അതോ...?

അറിയില്ല...നീ വാ പോകാം...

അജിൻ ഒന്നും മിണ്ടാതെ അവന്റൊപ്പം നടന്നു...
അവർ അവിടെ നിന്ന് ഇറങ്ങി...

കാറിൽ ഇരിക്കുമ്പോഴും അജിൻ ആലോചനയിൽ മുഴുകിയിരിക്കുകയായിരുന്നു...

നീ എന്താ ഇത്ര ആലോചിക്കുന്നത്...? ഒാം അവനോട് ചോദിച്ചു..!!

ഒന്നുമില്ല..!!

നീ മിണ്ടാതിരിക്കുമ്പോൾ ഒരു രസം ഇല്ല...!!

അതെന്നാണ്...?

നീ വന്ന അന്ന് മുതൽ നിന്റെ ചളവളാ വർത്തമാനം ഞാൻ കേൾക്കുന്നതല്ലേ ശീലമായിപ്പോയി...!!

രണ്ട് മൂന്ന് ദിവസം കൊണ്ട് ശീലമായോ...?

ഓം അതിനു അവനെ ചിരിച്ച് കാണിച്ചു...!!

ഓം... അജിൻ അവനെ വിളിച്ചു...

എന്താടാ...?

ഞാനൊരു സ്വപ്നം കാണാറുണ്ടായിരുന്നു...!!
അതിൽ രണ്ട് പേരുണ്ട് ഐ... ഓഫ്‌...
ഇന്ന് നമ്മൾ കണ്ട കല്ലറയിൽ അതേ പേര.ാണ് ഞാൻ കണ്ടത്...

ഓം അവനെ നോക്കി...
അവനോട് എന്ത് മറുപടി കൊടുക്കണമെന്ന് അവനറിയില്ലായിരുന്നു...!!

ഞാനിങ്ങോട്ട് വന്ന ദിവസം മുതൽ കാണാൻ തുടങ്ങിയതാണ് ആ സ്വപ്നം...!! ഒാരോ നേരവും ഞാൻ ഉറങ്ങുമ്പോൾ ഒാലോ പാർട്ട് വെച്ച് കാണും..!! ഞാനോർത്ത് എനിക്കെന്തെങ്കിലും അസുഖമായിരിക്കും എന്ന്...!!
പക്ഷേ ഇന്നലെ ഞാൻ സ്വപ്നം കണ്ടില്ല...!!

ഓം ഒന്നും മിണ്ടിയില്ല...

ഓം...നീയെന്താ ഒന്നും മിണ്ടാത്തത്...?

ഞാനെന്ത് മിണ്ടാനാണ്.. വേറെയാരോടും ഇങ്ങനെ പറയാൻ നിൽക്കണ്ട...അവർ ഓർക്കും നിനക്ക് വട്ടാണെന്ന്...

ഒാഹ്...

ഞാൻ മിണ്ടുന്നില്ല ഒന്നും...
നമ്മളിനി എങ്ങോട്ടാണ് പോകുന്നത്...?

നിനക്ക് വിഷക്കുന്നില്ലേ...ഫുഡ് കഴിച്ചിക്കാൻ...
പിന്നെ  ഇവിടെ അടുത്തൊരു ടെന്നിസ് ഗ്രൗണ്ടുണ്ട്...ഞാൻ മിക്കപ്പോഴും പോകുന്നതാണ്.. ഞാനോങ്ങോട്ടേക്ക് പോകും നിന്നെ  വീട്ടിൽ ഇറക്കിയിട്ട്...!!

എന്തിന് എന്നെ ഇറക്കുന്നത്....?

നീ അവിടെ വന്നാൽ പോസ്റ്റടിക്കില്ലേ അതാണ്.. ?

ഹേയ്...എനിക്ക് പോസ്റ്റൊന്നും ഇല്ല...ഞാനും കൂടെ വരും...ഞാൻ ബോഡിഗാർഡാണ്...

ഓം ഒന്നും മിണ്ടാതെ വണ്ടി ഓടിച്ചു...
അവർ ഒരു കടയിൽ കയറി ഫുഡ് കഴിച്ചിട്ട് നേരെ ടെന്നിസ് കോർട്ടിൽ പോയി...

അവിടെ എത്തിയതും അജിൻ ഒരു ബെഞ്ചിൽ മാറിയിരുന്നു...ഓം കളിക്കാനും പോയി...
അജിൻ കുറച്ച് നേരം അവരുടെ കളി നോക്കിയിരുന്നു... പിന്നീടവൻ ഫോൺ എടുത്ത് അതിൽ അവൻ ഓം അറിയാതെ എടുത്ത അവന്റെ ഫോട്ടോസൊക്കെ നോക്കാൻ തുടങ്ങി...!!

