ഫസ്റ്റ് ഡേ തന്നെ ലേറ്റായാൽ ഞാൻ നിന്നെ ജോലിയിൽ നിന്നും പിരിച്ചു വിടും...!!
ഓമിന്റെ മെസ്സേജ് കണ്ടതും അജിൻ ബാത്ത്റൂമിലോട്ട്‌ ഓടി...
പെട്ടെന്ന് തന്നെ അവൻ കുളിച്ച് വന്നു...

ടാ...ഇത് ഒാമിനും മെൽവിനും ക്രിസ്റ്റിക്കുമുള്ളതാണ് നീ കൊണ്ട് കൊടുത്തിട്ട് വാ...

അമ്മക്ക് കൊടുത്താൽ എന്താണ്...എന്റെ ഫസ്റ്റ് ഡേയല്ലേ ഇന്ന്...ജോലിക്ക് കയറണം...

അപ്പുറത്തോട്ട്‌ ഓടുന്നതിന് ഒരുപാട് സമയം വേണ്ട...അവിടെ തന്നെയല്ലേ നിന്റെ ജോലിയും...ഒരു കാര്യം ചെയ്യ് നീ വേഗം കഴിച്ചിട്ട് ഇത് പോകുമ്പോൾ കൊണ്ട് പൊയ്ക്കോ...
പെട്ടെന്ന് കഴിക്കണം അല്ലെങ്കിൽ അവർ പുറത്ത് നിന്നു ഫുഡ് വാങ്ങും...

എനിക്ക് സ്പീഡിൽ ഫുഡ് കഴിച്ച് ശീലമില്ലെന്ന് അമ്മക്ക് അറിയില്ലേ...?
അമ്മ എലിയെ വിളിക്ക്...

അവൾ ഉറക്കമാണ്...അവളെ വിളിക്കുന്ന നേരം ഉണ്ടെങ്കിൽ എനിക്ക് ചോറും കറിയും വെക്കാം...

അമ്മേ...അമ്മക്ക് കൊടുത്താലെന്താ...അമ്മയുടെ ബെസ്റ്റ് ഫ്രണ്ടല്ലേ...
പിന്നെ അമ്മേ...അമ്മക്ക് അങ്കിളിനെ കെട്ടിക്കൂടെ...? കഴിക്കുന്നതിനിടക്ക് അവൻ പറഞ്ഞു !!

എന്ത്...?

അല്ല..അച്ഛൻ മരിച്ചിട്ട് ഇപ്പോൾ ഒരുപാടായില്ലേ... എലിക്കും കല്ല്യാണ പ്രായം ആകറായി എനിക്കും ആകറായി...
ഞങ്ങൾ കെട്ടി ജീവിക്കുമ്പോൾ അമ്മ ഒറ്റയ്ക്കാവില്ലേ...അപ്പോൾ കൂട്ടിന് ഒരാൾ വേണ്ടേ...?
ഇങ്ങനെ ഒറ്റയ്ക്ക് ജീവിച്ചാൽ മതിയോ...

അവർ അവനെ രൂക്ഷമായി നോക്കി...
അജിൻ പതിയെ എഴുന്നേറ്റ് അവർക്കുള്ള ഭക്ഷണവും എടുത്ത് പുറത്തേക്കോടി...അവന്റെ അമ്മ അവന്റെ പുറകെചെന്ന്  അവനെ കല്ലെടുത്തെറിഞ്ഞു...

നീ ഇങ്ങോട്ട് തന്നെയല്ലേ വരുന്നത് ബാക്കി പിന്നെ തരാം...ചെക്കന് കൂടുന്നുണ്ട് കളിയാക്കൽ...വേണ്ട വേണ്ട എന്ന് വെക്കുന്തോറും തലയിൽ കയറി നിരങ്ങുന്നു....
എന്ന് പറഞ്ഞ് അവർ അകത്ത് കയറി പോയി...

എന്താണ് രാവിലെ തന്നെ അമ്മയും മോനും കൂടി... ക്രിസ്റ്റിഫർ അവനോട് വന്ന് ചോദിച്ചു...

