സോറി ...സോറി മഹി ...

ജാനി തേങ്ങി കൊണ്ട് പതിയെ പറഞ്ഞു. മഹി ഒന്നും പറയാതെ അവളെ ചേർത്തുപിടിച്ചു. 

ഞാൻ ... ഞാൻ ഒരുപാട് വേദനിപ്പിച്ചൂലേ... ഒന്ന് തുറന്ന് സംസാരിച്ചിരുന്നെങ്കിൽ ഇതൊന്നും ഉണ്ടാവില്ലായിരുന്നു ...സോറി മഹി ... ഞാൻ കാരണം നമ്മുടെ മക്കളും വേദനിച്ചു ... 

ജാനി ഒരോന്ന് പറഞ്ഞ് വിതുമ്പി കൊണ്ടേ ഇരുന്നു. മഹി ജാനിയുടെ താടി തുമ്പിൽ പിടിച്ച് അവളുടെ മുഖമുയർത്തി.

ജാനി ... ഇങ്ങോട്ട് നോക്ക് ... കഴിഞ്ഞതെല്ലാം കഴിഞ്ഞു. ഇനിയും അതൊക്കെ ആലോചിച്ച് വിഷമിക്കാതെ ... നമ്മുടെ മക്കളെ നോക്ക് ... അന്ന് നീ പോയപ്പോൾ അവരുടെ മുഖത്ത് നിന്ന് മാഞ്ഞൊരു സന്തോഷമുണ്ട്. ഒരമ്മയുടെ സ്നേഹവും വാത്സല്യവും നഷ്ടപ്പെട്ട വേദന . ഗൗതം നീ പോയത്തിന് ശേഷം ആരോടും അങ്ങനെ സംസാരിക്കാറും കൂടിയില്ല. അമ്മയെ പകരം വെയ്ക്കാൻ ഒന്നിനും കഴിയില്ല ...എന്നോട്ടുള്ള ദേഷ്യം തീർക്കുമ്പോൾ നീ കാണാതെ പോയതും അവരുടെ മുഖമാണ് . അന്ന് കോർട്ടിൽ വെച്ച് അവരങ്ങനെ പറഞ്ഞത് എന്റെ വക്കീൽ പറഞ്ഞിട്ടാണ്. എനിക്കും അത് അറിയില്ലായിരുന്നു. അല്ലാതെ നിനക്ക് തോന്നുന്നുണ്ടോ അവർക്ക് നിന്നെ വെറുക്കാൻ കഴിയുമെന്ന് ... എല്ലാം കഴിഞ്ഞു. Past is past... പക്ഷേ ഇപ്പോൾ പ്രേസന്റിൽ എല്ലാവരും ഹാപ്പിയാണ്. അതിങ്ങനെ വിഷമിച്ചിരിക്കാതെ ഹാപ്പിയായിരിക്ക് ...
വാ... വന്ന് കിടക്കാൻ നോക്ക് ...

സിതാരയെ നീക്കി കിടത്തി മഹി ജാനിയുടെ അടുത്തായി തന്നെ കിടന്നു. ജാനി മഹിയോട് ചേർന്ന് കിടന്നു. അവന്റെ നെഞ്ചിൽ തല ചേർത്ത് ... വീണ്ടുമാ സുരക്ഷിത വലയത്തിൽ ഒതുങ്ങി കൊണ്ട് ...

പിറ്റേന്ന് രാവിലെ ജാനി എഴുന്നേൽക്കാൻ കുറച്ച് വൈക്കിയിരുന്നു. നോക്കിയപ്പോൾ മൂന്നുപേരും നല്ല ഉറക്കമാണ്. ജാനി കുളിച്ച് ഫ്രഷായി അടുക്കളയിലേക്ക് പോയി. സാധാരണ അമ്മു തന്റെ കൂടെയാണ് കിടക്കാറുള്ളത് ... അവൾ ഇതുവരെ എഴുന്നേറ്റിട്ടില്ലെന്ന് മനസ്സിലായപ്പോൾ ജാനി മുറിയുടെ വാതിൽ തുറന്ന് അമ്മുവിനെ വിളിച്ച് എഴുന്നേൽപ്പിച്ചു.