അപ്പോൾ ഹായ്...ബോഡിഗാർഡ്...എന്ന് പറഞ്ഞ് ജോർജ് അവന്റെ അടുത്ത് വന്നിരുന്നു...

അവനെ കണ്ടതും അജിൻ രൂക്ഷമായി അവനെ നോക്കി...

അയ്യോ ഇങ്ങനെ നോക്കല്ലേ ചെക്കാ...!!

അജിനവനെ നോക്കാതെയിരുന്നു...

ഇത്രയും നേരം ഫോണിൽ നോക്കി ചിരിച്ച ആളുടെ മുഖം എന്നെ കണ്ടപ്പോൾ മാറിയല്ലോ...
എന്താ ഫോണിൽ നോക്കിയത്...എന്നെയും കൂടി കാണിക്ക് ഞാനും ചിരിക്കട്ടെ..!!

ബുദ്ധിമുട്ടാവില്ലേ...

ഏയ്...

ആണോ...പക്ഷേ എനിക്ക് കുറച്ച് ബുദ്ധിമുട്ടുണ്ട്...!!

നിന്റെ പേരെന്താ...? ജോർജ് അവോട് ചോദിച്ചു..!!

അജിൻ മിണ്ടിയില്ല...

ടാ..ഞാൻ നിന്നെ കൊല്ലാൻ വന്നതൊന്നുമല്ല...ഇങ്ങനെന്നോട് ഇത്ര ദേഷ്യത്തിലിരിക്കാൻ..പിന്നെ നിന്റെ ബോസ്സായിട്ട് അത്ര വലിയ പ്രശ്നമൊന്നും എനിക്കില്ല...അവന് വേറെ ആളുകളുമായാണ് വലിയ പ്രശ്നങ്ങൾ...
നീ എന്നോട് ഒന്ന് മിണ്ടെടാ ചെക്കാ...!!

അജിൻ...

എന്ത്..?

എന്റെ പേര്...അജിൻ...

ഒാഹ്... അപ്പോൾ നാടോ..? ഇവിടെ തന്നെയാണോ ?

കേരള... ഇന്ത്യ...

ഹൊ...അപ്പോൾ ഇവിടെ എങ്ങനെ വന്നു...? 
ആ ജീവിയുടെ ബോഡിഗാർഡായിട്ട് എങ്ങനെ ആയി...? എവിടെയാ ഇപ്പോൾ താമസിക്കുന്നത്...?

നിനക്ക് എന്തൊക്കെ അറിയണം...

എല്ലാം...നിന്നെ കുറിച്ചുള്ള എല്ലാ കാര്യങ്ങളും അറിയണം..!!

അങ്ങനെ ഇപ്പോൾ അറിയണ്ട...

അവർ രണ്ടും സംസാരിക്കുന്നത് ഓം ശ്രദ്ധിക്കുന്നുണ്ടായിരുന്നു...

ഞാൻ ജോർജ്...

ഹ...

നിനക്ക് തായ് നന്നായി പറയാൻ അറിയാല്ലോ...!

മ്...ഞാൻ ഹാഫ് തായി ആണ്...

ജോർജ് അവനെ നോക്കി...

എന്റെ അമ്മയുടെ നാട് ഇവിടാണ്...അച്ഛൻ കേരള...

അങ്ങനെ...!!

പിന്നെ അവൻ എങ്ങനെയാണ് നിന്നോട്...ചൂടാകുമോ എപ്പോഴും...?
ഓമിനെ ചൂണ്ടിക്കൊണ്ട് ജോർജ് ചോദിച്ചു...

അതെന്നാണ് അങ്ങനെ ചോദിച്ചത്...?

ഇവിടെ ഒരു ഗ്രൂപ്പുണ്ട്...ഞാനും അവനും ആ ഗ്യാങ്ങിൽ ഒരുപോലെയാണ് വന്നത്..
ഞങ്ങളുടെ ഗ്യാങ്ങിലുള്ള എല്ലാവരെക്കാളിലും ദേഷ്യം അവനാണ്...എന്ത് ചോദിച്ചാലും ഒന്നെങ്കിൽ മ്... അല്ലെങ്കിൽ ഒന്നും മിണ്ടില്ല...ചില സമയത്ത് ദേഷ്യപ്പെടും...
എപ്പോഴും എന്തെങ്കിലും ആലോചിച്ചിരിക്കും...!!
പിന്നെ ഇടക്കിടക്ക് ലോകം ചുറ്റാൻ പോകും...!!

