\"ടോളിവുഡ് ഇൻഡസ്ട്രിയിലെ പ്രശസ്ത ഡയറക്ടർ ത്രിവിക്രം കാസർവാലി അറസ്റ്റിൽ . പുതുമുഖ നായിക വംശി കപ്പൂറിന്റെ പരാധിയെ തുടർന്നാണ് അറസ്റ്റ് . ത്രിവിക്രമിന് എതിരെ ഒട്ടേറെ കേസുകൾ നിലവിലുണ്ടെന്നാണ് ഇപ്പോൾ ലഭിക്കുന്ന വിവരം. ഇയാളെ കോടതിയിൽ ഹാജരാക്കിയ ശേഷം പോലീസ് പതിനാല് ദിവസത്തേക്ക് റിമാഡിൽ വാങ്ങി. പെൺക്കുട്ടികൾക്ക് സിനിമയിലേക്ക് വാഗ്ദാനം നൽകി ചൂഷണം ചെയ്തതായും വി. ഐ. പി എസ്കോർട്ടുക്കളായും ഉപയോഗിക്കുന്നുവെന്ന അഭ്യൂഹവും ഇതിനിടെ കാട്ട് തീ പോലെ പടരുന്നുണ്ട്.\"



ഇത് ... ഇത് ... അയാളല്ലേ ...


ജാനി ന്യൂസ് കണ്ട് ആശ്ചര്യത്തോടെ മഹിയെ നോക്കി.

മഹിയൊന്ന് അമർത്തി മൂളി.

നീയെന്താ ജാനി വിചാരിച്ചേ ...എന്റെ മോളെ മോശമായ രീതിയിൽ കാണാൻ ശ്രമിച്ച അയാളെ ഞാൻ വെറുതെ വിടുമെന്നോ ...ഇല്ലേൽ പിന്നെ ഒരച്ഛനാണെന്ന് പറഞ്ഞിട്ട് എന്താ കാര്യം ... മക്കളെ ഉണ്ടാക്കാൻ മാത്രമല്ല ... നേർവഴി കാട്ടി സംരക്ഷണ വലയം തീർത്ത് അവരോടൊപ്പം ഉണ്ടാവണം മാതാപിതാക്കൾ ...

മഹിയുടെ വാക്കുകൾ ജാനിയെ സന്തോഷിപ്പിച്ചുവെങ്കിലും അവന്റെ അവസാന വാക്കുകൾ അവളെ കുത്തി നോവിച്ചു.

മഹി ...
ജാനി പതിയെ വിളിച്ചു.

മഹിയവളെ ചേർത്ത് പിടിച്ചു. പതിയെ അവന്റെ തോളിലേക്ക് അവൾ തല ചായിച്ചു.

ജാനി ...നിന്നെ വേദനിപ്പിക്കാൻ വേണ്ടി പറഞ്ഞതല്ല ... ഇവിടെ എല്ലാ തെറ്റും നിന്നിൽ ചുമത്താനും എനിക്ക് കഴിയില്ല.കാരണം തെറ്റ് അതെന്റെ ഭാഗത്തുമുണ്ട്.

മഹി അവളെ ആശ്വാസിപ്പിക്കാൻ ശ്രമിച്ചു. അവളൊന്നും പറയുന്നില്ലെന്ന് കണ്ടതും അവൻ വീണ്ടും സംസാരം തുടർന്നു.

ആദ്യം ഞാനാ ദേഷ്യത്തിൽ ഇപ്പോൾ ചെയ്യുന്ന മൂവിയിൽ നിന്ന് പിന്മാറിയാലോ എന്ന് വരെ വിചാരിച്ചു. പിന്നീട് തോന്നി അയാളോടുള്ള ദേഷ്യത്തിൽ ആ മൂവിയുടെ അണിയറയിൽ പ്രവർത്തിക്കുന്ന അത്രയും പേരുടെ കഷ്ടപ്പാടിനെ ഇല്ലാത്താക്കരുതെന്ന്. ഒരു മൂവിക്ക് പിറകിൽ ദിവസ കൂലിക്ക് വരെ ജോലി ചെയ്യുന്നവരുണ്ട്. അവരെല്ലാം ഇതിലൂടെയാണ് ജീവിക്കുന്നത് തന്നെ. അപ്പോഴാണ് ഞാൻ പലപ്പോഴായി കാസർവാലി വംശിയോട് മോശമായി പെരുമാറുന്നത് ഓർമ്മ വന്നത്. വംശി ഇപ്പോൾ ചെയ്യുന്ന മൂവിയിലെ സുപ്പോർട്ടിങ് ആക്ട്രസാണ്. ഇതിനു മുൻപ് ഇതെല്ലാം കണ്ടിട്ടുണ്ടെങ്കിലും കാര്യമാക്കിയില്ല ... ഇത്തരം കാര്യങ്ങൾ സാധാരണമാണ്. എന്നാലും അവളുടെ കണ്ണുക്കളിൽ പലപ്പോഴും അയാളോടുള്ള ഭയം ഞാൻ കണ്ടിട്ടുണ്ട്.