ആദ്യം എണീക്കാൻ നല്ല മടി കാണിചെങ്കിലും പിന്നെ പെട്ടെന്ന് എന്തോ ഒരു വെളിവിൽ വേഗം എഴുന്നേറ്റു. വേറെ ഒന്നുമല്ല വീട്ടിൽ ഇവര് രണ്ടു പേരുമല്ലാതെ ആളുണ്ടെന്ന ബോധമാണ്.

ജാനി എല്ലാവർക്കും കോഫി വെച്ചു. അപ്പോഴെക്കും അമ്മുവും അങ്ങോട്ടേക്ക് വന്നിരുന്നു.

അമ്മു... ഈ കോഫി ദേവിന് കൊണ്ട് കൊടുക്ക്.
അവളുടെ കൈയിലേക്ക് കോഫി കപ്പ് കൊടുത്തു കൊണ്ട് ജാനി പറഞ്ഞു.

ഞാൻ അവരെ പോയി വിളിച്ച് എഴുന്നേൽപ്പിക്കട്ടെ ... ജാനി തിടുക്കത്തിൽ നടക്കാൻ നിന്നപ്പോൾ അമ്മു അവളുടെ കൈയിൽ പിടിച്ച് നിർത്തി.

ചേച്ചിമ്മ ... എനിക്കൊരു സ്വകാര്യം പറയാനിണ്ട് ... ഇത്തിരി കഴിഞ്ഞ് പറയാവേ...
അമ്മു ജാനിയുടെ കാതിൽ മെല്ലെ പറഞ്ഞു.

ജാനി അമ്മുവിനെ ഒന്ന് ആസകലം നോക്കി.

നല്ല ഹാപ്പിയാണല്ലോ ... ഇന്നലെ വരെ വെളിത്തിരിവില്ലാതെ നടന്നിരുന്നതാ...
ജാനി  ആലോചിച്ചു.

ഇന്നലെ രണ്ടും ഉറങ്ങിയിട്ടില്ലല്ലേ ... ജാനി അമ്മുവിനെ നോക്കി ഗൗരവത്തോടെ ചോദിച്ചു.

അമ്മു ചിരിച്ചു കൊണ്ട് ദേവിന്റെ മുറിയിലേക്ക് ഓടി പോയി.

പതുക്കെ പോ അമ്മു... അവളുടെ ഓടി കണ്ട് ജാനി വിളിച്ച് പറയുന്നുണ്ട്.

സിത്തു ... ഗൗതം ... മഹി ...
ജാനി മൂന്നു പേരെയും മാറി മാറി വിളിക്കുന്നുണ്ട്. എന്നാൽ എണീക്കുന്ന മട്ടില്ല മൂന്നും .

ഗൗതം ഇത്തിരി നേരം കൂടി എന്ന് പറഞ്ഞ് കിടക്കാണെങ്കിൽ ... സിത്തു ഇതൊന്നും തന്നെ ബാധിക്കുന്ന കാര്യമേയല്ല എന്ന രീതിയിലാണ് കിടക്കുന്നത്.

അവസാനം ജാനി അമ്മമാരുടെ ആസ്ഥാന ബുദ്ധി പ്രയോഗിച്ചു. റൂമിലെ എ.സിയും ഫാനും നിർത്തി ലൈറ്റ് ഓൺ ചെയ്തു വെച്ചു.

മഹി ദയനീയമായി അവളെ നോക്കി.

നിനക്കിപ്പോഴും ഒരു മാറ്റവുമില്ലല്ലേ ... ആ ലൈറ്റ് എങ്കിലും ഒന്ന് നിർത്ത് ...
മഹി അപേക്ഷ രൂപേണ അവളോട് പറഞ്ഞു.