അവനെ കുറിച്ച് ഒരുപാട് കാര്യങ്ങളറിയാല്ലോ...!!

പിന്നല്ലാതെ...

നിങ്ങളെങ്ങനെ ആണ് ശത്രു ആയതപ്പോൾ...?

അത് ഇവിടുള്ള ഒരു പുള്ളി ഒരു പെങ്കൊച്ചിനെ റേപ് ചെയ്തു... പോലീസ് അയാളെ വെറുതെ വിട്ടു...പുള്ളിക്ക് ഒരുപാട് പൈസ ഉണ്ടായിരുന്നു...അതുകൊണ്ട് പോലീസ് കേസ് ക്ലോസ് ചെയ്തു...!!
പിന്നെ ഞങ്ങളൊരു ദിവസം പുള്ളിയെ അറ്റാക്ക് ചെയ്തു...
അങ്ങനെ കുറച്ച് കഴിഞ്ഞ് പോലീസ് വന്നു..അപ്പോൾ എല്ലാവരും ഓടി...
പക്ഷേ ഒാം വന്നില്ല...ഞാൻ ചെന്നവന്റെ കൈ വലിച്ചുകൊണ്ട് ഓടി...പക്ഷേ എന്റെ കൈ വിട്ട് അവൻ പിന്നെയും അയാളെ പോയി ഇടിച്ചു...
അങ്ങനെ ഞാനും അവനും പോലീസിന്റെ കയ്യിലായി...
അന്നൊരുപാട് ഇടി കിട്ടി...അവന്റെ അച്ഛനാണ് ഞങ്ങളെ പുറത്തിറക്കിയത്...
പുറത്ത് ഇറങ്ങിയതും ഞാൻ അവനോട് നന്നായി ചൂടായി.. നീ കാരണമല്ലേ ഞാനും അകത്തായതെന്ന് പറഞ്ഞു...
പിന്നെ ഞാൻ പറഞ്ഞില്ലേ അവന് ഭയങ്കര ദേഷ്യമാണെന്ന്...ഞാൻ ചൂടായപ്പോൾ അവനും ചൂടായി പിന്നെ അവസാനം ഇടിയിൽ അവസാനിച്ചു...!! അങ്ങനെ ഞങ്ങൾ വലിയ ശത്രുക്കളായി...

ഈ ചെറിയ കാര്യത്തിനുവേണ്ടിയോ...?

ചെറുതോ... അന്ന് പോലീസ് ഇടിച്ച ഇടിയുടെ പാട് ഇപ്പോഴുമുണ്ട് എന്റെ ദേഹത്ത്...

അജിൻ ചിരിച്ചു...

അപ്പോഴേക്കും ഓം അവിടെ വന്നു...
പോകാം...അജിനോട് അവൻ പറഞ്ഞു...

കളിച്ച് കഴിഞ്ഞോ ?

ഹ...

എന്നാൽ ബൈ ജോർജ് എന്ന് പറഞ്ഞ് അജിൻ എഴുന്നേറ്റു...
ഓം അജിന്റെ കൈ പിടിച്ച് ജോർജിന്റെ മുന്നിൽ കൂടി അവനെ കൊണ്ട് പോയി...
വണ്ടിയിൽ ഇരിക്കുമ്പോൾ ഓം ഒന്നും മിണ്ടിയില്ല..!!
മുഖം വീർപ്പിച്ച് തന്നെ ഇരിക്കുകയായിരുന്നു...!!

ഓം... അജിനവനെ വിളിച്ചു..
പക്ഷേ അവനൊട്ടോ വിളി കേൾക്കുന്നു...
പിന്നെ അജിൻ കൂടുതൽ വിളിക്കാൻ നിന്നില്ല...

വീടെത്തിയതും  ഓം വണ്ടിയിൽ നിന്ന് ഇറങ്ങി...
പക്ഷേ അജിൻ വണ്ടിയിൽ തന്നെയിരുന്നു...

നീ ഇറങ്ങുന്നില്ലേ...?

ഇല്ല...എന്താ...?

എന്നാൽ ഇവിടിരുന്നോ ?

അതേ... ഞാനെന്തെങ്കിലും നിന്നെ ചെയ്തോ..??
എന്നോടിങ്ങനെ ചൂടവാൻ..??!!

ഓം ഒന്നും മിണ്ടിയില്ല...

ഞാൻ ജോർജായിട്ട് മിണ്ടിയത് കൊണ്ടാണോ എന്നോട് നീ ഇങ്ങനെ കാണിക്കുന്നത്...?

നീ ഞാനായിട്ട് ഒരുപാട് മിണ്ടിയാൽ മതി...വേറെയാരുമായിട്ട് മിണ്ടുന്നത് എനിക്കിഷ്ടമല്ല...