അത് അങ്കിൾ എപ്പോഴുമുള്ളതാണ്...അവൻ ചിരിച്ചുകൊണ്ട് പറഞ്ഞു..!!
പിന്നെ ഇത് നിങ്ങൾക്ക് ഉള്ള ഫുഡാണ്...

ആണോ..എന്ന് പറഞ്ഞ് മെൽവിൻ അവന്റെ കയ്യിൽ നിന്ന് അത് വാങ്ങി കൊണ്ട് പോയി...

മോൻ വാ...ക്രിസ്റ്റിഫർ അവനെ അകത്തോട്ടു വിളിച്ചു...!!!

നിന്നെ കല്ലെടുത്ത് എറിയുന്നത് കണ്ടല്ലോ ആന്റി...ഓം അവനോട് വന്ന് ചോദിച്ചു...

അത് നിങ്ങൾ കണ്ടോ...? 😬

കണ്ടു...മെൽവിൻ ചിരിച്ചു കൊണ്ട് പറഞ്ഞു...

അത് ഞാനെപ്പോഴും അങ്കിളിന്റെ പേര് പറഞ്ഞ് അമ്മയെ കളിയാക്കും അതാണ്...എന്നും എന്നെ തല്ലാൻ വരും... ഇന്ന്  ചെറുതായി കിട്ടി....

എന്തുവാണ്  എന്റെ പേര് പറഞ്ഞ് നീ അവളെ കളിയാക്കിയത്...? ( ക്രിസ്റ്റിഫർ )

ഞാനും എലിയും കെട്ടുമ്പോൾ അമ്മ ഒറ്റയ്ക്കാവില്ലേ...അങ്കിളിനെ അമ്മക്ക് കെട്ടിക്കൂടെ എന്ന് ചോദിച്ചു...😁

നിനക്ക് അത് വേണം... ക്രിസ്റ്റിഫർ അവനോട് പറഞ്ഞു...

അവൻ ചിരിച്ചു കൊണ്ട് സോഫയിൽ ഇരുന്നു...

ഒരുപാട് ട്രോഫിയൊക്കെ ഉണ്ടല്ലോ...

ചേട്ടന്റേതാണ് കൂടുതലും...സ്പോർട്സിൽ ചേട്ടൻ കില്ലാടിയാണ്...

മിണ്ടാതെ 24 മണിക്കൂർ ഇരിക്കുന്നതിന് കിട്ടിയ ട്രോഫി ഒന്നുമില്ലേ...?
അജിൻ ഓമിനെ കളിയാക്കി ചോദിച്ചു...

മെൽവിൻ ഇല്ലെന്ന് പറഞ്ഞു...

നിന്റെ ചേട്ടന് മ്മ്‌....മാത്രമേ അറിയൂ...
അങ്ങനെ ഒരു കോമ്പറ്റീഷനുണ്ടായിരുന്നെങ്കിൽ നിന്റെ ചേട്ടന് ഫസ്റ്റ് കിട്ടിയേനേ...

പോകാം... ഓം അജിനോട് വന്ന് പറഞ്ഞു..

മ്... അജിൻ അവനെ കളിയാക്കി ഒന്ന് മൂളി..!!

ഓം അവനെ നോക്കി...
അജിൻ ചിരിച്ചു കാണിച്ചു...ഓം മുഖം വീർപ്പിച്ച് പുറത്തോട്ട് നടന്നു...!!

എന്റെ അങ്കിളേ... അങ്കിളിന്റെ മകൻ തന്നെയാണോ ഇത്...? അവൻ അതും ചോദിച്ച് ഓമിന്റെ പുറകെ ഓടി...

അവന്റെ ഓട്ടം കണ്ട് ക്രിസ്റ്റിഫറും മെൽവിനും ചിരിച്ചു..

ഓം നിൽക്ക്...

എന്താ...

