പിന്നീട്ട് വീട്ടിലെ വിശേഷങ്ങൾ എല്ലാം അന്വേക്ഷിച്ച് ജാനി കോൾ കട്ടാക്കി.

ജാനി അടുക്കളയിൽ നല്ല പണിയിലാണ്. അമ്മു ആണെങ്കിൽ കാലത്ത് മുതൽ അതെ ഇരിപ്പാണ്. ഭയങ്കര ആലോചന... എന്താണാവോ ഇങ്ങനെ ആലോചിച്ച് കൂടുന്നേ...

സാധാരണ അമ്മു അടുക്കള പണിയിൽ സഹായിക്കാറുണ്ട്. എന്നാൽ ഇന്ന് ഈ പരിസരത്തേക്ക് കണ്ടിട്ടില്ല. എന്തു പറ്റിയാവോ ... വീട്ടിൽ സഹായത്തിന് ആരെയും നിർത്തിയിട്ടില്ല.കാരണം വീട്ടിൽ ആകെ രണ്ട് പേരെല്ലേ ഉള്ളൂ ... വലിയ പണിയുമില്ല.

പാത്രം കഴുക്കുന്നതിന് ഇടയിലാണ് ജാനി ഫോൺ റിംഗ് ചെയ്യുന്ന ശബ്ദം കേട്ടത്. കൈ കഴുകി പോയി ഫോൺ എടുക്കുമ്പോഴെക്കും കോൾ കട്ടാവും. ജാനി അമ്മുവിനെ വിളിച്ചു.

അമ്മു...
അമ്മു...
ഇവളിത് എവിടെ പോയി കിടക്കാ...
ജാനി സ്വയം പിറുപിറുത്തു .

അവസാനം ജാനി തന്നെ പോയി ഫോൺ എടുത്തു. ജേക്കബിന്റെ കോളാണ്.

മോളെ ജാനി ... ഉച്ചയ്ക്ക് ഇങ്ങട് പോര് ... ഞാൻ പുതിയൊരു ഡിഷ് ഉണ്ടാക്കിയിട്ടുണ്ട്. നീ വരില്ലേ ... വൈന് ഉണ്ട് ...

കോൾ ജേക്കബിന്റെ ആണെങ്കിലും താരയാണ് വിളിച്ചത്. മിക്ക ഞയറാഴ്ചയും ഇത് പതിവുള്ളതാണ്. താര ഇടയ്ക്കിടെ പുതിയ ഡിഷ് പരീക്ഷിക്കും. നല്ല കൈപുണ്യമാണ്. ഇതുവരെ ഉണ്ടാക്കിയത് ഒന്നും മോശമായിട്ടില്ല. അമ്മുവും ജാനിയുമാണ് എല്ലാത്തും കഴിച്ച് പരീക്ഷിക്കുന്നത്.

ജാനി ... അപ്പുറത്ത് നിന്ന് മറുപടി ഒന്നും വരാതെ ആയപ്പോൾ താര വിളിച്ചതാണ്.

വരാം ... താരമ്മേ ...
ജാനി സ്വബോധം വീണ്ടെടുത്ത് പറഞ്ഞു.

നീയിത് എന്ത് ആലോചിച്ച് നിൽക്കുവായിരുന്നു , ജാനു ... ഈയിടയായി രണ്ടിനും ഭയങ്കര ആലോചനയാണ്.....
താര പരിഭവം പറഞ്ഞു.

ഞാൻ ... ഇങ്ങനെ വെറുതെ ...
ജാനി പറഞ്ഞു.

                    🌼 🌼 🌼 🌼 🌼

താര ഫോൺ വിളിച്ച് വെച്ചത്തിന് ശേഷം അമ്മുവിനെ അനേക്ഷിച്ച് ഇറങ്ങിയതാണ് ... നോക്കിയപ്പോൾ അമ്മു മുകളിലെ മുറിയിലെ ബാൽക്കണിയിൽ സെറ്റ് ചെയ്തിട്ടുള്ള ചെടിക്ക് വെള്ളമൊഴിക്കുന്നുണ്ട്.