അസൂയ ആണോ ? അജിൻ പതിയെ ചോദിച്ചു..!!

അതെ അസൂയ ആണ് എന്ന് ഓം അജിന്റെ അടുത്തോട്ട് ചേർന്ന് പറഞ്ഞു...

അജിൻ ഒരു നിമിഷം അങ്ങനെയിരുന്നു...പിന്നെ പെട്ടെന്ന് കാറിൽ നിന്നിറങ്ങി അവന്റെ വീട്ടിലേക്ക് ഓടി...

ഓം അവൻ പോകുന്നതും നോക്കി നിന്നു....

അജിൻ നേരെ അവന്റെ മുറിയിലോട്ടാണ് പോയത്....!!

ആ ചെക്കന് പ്രാന്താണ്...എന്റെ അടുത്ത് വന്നു പറഞ്ഞത് കണ്ടില്ലേ...ഇങ്ങനെയൊക്കെ ഒരാളുടെ അടുത്തോട്ട്‌ വരാമോ ??
അവന് ശരിക്കും ഇനി അസൂയ ആണോ ..???
അല്ല അസൂയ എന്തിനാണ്...?
ഇനി അവനെന്നെ ഇഷ്ട്ടമാണോ...? അവനെന്തിനാ  ഞാൻ ആരോടും മിണ്ടണ്ടെന്ന് പറഞ്ഞത്...?
ചിലപ്പോൾ അവന് എന്നെ ഇഷ്ടമാകും..
ഇത്രയും ക്യൂട്ടായ എന്ന് ഇഷ്ടപ്പെടുന്നതിന്  അവന്റെ ഭാഗത്ത് തെറ്റില്ല... അജിൻ സ്വയം ചിരിച്ചു കൊണ്ട് പറഞ്ഞു....
അല്ല ഞാനെന്തിനാ ചിരിക്കുന്നത്...ഇനി എനിക്കവനെ ഇഷ്ട്ടമാണോ...?
അവൻ അടുത്ത് വന്നപ്പോൾ എന്റെ നെഞ്ച് എന്ത് ഫാസ്റ്റായിട്ടാണ് ഇടിച്ചത്...!! അവനെ കാണുമ്പോൾ എന്റെ മനസ്സിന് നല്ല കുളിർമയാണ്...അവന്റെ ചിരി കാണാൻ ഞാനെന്നും ആഗ്രഹിക്കുന്നുണ്ട്....ചില സമയത്ത് അവനെ നോക്കിത്തന്നെയിരിക്കാൻ തോന്നും..
എന്റമ്മോ...ഇതൊക്കെ പ്രേമത്തിന്റെ അടയാളമാണോ...? ഇങ്ങനെയൊക്കെ അല്ലേ എല്ലാ സീരിയലിലും പ്രേമം തുടങ്ങുന്നത്...
ആദ്യം അവനെന്നെ ഇഷ്ട്ടമാണോ എന്ന് ചോദിക്കാം...എന്നിട്ട് എനിക്ക് അവനോട് പ്രേമമാണെന്ന് പറയാം...ചിലപ്പോൾ അല്ലെങ്കിലോ....?
ആഹ്... എന്ത് കുന്തമാണെങ്കിലും പറയാം...
പ്രേമം ആണെങ്കിൽ അത് വെച്ചോണ്ടിരിക്കുന്നത് നല്ലതല്ല...ചിലപ്പോൾ അവനെ ഏതെങ്കിലും പെങ്കൊച്ച്‌ അടിച്ചോണ്ട് പോയാലോ ?
ഹ എന്തേലുമാവട്ടെ...എനിക്ക് നല്ല ക്ഷീണമുണ്ട്...എന്ന് പറഞ്ഞ് അവൻ ഉറങ്ങാൻ കിടന്നു...

ഇതേ സമയം ഓം സ്വയം കണ്ണാടിയിൽ നോക്കി നിൽക്കുകയാണ്...
ഓഫ്...അവൻ എന്നാണ് ഐ അവനാണെന്ന് തിരിച്ചറിയുന്നത്...
നിങ്ങളുടെ പുനർജന്മമാണ് ഞങ്ങളെന്ന് അറിയുമ്പോൾ അവനെന്നെ തനിച്ചാക്കി പോകുമോ ?
ഓഫ്... ഞാൻ അവനെ സ്നേഹിക്കുന്നു...നീ ആയിട്ടല്ല...ഞാനായിട്ട്...എന്തോ എനിക്ക് ശരിക്കും അവനെ ഇഷ്ടമായി...
നീ കാരണമളണ് ഞാനവനെ ഇത്രയും നാളും കാത്തിരുന്നത്...
കേരള വരെ ഞാൻ പോയത്...
നിങ്ങൾക്ക് മോക്ഷം ലഭിക്കുക അത് മാത്രമേ അന്നെനിക്ക് ലക്ഷ്യം ഉണ്ടായിരുന്നുള്ളൂ....
പക്ഷേ ഞാൻ പോലും അറിയാതെ ഞാൻ അവനെ സ്നേഹിച്ചു പോയി...
ഓം അവന്റെ മുറിയിലെ ഭിത്തിയിൽ അവന്റെയും അജിന്റെയും ഫോട്ടോകൾ നോക്കി കിടന്നു...!!

