വാതിൽ തുറന്ന് കാല് എടുത്ത് വെച്ചതും  എന്തോ താഴെ വീണ് പൊട്ടി ചിതറുന്ന ശബ്ദം കേട്ടു.

അവൾ ഞെട്ടി. കണ്ണുകൾ ഇറുക്കെ അടച്ച് ഒരു ചുവടു കൂടി മുന്നോട്ട് നടന്നു.

💥 വീണ്ടും എന്തോ പൊട്ടുന്ന ശബ്ദം .

ഇത്തവണ ജാനിയുടെ കാലുകൾ നിശ്ചലമായി. തൊണ്ട വരണ്ടു. അവളുടെ കണ്ണുകൾ നിറഞ്ഞു.

പെട്ടെന്ന് തന്നെ വീട് മുഴുവൻ വെളിച്ചം തെളിഞ്ഞു. ഹാള് മുഴുവനും അലങ്കരിച്ചിട്ടുണ്ട്. ബലൂണും തോരണങ്ങളുമായി അതി മനോഹരമാക്കിയിട്ടുണ്ട്. നടുവിലായി മൂന്ന് തട്ടുള്ള കേക്കും. ഇപ്പോഴും ജാനി കണ്ണുകൾ അടച്ച് നില്ക്കുകയാണ്.

ജാനി പതിയെ കണ്ണുകൾ തുറന്നു.ചുറ്റുമുള്ളവർ ആകാംക്ഷയോടെ നോക്കിയപ്പോൾ കണ്ടത് നിറഞ്ഞ കണ്ണുകളുമായി നില്ക്കുന്ന ജാനിയെയാണ്. അവളുടെ നിറഞ്ഞ കണ്ണുകൾ കണ്ടപ്പോൾ ഒരു നിമിഷം ഇതൊന്നും വേണ്ടായിരുന്നു എന്ന് പോലും തോന്നി.

സിത്തുവും ഗൗതവും ഓടി വന്നവളെ ചുറ്റി പിടിച്ചു.

അമ്മീ .. പേടിച്ചോ... സിത്തു സങ്കടത്തോടെ ചോദിച്ചു.

സോറി അമ്മേ ... ഗൗതം പതുക്കെ മുഖം ഉയർത്തി ജാനിയെ നോക്കി പറഞ്ഞു.

ഞാൻ അപ്പഴേ അങ്കിളിനോട് പറഞ്ഞതാ ... അമ്മീ ... നമുക്ക് അങ്കിളിന് നല്ല അടി വെച്ച് കൊടുക്കാം.

ചെറിയ പരിഭവത്തോടെ ദേവിനെ നോക്കി കൊണ്ട് സിത്തു പറഞ്ഞു.
സിത്തുവിന്റെ സംസാരം കേട്ട് ആ അവസ്ഥയിലും ജാനിയുടെ മുഖത്ത് കുഞ്ഞു പുഞ്ചിരി വിരിഞ്ഞു.

പെട്ടെന്ന് അവളുടെ കണ്ണുകൾ ചുറ്റും പരതി. അനേക്ഷിച്ചത് എന്തോ കണ്ട് കിട്ടാത്ത പോലെ അവളുടെ മുഖത്തെ ചിരി മാഞ്ഞു.

ക്ലോക്കിൽ നിന്നുള്ള ശബ്ദം കേട്ടപ്പോൾ അവൾ കണ്ണുയർത്തി സമയം നോക്കി. കൃത്യം പന്ത്രണ്ട് മണി. പിന്നിൽ നിന്ന് രണ്ട് ബലിഷ്ഠമായ കൈക്കൾ അവളെ ഇടുപ്പിലൂടെ ചുറ്റി പിടിച്ചു. താൻ അനേക്ഷിച്ച തനിക്ക് പരിചിതമായ സാമീപ്യവും അറിഞ്ഞതും അവളുടെ ചൊടിയിൽ മാഞ്ഞു പോയ പുഞ്ചിരി പതിമടങ്ങായി തിരിച്ചു വന്നു.

