ചേട്ടന്റെ വീട് എവിടെയാണ്...? ഐ ഓഫിനോട് ചോദിച്ചു...!

ഇത് എന്റെ വീടാണ്...

അതല്ല ഫാമിലി ?

അമ്മ അച്ഛൻ ഒരു പെങ്ങൾ...പിന്നെ ഒരു അങ്കിളും ആന്റിയും അവരുടെ മകനും ഉണ്ട്...അവർ ഞങ്ങളുടെ വീടിന്റെ തൊട്ടപ്പുറത്താണ് താമസിക്കുന്നത്...!!
ഞങ്ങളുടെ വീട് നമ്മുടെ ഈ വീടിന്റെ ഫ്രണ്ടിലെ നിരയിലെ വീടുകൾ ഇല്ലേ...അതിൽ ആദ്യത്തതിൽ നിന്ന്  മൂന്നാമത്തെ വീട്...

അത് ഈ സ്ഥലത്തിന്റെ ഓണറിന്റെ വീടല്ലേ...!!

മ്...ഇതെല്ലാം എന്റെ അമ്മയുടേതാണ്...
ഈ വീട് മാത്രം എന്റേത്...

സ്വത്താണല്ലേ...

അല്ല ചെക്കാ...ഞാൻ പറഞ്ഞ് പ്ലാൻ ചെയ്യിച്ച് എന്റെ സ്വന്തം പൈസക്ക് ഉണ്ടാക്കിയതാണ് ഇൗ വീട്... എന്റെ വീട്ടുകാരുടെ സ്വത്ത് എനിക്ക് വേണ്ട...

ഐ അവനെ നോക്കി ചിരിച്ചു...

എന്നെ കുറിച്ച് ഞാൻ പറഞ്ഞല്ലോ...ഇനി നീ നിന്നെ കുറിച്ച് പറ...!!

എന്നെ കുറിച്ച് എന്ത് പറയാൻ ആണ്...
ഞാൻ ഐ..
എവിടെയോ ജനിച്ചു...ഒരു എട്ട് വയസ്സെന്തോ ഉള്ളപ്പോൾ എന്റെ അമ്മയും അച്ഛനും എന്നെ അനാഥാലയത്തിൽ കൊണ്ടാക്കി...എന്താണ് അവർ അങ്ങനെ ചെയ്തത് എന്നറിയില്ല...ഞാൻ മറ്റുള്ള കുട്ടികളിൽ നിന്നും വ്യതിസ്ഥനായിരുന്നു...ആരോടും അധികം മിണ്ടാറില്ല... ചിരിക്കാറില്ല...അവരുടെ ഭാഷയിൽ പറഞ്ഞാൽ ഒരു മന്ദബുദ്ധി...അതായിരിക്കും കാരണം..!!
പിന്നെ ഞാൻ ഒറ്റയ്ക്കായി...ഒരു സിസ്റ്ററായിരുന്നു എന്നെ നോക്കിയത്...സിസ്റ്റർ എന്നെ സ്വന്തം മകനെ പോലെ നോക്കി... അവർ വന്നതിൽ പിന്നെ എന്റെ ജീവിതവും മാറി...ഞാൻ പതിയെ എല്ലാവരോടും മിണ്ടാൻ തുടങ്ങി...പിന്നെ സ്ക്കൂളിൽ പോയി പഠിക്കാൻ....
അവിടെ എനിക്ക് കൂട്ടുകാർ ഒന്നും ഇല്ലായിരുന്നു... ഇല്ല എന്നല്ല ഞാൻ മിണ്ടാറില്ലായിരുന്നു ആരോടും...
അങ്ങനെ ഞാൻ വലുതായി പ്ലസ് ടു പഠിക്കുമ്പോൾ എനിക്കൊരു സുഹൃത്തിനെ കിട്ടി...അവൻ എപ്പോഴും ഇങ്ങോട്ട് വന്ന് സംസാരിക്കും...അങ്ങനെ ഞാൻ അവനുമായി ഒരുപാട് കൂട്ടായി...പിന്നീട് ഞാൻ തന്നെ മാറി..
ഒരുപാട് പെൺകുട്ടികൾ എന്നോട് ഇഷ്ട്ടമാണെന്ന് വന്ന് പറഞ്ഞു ആ സമയത്ത്...എനിക്കവരോടൊന്നും ഒരു താത്പര്യവും തോന്നിയിട്ടില്ല...!!
അങ്ങനെ എല്ലാവരും പറഞ്ഞ് ഞാൻ ഒരു ഗേയാണെന്ന്...പിന്നെ എല്ലാവരും എന്നിൽ നിന്ന് അകന്ന് മാറി..അങ്ങനെ വീണ്ടും ഞാൻ ഒറ്റപ്പെട്ടു...പിന്നെ എല്ലാവരിൽ നിന്നും കുറേ കുറ്റപ്പെടുത്തലുകൾ... കളിയാക്കൽ...അവസാനം ഞാൻ ഇങ്ങോട്ട് വണ്ടി കയറി...കുറച്ച് ദൂരമുള്ളൂ എങ്കിലും എന്റെ നാട്ടിൽ നിൽക്കാൻ എനിക്ക് ആഗ്രഹമൊട്ടും ഇല്ല...
ഇവിടെ വന്നപ്പോൾ എനിക്ക് പുതിയ ഫ്രണ്ട്സ് കിട്ടി പക്ഷേ അവരിനി എപ്പോൾ എന്നെ വിട്ട് പോകുമെന്ന് അറിയില്ല...
ഐ ഒറ്റ ശ്വാസത്തിലെല്ലാം ഓഫിനോട് പറഞ്ഞു...