ജാനി അവനെ തന്നെ ഉറ്റുനോക്കുന്നുണ്ട്. അവളുടെ കണ്ണുകൾ അവന്റെ വാക്കുകളിലൂടെ എന്തിനോ പരതുകയാണ്. തനിക്ക് വേണ്ട ... കച്ചിതുരുബിനായി ... തുടക്കം കുറിക്കാനുള്ള സാമ്പിൾ വെടികെട്ടിനായി ...


അന്ന് രാത്രി  ഷൂട്ടിംഗ് കഴിഞ്ഞു പോവുമ്പോൾ തന്നെ വംശിയോട് സംസാരിക്കണമെന്ന് പറഞ്ഞു. പക്ഷേ അവൾ ഇപ്പോൾ  തന്നെ സംസാരിക്കാം എന്ന് പറഞ്ഞപ്പോൾ അവളോട് എന്റെ കാരവാനിലേക്ക് വരാൻ പറഞ്ഞു.


എങ്ങനെ സംസാരിച്ച് തുടങ്ങുമെന്ന ഒരു പിടിയുമുണ്ടായില്ല. ഒരു പെണ്ണിനോട് എങ്ങനെ അവളുടെ ചാരിത്രത്തെ അപമാനിക്കുന്ന രീതിയിലുള്ള കാര്യങ്ങളെ കുറിച്ച് ചോദിക്കും. പക്ഷേ എന്നെ അതിശയിപ്പിച്ചു കൊണ്ട് വംശി ഇങ്ങോട്ട് സംസാരിച്ചു തുടങ്ങി. അവളൊരു സഹായമാണ് ചോദിച്ചത്. എന്താണെന്ന രീതിയിൽ ഞാൻ നോക്കിയപ്പോൾ അവൾ തന്നെ പറഞ്ഞു തുടങ്ങി.


ആദ്യമൊരു അപേക്ഷയായിരുന്നു. എന്നെ എങ്ങനെയെങ്കിലും രക്ഷിക്കണമെന്ന് പറഞ്ഞ് ... പിന്നീട് അവളുടെ ഒരോ വാക്കുകളിലൂടെ അയാളോടുള്ള വെറുപ്പും ദേഷ്യവും ദയനീയമായ അവസ്ഥയും ഞാൻ നേരിൽ കണ്ടു. 

വംശിയുടെ അച്ഛൻ സിനമെറ്റോഗ്രഫർ  ആയിരുന്നു. അയാളുടെ സ്വപ്നമാണ്  അവളുടെ സിനിമാ ജീവിതം. ചെറുപ്പം മുതലേ മനസ്സിൽ കുത്തി നിറച്ച ആശ. എന്നാൽ കേമറാമാന്റെ മകൾക്ക് സിനിമയിൽ അഭിനയിക്കുക എന്ന പറഞ്ഞാൽ അത് അത്ര എളുപ്പമല്ല. അവൾക്ക് എത്ര കഴിവുണ്ടെന്ന് പറഞ്ഞാലും അവസരങ്ങൾ ലഭിക്കാൻ പ്രയാസമാണ്. അതും സാമ്പത്തികമായി പിന്നോക്കം നിൽക്കുന്ന കുടുംബവും.

ജാനിയിപ്പോഴും മഹിയെ തന്നെ നോക്കി ഇരിക്കുകയാണ്. അവന്റെ വാക്കുകൾക്കായി കാതോർത്തു കൊണ്ട് ....

