ഐ....

ഒരു പ്രാവശ്യം പറ നിനക്കെന്നെ ഇഷ്ട്ടമാണെന്ന്...

ഞാനത് പറയില്ല...എനിക്ക് ചേട്ടനെ ഇഷ്ട്ടമാണെന്ന് ഞാൻ പറഞ്ഞിട്ട് വേണോ ചേട്ടൻ അറിയാൻ...
ഐ അവന്റെ അടുത്ത് വന്ന് കണ്ണുരുട്ടിക്കൊണ്ട്  ചോദിച്ചു...
ഓഫ് അവന്റെ ചെവിക്ക് പിടിച്ച് തിരിച്ചു...

ചെക്കന് കുറച്ച് കുറുമ്പ് കൂടുന്നുണ്ട് ഈയിടയായിട്ട്...എന്നെ വട്ട് കളിപ്പിക്കാൻ നിനക്ക് ഒരുപാട് ഇഷ്ട്ടമാണല്ലേ...

ഐ അവന്റെ കവിളിൽ ഒരു മുത്തം കൊടുത്തു...ഒാഫ് ചിരിച്ചു..!!

ഐ...എനിക്ക് നിന്നെ ഒരു നിമിഷം പോലും പിരിഞ്ഞിരിക്കാൻ കഴിയുന്നില്ല...
നീ എന്താണ് എന്നിൽ ഇത്രയും അലിഞ്ഞു പോയത്...!!
ഇനി വല്ല മാജിക്കും ചെയ്തോ നീ എന്നിൽ ???

ഐ ചിരിച്ചു കൊണ്ട് അവന്റെ നെഞ്ചത്ത് ചാരിനിന്നു...

ഓം...

അജിൻ വിളിക്കുന്നത് കേട്ടാണ് ഓം കണ്ണുകൾ തുറന്നത്...!!

എന്തുപറ്റിയതാണ് നിനക്ക്...പെട്ടെന്ന് ബോധം പോയല്ലോ...

ഒന്നുമില്ല...ഞാൻ ഒന്നും കഴിച്ചില്ല അതാവും....

ആണോ...നമുക്ക് എന്നാൽ എന്തെങ്കിലും കഴിച്ചിട്ട് വരാം...എനിക്കും വിശക്കുകയാണ്...

എനിക്കിപ്പോൾ ഒന്നും വേണ്ട...!!

ഒന്നും കഴിക്കാതിരുന്നിട്ട് തലകറങ്ങി വീണത് പോരാ...എന്നിട്ട് പിന്നെയും ഫുഡ് വേണ്ടെന്ന്...മര്യാദക്ക് വാ...എന്ന് പറഞ്ഞ് അജിൻ ഓമിന്റെ കയ്യിൽ പിടിച്ച് വലിച്ച് കൊണ്ടുപോയി...

അമ്മേ...ഞങ്ങൾ പുറത്ത് പോയിട്ട് വരാം...

ഞങ്ങളും വരുന്നു...എലീന ചാടിക്കയറി പറഞ്ഞു..!!

വേണ്ട...!!

നീ പോടാ ചേട്ടാ എന്ന് പറഞ്ഞ് അവളും അവരുടെ ഒപ്പം കൂടി... കൂടെ മെൽവിനും...
അവർ നാല് പേരും കൂടി പുറത്ത് പോയി... മെൽവിനും എലീനയും ഒരുമിച്ച് മുന്നേ നടന്നു പോയി...അജിനും ഓമും പുറകെയും...
അജിൻ ഇടക്ക് ഓമിനെ നോക്കുന്നുണ്ട്...!!

നീ എന്തിനാ എന്നെ എപ്പോഴുമിങ്ങനെ നോക്കുന്നത് ?

അറിയില്ല...ചുമ്മാ നോക്കാൻ തോന്നി അതാ...അവൻ ഒരു ചിരി പാസ്സാക്കി പറഞ്ഞു...

ഓം ഒന്നും മിണ്ടിയില്ല...

അതേ എപ്പോഴും ഇങ്ങനെ മുഖം വീർപ്പിച്ച് നടക്കുന്നത് എന്തിനാണ് ?
ഇയ്യ് ബോധം കെട്ട് വീണപ്പോൾ ചിരിച്ചായിരുന്നു...സത്യം പറയാല്ലോ നല്ല ഭംഗി ഉണ്ടായിരുന്നു....അതുപോലെ എന്നും ചിരിച്ച് നടന്നുകൂടെ...!!