ഒന്നുമില്ല ബോസ്സ്...നമ്മൾ എങ്ങോട്ടാണ് പോകുന്നത് ?

ബോസ്സ്...?

ഞാൻ നിന്റെ ബോഡിഗാർഡല്ലേ അപ്പോൾ നീയെന്റെ ബോസ്സല്ലേ...!!

എന്നെ ഓം എന്ന് തന്നെ വിളിച്ചാൽ മതി...ബോസ്സ് വേണ്ട...

ഓക്കേ...

നമ്മൾ എവിടെ പോകുവാണ്‌...

ഒരു ഓർഫനേജിൽ...

ഒാഹ്...

അവർക്ക് വേണ്ടി കുറച്ച് മിഠയികൾ വാങ്ങണം...
നീ കാറിൽ കേറ്...

മോന്ത വീർപ്പിച്ചാണ് നടക്കുന്നതെങ്കിലും നല്ല മനസ്സാണ്...എന്ന് പറഞ്ഞ് അജിൻ വണ്ടിയിൽ കയറി...!!

അതേ ഞാനൊരു കാര്യം ചോദിക്കട്ടെ..

മ്..

നീ അവിടുത്തെ കുട്ടികളോടും ഈ മ്മ്‌ ആണോ പറയുന്നത്...
അവരോടും ചിരിക്കാറില്ലേ...??!

ഓം ഒന്നും മിണ്ടാതെ വണ്ടി ഓടിച്ചു...!!

നീ മിണ്ടുന്നില്ലെങ്കിൽ ഞാൻ മിണ്ടാം എന്ന് പറഞ്ഞ് അജിൻ ചളവളാ അടിക്കാൻ തുടങ്ങി...!!
ഓം അത് കേട്ടുകൊണ്ട് വണ്ടി ഓടിച്ചു...!!

ഇടക്കവർ ഒരു കടയിൽ കയറി ഒരുപാട് മിഠായി വാങ്ങി... അജിൻ കിട്ടിയ അവസരം മുതലെടുത്ത് അവനും രണ്ട് വലിയ മിഠായി അടിച്ചുമാറ്റി...

ഇത്രയും വലുതായിട്ടും മിഠായിക്കൊതി മാറിയില്ലേ നിന്റെ...ഓം അവനോട് ചോദിച്ചു...

മിഠായി ഏത് പ്രായക്കാർക്കും കഴിക്കാം...
എന്ന് പറഞ്ഞ് അവൻ കാറിാ കയറി...

ഓം..നിനക്ക് വേണോ...?

വേണ്ട...

കഴിക്ക്...

വേണ്ട...

ഞാൻ വായിൽ വെച്ച് തരാം നീ വണ്ടി ഓടിക്കുകയല്ലേ എന്ന് പറഞ്ഞ് ഒരു പീസ് മിഠായി അജിൻ ഓമിന്റെ വായിൽ വെച്ച് കൊടുത്തു...

ഓം അത് ആഗ്രഹിച്ചത് പോലെ അവൻ മിണ്ടാതെ വണ്ടി ഓടിച്ചു...
അവൻ തിരിച്ചൊന്നും മിണ്ടാത്തത് കൊണ്ട് അജിൻ അത്ഭുതത്തോടെ അവനെ നോക്കി...!!
ഓമിന് അവൻ നോക്കുന്നത് കണ്ടിട്ട് ചിരി വന്നു...അവൻ കാണാതെ അവൻ ചിരിച്ചു...!!

ഓർഫനേജ് എത്തിയതും ഓം അജിനെ നോക്കി..അവൻ നല്ല കൂളായിട്ട് ഇരിക്കുകയാണ്...
ഓം വണ്ടിയിൽ നിന്നിറങ്ങി...പുറകെ അജിനും...

ലിറ്റിൽ ഓർഫനേജ്...
അജിൻ ആ പേര് വായിച്ചതും ഒരു നിമിഷം അങ്ങനെ നിന്നു...!!

ഓം അവനെ തട്ടി വിളിച്ചു..

എന്തുപറ്റി ?