Happy birthday ജാനി... അവളുടെ കാതോരം പറഞ്ഞു കൊണ്ട് പതിയെ അവളുടെ കവിളിൽ ചുണ്ട് ചേർത്തു. പെട്ടെന്ന് അവളുടെ ശരീരമാസകലം ഒന്ന് വിറച്ചു.

അവളുടെ ചിന്തകൾ വർഷങ്ങൾ പുറകോട് പോയി. അവർ തമ്മിൽ കണ്ടുമുട്ടിയ ശേഷമുള്ള അവളുടെ ആദ്യത്തെ പിറന്നാൾ ... അന്നവൾക്ക് പത്തിനെട്ട് വയസ്സ് ...

അന്ന് ഫ്ലാറ്റിൽ ആയിരുന്നു അവർ തമാസിച്ചിരുന്നത്. അവർ മൂന്ന് പേരുണ്ടായിരുന്നു. മൂന്ന് പേരും ചെറുപ്പം മുതലേ ഒന്നിച്ച് പഠിച്ചവരാണ്.

അന്ന് രാത്രി ഇതെ പോലെ ഉറക്കത്തിൽ നിന്ന് വിളിച്ച് എഴുന്നേൽപ്പിച്ച് ബർത്ത്ഡേ സർപ്രൈസ് തന്നു. അന്നും ഇതു പോലെ ഒരു കുഞ്ഞു കിസ്സ് കിട്ടിയിരുന്നു. പക്ഷേ കവിളിൽ അല്ല ചുണ്ടിലായിരുന്നു എന്ന് മാത്രം. കുഞ്ഞിയത് എന്ന് പറയുമ്പോൾ അത്ര ചെറുത് ഒന്നുമല്ല ...ഒപ്പം ഒരു ഡയ്ലോഗും ...

Happy birthday my love... ലൈഫ് ലോങ് നീ കൂടെ ഇല്ലെങ്കിൽ ഞാൻ ഞാനല്ലാതെയാവും.

അതേ വിശന്നാൽ നീ നീയല്ലാതെയാവും ... അഭിയുടെ ഒരു ഓഞ്ഞ ഡയലോഗും .

നീയെന്റെ കൊച്ചിന്റെ ചുണ്ട് കടിച്ചെടുത്തോടാ ...
മഹിയെ മാറ്റി നിർത്തി കൊണ്ട് എന്റെ മുഖം അങ്ങോട്ടും ഇങ്ങോട്ടും തിരിച്ചു നോക്കി കൊണ്ട് അഭി പറഞ്ഞു.

അതും കൂടി കേട്ടത്തോടെ മുഖമൊക്കെ ആകെ ചുവന്ന് തുടുത്തു .പിന്നെ പറയണോ എല്ലാവരും കൂടി കളിയാക്കി കൊല്ലാതെ കൊന്നുവെന്ന് പറയുന്നതാവും ശരി.

കേക്ക് കട്ട് ചെയ്ത് ആദ്യത്തെ പീസ്സ് മഹിക്ക് കൊടുക്കും മുന്നെ അഭി വാങ്ങി കഴിച്ചു.

ഏട്ടൻ ഫസ്റ്റ് പോലും ...എന്നിട്ട് എനിക്കും തന്നു. പക്ഷേ നല്ലകാലം എന്ന് പറയാലോ കൃത്യമായി കേക്കിൽ വെച്ച് റിങ് തൊണ്ടയിൽ കുടുങ്ങി അങ്ങേര് അന്ന് ചാവേണ്ടത് ആയിരുന്നു. ജസ്റ്റ് മിസ്സ് ... മഹിയാ പീസ് വാങ്ങി റിങ് എടുത്ത് എന്റെ നേരെ മുന്നിലായി മുട്ട് കുത്തി നിന്നുകൊണ്ട് എന്നെ പ്രോപോസ് ചെയ്തു.