എനിക്ക് ചിരിക്കാനധികം ഇഷ്ടമല്ല...

ചിരിക്കാൻ എന്തെങ്കിലും ബുദ്ധിമുട്ട് ഉണ്ടോ...?

ഓം അവനെ നോക്കി...അജിൻ അവനെ നോക്കാതെ നടന്നു...

ചിരിക്കാത്ത ജീവി....അവൻ സ്വയം പറഞ്ഞ് നടന്നു...

ഞാൻ ചിരിക്കണമെന്ന് എന്താ നിനക്കിത്ര ആഗ്രഹം...?

നല്ല ഭംഗിയുണ്ട്...അതുകൊണ്ട്....എന്നെ കണ്ടോ ഞാൻ എപ്പോഴും ചിരിച്ചാണ് നടക്കുന്നത്...എന്നെ കാണാൻ നല്ല ക്യൂട്ടും അല്ലേ...അതുപോലെ നീയും ചിരിച്ചാൽ നല്ല ക്യൂട്ടാവും...

എനിക്ക് അങ്ങനെ ഇപ്പോൾ ക്യൂട്ട്‌ ആവണ്ട...നമ്മളിൽ ഒരാൾക്ക് പോരേ ക്യൂട്ട്നെസ്സ് !!

അപ്പോൾ ഞാൻ ക്യൂട്ടാണെന്ന് സമ്മതിച്ചു അല്ലേ...

ഞാനത് ചുമ്മാ പറഞ്ഞതാണ്...

ഓഹ്...പിന്നെ ഞാനൊരു കാര്യം ചോദിച്ചോട്ടെ...?

മ്...

നമ്മൾ ഇതിന് മുന്നേ കണ്ടിട്ടുണ്ടോ ?

അവൻ അത് ചോദിച്ചതും ഓം അവനെ നോക്കി...അപ്പോഴേക്കും എലീന അവരുടെ അടുത്ത് ഓടിവന്നു...

നമുക്ക് ആ കടയിൽ കയറാം...

മ്...അവൻ അജിന് മറുപടി പറയാതെ നടന്നു..!!

അവർ നാലുപേരും കൂടി കടയിൽ കയറി ഫുഡ് കഴിച്ച് ഇറങ്ങി...

എലീന... ആ കടയിൽ നീ പറഞ്ഞ തൊപ്പിയുണ്ട്...മെൽവിൻ അവളോട് പറഞ്ഞു...

നമുക്കത് നോക്കിയിട്ട് വരാം എന്ന് പറഞ്ഞ് അവർ രണ്ടും പോയി...

അജിനും ഓമും പുഴ അരികിൽ കൂടി നടന്നു...!!

നമുക്ക് അവിടെയിരിക്കാം... അജിൻ ഓമിനെ വിളിച്ച് കൊണ്ട് പോയി പുഴയുടെ അരികിലിരുന്നു..!!

ഞാൻ ചോദിച്ചതിന് മറുപടി പറഞ്ഞില്ല... അജിൻ ഓമിനോട് ചോദിച്ചു...

നീ അത് മറന്നില്ലേ...?

ഇല്ല...പറ നീ...

കണ്ടിട്ടില്ല...ഇവിടെ വെച്ചല്ലേ നീ എന്നെ കാണുന്നത്...

മ്...

നീ എന്താ അങ്ങനെ ചോദിച്ചത് ?

നീ കേരളത്തിൽ വന്നിട്ടുണ്ടെന്ന് പറഞ്ഞില്ലേ...അതാണ്...പിന്നെ...!!

പിന്നെ ?

എന്തോ...എനിക്ക് നിന്നെ നന്നായി അറിയാം എന്നൊരു ഫീൽ...പിന്നെ നീയായിട്ട് നടക്കാൻ എനിക്കെന്തോ ഒരു ഇഷ്ട്ടം അതാണ് ചോദിച്ചത്...

ഓം അവനെ നോക്കി...

എനിക്കൊന്നും മനസ്സിൽ വെച്ചോണ്ടിരിക്കുന്നത് ഇഷ്ടമല്ല...അതാ സ്ട്രൈയ്റ്റായിട്ട് പറഞ്ഞത്...!!