ഓഫ് അവന്റെ നേരെ വെള്ളം നീട്ടി...
ശ്വാസം വിടാതെ പറഞ്ഞതല്ലേ കുടിക്ക്‌....

ഐ തിരിച്ചൊന്നും പറയാതെ വെള്ളം വാങ്ങി കുടിച്ചു...
എന്നിട്ടവനെ നോക്കി...

എന്താടാ...നോക്കുന്നത്....

ഞാൻ എന്റെ എല്ലാ കാര്യവും ചേട്ടനോട് പറഞ്ഞത് ചേട്ടന് എന്നെ ഇവിടെ നിർത്താൻ ബുദ്ധിമുട്ടുണ്ടെങ്കിൽ പറയാനാണ്...ഇടക്ക് വെച്ച് ചേട്ടൻ ഇതൊക്കെ അറിഞ്ഞിട്ട് എന്നെ പറഞ്ഞുവിടുന്നതിനും നല്ലതാണ് ആദ്യം തന്നെ പറഞ്ഞുവിടുന്നത്...

ടാ...എനിക്ക് നീ ഗേയാണെങ്കിലും അല്ലെങ്കിലും ഒരു കുഴപ്പവുമില്ല...നീ ഇവിടെ എത്ര വർഷം വേണമെങ്കിലും നിന്നോ...പിന്നെ വാടക അത് നമുക്ക് സെറ്റാക്കാം...ഇപ്പോൾ പോയി ഉറങ്ങ് നീ...ഓഫ് അവന്റെ തല തടവിക്കൊണ്ട് പറഞ്ഞു...

ഐ ചിരിച്ചു കൊണ്ട് അവന്റെ അടുത്തുനിന്ന് എഴുന്നേറ്റ് പോയി...അവൻ പോകുന്നതും നോക്കി ഒാഫ് നിന്നു...

രാവിലെ ഐ എഴുന്നേറ്റ് വന്നതും അവന് വേണ്ടിയുള്ള ബ്രേക്ക്ഫാസ്റ്റ് ഓഫ് തയ്യാറാക്കി ടേബിളിൽ വെച്ചിരുന്നു...
ഐ അത് കണ്ടതും ഓഫിനെ നോക്കി...

എന്തേ നിനക്ക് വേണ്ടേ...?

വേണമെന്ന് പറഞ്ഞ് അവൻ കഴിക്കാൻ തുടങ്ങി...ഓഫിന് അവൻ കഴിക്കുന്നത് കണ്ടപ്പോൾ ഒരുപാട് സന്തോഷമായി...