ഈ ഓർഫനേജ് എനിക്ക് പരിചയം ഉള്ളതുപോലെ...!!

നിന്റെ തോന്നലായിരിക്കും...നീ ഇതിന് മുന്നേ വന്നിട്ടില്ലല്ലോ ഇവിടെ...?

ഇല്ല...തോന്നലായിരിക്കും... ഈയിടെയായിട്ട് എനിക്ക് കുറച്ച് തോന്നൽ കൂടുതലാണ്...!!

ഒരുപാട് തോന്നൽ ഉണ്ടോ നിനക്ക്..?

ഉണ്ട്...ഇടക്ക് നീ എന്റെ മാത്രമാണെന്ന് തോന്നും... അജിൻ ഓമിന്റെ അടുത്തോട്ട്‌ ചെന്ന് പറഞ്ഞു..!!!

ഓം അവനെ നോക്കിയിട്ട് നടന്നു...പുറകെ ചിരിച്ചു കൊണ്ട് അജിനും...

ടാ.. നിൽക്ക്...ഞാൻ ചുമ്മാ നിന്നെ ഇളക്കാൻ പറഞ്ഞതാണ്...!!!

ഓം അവനോട് മിണ്ടാതെ നേരെ നടന്നു...
അജിൻ അവന്റൊപ്പം എത്തി...
ഞാനും പിടിക്കാം ഒരു പെട്ടി എന്ന് പറഞ്ഞ് അവൻ ഒരു പെട്ടി വാങ്ങി പിടിച്ചു...!!

അവർ ഓർഫനേജിന്റെ അകത്ത് കയറി...ഒരുപാട് കുട്ടികൾ ഓമിനെ കണ്ടതും ഓടി വന്നു...അവൻ അവർക്കെല്ലാവർക്കും മിഠായി കൊടുത്തു...കൂടെ അജിനും...

ഇതാരാ... ഒരു കുട്ടി ഓമിനോട് അജിനെ ചൂണ്ടി ചോദിച്ചു...

ഞാൻ നിങ്ങളുടെ ഈ ചേട്ടന്റെ ബോഡിഗാർഡാണ്...അജിൻ അതിനു മറുപടി കൊടുത്തു..!!

ഇതാണോ ചേട്ടൻ എന്നും പറയുന്ന ബോഡിഗാർഡ്...?

എന്നും പറയുന്നതോ ???
അജിൻ അവരോട് ചോദിച്ചു...

ഇവന് ഞാനല്ലാതെ വേറെ ബോഡിഗാർഡ് ഇതിന് മുന്നേ ഇല്ലായിരുന്നല്ലോ...?

നിങ്ങളീ മിഠായി എല്ലാവർക്കും കൊടുക്കെന്ന് പറഞ്ഞ് ഓം അവരെ അവിടുന്ന് ഓടിച്ചുവിട്ടു...

സത്യം പറ...ഞാനല്ലാതെ നിനക്ക് വേറെ ബോഡിഗാർഡ് ഉണ്ടായിരുന്നോ...വല്ല സീക്രട്ട് ബോഡിഗാർഡ്...

ഇല്ല...

പിന്നെ അവർ പറഞ്ഞതെന്താ...

അവർ കുട്ടികളല്ലേ...പലതും പറയും...അത് കേട്ട് നീ വിശ്വസിക്കാൻ നിൽക്കുകയാണോ...?

അജിൻ മിണ്ടാതെ നിന്നു...

നീ ഇവിടെ നിൽക്ക് ഞാനൊരു സിസ്റ്ററിനെ കണ്ടിട്ട് വരാം...

ഞാനും വരാം..!!

വേണ്ട...അവർ ആരെയും അങ്ങനെ കാണാറില്ല.....എന്ന് പറഞ്ഞ് ഓം പോയി...

ഓം പോയതും നേരത്തെ അവനോട് ബോഡിഗാർഡിനെ കുറിച്ച് പറഞ്ഞ കുട്ടി അജിന്റെ അടുത്തോട്ട്‌ വന്നു...!!