മ്..

പിന്നെ നീ എന്തെങ്കിലും സംസാരിക്ക്...എപ്പോഴും മൂളിക്കൊണ്ട് മാത്രം ഇരിക്കാതെ...!!

ഞാനെന്ത് സംസാരിക്കാൻ...എനിക്ക് അതൊന്നും ഇഷ്ടമല്ല...

ഇജ്ജ് മനുഷ്യൻ തന്നെ ആണോ...!

ഓം അവനെ നോക്കി...

ഇജ്ജിങ്ങനെ എന്നെ നോക്കല്ലേ..ഞാൻ എന്തോ കുറ്റം ചെയ്തപോലെ ഒരു ഫീൽ...ഒന്ന് ചിരിച്ചിട്ട് നോക്കിക്കൂടെ...!!

ഓം ഒന്നും മിണ്ടിയില്ല...

ഞാൻ നിന്നെ പോലെയല്ല എനിക്കെപ്പോഴും സംസാരിച്ചിരിക്കണം... ഐ ആം എ ടോക്കറ്റീവ് പേഴ്സൺ...
പക്ഷേ ഞാൻ കൂടുതൽ അടുത്തവരോട് മാത്രമേ ചുമ്മാ ചളവളാ സംസാരിക്കൂ...

അത് പണ്ടും അങ്ങനെ തന്നെ ആയിരുന്നല്ലോ ഓം പറഞ്ഞു...

എന്തുവാണ് പറഞ്ഞത്... കേട്ടില്ല ഞാൻ...

ഒന്നുമില്ല...

ഹ്മ്... എനിക്ക് സംസാരിക്കാൻ ഇഷ്ടമാണ് പക്ഷേ ഇതുവരെ എന്റെ സംസാരം കേട്ടൊണ്ടിരിക്കാൻ ആരെയും കിട്ടിയിട്ടില്ല...എല്ലാവരും പെട്ടെന്ന് മടുക്കും...
അമ്മക്ക് ജോലിയോട് ജോലി എലിക്ക്‌ കുറേ സീരിയൽ...ഞാൻ അവളോട് സംസാരിക്കാൻ പോകുമ്പോൾ അവളെന്നെ മൈൻഡ് ചെയ്യാതെ സീരിയൽ കാണും പിന്നെ ഞാനും അവളുടെയൊപ്പം കാണും...
അജിൻ അങ്ങനെ പറഞ്ഞുതുടങ്ങി അവനോട് ഒരുപാട് സംസാരിച്ചു...അതെല്ലാം ഓം കേട്ടുകൊണ്ടിരുന്നു...

അപ്പോൾ ഓമിന്റെ ഫോൺ റിങ്ങ് ചെയ്തു...

ഹലോ...

ചേട്ടാ...ഞാനും എലീനയും വീട്ടിൽ പോവുകയാണ്...നിങ്ങളെ നോക്കിയിട്ട് കണ്ടില്ല...

ഞങ്ങൾ പുഴയുടെ അവിടുണ്ട്...നിങ്ങൾ പൊയ്ക്കോ...സൂക്ഷിച്ച് പോട്ടൊ...അവളെ നോക്കിക്കോണാം...

ഇതിനെ ഞാൻ നോക്കണ്ട കാര്യമില്ല...അവൾക്ക് സ്വയം അറിയാം...

അതറിയാം എന്നാലും നീ ശ്രദ്ധിക്ക്...

ഓക്കേ ചേട്ടാ...ബൈ...

മെൽവിൻ ആണോ ??
അജിൻ അവനോട് ചോദിച്ചു...

മ്... അവർ നമ്മളെ കണ്ടില്ലെന്ന് അപ്പോൾ വീട്ടിൽ പോകുവാണെന്ന് പറയാൻ വിളിച്ചതാണ്...

മ്... എലിക്ക് സ്വയം അവളെ രക്ഷിക്കാനറിയാം...എന്നാലും എനിക്ക് പേടിയാണ് അവളുടെ കാര്യത്തിൽ...എപ്പോഴും ഞങ്ങൾ ഇടിയാണെങ്കിലും അവളെനിക്ക് ജീവനാണ്...!!
പിന്നെ നീ എന്ത് ജോലിയാണ് ചെയ്യുന്നത് ?

