയ അവനെ നോക്കി...

മക്കൾ എന്നാൽ സംസാരിച്ചിരിക്ക്‌...ഞാൻ കുറച്ച് നേരം കിടക്കട്ടെ എന്ന് പറഞ്ഞ് അവർ പോയി...

ക്രിസ്റ്റി..അവർ പോയതും മിയ അവനെ വിളിച്ചു...

നിന്റെ ഈ വിളി ഞാൻ ഒരുപാട് മിസ്സ് ചെയ്തു...അവൻ അത് പറഞ്ഞതും മിയ മിണ്ടാതെ നിന്നു...ഇതൊക്കെ കണ്ട് എലീനയും മെൽവിനും ചിരിച്ചു... ഓം ചിരി വന്നിട്ട് ചിരിക്കാതെ ഇരിക്കുകയാണ്...

നിന്റെ മൂത്ത മകൻ എന്തേ..കണ്ടില്ലല്ലോ ?

അവൻ വീട് കാണാൻ എന്ന് പറഞ്ഞ് പോയതാ...കണ്ടില്ല ഞാൻ നോക്കിയിട്ട് വരാം...

എന്റമ്മേ...വേണ്ട...ചേട്ടൻ ഉറങ്ങാൻ പോകുവാണെന്ന് പറഞ്ഞ് പോയതാ..

അവൻ ഒരുപാട് ഉറങ്ങിയതല്ലേ...

ചേട്ടൻ രാവിലെ എന്തോ സ്വപ്നം കണ്ടെന്ന് പറഞ്ഞില്ലേ...അതിന്റെ ബാലൻസ് ഇന്ന് ഫ്ലൈറ്റിൽ വെച്ച് കണ്ടെന്ന് അപ്പോൾ ഇനിയും ഉറങ്ങിയാൽ ബാക്കി കാണാമെന്ന് പറഞ്ഞ് പോയതാ...ശരിക്കും അമ്മയുടെ മോൻ ഒരു പൊട്ടനാണ്...

അവൻ കേൾക്കണ്ട...

കേട്ടാൽ എനിക്കൊന്നുമില്ല...

ആഹ് പിന്നെ തലക്കിട്ട്‌ അടിച്ചെന്ന് പറഞ്ഞ് വന്നേക്കരുത്...

രണ്ടുപേരും ചേരില്ല അല്ലേ ആന്റി...മെൽവിൻ ചോദിച്ചു..!!

ഒട്ടുമില്ല മോനേ...നേരെ നോക്കിയാൽ ഇടിയാണ്...

അമ്മേ...ഞാൻ പുറത്തൊക്കെ പോയൊന്ന്  ചുറ്റിക്കണ്ടോട്ടെ പ്ലീസ്...

ഒറ്റയ്ക്ക് പോകണ്ട...നിന്റെ ചേട്ടൻ വന്നിട്ട് പൊയ്ക്കോ...

ചേട്ടൻ ഉറക്കമാണ്...ഞാൻ മെൽവിനായിട്ട് പൊയ്ക്കോളാം...

ഞാനോ...

അതെ...മര്യാദക്ക് വന്നോ...

ആന്റി ഞാൻ കൊണ്ട് പോയിട്ട് ഒരു കേടുപാടും കൂടാതെ കൊണ്ട് വരാം ഇവളെ...

മോനേ...എനിക്ക് അവളുടെ കാര്യത്തിൽ പേടി ഒന്നുമില്ല...
ഇവിടെയും പൂവാലൻമാർ ഇല്ലേ...

അതാണോ...അത് ആന്റി പേടിക്കണ്ട...എന്റെ മുറപ്പെണ്ണിന്റെ നേരെ ആരെങ്കിലും വന്നാൽ ഞാൻ നോക്കിക്കോളാം അവന്മാരുടെ കാര്യം....

അതല്ല മോനേ...