ഓം എന്തുകൊണ്ടാണ് നീ എന്നിൽ നിന്ന് ഈ കാര്യം മറച്ചു വെച്ചത്...?
ഞാൻ നിന്നോട് എന്റെ സ്വപ്നത്തെ പറ്റി പറഞ്ഞപ്പോൾ നിനക്കെന്നോട് പറയാമായിരുന്നു...
ഞാൻ നിന്നെ ഒരുപാട് സ്നേഹിച്ചു...പക്ഷേ എനിക്കിന്ന് നല്ല സംശയമുണ്ട്...ഞാനാണോ നിന്നെ സ്നേഹിച്ചത്...അതോ ഐ ആണോ ഓഫ് എന്ന നിന്നെ സ്നേഹിച്ചതെന്ന്...
ഞാൻ...ഞാനിവിടുന്ന് പോവുകയാണ്...എനിക്കിനി ഇവിടെ നിൽക്കാൻ കഴിയില്ല...
എന്ന് പറഞ്ഞ് അജിൻ പോയതും ഓം അജി എന്ന് വിളിച്ച് എഴുന്നേറ്റു...!!

സ്വപ്നമായിരുന്നോ ?
പേടിച്ച് പോയി ഞാൻ... അജി...ഐ നീയാണെന്ന് നീ സ്വയം തിരിച്ചറിയുന്ന ദിവസം ഞാൻ നിന്നോടെല്ലാം പറയാം... പ്രോമിസ്‌...

🥀🥀🥀🥀🥀🥀🥀

ഞാൻ വീട്ടിലേക്കാണ് നീ വരുന്നോ ?
കോളേജ് വരാന്തയിൽ കൂടി നടക്കുന്ന ഐയ്യോട് ഓഫ് ചോദിച്ചു...

ഞാൻ വീട്ടിലേക്കല്ല ചേട്ടാ പോകുന്നത്...എന്റെ ഒാർഫനേജിലോട്ടാണ്...അവരെ ഒന്ന് കണ്ടിട്ട് വരാനാണ്...

എന്നാൽ ഞാനും വരാം...വീട്ടിൽ ചെന്നിട്ടെനിക്ക് പ്രത്യേകിച്ച് പണി ഇല്ല...

അത്...

ഒരു അതും ഇല്ല...നീ വാ..ഞാൻ കാറിൽ വെയിറ്റ് ചെയ്യാം...!! എന്ന് പറഞ്ഞ് ഒാഫ് പോയി...
അവനോട് പറഞ്ഞിട്ട് കാര്യമില്ല എന്നറിയാവുന്നതുകൊണ്ട് ഐ അവന്റെ പുറകെ പോയി..!!

അവർ രണ്ടുപേരും കാറിൽ ഒാർഫനേജിലോട്ട് പോയി...പോകുന്ന വഴിക്ക് ഐ ഒരു കടയിൽ കയറി മിഠായികൾ വാങ്ങി...പിന്നെ അവൻ ഒരു മിഠായി കഴിച്ചുകൊണ്ടിരുന്നു  ഇടക്കവൻ ഓഫിന്റെ വായിലും അവൻ വെച്ചുകൊടുക്കുന്നുണ്ട്...എന്നിട്ട് വാ തോരാതെ അവനുമായി സംസാരിച്ചു കൊണ്ടേയിരുന്നു...!!
ഓഫൊന്നും മിണ്ടാതെ അവൻ പറയുന്നത് കേട്ട് ചിരിച്ചുകൊണ്ട് വണ്ടി ഓടിച്ചു...!!
അങ്ങനെ അവർ ഓർഫനേജിൽ എത്തി..
ലിറ്റിൽ ഓർഫനേജ്....

ടാ...ചേട്ടാ.... എഴുന്നേൽക്ക്....!!!

അജിൻ ഞെട്ടി എഴുന്നേറ്റു....

തുടരും...!🥀