പുനെയിലെ Film and Television institute of India (FTII) സ്ക്രീൻ ഏക്റ്റിങിൽ പി.ജി ഡിപ്ലോമ കോഴ്സിന് പഠിക്കുന്ന സമയത്താണ് അവൾക്ക് ഒഡീഷനിലൂടെ സിനിമയിൽ അഭിനയിക്കാനുള്ള ആദ്യത്തെ അവസരം ലഭിക്കുന്നത്. പക്ഷേ ആ മൂവി ഡ്രാപ്പായി. പിന്നീട് കാസർവാലിയുടെ ടീം നടത്തിയ ക്യാമ്പസ് സെലക്ഷനിലൂടെയാണ് അവൾക്ക് വീണ്ടും സിനിമയിലേക്ക് വരാനുള്ള അവസരം ലഭിക്കുന്നത്. പക്ഷേ അവർക്കൊരു കഡീഷൻ ഉണ്ടായിരുന്നു.
വേറെ ഒന്നുമില്ല ഒരു വൺ നൈറ്റ് സ്റ്റാൻഡ് ...


ഒരു രാത്രി അവന്റെ കൂടെ കിടക്കണമായിരിക്കും ...!
ജാനി പുച്ഛത്തോടെ പറഞ്ഞു.


Let me complete ...first...!
ജാനി ഇടയിൽ കയറി സംസാരിച്ചത് ഇഷ്ടമാവാത്ത പോലെ മഹി പറഞ്ഞു.



അവളത്തിന് തയ്യാറായില്ല. മാനത്തിന് വില പറയുന്നൊരു ചാൻസും അവൾക്ക് വേണ്ടന്ന് പറഞ്ഞു. എങ്കിൽ തിരികെ പോയിക്കോളാൻ അയാൾ പറഞ്ഞു. 
എന്നാൽ അവൾ തിരികെ പോരുമ്പോഴാണ് അവളുടെ അമ്മ അവളെ വിളിച്ച് ഹോസ്പിറ്റലിലേക്ക് വരാൻ പറഞ്ഞത്. എന്താ കാര്യമെന്ന് ചോദിച്ചിട്ട് അവരൊന്നും മിണ്ടിയില്ല.


അവൾ നേരെ സിറ്റി ഹോസ്പിറ്റലിൽ പോയി ഡോക്ടറെ കണ്ടു. വംശിക്ക്  താഴെ ഒരനിയത്തി ഉണ്ട് അംശി. പറയത്തക്ക ബന്ധുക്കൾ ആരുമില്ല അവർക്ക് ... അവൾ നേരെ പോയി ഡോക്ടറെ കണ്ടു. അംശിയും അമ്മയുമാകെ പേടിച്ചിരുന്നു. ഷൂട്ടിംങിന് ഇടയ്ക്ക് തലചുറ്റി വീണതാണയാൾ. എന്നാൽ ഡോക്ടറുടെ വാക്കുകൾ കേട്ട് അവൾ തരിച്ചിരുന്നു പോയി.


ബ്രെയിൻ ട്യൂമറാണ് ... അതും ഇപ്പോൾ 3rd സ്റ്റേജാണ്. എത്രയും പെട്ടെന്ന് craniotomy  ചെയ്തില്ലെങ്കിൽ അയാളുടെ ജീവന് തന്നെയത് അപകടമാണ്. സർജറിക്ക് ശേഷം തെറാപ്പി തുടങ്ങാം. എത്രയും  പെട്ടെന്ന് സർജറിക്ക് വേണ്ട  അഡ്വാൻസ് രണ്ട് ലക്ഷം കെട്ടാൻ ഡോക്ടർ ആവശ്യപ്പെട്ടു. എന്നാൽ സർജറിക്ക് ശേഷം ബാക്കി അമൗൻ്റ് അടക്കണം.


വംശിയുടെ കണ്ണുകൾ നിറഞ്ഞു. ഇനിയെന്ത്... എന്നവൾ ചിന്തിച്ചു. സേവിങ്സ് എന്ന് പറയാനായി അവരുടെ കൈയിൽ ഒന്നും തന്നെയില്ല. ആകെയുള്ളത് വീടാണ് പക്ഷേ അത് വിറ്റാൽ തുടർന്നവർ എങ്ങനെ ജീവിക്കും. ഈ നിമിഷം ഈ ജീവിതം അവസാനിച്ചിരുന്നെങ്കിൽ എന്ന് പോലും അവൾ ചിന്തിച്ചു. 