എന്റെ അച്ഛൻ ചെയ്യുന്നത്...

ഗുണ്ട ആണോ...

ഓം അവനെ നോക്കി...

ഐ മീൻ നല്ല ഗുണ്ട...
ഞാൻ നിന്റെ ബോഡിഗാർഡ് ആയിക്കോട്ടെ...!?

എന്തിന്...?

നല്ല ഗുണ്ടകളെ തുരത്താൻ ചീത്ത ഗുണ്ടകൾ കാണും...ഞാൻ നിന്നെ പ്രൊടെക്ട് ചെയ്യാം...

അജിൻ അങ്ങനെ പറഞ്ഞതും ഓം കഴിഞ്ഞ ജന്മത്തിൽ ഐ അവനോട് പറഞ്ഞത് ഓർത്തു...

നല്ല ഗുണ്ടകളെ തുരത്താൻ ചീത്ത ഗുണ്ടകൾ കാണും അതാണ്...ഇവിടെ എന്നെ ചേട്ടൻ പ്രൊട്ടക്റ്റ്  ചെയ്യുന്നില്ലേ...അപ്പോൾ അടുത്ത ജന്മത്തിൽ ഞാൻ ചേട്ടനെ പ്രൊട്ടക്റ്റ് ചെയ്യും...

ഹലോ...അജിൻ ഓമിനെ തട്ടി വിളിച്ചു...
എന്താ ഈ ആലോചിക്കുന്നത്...?

ഒന്നുമില്ല...
നീ എന്നെ പ്രൊട്ടെക്റ്റ് ചെയ്യണ്ട ഞാൻ ചെയ്തോളാം എന്നെ തന്നെ...

പ്ലീസ്...എന്നെ ബോഡിഗാർഡ് ആക്കുമോ...

ഇല്ല എന്ന് പറഞ്ഞില്ലേ...

ഹോ...എനിക്കിവിടെ നിന്നെയല്ലേ അറിയൂ...നീ ഞാൻ സംസാരിക്കുന്നത് ഒരു മടിയും കൂടാതെ കേട്ടിരുന്നപ്പോൾ എനിക്ക് സംസാരിക്കാൻ ആളായി എന്നോർത്തു...
നിനക്കെന്നെ കൂടെ കൂട്ടാൻ താൽപ്പര്യമില്ലെങ്കിൽ ഞാൻ വരുന്നില്ലിനി... എന്ന് പറഞ്ഞ് അജിൻ എഴുന്നേറ്റ് നടന്നു...!!

അജിൻ... ഓം അവനെ വിളിച്ചു..പക്ഷേ അജിൻ മൈൻഡ് കൊടുക്കാതെ നടന്നു...

എനിക്ക് നിന്നെ അപകടത്തിലോട്ട്‌ വലിച്ചിടാൻ കഴിയില്ല അതാണ്...നിന്നെ ഇനി നഷ്ടപ്പെടുത്താൻ ഞാൻ ആഗ്രഹിക്കുന്നില്ല...

അത് കേട്ടതും അജിൻ നിന്നു...
എന്നെ നഷ്ടപ്പെടുത്താനോ ? അവൻ തിരിഞ്ഞുവന്ന് ഓമിനോട് ചോദിച്ചു...

ഓമിന് അപ്പോഴാണ് അവൻ പറഞ്ഞത് അബദ്ധമാണെന്ന് മനസ്സിലായത്...!!

അത് ഒന്നുമില്ല...ഞാൻ ഒരു ഡയലോഗ് പറഞ്ഞതാണ്...നീ വാ നമുക്ക് പോകാം...

ഒാഹ്...
പിന്നെ എനിക്ക് അപകടമൊന്നും പറ്റില്ല...ആരുമെന്നെ കൊല്ലാനും വരില്ല...കരാട്ടെ കളരി കുങ്ങ്ഫു എല്ലാം കഷായം കുടിക്കുന്ന പോലെ പഠിച്ചതാണ് ഞാൻ...

ഓം മിണ്ടാതെ നടന്നു...

നിനക്ക് ഭാഗ്യമില്ല...എന്നെ പോലെ ഒരു ബോഡിഗാർഡിനെ കിട്ടാൻ...