Will you marry me... ഞാൻ പിന്നെ ഒന്നും ആലോചിച്ചില്ല ഞാനും മുട്ട് കുത്തി നിന്ന് മഹിയെ കെട്ടി പിടിച്ച് I love you എന്ന് പറഞ്ഞു. കുറെയായി പാവത്തിനെ പുറകെ നടത്തിക്കുന്നു. അങ്ങനെ അന്ന് ആദ്യമായി മഹിക്ക് ഒരു പോസിറ്റീവ് മറുപടി കൊടുത്തു. എനിക്ക് ഇഷ്ടമാണെന്ന് മഹിക്ക് മുൻപേ അറിയാമായിരുന്നു. പക്ഷേ നേരിൽ പറഞ്ഞിരുന്നില്ലെന്ന് മാത്രം.

അയ്യേ ... സിത്തു കണ്ണ് പൊത്തി കൊണ്ട് വിരൽ ചെറുത്തായി ഒന്ന് അകത്തി ഒളികണ്ണിട്ട് അവരെ നോക്കി പറഞ്ഞു. സിത്തുവിന്റെ ശബ്ദമാണ് ജാനിയെ ഓർമ്മക്കളിൽ നിന്ന് തിരികെ കൊണ്ട് വന്നത്. ചുണ്ടിലെ ചിരി ഒളിപ്പിക്കാൻ വല്ലാതെ കഷ്ടപ്പെടുന്നുണ്ട് അവൾ. ജാനിയുടെ തൊട്ട് അടുത്തായി തന്നെയാണ് സിത്തുവും ഗൗതവും നിൽക്കുന്നത്.

അവളുടെ സംസാരവും ആക്ഷനും കണ്ട് എല്ലാവരും പൊട്ടി ചിരിച്ചു. ജാനി മഹിയുടെ കൈ വിടുവിച്ച് കൊണ്ട് അവന്റെ അടുത്ത് നിന്ന് മാറി നിന്നു.

മതി ... മതി ... എല്ലാവരും പോയി കിടക്കാൻ നോക്കിയേ ... സമയം എത്രയായിന്നാ ...

ജാനി വിഷയം മറ്റാനെനൊണം പറഞ്ഞു.

കേക്ക് കിട്ടാതെ ഞാൻ ഉറങ്ങില്ല ... ജാനി പറഞ്ഞ് അവസാനിപ്പിക്കുമ്പോഴെക്കും  മറുപടിയും വന്നു. അമ്മുവാണ് മറുപടിയുടെ അവകാശി.

അമ്മു ചേച്ചി   സിതാരയെക്കാൾ കഷ്ടമാണല്ലോ അമ്മേ .... ഗൗതം അമ്മുവിനെ കളിയാക്കി.

അമ്മു പറഞ്ഞത് അബദ്ധമായെന്ന പോലെ തലയ്ക്കിട്ട് സ്വയമൊരു കൊട്ട് കൊടുത്തു. അമ്മു ഇടയ്ക്ക് ഒന്ന് തല പൊക്കി ദേവിനെ നോക്കിയപ്പോൾ അവൻ അവളെ നോക്കി ആക്കിയൊന്ന് ചിരിച്ച് കാണിച്ചു.


പിന്നെ കേക്ക് കട്ട് ചെയ്തു. ജാനി ആദ്യം കേക്ക് സിത്തുവിനും ഗൗതമിനും കൊടുത്തു. അവർ തിരിച്ചും . കേക്ക് മുറിക്കലും ബഹളവുമെല്ലാം കഴിഞ്ഞ് എല്ലാവരും പോയി കിടന്നു. ഈ നേരത്ത് ഇനി റിസോർട്ടിലേക്ക്  പോവണ്ട എന്ന് പറഞ്ഞ് ജാനി ദേവിനെ തിരികെ പോവാൻ സമ്മതിച്ചില്ല. ഇത്രയും കാലത്തിന് ഇടയ്ക്ക് ആദ്യമായാണ് ദേവ് അവിടെ നില്ക്കുന്നത്.