അപ്പോൾ അമ്മ ബൈ എന്ന് പറഞ്ഞ് എലീന അവർ പറയുന്നത് കേൾക്കാതെ മെൽവിന്റെ കൈ പിടിച്ച് പോയി...

നീ എന്താ അങ്ങനെ പറഞ്ഞത് ക്രിസ്റ്റിഫർ ചോദിച്ചു...

പോയിട്ട് വരുമ്പോൾ നിനക്കറിയാൻ പറ്റും...

പിന്നെ നിനക്ക് സുഖമാണോ...?

ആന്റി അച്ഛാ...നിങ്ങൾ സംസാരിച്ചിരിക്ക്...ഞാൻ ഗാർഡനിൽ പോയിട്ട് വരാമെന്ന് പറഞ്ഞ് ഓം അവിടുന്ന് മുങ്ങി...
അവൻ പോയതും മിയയും ക്രിസ്റ്റിയും സംസാരിക്കാൻ തുടങ്ങാ...!!

🥀🥀🥀🖤🖤🖤

ഇതെന്റെ വീട്ടിലേക്കാണോ ? ഐ കണ്ണ് വലുതാക്കി ചോദിച്ചു...

അല്ല...ഓഫ് അവനോട് പറഞ്ഞു...

പിന്നെ...?

ഓഫ് ചിരിച്ചുകൊണ്ട് അവന്റെ ഫിംഗർ ലോക്കിൽ വെച്ചിട്ട് അകത്തോട്ടു കയറി...

എന്റെ വീടിന്റെ ലോക്കിൽ ചേട്ടന്റെ ഫിംഗർ എങ്ങനെ വന്നു...?
കുറച്ച് നേരത്തെ ആലോചനക്ക് ശേഷം അവൻ അയ്യോ ഈ വീടിന്റെ ഓണറാണോ ചേട്ടനെന്ന് പറഞ്ഞ് അകത്ത് കയറി....

ഓഫ് അവനെ നോക്കി ചിരിച്ചുകൊണ്ട് അവൻ വാങ്ങിയ പാത്രമൊക്കെ എടുത്ത് ഷെൽഫിൽ വെച്ചു...

ഞാനും ചേട്ടനെ സഹായിക്കാമെന്ന് പറഞ്ഞ് ഐ അവന്റെയൊപ്പം പാത്രം അടുക്കി വെക്കാൻ നിന്നു...പക്ഷേ  ഐ പാത്രം ഷെൽഫിലോട്ട്‌ വെച്ചതും അവന്റെ കൈയ്യിൽനിന്ന് പാത്രം താഴെ വീണു പൊട്ടി...

അയ്യോ...സോറി സോറി സോറി....

ഓഫ് അവനെ നോക്കി...എന്നിട്ട് ചിരിച്ചുകൊണ്ട് പൊട്ടിയ പാത്രം എടുക്കാൻ തുടങ്ങി...അവന്റെ കൂടെ ഐയും കൂടി... ഐ വളരെ സൂക്ഷിച്ച് പാത്രത്തിന്റെ ചില്ല് എടുത്ത്..പക്ഷേ അതുമായി അവൻ എഴുന്നേറ്റപ്പോൾ അവന്റെ കയ്യിൽനിന്ന് അതെല്ലാം ഒന്നുകൂടി വീണു...

ഐ ഒന്നും മിണ്ടാതെ നിന്നു...

സാരമില്ല നീ അവിടെ പോയിരുന്നോ ഇത് ഞാൻ എടുത്തോളാമെന്ന് ഓഫ് അവനോട് പറഞ്ഞു... ഐ അവൻ ഇനിയും അവിടെ നിന്നാൽ പ്രശനമാകുമെന്ന് കരുതി സോഫയിൽ പോയിരുന്നു....

ഓഫ് അവിടെ വൃത്തിയാക്കിയ ശേഷം അവന്റെയടുത്ത് വന്നിരുന്നു...

സോറി ചേട്ടാ...ഞാൻ പറഞ്ഞതല്ലേ ഞാൻ സൂക്ഷിച്ച് എന്ത് ചെയ്താലും അവസാനം ഇതാണ് അവസ്ഥ....