അമ്മുവിനെ വിളിക്കാൻ നിന്നപ്പോളാണ് പോട്ടിൽ നിന്ന് വെള്ളം നിറഞ്ഞ് പോവുന്നത് ജാനി ശ്രദ്ധിച്ചത്.

ജാനി അമ്മുവിന്റെ കൈയിൽ നിന്ന് വാട്ടർ സ്പ്രെയേർ വാങ്ങിച്ചു .അമ്മു പെട്ടെന്ന് ഞെട്ടി. എന്താണ് ഇപ്പോൾ സംഭവിച്ചത് എന്ന് മനസ്സിലാക്കാൻ അവൾക്ക് കുറച്ച് സമയം വേണ്ടി വന്നു.

താഴെ വെള്ളം കണ്ടപ്പോൾ അമ്മുവിന് കാര്യം പിടി കിട്ടി. ഇനിയും ഇവിടെ നിന്നാൽ ജാനിയുടെ ചോദ്യങ്ങൾക്ക് മറുപടി പറയേണ്ടി വരുമെന്നതിനാൽ നൈസായിട്ട് അവിടെ നിന്ന് മുങ്ങി .

സോറി ... ചേച്ചിമ്മ ... പോവുന്ന വഴിക്ക് അമ്മു വിളിച്ച് കൂവുന്നുണ്ട്.

ഈ പെണ്ണ് ... ജാനി മനസ്സിൽ പറഞ്ഞു.

ജാനിക്ക് നല്ല രീതിയിൽ തന്നെ ഭയം തോന്നുന്നുണ്ടായിരുന്നു. എന്താണോ അവൾ ഒരിക്കലും അറിയരുത് എന്ന് കരുതിയത് അതവൾ അറിയോ എന്ന ഭയം. തന്റെ അനിയത്തിയെ നഷ്ടപ്പെടുമോ എന്ന ഭയം. എന്നാൽ അമ്മുവിന്റെ മനസ്സ് എന്തൊക്കെയോ തന്നോട്ട് പറയാൻ വെമ്പുന്നതു പോലെ ജാനിക്ക് പലപ്പോഴായി തോന്നുന്നുണ്ടായിരുന്നു.

ഉച്ചയ്ക്ക് അമ്മുവും ജാനിയും താരയുടെ അടുത്തേക്ക് പോയി. ആനിയും അലക്സും അവിടെ ഉണ്ടായിരുന്നില്ല എവിടെയോ പോയിരിക്കുകയാണ് രണ്ടു പേരും. അവിടെ നിന്ന് ഭക്ഷണവും കഴിച്ച് അവർ കുശലം പറഞ്ഞിരുന്നു. അതിനിടയിൽ ഇന്ത്യയിലേക്ക് പോയ കാര്യം ചോദിച്ചപ്പോൾ ജാനി മനപ്പൂർവം വിഷയം മാറ്റി. വിശേഷങ്ങൾ പറയണമെങ്കിൽ ആദ്യം മുതൽ മുഴുവനും പറയണം . അവർക്ക് ആർക്കും ഒന്നു അറിയില്ല, ഒന്നും പറഞ്ഞിട്ടില്ല. ഇനിയൊന്നും അറിയും വേണ്ട.

അവർ തിരിച്ച് വീട്ടിലേക്ക് എത്തിയപ്പോഴെക്കും ഏകദേശം സമയം അഞ്ച് മണിയായിരുന്നു. അകലെ നിന്ന് നടന്ന് വരുമ്പോൾ തന്നെ കണ്ടു ദേവിന്റെ കാർ വില്ലയ്ക്ക് മുന്നിൽ നിർത്തുന്നത്. അമ്മുവിന്റെ നെറ്റിയൊന്ന് ചുളിഞ്ഞെങ്കിലും ജാനിയത് കാര്യമാക്കാത്തത് പോലെ നടന്നു.