ആ ഭാഗ്യം എനിക്ക് വേണ്ട...

വേണ്ടെങ്കിൽ വേണ്ട... പിന്നെയേ ഒരു ചോക്കോബർ വാങ്ങിത്തരുമോ ?
പൈസ ഇല്ല അതാ...

നീ അവിടെ ഇരുന്നോ ഞാൻ വാങ്ങിക്കൊണ്ട് വരാം...എന്ന് പറഞ്ഞ് ഓം പോയി...

അജിൻ അവിടെ കണ്ട ഒരു ബെഞ്ചിൽ പോയിരുന്നു...

നീ വന്നോ...എന്ന് ചോദിച്ച് ഒരു സ്ത്രീ അവന്റെ അടുത്ത് വന്നിരുന്നു...

അവൻ അവരെ നോക്കി...
എന്നെ അറിയുമോ ?

അറിയാം...
കുഞ്ഞേ...നീ കാണുന്നതെല്ലാം സത്യങ്ങളാണ്...അത് കളവല്ല...ജീവിക്കാനൊരുപാട് ആഗ്രഹിച്ച രണ്ട് പേരുടെ ജീവിതം...പക്ഷേ വിധി അവർക്കതിനു എതിര് നിന്നു...

അജിൻ ഒന്നും മനസ്സിലാകാതെ അവരെ നോക്കി...

നീ അവനിൽ എത്തിച്ചേർന്നിരിക്കുന്നു...നിങ്ങളെ പിരിക്കാൻ ഇനിയാർക്കും കഴിയില്ല...വിധി നിങ്ങളെ തമ്മിൽ കണ്ടുമുട്ടിച്ചെങ്കിൽ നിങ്ങളെ തമ്മിൽ വിധി തന്നെ ഒരുമിപ്പിക്കുമെന്ന് പറഞ്ഞ് അവർ അജിന്റെ തലയിൽ തൊട്ട് അവന് ആശിർവാദം നൽകിയിട്ട് അവിടെ നിന്ന് പോയി...
അജിൻ ഒന്നും മനസ്സിലാകാതെ അവർ പോയ വഴിയിൽ നോക്കി നിന്നു...

ടാ...നീ ആരെയാണ് നോക്കുന്നത് ? ഒാം ചോക്കോബാറുമായി വന്നവനോട് ചോദിച്ചു..!!

ഒരു സ്ത്രീ...

സ്ത്രീയോ...?

ഹ..ഒരു കൈനോട്ടക്കാരിയെ പോലെയുണ്ട് കാണാൻ...

കൈനോട്ടക്കാരിയോ...അവർ എന്തെങ്കിലും നിന്നോട് പറഞ്ഞോ ? ഒാം ധൃതിയിൽ അവനോട് ചോദിച്ചു..!!

ഹ..എന്തൊക്കെയോ പറഞ്ഞു....നിനക്കിതിലൊക്കെ വിശ്വാസമുണ്ടോ !? നിന്റെ ധൃതി കണ്ട് ചോദിച്ചതാണ് !!!

ചില സാഹചര്യങ്ങളിൽ...
എന്തുവാണ് നിന്നോടവർ പറഞ്ഞതെന്ന് ചോദിച്ച് ഓം അവന്റെ അടുത്തിരുന്നു....

നീ അവനിൽ എത്തിച്ചേർന്നിരിക്കുന്നു...വിധി നിങ്ങളെ ഒരുമിപ്പിക്കും...
നീ കാണുന്നതെല്ലാം കള്ളം അല്ല സത്യമാണ് എന്നൊക്കെ...!!
അവർക്ക് വയ്യ എന്ന് തോന്നുന്നു...എന്തൊക്കെയോ പറഞ്ഞിട്ട് പോയി...
ചിലപ്പോൾ ഞാൻ വേറെ ആരെങ്കിലുമാണ് എന്നോർത്ത് പറഞ്ഞതാവും...

അങ്ങനെയാവും...ഇങ്ങനെ ഒരുപാട് പേരുണ്ട് ഇവിടെ...നീ അത് മറന്നുകള... ചോക്കോബാർ കഴിക്ക് അല്ലെങ്കിൽ അലിഞ്ഞ് പോകും...

നീ വാങ്ങിയില്ലേ...?