ഞാൻ കോളേജിലോട്ട്‌ പോവുകയാണ് നിന്നെ ഡ്രോപ്പ് ചെയ്യണോ ?

വേണ്ട...ചേട്ടൻ എന്നെ ഡ്രോപ്പ് ചെയ്യുന്നത് ആരെങ്കിലും കണ്ടാൽ അവർ തെറ്റിദ്ധരിക്കും...

എന്തിന്..?

അത് ഞാൻ ഗേ..

മിണ്ടാതെ കഴിച്ചിട്ട് വരാൻ നോക്ക്...ഞാൻ കാറിൽ വെയ്റ്റ് ചെയ്യാമെന്ന് പറഞ്ഞ് ഓഫ് പോയി....

ഐ വേഗം കഴിച്ചിട്ട് എഴുന്നേറ്റു...

കുറച്ച് കഴിഞ്ഞ് അവൻ കാറിൽ കയറി...പോകാം... ഐ അവനോട് പറഞ്ഞു...

ടാ..സീറ്റ് ബെൽറ്റ് ഇട്...പിന്നെ നീയെന്ത് ആണെങ്കിലും എനിക്ക് കുഴപ്പമില്ല...പിന്നെ ഞാനായി മിണ്ടുന്നത് പോലെ നീ മറ്റുള്ളവരായി മിണ്ടാൻ നിൽക്കണ്ട...എന്നോട് പറഞ്ഞത് പോലെ ആരോടും പറയുകയും വേണ്ട....മനസ്സിലായോ..?!

മ്...ഞാൻ ചേട്ടനായത് കൊണ്ട് പറഞ്ഞതാണ്...ഞാൻ അങ്ങനെ ആരുമായിട്ട് പെട്ടെന്ന് അടുക്കില്ല...

അടുക്കണ്ട എന്ന് പറഞ്ഞ് ഓഫ് വണ്ടി എടുത്തു...
പെട്ടെന്ന് അവന്റെ മുന്നിൽ ഒരാൾ വന്ന് നിന്നു...

ഞാനും കൂടി ഉണ്ട് കോളേജിൽ...അവൻ ഓഫിനോട് പറഞ്ഞു...

നിന്റെ കാർ എന്തേ...?

കേടായി എന്ന് പറഞ്ഞ് അവൻ വണ്ടിയിൽ കയറി...

ഹായ്...നീയാണോ ഇവിടുത്തെ പുതിയ താമസക്കാരൻ അവൻ ഐയ്യിനോട് ചോദിച്ചു...

മ് !!

ഞാൻ ക്രിസ്...

ഐ....

ഓഫ് വണ്ടി സ്റ്റാർട്ട് ചെയ്യാത്തത് കൊണ്ട് ഐ അവനെ നോക്കി...

ഒരാളും കൂടിയുണ്ട് വരാൻ...ഇവനുണ്ടെങ്കിൽ അവളും വരും...
ഓഫ് ഐയ്യോട് പറഞ്ഞു...ഇവൻ എന്റെ അങ്കിളിന്റെ മകനാണ് !!!
അപ്പോഴേക്കും ജെന്നിഫർ ഓടി വന്നു..!!

ജെന്നി...അവളെ കണ്ടതും ഐ അവളെ വിളിച്ചു,..

ഹായ് ടാ...

നീ...

ഞാനീ ഇരിക്കുന്നവന്റെ പെങ്ങളാണ്...ഇന്നലെ നിന്നോട് പറയണം എന്ന് കരുതിയതാണ് പക്ഷേ അപ്പോഴേക്കും ടീച്ചർ വന്നില്ലേ...

കേറ് പെണ്ണേ..എനിക്ക് ചെന്നിട്ട് ഒരുപാട് പണിയുണ്ട്...
ഒാഫ് അവളോട് പറഞ്ഞു...

ഒാഹ് എന്ന് പറഞ്ഞ് അവൾ കയറി...

നിന്നെ അമ്മ തിരക്കിയായിരുന്നു ഇന്നലെ...!! ജെന്നി ഒാഫിനോട് പറഞ്ഞു...!!