ഓം ചേട്ടൻ എപ്പോഴും ഒരു ബോഡിഗാർഡെനിക്ക് വരും...അവൻ എന്നെ ഒരുപാട് സ്നേഹിക്കും എന്നൊക്കെ പറയാറുണ്ട്...

ആണോ..!??

മ് !!!

അവനല്ലേ അങ്കിളിനോട് ബോഡിഗാർഡ് വേണ്ടെന്ന് പറഞ്ഞത് എന്നിട്ടിപ്പോൾ ഇവരോട് തിരിച്ച് പറയുന്നോ ??
ഇനി അവന് വട്ടാണോ ??!

ചേട്ടാ... ആ കുട്ടി അവനെ വിളിച്ചു...

എന്താ മോളേ...

ഓം ചേട്ടൻ പാവമാണ്...എന്നും ഞങ്ങൾക്ക് എല്ലാം വാങ്ങിത്തരും...
ഞങ്ങളുടെ ചേട്ടനെ നോക്കിക്കോണേ...ഒരു അപകടവും വരുത്തരുത് !!

അത് ഞാൻ ഏറ്റു...നിങ്ങളുടെ ചേട്ടന് ഞാൻ ജീവിച്ചിരിക്കുന്ന കാലം വരെ ഒരാപത്തും വരില്ല പ്രോമിസ്  പോരേ...!!

എന്നാൽ ചേട്ടൻ ഓം ചേട്ടനെ കെട്ടുമോ ?

കെട്ടാനോ ?

മ്...അവളുടെ കുഞ്ഞിക്കണ്ണുകൾ കൊണ്ട് അവളവനെ നോക്കി...
ആ നോട്ടം കണ്ടപ്പോൾ അജിന് എതിര് പറയാൻ തോന്നിയില്ല...!!

മ്.. കെട്ടാം ട്ടോ...!!
അപ്പോൾ പള്ളിയിൽ മണി അടിച്ചിരുന്നു...

പിങ്കി പ്രോമിസ്...!!

ഹ്മ്.. പിങ്കി പ്രോമിസ്...

അപ്പോഴേക്കും ഓം അവിടെ വന്നു...

നിങ്ങളുടെ കല്ല്യാണം എന്നാ ?? അവൾ ഓമിനോട്  ചോദിച്ചു...

കല്ല്യാണമോ ? ആരുടെ...?

നിങ്ങളുടെ രണ്ട് പേരുടെയും...ചേട്ടൻ ഓം ചേട്ടനെ കെട്ടാമെന്ന് പറഞ്ഞു എന്നോട്...

ഓം അജിനെ നോക്കി...

കല്ല്യാണം ഇപ്പോഴില്ല മോളേ...ഒരു വർഷം കഴിഞ്ഞ് കാണുള്ളൂ..അപ്പോൾ കല്ല്യാണത്തിന് വിളിക്കാം ട്ടോ...മോൾ ഇപ്പോൾ പോയി കളിക്ക്‌... അജിൻ അവളോട് പറഞ്ഞു...

ഓക്കേ എന്ന് പറഞ്ഞ് അവൾ പോയി...

ഓം അജിനെ നോക്കി..!!

എന്നെ നോക്കണ്ട...കൊച്ചുകുട്ടിയല്ലേ.... അവളെന്നോട്  ഞാൻ നിന്നെ കെട്ടണമെന്ന് പറഞ്ഞു അപ്പോൾ ഞാൻ അവൾക്ക് വിഷമമാകണ്ട എന്ന് കരുതി പറഞ്ഞതാണ്...
പിന്നെ ഞാനവളോട് അത് പറഞ്ഞപ്പോൾ പള്ളിയിൽ മണി അടിച്ചു...
നമ്മൾ എന്തെങ്കിലും പറഞ്ഞാൽ അത് സത്യമാകും പള്ളിമണി കേട്ടാൽ എന്ന് കേട്ടിട്ടുണ്ട്...
ചിലത് മോശമായി ആകും...അത് സന്ധ്യ നേരത്ത് പറയുന്നതാണ്...
ഇത് രാവിലെ അല്ലേ...രാവിലെ പറയുന്നത് നടക്കും അവൻ ഓമിനോട് പറഞ്ഞിട്ട് പോയി...