ജാനി ഡ്രസ്സ് ഒക്കെ മാറി ഫ്രഷായി വന്നപ്പോഴെക്കും ഗൗതവും സിത്തുവും നല്ല ഉറക്കമായിട്ടുണ്ട്. മഹി കണ്ണടച്ചു കിടക്കുന്നുണ്ട് ... പക്ഷേ ഉറങ്ങിയിട്ടില്ലെന്ന് തോന്നുന്നു.

ജാനി കുറച്ച് നേരം അവരെ നോക്കി നിന്നു. ഗൗതം മഹിയെ ചുറ്റി പിടിച്ചാണ് കിടക്കുന്നത്. പിന്നെ സിത്തുവാണേൽ ഒരു കാല് ഗൗതമിന്റെ മേത്തും മറ്റേ കാൽ ബഡിന്റെ പുറത്തുമിട്ട് കമഴ്ന്ന് കിടന്ന് സുഖറുക്കമാണ്.

മനസ്സിന് ഒരു സ്വസ്ഥതയും തോന്നാത്തത് കൊണ്ടാണ് പുറത്തേക്ക് ഇറങ്ങി നടന്നത്. തിരികെ എത്തുമ്പോഴെക്കും ഇത്രയും വൈകുമെന്ന് വിചാരിച്ചില്ല. പക്ഷേ ശരിക്കും പേടിച്ചു. ഇങ്ങനെയൊരു സർപ്രൈസ് ഒട്ടും പ്രതീക്ഷിച്ചിരുന്നില്ല. സത്യത്തിൽ പിറന്നാളിന്റെ കാര്യം തന്നെ മറന്നിരുന്നു.

പക്ഷേ ഇവരെ കണ്ടപ്പോൾ എന്തോ പെട്ടെന്ന് മനസ്സ് ശാന്തമായി. സന്തോഷം കൊണ്ട് കണ്ണ് നിറഞ്ഞു. ഇത്രയും കാലം എങ്ങനെ ഇവരില്ലാതെ കഴിഞ്ഞു പോയി എന്ന് പോലും തോന്നി. ഒരോ ദിവസവും മനസ്സ് ഉരുകുന്നുണ്ടായിരുന്നു. പക്ഷേ അപ്പോഴൊക്കെ അന്ന് രാത്രിയിലെ കാഴ്ചകൾ മനസ്സിൽ തെളിഞ്ഞു വെരും. പിന്നെ ഒരു തരം മടുപ്പ് തോന്നും. എന്നാൽ എപ്പോഴും  വിഷമം മാറ്റി ചിരിപ്പിക്കാൻ അമ്മു കൂടെയുണ്ടാവും. മുഖമൊന്ന് മാറിയാൽ പോലും അവൾക്ക് മനസ്സിലാവും.

ജാനി ... നീ കിടക്കുന്നില്ലേ ...

മഹി  കണ്ണ് തുറന്ന് തിരിഞ്ഞ് കിടന്നുകൊണ്ട് അവിടെ നിൽക്കുന്ന ജാനിയെ നോക്കി ചോദിച്ചു.

നിന്റെ കണ്ണെന്താ നിറഞ്ഞിരിക്കുന്നേ ...
മഹി അവളുടെ കലങ്ങിയ കണ്ണുകൾ കണ്ട് എണ്ണീറ്റ് അവളുടെ അടുത്തേക്ക് നടന്നു.

ഒന്നൂല്യാ... വാ കിടക്കാം.
ജാനി കണ്ണ് തുടച്ച് കൊണ്ട് പറഞ്ഞു.

കാര്യ പറ... ജാനി... മഹി കാര്യം തിരക്കി.

ജാനി മഹിയെ കെട്ടിപിടിച്ചു. മുഖം അവന്റെ നെഞ്ചിൽ ഒളിപ്പിച്ചു. ഇരു കണ്ണുകളും നിറഞ്ഞ് ഒഴുക്കുന്നുണ്ട്.

സോറി ... സോറി  മഹി ...

ജാനി തേങ്ങി കൊണ്ട് പതിയെ പറഞ്ഞു.




🌼തുടരും🌼