മ്... അവനതിന് മൂളുക മാത്രം ചെയ്തു...പിന്നെ മിണ്ടാതെ വണ്ടി ഓടിച്ചു...

അവർ കോളജിൽ എത്തിയതും അവർ മൂന്നും വണ്ടിയിൽ നിന്നിറങ്ങി ക്ലാസിലോട്ട് നടന്നു....
കുറച്ച് നടന്നതും ഐ ഓഫിനെ തിരിഞ്ഞുനോക്കി....
ഓഫ് അവൻ നോക്കുന്നതും നോക്കി നിൽക്കുകയായിരുന്നു....!!!
രണ്ട് പേരും പരസ്പരം ചിരിച്ചു..പെട്ടെന്നാണ് ഐയ്യുടെ മുഖം അജിന്റെ മുഖമായി മാറിയത്...ഓഫിന്റെ മുഖം ഓമിന്റെ മുഖവുമായി മാറി...
അവർ രണ്ടും പരസ്പരം നോക്കി നിൽക്കുകയാണ്....രണ്ട് പേരുടെയും ചുണ്ടിലെ ചിരി മാറി കണ്ണുകളിൽ നിന്നും കണ്ണുനീർ ഉതിർന്നു വീഴാൻ തുടങ്ങി...

പെട്ടെന്ന് അജിൻ ചാടി എഴുന്നേറ്റു.....
അവന് തല നന്നായി വേദനിക്കുന്നുണ്ടായിരുന്നു....
അവൻ നേരെ താഴോട്ട് പോയി....അവിടെ എല്ലാവരും ഫുഡ് കഴിക്കുകയായിരുന്നു....

എഴുന്നേറ്റോ....രാത്രി ആയി....എന്തുറക്കമാണ്...വാ ഫുഡ് കഴിക്കാം....അവന്റെ അമ്മ അവനെ വിളിച്ചു.!!

ചേട്ടാ...എനിക്ക് ബാൽക്കണി ഫിറ്റ് ചെയ്തുതന്ന് ഒാം ചേട്ടൻ....എലീന അവനോട് പറഞ്ഞു....

അവൻ അതൊന്നും ശ്രദ്ധിക്കാതെ അവന്റെ അമ്മയുയുടെ അടുത്ത് പോയി അവരുടെ തോളിൽ തല വെച്ച് കിടന്നു....

എന്ത് പറ്റി മോനേ...

തലവേദന അമ്മേ...

മരുന്നിട്ട് തരാം അമ്മ....

വേണ്ട...ഇത് മാറും ഇപ്പോൾ തന്നെ...
എന്ന് പറഞ്ഞ് അജിൻ അവരുടെ തോളിൽ കിടന്നു..
അവൻ ഒാമിനെ ഇടക്ക് നോക്കുന്നുണ്ട്....
ഓം അവനെ നോക്കിയിട്ട് പിന്നെ നോക്കാതെയിരുന്നു കഴിച്ചു....

മോനേ വാ തുറക്ക് അമ്മ വാരിത്തരാം...എന്ന് പറഞ്ഞ് അവർ അജിന് ഭക്ഷണം വാരി കൊടുത്തു...

ആന്റി എന്നാൽ ഞങ്ങൾ പോകട്ടെ...നാളെ കാണാം...എന്ന് പറഞ്ഞ് ഓമും മെൽവിനും പോയി...
ക്രിസ്റ്റിഫറും അവളോട് യാത്ര പറഞ്ഞിട്ട് അവരുടെ കൂടെ പോയി....

അജിൻ ഓം പോകുന്നത് നോക്കി സോഫയിലിരുന്നു...
അതേ നടത്തം...അതേ ദേഷ്യം..... അജിൻ അവനെ മുഴുവൻ സ്കാൻ ചെയ്തുകൊണ്ട് പറഞ്ഞു...

എന്താ ചേട്ടൻ പിച്ചും പേയും പറയുന്നത് എലീന അവനോട് ചോദിച്ചു...

ഒന്നുമില്ല...