ഇവനെന്നെ കളിയാക്കിയില്ലെങ്കിൽ ഉറക്കം വരില്ലേ...എന്ന് സ്വയം ഓം പറഞ്ഞിട്ട് അവന്റെ പുറകെ കുട്ടികളുടെ അടുത്തേക്ക് പോയി...

എന്റെ കൃഷ്ണാ...അവനെ ഇങ്ങനെ കളിയാക്കുമ്പോൾ എന്ത് സുഖമാണ്...
കുട്ടികളുമായി കളിക്കുന്ന ഓമിനെ നോക്കി അവൻ പറഞ്ഞു...
ഇവനിവിടെ വരുമ്പോൾ ചിരിക്കുന്നുണ്ടല്ലോ...എന്ത് രസമാണ് ചിരിക്കുമ്പോൾ അവനെ കാണാൻ...!!
ഈ പഹയന് എപ്പോഴും ചിരിച്ചാലെന്താണ്....?
അജിൻ അവനെ നോക്കിക്കൊണ്ട് അവിടിരുന്നു...

പെട്ടെന്നാണ് അവിടുത്തെ പള്ളിയുടെ അകം അവന്റെ മനസ്സിൽ മിന്നി മറഞ്ഞത്...
അവൻ അവിടുന്ന് എഴുന്നേറ്റ് അവിടെ ഉണ്ടായിരുന്ന പള്ളിയിലോട്ട്‌ പോയി..

ഈ പള്ളിയിൽ ഞാൻ വന്നിട്ടില്ലല്ലോ...പക്ഷേ ഒരുപാട് തവണ വന്നപോലെ എനിക്ക് തോന്നുന്നതെന്താണ് ?
ഞാൻ ഇതുവരെ കാണാത്ത പള്ളി എങ്ങനെയാണ് എന്റെ മനസ്സിൽ തെളിയുന്നത്..??
അവൻ ആ പള്ളി മുഴുവൻ നടന്നു കാണാൻ തുടങ്ങി...

ഇതേ സമയം അജിനെ നോക്കി നടക്കുകയാണ് ഓം...അവനെ കാണാത്തത് കൊണ്ട് അവൻ ഒരുപാട് വിഷമിച്ചു...

ഞാനവനെ ഇവിടെ കൊണ്ട് വരാൻ പാടില്ലായിരുന്നു..അവനെല്ലാം ഓർമ വന്നിട്ട് കൊണ്ട് വന്നാൽ മതിയായിരുന്നു...
അവനിവിടെ വെച്ച് എന്തെങ്കിലും ഓർമ വന്നാൽ അത് ശരിയാവില്ല...
ഓം ടെൻഷനടിച്ച് അവനെ അന്വേഷിച്ച് നടന്നു...അവസാനം അവൻ പള്ളിയിലേക്ക് പോയി...
കുറച്ച് കഴിഞ്ഞതും അവൻ അജിനെ കണ്ടു..

അജിൻ  ദൂരെ എവിടെയോ നോക്കിനിൽക്കുകയാണ് !!!

ഓം അവന്റെ അടുത്തേക്ക് ഓടി ചെന്ന് അവനെ കെട്ടിപ്പിടിച്ചു...

ഞാൻ നിന്നെ കാണാതായപ്പോൾ ഒരുപാട് പേടിച്ചുപോയി...നിനക്കെന്നോട് പറഞ്ഞിട്ട് പൊയ്ക്കൂടേ...?

ഓം...അത്...
അതാരുടെ ശവകുടീരമാണ് ???
ഒരു കല്ലറയിലേക്ക്‌ ചൂണ്ടിക്കാണിച്ച് അജിൻ അവനോട് ചോദിച്ചു...

തുടരും...🥀