ഓഫ് ചിരിച്ചു...അത് സാരമില്ല നീ ടെൻഷനടിക്കാതെ ഇങ്ങനെ...

എന്നാലും...പിന്നെ ചേട്ടനെന്താ എന്നോട് ഇവിടെയാണ് താമസിക്കുന്നതെന്ന് പറയാതിരുന്നത് ?

നീ ചോദിച്ചില്ലല്ലോ...

ഇല്ലേ...പക്ഷേ ഞാൻ ഇവിടുത്തെ ഓണെറെ അറിയുമോയെന്ന് ചോദിച്ചപ്പോൾ പറഞ്ഞില്ലല്ലോ...

അറിയുമോ എന്ന് ചോദിച്ചപ്പോൾ അറിയും എന്നല്ലേ ഞാൻ പറഞ്ഞത്...അതാരാണ് എന്ന് നീ ചോദിച്ചോ ?

ഇല്ലല്ലേ...
അപ്പോൾ ചേട്ടൻ എന്തിനാ ഇങ്ങോട്ട് വന്നത് ?

ഓഫ് അവനെ നോക്കി...

സോറി...ഇത് ചേട്ടന്റെ വീടാണല്ലേ... പിന്നേയേ...ചോദിക്കുന്നതുകൊണ്ട് ഒന്നും തോന്നരുത്...

എന്താ...നീ ചോദിക്ക്...അപ്പോഴല്ലേ തോന്നുവോ ഇല്ലെയോ എന്ന് പറയുന്നത് !!

ഈ മാസത്തെ വാടക അടുത്ത മാസത്തെ വാടകയുടെ കൂടെ തന്നാൽ പോരേ...😁

ഓഫ് ചിരിച്ചു...

🥀🥀🥀🥀🥀🥀🥀

അജിൻ ഉറക്കത്തിൽ ചിരിക്കുന്നത് നോക്കി നിൽക്കുകയാണ് ഓം...

പെട്ടെന്നാണ് എവിടുന്നോ വന്ന ഈച്ച അജിന്റെ മൂക്കിൽ അരിച്ച് കേറിയത്...ഒറ്റ തുമ്മലിൽ അജിൻ എഴുന്നേറ്റു...

കൂതറ ഈച്ച...ഞാനൊന്ന് ആസ്വദിച്ച് വരുകയായിരുന്നു...നശിപ്പിച്ച് കളഞ്ഞ്...നീയും എലിയും ഒരുപോലെയാണ്...അവൻ സ്വയം പറഞ്ഞുകൊണ്ടിരുന്നു...അപ്പോഴാണവന്റെ മുന്നിൽ നിൽക്കുന്ന ആളെ അവൻ ശ്രദ്ധിച്ചത്....

അവന്റെ ചുറ്റും പൂമ്പാറ്റകൾ വട്ടമിട്ട് പറക്കുന്നു...സൂര്യന്റെ വെളിച്ചം അവന്റെ മുഖത്ത് അടിക്കുന്നത് കൊണ്ട് മുഖം വ്യക്തമല്ല...പക്ഷേ അവന്റെ സൈഡ് കണ്ടിട്ട് നല്ല മൊഞ്ചനാണെന്ന് അവന് മനസ്സിലായി...അജിൻ എഴുന്നേറ്റ് അവന്റെ അടുത്തോട്ട്‌ വന്നവന്റെ മുഖത്ത് നോക്കി...അവനെ നോക്കി നിൽക്കുന്ന ആളെ കണ്ടതും അവന്റെ നെഞ്ചിന്റെ താളം തെറ്റി...

ഓഫ്....അജിന്റെ ചുണ്ടുകൾ മന്ത്രിച്ചു...

ഓം അവനെ നോക്കി ചിരിച്ചതും ദേ കിടക്കുന്നു അജിൻ നിലത്തേക്ക്...