അമ്മേ... ഞാൻ റൂമിലോട്ട്‌ പോകുവാണെന്ന് പറഞ്ഞ് അവൻ അവന്റെ മുറിയിലേക്ക് പോയി...
അവന്റെ ബാൽക്കണിയിൽ അവൻ ഒരു ഊഞ്ഞാൽ കെട്ടിയിരുന്നു അതിൽ കയറി അവൻ ആകാശത്തും നോക്കിയിരുന്നു...

ഓമിന്റെ മുറിയിൽ നിന്നാൽ അജിന്റെ മുറി കാണാം...നേരെ ഒപ്പോസിറ്റാണ് രണ്ട് പേരുടെയും മുറി...

ഓം അവന്റെ മുറിയിലിരുന്ന് അജിനെ നോക്കുന്നുണ്ട്...അവന് അജിന്റെ അടുത്ത് വരണം എന്നുണ്ട്...പക്ഷേ അജിനോട് എന്ത് മറുപടി കൊടുക്കുമെന്ന് അവന് അറിയില്ല... അതുകൊണ്ട് അവൻ അവന്റെ മുറിയിൽ തന്നെ ഇരുന്നുകൊണ്ട് അവനെ നോക്കി...

അജിൻ വലിയ ചിന്തയിലാണ്...!!
നീ കാണുന്നതെല്ലാം സത്യമാണ്...കൈനോട്ടക്കാരി പറഞ്ഞത് അവൻ ഓർത്തു...
ഐ... ഓഫ്...അവരുടെ മുഖം എങ്ങനെ എന്റെയും ഓമിന്റെയും ആയി...
ഓം അവൻ പലപ്പോഴും ഓഫിനെ പോലെയാണ്...
സത്യത്തിൽ ആരാണ് ഈ ഐയ്യും ഓഫും...
അവരായി എനിക്കെന്താണ് ബന്ധം...
ഒരു സ്വപ്നമൊക്കെ കാണുന്നത് നല്ലതാണ്...ഇതിപ്പോൾ ഞാൻ കാണുന്നതിന്റെ ബാലൻസ് വെച്ച് കാണുകയാണല്ലോ...സീരിയൽ പോലേ..!!
ഇനി എലി പറഞ്ഞതുപോലെ എനിക്കെന്തെങ്കിലും അസുഖം ഉണ്ടോ...?
ഇനി അന്ന് ഞാൻ എലിയായിട്ട് കണ്ട ഡ്രാമ ഉണ്ടല്ലോ അതുപോലെ എന്റേത് പുനർജന്മം ആണോ...?
ഏയ്...അങ്ങനെ വരില്ല...അത് ഡ്രാമയല്ലേ...
പക്ഷേ എനിക്ക് ഓമിനെ കാണുമ്പോൾ അവനോട് പ്രതേക ഇഷ്ട്ടം തോന്നുന്നത് എന്ത് കൊണ്ടാണ്..?
ആ കൈനോട്ടക്കാരിഎന്നോട് പറഞ്ഞത് നേരാണോ..ഞാൻ കാണുന്നത് സത്യമാണോ ഇനി...വെറും ഒരു സ്വപ്നമല്ലേ...? പക്ഷെ....

അവൻ ഒാരോന്ന് ചിന്തിച്ചു കൂട്ടിക്കൊണ്ടേയിരുന്നു...അവന്റെ തല നന്നായി വേദനിക്കാൻ തുടങ്ങി അപ്പോൾ..!!

എന്റമ്മേ...എന്റെ തല പൊട്ടുന്നു...അജിൻ അവന്റെ തല പൊത്തിപ്പിടിച്ചു...അവന് നന്നായി തലവേദനിക്കുന്നുണ്ടായിരുന്നു...

ഓം അത് കണ്ടതും അവന്റെ ബാൽക്കണി വഴി അവൻ ചാടി അജിന്റെ അടുത്തോട്ട്‌ വന്നു...

ടാ...എന്ത് പറ്റി...

തല പൊട്ടുന്നപോലെ നോവുന്നു....

ഹോസ്പിറ്റലിൽ പോകണോ ?

വേണ്ട...എനിക്ക് ഹോസ്പിറ്റലിലെ സ്മെൽ പിടിക്കില്ല... ശർദിക്കും...