കാറിൽ നിന്ന് ദേവ് പുറത്തിറങ്ങിയതും ജാനിയും അമ്മുവും അവിടെ എത്തിയതും ഒരേ സമയത്തായിരുന്നു. അമ്മു ദേവിനെ നോക്കാതെ വേഗം പോയി വാതിൽ തുറന്നു. ജാനിയും ദേവും എന്തൊക്കെയോ സംസാരിച്ച് നടന്ന് വരുന്നുണ്ട്. അമ്മു നേരെ പോയി സോഫയിൽ കുത്തിയിരുന്നു.

അകത്തേക്ക് വന്ന ദേവ് നേരെ അമ്മുവിന്റെ തൊട്ടടുത്തായി വന്ന് സോഫയിൽ ഇരുന്നു. പെട്ടെന്ന് അമ്മുവിന്റെ ഉള്ളൊന്ന് ആന്തി . അമ്മു നേരെ ജാനിയെ നോക്കി. ജാനിയാണെങ്കിൽ ചിരിച്ച് കൊണ്ട് നിൽക്കുന്നുണ്ട്. അത് കണ്ടപ്പോൾ അമ്മുവിന്റെ മുഖം വീണ്ടും വീർത്തു. ജാനി ഇതൊന്നും തന്നെ ബാധിക്കുന്ന കാര്യമേ അല്ല എന്ന രീതിയിൽ അവർക്ക് എതിർ വശം വന്നിരുന്നു.

ജാനി ... 
ഫോണിൽ കുത്തിയിരിക്കുന്ന ജാനിയെ നോക്കി ദേവ് വിളിച്ചു.

ജാനി ഫോണിൽ നിന്ന് കണ്ണുകൾ ഉയർത്തി ദേവിനെ നോക്കി.  അമ്മു ഇപ്പോളും മുഖം വീർപ്പിച്ച് ഇരുപ്പാണ്.

പറ ... നീ അന്ന് പെട്ടെന്ന് വിളിച്ച് വരാണെന്ന് എന്താ പറഞ്ഞെ ... അന്ന് നിന്റെ സൗണ്ടിൽ നിന്ന് വ്യക്തമായിരുന്നു നീ വിഷമത്തിലാണെന്ന് ... എന്താ കാര്യം ....
ദേവ് ചോദിച്ചു. അമ്മു താൽക്കാലികമായി തന്റെ പിണക്കം മാറ്റിവച്ച് ജാനിയെ നോക്കി.

അത് പ്രത്യേകിച്ച് ഒന്നുമില്ല ദേവ് ... ഞാനും മഹിയും റീമേരേജിന് തീരുമാനിച്ചു.

ജാനി ഫോണിൽ നോക്കി കൊണ്ട് തന്നെ പറഞ്ഞു.

റീമേരേജോ ...!
അമ്മുവും ദേവും ഒരേ സ്വരത്തിൽ ചോദിച്ചു. രണ്ടു പേരിലും ആശ്ചര്യമായിരുന്നു.

ഇനിയൊരിക്കലും ഞങ്ങൾ ഒന്നിക്കില്ല ...എനിക്ക് മഹിയോട് സംസാരിക്കണ്ട ... കാണണ്ട... ഒന്നും വേണ്ട ... ഈ ജീവിതം ഇങ്ങനെ പോവട്ടെ എന്ന് പറഞ്ഞ് നടന്നിരുന്ന ആളാണ് ജാനി. പിന്നെ എങ്ങനെ അവർ ഞെട്ടാത്തിരിക്കും.

നിങ്ങൾ ഒന്ന് സമാധാനിക്ക് ... ഞാൻ പറയട്ടെ ...
രണ്ടു പേരുടെയും ഭാവം കണ്ട് ഫോൺ മാറ്റിവെച്ച് കൊണ്ട് ജാനി പറഞ്ഞു.

എന്നാലും എന്റെ ജാനി ... അവിടെ എന്താ ഉണ്ടായേ... ഇതിനും മാത്രം  അത്ഭുതവും അവിടെ സംഭവിച്ചോ ...