പെട്ടെന്ന് എങ്ങനെ ഇത്രയും പണം ഒപ്പിക്കുമെന്ന് ചിന്തിച്ച അവളുടെ മനസ്സിലേക്ക് കാസർവാലിയുടെ മുഖം തെളിഞ്ഞു വന്നു. അവൾ അമ്മയോട് കാര്യങ്ങൾ ഒന്നും പറഞ്ഞില്ല. എന്തിനാ വെറുതെ അവരെ കൂടി ടെൻഷൻ അടിപ്പിക്കുന്നേ ...അവളൊരു ഓട്ടോ പിടിച്ച് അയാളുടെ ഫ്ലാറ്റിലേക്ക് പോയി.

( ഇനിയങ്ങോട്ട് പാസ്റ്റ് പ്രസന്റായി എഴുതുന്നു)


എന്താ വന്നത് ... സിനിമയിൽ അഭിനയിക്കാൻ അവസരമാണെങ്കിൽ ഇനിയില്ല ... മാനത്തിന്  വിലയുള്ളവൾ വല്ലോ കൂലി പണിക്ക് പോണം ... ഞാൻ വിചാരിച്ചാൽ നിന്റെ മുഖം ഒരിക്കലും സ്ക്രീനിൽ തെളിയില്ല.

കാസർവാലി അവളുടെ ശരീരത്തിലൂടെ  കണ്ണുകൾ പായിച്ചു കൊണ്ട് പുച്ഛത്തോടെ പറഞ്ഞു.

പ്ലീസ് ... എന്നെ സഹായിക്കണം ... ഞാനെന്ത് വേണമെങ്കിലും ചെയ്യാം ... എന്റെ പാപ്പായുടെ സർജറിക്ക് പൈസ വേണം ... ഞാ... ഞാനെന്ത് വേണമെങ്കിലും ചെയ്യാം ....

ഇടറുന്ന ശബ്ദുവുമായി കരഞ്ഞു കൊണ്ട് അവൾ അവന്റെ കാൽക്കലിൽ മുട്ടു കുത്തി നിന്നു.

എന്തും ... അയാൾ താടിയുഴിഞ്ഞ് ഒരു വഷളൻ ചിരിയോട് ചോദിച്ചു.

മ്മ് ...അവൾ ഒന്ന് മൂളുക മാത്രം ചെയ്തു.

നിന്റെ പാപ്പയുടെ എല്ലാ ചികിത്സയും ഞാൻ നോക്കിക്കോളാം... പക്ഷേ ഇന്ന് ഈ നിമിഷം മുതൽ ഞാൻ പറയുന്നത് നീ അനുസരിക്കണം ... ഇല്ലെങ്കിൽ നിന്റെ അമ്മയെയും അനിയത്തിയെയും ഞാനങ്ങു വിൽക്കും പറഞ്ഞ വിലക്ക് ...

അവളൊന്ന് മിഴികൾ ഉയർത്തി അയാളെ നോക്കി. സമ്മതം ... അവളുടെ ചുണ്ടുകൾ മന്ത്രിച്ചു. തന്റെ ജീവിതം നശിച്ചാലും അവർ സന്തോഷമായി ഇരിക്കട്ടെ എന്നവൾ വിചാരിച്ചു. ഇപ്പോൾ അവളുടെ മുന്നിൽ അവളുടെ പാപ്പ മാത്രമേയുള്ളൂ. അയാളുടെ ജീവിതം അതാണ് തന്നിക്കിപ്പോൾ വലുത്.


ഇപ്പോൾ ഈ പൈസ കൊണ്ടു പോയി നിന്റെ പാപ്പയുടെ സർജറി നടത്ത് ... പിന്നെ ഇന്ന് രാത്രി അണിഞ്ഞൊരുങ്ങി ലില്ലി പ്ലാസയിൽ വരണം ... എന്തെങ്കിലും അനാവശ്യം കാണിച്ചാൽ അറിയാലോ എന്നെ ...!

അയാൾ ഭീക്ഷണിയുടെ സ്വരം മുഴക്കി. എല്ലാം തകർന്നവളെ പോലെയവൾ അവിടെ നിന്നും ഇറങ്ങി നടന്നു.


🌼തുടരും🌼