എന്നാൽ ഞാൻ തടവിത്തരാമെന്ന് പറഞ്ഞ് ഓം അവന്റെ തല തടവി കൊടുത്തു...

ഓം അജിനുമായി ഊഞ്ഞാലിൽ ഇരിക്കുകയാണ്...അജിന്റെ തല ഓമിന്റെ നെഞ്ചത്ത് ആയിരുന്നു...
ഓം അവന് തല മസ്സാജ് ചെയ്തു കൊടുത്തു കൊണ്ടിരിക്കുകയാണ്...

കുറവുണ്ടോ നിനക്ക് ?

മ് ....
ഓം...

ഹ്മ്...

നിനക്ക് ഞാനുമായി എന്തെങ്കിലും ബന്ധമുണ്ടെന്ന് തോന്നുന്നുണ്ടോ....?

ഓം അവനെ നോക്കി...

ഒന്നുമില്ല....ഞാൻ ചുമ്മാ ചോദിച്ചതാണ്...ഞാൻ കുറച്ച് നേരം കൂടി നിന്റെ നെഞ്ചത്തിങ്ങനെ കിടന്നോട്ടെ...എന്തോ എനിക്കിങ്ങനെ കിടക്കാൻ തോന്നുന്നു...

മ്...

അജിൻ അവന്റെ നെഞ്ചോട് ചേർന്ന് കിടന്നു...ഓം അവനെ ചേർത്ത് പിടിച്ചു...

ഓം..നിന്റെ ചൂടേറ്റ് കിടക്കാൻ എനിക്കെന്താണ് ഇത്ര ഇഷ്ട്ടം... ഈ ഒരു നിമിഷം നിന്നുപോകാൻ ഞാൻ കൊതിക്കുന്നത് എന്ത് കൊണ്ടാണ്...? അജിൻ സ്വയം ചോദിച്ച് കൊണ്ട് കിടന്നു...

അതേ സമയം ഓമിന് സ്വർഗം കിട്ടിയ പോലെയായിരുന്നു...
ഈ ഒരു നിമിഷത്തിന് വേണ്ടി ഞാൻ ഒരുപാട് കാത്തിരുന്നു...നിന്നെ ഇങ്ങനെയൊന്ന് എന്റെ നെഞ്ചോട് ചേർക്കാൻ...!!! നീയാണ് എന്റെ ലോകം...നീ മാത്രം...

അവർ രണ്ടുപേരും ഊഞ്ഞാലിൽ കിടന്നുറങ്ങിപ്പോയി..!!
അജിന്റെ കൂടെ കിടന്നിട്ടാവും ഒാം നന്നായി ഉറങ്ങി...

പിറ്റേന്ന് രാവിലെ ഔാഫ് എഴുന്നേറ്റതും അവന്റെ നേഞ്ചത്ത് കിടക്കുന്ന അജിനെയാണ് കണ്ടത് !!അവൻ അജിനെ പതിയെ എടുത്ത് കട്ടിലിൽ കിടത്തിയിട്ട് അഭൻ പോയി....
  കുറച്ച് കഴിഞ്ഞപ്പോൾ അജിൻ എഴുന്നേറ്റു...അവൻ ഒാമിനെ നോക്കി കണ്ടില്ല...അവൻ പോയിക്കാണുമെന്നോർത്ത് അവൻ ഒന്നുകൂടി കിടന്നു...

ഞാൻ സ്വപ്നം കണ്ടില്ലല്ലോ...!??? അതെന്നാണ് !???
ഇനി സ്വപ്നം കാണൽ നിന്നോ...?
ശ്ശേ...ബാക്കിയും കൂടി കണ്ടിട്ട് നിന്നാൽ മതിയായിരുന്നു...
അപ്പോഴേക്കും അവന്റെ ഫോണിലൊരു മെസ്സേജ് വന്നു...!!
അവൻ അത് കണ്ടതും ചാടിയെഴുന്നേറ്റ് ബാത്ത്റൂമിലോട്ട് ഒാടി...!!!

തുടരും....🥀