ജാനി അവനെ നോക്കി മുഖം കോട്ടി റൂമിന് പുറത്തേക്ക് ഇറങ്ങാൻ നിന്നപ്പോഴാണ് സിത്തുവിന്റെ സംസാരം കേൾക്കുന്നത്.

പപ്പാ, അമ്മീക്ക് ഉറങ്ങാൻ പറ്റാത്ത കുശുബാ ...
സിത്തു പതുകെ പറയാനാണ് ഉദ്ദേശിച്ചത് എങ്കിലും പറഞ്ഞപ്പോൾ ഉറക്കെയായി.

സിത്തു ... ഞാൻ വെള്ളമെടത്ത് നിന്റെ തല വഴി ഒഴിക്കുന്നതിനും മുൻപ് എണീക്കുന്നുണ്ടോ ...

സിത്തുവിന്റെ സംസാരം കേട്ട് ചിരിയാണ് വന്നതെങ്കിലും ഗൗരവം നടിച്ചു കൊണ്ടാണ് ജാനിയത് പറഞ്ഞത്.

ഞാൻ എപ്പഴേ എണീറ്റു അമ്മീ ... എന്നും പറഞ്ഞ് സിത്തു ബാത്ത്റൂമിലേക്ക് ഓടി കയറി. ഒരു ചിരിയോടെ കൈയും കെട്ടി ഇതെല്ലാം നോക്കി നിൽക്കുകയാണ് ജാനി.

ഗൗതം, നിന്നോട്ട് ഇനി പ്രത്യകം പറയണോ...

സിത്തു പോവുന്നതും നോക്കി കിടക്കുന്ന അവനെ നോക്കി ജാനി ചോദിച്ചു. ഗൗതം ചാടി എണീറ്റ് താഴെക്ക് പോയി.

റൂമിലെ ലൈറ്റ് ഓഫ് ചെയ്ത് ഫാൻ ഇട്ടു മഹിയെ കൂർപ്പിച്ചു നോക്കി. മഹി അവളെ വലിച്ച് ബെഡിലേക്ക് കിടത്തി ചുറ്റി പിടിച്ചു.

വിട് മഹി ... എനിക്ക് താഴെ പണിയുണ്ട് ... സിത്തു ഇപ്പോ വരുവേ...
അവന്റെ കൈ വിടുവിക്കാൻ നോക്കി കൊണ്ട് അവൾ പറഞ്ഞു.

അവൻ പതിയെ കൈയച്ചതും ജാനി ബെഡിൽ നിന്ന് എഴുന്നേറ്റു . അവൾ റൂമിൽ നിന്ന് പോവുന്നതും നോക്കി മഹി അങ്ങനെ തന്നെ കിടന്നു.

ജാനി ഗൗതമിനും സിത്തുവിനും കോഫി കൊടുത്ത് ഗൗതമിനെ കുളിക്കാൻ പറഞ്ഞയച്ചു. സിത്തുവും അമ്മുവും ഭയങ്കര സംസാരമാണ്. കാർട്ടൂൺ ആണ് വിഷയമെന്ന് തോന്നുന്നു.

ജാനി മഹിക്കുള്ള കോഫിയുമായി മുറിയിലേക്ക് പോയപ്പോൾ അവൻ ബാൽക്കണിയിൽ ഫോണും നോക്കി ഇരിക്കുകയാണ്.

അവൾ മഹിക്ക് കോഫി കൊടുത്തു. അവൻ കണ്ണു കൊണ്ട് അവളോട് അടുത്തേക്ക് ഇരിക്കാൻ പറഞ്ഞു. അവന്റെ ഫോൺ അവളുടെ കൈയിലേക്ക് വെച്ചു കൊടുത്തു. എന്തോ ന്യൂസാണ് ...

ഇത് ... ഇത് ... അയാളല്ലേ ...

ജാനി ന്യൂസ് കണ്ട് ആശ്ചര്യത്തോടെ മഹിയെ നോക്കി.


🌼 തുടരും🌼