ഇല്ല...ഞാൻ ഇതൊന്നും കഴിക്കാറില്ല...

ഞാനൊരു കാര്യം ചോദിക്കട്ടെ...
ശരിക്കും നീ മനുഷ്യനല്ലേ...?!

ഓം അവനെ നോക്കി...

നീ എന്തിനാ ചെക്കാ എന്നെ ഇങ്ങനെ നോക്കുന്നത് ഞാനെന്തോ കുറ്റം ചെയ്തപോലെ...
ഞാൻ മനുഷ്യനല്ലേ എന്ന് ചോദിച്ചത് നീ ഐസ് ക്രീം മിഠായി അങ്ങനെയുള്ളത് കഴിക്കില്ല... ചിരിക്കില്ല... സംസാരിക്കില്ല... ഇതൊക്കെ മനുഷ്യന്മാർ ചെയ്യുന്നതാണ്...

ഇതൊക്കെ ചെയ്തില്ലെങ്കിൽ മനുഷ്യനാവില്ലെന്നുണ്ടോ..?

ഇല്ല എന്ന് പറഞ്ഞ് ഓമിന്റെ വായിലോട്ട് ചോക്കോബാർ അജിൻ വെച്ച് കൊടുത്തു...
പെട്ടെന്നുള്ള അവന്റെ പെരുമാറ്റത്തിൽ ഓം സ്റ്റക്കായി നിന്നുപോയി...!!

അജിൻ പെട്ടെന്നവന്റെ ഫോൺ എടുത്ത് ഓമിന്റെ ഫോട്ടോ എടുത്തു...

നീ എന്ത് പണിയാണ് കാണിച്ചത്...ഫോട്ടോ ഡിലീറ്റ് ചെയ്യ്...

പറ്റില്ല...നല്ല ഫോട്ടോ അല്ലേ നോക്കിയേ... ചോക്കോ ബേബി...

അജിൻ ഫോൺ ഇങ്ങ് താ...

ഇല്ല എന്ന് പറഞ്ഞ് അജിൻ എഴുന്നേറ്റോടി അവന്റെ പുറകെ ഓമും...

പെട്ടെന്നാണ് അജിൻ അവന് എതിരെ വന്ന ആളുമായി ഇടിച്ചത്...

എവിടെ നോക്കിയാടാ ഓടുന്നത്...എന്ന് പറഞ്ഞ് എതിരെ വന്നവൻ ചൂടായി അജിനോട്...

സോറി...ഞാൻ കണ്ടില്ല...അജിന് അയാളോട് പറഞ്ഞു...പക്ഷെ അജിന്റെ മുഖം കണ്ടപ്പോൾ അയാൾ നിശബ്ദനായി...
അപ്പോഴേക്കും ഓം അവന്റെ അടുത്ത് വന്നു...

ഓം...നിന്റെ പയ്യനാണോ ഇവൻ...അയാൾ ഒാമിനെ കണ്ടതും അവനോട് ചോദിച്ചു..!!
അത് കേട്ടതും ഓം അജിന്റെ മുന്നിലോട്ട് കയറി നിന്നു...!!

ആണെങ്കിൽ...!!ഒാം അവനോട് പറഞ്ഞു..!!

ഓം നീ എന്തിനാ പേടിക്കുന്നത് ഞാനവനെ ഒന്നും ചെയ്യില്ല...എനിക്ക് വേണ്ടത് നിന്നെയല്ലേ...!!
ഇവൻ പാവം...കാണാൻ നല്ല ക്യൂട്ടാണ്...ഇവനെ കണ്ടാൽ എങ്ങനെയാണ് ഉപദ്രവിക്കാൻ തോന്നുന്നത്...

ഇവനെ ഉപദ്രവിക്കാൻ നിന്റെ കൈ പൊങ്ങില്ല ജോർജ്...

ഒാഹ്... ഓം പറയുന്നത് കേട്ടോ നിങ്ങൾ...കൈ പൊങ്ങില്ലെന്ന്...എന്നാൽ അതൊന്ന് കാണണമല്ലോ...എന്ന് പറഞ്ഞ് ജോർജ് അജിന്റെ തോളിൽ കൈ വെക്കാൻ പോയതും അവന്റെ കൈകളിൽ ഓം കയറി പിടിച്ചു...

തുടരും...🥀