ദേവ് ചോദിച്ചു. അമ്മുവിന്റെ കണ്ണുകൾ ഇപ്പോ താഴെ വീഴുമെന്ന അവസ്ഥയിലാണ്.

സംഭവിച്ചു ... അല്ലാതെ ഇതൊന്നും ഉണ്ടാവില്ലല്ലോ ...

ജാനി പതിയെ മഹിയുടെയും അവളുടെ അച്ഛനും അമ്മയും വന്നത് മുതലുള്ള കാര്യങ്ങൾ പറഞ്ഞ് തുടങ്ങി. മഹിയുടെ അമ്മ തന്നോട്ട് പറഞ്ഞതും സോനയെ കണ്ടതും അന്ന് റിസോർട്ടിൽ വെച്ച് യഥാർത്ഥത്തിൽ സംഭവിച്ചതും അങ്ങനെയെല്ലാം അവൾ പറഞ്ഞു.

പലപ്പോഴായി സംസാരിക്കുന്നതിനിടയിൽ ജാനിയുടെ കണ്ണിൽ നിന്ന് കണ്ണുനീർ പൊടിയുന്നുണ്ടായിരുന്നു.

എന്നാൽ പറഞ്ഞ് നിർത്തിയതും ജാനി കേട്ടത് ദേവിന്റെ ഒടുക്കത്തെ ചിരിയാണ്.

എന്നാലും ജാനി... നിനക്കിത് വേണം ... എന്റെ അളിയൻ അന്നേ നിനക്ക് ഒന്ന് പൊട്ടിച്ചിരുന്നെങ്കിൽ ഈ പ്രശ്നമൊന്നും ഉണ്ടാവില്ലായിരുന്നു.

ദേവ് നിർത്താതെ ചിരിക്കാണ്. അന്ന് രാത്രി മഹി ജാനിയെ അടിച്ചത്തിനെ കുറിച്ചാണ് ദേവ് പറയുന്നത്.

എന്നാൽ ജാനിയുടെ മുഖത്തേക്ക് നോക്കിയപ്പോൾ ദേവിന് മനസ്സിലായി താൻ പറഞ്ഞത് അവളെ വല്ലാതെ വേദനിപ്പിച്ചുവെന്ന് ... ജാനിയുടെ മനസ്സൊന്ന് ശാന്തമായോടെ എന്ന് കരുതിയാണ് അങ്ങനെ ചെയ്തത്. എന്നാൽ അവൾക്ക് വിഷമമാവുമെന്ന് ദേവ് കരുതിയില്ല.

ദേവ് ജാനിയെ ആശ്വാസിപ്പിക്കാനായി നേരെ ജാനിയുടെ അടുത്തേക്ക് ഇരുന്നു. അമ്മു ദേവിനെ ദേഷ്യത്തോടെ നോക്കി കൊണ്ട് ജാനിയുടെ ഇപ്പുറം വന്നിരുന്നു.

അതുമിതും ഒക്കെ പറഞ്ഞ് രണ്ടും ജാനിയുടെ മൂഡ് ഏകദേശം മാറ്റി. അവസാനം ജാനിയൊന്ന് ചിരിച്ചപ്പോഴാണ് രണ്ടു പേർക്കും സമാധാനമായത്.

ഞാൻ പോയി കോഫിയെടുക്കാം ...
അമ്മു പറഞ്ഞു.

അവൾ പോയി മൂന്ന് കോഫിയുമായി അവിടേക്ക് വന്നു. ജാനിക്കും ദേവിനും കോഫി കൊടുത്ത് അമ്മുവും കോഫിയെടുത്ത് സോഫയിൽ വന്നിരുന്നു.

ഞാൻ പറയാനുള്ളത് മുഴുവനും പറഞ്ഞു ... ഇനി അമ്മു, നീ പറ ... കുറെയായി ഞാൻ ശ്രദ്ധിക്കുന്നു ...എന്താ നിന്റെ പ്രശ്നം ...

കോഫിയുടെ ഒരു സിപ്പ് എടുത്ത് കൊണ്ട് ജാനി ചോദിച്ചു.


🌼തുടരും🌼